Ben Blushi: Edi Rama po mban peng PS dhe mbarë Shqipërinë

[Albo]

Deputeti i PS-së Ben Blushi shfaqet sërish kritik ndaj kryeministrit Edi Rama. Në një intervistë për gazetën “Panorama” ai shfaq një këndvështrim tjetër nga ai i Ramës për mosmarrjen e statusit kandidat dhe nga ana tjetër e quan antistatutore vendimin e Ramës për tu rikonfirmuar kryetar partie pa votim. “Mua nuk më habiti deklarata, por lehtësia me të cilën u bë. Ti thuash një partie se nuk do bëjë zgjedhje është si ti thuash një njeriu se nuk do të marrë frymë se ka ca punë të tjera”, shprehet Blushi i pyetur për deklaratën e Ramës se “nuk do të ketë zgjedhje, konfirmimi i tij në krye të partisë do të bëhet nga forumet”.

Blushi më tej e quan të detyrueshme zhvillimin e zgjedhjeve në parti, që sipas tij, duhej të bëheshin që në nëntor. “Kush gjykon se kur bëhen zgjedhjet? Askush nuk e ka dhe ska pse ta ketë këtë të drejtë. Madje asnjë forum, për sa kohë që nuk e ndryshon statutin e vet”, thotë ai duke dalë kundër vendimit të Ramës për të mos iu nënshtruar një votimi në anëtarësinë e partisë. Blushi sqaron se kryetari i partisë është në vitin e pestë të mandatit ndërkohë që zgjedhjet duhet të ishin zhvilluar dhe në vitin e katër të mandatit të tij nuk ka ndodhur asgjë e jashtëzakonshme për ti shmangur këto zgjedhje, përkundrazi sipas tij, sapo partia fitoi zgjedhjet parlamentare dhe kishte një arsye të fortë që të frymëzonte anëtarësinë përmes votimit.

“Ky ishte një lapsus, i cili, me gjithë kostot e veta statutore, do të shmanget. Zgjedhje për kryetarin e PS-së do të ketë. Pas shumë vitesh do e mbajmë mend se njëri nga kryetarët i zgjati vetes mandatin dhe këtë e tha në televizor. Ccka një herë ndodhi menjëherë, nuk do të ndodhë kurdoherë. Shqipëri hesapi, do të thonin shumica. Ja kështu them dhe unë kur jam në pakicë”, ironizon Blushi në komentin e tij.

Ndërsa për ccështjen e mosmarrjes së statusit Blushi preferon tia vërë fajin Shqipërisë dhe jo BE-së.

“Shqipëria fatkeqësisht nuk e mori statusin e vendit kandidat, çka nuk ishte një gjë e papritur jo vetëm duke njohur Europën e ditëve tona, por mbi të gjitha duke njohur Shqipërinë. Është e vërtetë që në Europë ka një hezitim të madh sa i takon zgjerimit. Europa nuk po kalon ditët e veta më të mira. Ndryshimi i balancave politike në botë, gjermanocentrizmi i theksuar i Bashkimit Europian, kriza financiare dhe pasiguria e tregjeve kanë ndryshuar Europën gjatë viteve të fundit. Pesimizmi është tipari kryesor i europianëve sot, pavarësisht ku jetojnë ata. Europa nuk është më një kontinent entuziast. Ka shumë papunësi, ka rënie të nivelit të shkollave të veta, ka dobësim të partive tradicionale politike, ka fragmentarizmin dhe pamundësi për qeverisje të forta dhe plane afatgjata zhvillimi. Tani që flasim suksesi i zgjerimit e ka konsumuar efektin e vet mbi tregjet dhe sidomos mbi ekonominë. Europa ka më pak arsye të zgjerohet shpejt duke marrë përsipër ekonomitë e paqëndrueshme dhe defektet e vendeve përreth, përfshi këtu edhe Shqipërinë. Sikur Europa sot ta kishte në dorë, ndoshta nuk do të përfshinte Greqinë në Bashkimin Europian, vendim i cili me shumë sesa ekonomik rezultoi të ishte politik. Këto arsye sot kanë rënë, çka ndikon edhe mbi fatin e Shqipërisë, e cila nuk është gati të hyjë në Europë. Për këdo që njeh Shqipërinë, refuzimi nuk ishte dhe nuk do të jetë habi edhe në të ardhmen. Shqipëria nuk ka kryer reformat e duhura në 20 vitet e fundit. Në përgjithësi ajo perceptohet si një vend ku krimi dhe korrupsioni janë aleatë dhe ushqim i klasës politike pa dallim. Ky është perceptimi i përgjithshëm. Prandaj, besoj se në vend që të fajësojmë Europën duhet ta kthejmë Shqipërinë në një vend të gatshëm për t’u anëtarësuar. Sado që gjuha e disa grupeve anti-europiane brenda Bashkimit Europian është e hidhur dhe jo gjithmonë e merituar, nuk janë ata fajtorë për Shqipërinë që kemi…” thotë Blushi.

MAPO

[Albo]

PS drejt zgjedhjeve, Rama pa mandat në shtator

PS drejt zgjedhjeve, Rama pa mandat në shtator


Edi-Rama-Kryetar-i-PS-252x256Në rast se Edi Rama (ashtu si edhe pritet të ndodhë) do të rikandidojë për kryetar të Partisë Socialiste, kjo do të ishte gara e tij e pestë dhe mandati i tij katërt. Kjo, pasi ambicia e Ramës për kryetar të Partisë Socialiste nis që në vitin 2003, ku në pozicionin edhe të kryetarit të Bashkisë së Tiranës, kandidonte për herë të parë në Kongres përballë kryetarit të atëhershëm, Fatos Nano dhe ish-Presidentit Rexhep Mejdani. Garë të cilën ai natyrisht do ta humbiste, pasi përballë kishte kryetarin dhe kryeministrin e vendit. Dy vjet më vonë, në vitin 2005, ai do të provonte sërish dhe do të fitonte një garë që dukej se ishte paravendosur për shkak të gjendjes së kaosit në të cilën ishte PS-ja në atë kohë, si pasojë e humbjes së zgjedhjeve parlamentare të atij viti dhe dorëheqjes së Fatos Nanos nga të gjitha pozicionet në parti. Përballë në këto zgjedhje Rama pati sërish ish-presidentin Rexhep Mejdani, të cilin do ta mundte me një diferencë të konsiderueshme. Mandati që mori në vitin 2005 për Ramën nuk do ishte i plotë, por plotësues i mandatit të lënë për gjysmë nga Nano. Ndaj në vitin 2007, pasi ishin kryer edhe ndryshimet e nevojshme statutore, PS-ja zhvillon sërish zgjedhjet për kryetar të saj, por kësaj here direkt nga anëtarësia sipas parimit “Një anëtar, një votë”. Në zgjedhjet e 12 majit të atij viti, Rama mori mandatin e plotë të tij si kryetar i PS-së, ku përballë kishte një kandidat të dobët, si Shkëlqim Meta. Këto zgjedhje Edi Rama i fitoi me 97.5 për qind të votave të anëtarësisë së PS-së. Por për shkak të një klauzole që e kishte vendosur vetë në statut, pra atë që, nëse partia humbet zgjedhjet parlamentare, kryetari i partisë largohet, Rama këtë mandat do ta mbante vetëm 2 vjet, pasi në vitin 2009 ai do të humbiste zgjedhjet e përgjithshme. Nëpërmjet një procesi të kontestueshëm nga një pjesë e figurave të PS-së, ai pasi do të dorëhiqej nga posti i kryetarit, do të rikandidonte sërish në zgjedhjet e 26 shtatorit, të cilat i fitoi sërish me afro 90 për qind të votave, ndërsa përballë pati kandidaturën e Maqo Lakrorit.



Statuti i PS-së

Neni 30

Kryetari i Partisë Socialiste

Pika 2. Mandati i kryetarit të partisë është 4 vjet. Mandati i tij ndërpritet para kohe kur:

a. jep dorëheqjen;

b. partia humbet në zgjedhjet e përgjithshme legjislative;

c. humbet në mocionin e mosbesimit të zhvilluar për të me kërkesën e 1/3 së anëtarëve të partisë.

Mocioni administrohet nga Komisioni i Zgjedhjeve të Partisë (KZP).



Neni 27

Asambleja Kombëtare e PS-së

Pika 3. Kur vendi i kryetarit të partisë mbetet vakant, Asambleja Kombëtare mblidhet brenda 15 ditësh dhe thërret brenda 30 ditësh Kongresin e Jashtëzakonshëm të partisë për administrimin e kandidaturave dhe caktimin e datës së votimit për zgjedhjen nga anëtarësia të kryetarit të ri të partisë, e cila nuk duhet të jetë më vonë se një muaj nga data e zhvillimit të Kongresit.


Neni 26

Kompetencat e Kongresit të Partisë

3. Përfaqësia e Kongresit administron kandidaturat për kryetar të PS-së, shoqëruar me kërkesat për kandidim dhe platformat për drejtimin e partisë të paraqitura prej tyre. Kandidatët për kryetar të PS-së duhet të kenë të paktën një mandat përfaqësimi politik si të zgjedhur në AK të PS-së.

4. Kandidatët për kryetar të PS-së paraqesin në Kongres platformat e tyre.

5. Kongresi vendos datën e zhvillimit të votimit nga anëtarësia e partisë në shkallë vendi për zgjedhjen e kryetarit të PS-së sipas parimit “Një anëtar, një votë, jo më vonë se një muaj nga data e zhvillimit të Kongresit.

