Libra te rinj

[Diabolis]

Për ata që duan të botojnë tek Milosao, kryeredaktori i saj ka këtë ftesë:

Me rubrikën romeoxhuljeta Milosao synon të afrohet tek letërsia që e “njomë”, duke i dhënë mundësi të gjithëve që shkruajnë “fshehtas” a që janë në fillimet e tyre të prballen me publikun; gjë që një ditë bëhet e paevitueshme.

dhe adresën:

info@milosao.org

për të dërguar krijimet.

[StormAngel]

Sot ne Tetove hapet panairi i katert i librit “Tetova 2004”: Lexuesit mund te gjejne nje numer te madh titujsh


Ne kete panair do te marrin pjese nje numer i madh shtepish botuese nga Maqedonia, Shqiperia dhe Kosova. Shtepite botuese nga Shqiperia dhe Maqedonia do te vijne te organizuara ne nivel te asociacioneve, respektivisht nepermjet Lidhjes se Botuesve Shqiptare te Shqiperise dhe Kosoves

Sot, ne Pallatin e Kultures, ne Tetove hapet panairi i librit shqip “Tetova 2004”, i organizuar nga Shoqata e Botuesve Shqiptare te Maqedonise (SHBSHM) per te katerten here me radhe.



Ne kete panair do te marrin pjese nje numer i madh shtepish botuese nga Maqedonia, Shqiperia dhe Kosova. Shtepite botuese nga Shqiperia dhe Maqedonia do te vijne te organizuara ne nivel te asociacioneve, respektivisht nepermjet Lidhjes se Botuesve Shqiptare te Shqiperise dhe Kosoves. “Ardhjen e kane konfirmuar rreth 20-te shtepi botuese nga Shqiperia dhe Kosova, por numri i tyre mund te jete edhe me i madh, pasi ka shtepi botuese qe vijne vete, jo te organizuara nepermjet asociacioneve”, tha Muhamet Murtezi, kryetar i SHBSHM-se. Disa nga emrat e SHB-ve qe do te marrin pjese ne kete panair jane: “Onufri”, “Toena”, “Eugen”, “Logos-A”, “Albas”, “Vatra”, “Shkupi”, “Furkan”, “Asrdeni” etj.



Gjate ketij panairi do te kete dhe promovime te titujve te rinj nga shtepi te ndryshme botimi.



“Nevoja per organizimin e panaireve te ketilla vazhdon te jete e patjetersueshme per afirmimin e librit shqip ne trevat tona, ne menyre qe lexuesi shqiptar te jete ne rrjedhe te botimeve qe behen ne te gjitha viset shqiptare”, tha Murtezi.



Me pas ai shtoi se e kane lajmeruar edhe ministrin e puneve te mbrendshme dhe shpresojne se nuk do te kete probleme ne pikat kufitare per botuesit nga Kosova dhe Shqiperia.



Panairi do te zgjase deri me 10-te tetor.



Nga:
A.Disha

[Genti^Itali]

Ky vëllim del një vit pas botimit të përmbledhjes “Ca pika shiu ranë mbi qelq”

Ismail Kadare, 60 poezi në “Kristal”


Alma Mile

Nuk mund të qëndronin më bukur se nën emrin “Kristal”. Ndërsa ka kaluar një vit, nga suksesi i menjëhershëm në Panairin e Librit “Tirana 2003”, i përmbledhjes “Ca pika shiu ranë mbi qelq”, shkrimtari i madh, Ismail Kadare, u ka kujtuar edhe njëherë lexuesve, se qenka po aq i mirëpritur edhe në poezi. Këto ditë, në tregun shqiptar të librit është hedhur në qarkullim një tjetër vëllim me poezi i Kadaresë. Nuk bëhet fjalë për krijime të reja, por për një përzgjedhje prej 60 poezish, të cilat datojnë prej vitit 1957 në vitin 1989. Sipas drejtuesit të Shtëpisë Botuese “Onufri”, Bujar Hudhri, “Kristal” vjen si vazhdim i vëllimit poetik “Ca pika shiu ranë mbi qelq”, i cili zgjoi një interes të jashtëzakonshëm tek lexuesi. “Ky është një vëllim, i cili vjen në vazhdën e përmbledhjes së parë, të botuar një vit më parë, duke plotësuar kështu një ansambël prej 100 poezish e poemash e që përbëjnë krijimtarinë më të mirë poetike të Ismail Kadaresë, gjatë një periudhe gjysmëshekullore”, - thotë botuesi Hudhri, duke shtuar se në vitin 2003 akush nuk e mendonte se përmbledhja me poezi do të ngjallte aq shumë interes. Sipas tij, tek lexuesi kanë shkuar rreth 3 mijë kopje të librit “Ca pika shiu ranë mbi qelq”. “Përzgjedhja e poezive e poemave, të përfshira në këtë përmbledhje, është bërë nga vetë autori, i cili mendoi të rendiste në këtë vëllim të dytë, atë pjesë të krijimtarisë së tij që duhej bërë e njohur edhe për brezat më të rinj të lexuesve e që më së shumti e njohin Kadarenë si prozator. Suksesi i librit “Ca pika shiu…”, bëri që botimi më i fundit të realizohej më me seriozitet”, - vazhdon Hudhri. Në vëllimin “Kristal” janë përfshirë poezi të tilla si “Motive studentore”, “Babai”, “Rrugëve të Moskës”, “Kinema e vjetër”, “Piramida e Keopsit”, “Motive me diell”, “Rekuiem për Majakovskin”, “Portret malësori të hershëm”, “Sapuni “Ledi Makbeth”, “Monologu i të vetmuarit”, e shumë të tjera.

