Close
Duke shfaqur rezultatin -19 deri 0 prej 10
  1. #1

    Ismail Kadare: Të hapen dosjet, njerëzit e përzier në krim janë ende mes nesh

    Ismail Kadare: Të hapen dosjet, njerëzit e përzier në krim janë ende mes nesh


    Shkrimtari Ismail Kadare në një intervistë të dhënë së fundmi përgjigjet për të gjitha “akuzat” e drejtpërdrejta bërë nga trashëgimtarët e Mitrush Kutelit, paraqitur në botimin më të fundit “Netë moldave”. Kadare për herë të parë tregon si është përkthyer në frëngjisht vepra e Kutelit, por mbeti e bllokuar, e pabotuar nga familjarët. Shkrimtari pohon se Kuteli nuk është dënuar si oficer fashist, por për çështjen e Kosovës.

    “…E vërteta të forcon”, – thotë Kadare në bisedë, duke lënë të kuptohet se intervista është një mundësi shqyrtimi mbi krimet në diktaturë përtej “akuzës” që i drejtohet atij nga trashëgimtarët e shkrimtarit Mitrush Kuteli, që dje u mbushën 108 vjet nga dita e lindjes. Kadare që shfaqet gjithnjë e më rrallë, në ndërhyrjet e tij intelektuale në punët e vendit, këtë herë në intervistën për “Standard”, nxitur prej rastit të Kutelit, shprehet me përgjegjësi politike kur thotë se “hapja e dosjeve, dalja në dritë e të vërtetës nuk do të lejonte më që në sferën delikate të letrave dhe artit, spekulantët dhe denonciatorët, të vazhdonin veprën e tyre çnjerëzore. “Dje, ata i çonin kolegët e tyre në burg, e disa herë në mort, sot përpiqen t’i dëmtojnë me shpifje dhe trillime, si ato që u përmendën në këtë bisedë”. Për shkrimtarin zhdukja e gjurmëve të krimit është nga problemet kryesore të një diktature të rrëzuar. Ky është edhe rasti shqiptar. “Krahas mënyrës klasike, zhbërjes së dokumenteve, është fabrikimi i sajesave çoroditëse, që japin dorë për krijim fantazish dhe trimërish. Te rasti i Paskos kanë vepruar të dyja, çka tregon se një pjesë e njerëzve të përzier në krim janë ende midis nesh”, – është shprehur Kadare.

    Zoti Kadare, është botuar një libër nga trashëgimtarët e Kutelit, “Netë moldave”, me një parathënie të gjatë, që ndalet në akuza të drejtpërdrejta mbi ju, mbi disa pasaktësi, sipas tyre, të dhëna në librin tuaj “Mëngjeset në kafe Rostand” mbi jetën e Kutelit. E para lidhet me vitet e burgut, dënimin e tij, dhe e dyta, që është më e rëndësishme, me pandehmën tuaj për përfshirjen e Kutelit në Betejën e Stalingradit. Në përgjigje të kësaj, ju sollët në gazetën “Standard” të njëjtin shënim si edhe në libër. Pse vendosët të reagonit me të njëjtën mendim, kur pritej të zgjeronit historinë e kësaj situate?

    Përgjigjja ime ka qenë e njëjtë, sepse e vërteta ka qenë e tillë. Nuk e kam bërë ndonjë pandehmë për pjesëmarrjen e Dhimitër Paskos në betejën e Stalingradit. Përkundrazi, kam shkruar se “sipas një pëshpërime jo fort të besueshme”, është përhapur kjo pandehmë ose ky trillim.
    Mendoj se shprehja “sipas një pëshpërime jo fort të besueshme” është aq e qartë sa të mos lexohet si e kundërta e saj.

    Trashëgimtarët shkruajnë në libër, që sipas Plasarit, ka qenë Shuteriqi, i cili ka artikuluar i pari “betejën e Stalingradit” dhe pretendojnë se ju jeni pasues i kësaj “teorie”. Si ka mbërritur tek ju ky “informacion”?

    Nuk di që pëshpërima ka patur si autor Shuteriqin. Kam qenë student në Tiranë kur e kam dëgjuar të qarkullonte gjerësisht.

