Close
Faqja 2 prej 3 FillimFillim 123 FunditFundit
Duke shfaqur rezultatin 21 deri 40 prej 44
  1. #21
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    Në Parkun që mbuluan fletët - ISMAIL KADARE

    Në parkun që mbuluan fletët
    Të dy ne ecim qetësisht,
    Pas shijes saj ka shtruar vjeshta
    Qilim të verdhë natyrisht.

    Dhe ndoshta si një ëndërr e zbehtë
    Ju fanit një muzg i vonë
    Ky park që kan' mbuluar fletët
    Ku pas kaq shekujsh ti po shkon.

    Nga vagabondët me cigare
    Ti mos u tremb e dashur kot
    Imazhin tënd as dinosaurët
    Shekuj më parë s'e shtypën dot.

    Që ti të vije kaq e bukur
    Me këta flokë, me këtë hap
    Toka të egrën klimë e zbuti
    Dhe akullnajat ktheu mbrapsht.

    Dhe s'kish se si të ndodhte ndryshe
    Të ndodhte ndryshe s'kish se si.
    U desh të zhdukeshin përbindshat
    Që te kjo botë të vije ti…


    https://www.shqiperia.com/Ne-Parkun-...an-Fletet.539/
    Ndryshuar për herë të fundit nga sirena_adria : 28-01-2019 më 15:37

  2. #22
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës


  3. #23
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    Në parkun që mbuluan fletët



    Poezia : ISMAIL KADARE - Kompozimi: GJERGJ LEKA

  4. #24
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    Debutimi ne " Koha ne Pentagramin Tim " , 1989.


  5. #25
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    NËNËS - AGIM DOÇI

    Puthi foshnjen dhe e rriti
    Puthi qiellin dhe e ndriti
    Puthi plagen e sheroi
    Vetem Nena

    E puth ballin celin lule
    E puth gushen me pekule
    Puth ajo inati ulet
    Vec nga Nena

    Themi NENE kur na ther zemra
    Dhe kur s’eshte buzeqesh nder endra
    Se eshte Nene e dashurive
    Mal nga dhembja

    Nina nana na perkundi
    Dore e saj e bardhe si pllumbi
    Vec nga Zoti dhe nga nena
    Celet jeta

    Hap i saj i lehte si flutur
    Kur ne dhembje vjen i pari
    Zeri saj aq shume i bukur
    Zgjon te vdekurin nga varri

    http://www.eraeveriut.com/agim-doci-nenes/



  6. #26
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    E Duam Lumturinë - AGIM DOÇI

    Kur një zog, një pëllumb ne shikojmë
    duam krahë si ata të fluturojmë
    zemra jonë tik e tak kur troket
    me zemrat flet

    Në çdo stinë kudo janë pranverojnë
    dhe në sy ata mbajnë jetën tonë
    dashurinë, lumturinë e pafund
    dhe ëndërra shumë

    Kanë një botë me ëndërra
    janë të vegjël shumë
    mos lëndoni nënat
    syrin e pagjumë

    (2 herë)
    Të gjitha do i dhuroja
    kaq të lumtur ti shikoja
    dhe fëmijët në gjithë globin
    anembanë

    Mos ja u prishni lumturinë
    mos iu prekni dashurinë
    askërrkush mos ta provojë
    se nënat s'ju lejojnë

    Fjala "Nënë" kudo në botë
    zgjon në zemra dashurinë
    mirëmëngjes jetës i thotë
    se nëna e lind njerinë.

