Gjykata e Apelit: Burg për jetë për Arben Frrokun, Policia e lejon të arratiset

[Albo]

Vrasja e Dritan Lamajt , Apeli vendos burg për jetë për Arben Frrokun. Ja 5 provat që e bindën



Gjykata e Apelit e Krimeve të Rënda vendos të pranojë kërkesën e prokurorisë për ta dënuar me “burg për jetë” Arben Frrokun të akuzuar si autor të vrasjes së komisar Dritan Lamajt.
Vetë Frroku nuk ka qenë i pranishëm në seancën e sotme gjyqësore, ndërsa avokati Genc Gjokutaj e quajti vendimin e Apelit “si të marrë nën presion politik” dhe shtoi se do të bëhet rekurs në Gjykatën e Lartë.
Kjo gjykatë pranoi kërkesën e prokurorisë ndërsa rrëzoi vendimin e Gjykatës së Krimeve të Rënda e cila më 3 prill e shpalli të pafajshëm Frrokun për vrasjen e komisar Dritan Lamajt
Ndërkohë që në Apel vendimi bëhet i ekzekutueshëm, prej dy javesh Arben Frroku nuk ndodhet në Shqipëri.
Genc Gjokutaj: “Është një vendim nën presion, megjithatë ne do të ndjekim rrugën ligjore pasi nuk kemi rrugë tjetër. Ky është një vendim në kundërshtim me të gjitha aktet që janë në dosje. Nuk flitet më për gjykata të varura apo të pavarura, por për gjykata nën presion. Do bëjmë rekurs”

5 provat që bindën Apelin të kryqëzonin Arben Frrokun
Në konkluzionet përfundimtare të datës 18 mars 2015 Prokuroria renditi provat të cilat në harmoni me njëra-tjetrën, provonin më së miri tej çdo dyshimi kryerjen e veprave penale për të cilat akuzohej i pandehuri Arben Frroku.
Së pari, identifikuam motivin i cili ka shërbyer për të pandehurin në kryerjen e vrasjes me armë të viktimës.
Së dyti, provuam mekanizimin e kryerjes së kësaj vrasje, si numrin e personave, mjetet e përdorura, intinerarin e ndjekur prej tyre, etj.
Së treti, provuam praninë e të pandehurit në vendin e ngjarjes, e konkretisht në rolin e ekzekutorit.
Së katërti, rrëzuam alibinë e tij lidhur me qëllimin e vajtjes së tij të menjëhershme në Greqi natën e ngjarjes.
Së pesti, provuam mundësinë e largimit nga vendi i ngjarjes pas krimit deri në momentin e kalimit të tij në pikën e kalimit kufitarë Kapshticë-Korçë.

ORA NEWS

[Albo]

Biznesmeni shqiptar Arben Frroku është larguar nga Shqipëria dy ditë para seancës që pritet të mbahet ndaj tij në Gjykatën e Apelit për Krime të Rënda.

Ditën e djeshme, Frroku është ndaluar të paktën katër orë për verifikim nga Policia malazeze. Ndalimi është bërë nga autoritetet vendëse pasi Arben Frroku kishte hyrë në territorin e Malit të Zi me një automjet.

Ndërsa e mbanin të shoqëruar, agjentët e Policisë malazeze mësohet se përmes një telefonate kanë kërkuar konfirmim nga Interpol Tirana në lidhje me biznesmenin. “Policia malazeze ka komunikuar me autoritetet shqiptare për të pyetur nëse Arben Frroku është në kërkim dhe nëse ka ndonjë ndalim ndaj tij për të dalë jashtë shtetit”, thanë burime të Policisë. Sipas tyre, pala shqiptare ka konfirmuar se Frroku nuk kishte ndonjë masë ndalimi për të dalë jashtë vendit, pas atij vendimi që dha Gjykata e Krimeve të Rënda në fillim të prillit 2015. Pas verifikimeve të Policisë malazeze dhe konfirmimit se Shqipëria nuk kishte ndonjë urdhër arresti ndaj tij, mësohet se biznesmeni është lënë i lirë. Momenti i ndalimit të biznesmenit nga Shqipëria mësohet se ka qenë kur ai po udhëtonte nga Mali i Zi në drejtim të daljes së kufirit shtetëror drejt Kroacisë.

