NORVEGJI-Të kapur përdore, në ndërkohë që bie mbrëmja, qindra myslimanë norvegjezë formuan një të ashtuquajtur ”unazë paqeje” në mbrojtje të sinagogës kryesore të Oslos.
Ky përbën një gjest simbolik, i kërkuar pothuajse rastësisht në Facebook nga të rinj skandinavë të besimit islamik, një ditë pas sulmeve terroriste në Kopenhagë, pjesë e të cilëve ishte edhe një tempull hebre i kryeqytetit danez, ku mbeti i vrarë një person.
Apelit të postuar në rrjetin social nga i riu mysliman, Hajdar Ashrad, 17 vjeç, iu përgjigjën edhe besimtarë joislamikë, në një mobilizim që kaloi përtej parashikimeve, mbi të gjitha nëse mendohet që në Norvegji hebrenjtë janë një minorancë mjaft e vogël (me pak se 1 000 persona) përballë myslimanëve që janë 200 mijë, në një vend me rreth 5,5 milionë banorë.
Rrethimi i sinagogës u krye në masa të forta sigurie edhe pse gjithçka kaloi në një klimë solidariteti.
(d.d/BalkanWeb)
Krijoni Kontakt