    Kjo dorë që e tundi djepin
    gjithë botën e sundon

    Mos ja u prishni ëndërrat
    janë të vegjël shumë
    Mos lëndoni nënat
    syrin e pagjumë

    (2 herë)
    Të gjitha do i dhuroja
    kaq të lumtur ti shikoja
    dhe fëmijët në gjithë globin
    anembanë

    Mos ja u prishni lumturinë
    mos ja u prekni dashurinë
    askërrkush mos ta provojë
    se nënat s'ju lejojnë

    Fjala "Nënë" kudo në botë
    zgjon në zemra dashurinë
    mirëmëngjes jetës i thonë
    se nëna e lind njerin

    Kjo dorë që e tundi djepin
    gjithë boten e gëzon .


    https://www.teksteshqip.com/parashqe...ic-1840350.php
    Ndryshuar për herë të fundit nga sirena_adria : 12-11-2020 më 11:17

  7. #27
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    " E Duam Lumturinë " - PARASHQEVI SIMAKU



    Poezia: AGIM DOÇI - Kompozimi: PIRRO ÇAKO

  8. #28
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    Një pyetje që duhet bërë patjetër - XHEVAHIR SPAHIU

    Mëngjes. Mesditë. Mbrëmja tretet…
    nga kalendari fleta ra.
    shkoi edhe një ditë; unë pyes vetveten:
    “ditës ç’i dhe e çfarë të dha?”

    Një ditë shkoi. Pas saj vjen tjetra,
    ti mbjell një pemë, një gur ti ve;
    nga guri, ja, u ngrit ndërtesa,
    dhe pema pyll i madh u bë!

    Koha vrapon. Vrapon si lumë;
    nga kalendari fleta ra.
    Vetvetes pyetjen i bëj unë:
    “Ditës ç’i dhe e çfarë të dha ?”


    https://www.teksteshqip.com/xhevahir...ezi-108532.php

  9. #29
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    TOKA E DIELLIT - XHEVAHIR SPAHIU

    Buzë kaltërsisë, ja një shelg, thonë se loton
    Pranë bukurisë, ja një yll, thonë se ëndërron
    Në çdo ujëvarë, ja një diell, lind dhe perëndon
    Në çdo pulëbardhë krahëlehtë, kush jeton?

    Tek çdo njeri, ja një shpresë, rritet, lulëzon
    Në horizont, ja një velë, det kërkon
    Pranë dashurisë, një re bëhet pemë e gjelbëron
    Në çdo shqiponjë krahëlirë ne jetojmë

    Fjala "liri" nëpër natë ndez një vetëtimë
    Buzët e saj janë përherë etje për njerinë
    Fjala "liri" lind një botë, botën e ndriçon
    Dhe në çdo kohë mbijeton

    O Shqipëri, m’i fal pranverat
    Mbaj në shpirt zjarrin tënd
    çudinë e tetë të botës.
    O këngë diellore shpalosi velat
    Si shqiponjë nëpër botë fluturo, fluturo!
    Si shqiponjë në të ardhmen, fluturo!

    Buzë kaltërsisë, ja një shelg, thonë se loton
    Pranë bukurisë, ja një yll, thonë se ëndërron
    Ne çdo burim, si legjendë era vjen e shkon
    Ne çdo legjendë krahëshpend, kush jeton?

    Tek çdo njeri, ja një shpresë, rritet, lulëzon
    Në horizont, ja një velë, det kërkon
    Pranë dashurisë, një re bëhet pemë e gjelbëron
    Ne çdo shqiponjë krahëlirë ne jetojmë.

    Fjala "liri" nëpër natë ndez një vetëtimë
    Buzët e saj janë përherë etje për njerinë
    Fjala "liri" lind një botë, botën e ndriçon
    Dhe në çdo kohë mbijeton

    O tokë e diellit, m’i fal pranverat
    Mbaj në shpirt zjarrin tënd
    çudinë e tetë të botës.
    O këngë diellore shpalosi velat
    Si shqiponjë nëpër botë fluturo, fluturo!
    Si shqiponjë në të ardhmen, fluturo!


    https://lyricstranslate.com
    Ndryshuar për herë të fundit nga sirena_adria : 11-01-2021 më 11:52

  10. #30
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    " Toka e Diellit " - FREDERIK NDOCI, MANJOLA NALLBANI, JULI NDOCI (1989)



    Poezia: XHEVAHIR SPAHIU - Kompozimi: ALEKSANDER PEÇI

  11. #31
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    KUR TË JESH MËRZITUR SHUMË - DRITËRO AGOLLI

    Ketu s' do te jem, do jem larguar;
    Ne toke i tretur si te tjeret,
    Ne kafenene e preferuar
    Nuk do me shohin kamarieret.

