Aforizmat e Agim Metbalës #2

[Agim Metbala]

- Në mesin e njerëzve të ndershëm, krimineli vazhdimisht forcohet – çfarë pakuptimësi!
- Çdo punë serioze, sjell rezultate bravuroze!
- Nëse dëshiron kënaqësi momentale, tërhiqu vemendjen njerëzve, nëse do kënaqësi të vazhdueshme, rrekju punës me nder!
- Atë çka vërtet dëshironi, ta artikuloni qartë, kurrë mos hezitoni!

[Agim Metbala]

- Kujtesa e popullit, nuk vdes kurrë!
- Mos u merr kurrë me rastin e humbur, vetëm sa do i shkurtosh jetën rastit të mundshëm!
- Dashuria dhe seksi, kanë fuqi të paimagjinueshme, ato i kanë shkatërruar perandoritë e lëre më njerëzit e rëndomt!
- Formati i pakrahasueshëm në familjen pakurrizorëve, është politikani!

[Agim Metbala]

- Dituria është aq e pa fund sa s’i lë hapësirë askujt të lavdërohet shumë!
- Meqenëse dija s’ka kufi, mos u lavdëro o njeri!
- Mos i lejo vetes komoditet që pavlera të ta humbasin kohën e vlefshme!
- Njeriu i zgjuar, kurrë nuk është i kënaqur, ai vazhdimisht kërkon zgjidhje dhe avansime të reja në rrugë të reja!
- Pushtetari i korruptuar, në organe dhe institucione shoqërore, instalon kriminelë të sprovuar!

[Agim Metbala]

- Në politikën shqiptare sa pak VLERA e sa shumë BETERA!
- Rasti i ikur, edhe nëse kthehet ndonjëherë, kthehet me shumë defekte!
- Nëse marrëzia të okupon, as Zoti e as dreqi s’të ndihmon!
- Për mua është më i këndshëm promovimi i librit të një fëmije, se sa e tërë fushata elektorale dhe e të gjithë liderëve tanë!

[Agim Metbala]

- Servilizmi e forcon pushtetarin!
- Politikanët tanë do i bënin nder popullit t’i pastronin ministritë nga plehrat e shumtë, rrugët, qytetet... do i pastrojnë kompanitë shërbyese!
- Secili njeri ka nevojë për spektakle, mos kurgjë tjetër, për një çast ta zbraz energjinë negative të akumuluar!
- Vërtet ndjehem i stresuar sa qenë e kudra...kanë hypur edhe në maje të politikës shqiptare në të gjitha trojet!
- Hajni, me shumë lehtësi i pranon dhe i duron ofendimet!

[Agim Metbala]

- Njeriu i ndershëm, edhe nga ofendimi më i vogël, çmendet totalisht!
- Atdhetarët në çdo kohë, viktimizohen e matrapazët në çdo kohë, pasurohen!
- Edhe para çlirimit intelektualët janë marrë me politikë, duke e sakrifikuar jetën për Kosovën, pas çlirimit, po e sakrifikojnë Kosovën për interesat personale!
- Shumë të fortët dhe shumë të dobët, janë persona shumë të rrezikshëm!
- Mos nënvlerëso e as mos mbivlerëso asnjë person!

[Agim Metbala]

- Po mos të ishin rregullat morale, s’do të kishte as martesë e as familje!
- Në jetë, përpiqu vazhdimisht t’i bishtërosh dy grupe njerëzish – ata shumë të fuqishëm dhe ata shumë të dobët!
- Forca, kurrë nuk bashkëdyzohet me mëshirën!
- Paraja e madhe, vazhdimisht ec krahpërkrah me krimin!
- Ndreshmëria ofron vetëm mbijetesën!

[Agim Metbala]

- Në udhëkryqin e jetës, politika me mëshirën, nuk takohen kurrë!
- Politika rreth vetes zakonisht i tubon të fuqishmit dhe të ndëgjueshmit!
- Uroj që unë ta kem gabim, ama shoqëria shqiptare, skajshmërisht është dekompozuar!
- Sa flliqana e mutana...e gëzojnë dhe e dhunojnë lirinë, ua gërdisin shijen atyre që na e sollën!
- Gënjeshtari më i rrezikshëm, është gënjeshtari që mbulon gënjeshtrën!

[Agim Metbala]

- Në një takim ku të gjithë “shesin” mend, largohu heshtazi!
- Gabimi më i madh i jetës është të presish që fati të buzëqeshë!
- Nëse ndërgjegjen e mbanë nën sqetull, mos u brengos kudo që shkon!
- Politikanë, ju përgjërohem, mos na e devalvoni identitetin personal e kombëtar!