MAPO

[Albo]

Si u shpreh Rama ne intervisten me Blendi Fevziun tek Opinion, TV Klan:

Dua t’ju kujtoj se jeni me mandat të paligjshëm në krye të PS. Mandati juaj ka mbaruar në tetor 2013…
Në partitë politike që bazohen në parimin “Një anëtar, një votë”, kur kryetari i partisë bëhet Kryeministër, kur fitohen zgjedhjet, nuk ka më zgjedhje për kryetarin e partisë pas mbarimit të mandatit, por ka konfirmim të mandatit të tij.
Automatikisht?
Konfirmim përmes një metode që shkon përmes Kongresit, apo forumeve të tjera.

Intervista e plote: http://www.forumishqiptar.com/thread...moshën-40-vjeç

[Albo]

Edi Rama nuk respekton ligjet e vendit por nuk respekton as statutin e PS.

E bukura eshte se une nuk besoj se ai e ka marre ndonjehere mundimin ne jeten e tij te lexoje Kushtetuten e atij vendi apo statutin e PS.

Ligj eshte fjala qe del nga goja e Edi Rames!

Albo

[Albo]

Legisi: Karagjozllëk i Ramës me Blushin dhe Majkon jashtë Qeverisë, do të fshijë historinë e PS

Flet sekretari i Koalicioneve dhe anëtari i Kryesisë së PS, Ndre Legisi.

“Edi Rama të respektojë statutin për zgjedhjen e kryetarit nga anëtarësia, po barazon PS me PD”

Sekretari i PS për koalicionet dhe anëtari i Kryesisë, Ndre Legisi, kritikon përbërjen e ekzekutivit të ri dhe mënyrën se si vendi është qeverisur në këto 100 ditë. Në një intervistë për gazetën “Panorama” ai thotë se një qeveri e zhytur në borxhe nuk mund të jetë kurrë e fortë. I pyetur nëse në qeveri duhet të ishin figurat historike të PS-së, Blushi, Majko, Fino, Xhafaj e Dade, ai thotë se “Nuk më duket veprim i drejtë, ca më pak veprim i mençur, përpjekja e Edi Ramës për të nxjerrë të gjithë jashtë loje e për të ndryshuar me një të rënë të lapsit historinë e Partisë Socialiste. Madje, duke bërë sikur nuk kanë ekzistuar fare në forumet e PS-së njerëz si Nano, Pëllumbi, Meidani, Brokaj, Lakrori, Malaj etj. Kjo mënyrë anashkalimi nuk do ta bëjë Edi Ramën as më të fortë dhe as më të rëndësishëm brenda Partisë Socialiste”. Legisi i kërkon Ramës të zbatojë statutin për zgjedhjen e kryetarit nga anëtarësia, pasi PS nuk mund të aplikojë modelet që i përshtaten Ramës në rrethana të ndryshme.

Z. Legisi, nesër bëhen dy vjet nga protesta e 21 janarit ku mbetën të vrarë katër protestues. Si do të përkujtohet kjo ditë nga e majta, tani në pushtet?
21 janari është një ditë që do të mbetet gjatë në kujtesën e të gjithë socialistëve, për vetë përmasat tragjike që mori ajo demonstratë. Nuk mund të flas me detaje për organizimin e ndonjë ceremonie, por besoj që Rama-Meta do të kenë menduar për të organizuar një aktivitet për këtë datë. Them kështu pasi 21 janari i këtij viti ka disa veçanti. Së pari, socialistët tashmë kanë ardhur në pushtet dhe presin që përgjegjësit e 21 janarit të dalin përpara drejtësisë. Së dyti, koalicioni jonë është më i madh, sepse krah nesh është dhe z. Meta, që në atë kohë na quajti ne demonstruesit “kokëpalarë”. Kjo që po them nuk ka asnjë ndikim te të gjithë ne që e përballuam opozitën, ndonëse sot dikush me pushtet dhe dikush pa pushtet si shumica e aleatëve, jemi bashkë për të kujtuar të rënët dhe ngjarjet e asaj dite. Nuk besoj që të ketë problem, e ca më pak të ndikojë në zgjidhjen e kësaj çështje qenia krahë përkrah e Edi Ramës me Ilir Metën, pavarësisht nga arsyet që socialistët organizuan atë miting, dhe pozicioni përballë nesh i një pjese të koalicionit tonë të ri. Kjo është politika që ka udhëhequr dhe po udhëheq Shqipërinë në këto 23 vjet, nga Sali Berisha te Edi Rama.

Cili është vlerësimi juaj për 100 ditët e para të qeverisë së majtë?
Për mua, 100 ditët e para të një qeverie janë thjesht një simbolikë, pasi është një kohë shumë e shkurtër për të bërë një vlerësim të drejtë. Nga ana tjetër, një gjë është e sigurt, një qeveri e fortë nuk ka asnjë arsye të tregojë forcë, po thjesht të zbatojë ligjin. Dhe një qeveri e zhytur në borxhe nuk mund të jetë kurrë e fortë. Dihet se dhe përpjekjet për të bërë veprime spektakolare, në një vend të vogël dhe të varfër si Shqipëria, janë një shpenzim joproduktiv dhe me pasoja të mëvonshme. Nëse do të merrnim në konsideratë ndjeshmërinë e mijëra socialistëve të cilët priten të vinë në pushtet për të bërë diçka ndryshe për të zhvilluar ekonominë, për të vendosur në vend drejtësinë, për të luftuar korrupsionin, pse jo për t’u punësuar, duhet të tregohemi të rezervuar për të mos i ngacmuar më tej hallet e tyre. Ata nuk duan të dëgjojnë nga ne kritika dhe konflikte brenda partisë socialiste, sepse ata presin të punësohen, të ndryshojë gjendja e tyre ekonomike. Ndaj ka shumë socialistë të pakënaqur që kanë heshtur dhe ndoshta do të vazhdojnë të heshtin, sepse e kuptojnë këtë realitet, sepse nuk duan të ngacmojnë shqetësimet e votuesve, nuk duan të dekurajojnë pritshmëritë e tyre për ndryshim.

Si e vlerësoni mospërfshirjen në qeveri të figurave si Blushi, ish-kryeministrave Majko dhe Fino, apo dhe ishministrave Xhafaj, Klosi, Dade, Leskaj etj?
Rregulli e do që pushteti ndahet me fituesit, dhe të gjithë emrat e përmendur nga ana juaj kanë qenë pjesë e ekipit të fitores si drejtues të listave në disa prej qarqeve të Shqipërisë. Nuk më duket veprim i drejtë, ca më pak veprim i mençur, përpjekja e Edi Ramës për të nxjerr të gjithë jashtë loje e për të ndryshuar me një të rënë të lapsit historinë e Partisë Socialiste. Madje, duke bërë sikur nuk kanë ekzistuar fare në forumet e PS-së njerëz si Nano, Pellumbi, Meidani, Brokaj, Lakrori, Malaj etj. Kjo mënyrë anashkalimi nuk do ta bëjë Edi Ramën as më të fortë dhe as më të rëndësishëm brenda Par- Sekretari i PS për koalicionet dhe anëtari i Kryesisë, Ndre Legisi, kritikon përbërjen e ekzekutivit të ri dhe mënyrën se si vendi është qeverisur në këto 100 ditë. Në një intervistë për gazetën “Panorama” ai thotë se një qeveri e zhytur në borxhe nuk mund të jetë kurrë e fortë. I pyetur nëse në qeveri duhet të ishin figurat historike të PS-së, Blushi, Majko, Fino, Xhafaj e Dade, ai thotë se “Nuk më duket veprim i drejtë, ca më pak veprim i mençur, përpjekja e Edi Ramës për të nxjerrë të gjithë jashtë loje e për të ndryshuar me një të rënë të lapsit historinë e Partisë Socialiste. Madje, duke bërë sikur nuk kanë ekzistuar fare në forumet e PS-së njerëz si Nano, Pëllumbi, Meidani, Brokaj, Lakrori, Malaj etj. Kjo mënyrë anashkalimi nuk do ta bëjë Edi Ramën as më të fortë dhe as më të rëndësishëm brenda Partisë Socialiste”. Legisi i kërkon Ramës të zbatojë statutin për zgjedhjen e kryetarit nga anëtarësia, pasi PS nuk mund të aplikojë modelet që i përshtaten Ramës në rrethana të ndryshme. tisë Socialiste. Përkundrazi, ne vlerësimin tim, këto përpjekje nuk janë asgjë tjetër vetëm një karagjozllëk, që më së shumti rëndon dhe dëmton imazhin e Partisë Socialiste dhe vlerat e njohura te saj. Dua të jem shumë i hapur me opinionin publik, duke thënë se pas zgjedhjeve vendore kam qenë sistematikisht kundër të gjithë praktikës së ndjekur nga miku im Edi Rama. Ai mund të mburret si pronari i një milion votave, por në fakt ai nuk fitoi më shumë deputetë se në zgjedhjet e vitit 2009, por fitoi thjesht pazarin e votave për t’u bërë Kryeministër. E gjithë kjo ndodhi, jo se Partia Socialiste nuk mund të fitonte zgjedhjet vetëm me koalicionin e saj, por sepse Rama, për hir të ambicieve të tij, kërkoi garanci absolute për t’u bërë Kryeministër, duke përgjysmuar në këtë mënyrë pushtetin e socialistëve. Pas fitores, mund të flasim hapur dhe për publikun, ai ndërtoi një skemë ku përfshiu parti kundërshtare për të cilat Ramës, dhe gjithë ne socialistët, na u desh të gëlltisnim gjithçka që kishim thënë. Duke e justifikuar këtë si një qëndrim pragmatist që përshtatej me kulturën europiane. Koha vetëtoi se ne shqiptarët mund t’ia hedhim shumë lehtë njëritjetrit, por jo Europës dhe Amerikës. Për sa i përket pyetjes tuaj, mospërfshirja e figurave të rëndësishme në qeverisjen e vendit, si Blushi, Majko, Dade, Xhafa, Klosi, Fino, Leskaj etj, si drejtues të listave në shumicën e qarqeve fituese, është rrjedhojë logjike e përpjekjeve të kahershme të Edi Ramës për të ndryshuar partinë duke fshirë historinë e saj. Mendoj se Blushi, Majko, Dade, Xhafa, Klosi, Fino, Leskaj etj. janë njerëz të cilët nuk presin që dikush tjetër t’u qajë hallin, kështu që gjykoj se nuk jam unë ai që duhet të dal në mbrojtje të vlerave dhe kontributeve të tyre.

