Biznesi shqiptar: "Qeveria e Rilindjes po na merr shpirtin me gjoba e tatime"

[Albo]

Tatimet, Biznesi ankohet për gjoba të padrejta, 60 apelime në ditë



Bizneset ankohen për gjoba të padrejta që tatimorët po vendosin në kuadër të luftës kundër informalitetit. Madje, po vendosen gjoba për mungesë kase, tek subjektet që të gjitha transaksionet i kryejnë me bankë. Penalitetet shpesh herë abusive kanë rritur ndjeshëm numrin e apelimeve, që arrijnë në rreth 60 në ditë.
Biznesi denoncon gjobat arbitrare që po vendosen nga tatimet në kuadër të operacionit kundër informalitetit. Gjoba për mungesën e kasës fiskale po vendosen edhe te subjektet që të gjitha veprimet i kryejnë me bankë, gjë që është në kundërshtim me ligjin.
Bujar Bendo, përfaqësues i biznesit: Një grup kontrolli ka për detyrë që të shikojë që ke kasë apo jo dhe ngelet tek kjo pjesë. Vjen fut kokën tek subjekti, thotë ke kasë, nuk kam kasë, vë gjobën. Pa marrë parasysh që vetë ligji nuk është i tillë. Ligji thotë: Nëse një subjekt kryen transaksione në bankë atëherë nuk ka nevojë të pajiset me kasë. Nuk bëhet një gjykim i tillë. Librat janë të deklaruar. Çdo gjë është e verifikueshme, grupet e kontrollit nuk vazhdojnë logjikën dhe verifikimin e dokumentacionit për subjekte të tilla, por vetëm vendosin gjoba.
Vendosja e gjobave është shoqëruar me numër të madh apelimesh. Sipas të dhënave, cdo ditë pranë drejtorisë së apelimeve në tatime mbërrijnë rreth 60 apelime, kryesisht nga biznese të vogla. Ndërsa në total, që nga 1 janari i këtij viti deri në shtator numri i apelimeve ka arritur në rreth 7 mijë, nga 2500 që ka qenë në të njëjtën periudhë të një viti më parë. Apelimet kanë të bëjnë kryesisht me kundërshtimet e biznesit ndaj zbatimit të kontrolleve dhe funksionimit të sistemit tatimore.

ORA NEWS

[Albo]

Skanimi në dogana, “Dorëzohet” Ministria e Financave përballë kërkesave të fasonëve



Fasonët nuk do të paguajnë dy herë për skanimin në dogana dhe as sa herë që mallrat kalojnë tranzit. Qeveria i ka gjetur të drejta ankesta e tyre dhe pritet të miratojë 6 përjashtime javën e ardhshme. Por kostot e këtyre përjashtimeve nuk do të paguhen nga kompania koncensionare Rapiscan, por nga buxheti i shtetit.
Pas kundërshtimeve të forta të eksportuesve dhe importuesve për tarifën e skanimit në dogana, qeveria pritet të miratojë javën e ardhshme 6 ndryshime. Drafti ndodhet aktualisht në zyrën e Avokaturës së Shtetit për t’u shqyrtuar nga pikëpamja ligjore.
Arben Peci, kryetar i Dhomës Kombëtare të Veshjeve: Kjo është një çështje e zgjidhur si dhe nëpërmjet letrave që i jemi drejtuar kryeministrit dhe dy ministrive përkatëse, jemi në atë pikë për zgjidhjen e problemit. Besoj se punë ditësh do të kalojë në qeveri apo parlament. Reduktimin e kësaj tarife të skanimit sic është heqja e kësaj tarife për tranzitin nga Durrës në Tiranë dhe aplikimin e kësaj tarife vetëm një herë, sepse aplikohet dhe në import dhe në eksport.
Në letrën dërguar kryeministri rama dhe dy ministrave cani dhe ahmetaj fasonët theksojnë se tarifa e skanimit iu rrit kostot me 5 mijë deri 15 mijë euro në vit, duke rreizkuar ti cojë drejt falimentit. Përjashtimet që qeveria pritet të miratojë të mërkurën e ardhshme nuk do t’i paguajë kompania Rapiscan, por buxheti i shtetit.
Shkëlqim Cani, 26 shtator 2015: Buxheti po, do të ketë pjesën e vet dhe sidomos në 2-3 vitet e para do të ketë pjesën e vet dhe në varësi nga përjashtimet. Në po bëjmë paksa më shumë përjashtime nga çmendohet, kështu që do të detyrohet që buxheti të mbulojë pjesën e vet.