NGATËRRESA
Ndalimi i biznesmenit Arben Frroku nga Policia e Malit të Zi mësohet të ketë ndodhur për shkak të një ngatërrese. Sipas Policisë, emri i biznesmenit nuk është hequr ende nga sistemi i Interpolit edhe pse akuzat ndaj tij u rrëzuan nga Gjykata e Shkallës së Parë të Krimeve të Rënda në Tiranë në datën 3 prill 2015. Për këtë arsye, sistemi ka qenë i papërditësuar me heqjen e emrit të Frrokut nga lista e personave të kërkuar. Policia malazeze ka kërkuar në këtë rast konfirmim nga Tirana dhe pasi ka mësuar të vërtetën, ka vendosur lirimin e Arben Frrokut.

PROCESI GJYQËSOR
Në datën 12 qershor 2015, në Gjykatën e Krimeve të Rënda në Tiranë, Prokuroria kërkoi dënimin me burg të përjetshëm të Arben Frrokut për akuzën e vrasjes ndaj komisarit Dritan Lamaj. Pasi dëgjoi argumentet e Prokurorisë, Gjykata e Apelit vendosi shtyrjen e seancës për në datën 22 qershor 2015. Në këtë datë pritet të dëgjohen konkluzionet e avokatëve mbrojtës të biznesmenit Arben Frroku. Më pas gjykata mund të shprehet me vendim për këtë çështje në këtë seancë, ose pas dëgjimit të konkluzioneve të avokatëve mund të vendosë shtyrjen e seancës edhe për disa ditë me qëllim përgatitjen e vendimit përfundimtar në lidhje me këtë çështje.elit pritet që të jepet më vonë se data 22, pasi të jenë dëgjuar konkluzionet e të gjitha palëve.

Panorama

[benseven11]

Burg përjetë Arben Frrokut. Apeli rrëzon vendimin e Shkallës së Parë

[Albo]

Dënimi , PD: Rama të japë shpjegime për mbështetjen ndaj Arben Frrokut



PD i kërkoi sot Kryeministrit Edi Rama të japë shpjegime për mbështetjen e tij ndaj Arben Frrokut. Sipas selisë blu i dënuari me burg përjetë nga Gjykata e Apelit ka patur mbështetjen dhe aksesin e kryeministrit, pa të cilën nuk do të ishte i lirë sot.
Bogdani: Një ditë pas vendimit të Gjykatës së Apelit i cili ktheu në vend drejtësinë për vrasjen e kryekomisarit Dritan Lamaj, Arben Frroku nuk është pas hekurave, por është larguar në drejtim të paditur, apo më saktë në drejtimin e duhur.
E themi këtë dhe e denoncojmë këtë fakt sepse Arben Frroku nuk do të ishte sot i lirë edhe pse i dënuar nga Gjykata e Apelit:
po të mos kishte udhëhequr fushatën e Partisë Socialiste në Pukë prej dy muajsh;
po te mos kish mbështetjen dhe aksesin e kryeministrit të vendit i cili kaloi më shumë se 1 orë me të, tek turizmi i Pukes, në mes të qytetit vetëm 1 javë para ditës se zgjedhjeve;
po të mos kish kaluar lirshëm dhe pa pengesë pikën kufitare me Malin e Zi;
dhe po të mos kishte marrë ‘ok’ e zyrës së Interpol Tirana në momentin që u ndalua nga autoritetet në piken kufitare mes Malit te Zi dhe Kroacisë.
Kryeministri i vendit ka dhe duhet të ketë përgjegjësinë dhe detyrim ligjor t’i japë përgjigje para qytetarëve shqiptarë për këto fakte tronditëse.
Por, për fat të keq, dhe në dëm të Shqipërise dhe shqiptarëve, ky ishte standardi i Edi Ramës në këto zgjedhje elektorale; blerja masive e votës; përdorimi dhe presioni i administratës; kandidimi i personave të inkriminuar dhe përfshirja e elementëve të inkriminuar për të mbështetur ata dhe për të shantazhuar shqiptarët. Këto tashmë janë fakte evidente jo vetëm për shqiptarët por edhe për ndërkombëtarët, të cilët e kanë denoncuar qartazi këtë realitet në politikën shqiptare.