Ju jeni sekretar dhe anëtar i Kryesisë së Partisë Socialiste, ndërkohë që ju i keni munguar listës së kandidatëve për deputetë në zgjedhjet e 23 qershorit. Përse nuk u përfshitë në këtë listë? A u është argumentuar kjo mospërfshirje?
(Qesh) Askush nuk ka përse të habitet kur dikush tërhiqet nga politika dhe merret me punët e tij. Deri tani kemi parë me qindra individë që kanë braktisur profesionet dhe bizneset për t’u marrë me politikë. Më duhet të përsëris edhe një herë për opinion publik atë që kam thënë në prononcimin tim pas largimit nga LSI se të gjitha qëndrimet e djeshme dhe të sotme nuk kanë qenë dhe as nuk janë në funksion të ambicieve të mia politike, por thjesht në respekt të vlerësimit që unë ndër vite kam marrë nga socialistët. Vendimin për ta provuar veten se sa i zoti jam të mbijetoj në kushtet e ekonomisë së tregut e mora pikërisht atëherë kur unë u largova nga pushteti në 2009, si dhe tani. Në të vërtetë mospërfshirja në pushtetin socialist e të gjithë atyre që u larguan nga LSI pas bashkimit me PD, është perceptuar më shumë si një kusht që dikush i vuri Edi Ramës për ta mbështetur që të bëhej Kryeministër. Unë nuk dua ta besoj, por dhe në qoftë e vërtetë, them se ia ka vlejtur. Mjafton që Edi Rama u bë Kryeministër. Nga ana tjetër, brenda PS-së po krijohet opinioni që për t’u bërë pjesë e pushtetit duhet të kalosh një herë nga PD-ja dhe të mos largohesh në asnjë mënyrë nga LSI-ja. Kjo do ta dëmtojë, mendoj unë, elektoratin e Partisë Socialiste në zgjedhjet e ardhshme, edhe sikur ne t’ia paguajmë transportin për të vajtur në votime. Për sa i përket mungesës sime në listën e kandidatëve, dua t’ju them se ishte zgjedhja ime. Nuk kishte kuptim që pas sakrificës që unë dhe kolegët e mi bëmë duke u larguar nga pushteti dhe duke u kthyer në PS, tashmë të ishim pjesë e një liste me ata që mbajtën në pushtet Partinë Demokratike. Për më tej, duhet t’ju shpjegoj se dhe zgjedhja ime si sekretar i Partisë Socialiste dhe anëtar i Kryesisë së saj ka qenë thjesht një këmbëngulje e z. Rama. Madje, unë kam propozuar dikë tjetër për t’u përfshirë në strukturat drejtuese të Partisë, pasi të gjithë ne (P.Xhufi, S.Brokaj, M.Muci, F.Klosi dhe shumë të tjerë, kryetar komunash, bashkish, këshilltarë etj.) kishim vendosur të distancoheshim nga vendimi i Ilir Metës për t’u bashkuar me Sali Berishën. Lëvizja jonë ishte thjesht parimore dhe në respekt të të gjithë socialistëve që na kishin besuar ndër vite. Po të kishim qëllime të tjera, edhe ne mund të bënim një parti (jo të pasur), si shumë parti që lulëzojnë në këtë vend, për të marrë një copë pushteti si aleatë të PD-së apo PS-së. Si përfundim nuk mund ta mohoj një të vërtet që Edi Rama më tha, sipas logjikës së tij, isha pjesë e listës fituese, i garantuar në Parlament. Por unë, siç edhe e kam thënë më parë, refuzova të isha pjesë e listës së Tiranës.

Të gjitha partitë e vogla në koalicion kanë marrë rreth 100 mijë vota, një numër i përfillshëm për të bërë diferencën. Mund të ketë kosto për PS në zgjedhjet e ardhshme mospërfshirja e tyre në qeverisje?
Kjo është pjesa politike më delikate dhe më e vështirë që unë kam kaluar në këto 23 vite të demokracisë. Punova pa u lodhur duke biseduar me më shume se 30 kryetarë partish (pa përfshirë parti të njohura, si PSD, PDS, PLD, PSV, PSM etj, që ishin aleatë tradicionalë të PS), i mandatuar dhe i garantuar nga z. Rama se do të ishim aleatë në opozitë dhe aleatë në bashkëqeverisjen e vendit. Pas zgjedhjeve të 23 qershorit, i kam paraqitur z. Rama pasqyrën përfundimtare të rezultateve sipas qarqeve, dhe i kam kërkuar atij të respektojë marrëveshjen e nënshkruar, pasi kontributi i këtyre aleatëve e justifikonte përfshirjen në qeverisjen e vendit. Nga ana tjetër, i bindur në pabesinë e tij për ta respektuar këtë marrëveshje, dhe i ndërgjegjshëm për përgjegjësinë që unë mbaja para këtyre subjekteve politike, kam refuzuar pjesëmarrjen në mbledhjen e koalicionit pas fitores. Jam shumë i qetë në ndërgjegjen time se kam vepruar me drejtësi dhe ndershmëri në raport me cilindo aleat. Unë nuk kisha asnjë fuqi të korrigjoja paburrërinë e Ramës në raport me premtimet e tija, por nga ana tjetër nuk kam qenë asnjëherë një naiv që nuk e kam kuptuar Ramën dhe grupin e tij. Këtë gjë e kam shprehur në prononcimet publike kur thosha se brenda PS ka njerëz, të cilët nuk kanë një vlerësim për aleatët dhe i konsiderojnë ato thjesht si barrë për pushtetin e Edi Ramës. Karikaturat me këtë përmbajtje, ku pamjet e Skënder Gjinushit, Paskal Milos, Petro Koçit etj., vendoseshin në kurrizin e gjigandit Edi Rama, janë sot në zyrat e drejtuesve të gjeneratës së re, në shenjë respekti dhe vlerësimi që ato kanë për aleatët dhe koalicionin.

Në Partinë Socialiste funksionon dhe Këshilli Politik pranë kryetarit, nga i cili dy nga figurat kryesore në PS, ishpresidenti Meidani dhe ish-kryetari i Kuvendit, Servet Pëllumbi, janë tërhequr prej tij. Si e shikoni rolin e këtij forumi, i cili nuk është edhe ky i përcaktuar në statutin e PS? A ka luajtur një rol?
Jam i bindur se personalitete si prof. Meidani, prof. Pellumbi, prof. Brokaj, prof. Lakrori etj., e njohin shume mirë Ramën dhe Partine Socialiste, ashtu sikundër populli na njeh të gjithëve. Këto personalitete të Partisë Socialiste i njohin mirë arsyet e krijimit të këtij forumi nga z. Rama, dhe funksionet që ka kryer deri tani.

Zoti Legisi, mandati i Edi Ramës si kryetar i Partisë Socialiste ka përfunduar që në fund të muajit shtator 2013, pas katër vitesh. Zgjedhje nuk janë zhvilluar në PS për mandatin e ri, sepse zoti Rama është shprehur se po ndjek një përvojë të shumë partive të konsoliduara në botë se, kur kryetari i partisë fiton zgjedhjet e përgjithshme, është rikonfirmuar edhe si kryetar. Jemi në shkelje të statutit kur kjo procedurë nuk parashikohet në të? Ka precedentë të ngjashëm në PS?
Është për të ardhur keq se si Partia Socialiste e Shqipërisë, me një histori dhe traditë të jashtëzakonshme në respektimin e demokracisë së brendshme dhe të votës së lirë brenda saj, çdo ditë e më shumë po portretizohet si një parti ku nuk respektohet vota dhe mendimi i lirë, duke u barazuar me Partinë Demokratike dhe partitë e tjera private, që nuk kanë asgjë të përbashkët me parimet, normat statutore të homologëve të tyre në perëndim. Unë nuk e kam dëgjuar Ramën, por kam lexuar disa komente rreth deklaratës së tij. Pa dyshim, nëse është e vërtetë, nuk duhet trajtuar me humor, por duhet parë me shumë seriozitet, sepse është një deklaratë në kundërshtim me Statutin e Partisë Socialiste. Së pari, Statuti i Partisë Socialiste përcakton qartë se kryetari i partisë votohet një herë në katër vjet, sipas parimit “një anëtar, një votë”. Së dyti, nëse do thuhej se Kryeministri kryetar partie nuk ka nevojë të votohet pas fitores, Statuti duhet të kishte edhe një nen tjetër që kryetari i partisë që ka humbur zgjedhjet duhet larguar, gjë që nuk ndodhi në 2009–n, ku dhe unë në mbështetje të statutit kam dhënë kontributin tim modest. Zgjedhjet e 23 qershorit, siç thashë edhe më parë, për asnjë socialist nuk mund të konsiderohet si një fitore plebishitare, pasi pavarësisht se socialistët morën rreth 700 mijë vota, 200 mijë vota qeverisin rreth 50 për qind të pushtetit. Nga ana tjetër, për mua dhe disa kolegë të tjerë në PS, që e njohim procedurën dhe problematiken e zgjedhjes së Edi Ramës në vitin 2009, dimë dhe disa konstatime, vërejtje dhe ankimime që janë bërë në Komisionin e Zgjedhjeve për mënyrën se si u procedua dhe si u votua në vitin 2009. Këto të dhëna do duhet të bëhen publike, sepse nëse debati lexohej si konflikt kur ishim në opozitë, sot që jemi në pushtet jemi mandatuar për ta nisur kritikën dhe transparencën brenda PS. Unë kam qenë sekretar Organizativ i Partisë Socialiste në vitin 1999, kur brenda PS kandiduan z. Majko, i cili në atë kohë ishte kryeministër, dhe z. Nano, që e nisi betejën e tij si anëtar i thjeshtë i Partisë. Megjithatë, pa kontestim, me vetëm 37 vota diferencë, fitoi z. Nano. Pra, partia jonë nuk mund të aplikojë modelet që i përshtaten Ramës në kohë të ndryshme dhe në rrethana të ndryshme. Respektimi i Statutit është detyrë e çdo anëtari të PS, duke përfshirë edhe z.Rama. Ne këtë rast, Rama mund të ngrejë një grup pune dhe të propozojë ndryshimet në Statut, pas miratimit, ai mund të respektoj modelin e ri. Jam i bindur se kjo parti nuk do ta mbyllë historinë e saj me z.Rama, por ka ndërruar dhe do vazhdojë të ndërrojë shumë kryetarë të tjerë.

