Veliaj zhduk emisionin nga Vizion Plus, se investigoi vdekjen e Ardit Gjoklajt ne Sharre!

[Duke_Of_Arberia]

Në fillim të kësaj jave shqiptarët mësuan si ishin gënjyer nga Edi Rama për ndryshimet e laboratorit të Agjensisë Kombëtare të Mjedisit, që do të bënte kontrollin e mbetjeve (lexo plehrave) që do të importohen nga jashtë. Ishte emisioni Publicus në Vizion Plus që solli dëshmi dhe fakte se asgjë nuk kishte ndryshuar, veçse ishin zgjeruar ambjentet e punës së laborantëve.

Këtë të dielë Publicus, sërish nga ekrani i Vizion Plus do të transmetonte një investigim në landfillin e Sharrës, aty ku mbeti i vrarë Ardit Gjoklaj. Në njoftimin që u shfaq gjatë ditës paralajmërohej se këtë të dielë materiali i radhës ishte ai me titull “Kodrina e Vdekjes”.



Por tema e nxehtë që morën përsipër të investigojnë gazetarët e Publicus nuk u përballua nga Vizion Plus. Emisioni u mbyll papritur. Kontrata u prish në mënyrë të njëanshme dhe njoftimet zyrtare u fshinë nga faqja në internet dhe nga ekrani i televizionit. Bashkë me jetën e Ardit Gjoklajt, krimi në landfillin e Sharrës po zhduk edhe çdo hetim gazetaresk, çdo gazetar që i afrohet kurioz vendit të ngjarjes. Në fillim ishte drejtoresha e informacionit të A1Neës që u largua nga puna për shkak të investigimit me të njëjtën temë. Tani “fshihet” i gjithë stafi i një emisioni në një prej televizioneve më të vjetra në Tiranë. Është e qartë se kush vuan nga fobia e Sharrës. Frika për të pranuar se ishte praktika e ndjekur nga Bashkia e Tiranës që çoi në vdekjen e Ardit Gjoklajt përndjek fajtorin kryesor për ngjarjen, Erion Veliajn, ndaj të cilit po heton edhe prokuroria e Tiranës.

Shkrim i publikuar në profilin e emisionit Publicus në rrjetet sociale

Rënia e një ekrani

PÚBLICUS·SUNDAY, 9 OCTOBER 2016

Drejtuesit e televizionit “Vizion Plus”, njoftuan se ata e nuk lejojnë transmetimin e episodit të tretë të “Públicus”, të titullur “Kodrina e vdekjes”, sipas programimit (të dielën, dt., 10. 10. 2016, ora 20:10)!

Njëkohësisht, kanë tërhequr mbështetjen financiare për programin, për stafin e përfshirë për realizimin e tij dhe se kanë larguar të gjitha njoftimet publicitare për këtë program nga faqja zyrtare online e televizionit!

Natyrisht që kjo është një tjetër ngjarje e rëndë në fushën e medias e të raportimit! Një goditje agresive, e beftë, në mënyrë që dëmi apo përfitimi të jetë sa më i lartë! Kjo sjellje e paprecedentë ndaj bashkëpunëtorëve, në radhë të parë; kjo censurë ndaj gazetarëve, ndaj një programi dhe një ekipi televiziv; ky veprim kundër raportit të lirë, fsheh frikën e pronarëve të televizionit, por edhe synimin për të fituar padrejtësisht, e jondershmërisht, më qëllim plotësimin e interesave klienteliste, në dëm të tërë shoqërisë!

Frustrimi që sjell heqja e një maske shkaktohet prej asaj ç’ka zbulon rënia e saj! Televizioni “Vizion Plus” sapo ka hequr maskën e tij dhe është rreshtuar në anën e mediave-biznese, por që kërkon ta përdorë produktin televiziv për influencë të pandershme në treg e jo për të raportuar të vërtetën.

