Festohet Theofania - Shfaqja e Zotit - Dita e Ujit të Bekuar në mbarë vendin

[Albo]

Tiranë - Mijëra besimtarë në kremtimin e Theofanisë

Në të kremten e Theofanisë, mijëra besimtarë iu drejtuan sot Katedrales "Ngjallja e Krishtit", në Tiranë, për të marrë pjesë në Liturgjinë Hyjnore dhe Shërbesën e Bekimit të Ujit. Këto shërbesa u kryen nga Kryepiskopi i Tiranës, Durrësit dhe Gjithë Shqipërisë, Anastasi, i ndihmuar nga Mitropoliti i Amantias, Nathanaili dhe Episkopi i Bylisit, Asti, si dhe klerikë të Kryepiskopatës.

Të shoqruar nga psalja e këndimeve të kësaj dite, ku më e njohura është Përlëshorja e të kremtes: “Kur pagëzoheshe në Jordanin, o Zot, për ne, ahere falja e Trinisë së Shenjtë kudo u shfaq, se zëri i Atit po na dëshmonte për Ty faqeza dhe Bir të dashur të tij po të quante, edhe Shpirti i Shenjtë si një pëllumb, vërtetonte çdo fjalë me siguri. O Krisht Perëndi, që u shfaqe dhe ndriçove botën, lavdi më Ty!”, besimtarët u drejtuan tek çezmat e lidhura me çisternat me ujin e bekuar, për të marrë dhe çuar në shtëpitë tyre këtë bekim që zgjat për tërë vitin.














KOASH

[Albo]

Edhe këtë vit besimtarët e Kishës Shën Athanasi Selenicë pas ceremonive të kryera në Kishë shkuan në lumin Vjosë rreth 5 km nga Kisha dhe kryen ritualin e hedhjes së Kryqit.Në ujërat e ftohta të lumit u hodhën të rinjtë Mateo Bombaj,Andrea Mitraj dhe Dhimitër Beko.Kryqin kësaj here e kapi Andrea Mitraj.I urojmë Andreas dhe të gjithë pjesëmarësve në këtë ceremoni shëndet dhe lumturi në familjet e tyre.Perëndia i bekoftë dhe ju dhëntë gjith të mirat e dheut.

[Albo]

Kremtimi i Pagëzimit të Zotit dhe Perëndisë dhe Shpëtimtarit tonë,Jisu Krisht,në lumin Jordan, prej Shën Joani Pagëzorit. Dita e Ujit të Bekuar, (Epifanisë, Theofanisë), në qytetin e Vlorës. PËR SHUMË VJET!

[Albo]

Momente nga kremtimi i Theofanisë - Pagëzimit të Krishtit - Bekimit të ujit, Sarandë, 2018

[Albo]

Uji i Bekuar (Theofania) në Korçë! (Fotografi+Video)



Në Katedralen Ngjallja e Krishtit në Korçë nën udhëheqjen e Mitropolitit të Shenjtë të Korçë, imzot +Joanit u Kremtua Ceremonia e Theofanisë (Ujit të Bekuar). Pas Agjiazmosë (Shenjtërimit të Ujit) sipas traditës u bë dhe ankandi i ikonave gjatë të cilët besimtarët marrin ikonat për 40 ditë në shtëpi dhe tregojnë bujarinë e tyre duke ndihmuar kishën sipas mundësisë ekonomike që kanë. Në fund të ceremonisë nderoi me pjesmarrjen e tij dhe Presidenti i Republikës Ilir Meta, të cilin si + imzot Joani ashtu dhe besimtarët e falenderuan. Në kremtim mori pjesë dhe Haxhi Baba Mondi, Kryegjysh i Kryegjyshatës Botërore të Bektashinjëve.
Gëzuar për shumë vjet!

[Albo]

Kremtimi i Ujit të Bekuar në Mitropolinë e Beratit

[Albo]

Uji i Bekuar, 13-vjeçari kap për të tretin viti radhazi kryqin

FIER - Besimtarët ortodoksë në qytetin e Fierit kanë festuar sot paradite ditën e Ujit të Bekuar. Kisha e Shën Gjergjit ka organizuar hedhjen e kryqit në ujë. Procesioni nisi me meshën në kishe dhe më pas vargu i gjate I besimtareve iu drejtua shatërvanit në sheshin Europa, ku çdo vit bëhet hedhja e kryqit në ujë.

Disa të rinj u hodhën sipas zakonit në ujë për të marrë kryqin, edhe pse temperaturat ishin të ulëta dhe binte shi.

Ishte një 13-vjeçar, Athanas Davidhi, ai që nxori kryqin nga uji, për të tretin vit radhazi. I riu ia ka dorëzuar kryqin metropolitit At Nikolla, duke marrë bekimin e tij.



Me rreth të kuq 13-vjeçari, Athanas Davidhi, që nxorri kryqin nga uji



Shqiptarja