ARISTIR LUMEZI

Panorama

[murik]

me kete mendje qe ka Rama vetem servile e zorraxhinj do te mbeten ne PS..

[Albo]

Meta: Votim për kreun e PS, po të isha si Edi Rama

Kryetari i Lëvizjes Socialiste për Integrim, Ilir Meta, është në të njëjtën linjë me aleatin e tij në qeveri, Kryeministrin Edi Rama, sa i përket reformimit të Shërbimit Informativ Shtetëror. Në një intervistë në emisionin “Zonë e Lirë” të gazetarit Arjan Çani në “Tv Klan”, ai foli gjithashtu për opozitën e Bashës, si dhe zgjedhjen e kryetarit të Partisë Socialiste. SHISH I pyetur lidhur me rolin e SHISH-it në zbulimin e akteve të fundit kriminale, kryetari i Kuvendit tha se Shërbimi ka nevojë të jetë më rezultativ dhe më bashkëpunues me qeverinë. Meta tha gjithashtu se pavarësia e Shërbimit Informativ Shtetëror është e rëndësishme, por shtoi se detyrimet e këtij institucioni janë pjesë e qeverisë. “Unë besoj se SHISH- i ka nevojë të jetë një institucion edhe më rezultativ, më efektiv dhe më bashkëpunues me qeverinë. Këtë e kam në përgjithësi, sepse gjithmonë ka pasur një tendencë, dhe kjo është historike në Shqipëri, nuk ka të bëjë thjesht me drejtimin aktual të SHISH-it që, mbasi emërohet drejtori i SHISH-it, gjithmonë merr një pozicion pak si larg qeverisë në emër të mbrojtjes së pavarësisë së institucionit. Sigurisht që pavarësia është e rëndësishme, por detyrimet e SHISH- it janë pjesë e Ekzekutivit”, tha Meta. Duke komentuar deklaratat e një dite më parë të ministrit të Brendshëm, Saimir Tahiri, lidhur me mungesën e bashkëpunimit me SHISH-in, ai tha “Kjo është një çështje që duhet të verifikohet, sepse besoj se edhe ministri i Brendshëm e thotë në bazë të një vlerësimi që ka për shkak të detyrës”.

OPOZITA E BASHËS
Sipas kryetarit të LSI-së, lideri i opozitës Lulzim Basha po ndjek të njëjtin stil të ish kryeministrit Sali Berisha në drejtimin e Partisë Demokratike. “Ajo që shpesh nuk kuptoj te Basha si kryetar i ri i PDsë, është se përpiqet ai, që në fakt nuk është si natyrë, duke qenë shpeshherë i ashpër në retorikat e tij, duke u përpjekur të vazhdojë me stilin e Doktorit. Ai Doktor nuk bëhet dot. Nuk i shkon ai stil. Do të ishte mirë të ishte më konstruktiv”, u shpreh Meta. Sipas tij, Basha nuk duhet të ndjekë politikën e bojkotit dhe të përjashtimit. Meta tha gjithashtu se ai ka mbetur i zhgënjyer nga mënyra se si po e drejton Basha opozitën. “Basha duhet të sillte një profil të ri të kryetarit të Partisë Demokratike dhe të opozitës. Çfarë mund të sjellë kur bojkoton Komisionin e reformës administrative territoriale? Po të jetë për bojkot, ne kemi Doktorin, nuk kemi nevojë. Po të jetë për të bërë një politikë të ashpër dhe përjashtuese, kemi Doktorin. Basha, si kryetar i PDsë, duhet të sjellë një vizion të ri dhe duhet të jetë shumë konstruktiv. S’do biem dakord për çdo gjë, se rolet janë të ndara. Marrim një rast konkret: dëgjova pardje kur tha do dal në rrethe të flas me qytetarët për reformën administrative. Nuk ka të drejtë të braktisë qytetarët dhe të mos vijë në një komision ku, edhe pse ka 50 deputetë në Parlament, ka veto dhe të drejta të plota. Si kryetar i opozitës më zhgënjen, këtë mund ta them pa frikë”, theksoi më tej Meta. I pyetur nëse po të ishte në vend të Ramës do të ndryshonte statutin për të qëndruar në krye të PS-së apo do të linte Blushin të kandidonte, kreu i Kuvendit tha “Do bëhej votimi sa më shpejt të ishte e mundur”.

PANORAMA

[Albo]

Rama për Blushin: Nuk u fishkëllej njerëzve, pas fitores elektorale s’ka sens të bëhen zgjedhje

Keni bërë premtime të forta për zhbërjen e koncesioneve. Ç’do të bëhet me to, me Lotarinë Kombëtare?

Së pari dëshiroj të theksoj se jemi vetëm pak më shumë se 6 muaj që nga koha kur jemi ulur në tryezën e punës së qeverisë dhe s’janë bërë akoma 300 ditët e para, që do të thotë se zotimet tona do të vendosen në llogarinë e publikut vetëm pas 4 vitesh.

Kur mund të presim për Lotarinë Kombëtare?

Zhbërja e koncesioneve që janë defektoze apo që janë dhënë në kundërshtim me interesin publik, nuk janë një fjalë goje, por është një proces që merr në konsideratë një sërë faktorësh.

Që do të thotë se do presim 4 vjet për Lotarinë Kombëtare?

Që do të thotë, janë aspekte të natyrës ligjore, që duhen parë me gjithë kujdesin e duhur për të marrë gjithë masat e duhura. Ne ndërkohë kemi anuluar një numër të konsiderueshëm deri tani; ato që kanë qenë më lehtësisht të anulueshme, për shkak se nga pikëpamja ligjore nuk kemi patur asnjë pengesë. Jemi në një proces revokimi vetëm në fushën e minierave të 122 lejeve të dhëna dhe kemi pezulluar 25, për shkak se kushtet nuk ishin plotësuar.

Kur flasim për minierat është një koncesion, ku është folur pa pushim kur ishit në opozitë dhe është koncesioni i kromit. Ato 1 milion vota që u dhanë, u dhanë edhe për këtë arsye, për të zhbërë këto koncesione. Do ketë një ndryshim për minierat?

Janë pezulluar 25 koncesione të rëndësishme, pikërisht për të kërkuar zbatimin rigoroz të kontratave duke u dhënë kohë përpara se të anuloheshin. 122 të tjera janë në proces revokimi. Janë dhe 30 të tjera jominerare që po trajtohen nga ministria.

Po në lidhje me naftën?

Ju thashë që janë pjesë e këtij 30-shi. Pra bëhet fjalë për numra shumë të mëdhenj dhe bëhet fjalë për të mbrojtur deri në fund interesin publik. Bëhet fjalë për të mbrojtur deri në fund interesin publik, për të mos lënë që nga zhbërja e pavëmendshme të paguajë përsëri publiku, që boll ka paguar nga këto lloj koncesionesh. Ndërkohë janë disa koncesione më të mëdha, që janë në një proces më të kujdesshëm verifikimi.

Pra, si afat përfundimtar 4-vjetëshi?

Unë di që afati i dhënies së llogarisë për zotimet në zgjedhje është 4 vjet. Pastaj, se kur bëhet një apo një tjetër, kjo nuk përcaktohet në një emision televiziv.

Në lidhje me oligopolin e karburanteve. Çmimi këtu nuk i përgjigjet ecurisë së bursës…

Sa është çmimi i karburanteve këtu?! Dua të them se sot jemi në kushtet kur çmimi i naftës është më i ulët sesa në momentin para rritjes së taksës.

Unë kam 13 vjet që kam ndjekur çmimin e rritjes së tregut të karburantit…

Unë po ju them se vetëm në 6 muaj ne e kemi vendosur këtë sektor në kushte të reja, sigurisht që ka shumë për të bërë.

Pse nuk bëhen publike kompanitë që marrin gjoba për abuzime si me cilësinë dhe me sasinë?

Nuk e di në cilin vendin demokratik e keni parë këtë metodë, që përveçse t’i vësh gjobën, ta bësh dhe rezil në publik, duke i shkaktuar një dëm shumë më të madh sesa gjoba. Kjo nuk ekziston. Kompanitë janë në të drejtën e tyre që të bëjnë edhe gabime dhe për ato gabime të paguajnë, dhe në momentin që paguajnë kanë të drejtë të vazhdojnë aktivitetin e tyre. Nuk kemi një kënd fletë-rrufesh për kompanitë.