ORA NEWS

[Albo]

Berisha: Rama e dërgoi Arben Frrokun në Kubë

Sali Berisha shkruan ne profilin e tij ne Facebook :"

I dhane pafajesine per vota vrasesit te komisarit Lame. Arben Frroku, pas permbushjes se misionit, arratiset per ne Kube! Apeli sot e denoi me burg perjete!

Te dashur miq, Edi Rama me gjykatesit e Partise i dha pafajesine vrasesit te komisarit Lame, Arben Frrokut dhe i ngarkoi blerjen e votave me parate e krimit ne rrethin e Pukes. Dy dite para zgjedhjeve, pasi kreu misionin, Rama e nisi ate per ne Kube. Ne arrati e siper Arben Frroku u ndalua nga policia ne kufirin midis Malit te Zi dhe Kroacise, por pasi Sajmir Shullazi i konfirmoi pafajesine, Frroku vazhdoi i qete rrugen per ne ishullin e Karaibeve.

Sot Gjykata e Apelit i njoftoi ne mungese denimin perjete per vrasjen e Komisarit Lame.

Kjo ishte nje loje e Edi Rames me kriminele, vrases si Arben Frroku duke ekzekutuar per se dyti ne detyre komisarin Dritan Lame! "

Koha Jone

[Albo]

Vrau kryekomisar Lamaj, Interpol shpall në kërkim ndërkombëtar Arben Frrokun

Interpol Tirana shpall në kërkim ndërkombëtar Arben Frrokun, dënuar vetëm pak ditë më parë nga Gjykata e Apelit me burgim të përjetshëm për vrasjen e kryekomisar Dritan Lamajt. Vendimi për shpalljen në kërkim ndërkombëtar është marrë mbrëmjen e së martës.

Vendimi i Apelit erdhi ndërkohë që Frroku kishte 10 ditë që kishte lënë Shqipërinë dhe nuk dihet se ku ka shkuar.

Largimi i tij nga vendi në datën 20 qershor 2015 u pa edhe si një fakt që tregonte pritshmërinë e biznesmenit për një vendim fajësie ndaj tij në Gjykatën e Apelit.
Pak ditë para seancave përfundimtare të procesit ndaj tij në Gjykatën e Shkallës së Dytë të Krimeve të Rënda, Arben Frroku ka kaluar kufirin shqiptar pa u regjistruar në sistemin TIMS.

Largimi i Arben Frrokut nga Shqipëria do të mbetej i fshehtë nëse në datën 20 qershor 2015 policia nuk do ta ndalonte biznesmenin shqiptar në Mal të Zi. Ndalimi është bërë nga policia malazeze, pasi Arben Frroku kishte hyrë në territorin e Malit të Zi me një automjet nga Shqipëria, ndërkohë që nuk ishte regjistruar në sistemin e policisë kufitare.

Teksa e mbajtën të shoqëruar, agjentët e policisë malazeze kanë kërkuar konfirmim nga Interpol Tirana në lidhje me biznesmenin nëse ai ishte në kërkim. Pala shqiptare ka konfirmuar se Frroku nuk kishte ndonjë masë ndalimi për të dalë jashtë vendit, për shkak të pafajësisë së dhënë nga Gjykata e Shkallës së Parë.