    Në fakt, familjarët e lidhin këtë situatë me Shuteriqin si një argument të fortë, si akuzë politike pse u dënua Kuteli, ardhur nga qarqet letrare. Një version tjetër, po që përmendet shkarazi, është edhe Kosova, “Poemi kosovar”. Në dijeninë tuaj, pasi nuk besojmë që rasti i Kutelit t’ju ketë lënë indiferent, pse mund të jetë dënuar me burg ky shkrimtar?

    Mendoj se për ngjarje dramatike, siç janë dënimet e shkrimtarëve të shquar, duhet folur më seriozisht, çka do të thotë, më saktësisht. Dhimitër Pasko u arrestua dhe u fut në burg në vitin 1947, në kohë e terrorit shqiptaro-jugosllav. Ai u lirua fill pas prishjes së miqësisë me Jugosllavinë. Kjo e bën edhe më të besueshme tezën se kërkesa për arrestimin dhe burgosjen e tij është bërë prej Jugosllavisë për shkak të angazhimit të tij për çështjen e Kosovës, dhe të një poeme me subjekt Kosovën. Ky është një kujtim i turpshëm në historinë shqiptare pas luftës botërore, koha kur Mugosha dhe Popoviçi urdhëronin arrestime, si të ishin në shtëpi të vet. Merret me mend që ka njerëz që ende janë të interesuar që ky turp të harrohet, ngaqë kanë qenë të përzier me të.

    Flitet për një letër që familjarët e Kutelit jua kanë dërguar juve më `88, pasi në një parathënie në frëngjisht ju keni përmendur mobilizimin e shkrimtarit dhe prej aty si duket, ka zgjatur ky debat deri tani. Si është historia juaj për këtë situatë, çfarë fati pati parathënia për Kutelin?


    Do të ishte mirë që familjarët e Paskos t’i kujtonin ngjarjet ashtu siç kanë ndodhur. Pasko, ashtu si Poradeci, ka qenë shkrimtar i mënjanuar prej regjimit komunist. Si të tillë, ishin gjysmë të ndaluar dhe botimet e tyre ishin jashtëzakonisht të rralla. Në kushte të tilla, dashamirësit e tyre, që nuk munguan kurrë, janë përpjekur t’i ndihmojnë. Në atë kohë drejtoja të vetmen revistë që botohej në frëngjisht te ne, “Les lettres albanaises”, misioni i së cilës ishte njohja e letërsisë shqipe në botë. Dihej se Pasko si shkrimtar gjysmë i ndaluar që ishte, nuk preferohej për përkthim. Megjithatë, vendosa të botoj, pa kërkuar leje, disa nga perlat e tij në frëngjisht. Vështirësitë ishin të shumta, duke nisur nga gjetja e përkthyesit, të cilët ishin nën kontroll. Përkthyesi im, Jusuf Vrioni, më propozoi që të përpiqesha për kushëririn e tij të parë, Azis Vrionin, i cili, njëlloj si Jusufi, kishte qenë i burgosur politik, përkthente gati-gati po aq shkëlqyeshëm sa ai. Dhe natyrisht e kishte emrin e ndaluar në shtyp, njëlloj si Jusufi. Pa i thënë askujt i propozova përkthimin e Paskos, bashkë me pseudonimin Luan Gjergji, nën të cilin u përkthyen dhe u botuan, njëra pas tjetrës, novelat e Paskos. Ia tregova tekstet botuesit tim francez në “Fayard”, i cili i çmoi shumë dhe pranoi t’i botonte në një libër, bashkë me një prezantimin tim, njëlloj si kishte ndodhur me prozën e Migjenit, që sapo kishte dalë në frëngjisht në Paris. Këtu ndodhi edhe surpriza e keqe. Botimi u pengua nga trashëgimtarët e Paskos! Ka kaluar shumë kohë që atëherë dhe ende sot ka mbetur një mister ky refuzim. Kam kujtuar se pas rënies së komunizmit, trashëgimtarët kanë gjetur ndonjë tjetër botues të huaj, por as kjo s’ka ndodhur. Ende sot novelat e bukura të përkthyera shkëlqyeshëm, kanë mbetur pa u shfrytëzuar në “Les lettres albanaises”.

    Cili është dimensioni i Kutelit për ju?