Nuk bëhet fjalë për flete-rrufe, por për transparencë..

Kjo nuk ekziston. Shteti ka për detyrë të kërkojë zbatimin e rregullit çdo ditë dhe nuk mundet kurrë të godas të ardhmen e secilitdo subjekt që është në treg. Subjekti mund të paguajë për atë që bën sot, por nuk mund të paguajë nesër për gabimin që bën sot. Ju thoni që përveçse të gjobitet, duhet t’u thuhet njerëzve që mos shkoni aty se e kanë karburantin e keq. Ne nuk kemi këtë detyrë dhe këtë nuk e bën asnjë vend i botës.

Rendi ka qenë kali i betejës për opozitën. Ministri Tahiri u ka dërguar një sms vartësve, ku i kritikonte ashpër për përkeqësimin e situatës. Ndërkohë që ju keni deklaruar që situata po përmirësohet nga muaji në muaj. Si e shihni sot situatën?

Nuk besoj se këtu ka ndonjë kontradiktë. E kam thënë dhe kam kënaqësi ta përsëris që, deri më sot kritikët më të zjarrtë të qeverisjes jemi ne vetë, fatkeqësisht. Nga njëra anë, kur flasim për përmirësim, flasim në raport me diçka, pra me atë që ishte. Por në fund të 4-vjeçarit nuk do krahasohemi në raport me atë që ishte, por në raport me standardet së paku të rajonit. Ministri do kishte qenë, edhe unë vetë do të isha habitur nëse do të kishte bërë të kundërtën. Për mua s’ka patur asnjë surprizë. Ministri i Brendshëm është një nga njerëzit më kërkues që unë kam njohur si nga vetja ashtu edhe nga njerëzit me të cilët punon. E kam njohur në pozicione të ndryshme dhe e di shumë mirë sesi punon. Dhe në këtë pikë e them me krenari dhe me kënaqësi që shpresoj të ketë mësuar nga unë se kështu jam dhe unë vetë.

Po varianti që ajo sms është marrë nga ju?

Lëri këto pastaj, janë përralla me mbret lakuriq, që s’kanë asgjë të vërtetë.

Mediat shqiptare kanë botuar një shkresë të SHISH-it për një informacion për një avion që është ulur në Gjadër për trafik droge…

Juve u duket informacion, apo dyshime? Ishte informacion mbi dyshime, apo mbi fakte?

Informacionet që ishin dhënë aty, sipas asaj shkrese i janë bërë të ditura si ministres, ashtu edhe drejtorisë së policisë. Ju keni informacion apo indicie për të dhëna se bëhet trafik droge me avion?

Nuk ka asnjë fakt të vetëm, asnjë provë të vetme që vërteton…

Provat janë për në gjykatë…

SHISH, Shërbimi sekret në përgjithësi është një sistem i tërë, i ngritur mbi dyshimin. Kështu funksionon dhe dyshimi iu përcillet institucioneve të tjera. Por nga dyshimi te prova është një hendek shumë i madh. Nuk ka asnjë të dhënë të besueshme dhe të provuar minimalisht që mund të flitet për një gjë të tillë. Pra nuk ekziston.

Drejtoria e Policisë dhe Ministria e Mbrojtjes këto të dhëna i ka verifikuar dhe ka vërtetuar se kjo nuk ka ndodhur?

Është puna normale e një shteti. Ajo që është anormale është të shikosh sesi ata që kishin shtetin deri dje në dorë, transformohen në një lukuni si kjo që shohim përditë dhe iu turren në mënyrën më barbare Forcave të Armatosura dhe vetë imazhit të vendit tonë, bazuar mbi një praktikë të rëndomtë të punës së përditshme të SHISH-it dhe të organeve përkatëse që lidhen me rendin dhe sigurinë.

Vëllain dhe opozitën nuk e zgjedh dot…

Unë po them opinionin tim, vëllain ma ka zgjedhur mrekullisht dashuria e dy prindërve të mi.

Por opozitën nuk e zgjedh dot…

Absolutisht dhe kam respektin më të madh për opozitën si institucion dhe për këtë arsye ndjej çdo ditë e më shumë keqardhje për katandinë e opozitës. Sepse mungesa e një opozite serioze është seriozisht një problem për një qeveri që është kërkuese nga vetvetja.

Le të diskutojmë për arsimin, ku kurba për arsimin faktikisht është më e ulëta sesa fushat e tjetra. Po diskutohet tani ose më saktë është një diskutim i nxehtë për ligjin e arsimit të lartë. Po shkohet drejt një modeli anglo-sakson mesa po kuptojmë, mos po ndihmohet sektori privat në kurriz të sektorit publik?

…Respektoj sondazhin tuaj, por ne kemi sondazhin tonë të përjavshëm. Sigurisht ka pika kur ka përputhje dhe ka pika ku ka mospërputhje, dhe ajo që dua të them është se unë besoj shumë fort që në arsim ne do bëjmë reformën që nuk është bërë në kaq shumë vite. Dhe për t’iu përgjigjur direkt pyetjes suaj, mund të them se nuk do të ketë më universitete private në Shqipëri, nuk do të ketë më universitete shtetërore në Shqipëri, por do të ketë universitete publike, pra qoftë me financim nga shteti, qoftë me financim privat, universitetet do të jenë publike dhe nuk do të ketë më universitete me qëllim fitimi. Ky është momenti i një ndryshimi radikal. Nuk do të ketë më universitete me qëllim fitimi…nuk do të ketë më në Shqipëri. Kjo është reforma për arsimin e lartë dhe kjo është përgjigja ime për reformën e arsimit të lartë.

Lidhur me marrëdhëniet tuaja me opozitën…Pse nuk e gjeni dot gjuhën e përbashkët?

E pra, pse nuk e gjejmë dot?!

Vëllai i madh ka barrën që të gjejë gjuhën e përbashkët me vëllain e vogël…

Nëse i qëndrojmë këtij krahasimi, nuk më dukën vëllezër ata që kemi përballë. Ne kemi bërë një ndryshim shumë të madh në sjelljen e mazhorancës apo në sjelljen e shumicës ndaj pakicës. Deri dje ishim ne si pakicë që i drejtonim shumicës për t’u ulur për të biseduar, për të negociuar dhe asnjëherë nuk ishte kryeministri i asokohe Berisha, që të më drejtohej qoftë edhe mua si kryetar i opozitës. Sot është shumica që i drejtohet pakicës dhe unë si kryeministër që i jam drejtuar më shumë se një herë edhe kryetarit të opozitës për t’u ulur, dialoguar…

Reforma administrativo-territoriale, një reformë e tillë bëhet një herë në 50 vjet?

…Reforma po bëhet me shumë ekspertë të huaj, me shumë donatorë dhe partnerë që e dëshirojnë këtë gjë, sepse është një riorganizim dhe çlirim i madh kjo gjë…Nëse do të ishim para 23 qershorit dhe Berisha do të kishte votat që kemi ne tani, të jeni të sigurt se Berisha do ta kishte bërë reformën, sepse siç e kuptoj unë, e kupton edhe ai shumë mirë se ku është katandisur sot pushteti vendor…Ne jemi këtu për të bërë reformën.

Reforma në drejtësi, mendoni se do ta bëni me votat që keni, apo do të kërkoni edhe konsensusin e opozitës?

Ne do të kërkojmë konsensusin e opozitës për çdo gjë…Duhet të sjellim një sens të ri të drejtësisë…

Ambasadori i Holandës në një intervistë që dha për “A1 Report” tha se duan shembuj konkretë të luftës kundër korrupsionit, pra njerëz që përgjigjen para drejtësisë për korrupsionin deri në qershor, me qëllim që të binden se ky vend e ka seriozisht luftën kundër korrupsionit. Mendoni se deri në qershor ne do të kemi ndonjë rast?

Për çka më takon, jam plotësisht i bindur që në tryezën e Prokurorit të Përgjithshëm janë të gjitha rastet e nevojshme për të dhënë një shembull të qartë, konkret dhe kumbues të luftës pa kompromis të korrupsionit nga niveli më i lartë tek niveli më pak i lartë në të gjithë ato fusha ku është bërë batërdia. Janë në tryezën e Prokurorit të Përgjithshëm.

Cili nga këto raste duhet patjetër?

Nuk jam këtu për të thënë se çfarë duhet patjetër, por duhet patjetër që Shqipëria të hedhë një hap përpara dhe këtë hap përpara nuk mund ta hedhë thjesht dhe vetëm sepse qeveria lufton korrupsionin; lufta e qeverisë ndaj korrupsionit ka dy elementë; e para: reforma, reforma, reforma, sisteme, sisteme, sisteme, transparencë, transparencë brenda sistemeve për të penguar individin që të kenë në dorë më shumë se çfarë u takon dhe nga ana tjetër çojmë në Prokurori ato raste që ne i evidentojmë dhe jo vetëm raste që kanë të bëjnë me të shkuarën, por edhe raste që mund të kenë të bëjnë me të tashmen. Gjëja që i takon pastaj Prokurorisë është që nga rastet e denoncuara t’i kthejë në raste të proceduara.

Ju keni shpresë që brenda qershorit…?

Shpresa vdes e fundit dhe unë dua të besoj se Prokurori i Përgjithshëm nuk do t’i ndajë fjalët nga veprat.

Ben Blushi, i ftuar në emisionin “Opinion” tha se nuk është mbledhur asnjë forum i PS-së prej 8 muajsh, as kryesi dhe as ansamble. Rama është pa mandat. Si do i përgjigjesh 49 % të majtëve që mendojnë se Edi Rama i ka mënjanuar figurat historike të PS-së dhe Blushit që thotë, zbato statutin?

