Rozmari Jorganxhi

[sirena_adria]

Rozmari Jorganxhi, dirigjentja e parë shqiptare

KultPlus, sjellë disa kujtime nga Rozmari Jorganxhi, dirigjentja e parë shqiptare. Ajo për herë të parë para publikut si dirigjente ka dalë me suitën për kor dhe orkestër “Vullnetarët” të të ndriturit dhe të madhit kompozitorit Tonin Harapi.

Rozmari Jorganxhi ka nisur karrierën e saj që në vitin 1959 si soliste lirike, “Mezzosoprano” në TOB dhe ka interpretuar me profesionalizëm në nivele të larta role nga operat ndërkombëtare, por edhe ato kombëtare.

Nga viti 1967-1984 ajo ka dirigjuar Korin e TOB duke qenë femra e parë dirigjente e këtij institucioni unik të kulturës shqiptare. Më 1993 Jorganxhi në moshën 56-vjeçare fiton audicionin dhe fillon si këngëtare profesioniste në Teatrin Giusepe Verdi të Triestes ku këndoi për 10 vjet. Zonja Jorganxhi ka dhënë dekada mësim në Universitetin e Muzikës duke i dhënë kulturës shqiptare emra artistësh si në fushën e dirigjimit ashtu edhe në atë të kantos.

Rozmari ka lindur në një familje me tradita muzikore nga ana e të atit , “Artistit të Merituar” Gaqo Jorganxhi, i cili këndoi për 65 vjet si solist në qytetin e Korçës, që prej vitit 1920, kur u krijuan shoqëritë e para muzikore në këtë qytet.

Vetë qyteti i Korçës ka nxjerrë artistë lirike si Tefta Tashko Koço, Jorgjie Truja,( e cila ka qenë dhe regjisorja e parë e TKOB), Mihal Ciko, Kristaq Antoniu etj, ( kanë qenë dhe mbeten ikona, qe ngritën themelet e artit lirik në Shqipëri).

Shkoi për studime në Liceun Artistik “Jordan Misja” në Tiranë, ku pati si pedagoge kantoje “Artisten e Popullit” Marie Kraja. Në atë kohë pedagogë kantoje si ajo ishin dhe këngëtarët e parë lirikë si Jorgjie Truja, Gjyzepina Kosturi, Mihal Ciko.

Më pas shkoi për studime në Konservatorin e Moskës për kanto ku ishin: Avni Mula “ Nderi i Kombit”, Mentor Xhemali “Artist i Popullit”,Gjoni Athanas “Mjeshtri i Madh”, Ibrahim Tukiqi “Artist i Popullit”. E vetmja vajzë mes tyre ishte Rozmari që ishte dhe më e reja në moshë, vetëm 15 vjeç!

Në këtë Konservator , sot Akademia e Artit të muzikës, ajo gjeti të ndriturin Lluk Kaçaj “Nderi i Kombit”, Albert Papariston, Maliq Herrin, Çesk Zadenë “Artist i Popullit”, Tish Daijen “Nderi i Kombit”, Dhora Lekën, Hamide Stringën.

Për dirigjentë me të kanë studiuar Rifat Teqja “Artist I Popullit”, për dirigjent orkestre dhe Milto Vako “Artist i Merituar” dirigjent kori.

Më vonë erdhën për studime në këtë Konservator kompozitor Nikolla Zoraqi “Artist i Popullit”, këngëtaret si Irena Gjergo, Luiza Papa, Gjinovefa Heba, Gaqo Çako “Artist i Popullit”. Vazhdoi dirigjimin dhe kanton për 7 vjet duke dalë shkëlqyeshëm.

Në vitin 2017, në moshën 80-të vjeçare ajo mori titullin “Mjeshtre e Madhe”./ KultPlus.com


http://www.kultplus.com/muzika/rozma...are-shqiptare/

[sirena_adria]

Dirigjentja e Pare Shqiptare

[sirena_adria]

Carmen - Bizet

[sirena_adria]

Sa shume ART ne nje Familje Artistesh, Gjenerate pas Gjeneratash ! E mrekullueshmja Gjyshe !