[Agim Metbala]

- Po t’i donte e respektonte populli pushtetarët, s’do t’i kishin me vete gjithë ata budigardo e sigurim policor!
- Nëse ke ndërmend të kthehesh, kurrë mos ik!
- Ka tipa që e shtrembërojnë qafën nga krenaria e tepruar!
- Më shumë më frikëson gjuha dhe sjellja ime, se sa të gjithë njerëzit që më rrethojnë!
- Fjala dhe pëllumbi, janë shumë të ngjajshëm, po i lëshove, ikin në pakthim!

[Agim Metbala]

- O njeri, nuk ke punë me botën, por me vetveten!
- Sa herë në kokë të sillet frika, mos prit suksese!
- Ikja nga puna – ikja nga jeta e ndershme!
- Sa herë ik nga puna, do të ndeshesh me probleme!

[Agim Metbala]

- Njerëzit ta masin edhe hapin si hedhë!
- Shiko përpara e mendo kë e ke mbrapa!
- Në “muzeun” e kujtesës së popullit, do futen dy kategori njerëzish – ata që kanë vepruar për të mirën e popullit, dhe ata që kanë vepruar në dëm të popullit!
- Nëse ka 1001 gjëra të bukura e të këndshme, nuk e di pse e drejton syrin dhe trurin në gjëra të shëmtuar e të pakëndshme!

[Agim Metbala]

- Vërtet kam shumë fjalë, më tepër se unë i kanë edhe shumë shkrimtarë...por sot, thuase kurkush nuk ka nevojë për fjalë!
- Unë aspak nuk dëshiroj të shkruaj për të keqen, ama ajo sillet çdo kund mes nesh!
- Unë do të shkruaj vazhdimisht për të mirën nga ai çast kur të mirën do ta shoh mes nesh!
- Nuk ka ndjenjë më e këndshme për krijuesin se sa të shkruaj kur e ndjen dhe e shijon të mirën!

[Agim Metbala]

- Gjërat që s’mund t’i bësh, dorëzohu vullnetarisht!
- Kompleksi i inferioritetit, humb ndjenjën e dashurisë!
- Nëse edhe për një çast i mbyll sytë, mund t’ju ikin pa i parë, shumë gjëra të bukur!
- Fatkeqësisht, politika shqiptare, akoma matet me kutin e së kaluarës!

[Agim Metbala]

- Kujdes, ndërgjegjja nuk është mall që mund ta bleni në treg të lirë!
- Mos i lejo vetes komoditet që dyshimi të ta marrë shumicën e kohës!
- Hotelet më me renome, i ruajnë krimet më të rënda!
- Platforma politike e një shteti e hartuar pa pjesëmarrjen e Akademisë së shkencës, artit dhe kulturës, është e gjykuar në dështim!

[Agim Metbala]

- Demaskimi i së keqes, është detyrë morale e ligjore e secilit qytetar!
- Propogandimi i së vërtetës, është detyrë morale e secilit njeri!
- Kush përkrah të keqen, edhe vet është i keq!
- Vrasja më e ulët dhe më e kushtueshme, është vrasja politike!

[Agim Metbala]

- Nëse në jetë e përqafon sinqeritetin, drejtësinë, moralin...vërtet do të kesh pak miq, mirëpo ata do të ofrojnë shumë respekt e dashuri pa kufi!
- Besoi zemrës e shpirtit, ato kurrë nuk bëjnë kalkulime!
- Nuk di pse hidhërohen intelektualët e vlerave të larta, kur ata vullnetarisht kanë zbritur nga skena politike kosovare!
- Agresiviteti është veti kryesore e njerëzve të padijshëm!

[Agim Metbala]

- Sido që të sillesh, do gjinden njerëz që do t’ju përqeshin!
- THA, më THA, i THASH, THANË, na THANË, i THAMË...sa fjalë të shkurtër e me sa pasojat të fuqishme!
- Ushqimi dhe seksi, e qetësojnë trurin!
- Punën që mund të bësh vet, pak kush të ofron ndihmë!

[Agim Metbala]

- Kur poeti aktivisht kyçet në politikë, i dorëzohet të keqes!
- Çështja e ndërlikuar – kërkon njerëz të kompletuar!
- Të gjithë bëjnë hile, mirëpo të ndershmit i respektojnë bile minimumin e vlerave universale!
- Edhe nga aksesorët që i përdorin njerëzit, lehtë mund të kuptohen edhe karakteret!

[Agim Metbala]

- Njeriu i suksesshëm, bëhet shënjestër i sulmeve thuase nga të gjithë!
- Dështimi sado që zbukurohet, s’do të ket kurrfarë efekti!
- Poeti i cili aktivisht kyçet në politikë, që nga ai moment, devalvon veten 100% or mik!
- Shënjestër e vetme e sulmeve të secilit artist, duhet të jet qeveria aktuale!
(Sigurisht, me qëllim të vetëdijsimit)