Së pari unë do ta nënshkruaja si tekstin tim gjithë tekstin që nxorët për të shoqëruar edhe zërin në çka ka shprehur Pandeli Majko. Jam 100% i të njëjtit mendim dhe nuk i heq asnjë presje. Së dyti, unë kam një këndvështrim shumë të thjeshtë, që nuk është personal, por është i bazuar në atë eksperiencë, së cilës unë i jam referuar që në ditën e parë që kam qenë në krye të PS-së, që është eksperienca e New Lobour të Toni Blerit. Kam qenë unë që kam futur, sigurisht bashkë me të tjerët, por domethënë pas fitores time parimin një anëtar-një votë dhe në asnjë parti tjetër kur partia fiton zgjedhjet nuk hyn në zgjedhje të brendshme, por lideri i partisë që edhe në statutin tonë është edhe kryeministër, por në atë moment partia kthen kokën andej nga duhet ta mbajë, nga populli, dhe partia në pushtet është qeveria dhe grupi parlamentar. Nuk është një strukturë jashtë këtyre dyjave që duhet të mblidhet dhe duhet të marrë vendime.

E kuptoj, tradita angleze, por në statutin e PS-së është përcaktuar që duhet të bëhen zgjedhje, apo jo? Se ky është pretendimi i zotit Blushi…

Nejse, këto janë interpretime, por ajo që di unë të them me përgjegjësi të plotë është që partitë që zgjedhin me një anëtar-një votë liderin, e kanë kryeministër dhe për sa kohë liderin e kanë kryeministër, partia nuk hyn në zgjedhje për liderin. Sepse nuk ka sens se çfarë do t’iu themi ne shqiptarëve që tani ju na zgjodhët, por prisni pak se ne do bëjmë zgjedhje në parti.

Kjo është përgjigja për zotin Blushi dhe për të tjerët…

Jo, unë nuk bëj polemika në televizor me asnjë nga kolegët dhe pjesëtarët e PS-së, unë thjesht dhe vetëm rikonfirmoi atë që kam thënë kohë më parë.

Por edhe ai publikisht tha që i kërkoi Ramës të zbatojë statutin…

Nuk e kam përgjigje për Benin, por e kam qëndrimin tim të shpallur dhe më parë. Ne s’do shpikim asgjë të re, ne do ndjekim atë rrugë që kemi nisur, duke ndjekur ata prej të cilëve u referohemi.

Blushi flet dhe për një letër të 500 socialistëve të Elbasanit…Blushi thotë që Edi Rama ka fishkëllyer dhe ata kanë kërcyer. Si do t’i përgjigjeshit?

Unë nuk u fishkëllej njerëzve dhe unë nuk kam asnjë sekondë që të merrem me fishkëllima.

Të kalojmë te njerëzit e thjeshtë, të cilët para çdo mbledhjeje të grupit kapin deputetët prej mënge se nuk po zgjidhin hallet e tyre. A po funksionon ajo që thatë ju, që partia kur është në pushtet sytë i ka te populli?

Përgjegjësia jonë është të qeverisim Shqipërinë dhe të jemi të drejtë me të gjithë. Dhe me militantët tanë dhe me mbështetësit tanë, dhe me ata që s’na kanë mbështetur, por që kanë të drejtën që të mirëqeverisen dhe të shërbehen si qytetarë të barabartë të këtij vendi. Përsa i përket skenave që ju përmendni, besoj se është normale në këto kushte që ne e kemi gjetur vendin, ka shumë papunësi, ka shumë halle dhe probleme. Një pjesë e njerëzve që vijnë aty kanë probleme kryesisht me sistemin gjyqësor. Një pjesë dërrmuese e gjithë letrave që unë marr nga qytetarët ka lidhje me sistemin gjyqësor me gjykatat, me gjykatësit. Dhe nuk ka asgjë për të fshehur, se është normale që njerëzit edhe kur kërkojnë një zgjidhje për një punë, edhe kur janë të dëshpëruar, shkojnë të drejtohen tek ata që mendojnë se u zgjidhin hallin për punë. Por gjëja që ne po bëjmë dhe do ta bëjmë në mënyrë gjithnjë e më intensive është që të krijojmë kushtet të hapen vende të reja pune dhe të ndryshojnë mendësinë se shteti është punëdhënësi më i madh. Kam hasur shumë raste kur njerëzve u ofrohet një punë në privat ata nuk e pranojnë dhe duan me çdo kusht të punojnë në shtet, apo edhe në rastet kur kanë preferenca për punën në shtet. Kuptohet që nuk janë të gjitha rastet kështu. Ka shumë raste që njerëzit duan thjesht dhe vetëm një punë. Por nuk mund të jetë përgjigja shteti. Sepse le ta marrim shumë thjesht, matematikisht është e pamundur që të gjithë të punojnë në shtet.

Ekziston opinioni se ka pakënaqësi për emërimet në të gjitha nivelet për emërime klienteliste dhe jo të meritës apo të atyre që kanë dhënë kontribut për opozitarizmin. Ju ç’perceptim keni, ka patur shqetësime të tilla?

Besoj që do të ishte anormale të mos kisha asnjë shqetësim. Procesi i transformimit të qeverisjes nga një keqqeverisje e katandisur në një klientelë tribale, në një mirëqeverisje me standard që ne duam është një proces që kërkon kohën e vet dhe pa asnjë dyshim ne nuk mund të pretendojmë se kemi qenë të përsosur apo se nuk kemi bërë gabime në këtë proces. Por ama, nga ana tjetër mund t’ju siguroj se ka disa të dhëna shumë të thjeshta që provojnë se çfarë ka ndryshuar në Shqipëri pas 23 qershorit. Ka të dhëna shumë të thjeshta që nuk kanë nevojë të bësh sondazhe, por që i gjen tek rrugët e frymëmarrjes së këtij populli, të të rinjve, te njerëzit që merren me biznes dhe te vetë media, që besoj e përjeton një periudhë kur nuk kanë asnjë lloj presioni dhe asnjë lloj kërcënimi. Jam shumë i lumtur që një nga gjërat e para që kemi arritur është një ndryshim i jashtëzakonshëm për kohën e shkurtër në klasifikimin e lirisë së medias për shtetet.

Debat+/Vizion Plus

[Albo]

Ben Blushi: Gjuha e rilindësve është një kollare që tundet në televizor, simboli i tyre një papagall që bën selfie



Deputeti i Partisë Socialiste, Ben Blushi, në një analizë te tij për qeverisjen dhe maxhorancën, shprehet se po asiston në funeralin e Rilindjes. Sipas tij, Rilindjen që fitoi bujshëm zgjedhjet e 2013, po e “gropos” mediokriteti, hipokrizia, neveria, duke krijuar një gropë që sa vjen e zmadhohet.

Sipas tij, Rilindja ka rezultuar të ishte vetëm ambalazh që nuk kishte brenda ilaçin që do të shëronte ekonominë shqiptare dhe vendin, siç kishte premtuar me bujë. Si një filozofi pa ideologji, Rilindja, sipas Blushit kishte vetëm një ambicie, ardhjen në pushtet.

Për ta saktësuar përcaktimin e tij, Blushi thotë se Rilidja është vetëm kasta qeverisëse dhe jo Partia Socialiste, e cila luftoi për votat, por nuk erdhi asnjëherë në pushtet. Për Blushin, me Rilindje nuk mund të kuptojmë Partinë Socialiste, pasi Rilindja nuk ka statut, rregulla, zgjedhje, por vetëm emërime, prandaj, sipas tj nuk mblidhen Asambleja Kombëtare dhe kryesia e PS.

Sipas Blushit, Rilindja nuk ka rregulla dhe programe, por vetëm ambicie. Blushi arrin përmes analizës së tij të dallojë dy lloje rilindistësh të cilët, sipas tij, besojnë në diçka që nuk e njohin. Ai i ndan rilindistët në krenaristë dhe kanabistë. Të parët, për deputetin socialist, krenaristët, gjatë një viti e gjysmë të qeverisjes, ishin krenarë për çdo gjë, edhe për dështimet dhe mosarritjet e tyre, madje ata, sipas Blushit habiten se si shqiptarët nuk i shohin dhe nuk i kuptojnë arritjet e tyre.

Kategoria tjetër brenda rilindistëve, sipas Blushit, janë kanabistët, të cilët duan të fitojnë vetëm me ndihmën e shtetit. Kanabistët, për Blushin, dolën si ideatorë në momentin kur krenaristët dështuan me rritjen e vendeve të punës, të uljes së taksave dhe të luftës ndaj polarizimit të shoqërisë.

Blushi shprehet në analizën e tij se legalizimi i kanabisit nga mbështetësit e tyre u propozua jo si mjekim, por si reformë ekonomike, që do të dyfishonte buxhetin, do zgjidhte krizën në bujqësi dhe do ulte kriminalitetin.

“Me këmbënguljen e rilindistëve, me besimin e krenaristëve në përjetësinë e Rilindjes, me dehjen e paimitueshme të kanabistëve, të gjithë po marrim pjesë në funeralin e Rilindjes”, përfundon Ben Blushi analizën e tij për gjendjen në të cilën po kalon qeverisja e Rilindjes.

BEN BLUSHI

Zakonisht i evitoj funeralet, megjithëse jam i pafuqishëm që të mos i përshkruaj. Gjatë muajve të fundit më është dukur sikur po marr pjesë në një funeral; Që vazhdon; Është një funeral ku nuk mungoj dot. Për mua, ky është funerali i Rilindjes, në të cilin jemi ftuar të marrim pjesë.