    Dhimitër Pasko është një nga shkrimtarët më të shquar shqiptarë, jo vetëm të viteve `30, por të krejt letërsisë shqipe. Si një klasik i saj, ai bën pjesë, në mënyrë të padiskutueshme, në fondin e artë të letrave shqipe.

    Jeni takuar ndonjëherë, si e mbani mend?


    Siç kam shkruar në librin “Mëngjeset në kafe Rostand”, e kam takuar për herë të parë kur isha student në shtëpinë e Sterjo Spasses, në rrugën Him Kolli, në Tiranë, më 1958. Ishte përgjithësisht i heshtur e i pa përzier me njerëzit, dhe kjo ishte e kuptueshme për një shkrimtar që kishte qenë i burgosur politik. Aq më tepër që arsyet e vërteta të burgimit të tij, siç ndodhte shpesh, mund të merreshin me mend, pa u thënë asnjëherë haptas.

    Si e shpjegoni faktin e zhdukjes së dosjes së dënimit të Kutelit? Familjarët thonë se nuk ekziston as letra e akuzës, pra thjesht, duke mbetur si “armik i popullit”, që si shkak iu ndalua botimi, e që pasoi me izolim të detyrueshëm të tij, duke u marrë vetëm me përkthime.

    Humbja ose, më saktë, zhdukja e dosjes së hetimit e të dënimit të Dhimitër Paskos, është më shumë se një skandal. Është një shkrimtar shumë i njohur, i dënuar me burg politik, qysh në fillimet e rendit komunist. Është jashtë çdo dyshimi se ka patur dhe ende ka njerëz të interesuar që dosja të zhdukej. Në radhë të parë, janë denoncuesit, e sidomos ata që urdhëronin ose që e dinin nga vinin urdhrat. Zhdukja e gjurmëve të krimit është një nga problemet kryesore të një diktature të rrëzuar, si në rastin shqiptar. Krahas mënyrës klasike, zhbërjes së dokumenteve, është fabrikimi i sajesave çoroditëse, që japin dorë për krijim fantazish dhe trimërish. Te rasti i Paskos kanë vepruar të dyja, çka tregon se një pjesë e njerëzve të përzier në krim, janë ende midis nesh. Hapja e dosjeve, dalja në dritë e të vërtetës nuk do të lejonte më që në sferën delikate të letrave dhe artit, spekulantët dhe denonciatorët, të vazhdonin veprën e tyre çnjerëzore. Dje ata i çonin kolegët e tyre në burg, e disa herë në mort, sot përpiqen t’i dëmtojnë me shpifje dhe trillime, si ato që u përmendën në këtë bisedë. Desha të shtoj këtu se, po aq sa shpifësit e spiunët e djeshëm, do të përgjigjen ata që kanë dijeni për këto dosje, por në vend që t’i zbulojnë ato, i fshehin thellë e më thellë.

    (BalkanWeb)

  2. #2
    i/e regjistruar Maska e SERAFIM DILO
    Anëtarësuar
    06-01-2008
    Postime
    7,489

    Për: Ismail Kadare: Të hapen dosjet, njerëzit e përzier në krim janë ende mes nesh

    Pa hapjen e dosjeve ai vend nuk do shikoje nje fije drite. Nuk do kete nje njeri te mire e nje njeri pozitiv.

    Kadare ka te drejte (edhe se eshte diskutim jo i pergjithshem)por nuk ka kurrajon te shkoje deri ne fund;Ti beje nje pyetje arsyetimit,ti japi te verteten llogjikes.Kush e pengoi hapjen e dosjeve,kush eshte personi kryesor ?

  3. #3
    i/e regjistruar Maska e Evian
    Anëtarësuar
    04-08-2015
    Postime
    507

    Për: Ismail Kadare: Të hapen dosjet, njerëzit e përzier në krim janë ende mes nesh

    Pse nuk jep emra Ismail Kadare ? Pse drejton gishtin e s'jep adresa ? Fol o burr i dheut, FOL ! E vërteta le që të forcon, por edhe të liron, prandaj FOL !

  4. #4
    i/e regjistruar
    Anëtarësuar
    02-09-2015
    Postime
    44

    Për: Ismail Kadare: Të hapen dosjet, njerëzit e përzier në krim janë ende mes nesh

    Shqiperia o spiuna o te perndjekur ka..
    Kadareja na eshte deshmimtari.