Kur e nisëm këtë projekt, dy muaj më parë, “Públicus” premtoi se do të fokusohej mbi çështjet e menaxhimit e të kontrollit të pasurisë publike; do të siguronte transparencë mbi shkëmbimet financiare, mbi përdorimin e burimeve e të pasurive natyrore të vendit. Premtoi të luftonte inkopetencën në ekspertizë dhe neglizhencën ndaj përgjegjësive publike të administratës shtetërore. Dhe se e gjitha kjo do të kishte për qëllim, -nxitjen e kapaciteteve reaguese nga ana e shoqërisë! Por duke i hequr mbështetjen këtij programi, pronarët e këtij televizioni kontribuojnë që këto çështje të nëpërkëmben dhe se keqmenaxhimi i pasurive kombëtare të mos jetë në fokus të publikut e të qëndrojë larg investigimit gazetaresk! Në këtë mënyrë ata veprojnë kundër e në dëm të interesit publik! Duke i hequr mbështetjen këtij programi, ata nuk Ju mbështesin, Ju lënë në baltën e traumës, në baltën e paligjshmërisë, në baltën e krimit e të trafikut!

Kështu, lënë në baltë maturantët e mbetur pa shkollë dhe punëtorët e flakur në rrugë! Lënë në baltë kujtimin e Arditit të gjorë që punonte në kushte pasigurie në Sharrë; baltosin përpjekjet e ambientistëve kundër grabitqarëve të plehrave, kundër grabitqarëve të mjedisit, të cilët janë prezentë, përmes Heceve në Valbonë, Librazhd e Vjosë, shumica e cilave, të ndërtuara pa ndonjë studim teknik paraprak! Ne vend të saj, kanë zgjedhur të shushasin publikun duke angazhuar në ekran gjithfarësoj dordolecësh plot ngjyra e shkëlqim, duke Ju detyruar të duartrokisni, nën petkun e gjoja një të vërtete, një realitet të rrejshëm.

Të dielën në mbrëmje, “Públicus”, nuk u lejua të transmetojë një raport mbi vdekjen tragjike të një të riu që banonte në rrethinat e ish Kombinatit, e që punonte në kushte pasigurie në Landfillin e Sharrës, pronë e Bashkisë së Tiranës e që e bashkëadministronte me një kompani private riciklimi. Bëhet fjalë për Ardit Gjoklajn, 17 vjeçarin që që u nda nga jeta në rrethana dramatike. Ne shkuam në Sharrë, takuam njerëz e folëm me familjarët e viktimës dhe regjistruam dëshmi. Zbuluam dokumenta të cilat nëpunësit kërkojnë t’i fshehin, pasi nuk duam të zbulohen përgjegjësitë. E të gjitha këto i përgatitëm për t’i publikuar. Por nuk na lanë!

Dy muaj pasi nisëm të punojmë, kuptuam se hajdutët e pasurisë publike dhe frikacakët po na sulmojnë përmes të njëjtave mënyra që ata u tremben më shumë! Ata kanë frikë prej nesh! Shqipëria është një vend me ekonomi të vogël. Biznesi do të jetë gjithmonë i varur prej fondeve publike. Ju e dini, se fondet publike janë paratë tuaja, se rrugët, stadiumet, sallat e teatrove, sheshet pulike, transporti publik, gjithçka publike, ndërtohen me kontributet tuaja. Ju nuk duhet të heshtni!

Raporti me të vërtetën kushtëzohet gjithashtu, nga sjellja apo qëndrimi i tërë shoqërisë, nga vullneti e nevoja për të qënë bashkë. Por beteja për të vërtetën nuk është vetëm një përpjekje kolektive, por, së pari, detyrë dhe një qëndrim moral! Kujt i shërben ajo! Cila është dobishmëria dhe nevoja që shoqëria jonë ka! A mund të lartësohet njeriu prej saj! A duhet të shndërrohet përpjekja për të, në një betejë frontale! Natyrisht, mes nesh, ka një shumicë shpërfillëse ndaj këtij qëndrimi! Dhe kjo është një fatkeqësi! Por jo e vetmja! Mjerimi që përherë e kërcënon këtë vend nuk duket vetëm tek skamja, as te plehrat, por tek rrënimi moral. Ndaj dhe sfida është, se si mund ta fitojë njeriu pavarësinë, ndërsa varet gjithnjë e më shumë nga paraja?