Çudia është se Rilindja akoma nuk e di që janë mbledhur ta përcjellin. Nëse kjo është për të qeshur, është e vetmja pjesë komike e kësaj drame politike. Nëse sheh çfarë po ndodh me Rilindjen, kauzën që kërkoi besim dhe u votua përpara 22 muajsh, kupton se ajo është kthyer në një institucion të paadministrueshëm. Rilindja nuk ka më kontroll mbi veten dhe prandaj nuk parashikon dot pasojat që po afrojnë. Rënia e lirë është tipari i saj më i dukshëm. Mediokriteti është pesha e papërballueshme që e tërheq poshtë.

Hipokrizia është shkëlqimi që shohim në ajër. Neveria është shija e saj. Vrima është gjurma. Zbrazëtia është zhurma. Rilindja nuk ka frymë, nuk ka organizim, nuk ka motivim, nuk ka mobilizim, nuk ka ide, nuk mbrohet, nuk mendohet, nuk pendohet, por vetëm rrëzohet dhe bie. Bie në gropën e vet ideologjike, e cila ishte e dukshme që ditën që u krijua. Rilindja ishte ambalazhi i një kutie, që koha provoi se ishte e mbushur me ujë fiziologjik, që vlen vetëm për të pastruar veshët, hundët dhe lëkurën, por meqë është vetëm ujë, derdhet dhe prandaj zbrazet. Rilindja nuk kishte ideologji, nuk kishte parime, nuk kishte personalitet, por kishte vetëm ambicie fizike për të ardhur në pushtet.

Dhe ia arriti të bjerë në gropën e pushtetit, të cilën po e zgjeron. Me shpejtësi dhe këmbëngulje. Sepse këmbëngulja e Rilindjes për të shkuar në vetëvrasje është e paqortueshme. Shpejtësia për t’u mbuluar me dhé është e pakonkurrueshme. Megjithëse është për të ardhur keq për të gjithë ata që e besuan kur lindi dhe u krijua, ky ishte një funeral i parashikueshëm. Dhe ja pse. Për shkak të detyrimit për të fituar, Partia Socialiste bëri koalicion. Ia la pushtetin Rilindjes. I dhuroi organizimin dhe i huazoi zgjedhësit. Por, megjithëse fitoi zgjedhjet, Partia Socialiste nuk qeverisi asnjë ditë. Që nga dita e parë qeveris Rilindja. Qeveris ambalazhi dhe jo kutia. Prandaj sot nuk ka zgjedhje në Partinë Socialiste.

Rilindja ka rregullat e veta. Ajo nuk zgjidhet. Ajo emërohet. Rilindja nuk votohet. Ajo nuk ka arsye të zgjidhet nga një parti tjetër. Nuk ka asnjë motiv të respektojë statutin dhe normat e një partie, që sipas saj kishte dhe ka vetëm një punë: të numërojë votat sa herë ka zgjedhje kombëtare. Por zgjedhje brenda partisë nuk ka dhe s’ka pse të ketë, sepse Rilindja nuk është parti. Ajo është pushimi, pushtimi, pushteti dhe shteti i një partie. Prej dy vitesh, në Partinë Socialiste askush nuk mblidhet dhe askush nuk zgjidhet, megjithëse sipas ligjit të kësaj partie zgjedhjet janë një herë në katër vjet, Asambleja mblidhet një herë në tre muaj dhe Kryesia të paktën, një herë në muaj.

Por Rilindja nuk ka statut, nuk ka norma, nuk ka ligjësi dhe nuk ka forume. Ajo ka vetëm ambicie. Ajo nuk është çadra që duhej të ishte. Rilindja është vetëm shi. Vetëm ndëshkim. Dhe çdo gjë që nuk është rilindje, Rilindja e quan krim. Përfshi edhe vetëvrasjen e saj, për të cilën duhet ndihmuar. Natyrisht edhe rilindistët kanë tiparet e Rilindjes. Rilindistët kanë dhuntinë e njerëzve që bëjnë sikur besojnë në diçka që nuk e njohin. Për ta, Rilindja, si frymë është epokale, si model është unikale dhe si mekanizëm është industrial. Energjia e saj është rrezatuese, fuqia e saj është riprodhuese, shpejtësia e saj është transportuese. Rilindja, sipas rilindistëve, është një epidemi pozitive, nga e cila vuajnë vetëm ata që nuk pranojnë të infektohen.

Nëse rilindistët mërziten, kjo ndodh vetëm kur të tjerët thonë se nuk e shohin atë që ata bëjnë sikur e shohin. Meqë ra fjala, rilindistët nuk besojnë në asgjë. Besimi i tyre është pushteti, kauza e tyre është defekti i të tjerëve, instrumenti i tyre është efekti mbi të tjerët. Si të gjitha speciet, rilindistët kanë gjuhën edhe simbolet e tyre. Gjuha e tyre është një kollare që tundet në televizor.

Rilindistëve u duket si flamur dhe i përulen. Simboli i tyre është një papagall që bën selfie. Atyre u duket si një shqiponjë dhe prandaj ia japin flokët për t’i bërë pupla që të rrijë në ajër. Në 22 muajt e fundit, rilindistët nuk janë shtuar. Ata janë degëzuar. Sot janë ndarë tipologjikisht në dy degë: Të parët janë krenaristët dhe të dytët janë kanabistët.

Gjatë vitit të parë, kur Rilindja mendonte se punët po shkonin mirë, se papunësia po ulej, se taksat po mblidheshin dhe se Shqipëria i mbështeste, ishin krenaristët ata që dukeshin më shpesh. Tipari kryesor i krenaristëve është aftësia për të qenë krenarë edhe në humbje. Krenaristët janë krenarë për gjithçka edhe kur punët shkojnë keq, edhe kur s’ka punë, edhe kur s’ka reforma, edhe kur s’ka progres. Krenaristët janë më shumë, kur shqiptarët janë më pak. Megjithëse deri më sot s’kam parë asnjë krenarist bindës, ata nuk dorëzohen. Ata mund të përpiqen të të bindin se edhe kaosi që kanë shkaktuar prej 18 muajsh është i organizuar. Krenaristët nuk janë një qenie e panjohur, megjithëse mbeten një qenie e papritur, pra njerëz që besonim se nuk do t’i takonim më.

Një krenarist do ishte krenar edhe në kushtet kur gjithë nxënësit e një shkolle mbeten në klasë. Në këtë rast, krenaristi do thoshte: ne jemi krenarë që të gjithë nxënësit kanë mbetur në klasë, sepse kjo ka ndodhur me forcat tona. Në regjimin e kaluar të gjithë e kalonin klasën, sepse paguanin mësuesit. Prandaj jemi krenarë që kemi zhdukur korrupsionin dhe asnjë notë nuk është e pamerituar.

Ja pse jemi krenarë!! Si ka mundësi që ju nuk jeni? Krenaristët nuk kuptojnë se kjo është njëlloj sikur një ekip të humbte me autogol dhe trajneri të krenohej se e kishin humbur ndeshjen me forcat e veta. Këta janë krenaristët. Ata janë krenarë për çdo gjë që bëjnë dhe madje habiten se si ne të tjerët nuk jemi krenarë për ta.

Ne duhet të jemi krenarë për çdo dështim, për çdo rrënim dhe për çdo teprim. Krenaristët kanë vetëm një dyshim: nëse shqiptarët kanë aftësinë dhe inteligjencën e duhur per t’i kuptuar, por, edhe nëse nuk i kuptojnë, ky nuk është faji i tyre. Sërish ata mbeten krenarë për injorancën e shqiptarëve. Sepse krenaristët janë një idiotësi riprodhuese.

Dega tjetër e rilindistëve janë kanabistët. Sot ata janë më të dukshëm, më të zhurmshëm dhe më të vendosur. Kanabistët janë rrethi i dytë i rilindistëve. Ata nuk qeverisin direkt, por mbështesin krenaristët në çdo dështim. Duken më të freskët dhe më të motivuar ditët e fundit, kur vetë Rilindja e ka zbehur krenarinë për krenaristët. Kanabistët kanë një tipar të cilin nuk e fshehin dhe prandaj janë të sinqertë, çka bie menjëherë në sy.

Ata duan të fitojnë vetëm me ndihmën e shtetit. Shteti është banka, shteti është prona, shteti është sipërmarrja, ndërmarrja, huamarrja dhe pengmarrja e tyre. I quaj kanabistë, pasi në kushtet kur reformat e krenaristëve nuk prodhuan dot më shumë vende pune, më pak taksa, më pak polarizim, më pak injorancë dhe më shumë kohezion social, ata dolën në sheshin e ideve dhe propozuan atë që në letërsi quhet “deus ex machina”.

Pra, një ndërhyrje të papritur, një dorë Zoti, një instrument të befasishëm, që ndryshon gjithçka që ka qenë dhe gjithçka qe do të jetë. Dhe, megjithëse e dinë se në krahasim me krenaristët, teknika e tyre ka shumë defekte, janë krenarë që papërgjegjshmëria e tyre është perfekte.

Kanabistët, pra, propozuan legalizimin e kanabisit. Jo si një mjekim, por si një shpëtim. Jo si kurë, por si ekonomi. Ata duan që ne të besojmë se legalizimi i kanabisit është një reformë ekonomike që do dyfishojë buxhetin, do hapë vende pune, do shtojë investimet e huaja, do zgjidhë krizën e bujqësisë, do ulë kriminalitetin dhe do t’i shtyjë studentët të mësojnë më shumë për shkak të frymëzimit që shkakton tymosja e pacensuruar.

Në të vërtetë, ata nuk kuptojnë se ky propozim shtoi edhe një dyshim. Çështja e legalizimit të kanabisit, e shtruar si reformë ekonomike, e bëri edhe më të dukshëm dyshimin popullor mbi mungesën e ideve ekonomike të Rilindjes. Imagjino sikur gjithë qeveritë e Europës, shumica e të cilave janë në krizë, të bënin propozime të ngjashme për daljen nga kriza.

Fushat e Rusisë, Rumanisë, Serbisë, Bullgarisë, Ukrainës, Moldavisë do na vinin në siklet, sepse ngastrat tona bujqësore do dukeshin si peceta para tapeteve të tyre të mbjella me kanabis. Por, edhe nëse është kështu, kanabistët nuk thonë se Europa nuk e mbjell, nuk e kultivon, por vetëm e blen dhe e përdor kanabisin. Dhe, nëse e legalizon, legalizon përdorimin, por jo mbjelljen.

Prandaj, nëse droni kanabist do vërtitej mbi Europë me flatrat e krenaristëve, nuk do gjente askund një fushë të mbjellë me lule kanabisi, sepse Europa ka politikanë që përdorin kanabis, por nuk ka kanabis që përdoret për politikë. E megjithatë, kanabistët sërish mbrohen njëlloj si krenaristët, pasi kjo është tipike për të gjithë rilindistët.

Ata thonë se megjithëse edhe të tjerët mund t’i mbjellin fushat e tyre me kanabis, sërish ne do kemi avantazh njerëzor, pasi, siç thonë kanabistët, populli shqiptar ka aftësi të pakonkurrueshme në mbjelljen dhe kultivimin e kanabisit dhe fshatarëve europianë do t’i duhen vite për të arritur nivelin e mjeshtërisë sonë të lindur. Nuk është çudi që ndonjë ditë t’i nxjerrin gjyshet e lodhura të Lazaratit të demonstrojnë truket e tharjes së kanabisit, njëlloj si gratë kubane që i fërkojnë purot mbi kofshët e tyre. Nuk është fare çudi! Kanabistët kanë fantazi.

Dhe, nëse idiotësia e krenaristëve është riprodhuese, ndërsa paturpësia e kanabistëve është prodhuese, vetëvrasja selfuese e të dy palëve është vetëdhuruese. Kështu pra, me këmbenguljen e rilindistëve, me besimin e krenaristëve në përjetësinë e Rilindjes, me dehjen e paimitueshme të kanabistëve, të gjithë po marrim pjesë në funeralin e Rilindjes.

Fatkeqësisht nuk mund të mungojmë dot, megjithëse shumë prej nesh e miratojnë atë. Edhe unë pa dyshim. Dhe, nëse do duhej të mbaja një fjalim, ky do ishte fjalimi im.

Panorama

[CuNi Tr]

AShtu sic vdiq Rilindja Demokratike Do vdesi Dhe Rilindja Socialiste kur LSI do behet forc e pare...

[PuffetiNa]

Ngushellime me te sinqerta

[benseven11]

Funerali eshte ne koken/imagjinaten e Ben Blushit.
Masa e popullit thjesht humb besimin sepse
1.Genjehet ne popull me premtime te genjeshterta
2.Nuk behet puna nga drejtues ne shtet
3.Paaftesia,mungesa e inteligjences nga drejtues.
4.Kabinet i dobet qeveritar i zgjedhur nga nje piktor medioker
qe nuk la ndonje gjurme ne historine e artit shqiptar,as kontribut..
Piktori eshte piktor sigurisht do beje zgjedhje te keqe
te personave qe do drejtojne nje shtet sepse piktori dont know any better....
Ben Blushi na del si burre i mire ne media.
Veshtire ta besosh.
Edhe shume nuk duhet pretenduar per nje kohe kaq te shkurter.
Te kerkosh te ndryshosh rrenjesisht standartin e jeteses,mireqenien stilin e jeteses
se cdo banori ne Shqiperi,kjo kerkon para te madhe.
Stili i larte i jeteses vjen me para te madhe dhe kerkohet edhe kontributi puna e cdo individi
ne shoqeri dhe jo te mbash syte nga shteti 24 ore ti presesh te gjitha nga shteti.Nuk eshte as realiste, as e drejte.
Nqs kerkon mireqenie te larte atehere ti si individ duhet te punosh shume.

[Yllnaja]

Analize interesante. Ben Blushi duket i sinqerte dhe i drejtperdrejte ne ato qe mendon dhe kjo eshte freskuese ne klimen plot hipokrizi qe perjetojme.

[benseven11]

Po,po shume " i sinqerte"duket.
Edhe Edi Rama,sherbetori yne lol,
shume "i sinqerte" dukej ne zgjedhjet e qershorit.
Politikane me hipokrizine e krokodilit.

[Eagleone]

Do thoja qe ka vdekur qekur ti u bere deputet o Beni, cfare kontributi i dha Beni rilindjes, cfar vizioni kishte Beni per rilindjen, apo darkimet e fshehta me kete burrin e rilindjes.

[Eagleone]

“Eksodi, nuk besoja se do të përsëritej nga 1997 e këtej. Nuk besoja se do kishte shqiptar në vitin 2015 me kaq shumë arsye për të ikur. Pse ikin më shumë se serbët, maqedonasit, më shumë se grekët, që e kanë 25% papunësinë? Ky parlament është një arsye, se edhe sot nuk u fol për ato, edhe sot bëmë garë kush ka zbuar më shumë nga Shqipëria, PD apo PS. Në 25 vjet kemi humbur 1/3 e popullsisë. Gjeni një vend në Afrikë, Lindjen e Mesme, Nigeri ka luftë por s’kanë humbur 1/3 e popullsisë. Ka një arsye, qeverisemi shumë keq. 1 milion banorë kanë ikur. Vetëm një arsye: Jetojnë keq! Persekutohen vetëm si të varfër. Po diskriminojnë të varfrit për turpin tonë të përbashkët. Asnjë luftë se ka tretur siç është tretur Shqipëria në 25 vjet. S’është punë qeverie kjo? Gjithkush prej nesh duhet të kuptojë se kostot e atyre që ikin është më e madhe. Duhet të ndajmë kostot, sot ka arsye për të dhënë alarmin. Emergjencë është fakti që Shqipëria po zvogëlohet, po përgjysmohet. S’ka popull që ka humbur kaq shuam popullsi në 5 vjet dhe në 25 vite kemi humbur 1/3 e popullsisë nga largimet. Nuk është më qeveri solidare. Nuk i jepet aq sa duhet një të varfëri. Më mirë nxit parazitizmin sesa emigracionin. Më mirë një parazit në vendin tënd, sesa në Gjermani, e ky vend bëhet i pajetueshëm, nëse s’ka njerëz. Pesimizmi që ka kapur Shqipërinë është armiku ynë më i madh. Fatalitet kombëtar që duhet ta ndryshojmë duke u bërë më solidar në shoqëri, duke rritur pagat, asistencën sociale, duke luftuar korrupsionin, duke bërë një shoqëri më të drejtë, e vetmja mundësi është të trashëgojnë pasurinë”

Fjalimi i Ben Blushit sot ne parlament, paradoks ne kulm do thoja sepse eshte po ky Beni qe eshte pjese e kesaj corbe rilindjeje dhe kritikon kryetarin e tij kryesisht por edhe anetaret e tjere te qeverise, Beni qe ishte kandidat per kryetarin e ps (i perfolurjo Zyrtar se zyrtar dalin maqot), beni qe kritikon kryetarin por qe nuk perjashtohet nga grupi si Toma, por qe kritikon, dhe askush si pergjigjet, a jane kritika pa baza? Jo, me baza te forta madje, por askush sdon tja dije, po pse Beni akoma i qendron besnik kesaj corbe rilindjeje?

[loneeagle]

Te pakten nga te dyja palet doli nje qe "THA TE VERTETEN"!

[Eagleone]

Te pakten nga te dyja palet doli nje qe "THA TE VERTETEN"!

po hajt, hap perpara eshte edhe kjo, duhet per tu duartrokitur.

[goldian]

a ka noj ligj qe pengon krijimin e partive te reja se kam si frike se dhe benua do beje parti me vete

me sqaro njeri se si krijohet nje parti ne shqiperi se kam pa ca parti qe sdi si skan turp qe ekzistojne
bashkimi demorat musliman ??????ca kuptimi ka
partia zhvillimi i ri
partia demokracia sociale
balli kombetar Demokrat?????

[benseven11]

Nje pjese ikin sepse duan te shtiren hiqen si martire te demokracise,te persekutuar nga shteti padrejtesite e politikes
dhe futen ne ndonje azil te Europes te marrin strehim qyl dhe ushqim qyl lol.
Nje pjese ikin sepse mendojne qe leku fitohet me lehte ne Europe dhe i merr te gjitha me lehtesi pune shtepi,mirqenie.
Nje pjese ikin sepse jane rritur shume taksat u rrit cmimi i bukes,elektrikut,etj
Nje pjese ikin sepse kane shume kohe pa pune ne Shqiperi,Kjo kategori ka plotesisht te drejte qe iken.
Nje pjese ikin qe te merren me pislliqe shesin droge ne zvicer itali etj,nuk ikin qe te punojne por te shesin droge duke menduar
qe nuk do kapen sepse qytetet e Europes jane shume te medhaja dhe ato nuk do bien ne sy si dhe eshte nje menyre per tu pasuruar
shpejt dhe pastaj kthehen ne Shqiperi dhe fillojne ndonje biznes ndertimi lol.
Nje pjese ikin qe ti shpetojne drejtesise,kane kryer pislliqe ne Shqiperi dhe per ti shpetuar arrestimit burgut ikin jashte.
Nje pjese ikin per ti shpetuar gjakmarrjeve hasmerive.
Nje pjese ikin per te vazhduar studimet jashte.
KJo eshte tekstura sociale e eksodit 2015.