[Diabolis]

Nje pjese e shkrimit te Anila Memes tek Panorama:

Agron Tufa
Arian Leka
Mimoza Mezini
Genta Minga
Merita Kuçi
Genc Çoçoli
Çelo Hoxha
Ruxhdi Golaj
Xhevahir Spahiu
Ervin Hatibi
Lujeta Lleshanaku
Sadik Bejko
Idlir Hazizi
Alket Çani
Aleksandër Çipa
Agim Baçi
Fatmir Baçi



Surpriza dhe befasi

Takimi i parë gjithnjë lë mbresa. Kështu ndodhi edhe për shkrimtarin dhe organizatorin e "Poetekës", Arian Lekën. Ky aktivitet lindi në fillim të shtatorit, me poetët Agron Tufa dhe Arian Leka. Madje, edhe për qytetarët e Durrësit ishte një befasi. Një aktivitet, që zhvillohej nën qiell të hapur, e pikërisht pranë Amfiteatrit të Durrësit, një anije e improvizuar dhe poetë që recitojnë poezi shqipe. Ndërsa lexues e dashamirës të poezisë do ta shtonin kurreshtjen e qytetarëve. "Pa dyshim më i veçanti për mua mbetet takimi i parë, sepse ka qenë një befasi për të gjithë ata që kalonin aty pranë. Por patëm edhe shumë mikpritje nga qyteti. Ne kishin parashikuar pesëdhjetë dëgjues, por aty pranë janë mbledhur më tepër njerëz, të cilët ndenjën më shumë se një orë", tregon Leka. "Në takimin e dytë, duke u recituar poezitë e Ervin Hatibit dhe të Petrit Nikës, filloi befas një shi i butë. Ndërsa njerëzit nuk janë larguar aspak, edhe pse shiu vazhdonte të binte për rreth treçerek ore", tregon më tej ai.

[StormAngel]

Me romanin “Dashi i kurbanit ballkanik”: Luan Starova kandidat per cmimin nderkombetar te letersise “Ballkanika” 2004


“Libri eshte krijuar ne fillimin te dekates se gjashte te jetes sime, nderkohe qe dekada e pare e realitetit te ri ballkanik qe ajo kur une iu rreka ta hedh ne leter pervojen time te jetes dhe fatin e Ballkanit ne gjinine e romanit.”, tha autori i librit Luan Starova