ORA NEWS

[Albo]

Shqetësimet, Investitorët e huaj: Administratat tatimore abuzon me kontrollet



Investitorët e huaj në Shqipëri i listuan zyrtareve te qeverise shqetesimet të cilat kryesisht lidhen me administraten tatimore, korrupsionin dhe ligjet. Investitorët e huaj te cilat kane konstatuar ne raportin e 2015 se 50 perqind e kontrolleve nuk kane baze ligjore, i adresuan qeverise kerkesen për një sjellje më dinjitoze të punonjësve tatimore. Ministri Ahmetaj mori përsipër barrën e zgjidhjes së problemeve duke pranuar ekzistencën e tyre.
Investitorët e huaj kërkojnë nje qasje me korrekte nga inspektorët tatimorë, luftë korrupsionit dhe më vetëpërmabjtje në ndryshimet ligjore të sistemin e taksave. Gjatë prezantimit të raportit për klimën e të bërit biznes në Shqipëri për 2015 Presidenti i Shoqatës së Investitorëve të Huaj apeloi që të bëhet më shumë kujdes me sjelljen e tatimorëve
“Këtu jeni para njerëzve që paguajnë taksa rregullisht dhe e pranojmë luftën e nisur kundër informaliteit, por kjo është tjetër gjë dhe ajo që na intereson më shumë është sjellja e duhur nga inspektorët e taksave. Në këshillin kombëtar të investimeve ne e ngritëm edhe këtë shqetësim dhe prandaj ju lutem të siguroheni që inspektorët të sillen si duhet. Ndërkohë që vëmendje i duhet kushtuar edhe drejtësisë.”
Ndërkohë që ministri i Zhvillimit Ekonomik i pranoi këto probleme dhe premtoi se do të punohet për të përmirësuar situatën.
“Ne kemi bërë ndryshime ligjore për së fundmi e pranoj që nuk janë të mjaftueshme pasi mungon kultura në sjellje e inspektorëve tatimorë të cilët shpesh herë hyjnë në për biznese si shefa. Po trajnojmë administratën dhe së shpejti kontrollet do realizohen në bazë rrisku.Por unë ju kërkoj që të sillni fakte dhe ne do të bëjmë shembuj ata tatimorë që abuzojnë pasi ky është problem dhe nuk dum të humbasim investitorët për këtë gjë. Ndërsa përsa i përket drejtësisë edhe për këtë jemi në prag të një reforme mjaft të rëndësishme.”
Ministri Ahmetaj bëri me dije se aktualisht janë realizuar rreth 600 mijë kontrolle dhe janë arkëtuar rreth 890 mijë dollarë .

ORA NEWS

[Albo]

Shqipëri-Serbi, Në Elbasan mbyllen 150 biznese, tregtarët: E padrejtë, këtë ditë prisnim