Policia malazeze, pas konfirmimit se Shqipëria nuk kishte ndonjë urdhër arresti ndaj tij, mësohet se e ka lënë të lirë biznesmenin. Ndalimi i biznesmenit nga Shqipëria mësohet se është bërë në kohën kur ai po udhëtonte nga Mali i Zi në drejtim të daljes së kufirit shtetëror drejt Kroacisë.

Sipas Prokurorisë, lëvizja e biznesmenit Arben Frroku nga Shqipëria në drejtim të Malit të Zi, nuk është pasqyruar në sistemin TIMS.

Panorama

[Albo]

Sipas Prokurorisë, lëvizja e biznesmenit Arben Frroku nga Shqipëria në drejtim të Malit të Zi, nuk është pasqyruar në sistemin TIMS.

Shikon sa mire. Ja keshtu ka lezet. Kriminelet qe vrasin policat ne mes te Tiranes, Qeveria e Rilindjes jo vetem qe i le te kalojne kufirin, por as nuk i regjistron fare ne sistem qe kaluan kufirin. Qe te mos ngelet asnje gjurme fare qe keta kane dale nga Shqiperia.

Na e prishen punen ata zagaret malazeze qe na e kapen kriminelin nga ana e tyre.

Albo

[{A_N_G_E_L_69}]

Karakteri opozitar nga populli i thjeshte tregon qytetari te moderuar. Por me duket e egzagjeruar qe te fajesojme drejt per drejte qeverine per problemin ne fjale. Fundja ai u la i lire nga gjykatat apo prokurorite. Si gjykata dhe prokuroria jane aty ne karriket e veta qe ne kohen kur ne pushtet ka qene PD, dhe si per ironi te fatit kompetencat me te larta i ka presidenti i Republikes qe ti mbikqyre kto.

[Qyfyre]

Turp qe nje person ne gjyq per vrasje, arrin te kaloje kufirin e te zhduket. Nuk duhet te ishte i lire se pari pasi perben rrezik dhe per te tjeret kur eshte i dyshuar per vrasje.

[Albo]

Tahiri flet për Arben Frrokun: Pasi u shpall i pafajshëm, s’kishte ndalim ligjor të largohej nga Shqipëria



Ministri i Brendshëm Saimir Tahiri i është përgjigjur sot akuzave të opozitës lidhur me çështjen Frroku dhe largimin e tij jashtë vendit dhjetë ditë para se Apeli ta shpallte fajtor për vrasjen e kryekomisar Lamajt dhe ta dënonte me burgim të përjetshëm.

Duke folur nga foltorja e Kuvendit, Tahiri theksoi se “pas vendimit të gjykatës së shkallës së parë, që shtetasi ishte i pafajshëm, zotëria nuk kishte ndalim ligjor nga askush për të lëvizur brenda e jashtë vendit”.
Tahiri sqaroi se “Në pikën kufitare në kufin shqiptar, ky shtetas është rregjistruar si të gjithë shtetasit e tjerë, në regjistër manual për shkak se sistemi TIMS nuk funksiononte prej disa orësh. Rregjistri është aty, mund të shihet nga të gjithë, e në qoftë se PD-ja ka ankesë për këtë, mund t’i drejtohet Prokurorisë duke ia kursyer edhe vetes mundimin e deklaratave tërësisht spekulative”.

Tahiri ka ftuar opozitën të bëjë verifikimin në regjistër, nëse Frroku është regjistruar apo jo.

“Policia ka bërë verifikimin e statusit të shtetasit dhe pasi është verifikuar, është lejuar të udhëtojë. Po kështu është bërë ndalimi edhe në një pikë të kalimi kufitar jashtë Shqipërisë, ku policia e atij shteti ka komunikuar me Interpol Tiranën, e cila pas komunikimit me Prokurorinë e Përgjithshme dhe pas verifikimit, është lejuar edhe atje të kalojë”- tha ai.

Panorama

[Duke_Of_Arberia]

Autoritetet holandeze konfirmojë ndalimin e të dënuarit me burgim të përjetshëm Arben Frroku.