Akademiku dhe shkrimtari Dr. Luan Starova me romanin “Dashi i kurbanit ballkanik”, eshte kandidati nga Maqedonia percmimin nderkombetare te letersise “Ballkanika” per vitin 2004, kumtoi dje ne konferencen per shtyp Juria nacionale.
Ky vendim u mor njezeri nga anetaret e jurise ne perberje te: Svetllana Hristova Jociq, kryetare dhe Gligor Stojkovski e Risto Lazarov, anetare.
Drejtori i shtepise botuese “Kultura”, Gligor Stojkovski, e cila botoi romanin dhe e cila eshte pergjegjese per organizimin e “Ballkanika”-s ne Maqedoni. Ai shtoi se per kete cmim, kete vit kane konkurruar 20 vepra nga te gjitha zhanret.
“Libri “Dashi i kurbanit Ballkanik”, qe u nominua per cmimin nderkombetar “Ballkanika” 2004, praktikisht shenon nje etape te sages sime ballkanike, e cila filloi me “Kohen e dhive”. Eshte libri i tete, i cili nuk eshte ne brendi te sages, mirepo eshte ne interaksion te sages ballkanike. Sic dihet, ne kete sage behet fjale per historine e nje familjeje shqiptare gjate nje shekulli, e cila kishte perjetuar nje lloj ekzili ballkanik. Dhe, kjo histori eshte rrefyer nepermjet te metaforave globale sic eshte metafora e dhive, metafora e librave, ngjalave dhe tani ky dash kurbani, i cili eshte nje metafore qe flet per historine e fundit tragjike, nje lloj metafore, e cila do ta prezentonte kete tragjedi permes metafores, jo me nje inventar te se keqes.”, tha per gazeten “Flaka” autori i nominuar, dr. Luan Starova.
“Fakti se sot ky liber u nominua si vepra me e mire e shkruar perkrah gjinive: proze, poezi dhe drame, do te kisha thene se libri se shpejti do te botohet edhe ne shqip dhe frengjisht dhe kjo eshte nje mirenjohje qe u bashkangjitet te tjerave. Per mua ka nje vlere te posacme, t’ju them sinqerisht, kjo saga ime ne kete rreth eshte pritur mire dhe vete fakti se une jam shqiptare dhe shkruaj edhe shqip edhe maqedonisht ishte befasi per mua qe opinioni maqedonas tregoi nje hapje ndaj kesaj sage ballkanike edhe pse shpirti i saj eshte shqiptar. Personazhet kryesore jane shqiptare, e gjitha eshte shqiptare. Eshte nje sage ballkanike qe e kerkon gjuhen e simfonise se dallimeve dhe ne fakt konfirmon ne esence identitetin e njeriut ballkanik, i cili kerkon te verteten dhe lirine.”, thote Starova.
Nderkaq, ne konferencen per shtyp, autori i nominuar, Luan Starova, tha se libri i tij shenon periudhen dhjetevjecare te odisese se romanit – sages ballkanike, e cila ka filluar te thurret nga fillimi i viteve te nentedhjeta te shekullit te kaluar.
“Libri eshte krijuar ne fillimin te dekates se gjashte te jetes sime, nderkohe qe dekada e pare e realitetit te ri ballkanik qe ajo kur une iu rreka ta hedh ne leter pervojen time te jetes dhe fatin e Ballkanit ne gjinine e romanit. Ato dhjete vjet jane tragjike per Ballkanin dhe u percaktova qe ate ta pasqyroj me metafora globale. Ceshtja ballkanike, ne letersine time u ngrit ne mision, ne fakt ne mision letrar. Misioni im letrar ishte, se si ne te vertete do te rrefehej kjo kohe e kunderthenieve ndermjet asaj qe eshte ballkanike dhe evropiane, kur ballkanasi eshte i pafuqishem ta arrije fazen qe i mungon per ta arritur Evropen”.
Ai shtoi se libri eshte i veshtire dhe i nderlikuar, por me nje naracion te thjeshte si dhe eshte liber i ideve.
Akademiku Luan Starova, eshte njeri nga autoret me te perkthyer nga Maqedonia, i cili shkruan ne gjuhen shqipe, maqedonase, dhe ne gjuhen franceze. Romani i tij “Koha e dhive” eshte perkthyer ne 12 gjuhe. Ai dje shprehu kenaqesine e vet per kete nominimin ngaqe, sic theksoi, gjate rruges se tij te veshtire ne letersi e takon Ballkanin, i cili eshte misioni i tij.

Ceremoniali perfundimtar i shpalljes se bartesit te cmimit “Ballkanika”, per te cilen konkurrojne shkrimtare nga te gjitha vendet e Ballkanit, do te mbahet ne muajin maj te vitit te ardhshem ne Tirane. Eshte e besueshme qe ne jurine nderkombetare, e cila do te zgjedhe fituesin e “Ballkanika”-s per vitin 2004, do te gjendet edhe Anastija Gjurcinova.