Për këdo që lexon këto rradhë, le ta ndalet për një çast e të pyesë veten, se çfarë e detyron administratën e një televizioni të largojë një grup gazetarësh të rinj e të përkushtuar; të mos pranojë njerëz me mendje të kthjellët e me zemër të pastër; të ketë frikë nga e vërteta? Përgjigja: kjo tregon përkatësi me aferat dhe me inflencën për të përfituar pandershmërisht në kurriz të interesit publik! Ata kanë bërë zgjedhjet e tyre. Ndërkaq, ne besojmë se jemi në anën e duhur!

Në fund, po u drejtohemi kolegëve, shokëve tanë! - Ktheni sytë nga pronarët tuaj, nga administratorët, nga muret që keni përballë…Shihni e depërtoni thellë, përtej…dhe vetëm pasi të keni kuptuar atë çka shihni, vetëm atëherë, me kurajo e guxim, do të mund të raportoni të vërtetën!

Autorët, “Públicus”

[SERAFIM DILO]

Jane keto ngjarje qe tregojne vertet se nuk ka dekriminalizim dhe reforme ne drejtesi qe ne ate vend te bej hajer.

[Duke_Of_Arberia]

Publikohet emisioni për landifillin e Sharrës që bllokoi Veliaj në Vizion+


Emisioni “Publicus” nuk mundi të transmetojë në televizionin Vizion Plus investigimin e kryer për vdekjen e Ardit Gjoklaj në landfillin e Sharrës në varësi të Bashkisë së Tiranës. Por realizuesit e dokumentarit e kanë gjetur një rrugë për ta bërë publike, duke e lancuar në Youtube. Arditi punonte në Sharrë për të ndihmuar familjen dhe të blinte librat e shkollës, që nuk e nisi dot më. Edhe pse nën moshë, ai rezultonte i punësuar në të zezë në landfill. Më poshtë keni emisionin e plotë që bllokoi Erion Veliaj:

https://m.youtube.com/watch?v=xMW6_G...EA0s01YHoU2Hlj

[Ciarli]

Veliaj instruktohet nga ata qe nuk e kane dashur kurre Shqiperine per shqiptaret por per pulat, sorrat dhe derrat e ballkano-azise apo ballkonit aziatik(mulat). Si nje aktor i keq i regjisoreve te keqinj qe nuk duan as artin e tiranes apo frymemarrjen apo amulline e saj. Por mund te jete edhe nje dyshim i kote kete rradhe, mbase Ardit Gjolekaj eshte me gjak rom dhe nje dobesi e Veliajt.

[Duke_Of_Arberia]

Si e hoqi nga puna Erion Veliaj, rrëfimi i gazetares që investigoi vdekjen e Arditit në Sharrë (VIDEO)


Emisioni “Publicus” i censuruar në Vizion Plus nga kryebashkiaku i Tiranës, Erion Veliaj, sepse hidhte dritë mbi vdekjen e 17-vjeçarit Ardit Gjoklaj në Landfillin e Sharrës dhe shfrytëzimin e fëmijëve e puntëtorëve të tjerë, zbardh për herë të parë edhe rrëfimin e gazetares Alida Tota.

Kjo e fundit u pushua nga puna në televizionin A1 News pasi nisi investigimin e ngjarjes së rëndë në landfill. Tota tregon me detaje çfarë ndodhi ato ditë gushti në redaksinë ku ajo punonte prej vitesh.

Çfarë i tha drejtori i televizionit për investigimin që kishte nisur dhe si u pushua nga puna, sërish me ndërhyrjen në televizion të kryebashkiakut të Tiranës, Erion Veliaj.

Shihni në videon më poshtë rrëfimin e saj:

http://www.dailymotion.com/video/x4x...on-veliaj_news


/LAPSI.AL/

[SERAFIM DILO]

Eshte nje skandal por ne ate vend asnje skandal nuk perben me nje skandal...

Megjithate,per aq sa vlen si lajm, ne ate vend ku te gjithe jane perkulur 90 grade paska dhe ndonje qe ecen drejte. Egzistoka edhe nje gazetare ne Shqiperi.