Sipas burimeve të Televizionit Klan, ai është ndaluar para pak ditësh me dokumenta greke, me identitetin e shtetasit Renato Xhepa. Por autoritetet vendase dyshojnë se ky është pikërisht i kërkuari i drejtësisë shqiptare, për vrasjen e ish – Kryekomisarit Dritan Lamaj, në Shkurt të vitit 2012.

Të njëtat burime thanë se, ai është ndaluar në provincën Shiphol të Amsterdamit dhe është akuzuar për vënie në përdorim të dokumentave dhe identiteteve të falsifikuara.

Pas deklaratës së ish – Kryeministrit Sali Berisha në parlament, se Frroku ishte arrestuar në Holandë, Policia Shqiptare ka kërkuar informacion nga Zyra Qëndrore Interpolit dhe Europolit për këtë çështje.

Fillimisht Zyra e Interpolit ka sjellë një përgjigje negative, ndërsa këtë të enjte, zyrtarisht është dhënë informacion për ndaliminin e shtetasit Renato Xhepa, i dyshuar se është Arben Frroku.

Të njëjtat burime thanë se, pas këtij konfirmimi do të ndiqen të gjitha procedurat ligjore, në bashkëpunim edhe me Prokurorinë e Përgjithshme, për sqarimin e dyshimeve të autoriteteve belge dhe në rast konfirmimi, ekstradimin e tij drejt Shqipërisë.

Arben Frroku u dënua me burgim të përjetshëm të formës së prerë nga Gjykata e Apelit, por pas këtij vendimi u konstatua largimi i tij nga Shqipëria.




__________________________________________________ __________________________________________________ _____



I paska ra prape ne koke Saliu

[Duke_Of_Arberia]

E bujshme/ Arben Frroku është arrestuar në Holandë, por...”

Postuar në 26 Prill, 2016 10:04

“Arben Frroku është arrestuar në Holandë, por policia shqiptare nuk po dërgon të dhënat për të kryer verifikimet e nevojshme”.

Ishte kjo deklarata “bombë” e ish-kryeministrit Sali Berisha në studion e gazetares Eni Vasili.

Duke folur për ato që ai i cilësoi si lidhje të qeverisë me krimin Berisha tha se kishte marrë informacione se Arben Frroku, i dënuari me burgim të përjetshëm për vrasjen e Komisar Dritan Lamajt është ndaluar nga autoritetet holandeze.

Berisha tha se të njëjtat burime i kanë thënë se policia shqiptare nuk po dërgon të dhënat për të verifikuar identitetin e tij.

[Duke_Of_Arberia]

Frroku u “tradhtua” nga shenjat e gishtave, nis procedura e ekstradimit

Postuar në 28 Prill, 2016 09:04

Interpol Haga njoftoi sot në orën 17:15 minuta Interpol Tiranën se kishte identifikuar dhe arrestuar shtetasin e shpallur në kërkim ndërkombëtar Arben Frroku, të dënuar nga drejtësia shqiptare me burgim të përjetshëm.

Interpol Tirana gjatë ditëve të fundit ka pasur disa komunikime me homologët në Hollandë në lidhje me këtë çështje, por vetëm sot pasdite, u konfirmua se shtetasi i paraqitur me dokumente të falsifikuara nën emrin “Renato Tsepa”, ishte shtetasi Arben Frroku, i dënuar tashmë nga drejtësia shqiptare.

Verifikimi i identitetit të shtetasit Frroku erdhi pas krahasimit të gjurmëve të dërguara nga autoritet e vendit tonë për partnerët holandezë.

Interpol Haga konfirmoi se gjurmët ishin identike me ato të një shtetasi të arrestuar me dokument (pasaportë) greke të falsifikuar, me gjeneralitetet “Renato TSEPA”, lindur në Korçë.

Policia e Shtetit, në bashkëpunim me Prokurorinë e Përgjithshme dhe Ministrinë e Drejtësisë, kanë nisur procedurat e ekstradimit të shtetasit Frroku drejt Shqipërisë, ku pritet të vuajë dënimin sipas vendimit të gjykatës.