Ndeshja e kombëtares nuk ka vetëm efekte pozitive për shqiptarët, por ka edhe anët e saj negative për disa prej tyre.
Rreth 150 biznese të cilat ndodhen përgjatë bulevardit kryesior në afërsi të stadiumit “Elbasan Arena” do të mbyllen.
Dryni sipas urdhërit të policisë do të vendoset në orën 12:00 të ditës së enjte dhe për pronarët e këtyre dyqaneve kjo kërkesë është e padrejtë, pasi kjo është e vetmja ditë ku ata presin të dy-fishojne fitimin.
“Ne e prisnim gjithë gëzim dhe kur u bë stadiumi, na dukej një gjë e mirë, do kishim favore por na ka ndodhur e kundërta”.
“Vendimi nuk na duket i drejtë sepse ne paguajmë taksat, punojmë gjithë ditët e vitit, ne këtë ditë presim. Nga stadiumi presim vetëm përfitime, jo të na mbyllin biznesin”.
“Nuk është e drejtë, ne paguajmë taksa, tatime, të gjitha. Dhe kur vjen puna jo vetëm që nuk po përfitojmë nga ndeshja siç përfiton gjithë bota, por ne na mbyllin dyqanin dhe nuk bëjmë as punën e përditshme”.
Pronari i një furre buke shumë pranë stadiumit, shprehet se mbyllja e dyqaneve nuk duhet të bëhet nga policia, po Bashkia e qytetit, institucion te cilit i paguajnë edhe taksat.
“Nuk është në kompetencën e policisë të mbyllë dyqanet sepse është në kompetencën e Bashkisë. E dyta, është i tejkaluar konceptimi dhe interpretimi i ligjit për policinë”.
Shkresa e policisë u është dërguar të gjitha bizneseve që operojnë në bulevardin kryesor të qytetit, por edhe banorëve të pallateve pranë stadiumit, ku u është kërkuar që në banesat e tyre të mos ketë persona të tjerë veç familjarëve.

ORA NEWS

[Albo]

Debate te "Ekonomia", “Kryqëzohet” Ministri Cani, maxhoranca kritika për goditjen e biznesit të vogël



Ministri i Financave, Shkëlqim Cani, u vu në qendër të kritikave sot në Komisionin e Ekonomisë nga deputetët e shumicës dhe opozitës në lidhje me ndëshkimet ndaj biznesit të vogël dhe favorizimin e biznesit të madh. Kritika pati edhe në lidhje me konçesionet. Shefi i dikasterit të financave u mbrojt duke iu kërkuar shembuj deputetëve.
Ministri i Financave, Shkëlqim Cani, u gjend në vështirësi para deputetëve të Komisionit të Ekonomisë që e vunë në shënjestër të kritikave në lidhje me orientimin e aksionit anti-informalitet që po godet biznesin e vogël.
Bode: Me veprim të gjithanshëm të administratës, të spiunëve, të policëve të shtetit dhe organeve të tjera të drejtësisë.
Braçe: Dhe i jap të drejtë kujdo sot që thotë pse troket tek biznesi i vogël dhe kërkon hesap këtu kur Tatimet nuk kanë trokitur ende në dyer të dy kompanive që kanë kryer transaksionin e aksioneve me njëri-tjetrin.
Ministri i Financave, Shkëlqim Cani, i rrëzoi akuzat dhe kërkoi raste konkrete.
Cani: Na jepni rastet konkrete ku dhuna, policia etj janë treguar makabër me atë që ju doni të prodhoni, se ju e dëshironi këtë që ku të gabohet.
Ministri Cani mori kritika edhe nga kryetari i Komisionit, Erion Braçe në lidhje me konçesionet.
Braçe: Në vëmendje të gjithë asaj që po ndodh, por edhe të kontratave është mizerabël. Po e filloj me të parin, me shërbimin e furnizimit me kasë fiskale dhe e mirëmbajtjes së tij. Kontratën për konçesionin e markimit të karburantit. Unë vijoj të mos e besoj që 49% e aksioneve të një biznesi prej 360 milion eurosh minimumi të jenë shitur për 490 lekë të reja.
Por Ministri i Financave tha se gjithçka është barrë nga qeveria e kaluar.
Cani: Aty ku do të gjendet kontratë e parealizuar ne do veprojmë sipas kontratës që kemi lidhur me ta.
Bode: Rrëmoni, rrëmoni, por bëni edhe nga një çikë punë. Uluni dhe punoni edhe ndonjë ditë për shtetin. Punoni ndonjë ditë për të mbledhur ca taksa më shumë, për të bërë ndonjë punë publike më të mirë.
Komisioni miratoi një ndryshim të rëndësishëm në marrëveshjen konçensionare për skanimin në dogana që parashikon përjashtimin nga skanimi të mallrave me regjim tranzit, me regjim doganor, mallrat që hyjnë e dalin nga magazinat e lira.
Ndërsa industria fasone është përjashtuar e gjitha nga detyrimi i skanimit.

ORA NEWS

[Albo]

Aksioni kundër informalitetit, Tatimorët në Lezhë kontrollojnë furgonët taksi e autobusët, irritohen shoferët



Tatimoret e Lezhës të mbështetur edhe nga Policia Rrugore dhe ajo e rendit, nisen aksionin për kontrollin e të gjithë mjetëve të transportit publik që transportojnë pasagjer.
Me dhjetra mjete kanë kaluar në siten e tyre gjatë ditës së marte, ndërsa nuk kanë munguar edhe masat administrative për drejtuesit që nuk dispononin dokumentacionin përkatës.
Gjatë këtij aksioni shumë mjete janë bllokuar për minuta të tëra, duke ju krijuar vonesa pasagjerëve për të mbërritur në destinacion.
Kjo i ka irrituar keta të fundit dhe drejtuesit e mjetëve të cilët e kanë quajtur një absurditet veprimet e policisë dhe inspektorëve të tatimëve.
“Kemi pritur 45 minuta për të marrë një formalitet. Ky është turp” thotë një shofer i indinjuar.
Aksioni kundër informalitetit për mjetet e transportit publik që ka nisur diten e sotme do të vijojë edhe në ditët e arshme, ndërsa inspektoret e tatimëve të mbështetur edhe nga blutë janë përqëndruar në të gjithë akset rrugore të Qarkut të Lezhës.
Tatimorët kryejnë verifikimet për numrin e pasagjerëve që udhëtojnë në furgon, pajisjen me bileta të pasagjerëve dhe lejen e lëvizjes.

ORA NEWS

[Albo]

Dy protesta, Tregtarët protestë kundër gjobave të padrejta, të premten para Qeverisë



Aksioni anti-informalitet ka ngjallur një sërë pakënaqësish tek tregtarët. Kontrollet e shpeshta ashpërsimet e dënimeve dhe vendosja e gjobave kanë detyruara tregtarët e Medresesë dhe te tregut çam të hidhen në protesta. Ata shprehen se po rrezikojnë falimentin ndërkohë që punojnë vetëm për të mbajtur familjet dhe jo për tu pasuruar.
Tregtari 1: Ku ke parë në ndonjë vend të botës të fusin burg tregtarin. Biznesi e mban gjalllë këtë shtet. Kemi paguar taksat. E ka vënë 250, 250 i dhamë ca do më tepër ai.
Tregtari 2: Do vijë një ditë me këto sipërmarrje që po merr ky, me këto burgje që tregon ky atëhere ne do lejmë peng fëmijët nëpër banka.
Tregtari 3: Më kanë sekuestruar 300 mijë lekë mall, mi kanë cuar në Lundër. Ku ta gjej mallin unë? Të ulen këto taksat e tatime se punojmë për filçan të kafes nuk punojmë për tu pasuruar.
Tregtari 4: Edhe për gjoba edhe për gjithçka ai të fut në burg, na janë prerë krahët
Me të njëjtat kërkesa edhe tregtarët që shesin në tregun çam kanë mbyllur qepenat:
Tregtari 1: Drejtoria e tatimeve sjell të gjithë inspektorët tek tregu çam, ne po vuajmë për bukën e gojës.
Tregtari 2: Punë nuk ka, ne e dimë rënia është, nuk ka punë po të paktën na le të punojmë.
Operacioni anti-informalitet i nisur në datën 1 shtator ka hasur ne nje sërë kundërshtimesh nga përfaqësues të biznesit të cilët kërkojnë një trajtim më të butë sidomos për biznesin e vogël i cili tani nodhet ne veshtiresi te plote, jo per shkak te formalizimit por per shkak te gjobave arbitrare. Tregetaret paraljmrojne zgjerimin e protestave dhe zhvillimin e tyre edhe para godines qeveritare.