    Dhe neper udhet ku kam ecur,
    S'do ndihet kolla ime e thate,
    Mbi varrin tim do te rrije i heshtur
    Nje qiparis si murg i ngrate.

    Ti do trishtohesh atehere,
    Se s'do me kesh ne dhome gjalle,
    Dhe, kur ne xham te fryje ere,
    Do qash me eren dalengadale.

    Po kur te jesh merzitur shume.
    Ne raft te librave kerkome,
    Atje do te jem i fshehur une,
    Ne ndonje varg a ndonje shkronje

    Mjafton qe librin pak ta heqesh
    Dhe une do zbres, do vij pas teje;
    Ti si dikur me mall do qeshesh,
    Si nje blerim pas nje rrekeje.

    https://www.teksteshqip.com/dritero-...ezi-100159.php

  12. #32
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës


  13. #33
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    Kur të jesh mërzitur shumë



    Poezia : DRITËRO AGOLLI - Kompozimi: ARDIT GJEBREA

  14. #34
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    MALL - ISMAIL KADARE

    Ca pika shiu ranë mbi qelq.
    Për ty unë befas ndjeva mall.
    Jetojmë të dy në një qytet,
    Dhe rrallë shihemi sa rrallë.

    Edhe m'u duk pak e çuditshme
    Si erdh kjo vjeshtë, ky mëngjes.
    Qiejt e ngrysur pa lejlekë
    Dhe shirat pa ylber në mes.

    Dhë thënia e vjetër e Heraklitit
    Seç m'u kujtua sot per dreq:
    "Të zgjuarit janë bashkë në botë,
    Kurse të fjeturit janë veç".

    Në ç'ëndërr kemi rënë kaq keq,
    Që dot s'po zgjohemi vallë?...
    Ca pika shiu ranë mbi qelq
    Dhe une për ty seç ndjeva mall


    https://www.teksteshqip.com/ismail-k...ezi-100153.php
    Ndryshuar për herë të fundit nga sirena_adria : 21-03-2021 më 16:41

  15. #35
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    " Mall " - LILJANA KONDAKÇI



    Poezia : ISMAIL KADARE - Kompozimi: MAKSIM SHEHU


    Koncerti i Pranveres 1989.

  16. #36
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    " Mall " - PIRRO ÇAKO & INVA MULA



    Poezia : ISMAIL KADARE - Kompozimi: PIRRO ÇAKO

    1989


    Interpretim Solo nga Kantautori PIRRO ÇAKO - Acoustic Version.

    https://www.youtube.com/watch?v=ZdbH_2sp5tA
    Ndryshuar për herë të fundit nga sirena_adria : 30-08-2021 më 08:53

  17. #37
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    KU ËSHTË DASHURIA - FLORIAN ZYKA (RONI)

    Pse të trembur zogjtë në pemë sot po rrinë,
    pse s'po fluturojnë, pse s'po cicërijnë ?
    Dielli lart në qiell, pse ngjan si i ngrirë,
    Pse çdo ditë që vjen shohim më pak dritë ?

    Përse sot po jetojmë
    në një botë të egër, në një botë të ftohtë ?
    Përse ne shohim vec veten dhe harrojmë se
    jo nuk do jetojmë përjetësisht ?

    Ku është dashuria, ku është, pse mungon
    dhe sa kohë akoma të gjithë pa të ne do jetojmë?
    Ku është lumturia, ku është, kush e di,
    Edhe sa kohë do e fshehim ne mirësinë ?