Nga:
A. Disha

[Diabolis]

shekulli:

Revista: “Les lettres albanaises”, rikthim pas 13 vitesh


A.Mile

Pas një periudhe të gjatë prej 13 vitesh, është hedhur sërish në qarkullim revista letrare “Letërsia shqiptare” (“Les lettres albanaises”). Kjo revistë, e cila botohet në disa gjuhë të huaja, si frëngjisht, anglisht, por edhe në gjuhë të tjera evropiane, shërben për të bërë të njohur letërsinë shqiptare, përtej kufijve të saj. Në të janë përfshirë përfaqësues të të gjitha periudhave letrare, asaj klasike, klasike moderne dhe letërsisë bashkëkohore. Kështu, në këtë numër të parë lexuesi, do të ketë mundësi të njihet me figura të mëdha të letërsisë, duke filluar që nga Frang Bardhi, për të vijuar tek Sterjo Spasse dhe romani i tij psikologjik “Pse?!”, Visar Zhiti, Zef Pëllumbi, Diana Çuli, Dritëro Agolli, Elvira Dones e Zija Çela. Krahas biografisë së seicilit, përfaqësimi i çdonjërit prej shkrimtarëve është shoqëruar edhe me nga një pjesë të shkurtër të krijimtarisë së tij. “Rikthimi i kësaj reviste u mundësua në saj të financimit prej 16 milionë lekësh, nga ana e Ministrisë së Kulturës, Rinisë dhe Sporteve, akorduar Lidhjes së Shkrimtarëve dhe Artistëve. Eshtë menduar që kjo revistë të dalë 4 herë në vit, megjithatë gjithçka varet prej materialeve që do të ofrojnë përkthyesit”,- shpjegon Stefan Çapaliku, drejtor i Drejtorisë së Librit dhe Komunikimit pranë MKRS-së. Për realizimin e numrit të parë pas 13 vitesh kanë kontribuar dhe do të vazhdojnë ta bëjnë më disa përkthyes të huaj edhe shqiptarë. Në këtë numër peshën kryesore të materialeve të përkthyera e mban përkthyesi dhe studiuesi i shqipes në anglisht Robert Elsie, për të vijuar me francezen Odile Daniel, Hans Joachim Lanksch, Edmond Tupe, Stavri Pone, etj. Ashtu si para një viti në Shkodër, kur përkthyesit e letërsisë shqipe në botë u takuan për herë të parë në Shqipëri, këtë vit Ministria e Kulturës Rinisë dhe Sporteve e ka zhvendosur këtë takim në Tiranë, në kuadrin e Panairit të Librit, i cili do të hapet në datën 4 nëntor. Ky aktivitet pa dyshim që është terreni më i mirë për të krijuar kontakte të drejtpërdrejta me autorë dhe vepra.
“Les lettres albanaises” është botuar për herë të parë në vitin 1980 dhe pati një jetëgjatësi prej 10 vjetësh. Nëpërmjet saj janë bërë të njohura vepra të shkrimtarëve të njohur shqiptarë si Ismail Kadare, Dritëro Agolli, Fatos Arapi, etj, por me trazirat e vitit 1990 dhe ndryshimet politike, ajo nuk doli më në qarkullim.

[Diabolis]

Nga Panorama:

Alketa Sino
Panairi i shtatë i librit jo vetëm që do të prezantohen në një hapsirë më të madhe sicc është Pallati i Kongreseve, por i mbledh për herë të parë të gjithë botuesit sëbashku me botimet e tyre të reja, pas mosmarrveshjeveve dhe ndarjeve të tyre.

Shqetësues për botuesit është e drejta e autorit, shpërndarja e librit, si dhe tatimi i librit në pikat doganore njesoj si të ishte një mall tjeter konsumi.
Ndërkohë, panairit të shtatë të librit në Tiranë nuk do t´i mungojë prezenca e emrave të njohur të letërsisë shqipe si: Ismail Kadare, Dritëro Agolli, Rexhep Qosja etj. Përkrah botimeve gjatë ditëve të panairit janë programuar edhe tryeza debati, për probleme që ende janë të pazgjidhura në lidhje me librin. Do të diskutohet midis njerëzve të letrave, shumë i përfoluri libri shkollor, shpërndarja e tij, sistemi fiskal dhe vështirësia e qarkullimit të librave në hapsirat shqiptare. Në këtë panair do të jenë të ftuar edhe 15 përkthyes të vendeve të huaja të cilët përkthejnë në gjuhën shqipe. Panairi i shtatë i librit do të hapë dyert nga data 3 - 8 nëntor, në Pallatin e Kongreseve, në Tiranë. Duke e krahasuar me edicionet e kaluara, sipas organizatorëve, "pritet një pjesëmarrje më e gjerë përsa i përket botuesve dhe titujve të rinj të librave në panairin "Tirana 2004". Një javë para çeljes së panairit të shtatë të librit "Tirana 2004", interesimi i botuesve për të marrë pjesë është mjaft i madh. Deri tani ka kaluar numri i 110 kërkesave, numër ky më shumë se çdo organizim tjetër i këtij lloji në botën shqiptare.

Panair librash apo aktivitetesh?
Tashmë është bërë pjesë e traditës së panaireve të botimeve që përkrah ekspozimit të librave, të ketë edhe aktivitete. Kështu, numri i veprimtarive për librin , në kuadrin e panairit, parashikohet të përfshijë rreth 100 aktivitete të organizatorëve dhe botuesve të veçantë. Do të ketë konferenca për shtyp, paraqitje të librave të rinj, takime me krijues e pesonalitete të letrave, caktim të orëve të veçanta të shpërndarjes së librave me nënshkrim të autorëve, takim-debate për problemet dhe pozitën, në të cilën ndodhet libri shqip, pritje të për nder të të ftuarve dhe autorëve të veçantë etj.

Moisiu në takim me botuesit
Panairi i shtatë i librit organizohet nga shoqata e botuesve shqiptarë, me mbështetje të Ministrisë së Kulturës, Rinisë dhe Sporteve, Bashkisë së Tiranës dhe të presidentit të Republikës Alfred Moisiu. Kështu, kryetari i shoqatës së botuesve shqiptarë Fatmir Toçi dhe disa përfaqësues të tjerë janë takuar me presidentin e Republikës, Alfred Moisiu. Biseda u përqendrua në rolin që luajnë këto institucione me punën e tyre në formimin dhe emancipimin e shoqërisë në tërësi dhe të rinisë në veçanti, në promovimin e kulturës sonë dhe në rritjen e imazhit të vendit. "Më i madh se çdo vit tjetër, është dhe interesimi i autorëve për të qenë bashkë me librat dhe përballë lexuesve" u shprehën organizatorët e panairit të librit.

Libri, pesë ditë në Pallatin e Kongreseve
Tashmë panairi i librit në Tiranë është kthyer në traditë, megjithatë, sipas organizatorëve, asnjëherë nuk mungojnë të rejat që sjell çdo edicion për lexuesit shqiptarë, si titujt, nivelin e botimeve, përkthimeve, etj. Ndërkohë, botuesit vazhdojnë të kenë probleme të ndryshme që i shqetësojnë aktualisht shtëpitë botuese, si dhe nevojën për krijimin e kushteve më lehtësuese për ta nga strukturat zyrtare. Panairi i shtatë i librit "Tirana 2004", do të jetë për pesë ditë i hapur në Pallatin e Kongreseve në kryeqytet, ku do të prezantohen botime nga 112 shtëpi botuese. Dyert e panairit do të jenë të hapura nga orët e para të mëngjesit deri në mbrëmje, ndërkohë hyrja për vizitorët do të jetë falas.



Të dhëna për Panairin e Librit "Tirana 2004"

Sipërfaqja ekspozuese: mbi 2500 metër katror
Pjesëmarrës ekspozues: rreth 110
Ekspozues nga jashtë kufijve të Shqipërisë: rreth 20
Organe të medias që ndjekin panairin: rreth 50
Profesionistë ekspozues: mbi 300
Vizitorë të pritshëm: rreth 50000 vetë
Shkrimtarë, krijues, autorë etj
Pjesëmarrës në Panair: rreth 300
Veprimtari të organizuara në kuadrin e panairit: rreth 100
Numri i titujve të ekspozuara: mbi 10000
Tituj të rinj të ekspozuar: mbi 1500


Risi të panairit të shtatë të librit

Në këtë panair priten të marrin pjesë 30 botues dhe subjekte më shumë se një vit më parë. Ndërkohë, hapësira dhe sipërfaqja e ekspozimit do të jetë 700 metër katror më shumë. Pjesëmarrësit do të jenë botues, jo vetëm nga Shqipëria, por edhe nga Kosova, Maqedonia dhe Mali i zi. Për herë të parë marrin pjesë tre subjekte malazeze, një gjerman dhe një distributor nga Rusia. Në fund të panairit 1000 libra në gjuhën ruse do t'i dhurohen Fakultetit të Gjuhëve të huaja, në kuadër të bashkëpunimit. Për të disatën herë pjesëmarrëse do të jetë në këtë panair edhe shoqata e botuesve grekë, e cila sjell tituj nga botues të rëndësishëm. Ndryshe nga herët e tjera, organizimi është menduar në këtë panair, si pikë kryesore dhe e rëndësishme, ku çdo ditë përveç promovimeve të reja, do të këtë edhe tema debati.



