-Ibrahim Kodra duke shpërthyer në një bravo për piktorin e sapozbuluar nga Shqipëria thotë: Ja ku e keni Shqipërinë

- Sulejman Prrenjasi, piktori që hapi mbi 20 ekspozita në gjithë Italinë

- Një ekspozitë pikture në shtëpinë e Behar Shtyllës

- Marja e kartës së Antarit të Akademisë Europiane të Pikturës pati jehonë në Itali dhe Shqipëri


Albert Z. ZHOLI

“Një jetë me dashuri për pikturën” një film dokumentar për piktorin Sulejman Prrenjasi, realizuar nga regjizori Kristaq Janushi,as.regjizor Lulzim Sula,Monrtazhi Alda Sula,Teksti Petrit Ruka dhe lexim teksti nga Agim Xheka me rastin e 80 vjetorit të Antarit të Akademisë Europiane të Pikturës. Fshati Lubonjë është fshati ku e rrit piktori, ku u edukua dhe formoi talentin e tij për pikturën.Tirana është vendi ku jetoi dhe punoi dhe vazhdon jetën piktori dhe Italia vendi ku me ndihmën e të birit hapi studion e tij. Njohja me piktorin e madh Ibrahim Kodra dhe hapja e mbi 20 ekspozitave në gjithë Italinë, përbën kulmin e krijimtarisë së tij.

Drejt vendlindjes

Sa më shume plaket njeriu, aq më shumë mendja dhe këmbët e çojnë drejt fëminisë. Artisti shkon e takohet edhe njëherë me shumë shok të fëmijërisë në rrënjët e fshatit Lubonjë në rrethin e Korçës. Megjithëse ka lindur në një fshat të Skraparit ku ka ikur 5 vjeç që andej dhe fëminia e tij është e tëra këtu. Imazhet e para plot ngjyra i ka marë në këto anë dhe në këto peisazhe që janë të shtrenjta për të. Këtu pa për herë të parë ngjyrat rrëzëllitëse të pranverës dhe të luleve, të ujrave dhe të qiellit që nuk do ti harrojë kurrë dhe po kështu botën e pikturës që e pa e e zbuloi në kishën e fshatit që u bë shkolla e parë e vizatimit të tij. Një takim magjik me pikturën që nuk e tradhëtoi kurrë në jetë.

Lubonja me bukuritë e saj

Lubonja me bukuritë e saj, me afresket e kishës së saj mbeti e para dhe fundit shkollë e ngjyrave për piktorin e ardhshëm, i cili nuk do të bëjë shkollim akademik. Këtu ai filloi vizatimet e para duke shkuar çdo ditë pas mësimit në tre kishat e Lubonjës. Muret e tyre plot afreske dhe piktura u bënë e para dhe e fundit akademi artesh në zemrën e tij. Aty zbuloi linjat e pafundësisë së ngjyrave. Këtu zemra e tij bëri magji me këtë art të mrekullushëm dhe kjo magji e ndoqi tërë jetën,duke i hapur hap pas hapi rrugën drejt suksesit.

Piktori naivist

Fati nuk e deshi që të mbaronte as liceun e as Akademinë e Arteve, por kjo nuk e pengoi të ndjekë pasionin e tij të madh, botën e ngjyrave. Dështimi në një konkurs, ku fati luan trillet e rastit dhe të rrethanave nuk e trishton, nuk e thyen nuk e brengos. Eshtë një njeri i thjeshtë dhe pasi ka punuar gjithandej pas ushtrisë vendoset në Tiranë.Punon si në ndërmarje të zakoneshme ndërtimi dhe më vonë si elektricist dhe duke bërë një jetë të varfër dhe plot mundime, por sapo mbaron punën e tij këmbët i hanë të dal nga Liqeni i Tiranës, të pikturojë dhe të ndjehet i lumtur. Ekspozita e tij e parë është hapur në vitin 1997,e cila korr një sukses te merituar. Të gjithë janë të emocionuar nga kjo pikturë naiviste, plot gjetje dhe ngjyra. Piktori nuk vjen nga bota akademike, nga bota e studiove, përkundrazi është rropatur me një jetë plot varfëri, dhe kushte për tu marë me art që së paku kërkon një jetë normale. Por nëqoftëse jeta e tij është zakoneshme arti i tij flet për dhunti dhe talent të jashtëzakonshëm.

Emigracioni i të birit dhe fati

Ikja edjalit në emigracion dhe brengat janë derdhur në disa nga pikturat që vizitorët i shikojnë për herë të parë. Madje shumë kush nga ata nuk e di që disa nga telajot kanë vizat e dyshekut të djalit që i ka ikur në emigracion dhe babai i ka kthyer në telajo për të derdhur shpirtin e tij të madh. Më në fund duket sikur rruga e suksesit është hapur dhe Sulejman Prenjasi i vijnë ftesa për të hapur ekspozita të tjera me punët e tij në Itali. Fati e ka bërë të vetën. Piktori takon në Milano të famshem Ibrahim Kodra dhe piktori me famë botërore entuziazmohet nga piktura e tij duke shpërthyer ne një bravo të madhe për piktorin e sapozbuluar nga Shqipëria. Ja ku e keni Shqipërinë thotë Maestro Kodra duke drejtuar dorën nga punimet e tij. Dhe me ndihmën e tij i vijnë ftesat me radhë për të hapur ekspozita ngado në gjithë Italinë. Sulejmani tani gjendet tashmë në faqet e shtypit italian dhe atij shqiptar,duke shijuar pas kaqe vjetesh sakrifice dhe vullneti kenaqesine qe jep flaka e pasionit qe nuk u shua kurrë. Marja e kartës së Antarit të Akademisë Europiane të Pikturës pati jehonë në Itali dhe Shqipëri


Admirimi për piktorin e madh Ibrahim Kodra

Admirimi që kishte (dhe ka) për piktorin e madh Ibrahim Kodra e çoi ti bënte një dhuratë (kur ishte gjallë) mjeshtrit shqiptar me famë botërore, duke e vendosur midis trungut të një lisi shekullor që duket sikur ka mbirë në mes të sheshit Skënderbej në mes të Tiranës. Ndërsa në veprat e reja e në ekspozitat e tjera shfaqet gjithmonë e më shume drama e Kosovës që aso kohe ëprjetoi tragjedinë e saj të fundit në luftën çlirimtare. E kuqja e flamurit shqiptar ndihet dhe përflak kudo në tabllotë e tij të kesaj kohe. Eshtë ngjyra e bukur që vjen qysh prej fëminisë, nga tjegullat dhe zjarri i dimrave të tij, prej Lubonjës së Korçës.

Telegraf