ORA NEWS

[Albo]

Shkoder, Fasonët ulin numrin e të punësuarve, shkak kriza dhe taksat



Shkodër – Kriza ekonomike dhe taksat kanë ndikuar në uljen e numrit të të punësuarve nga fasonët, që dikur zinte 30% të sektorit të punësimit.
Përfundimi ka dalë nga përfaqësues të këtij biznesi gjatë takimit për të ardhmen e zhvillimit të industrisë fasonë” organizuar në kuadër të ditëve të festivalit Italian në Shqipëri.
Gjergj Leqejza: “Sektori fason nga 30 % që zinte në totalin e përgjithshëm të industrisë përpunuese për 2014, ka pësuar rënie, duke u spostuar”
Kreu i dhomës së fasonerisë Gjergji Gjika renditi 4 problematikat e forta që po përballet ky sektor, që sipas tij nëse nuk ndërhyhet në kohë rrezikon egzistencën. Ndërsa prefekti Paulin Radovani, renditi sfidat që duhen kapërcyer.
Gjergji Gjika, kreu i dhomes fasonerisë: Ne mund të mbyllim ciklin e prodhimit.
Paulin Radovani, prefekt i qarkut Shkodrës thotë se problem është fuqia punëtore.
Në Shkodër operojnë një numër i konsiderueshëm biznesesh fasonë që numërojnë rreth 6 mijë të punësuar. Kryesisht lidhjet më të forta janë prej 20 vitesh me tregun Italian.

ORA NEWS

[Albo]

Nesër hyjnë në fuqi gjobat , Biznesi kundër qeverisë, do të ankimojë në Kushtetuese forcimin e gjobave



Përfaqësues të biznesit vendas dhe të huaj janë të vendosur t’i kundërvihen qeverisë edhe në Gjykatën Kushtetuese ku do të godasin ligjin e ri të proçedurave tatimore që parashikon dhjetëfishimin e gjobave dhe që hyn në fuqi të enjten. Shqetësimi i botës së biznesit lidhet me ashpërsimin e penaliteteve në kuadër të luftës ndaj informalitetit. Biznesi i sugjeron Qeverisë të zbusë tonet dhe të tërhiqet nga këto ndëshkime sepse ekonomia është në ditët e saj më të zeza.

Tirane- Biznesi vendas por edhe ai huaj do të ankimojnë në Gjykatën Kushtetuese ndryshimet ligjore ne ligjin e proçedurave tatimore që parashikon 10 fishimin e gjobave ndaj atyre bizneseve që kapen me shkelje.

Ky vendim u bë publik në një aktivitet të organizuar nga Fondacioni për Liri Ekonomike

Vetëm një ditë para hyrjes në fuqi të masave të reja shtrënguese për biznesin.

Nikolin Jaka : “Në fazën e organizimit për të strukturuar kërkesën tonë për të shkuar në Gjykatën Kushtetuese sidomos për kalimet e fondit që janë bërë. Aq më tëpër që ne po bëjmë dhe një analizë më të thelluar të sistemit fiskal në Shqipëri.”
Kreu i Dhomës së Tregtisë dhe Industrisë Nikolin Jaka kërkon një zgjidhje më të butë për të luftuar informalitetin pasi ashpërsimi i penaliteteve do të sjellë falimentin e biznesit dhe rritjen e korrupsionit.
Nikolin Jaka : “Do rrisi në nivele të larta shkallën e korrupsionit lidhur me administrimin tatimor.”
Përfaqësuesi i biznesit amerikan në vendin tonë apelon për përmirësimin e klimës së biznesit dhe vijon replikën në distancë me kryeministrin që e atakoi pak kohë më parë për qëndrimet e tij.

Mark Crawford: “Në Amerikë nuk është se do pyesim njerëzit nëse nuk marrin kupton tatimor sepse taksat u zyrtarizuan dhe nuk hyn TVSH . Unë asnjë herë nuk kam parë në jetën time një kontroll, asnjë punonjës kontrolli.”

Ndërsa drejtuesi i shoqatës së fasonëve Ekonomia Shqiptare është në ditët e saj më të zeza.

Gjergji Gjika : “Është llahtarisur gjysma e Shqipërisë. Trembin të hapin dyqanet sepse thonë se pa mbaruar kjo vala do shkojnë në burg.”
Operacioni antinformalitet i nisur në 1 shtator është përshëndetur nga biznesi i cili nuk është kunder formalizimit por sugjeron qeverinë të zbusë qëndrimet e ashpra për dënimet me burg dhe gjobat.
Nga dita e nesërme biznesi do përballet me ligjin e ri i cili parashikon:

Gjobat sipas ndryshimeve në ligj

1-Moslëshimi i kuponit, gjoba nga 50 mijë bëhet 500 mijë lek.
2-Mosdeklarim punonjësish për biznesin e vogël 500 mijë lekë.
3-Mos deklarimi i pagës reale ,gjobë 500 mijë lekë dhe kallëzim penal
4-Mos deklarimi i adresës nga biznesi gjobë 500 mijë lekë
5-Tregtimi i mallit pa dokumenta gjobë 10 milionë lekë .

ORA NEWS

[Albo]

Berisha-mazhorancës: Ngado që të shkoni iu ndjekin vezët, ai dje ia mbathi nga frika



Ish-Kryeministri Sali Berisha duke folur nga foltorja e Kuvendit akuzoi Qeverinë se po terrorizon biznesin me gjobat dhe burgosjet për kuponin tatimor.

Sipas tij, këto masa të ashpra të Qeverisë kanë ngjallur revoltën e popullit, prandaj dhe i qëlluan me vezë studentët. Berisha iu drejtua deputetëve të mazhorancës duke i thënë se veza do t’i ndjekë nga pas kudo që të shkojnë.

“Veza është bërë fjala e qytetarëve tuaj. Sado të hedhin vezë mbi ju, nuk laheni dot se në fund të fundit veza e ka një efekt zbardhues. Ngado që shkoni ju ndjekin vezët. Për të shpëtuar nga vezët, iku dje nga Kryeministria, ia mbathi”, u shpreh Berisha duke iu referua Kryeministri Rama.

“A gjeni vend në botë masa të tilla antibiznes? Pse shtet diktatorial do pranoni ju? A gjeni vend në botë të dënosh tjetrin për kupon tatimor”, tha ish-Kryeministri nga foltorja e Kuvendit.

Syri

[Albo]

Të dhënat nga DPT, Biznesi në vështirësi, raporton uljen e xhiros me 7 mld lekë në tetor



Ndërsa qeveria po përpiqet të formalizojë ekonominë, bizneset raportojnë ulje të xhiros së tyre çka dëshmon për vështirësitë që po kalojnë.
Sipas të dhënave nga Drejtoria e Përgjithshme e Tatimeve në total xhiro e bizneseve arriti në tetor në 42 miliardë lekë nga 49 miliardë që ishte në shtator .
Vetëm brenda një muaji xhiro e bizneseve ka rënë me 7 miliardë lekë ose 15% .
Xhiro më të ulët deklarojnë bizneset e mëdha dhe bizneset e vogla me TVSH ndërsa subjektet e vogla private që nuk janë me skemën e tatimit mbi vlerën e shtuar raportojnë një rritje të lehtë të xhiros së tyre.
Sipas të dhënave biznesi i madh ka deklaruar në tetor një xhiro rreth 35.7 miliardë lekë ose 17% më të ulët se një muaj më parë.
Biznesi i vogël raporton një xhiro 6.4 miliardë lekë me rritje 2% kundrejt shtatorit. Ndërsa biznesi i vogël me TVSH deklaron 2.7 miliardë lekë xhiro me ulje 8 %.
Rënia e xhiros së bizneseve është një lajm i keq për ekonominë pasi dëshmon për rënien e blerjeve dhe konsumit. Rrjedhimisht kjo do të thotë më pak para në qarkullim dhe më pak likuiditet dhe fitim për bizneset si dhe vështirësi për ta për të paguar taksat dhe tatimet.
Një rreth vicioz që ka mbërthyer ekonominë dhe ku pasojat i vuajnë të gjithë.