Lista e pjesëmarrësve


1. Adrion Ltd, Tiranë
2. Afërdita, Tiranë
3. Akademia e Shkencave, Tiranë
4. Akademia e Shkencave dhe e Arteve e Kosovës, Prishtinë
5. Aksion 2000, Tiranë
6. Albas, Tiranë & Tetovë
7. Alb-Books, Tiranë
8. Albin, Tiranë
9. Albnur, Tiranë
10. Ambasada Gjermane, Tiranë
11. AQTLASH, Tiranë
12. Argeta LMG, Tiranë
13. Ars, Tiranë
14. Artini, Prishtinë - Kosovë
15. Ba çhus, Tiranë
16. Baça, Tiranë
17. Bargjini, Tiranë
18. Besa Editrice, Lece, Itali
19. Bota Shqiptare, Romë
20. Biznesi, Tiranë
21. BUK (Biblioteka Ungjillore Kristiane), Tiranë
22. Buzuku, Prishtinë
23. Camaj - Pipa, Shkodër
24. CID, Podgoricë, Mali i Zi
25. Çabej MÇM, Tiranë.
26. Çamëria, Tiranë
27. Çelësi, Tiranë
28. Dita, Tiranë
29. Dita 2000, Tiranë
30. Dituria, Tiranë
31. Doruntina, Tiranë
32. Dritan, Tiranë
33. Dudaj, Tiranë
34. Dukagjini, Pejë - Kosovë
35. EDFA, Tiranë
36. Elena Gjika, Tiranë
37. Elta, Tiranë
38. Elta BS, Prishtinë, Kosovë
39. Enciklopedike, Tiranë
40. Enti i Teksteve Shkollore, Podgoricë, Mali i Zi
41. Furkan, Shkup, Maqedoni
42. Fan Noli, Tiranë
43. Gjergj Fishta, Lezhë
44. Gjurma, Prishtinë
45. Globus-R., Tiranë
46. Hellenik federation of Publishers, Athens, Greece
47. Horizont, Tiranë
48. Ideart, Tiranë
49. Infobotues, Tiranë
50. Instituti Albanologjik, Prishtinë
51. Instituti i Historisë, Prishtinë
52. Instituti Italian i Kulturës, Tiranë
53. ISPS (Instituti i Studimeve Politike Sociale)
54. Kisha Orthodhokse, Tiranë
55. Këshilli i Evropës
56. Koçi, Tiranë
57. Kokona, Tiranë
58. Konica, Tiranë
59. Korbi, Tiranë
60. Kuçuku, Tiranë
61. Kult, Tiranë
62. Kuteli, Tiranë
63. Kuvendi, Lezhë
64. Labëria, Tiranë
65. Labova, Tiranë
66. Letrat, Tiranë
67. Libri Shkollor, Prishtinë
68. Libri Universitar, Tiranë
69. Lilo, Tiranë
70. Lisitan, Lezhë
71. Logoreci, Tiranë
72. Logos-A, Shkup, Maqedoni
73. Medaur, Tiranë
74. Mësonjtorja I, Tiranë
75. Milosao, Sarandë
76. Mir Geer Alb, Tiranë
77. Naim Frashëri, Tiranë
78. Neraida, Tiranë
79. OBOD, Cetinjë, Mali i Zi
80. Ombra GVG, Tiranë
81. Omsca-1, Tiranë 82. Onufri, Tiranë 57. Ora, Tiranë
83. Ora, Tiranë
84. Oxford Centre LTD, Tiranë
85. Pegi, Tiranë
86. Phoenix, Tiranë
87. Plejada, Tiranë
88. Prizmi, Tiranë
89. Redona, Tiranë
90. Rilindja, Prishtinë
91. Sejko, Elbasan
92. Shoqata e Botuesve Shqiptarë të Maqedonisë, Shkup, Maqedoni
93. Shekulli, Tiranë
94. Shtëpia Botuese e Librit Shkollor, Prishtinë, Kosovë
95. Shtëpia Botuese e Librit Shkollor e Re, Tiranë
96. Shtëpia Botuese e Librit Universitar, Tiranë
97. Shtëpia e Librit dhe Komunikimit, Tiranë
98. Shoqata Biblike
99. Skanderbeg Books, Tiranë
100. Spektër, Tiranë
101. Sporti, Shqiptar, Tiranë
102. Toena, Tiranë
103. Udha e shkronjave, Tiranë
104. Uegen, Tiranë
105. Universal Book, Moskë, Rusi
106. Universi i Librit, Tiranë
107. Vatra, Shkup - Maqedoni
108. Vëllezërit Tafa, Tiranë
109. 55, Tiranë
110. Asdreni, Shkup, Maqedoni
111. Shpresa, Prishtinë, Kosovë
112. Faik Konica, Prishtinë, Kosovë