( Dorina e katerta ne radhe ...... )

[sirena_adria]

Interviste per "Arratia e Peshkut te Kuq" nga Rezarta Reci.



Tetor 2016 - Trieste, Itali.

[sirena_adria]

Pemë në përkujtim të Jorganxhi, Veliaj: Tirana di t’i nderoje figurat e saj

Një pemë në qender të Tiranës per mexosopranon e njohur shqiptare, Rozmari Jorganxhi, e cila u nda nga jeta një vit më parë, në moshën 83-vjeçare. Familjarë, miq, artistë apo ish-nxënës e studentë të këngëtares me famë ndërkombëtare u mbledhen për ta përkujtuar përmes një ceremonie të organizuar nga Bashkia e Tiranës, në nder të figurës së njohur të Teatrit të Operas dhe Baletit dhe jo vetëm, pasi Jorganxhi 10 vitet e fundit të karrierës së saj ia kushtoi Teatrit “Giusepe Verdi” në Trieste të Italisë.

“Është vërtet emocionuese të jem sot ketu me shumë miq, per te perkujtuar nje personalitet si Rozmari Jorganxhi,” u shpreh mes emocionesh, kryetari i Bashkisë së Tiranës, Erion Veliaj, pas performancës muzikore të mbajtur nga grupi muzikor “Rozafa Expression”, dirigjuar nga profesor Zef Çoba, ish-nxënës i solistes lirike, po ashtu dirigjente e korit të TOB.

“Sot jam i nderuar që do të mbjellim një pemë mu në zemër të qytetit, për të kujtuar të dashurën tonë Rozmari Jorganxhi. Ditë si kjo na kujtojnë personalitetet që do mbeten këtu edhe kur ne kalimtarët të mos jemi më. Teksa mbjellim këtë pemë sot, një përkujtim shumë i veçantë, dua që sa herë që të kaloni e të shihni atë pemë që hedh rrënjë, të kujtoni mikeshën tonë dhe ata që lanë gjurmë në qytetin tonë. Kur të shkruhet historia nuk do mbahet mend zhurma, por do mbahet mend muzika, e cila do ketë një vend të veçantë në memorien, por edhe në hapësirën fizike të këtij qyteti,” tha më tej kryebashkiaku Veliaj.

Djali i mezzosopranes së njohur, e quajtur edhe mbretëresha e muzikës Bel Canto në Trieste, kantautori i njohur Gergj Leka, shprehu falënderimin dhe mirënjohjen e tij të thellë në emër të gjithë familjes, sidomos ndaj Bashkisë së Tiranës. “Unë jam mësuar të flas për muzikën, por të flasësh për nënën është shumë e vështirë. Sot i jam shumë mirënjohës Bashkisë së Tiranës, i vetmi institucion që u kujtua për Rozmari Jorganxhi si artiste, falë kulturës, zemërgjerësisë dhe mirësisë së zotit Veliaj dhe një stafi të mrekullueshëm. Ju faleminderit shumë të gjithëve. Nuk kam si të mos falënderoj dhe të gjithë miqtë e nënës sime, e them me gjithë gojën miqtë, pastaj kolegët që na u bashkuan në këtë ditë,” u shpreh kantautori Gjergj Leka.

Rozmari Jorganxhi ka interpretuar me profesionalizëm në nivele të larta role nga operat kombëtare, por edhe ato ndërkombëtare. Jorganxhi ishte e para dirigjente femër e Teatrit të Operas dhe Baletit. Më vonë ajo u transferua në Teatrin Giusepe Verdi të Triestes ku këndoi për 10 vjet.


Mapo.al

https://gazetamapo.al/peme-ne-perkuj...figurat-e-saj/