[skender76]

A e permendi Luja ket Frroqin para ca kohesh?

Se Shurrazit ja tejti.., m'duket se edhe Frroqit ja tejti...

Ec aty Luja!!

[skender76]

Duka,

Schipol, esht aeroporti i Amsterdamit mesa di un, jo province.

[Vinjol]

Autoritetet holandeze konfirmojë ndalimin e të dënuarit me burgim të përjetshëm Arben Frroku.

Sipas burimeve të Televizionit Klan, ai është ndaluar para pak ditësh me dokumenta greke, me identitetin e shtetasit Renato Xhepa. Por autoritetet vendase dyshojnë se ky është pikërisht i kërkuari i drejtësisë shqiptare, për vrasjen e ish – Kryekomisarit Dritan Lamaj, më 24 Shkurt të vitit 2013.

Të njëjtat burime thanë se, ai është ndaluar në provincën Shiphol, ku ndodhet dhe Aeroporti Ndërkombëtar i Amsterdamit dhe është akuzuar për vënie në përdorim të dokumentave dhe identiteteve të falsifikuara.

Pas deklaratës së ish – Kryeministrit Sali Berisha në parlament, se Frroku ishte arrestuar në Holandë, Policia Shqiptare ka kërkuar informacion nga Zyra Qëndrore Interpolit dhe Europolit për këtë çështje.

Fillimisht Zyra e Interpolit ka sjellë një përgjigje negative, ndërsa këtë të enjte, zyrtarisht është dhënë informacion për ndaliminin e shtetasit Renato Xhepa, i dyshuar se është Arben Frroku.

Të njëjtat burime thanë se, pas këtij konfirmimi do të ndiqen të gjitha procedurat ligjore, në bashkëpunim edhe me Prokurorinë e Përgjithshme, për sqarimin e dyshimeve të autoriteteve belge dhe në rast konfirmimi, ekstradimin e tij drejt Shqipërisë.

Arben Frroku u dënua me burgim të përjetshëm të formës së prerë nga Gjykata e Apelit më datë 29 Qershor 2015, por pas këtij vendimi u konstatua largimi i tij nga Shqipëria.

Kur Gjykata e Apelit dha vendimin për të rrëzuar Gjykatën e Shkallës së Parë, që dha pafajësi për Frrokun, ky i fundit ishte larguar nga Shqipëria prej 10 ditësh, më 19 Qershor 2015, pa lënë asnjë gjurmë.

Biznesmeni u shpall në kërkim ndërkombëtar 2 ditë pas dënimit me burgim të përjetshëm.

TvKlan

[murik]

qenka arrestu nok frroku apo frrok noku..

[Duke_Of_Arberia]

Duka,

Schipol, esht aeroporti i Amsterdamit mesa di un, jo province.

Ashtu e di edhe une, mirepo artikullin s'e kam bere une.
Eshte akoma e paqarte, nese eshte arrestuar ne aeroport apo ne zonen perreth aeroportit.

[Albo]

Gjykata holandeze shpall të ndaluar Arben Frrokun, në pritje të ekstradimit

Arben Frroku, i dënuari me burgim të përjetshëm për vrasjen e komisarit të policisë Dritan Lamaj, u la në masën e sigurisë arrest me burg sot nga një gjykatë në Amsterdam ndërsa autoritetet presin nisjen e procedurave të ekstradimit për në Shqipëri, bëhet e ditur nga një zëdhënës i Prokurorisë së Amsterdamit.

“Sot, më 10 maj, gjykatësi e la atë në masë sigurie arrest me burg deri sa të kryhet gjykimi. Data e gjyqit do të planifikohet më vonë. Kjo mund të kërkojë disa muaj. Aktualisht procedurat e ekstradimit kanë nisur dhe ne po presim për një kërkesë zyrtare për ekstradim,” tha zëdhënësi i Prokurorisë së Amsterdamit.