[Brari]

Shtepi botuese jane keta ne liste?

Ne fakt tani ne Shqiperi gjen libra te mrekullueshem neper Librari...

Sot a Neser do jape patjeter rezultat ky "BUM" kulturor..

[shigjeta]

Revista letrare ”Groblad” është një revistë që del katër herë në vit dhe të cilën e boton Klubi i Krijuesëve letrar të Regjionit të Blekinges në Suedi.

Klubi Letrar i Blekinges është klub letrar me traditë, sivjet ky klub ka kremtuar jubileun e 40-të të punës dhe veprimtarisë së tij.

Revista letrare “Groblad” në numrin e fundit, nr. 3-2004, ka prezentuar në faqet e saj dy poetë shqiptarë; poetin Rizah Sheqiri me poezinë ”Pa dashuri” - “Utan kärlek” dhe poetin Ferdinand Laholli me poezinë “Kundër vetmisë”- “Mot ensamheten” të përkthyer në suedisht nga R. Sheqiri. Këto poezi janë botuar paralelisht në gjuhën shqipe dhe në atë suedeze, që është një nder i madh që u bëhet autorëve, poezisë së tyre, po edhe poezisë dhe gjuhës shqipe në përgjithësi.

[shigjeta]

Për herë të parë Çmimi "Kosovë-Rexha Bala" iu nda poetit e shkrimtarit Rizah Sheqiri, shpërblimi i parë për poezi iu dha poetit e përkthyesit suedez Ullmar Qvickut, promovimi i librit të të cilit u bë më 21 nëntor në Trelleborg.

Ditën e shtunë (më 20 nëntor 2004) në vigjilie të Festave të nëntorit, në Malmö të Suedisë u mbajt Festivali i katërt i Poezisë dhe Muzikës Shqiptare. Në këtë festival me punimet e tyre garuan dhjetëra krijues nga Suedia e nga Norvegjia. Në mesin e tyre edhe krijues suedez.
Për herë të parë në këtë festival u nda Çmimi "Kosovë-Rexha Bala". Ky çmim i këtij festivali sivjet iu nda Rizah Sheqirit, poetit dhe shkrimtarit tonë më të frytshëm në Skandinavi dhe më gjërë.

Si rëndom, juria në përbërje Atdhe Gashi, Ahmet Bella e Hajdin Abazi, i ndau tri shpërblimet për poezitë më të mira të mbrëmjes dhe shpërblimi i parë me këtë rast iu nda poetit e përkthyesit suedez Ullmar Qvickut. Në këtë manifestim e nderoi me pjesëmarrjen ee tij edhe Ambasadori i Shqipërisë në Suedi z. Shaban Murati.

Një ditë më vonë u organizua edhe një aktivitet tjetër letrar e kulturor dhe pikërisht në qendër të vëmendjes ishte miku i madh i shqiptarëve -Ullmar Qvick.
Ditën e diel, më 21 nëntor në Trelleborg u bë promovimi i librit të Ullmar Qvick-ut "Mera hjältemod än vete, Më shumë heroizëm se sa grurë". Siç dihet ky libër ka zgjuar vëmendje të dukshme ndër lexues, dhe kjo u pa edhe nga recensionet dhe shkrimet kritike të shumë pjesëmarrësve të cilët gjatë promovimit u paraqitën me fjalën e tyre rreth këtij libri që u çmua si një libër i rëndësisë së veçantë për shqiptarët./a.u.

Me kete rast dua te uroj zotin Ullmar, qe eshte edhe anetar i ketij forumi, per çmimin dhe punen e madhe qe ben per njohjen e kultures shqiptare ne Suedi