[Duke_Of_Arberia]

Vdekja e Arditit në Sharrë. Si është katandisur demokracia e shteti i të drejtës në Shqipëri

Nga Denion Meidani -
Nuk mund të rezistoja dot pa reaguar pasi pashë pjesën e parë te “Publicus” në YouTube. Ishte, në fakt, një zhgënjim i madh. Por dhe një dhimbje qytetare se ku është katandisur demokracia dhe shteti i të drejtës në Shqipëri. Sidomos u preka nga përmasat e dramës njerëzore, e varfërisë dhe e vuajtjes shqiptare, që një forcë gjoja e majtë po e zmadhon më tej, deri duke thelluar tej mase hendekun mes këtij shtresimi të madh të përvuajtur, që mezi shtyn ditën dhe atyre që vjedhin e rrëmbejnë, kapardisen e abuzojnë, që gëlojnë në luks...

Nga investigimi aty na u dëshmua një histori e hidhur. Bëhej fjalë për një kompani monopoliste me investim minimal e fitim maksimal ndër vite, që abuzon tmerrësisht me kontratat e rekrutimit, me kushtet e punës, me ndotjen dhe ambientin, dhe ndërkohë që nuk paguan sigurimet e punonjësve dhe as paguan rregullisht taksa. Dhe ndërkaq, shfrytëzon pothuajse falas landfillin më të madh në vend. Kjo kompani ka kryer dhe veprime penale të ndryshme që dolën në pah gjatë emisionit.

Po ashtu, pame që një kompani e tillë ka lidhur një kontratë me bashkinë e kryeqytetin, që mban madje firmën e kryebashkiakut të sotëm. Ky i fundit nuk u mjaftua me kaq, por dhe e reklamoi dhe u bëri thirrje shtresave në nevojë që të trokisnin në dyert e saj për t’u punësuar e marrë një rrogë “dinjitoze”. Siç rezulton, kontrata, sipas juristit Braho, është lidhur pa procedura prokurimi, pa afat e limit kohor dhe e vetmja pagesë që do të kryejë kompania është një “donacion” i çuditshëm nga 0-2mln lekë në dëshirë të saj. Ndërkohë, sipas hulumtimit te “Publicus” bazuar tek vlerësimi profesional i “YACA”, del se kompania përfiton të ardhura prej rreth 8mln euro në vit. Pra, z. Veliaj, pa pasur të drejtë, i ka dhënë në përdorim në mënyrë abuzive apo, më saktë, i ka bërë peshqesh kompanisë përdorimin e landfillit pa limit. Madje, nëse nuk do të kishte ndodhur fatkeqësia (dhe sigurisht në mos të ndodhte ajo, diçka tjetër do të ngjiste, në ndonjë rast tjetër, në ato kushte jo njerëzore, që u ekspozuan në regjistrim), ky abuzim mund të shtrihej dhe jashtë mandatit të tij si kryetar bashkie.

Ky kryetar ka bërë peshqesh 8 mln euro fitim vjetor, pa kërkuar zyrtarisht e pa pretenduar të paktën as 1% të vlerës për bashkinë që ai drejton dhe veprimtaritë e saj në shërbim të qytetarëve. Apo, minimalisht, për manaxhimin dhe përmirësimin e landfillit! Por, mesa shihet, ai është mjaftuar me një donacion deri në 2 milion lekë në varësi të humorit të sipërmarrësit. Nuk është parashikuar, madje, asnjë investim i detyruar në landfill nga firma përveç mundësisë, në të ardhmen, për të investuar gradualisht dhe pa afat në kosha mbetjesh nëpër kryeqytet...

Ishte një habi e madhe nga fakti që bashkia ka refuzuar disa herë t’i përgjigjet e të dorëzojë në prokurori kontratën e bërë publike nga ajo në këtë emision. Sidomos kjo më çuditi shumë nga që unë kam punuar për mbi tre vjet në këtë institucion dhe nuk njoh ndonjë precedent (me përjashtim të rastit të mos zbatimit të menjëhershëm të urdhrit nga policia për zinxhirin komandues të gardës, lidhur me ngjarjet e 21 janarit), që ndonjë autoritet shtetëror apo dhe privat të refuzoje kërkesat ligjore të prokurorit dhe të mos përballet me forcën e ligjit. A është ky realisht rasti?! Do të ishte mirë që dikush nga organi i prokurorisë t’u përgjigjet këtyre aludimeve, për mirë apo për keq. Se nëse kjo do të ishte e vërtetë, atëherë mund të pranohet se “thundra rilindëse” ka arritur ta thyejë e nënshtrojë këtë institucion të pretenduar të pavarur si dhe shumë të tjerë në piramidën e shtetit. Dhe ky është një lajm i keq për të gjithë shqiptarët, por dhe vetë ata ambasadorë që janë angazhuar tërësisht, që veç mendojnë e punojnë për reformën në drejtësi.