Prokuroria e Përgjithshme e Shqipërisë ka njoftuar më herët se e ka nisur kërkesën për ekstradim te Ministria e Drejtësisë, e cila nga ana e saj e ka nisur për në Hollandë.

Arben Frroku, 47 vjeç, u shpall në kërkim në Shqipëri në korrik 2015, pasi gjykata e Apelit e shpalli fajtor për vrasjen e komisarit të policisë Dritan Lamaj në shkurt 2013. Ai pati mundur të arratisej për shkak se tre muaj më herët, Gjykata e Shkallës së Parë e Krimeve të Rënda e kishte shpallur të pafajshëm.

Arratisja nëntëmujore e Frrokut përfundoi më 9 mars në Amsterdam. Rrethanat e arrestimit të tij me një pasaportë të falsifikuar dhe procedura e konfirmimit të identietit u bë subjekt debati politik në Shqipëri, ku ish – kryeministri Sali Berisha aludoi se policia e Shtetit po përpiqej të shmangte verifikimin e identitetit për ta shpëtuar Frrokun nga vuajtja e dënimit. Berisha qe gjithashtu i pari që dha për publikun shqiptar lajmin e arrestimit të Frrokut në Hollandë. Ministria e Brendshme i mohoi akuzat duke argumentuar se policia e kishte bërë punën siç duhet.

Sipas të dhënave që Prokuroria e Amsterdamit i dërgoi BIRN, Frroku është arrestuar më 9 mars i dyshuar për përdorimin e një pasaporte greke falso, ndërsa më 17 mars, gjykata e Amsterdamit e dënoi atë me dy muaj burg.

“Ndërkohë, gjurmët e tij të gishtave u kontrolluan (në mënyrë ndërkombëtare) dhe rezultati qe pozitiv te Interpoli. Gjurmët e gishtave u dërguan në Shqipëri për identifikim. I akuzuari duket se është Arben Frroku, i kërkuar nga autoritetet shqiptare për vrasje,” thotë Prokuroria e Amsterdamit.

Afati i burgimit të tij sipas dënimit të 17 marsit, mbaronte më 9 maj. Por në këtë datë, Zyra e Prokurorit të Amsterdamit urdhëroi arrestimin e tij të menjëhershëm për arsye të ekstradimit. Më 10 maj, gjykata urdhëroi mbajtjen e tij të ndaluar deri në një seancë gjyqësore.

Koha Jone

[Albo]

“Arrestimi i Arben Frrokut, SHISH i jep sekretet Sali Berishës”

Rrjedhja e informacionit sekret për arrestimin e Arben Frrokut në Holandë dhe publikimi i këtij informacioni në media nga ish-kryeministri Berisha është bërë objekt i diskutimit gjatë mbledhjes së Komisionit të Jashtëm në Kuvend.

Gjatë diskutimit të marrëveshjes që vendi ynë do të lidhë me Bashkimin Europian për ruajtjen e informacionit të klasifikuar, kryetarja e Komisionit të Jashtëm, Arta Dade, ka kërkuar shpjegime për mënyrën me anë të së cilës ish-kryeministri Berisha arriti ta merrte këtë informacion dhe më pas ta publikonte atë në media.

Deputetja socialiste kërkoi shpjegime nga drejtori i Sigurimit të Informacionit të Klasifikuar, Arben Seferi, për mënyrën e rrjedhjes së këtij informacioni, në një kohë që ish-kryeministri Berisha nuk gëzon certifikatë sigurie.

“Me arrestimin e fundit si ishte e mundur, ju mendoni ka pasur rrjedhje informacioni që, dikush që nuk e ka këtë certifikatë sigurie që merr informacion të klasifikuar, e dinte dhe e shpalli në media ndalimin e një personi të rrezikshëm që ka kryer krime këtu? Nga rrjedh informacioni dhe si ka mundësi? Meqë folët për Holandën që ka një strukturë kaq specifike me dy struktura, kam përshtypjen që informacioni nga Holanda erdhi? Apo erdhi nga informacioni i klasifikuar i shtetit shqiptar?”, deklaroi Dade.

