Close
Duke shfaqur rezultatin -19 deri 0 prej 11
  1. #1
    Moderator Maska e benseven11
    Anëtarësuar
    10-09-2002
    Vendndodhja
    new jersey-usa
    Postime
    13,816

    Kaukazi është vendbanimi i parë i shqiptarëve të sotëm.

    Artikulli dhe figura nga gazeta express

    Faktet historike flasin për ekzistencën e një mbretërie antike të quajtur “Albania” në Kaukaz. Aty ku sot shtrihet Armenia dhe Azerbajxhani, ndoshta kanë jetuar kushërinjtë tanë të vjetër, shkruan Sokol Shameti. Por versionet janë të shumta... Shkrimin e botuar në “Koha jonë” po e transmetojmë të plotë.

    Në pranverën e vitit 1863, Johan George von Hahn përshkoi Shqipërinë e Veriut sipas një itinerari që ai s’e kishte bërë më parë. Ai e njihte tanimë mirë Shqipërinë qendrore dhe atë të Jugut. Njihte Shkodrën dhe pjesë të Kosovës, por meqë jemi akoma në vitet kur rrugët nuk ekzistojnë, shtigjet më të rrahura mbeteshin rrjedhat e lumenjve, nëpër luginat e të cilëve, kishte të paktën 40 vjet që bridhnin udhëtarë dhe studiues të gjithfarshëm. Nga Lir, Bajron, e Pukvil tek më të vonët Edith Durham apo Jozef Shekel. Nëpër vendbanimet, malet, grykat e këtij vendi të panjohur, por dikur toka e lavdishme e ilirëve, ata po rindërtonin pak nga pak një histori të mbuluar nga pluhuri. Atë të prejardhjes së shqiptarëve. Gjithsecili në mënyrën e vet, duke sjellë dëshmitë dokumentare të kohës, por duke pasur njëkohësisht në dispozicion edhe freskinë e memories apo privacionet e atyre viteve të vrenjtura, kur ata u endën në këto anë. Këta shtegtarë të mbërritur nga Perëndimi ishin gjithsesi trokitja e parë e Europës në portat e Shqipërisë, pas më shumë se katër shekujsh errësirë. Austriaku Hahn, ishte njëri prej tyre.

    Ndërsa përshkonte rrjedhën e lumit Drin në Shqipërinë e Veriut, gjuhëtari dhe etnologu i njohur i cili financohej në këtë udhëtim nga qeveria e Vjenës, po ndërtonte pak nga pak hartën e saktë të të gjitha vendbanimeve të afërta dhe të largëta përgjatë këtij lumi. Eruditi i madh po shkruante njëkohësisht edhe të dhënat rreth prejardhjes, historisë, gjuhësisë, etnografisë dhe antropologjisë së këtyre zonave dhe banorëve të tyre. Por me sistematicitetin e njohur austro-gjerman, shkencëtari nuk u mjaftua vetëm me përshkrimin në shënimet e tij të udhëtimit, të lokaliteteve të harruara buzë Drinit. Ai “krehu” në një rreze të gjerë veprimi të gjitha vendbanimet dhe fshatrat edhe përgjatë tërë pellgut të Drinit, lumenjve të afërt dhe degëzimeve të tij kapilare. Ai përshkoi Shkodrën, Lezhën, Krujën, Tiranën, Dibrën e Prizrenin. Dhe gjatë njërit prej këtyre ekskursioneve, ai bëri edhe zbulimin interesant, për ekzistencën e të cilit në të vërtetë flitej, por që ende nuk ishte bërë ndonjë verifikim në vend. Hahn zbuloi matjanët.

    Natyrisht zona veriore shqiptare ekzistonte në hartat e botës dhe nuk ishte Hahn i pari që po e kuantifikonte atë. Por Hahn nuk ishte një hartograf. Ai ishte një njohës i shkëlqyer i historisë së vjetër dhe të re, i gjeografisë dhe shtigjeve të udhëtimeve, i dokumenteve dhe legjendave, gjuhëve të folura dhe atyre të vdekura.

    Zanafilla e kërkimeve të Hahn në rajonin e Matit, lidhet me këmbënguljen e tij skrupuloze për të gjetur lokalitetin apo zonën nga ku e kishte burimin vetë termi: Albania. Kërkimet e kishin përkundur nga Arbana e Tiranës në një mori fshatrash të cilat në terren përkonin me lokalitete që sipas hartave antike mund të fshihnin gërmadhat e albanopolisit legjendar të Herodotit. Kryeqytetit të Ilirisë së lashtë të periudhës parahelenistike e pararomake. Atij vendbanimi që kurrë nuk u zbulua dot ndonëse gojëdhënat por edhe përshkrimet e vendosin në një rajon midis Krujës dhe Lezhës. Hahn mori një udhërrëfyes i cili do ta udhëhiqte përmes zonës së ashpër të Matit por aty, sikurse e tregojnë edhe dorëshkrimet e tij, ai hasi në një nga ato mistere që edhe sot e kësaj dite shkenca e historisë nuk ka mundur dot t’i japë një përgjigje të saktë. Ja çfarë shkruante vetë Hahn: “...çava përpara drejt kësaj bote të re... duke udhëtuar teposhtë lumit të Matit, prej të cilit marrin emrin e tyre kjo krahinë dhe banorët e saj. Këta të fundit quhen matjanë dhe ngjashmëria e këtij emri me atë të “matjanëve” të Herodotit, më nxiti që ta krahasoj nomenklaturën (toponiminë) e Persisë dhe Armenisë me atë të Shqipërisë dhe fqinjëve të saj...”. Hahn kishte zbuluar pra se jo vetëm “Albania” e lashtë ilire me Albanopolisin e vet ndodhej përafërsisht në Matin e Shqipërisë së sotme, por edhe se kjo Albania e Europës, ishte identike me një Albania tjetër. Atë që gjeografi dhe historiani antik grek Herodoti e përmend në “Historinë” e tij si një mbretëri e fortë në Kaukaz. Brenda së cilës Herodoti përshkruan se jetonte një popull barbar por i bardhë. Dhe një nga fiset e tij më të njohura ishin pikërisht... “matjanët”. Sipas Herodotit, Albania e Kaukazit banohej nga një popull i cili kishte një vitalitet të jashtëzakonshëm. Që ndryshe nga të tjerët aty pranë, mund të udhëhiqej edhe nga gra mbretëresha. Siç ishte rasti i mbretëreshës Tomris e cila në vitin 529 para Krishtit, u vu personalisht në krye të ushtrisë së vet për të thyer trupat e mbretit pers Cyrus II, e madje edhe për ta vrarë këtë të fundit. Hahn u zhyt në emrat e lokaliteteve të Matit shqiptar duke i krahasuar ata me Albaninë e Kaukazit. Ja çfarë thotë studiuesi: “Me përjashtim të formave të njëllojta të Albania-s, ne gjetëm si këtu, ashtu edhe atje (në Kaukaz) një krahinë që quhej njëlloj Hotene dhe një tjetër Blymals, veç kësaj edhe një krahinë që quhej Bolbene në Shqipëri dhe liqenin Bolge në Kaukaz. Një lumë të quajtur atje Arsenia dhe Arzin = Het-Arzum dhe këtu lumin Erzen. Këto përputhje na nxitën të formojmë bindjen që të dhënave të grumbulluara nga të vjetrit porsa i takon përafërsisë së Armenëve dhe Thesaliotëve ndoshta nuk u mungon tërësisht baza historike, aq më tepër kur këto të dhëna përkojnë me legjendat e sotme të abkazëve në Kaukaz, “sepse këta e konsiderojnë veten të njëjtin popull me arnautët që jetojnë në Turqi ose me shqiptarët”, shkruan Hahn.

    Një rastësi? Një mister i shpjegueshëm i errësirës së mijëvjeçarëve? Ç’donte kjo Albania dhe këta matjanë në Kaukaz katër shekuj para Krishtit? Ç’lidhje kishin ata me shqiptarët e sotshëm ose makar, me albanët ilirë të antikitetit?

    Rreth kësaj historie të çuditshme prej vitesh po ndërtohen teori të ndryshme, gjithsecila me nga një prapavijë jo ekskluzivisht shkencore nga pas.

    Albania e Kaukazit është realisht një territor që ndahet midis shteteve të sotme të Amenisë, Gjerogjisë dhe Azerbajxhanit. Popullsia që gjallon sot në shekullin e XXI në ato rajone është ajo abhkaze dhe rajoni mbi të cilin ata jetojnë është një mollë e vërtetë sherri midis armenëve, gjeorgjianëve dhe azerëve që pretendojnë secili se janë pasardhës direkt të Albanisë antike. Mbi këtë legjendë e kanë zanafillën edhe konfliktet e ashpra për rajonin e Nagorin Karabakut i cili shtrihet pikërisht në këtë zonë (të cilën, arabët e pushtuan aty nga shekulli i tetë, e quanin jo pa ndonjë arsye të fortë edhe “Qafiristan”). Sipas legjendave arabe që citon Hahn, origjina e arnautëve është nga disa vise të Detit të Kuq (jo larg Kaukazit), ku njëri nga liderët e tyre i shkeli kaftanin një shehu dhe gjatë grindjes i nxori atij madje edhe syrin. Dhe meqë nga kokëfortësia nuk pranoi të vuante ndëshkimin (arnaut nga arabishtja d.m.th. “refuzues”), u dëbua së bashku me fisin e vet për të mbërritur në Ballkan.

    Një version ky i ikjes së shqiptarëve nga Albania e Kaukazit për të mbërritur më vonë në Ballkan, i cili mbështetet gjerësisht edhe nga një numër studiuesish serbë të cilët nuk pranojnë autoktoninë shqiptare para asaj serbe në “qafiristanin” e ri të Europës. Të cilët e mbështesin këtë argument me mungesën e dëshmive gjuhësore të shqipes evropiane para shekullit të XIV, si dhe me mungesën e ekzistencës së emrit Albania në dokumentet historike deri në shekullin e X. Kohë kjo, e cila çuditërisht është fare e afërt me shekullin VIII kur Albania e Kaukazit pushoi së ekzistuari e sulmuar nga arabët, armenët dhe fqinjët e tjerë.

    Gjithashtu një numër i madh emrash të lokaliteteve të atjeshme kanë një ngjashmëri me të vërtetë komprometuese me shqipen e sotme. Në territoret e atjeshme mund të hasen kollaj fshatra me emrat Hundëz, Bushat, Gheghian etj. Studiuesit nga Azerbajxhani zbuluan së fundi se banorët e Albanias së lashtë, kanë qenë të krishterët e parë të Kaukazit, të evangjelizuar qysh në shekullin e parë nga apostulli Elysee. “Kisha më e vjetër kaukaziane është ajo shqiptare me emrin “Kish” në rajonin Sheki, si dhe tempujt Ganxhasar dhe Amaras në zonën e Karabakut janë edhe sot e kësaj dite vende ku gjallojnë pasardhësit e shqiptarëve të ndarë në fiset e gunave, gelëve, alpnasëve, legave dhe udinajve”, mund të lexosh në secilën nga guidat turistike të Azerbajxhanit në internet.

    A mund të kemi ardhur vërtet nga abhkazët e Azerbazhanit? A është Albania e Kaukazit vendi i origjinës së shqiptarëve të sotëm? Sipas vetë studiuesve lokalë, termi Albania i atjeshëm nuk duhet ngatërruar kurrsesi me Albanian e Adriatikut (këtë tonën). Ata pretendojnë se banorët e atjeshëm e kanë quajtur kështu fare rastësisht vendin e tyre ngaqë ai ishte tepër i thepisur me male dhe origjina e emrit të tij vjen nga “alp” që janë lartësitë dhe jo nga fisi i “albanëve” që quhej kështu për shkak se për latinët ata ndodheshin andej nga lind dielli (alba). Banorët e sotëm të atij rajoni e quajnë veten abhkazë dhe jo “albanë” dhe sikurse e vërente edhe Hahn më 1863, gjuha abhkaze ndryshon rrënjësisht nga ajo shqipe. Nuk mund të thuhet e njëjta gjë për emërimet e vendbanimeve sidoqoftë, të cilat ngrenë pikëpyetje shumë të forta. Koincidenca e Matit shqiptar dhe atij kaukazian si dhe shumë e shumë vendbanimeve, lumenjve, liqeneve etj., e lë pezull misterin e kësaj afërsie të çuditshme. Madje afërsi kanë edhe shumë emra njerëzish, sikurse vëren edhe Hahn. “Çdo shqiptar do të çuditej kur të lexonte në një nga veprat antike greke “Kserksi” që përshkruan luftën e këtij mbreti pers me grekët, përmendet Dotos si prijësi i matjanëve. Dote, ose Dodë është ndërkohë një nga emrat e rëndomtë shqiptarë në Mat. Kështu quhet p.sh. shefi i sotëm i mirditorëve Bib Doda, për shkak se emri i të atit ka qenë Dodë”, thotë studiuesi austriak.

    Historianët dhe studiuesit kaukazë nga ana tjetër nuk mendojnë se ka vërtet ndonjë lidhje midis dy Shqipërive dhe i quajnë thjesht rastësi të gjitha këto ngjashmëri. Por ekziston edhe një version tjetër.

    Dhe është përsëri Hahn ai që hedh dritë mbi mundësinë e një shpjegimi të mundshëm të enigmës së Albanisë kaukaziane. Ai i referohet emrit të vjetër të Maqedonisë antike e cila në dokumentet e vjetër quhet pikërisht “Emathia”. Një element që njihet ky dhe që sipas albanologëve, tregon origjinën aspak greke por shumë shqiptare të maqedonasve si një popull vëlla me iliro-trakët antikë. Një emër që sipas shqipes së sotme do të përkthehej në “E madhja” si dhe që do të justifikonte prapashtesën “i madh” pas Aleksandrit të Maqedonisë, i cili edhe pa të, ka për nënë Olimbinë nga Epiri. Si dhe arsyen pse gjatë gjithë mesjetës shqiptarët identifikoheshin edhe me maqedonasit, e se madje heroit më të madh matjan Skënderbej, turqit ia vunë emrin pikërisht kështu, “Iskander”, për nder të paraardhësit të tij Aleksandër. Por sipas Hahn, Emathia mund të jetë pikërisht Mati i sotshëm shqiptar si dhe vendlindja e Aleksandrit, Pellasi i humbur, mund të jetë ndonjëri nga shumë gërmadhat anonime të antikitetit që ende presin të zbulohen në veri të Shqipërisë.

    Por çfarë lidhje ka Emathia-Mati i Aleksandrit të Madh, me Albaninë e Kaukazit? Ndoshta faktin se i vetmi “ballkanas” që e përshkroi atë territor para Herodotit ishte pikërisht Aleksandri me etnicitet të diskutueshëm dhe me qindra mijëra ushtarët e tij? Ndoshta sepse sipas shumë versioneve, pas dështimit të fushatës së tij në Indi, garnizone “emathianësh” të Aleksandrit u hallakatën nëpër gjithë rrugën e kthimit për në Ballkan e madje shumë prej tyre u ngulën diku ku malet u kujtonin atdheun një pjesë malore e të cilit quhej edhe Albania? Ndoshta sepse edhe sot e kësaj dite, gërmimet në shumicën e vendbanimeve të Albanisë së Kaukazit nxjerrin në dritë monedha të pafundme, që tregojnë se ose shkëmbimi tregtar nuk ishte një ekskluzivitet i grekëve (lexo: “të qytetëruarve” të antikitetit pavarësisht nga etnia, ose se këta “të qytetëruar” kishin mbërritur deri këtu larg në malet e Kaukazit, për të habitur treqind vjet pas Aleksandrit të Madh dhe para Krishtit, historianin Herodot që i quajti ata barbarë. Por që lë fatmirësisht i pari dëshminë për ekzistencën e atij damari aq të lashtë, e tanimë të humbur që mund të na tregojë kush jemi në të vërtetë ne. Shqiptarët.
    ≈♥♠♣♦≈ovguide.com/movies

  2. Anetarët më poshtë kanë falenderuar benseven11 për postimin:

    Rockwell (03-06-2015)

  3. #2
    Fortis Et Honoris Maska e Meriamun
    Anëtarësuar
    04-04-2009
    Postime
    1,730

    Për: Kaukazi është vendbanimi i parë i shqiptarëve të sotëm.

    Keto jane idete e qarqeve serbe per te thene se gjoja shqiptaret nuk jane autoktone dhe kane ardhur prej kaukazit. Kjo teori eshte hedhur poshte me kohe, shqiptaret jane nder popujt me te vjeter autokton te ballkanit.
    No amount of guilt can change the past and no amount of worrying can change the future

  4. Anetarët më poshtë kanë falenderuar Meriamun për postimin:

    mesia4ever (04-05-2015)

  5. #3
    Shqiperia eshte Evrope Maska e iliria e para
    Anëtarësuar
    24-04-2002
    Vendndodhja
    Cunami ne Indonezi zgjati per disa minuta, kurse ne trojet tona 500 vjet.
    Postime
    4,907

    Për: Kaukazi është vendbanimi i parë i shqiptarëve të sotëm.

    Kaukazi dhe Karpatet jane vende te serbve dhe jo te shqiptareve. Iliret( Albanet) jane popull autokton ne Ballkan, bilese edhe armiqet tane e pranojne ( pervec disa si ky qe e shkruan kete artikull).
    Lumi ka ujin e paster ne burim


    Kombi mbi te gjitha

  6. #4
    i/e regjistruar Maska e SERAFIM DILO
    Anëtarësuar
    06-01-2008
    Postime
    7,488

    Për: Kaukazi është vendbanimi i parë i shqiptarëve të sotëm.

    Keto teori,mund te kene kuptim per periudha te papercaktura siç ajo e Pellazgeve,sepse mbeten supozime mbi diçka o periudhe qe nuk njihet.Nuk e verteton dot, eshte sikur te thuash qe shqiptaret erdhen nga Kaukazi o nga Hena, ka te njejtin kuptim.

    Ndersa per sa i perket periudhes antike,nuk mjafton vetem te gjesh ngjashmerine e dy emertimeve,lumejve, krahinave etj,historia e gjeografia eshte e mbushur plot me keto ngjashmeri,qe ne pergjithesi jane vetem rastesi. Nuk mjafton qe Mardi ta besh Mardaitet qe te behet Mirdita. Edhe per Matiani o Matianet qe ishte nje krahine e Ibereve dhe Albanezve kishte dhe krahina te tjera si Sapiret o Alaredet etj,qe duhet ti shpegosh e ti gjesh edhe keto ne Shqiperi...

    Pastaj,eshte interesante kjo teoria e "nostalgjise",ku fiset o popujt shvendosen per mijera kilometra (ne pergjithsi per motive ekonomike-jetese) dhe nga nje vend malor shvendosen ne nje vend malor tjeter. Eshte,sikur sot, ata qe jane shvendosur nga malsite e veriut ,o dhe fshatrat malore jugor,te shkojne ne Tirane dhe te vendosen ne malin e Dajtit. (col cazzo, thot popolo)
    Ndryshuar për herë të fundit nga SERAFIM DILO : 21-02-2015 më 08:04

  7. #5
    i/e regjistruar
    Anëtarësuar
    13-05-2013
    Postime
    215

    Për: Kaukazi është vendbanimi i parë i shqiptarëve të sotëm.

    Citim Postuar më parë nga iliria e para Lexo Postimin
    Kaukazi dhe Karpatet jane vende te serbve dhe jo te shqiptareve. Iliret( Albanet) jane popull autokton ne Ballkan, bilese edhe armiqet tane e pranojne ( pervec disa si ky qe e shkruan kete artikull).
    Tema me mire te shkoj ne ajo Historise. Eshte e vertete qe teoria e siperme nuk eshte gje pervec se nje propagande e varfer pa asnje baze. Nga ana tjeter nuk kam gjetur ndonje fakt bindes qe Shqiptaret e sotem e kan origjinen nga Iliret. Un personalisht besoj se Shqiptaret flisnin nje gjuhe paleoballkanike por jo ilire. Iliret kishin me shum te perbashkta me keltet.

  8. #6
    Moderator Maska e benseven11
    Anëtarësuar
    10-09-2002
    Vendndodhja
    new jersey-usa
    Postime
    13,816

    Për: Kaukazi është vendbanimi i parë i shqiptarëve të sotëm.

    Kur eshte krijuar Albania ne kaukaz,viti???
    Kur eshte krijuar Albania(Shqiperia) e sotme?
    Artikulli nuk i jep keto dy te dhena kryesore.
    Mundet qe Albania ne Ballkan te jete krijuar shume vjet para
    Albanise ne kaukaz dhe ka te ngjare qe albanet ne kaukaz te
    kene ardhur prej albanise se Ballkanit.
    Albanet e ballkanit mund te kene shkuar ne mase,eksod ne Kaukaz
    per shkak te ndonje lufte ne Ballkan,epidemie semundje ne ballkan
    ose ne kerkim te floririt ne zona te kaukazit,ose per te gjetur territore te lira
    pa pronare..,ose albania ne kaukaz eshte krijuar si rezultat i ardhjes se disa tregetareve
    te larget nga Albania ne ballkan,Shqiperia e sotme.Mund te jete edhe keshtu,Albania ne kaukaz eshte
    krijuar nga shqiptaret e Adriatikut.
    ------
    Albani ka edhe ne Nju York,atehere a duhet te themi qe shqiptaret e kane origjinen nga nje krahine e
    Nju Jorkut e quajtur Albany?????
    Mundet qe keto emra te ngjashem te jene rezultat i difuzionit perhapjes se disa termave gjuhesor globalisht.
    Ky shtegetim i fjaleve termave nga nje territor ne nje territor tjeter kurrsesi nuk ka te beje fare me origjinen
    e disa kombeve.Psh emrat e njerezve ,emra te njejte ose emra shume te ngjashem i gjen te perdoren edhe ne
    Australi edhe ne Rome edhe ne Meksike edhe ne USA.Kjo ka te beje me faktin qe fjala eshte perhapur eshte
    degjuar dhe ka kaluar goje me goje si thashethem dhe ka kapercyer kufij gjeografike territorresh dhe shtetesh.
    Ja perse nje fjale apo term qe ty te duket shume specifike, autoktone, origjinale shqiptare befas zbulon qe perdoret edhe ne nje rajon tjeter te botes.
    Nuk eshte aspak cudi sepse edhe fjala udheton si njerezit,udheton shume shpejt,perhapet, njihet, pelqehet, asimilohet dhe perdoret nga popuj ne rajone te ndryshme gjeografike.
    Nje forme e perhapjes se fjaleve eshte nepermjet shtegetimeve te njerezve dikur.Njerezit kane shtegetuar dikur si zogjte nga nje rajon ne nje tjeter,per arsye klime,lufte,epidemie,tregetie,tokash,floriri etj.
    Nqs arkeologet ne Albani Kaukaz gjejne ne zbulimet e tyre shkrime qe jane identike ne gjuhe si ai i Ilireve ne ballkan pasi shkrimi eshte i njejte ne konstrukt ,fjalet ne shkrime jane te njejta,eshte i njejti alfabet,
    i njejti stil komunikimi atehere kjo mund te jete prove qe behet fjale te kemi dy grupime
    te te njejtit komb te te njejtes kulture qe flasin te njejten gjuhe,behet fjale qe ne keto dy territore kane jetuar shqiptare.
    ≈♥♠♣♦≈ovguide.com/movies

  9. #7
    i/e regjistruar
    Anëtarësuar
    02-09-2014
    Postime
    1

    Për: Kaukazi është vendbanimi i parë i shqiptarëve të sotëm.

    Fis kalash qe egziston sot te pakistani qe kan ngjajshmeri me neve te madhe ne kulture si dhe ne emrat e vendev lumejve
    origjina e ketij fisi eshte nga ushtria e aleksandrit te madh pas nje humbje ushtaret e tij nje grup nuk ka mundur te kthehet the kan qendruar aty per me shume shikone kete VIDEO

  10. #8
    i/e regjistruar Maska e martini1984
    Anëtarësuar
    02-04-2009
    Postime
    5,594

    Për: Kaukazi është vendbanimi i parë i shqiptarëve të sotëm.

    natyrisht vine Iliret nga kaukazi!
    Jevgj te programuar...
    E para babi ka rolex
    e dyta mami prodhon!
    Kush nuk mendon sipas menyres se tij,nuk ka llogjike!

  11. #9
    Teza ku mbeshteten serbet. Se marr vesh sesi nje gazete shqiptare boton nje palacollek te tille. Jane habitur gazetaret tane injorante per nje teori te tille dhe ju duket se zbuluan kontinent te ri? Se kuptojne keta hajvane qe teori te tilla kane shekuj te tere qe jane ngritur e dekada te tera qe ushqehen e spekulohen nga akademiket serbe.

    Ka dhe ndonje ketu ne teme qe thote se dime thote qe jemi te prejardhur nga iliret. Kane me shume afersi me keltet thote. Ne jemi te njejtin vend ku kane jetuar iliret me pare (ndonese te rrudhur nga grabitja e tokave) e keltet ndodhen me mijera kilometra larg ne nje ishull te hemisferes veriore e megjithate vihet shenja e barazimit me iliret e ajo e dyshimit me shqiptaret. Ik o maqo futi ca kernacka me ndonje birushke e leri teorite e gjenezes atyre qe dine ca me shume.

    Kjo teme jo qe nuk meriton te shkoje tek nenforumi i historise por nuk meriton as te rrije fare ne kete forum.

    Sa me shume e lexoj kete teme aq me shume me revoltojne disa komente. Me duket sikur po lexoj pergjigje tek stormfront apo faqe te tjera te panumerta te mbushura me pislliqe mbi shqiptaret dhe origjinen e tyre.

    Teoria e albaneve nga Kaukazi ka me shume se 200 vjet qe eshte ne qarkullim dhe eshte hedhur per here te pare nga humanistet e Rilindjes sic ishte Piccolomini e me pas u percua me tej nga Pukevili dhe ju vu kapak nga nje pusht grek i quajtur Nikokles qe e paraqiti kete teori si nje pergjigje replikuese ndaj Hahn. Por gjithe kjo teori pacavure u hodh poshte kur u bene studimet linguistike qe ne fund te shek te 19-te. Per me shume lexoni Noel Malcolm ne librin e tij Albanian Identities: Myth and History.

    Kjo eshte teoria qe perdoret me se shumti nga serbet dhe antishqiptaret. Koha jone shkon e boton si te ishte perle. Botuesit injorante ne Shqiperi duhet te merren me publikime te tilla, te punojne e te perkthejne vepra te nderkombetareve qe hedhin drite mbi origjinen tone e jo te merren me pislliqet erotike te Mata Harit. Ne kete menyre, populli shqiptar te ndricohet me shume e te mesoje me shume mbi historine e tij dhe mos lexojme me komente pa kuptim.

  12. #10
    Per anglishtfolesit ketu mund te gjeni librin e Noel Malcolm

    https://books.google.ca/books?id=oRA...page&q&f=false

    Skedarët e Bashkëngjitur 167710

    Skedarët e Bashkëngjitur 167711

    Citim Postuar më parë nga SERAFIM DILO Lexo Postimin

    Nuk mjafton qe Mardi ta besh Mardaitet qe te behet Mirdita. Edhe per Matiani o Matianet qe ishte nje krahine e Ibereve dhe Albanezve kishte dhe krahina te tjera si Sapiret o Alaredet etj,qe duhet ti shpegosh e ti gjesh edhe keto ne Shqiperi...
    Pikerisht ashtu. Skocezet e quajne veten e tyre dhe alba. Mos valle shqiptaret kane ardhur nga Skocia? Mund te jete e anasjellta, konsideruar faktin qe skocezet jane te vetmit qe kane fustanellen po ky nuk eshte vendi per kete diskutim. Ka nje teme te hapur nga Barat ne nenforumin e Historise mbi prejardhjen e albes ne ishujt britanike. Pra le te mos dalim nga tema ketu. Shqiptaret qe marrin pjese neper forume me deshiren e kuriozitetin per te lexuar duhet te tregojne pjekuri e maturi kur bejne komente denigruese ndaj kultures e prejardhjes sone. Boll kemi horra pa fund ne internet qe nuk lene vrer pa hedhur ndaj shqiptareve. Tani edhe tanet duhet te bejne te njejten gje? Te flasesh per histori e origjine nuk eshte si te besh thashetheme neper kafene duke rrufitur dopio kacurreli e pertypur fara kungulli. Ulni menderen e lexoni pak me shume se sa lexoni per sportin. Do mesoni dicka edhe mbi veten tuaj.

  13. #11
    Intifada verzioni 4.0 Maska e mesia4ever
    Anëtarësuar
    01-12-2006
    Vendndodhja
    Guinea
    Postime
    6,386

    Për: Kaukazi është vendbanimi i parë i shqiptarëve të sotëm.

    Ne shqiptaret jemi pasardhes te ilireve te cilet kane jetuar kryesisht ne Ballkan.

Regullat e Postimit

  • Ju nuk mund të hapni tema të reja.
  • Ju nuk mund të postoni në tema.
  • Ju nuk mund të bashkëngjitni skedarë.
  • Ju nuk mund të ndryshoni postimet tuaja.
  •