Paloka: Nuk ka koalicion parazgjedhor me LSI -në

[Neteorm]

E vetmja derë e hapur për Lëvizjen Socialiste për Integrim duket se është ajo e Kryeministrit Edi Rama, pasi demokratët as që e mendojnë t’i shtrinë dorën e bashkëpunimit ish – aleatit të tyre për një koalicion parazgjedhor.

Kur kanë mbetur më pak se pesë muaj nga mbajtja e zgjedhjeve të 18 Qershorit, Nënkryetari i Partisë Demokratike, Edi Paloka përjashton çdo mundësi për koalicion parazgjedhor me LSI -në, teksa e quan si pjesë të keqqeverisjes.

Ajo që është kryefjalë e betejës së demokratëve janë zgjedjet e lira e të ndershme. Por ata thonë se me Kryeministrin Edi Rama nuk mund të ketë zgjedhje të lira.

Paloka thotë se precedentët e mëparshëm për manipulime të zgjedhjeve në Korçë, Dibër e së fundmi Kolonjë janë dëshmi e një procesi që Kryeministri po tenton ta shtrijë edhe në zgjedhjet parlamentare. Pasoja e përsëritjes së këtij fenomeni, thotë Paloka, do të sjellin vetëm destabilitet në vend.

Paloka hedh edhe idenë e shtyrjes së zgjedhjeve, për të mundësuar përdorimin e teknologjisë së zgjedhjeve.

Pjesë e aksionit të opozitës është edhe mbajtja e protestave, por Nënkryetari Paloka shprehet se ende nuk ka një qëndrim nga strukturat e partisë për nisjen e tyre.

Tv Klan

[Neteorm]

Ish-kryeministri Berisha thotë se i takon Lulzim Bashës për të vendosur nëse PD-ja do të bëjë ose jo koalicion me LSI-në. I ftuar në emisionin “Zonë e Lirë”, Berisha ka dhënë këtë përgjigje

“Rezultati i zgjedhjeve është ai që do përcaktojë koalicionin. Ke dy alternativa, ose të pranosh një koalicion me ata që nuk do ose të hysh në zgjedhje. Nuk i lejoj vetes të fus hundë në çdo gjë, se këto janë atribute të kryetarit, por ato analizohen”, është shprehur Berisha duke i lënë një derë hapur LSI-së.

Disa herë publikisht Basha dhe përfaqësues të tjerë të PD-së janë shprehur kundër një koalicioni me LSI-në, duke e konsideruar atë njësoj fajtore sa PS-ja për situatën në të cilën ndodhet vendi./LAPSI.AL/

[Neteorm]

Duke shfletuar ne internet, gjeta kete deklarate nga ish kryeministri.

Tani lind pyetja ke duhet te besojme dhe ke duhet te votojme !?