Gjithashtu, me interes do të ishte që të shiheshin dhe të gjitha procesverbalet e kontrolleve të bashkisë, inspektoratit të punës, tatimeve, inspektoratit të mjedisit e me radhë ndaj kompanisë në fjalë gjatë gjithë kohës, që ajo ka qenë në funksionim. Përndryshe, pse na duhen kaq shumë organe e inspektorate shtetërore që, për rastin në fjalë, ose nuk kanë mundur, ose janë penguar ose dhe janë paguar nën dorë për të mos kryer detyrat e tyre funksionale!...

Shqetësues, deri i pështirosur është dhe menaxhimi i disa mediave për rastin në fjalë. Aq më tepër, përpjekjet për ta bllokuar lajmin, investigimet, emisionet konkrete, madje dhe largimet e shkarkimet e gazetarëve profesionistë e guximtarë. Por, tashmë, as kjo nuk duhet të na habisë se nuk është as rasti i parë që ka ndodhur dhe as ai i fundit. Kjo tregon një se disa media kanë rënë në batakun e servilizmit dhe interesit, duke u udhëhequr jo nga e vërteta dhe profesionalizmi, por vetëm nga dëshira për para e pushtet, deri duke harruar gazetarinë, aftësinë, ndershmërinë profesionale, lajmin e vërtetë, deri duke lënë mënjanë qëndrimin e sjelljen human e qytetar karshi dramës njerëzore, që ndeshet në vendin tonë. Aq sa të duket vetja sikur po përjeton një film vestern, ku autoritete lokale të korruptuara, në bashkëpunim me sipërmarrës, që do të ndërtonin puset e naftës apo shinat e trenit, shkelnin pa të voglin humanizëm mbi burra, gra, fëmijë, kafshë, vetë natyrën, duke lenë mbrapa vetëm kufoma e shkatërrim...

Lind natyrshëm pyetja: pse bashkia dhe kryetari i saj janë përfshirë, deri “turrur”, në një kontratë të tillë abuzive dhe e stisur, me siguri në nxitim, duke pasur kaq shumë probleme, në veçanti edhe juridike? Pse Veliaj e reklamoi dhe bëri thirrje publike, duke dalë, në një farë mënyrë, dorëzanë para qytetarëve të qytetit të tij që të punësoheshin pranë kësaj sipërmarrje? Pse nuk u dorëzua kontrata prokurorisë, siç u pohua në këtë emision investigativ? Pse nuk iu dorëzua ajo grupit të këshilltarëve bashkiak, që dhe e kërkuan atë, veçanërisht duke parë që, sipas kontratës, ajo pretendohej se mbështetej në vendimet ligjore të po këtij këshilli bashkiak? Cfarë ndodhi me gazetaren profesioniste dhe trimëreshë Alida Tota dhe a do të ketë një prononcim nga zoti Veliaj ndaj dyshimeve, që ajo ngre, ku ai është fajësuar për largimin e saj dhe ndalimin e investigimit gazetaresk? Po për emisionin Publicus? Të shpresojmë për disa nga këto përgjigje!...

[Duke_Of_Arberia]

Familjarët e Ardit Gjoklajt nxjerrin gënjeshtar Erjon Veliajn mbrëmë në Top Story

Askush nuk e mohon sot se vdekja e Ardit Gjoklajt nën zinxhirët e eskavatorit, është një ngjarje e dhimbshme. Kështu tha edhe Erjon Veliaj dje në Top Story kur foli për këtë çështje.

“Ajo që ka ndodhur është e dhimbshme” u shpreh Kryetari i Bashkisë së Tiranës duke u solidarizuar me dhimbjen e familjes Gjoklaj.

Por edhe në një moment delikat si ky, kur flitej për jetën e humbur të një adoleshenti, që punonte natën për të blerë librat e shkollës, Erjon Veliaj nuk i rezistoi dot gënjeshtrës.

I pyetur nga gazetarët në studio nëse ka qenë në kontakt me familjen e 17 vjeçarit të vrarë në landfill, Veliaj pohoi se bashkia është në kontakt me ta. Pohimi rezultoi një gënjeshtër.