ORA NEWS

[Albo]

Forumi Kombëtar i Biznesit: Problem, taksat e larta

Forumi Kombëtar i Biznesit bëri të ditur rezultatet e studimii të fundit të tij gjatë Konferencës mbi Këndvështrimet e Biznesit mbi Informalitetin në Shqipëri, ku edhe dha rekomandimet përkatëse, me qëllim formalizimin e ekonomisë apo përmirësimin e klimës së biznesit në Shqipëri.

Analiza e të dhënave të studimit tregon se dy ndër problemet kryesore për pjesën më të madhe të komunitetit të biznesit shqiptar janë: ’’niveli i lartë i taksave’’ për 2/3 e përfaqësuesve të sipërmarrjeve të intervistuara, (66 %) dhe ”konkurrenca (e pandershme) nga biznese të tjera të paregjistruara’’, për gati 2/3 e tyre, (64 %).

Duke marrë në konsideratë se një ndër pengesat kryesore është edhe konkurenca e pandershme nga biznese që nuk janë të regjistruar, bizneset janë pyetur për arsyet kryesore që mund të pengojnë regjistrimin e tyre. Bizneset e përfshira në studim vleresojnë se tre barrierat kryesore që pengojnë regjistrimin e bizneseve janë: “Detyrimet për të paguar taksa’’ – për më shumë se 3/4 e tyre (77 %); “risk më i lartë për t’u kontrolluar nga kontrolli tatimor’’ – për afro 2/3 e tyre (62 %) dhe “risk më i madh për t’u kontrolluar nga Inspektorati i Punës’’- (57 %).

Përsa i përket nivelit të praktikave informale në komunitetin e biznesit, rezultatet e anketimit vlerësojnë se rreth 1/3 e detyrimeve fiskale përkatese mbi shitjet shmangen nga detyrimet tatimore, (31 %), pothuajse 1/3 e totalit të fuqisë punëtore nuk raportohet fare tek autoritetet tatimore, (29 %) dhe 43 % e pagës totale të punonjësit, paguhet me të holla në dorë (cash). D.m.th pjesa e pagave të punës për të cilën nuk paguhen detyrimet kundrejt sigurimeve shoqërore dhe shëndetësore është e konsiderueshme.

Bizneset janë pyetur në lidhje me arsyet kryesore të shfaqjes së praktikave informale në nivele relativisht të larta. Sipas rezultatave të anketimit rezulton se tre arsyet kryesore që i pengon ato të jenë plotësisht formal, janë: “Niveli i taksave – në gati 3/4 e rasteve (71 %), Korrupsioni në radhët e zyrtarëve publik’’ në gati 2/3 e rasteve (63 %) dhe, ‘’Kontrolli tatimor’’ në më shumë se gjysmën e tyre (55 % ).

Përfaqësuesit e sipërmarrjeve të intervistuara, u pyetën dhe për faktorët që mund të nxisin pagesat e plota në mënyrë formale të taksave. Nga analiza e të dhënave, rezulton se ndër faktorët që mund të nxisnin pagesat e plota në mënyrë formale të taksave janë edhe: nëse këto të hyra tatimore shkojnë për të financuar shërbime të rëndësishme, për 2/3 e rasteve, (67 %) dhe nëse do të kishim një reduktim të nivelit të taksave që paguajnë bizneset dhe të punësuarit, në afërsisht 2/3 e rasteve, (60 %).

Bazuar në të gjitha problemet e identifikuara nga 400 bizneset e intervistuara në të gjithë sektorët e ekonomisë, me një shtrirje gjeografike në të gjithë Shqipërinë, Forumi Kombëtar i Biznesit ka hartuar një sërë rekomandimesh duke u përqëndruar në tre kategori kryesore të problemeve: barra e taksave dhe motivimi i bizneseve për të paguar taksat, përputhshmëria me marrëdhëniet e punës dhe kontrolli tatimor.

Koha Jone