Nga ana e tij, Seferi ka deklaruar se informacionet në lidhje me këtë çështje janë të rezervuara, por sipas tij kjo është një çështje e lidhur edhe me shkaqe politike.

“Nuk mund të flasim për një rast konkret. Thashë që grupet parlamentare mbajnë qëndrimet e veta, ndërkohë që ne shikojmë pjesën teknike. Mbajtësi i certifikatës së sigurisë ka një procedurë nga marrja e saj deri në dorëzim, me kushte të cilat personi nuk duhet t’i cenojë dhe në momentin që cenohen këto kushte, është ligji që ndërhyn dhe atij i hiqet kjo certifikatë”, u shpreh Seferi.

DEBATI NË KOMISION

Arta Dade: Kemi marrëveshje me Holandën?

Arben Seferi: Jo. Ka pasur një përpjekje vite më parë, por nuk është arritur për shkak të kompleksitetit që ka pala holandeze, sepse ka dy autoritete të sigurisë kombëtare, një për pjesën civile dhe një për anën ushtarake.

Arta Dade: Me arrestimin e fundit, si ishte e mundur, ju mendoni ka pasur rrjedhje informacioni që, dikush i cili nuk e ka këtë certifikatë sigurie që merr informacion të klasifikuar, e dinte dhe e shpalli në media ndalimin e një personi të rrezikshëm që ka kryer krime këtu? Nga rrjedh informacioni dhe si ka mundësi? Meqë folët për Holandën që ka një strukturë kaq specifike me dy struktura. Kam përshtypjen që informacioni nga Holanda erdhi? Apo erdhi nga informacioni i klasifikuar i shtetit shqiptar?

Arben Seferi: Nuk mund të flasim për një rast konkret.

Arta Dade: Jo, por për këtë rast konkret unë dua shpjegime. Ju po thoni që janë instrumentet kaq mirë dhe nuk kemi nevojë për gjë. Edhe pastaj vetëm kur na del në media, se mirë kur del edhe nuk është i saktë, por më e bukura është se del edhe i saktë. Si ta shpjegojmë këtë?

Arben Seferi: Nuk flasim dot për një rast konkret.

Arta Dade: Nga rrjedh ky informacion? Rrjedh nga ne këtu? Rrjedh nga strukturat që kanë autoritetin për informacionin e klasifikuar, apo rrjedh nga një vend “X” në rastin konkret nga Holanda?

Arben Seferi: Ky është një rast shumë specifik në fakt, por me legjislacionin tonë, pronar i informacionit është ai që e prodhon. Dhe në rastin konkret, ai që e ka prodhuar dhe i ka dalë ka edhe detyrimin ligjor që të ngrejë struktura të tilla për të verifikuar deri në fund çfarë ka ndodhur me personat përgjegjës dhe në raste të veçanta merren edhe masa.

Arta Dade: Jo se atë e dërgonte homologu i vet, më duket mua. Apo jo? Kështu që nuk është përgjegjës vetëm ai që e prodhon informacionin, është përgjegjës edhe ai që e ka marrë informacionin, detyrimet janë nga të dyja palët. Ai që e merr, që e ka në dispozicion informacionin, çfarë bën? Ia çon ish-kryeministrit, shokut të vet. Këto janë shqetësime, pikërisht se ndodh diçka, njerëzit marrin masa, prodhojnë ligje, sepse duke i shpjeguar secilit se të gjithë kur bëjnë gabim veten e vet e konsiderojnë rast të veçantë. Kush e nxjerr informacionin? Se pastaj dalin raste më shqetësuese, nuk tregohet seriozitet për partnerët, më e pakta. Më e shumta mund të marrin edhe masa që ta shpëtojnë, ata që kanë marrë, gjithmonë dhe e kanë shpëtuar.

JUXHIN MUSTAFARAJ

Panorama