  5. #5
    Kunja_01 Maska e Duke_Of_Arberia
    Anëtarësuar
    02-08-2003
    Vendndodhja
    overal, ne levizje.
    Postime
    2,604

    Për: Ismail Kadare: Të hapen dosjet, njerëzit e përzier në krim janë ende mes nesh

    Me gjithe respektin per Kadaren, si nje kolos i letersise boterore, prape te le nje shije te hidhur kjo teme! Sepse rrugezgjidhjen e jep nje i perkedhelur i regjimit i cili vendosi ta marre titullin e disidentit ne 1990-en me nje udhetim komod drejt Frances!

    PS: Persa i perket dosjeve, besoj se jemi te gjithe dakort qe duheshin te ishin hapur te pakten 20 vite me pare...
    Trimi mirë me shokë shumë!!!!!!

  6. #6
    i/e regjistruar
    Anëtarësuar
    14-09-2014
    Postime
    992

    Për: Ismail Kadare: Të hapen dosjet, njerëzit e përzier në krim janë ende mes nesh

    Dosjet kane gallate sidomos po ti kesh jetuar ato vite dhe to mos kesh qene i perlyer ne to!


  7. #7
    i/e regjistruar
    Anëtarësuar
    24-09-2010
    Postime
    778

    Për: Ismail Kadare: Të hapen dosjet, njerëzit e përzier në krim janë ende mes nesh

    Kadare e ka fjalen per veten e tij,sepse eshte njeriu me hipokrit i cili perdori talentin e tij per ti zgjatur jeten rregjimit diktatorial komunist.

  8. #8
    Moderator Maska e benseven11
    Anëtarësuar
    10-09-2002
    Vendndodhja
    new jersey-usa
    Postime
    13,816

    Për: Ismail Kadare: Të hapen dosjet, njerëzit e përzier në krim janë ende mes nesh

    Hapja e dosjeve i sherben vetem nje qellimi
    zbulimin e politikaneve te vjeter
    te perfshire ne spiunlliqe diskretitimin e tyre publikisht qe ato te mos fitojne vota
    shumica rreth 80 perqind e personave me dosje kane vdekur
    20 perqindshi i ngelur jane
    shumica politikane dhe nje grusht
    pensionistash qe kane bere
    spiunlliqe te vogla dhe sja vlen
    te merresh fare
    So,e gjithe kjo zhurme per dosjet
    eshte nje fiasko i ka ikur interesi
    dhe aktualiteti do ta mbuloje
    se shpejti pluhuri i cinteresimit
    harreses te gjitha materialet kane
    vetem vlere per te rishkruar historine.Te denosh politikane me dosje eshte shume e veshtire
    per te mos thene e pamundur
    Gjykatat nuk preferojne te merren
    me keto ceshtje sepse i perkasin
    nje sistemi diktatorial me sistem ligjor krejt te ndryshem nga ai i sotem
    Ish spiunat nuk kane thyer ndonje
    ligj te sistemit demokratik sot dhe kjo
    perben ne pengese serioze per ti dhene atyre denim
    Si do i denosh?
    Ajo qe ish spiunat bene ishte
    e mbeshtetur ne ligjin e atij sistemi dhe teknikisht ato skane thyer ndonje ligj qe te denohen
    Bejne perjashtim rastet kur eshte
    abuzuar me ligjet ne fuqi ne situata specifike.

  9. #9
    i/e regjistruar
    Anëtarësuar
    14-09-2014
    Postime
    992

    Për: Ismail Kadare: Të hapen dosjet, njerëzit e përzier në krim janë ende mes nesh

    Dosja
    e
    krimit,
    losja
    qellimit
    hipokrit....................
    ............... ...........
    .

  10. #10
    not exist Maska e skender76
    Anëtarësuar
    10-06-2003
    Vendndodhja
    Sa me larg Shqiperise...
    Postime
    4,784

    Për: Ismail Kadare: Të hapen dosjet, njerëzit e përzier në krim janë ende mes nesh

    Dosjet?
    Cilat dosje?

    Ato dosjet qe i ka revizionu Ramizi, me pas dr. Berisha, me pas Fatos Nano, Prap dr, e tashi n'fun lartgjatsia e tij?

    Aman bre mos i hapni se do na dalin te persekutum te lartpermendurit!!
    paqen, e sjell vetem drejtsia

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •