Islami dhe demokracia

[Xhemis]

ISLAMI DHE DEMOKRACIA

Autor, Ibrahim Stafa

Ardhja e demokracisë në vëndin tonë ishte një pranverë e bukur mbas një dimri të ftohte.Eklipsi historik ndodhi në një kohë kur kushtet politike,ekonomike,sociale e fetare ishin tepër të vështira,krahasuar me vëndjet e lindjes komuniste.
Le të ndalemi pak tek togëfjalëshi:”Klasa politike shqiptare”.Shumë ishte abuzuar e spekuluar ne menyre të rafinuar për ekzistencën e klasës së re politike shqiptare.Në këtë këndvështrim shtrojmë pyetjen:Cila ishte fytyra e klasës së re politike fill mbas ndryshimit e të zëvëndësimit të sistemit të vjetër totalitar komunist me atë demokratik?
Kur u krijua kjo klasë e re politikanësh,cila ishte përbëria e saj dhe si lindi ajo?
Proçesi i lindjes së klasës së re politike nuk është një proçes biologjik,por nje proçes historik.Në kohën e sundimit të diktaturës komuniste ishte absolutisht e pamundur që të formohej një klasë e re politikanësh që ti pershtatej realitetit te ri politiko-ekonomik që të ndërtonin një shtet ligjor te së drejtës me ekonomi të tregut të lirë.(Shkollat e larta si:”V.I.Lenin”,”Instituti i studimeve ekonomike”,”Instituti i studimeve marksiste-leniniste”ishin element të superstrukturës komuniste dhe i shërbenin bazes socialiste.
Gjithashtu klasa e vjetër politiko-ekonomike paradiktaturës komuniste,tashmë ajo e kishte mbyllur me kohë misionin e saj.Nga ana tjetër në vëndin tonë,gjatë diktaturës komuniste nuk ekzistonte asnjë premisë apo element i tregut te lirë sepse mbisundonin marrëdhëniet socialiste në prodhim dhe e çentralizuar nga lart.Politika është art i qeverisjes,por fatëkeqësisht politikan-artistët e kanë shndërruar politikën në biznes.
Vërtetësia e ketij përfundimi evidetohet nga praktika.Për këtë flet ligji famë keq 7501.
Ky ligj nuk mund tia kthejë pronën ish-pronarëve legjitim sepse ai ka karakter bolshevik për arsye elektorale,politike etj.Për politikanët në pushtet nuk ka shumë rëndësi pasoja.Sa vetë janë vrarë për pronën?Por për ta rëndësi ka vota!Përse kanë frikë investitorët e huaj dhe prej kujt kane frike?
-Nga “agjenti”(Ligji) 7501.
Ligji 7501 nuk çon Shqipërinë në BE.Klasa e re politike shqipëtare me prejardhje ideologjike nga sistemi totalitar diktatorial ku në plan të parë vihej interesi i përgjithshem mbi atë personal dhe stimuli moral mbi atë material, i kanë vënë këto parime kokëposhtë me një babëzi të pakufishme.
Cdo qytetar patriot me të drejtë revoltohet kur shikon se si është bastarduar e tjetërsuar metafora e slloganit të rilindasve dhe patriotëve tanë të shquar:
-“Atdheu mbi të gjitha”! , pastaj “Partia mbi të gjitha” në kohën e diktaturës komuniste dhe sot politikanët e babëzitur mburren me slloganin:”Paraja mbi të gjitha”!
Tavolina e familjes së thjeshtë qytetare shqipëtare është pasqyra e politikës ekonomike.
Klasa e re politike e pozicionuar në dy llogoret kryesore në partitë superfuqi akuzojnë njëra-tjetrën për korrupsion.Korrupsioni është emëruesi i përbashkët i tyre.Atëherë përse populli duhet ti ushqejë me votat dhe paratë e tij të korruptuarit e “ndershëm”.Lufta kundër korrupsionit fillon nga Uni.Vota është arma demokratike e shenjtë që sjell ndryshim,por ajo nuk ka asnjë vlerë transformuese konkrete,përderisa ajo shkon tifozërisht në mullirin e trustit”K”(Korrupsion).
Partitë politike fantazmë janë shndërruar në firma piramidale ku baza e saj është konstante dhe se vetëm maja,kupola e saj ndryshon periodikisht ngjyrën nga rozë në blu dhe anasjelltas.
Për besimtarët shqiptarë ardhja e demokracisë dhe ripërtëritja e fesë ishte një fitore e madhe dhe dhuratë më e çmuar e Zotit(xh.sh.) ndonëse e vonuar për fajin tonë.
Në dispozitat kushtetuese,datë 29/04/1991,neni1,ligji 7491,thuhet:”Republika e Shqipërisë është shtet laik.Shteti respekton lirinë e besimit fetar dhe krijon kushtet për ushtrimin e saj”.
Ne 14/02/1991,Kuvendi i parë islam,hartoi statutin dhe zgjodhi Komitetin Musliman-organ qëndror drejtues.
Klima e re politike mundesoi ligjërisht e moralisht krijimin e kushteve për lirinë e besimit dhe të praktikimit të fesë në Shqipëri.Para religjioneve fetare dilnin detyra të shumta e të vështira,të cilat kërkonin zgjidhje e zhvillim të shpejtë.
Në rradhë të parë ishte I rëndësishëm sensibilizimi e ndërgjegjësimi i mbarë opinionit shoqëror për rendësinë e fesë.Roli i saj ishte mohuar për gjysëm shekulli nga diktatura barbare komuniste
Së dyti:Organizmi dhe drejtimi i veprimtarisë fetare në qytete e fshat.
Së treti:Ngritja e xhamive të reja dhe merimetimi i të vjetrave,falë statusit ”Monument kulture”
Kater:Përgatitja teologjike e elementëve të rinj brënda(medrese) dhe jashtë vendit.
Pesë:Krijimi i arkës financiare nga të ardhurat e pronave të disponueshme,me probleme të shumta në zgjidhjen e tyre për arsye burokratike e subjektive.
Gjashtë:Hapja e Shqipërisë me botën islame.
Shtatë:Lufta për ruajtjen e pastërtisë së islamit nga ndikimet arkaike ekstremiste dhe moderniste liberale qofshin këto faktorë te brëndshëm apo të jashtëm.
Është për tu përgëzuar puna e madhe me shumë përkushtim e të gjithë muslimanëve të devotshëm me shpirt sakrifice dhe në luftë me vështirësitë e shumta që bën të mundur lartësimin e besimit në islam.

Allahu ua shpërbleftë.