Familja e Ardit Gjoklajt, pas deklaratës së kryebashkiakut Erion Veliaj se është në kontakt me ta, u konfirmoi gazetarëve të Publicus pavërtetësinë e kësaj deklarate.

"Askush nuk ka kontaktuar nga Bashkia me ne", thanë ata.

Veliaj gënjeu gjakftohtë, i ndërgjegjshëm se familjarët e Ardit Gjoklajt e dëgjojnë, pak pasi kishte shprehur dhimbjen e tij për ngjarjen. Kuptohet se Kryetari i Bashkisë ka një perceptim tjetër për ngjarjen. Nëse të gjithë ndjejnë keqardhje për trupin e Arditit që aksidentohet nga makineritë e rënda, kryebahskiaku duket sikur ka një tjetër imazh në mendje; momentin kur punëtorët e arrestuar të landfillit fshehin mes plehrave adoleshentin e pajetë.

[Duke_Of_Arberia]

Video dëgjesa me Alida Totën në komisionin e medias, ja si u larguan me urdhër Alfred Peza, Fidel Ylli e Fatmir Toçi



Gazetari Aulon Kalaja ka publiuar në rrjetin YouTube një video të mbledhje së të mërkuërës të Komisionit të Medias, në momentin kur tre deputetët socialistë Alfred Peza Fatmir Toçi dhe Fidel Ylli kanë marrë urdhër për tu larguar nga nga salla me qëllim bllokimin e seancës dëgjimore me gazetaren Alida Tota.

Pamjet tregojnë deputetin Peza i cili ndërsa komunikon për gjatë gjithë kohës me telefon, fton që të dalin jashtë deputetët socialistë Ylli e Toçi. Në një moment, deputeti Fidel Ylli është afruar edhe pranë koleges së tij Mimoza Hafizi për ti kumtuar diçka dhe më pas ftohet të dalë jashtë nga kryetari i Komisionit Alfred Peza i cili është gjithë kohës në komunikimi të vazhdueshëm me dikë në telefon, komunikim të cilin ai ia ka treguar Fidel Yllit që përpara se ai të futej në sallën e komisionit.

Në një moment, nënkryetari i komisionit Genc Pollo ka nisur mbledhjen ku do të zhvillohej senaca dëgjimore sepse në nisje të saj kuorumi ka qenë i rregullt pasi përveç deputetëve të opozitë dhe Mimoza Hafizit në sallë gjendeshin edhe dy socialistët Fidel Ylli dhe Fatmir Toçi. Ajo që ndodhi më pas është e njohur. Duke përdorur hilenë e kuorumit, kryetari i komisionit Alfred Peza ka kërkuar ndërhyrjen e Gardës së Republikës për të larguar që aty deputetët dhe gazetarët e pranishëm duke e bërë të pamundur zhvillimin e seancës dëgjimore.

Video në fjalë tregon gjithë dinamikën e një ditë të turpshme për paralmentarizmin shqiptar i cili nën urdhërat e Edi Ramës çensuroi për të dytën herë fjalën e gazetares Alida Tota, ndëras është vendosur tashmë që mbledhja e rradhës të zhvillohet ditën e hënë.

[Duke_Of_Arberia]

Ramizi u dha fjalën studenteve, këta nuk ua japin gazetareve!


Nga Mimoza Kociu

Ne gati dy dekada ne kete profesion, nuk mbaj mend te kete ndodhur dicka e tille.

Te ftohet gazetarja e pushuar nga puna dhe Shoqata e Gazetareve Profesioniste ne komisionin e Medias per t’u degjuar, e pastaj te largohen deputete te shumices, nga mbledhja per te mosrealizuar kuorumin?!

Kjo ishte nje menyre qe gazetaret e ftuar te mos kishin te drejten per te folur dhe, kjo tejkalon cdo lloj imagjinate per modelin e sotem qeverisës ne Shqipëri!

Edhe Ramiz Alia ua dha te drejten e fjales studenteve ne dhjetor te 90! Pak dite para publikimit te Opinionit te BE per hapjen e negociatave, mazhoranca jep kete shembull se si u mbyllet goja gazetareve para kamerave, e sa sa problem e ka fjalen e lire!