Pese vjet nga ndarja e Ferit Ramadanit nga jeta!

[pranvera bica]

Edi Gashi

2010-10-26 në orën 8:00.PD ·
Ferit Ramadani (1956-2010)

Ferit Ramadani (1956-2010)

Ndarja nga jeta, është dhimbja përfundimtare që pëson njeriu. Por kur të tilla dhimbje lënë pas gjurmë që do të kujtohen brez pas brezi, atëherë vetë jeta nuk quhet ende e përfunduar…edhe pse fryma e fundit ka heshtur.

Më 25 Tetor 2010, u ndal së rrahuri, zemra e Ferit Ramadanit… këtij patrioti dhe shqiptari të flaktë, që deri në ditën e fundit të jetës së tij, ja kushtoi vargjet çështjes shqiptare…

Zemra e tij heshti, për të lënë dhimbje të madhe tek të gjithë të afërmit, tek gjithë shoqëria e tij, por edhe tek mijëra lexues e miq të shkrimeve të internetit, të cilët edhe pse nuk e kishin takuar personalisht, gëzonin respekt dhe mirënjohe për të.



Ai do mbetet i paharrueshem edhe për ne, ku ai dha kontributin e tij të çmuar, me sa e sa shkrime, me sa e sa poezi. Temat e z. Ramadani do mbeten gjithnjë aktuale, sepse ai i këndoi me penën e tij, vëndlindjes, kombit.



Qoftë i paharruar mes nesh!

Ju prehtë shpirti në paqe!

Ngushëllime për të afërmit dhe familjarët e tij!!



Ferit Ramadani u lind më 06 qershor 1956 në fshatin që populli e quan Llag, ndërsa administrata Trapçin Doll të Kërçovës.

Më 1982 u diplomua në Fakulteti Ekonomik të Prishtinës ku vijoi edhe studimet pasuniversitare në degën "Politika e zhvillimit ekonomik ".Ishte udhëheqës i sektorit ekonomik dhe juridik në Postën e Kërçovës.

Me krijimtari merret që nga viti 1974, dhe ka publikuar poezi, tregime, ese, romane dhe kritika letrare në periodikun e kohës me emër dhe me pseudonime.



Veprat e publikuara :

Për sa legjenda flet historia , poezi, botuar nga "Pjetër Bogdani", Biel të Zvicrës, qershor 1992,

Nesër mund ta kuptoni heshtjen , poezi, botuar nga Flaka, Shkup, 2001

Pirgu i dhembjes , roman 1996,

Pirgu i dhembjes II, roman 1997 etj.

[pranvera bica]

Sa humbje e madhe qe ishte !Humbem nje poliglot!