    Pse qyteti ndjen e ndjen ftohtësi,
    edhe pse kalojmë nëpër rrugët e tij ?
    Pse asgjëja i zë vendin ngrohtësisë,
    pse ka më pak shpresë dhe më pak besim ?

    Përse ne midis njerëzve
    ndihemi të vetëm si pa njeri ?
    Pse ne shohim veç veten dhe harrojmë se
    jo nuk do jetojmë përjetësisht.

    Ku është dashuria, ku është, pse mungon
    dhe sa kohë akoma të gjithë pa të ne do jetojmë?
    Ku është lumturia, ku është, kush e di,
    Edhe sa kohë do e fshehim ne mirësinë ?
    Ndryshuar për herë të fundit nga sirena_adria : 30-08-2021 më 10:04

  18. #38
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    Ku eshte dashuria - MARIZA IKONOMI (2006)



    Kompozimi: KRISTI POPA - Poezia: FLORIAN ZYKA (RONI)
    Ndryshuar për herë të fundit nga sirena_adria : 30-08-2021 më 10:06

  19. #39
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    PIEDESTAL - FLORIAN ZYKA (RONI)

    I hap sytë
    të shoh me qartë,
    por në çdo hap
    Ne jemi dhe më larg.

    Është e ftohte çdo fjalë
    ky qytet i madh.
    Është e ftohtë buzëqeshja që më jep,
    S'ka jetë.

    Dorën zgjas,
    që ta heq këtë maskë,
    para se të jetë tepër vonë,
    dhe vehten ta humbas.

    Nëse ti guxon,
    Dhe si unë beson,
    Ndoshta nesër,
    Një botë tjetër do jetojmë.

    Muret e vetmisë do të bien,
    Tempuj dashurie le të ngrihen,
    Si për engjëj e për djaj,
    Që brenga mbajnë…
    Është koha porsi dielli të zgjohesh,
    Është koha zëri yt të dëgjohet,
    Mbi një piedestal, zemrën mbaj.

    Heshtur flas
    Me ditët që lash pas,
    Dhe kuptoj, nuk duhet të ndalojmë,
    Shpresa mos t'humbas.

    Nëse ti beson,
    Dhe si un guxon,
    Të gjithë nesër
    Një botë tjetër do jetojmë.

    Muret e vetmisë do të bien,
    Tempuj dashurie le të ngrihen,
    Si për engjëj e për djaj,
    Që brenga mbajnë
    Është koha porsi dielli të zgjohesh,
    Është koha zëri yt të dëgjohet,
    Mbi një piedestal, zemrën mbaj.

    Botën e mbaj
    Përmbi duar tani
    Dua ngjyra ti jap
    Mos ta shoh bardh e zi
    Dua dhe njëherë
    Të shkojm’ në përjetësi,
    Jo më gjunjë që dridhen drejt humnerës,
    Ka dhe dritë për ty.

    Koha ndaloi,
    Hey s'ka më errësirë,
    Sytë e tu më thanë
    Jo asgjë s'na ndal.

    Muret e vetmisë do të bien,
    Tempuj dashurie le të ngrihen,
    Si për engjëj e për djaj,
    Që brenga mbajnë
    Është koha porsi dielli të zgjohesh,
    Është koha zëri yt të dëgjohet,
    Mbi një piedestal, zemrën mbaj.


    https://www.teksteshqip.com/inis-nez...ic-1951015.php
    Ndryshuar për herë të fundit nga sirena_adria : 30-08-2021 më 11:06

  20. #40
    i/e regjistruar
    Anëtarësuar
    29-11-2010
    Postime
    16,200

    Për: Poezia e Këngës

    Piedestal - INIS NEZIRI



    Kompozimi: GRIDI KRAJA - Poezia: FLORIAN ZYKA (RONI)

Faqja 2 prej 3 FillimFillim 123 FunditFundit

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •