Apostull Jakovi

[Irenna]

E enjte, 9 tetor 2014 - Shenjtori i ditës.

Abrahami e Loti, të Drejtë. Apostull Jakovi, bir i Alfeut.

Apostull Jakovi, bir i Alfeut.

Apostull Jakovi ishte një nga 12 apostujt e Krishtit, vëllai i ungjillor Mattheut dhe i biri i Alfeut. Jakovi, pasi luftoi për të vërtetën e Krishtit në Jerusalem, më pas shkoi edhe në vende të tjera për të predikuar ungjillin. Atje shkatërroi dhe përmbysi altarët e idhujve dhe me hirin e Perëndisë shëroi sëmundje të ndryshme dhe frymë të papastra. E madhe ishte djersa që derdhi dhe rreziqet që kaloi për të përhapur ungjillin e Krishtit. Vdekja shpesh herë e kërcënonte por në mendimin e tij sundonin fjalët inkurajuese të Zotit: “Kush do që të vijë pas meje të mohojë vetveten, të marrë kryqin e vet dhe të më ndjekë. Pra kushdo që dëshiron të më ndjekë si nxënës i vërtetë”- thotë Zoti- “le të mohojë vetveten dhe le të marrë vendimin që të kalojë për mua jo vetëm prova e trishtim, por edhe vdekje në kryq, dhe atëherë lë të më ndjekë duke imituar shembullin tim”. Kështu edhe shën Jakovi, duke imituar shembullin e tij pësoi vdekje në kryq.
.