Qeveria e Rilindjes: I fal borxhet CEZ dhe i jep 95 milion euro demshperblim

[Albo]

Arrihet marrëveshja me çeket: CEZ do ti paguhen 95 milion euro

Qeveria e Shqipërisë dhe kompania CEZ kanë mbyllur negociatat midis tyre. Lajmi është konfirmuar nga ministri i Ekonomisë Arben Ahmetaj, i Energjitikës Damian Gjiknuri dhe ai i Financave Shkëlqim Cani, të cilët në një dalje për shtyp kanë konfirmuar mbylljen e negociatave mbrëmjen e 23 qershorit, me palën çeke në lidhje me konfliktin mbi kompaninë CEZ.

Sipas ministrit Gjiknuri, pala çeke heq dorë plotësisht nga pretendimet financiare nga cdo blerje që do i bëhet CEZ duke i dhënë shtetit shqiptar pronësi të plotë mbi këtë kompani. Ai ka akuzuar qeverinë Berisha se la një gropë të madhe financiare dhe sqaroi se marrëveshja e arritur me çekët nuk ka lidhje me statusin kandidat.

Ndërsa ministri Cani ka theksuar se shuma e 95 milionë euro që do i paguhen CEZ do të bëhet nga kompania CEZ dhe jo nga qeveria shqiptare. “Shoqëria tjetër e kontrolluar tashmë nga shteti do i paguajë palës çeke rreth 95 milionë euro, deri në vitin 2018, pagesë e cila do të bëhet me këste. Kjo pagesë nuk do të bëhet nga buxheti i shtetit, por nga operatori i sistemit të shpërndarjes. Marrëveshja përcakton se palët heqin dorë nga çdo pretendim, dhe kjo marrëveshje do të miratohet nga Këshilli i Ministrave dhe më tej nga Kuvendi”, ka thënë Cani.

Ministri i Ekonomisë, Arben Ahmetaj ka sqaruar se paratë do të paguhen nga kompania e re e Shpërndarjes, e cila merr përsipër detyrimin. “Paratë do të paguhen nga kompania e re e Shpërndarjes, e cila merr përsipër detyrimin. Pagesa do mbështet me garanci bankare dhe nga shteti shqiptar. Në rast se nuk paguan operatori garancia do jepet nga shteti shqiptar”, tha Ahmetaj.

Zgjidhja e këtij konflikti erdhi vetëm një natë përpara se vendet anëtare të BE-së të vendosnin sot për dhënien e statusit kandidat për Shqipërinë.

MAPO

[Albo]

Pra 3 milion qytetaret e Shqiperise, do ti paguajne 32 euro per fryme, kompanise ceke CEZ. Pra nje familje me 4 veta, do te paguaje 128 euro kompanise ceke.

Bravo Qeveria e Rilindjes!

Shqiptaret nuk paguajne sa duhet taksa, le te paguajne ca taksa me shume se nuk i gjen gje.

Albo

[Xhuxhumaku]

Pra 3 milion qytetaret e Shqiperise, do ti paguajne 32 euro per fryme, kompanise ceke CEZ. Pra nje familje me 4 veta, do te paguaje 128 euro kompanise ceke.

Bravo Qeveria e Rilindjes!

Shqiptaret nuk paguajne sa duhet taksa, le te paguajne ca taksa me shume se nuk i gjen gje.

Albo

sdo i paguajne shqiptaret te tere jo,

do i paguajme ne qe kemi paguar gjithnji faturat e elektrikut, prit kur te rrisi CEZI kilowat/oren..

[Albo]

sdo i paguajne shqiptaret te tere jo,

do i paguajme ne qe kemi paguar gjithnji faturat e elektrikut, prit kur te rrisi CEZI kilowat/oren..

Jo re ti jo, mos e ngaterro Qeverine e Rilindjes me qeverine e rrenuar te Sali Berishes!

Te gjithe do ti paguajne faturat e elektrikut dhe te gjitheve do t'ua rrisim energjine. Kush nuk e paguan, do t'iu leshojme zagaret e Rilindjes me mustaqen e Policise ne krye qe ti shtypin me autoblinda sic i shtypen lazaratasit.

Nuk ka me te mos paguash fatura elektriku!

Ti paguash e fet e fet se te del Baloja i madh i Qeverise ne televizor e te skermitet me keq se c'iu skermit Adi Krastes ne restorant!

Albo

[Albo]

Nje pyetje kisha une per Qeverine e Rilindjes:

- Po ne qe votuam Rilindjen Socialiste ne 23 qershor te vitit te kaluar, do te na rritet energjia elektrike? Apo do t'iu rritet vetem atyre qe votuan per Sali Berishen?

Albo

[mia@]

Jo re ti jo, mos e ngaterro Qeverine e Rilindjes me qeverine e rrenuar te Sali Berishes!

Te gjithe do ti paguajne faturat e elektrikut dhe te gjitheve do t'ua rrisim energjine. Kush nuk e paguan, do t'iu leshojme zagaret e Rilindjes me mustaqen e Policise ne krye qe ti shtypin me autoblinda sic i shtypen lazaratasit.

Nuk ka me te mos paguash fatura elektriku!

Ti paguash e fet e fet se te del Baloja i madh i Qeverise ne televizor e te skermitet me keq se c'iu skermit Adi Krastes ne restorant!

Albo

Ne fakt keshtu duhet te behet edhe pse ti po ironizon. Degjo mua rri ne USA se ne USA s'ke nevoje fare te te vije policia te te tmerroje, mjafton punonjesi i elektrikut te te presi energjine dhe ti s'ke goje te hapesh e te qahesh. Do paguash nje me nje se e di qe ste kthehet energjia duke bere gamgam.

[Qyfyre]

CEZ e bleu per 100 milion, invetsoi 100 milion te tjera dhe tani do ti paguhen 100 milion.

CEZ Reaches 100 Million-Euro Settlement With Albanian Government

[Albo]

Gjiknuri zbardh planin e qeverisë për CEZ. Ministri i Jashtëm çek: Kompromisi, folëm deri në minutën e fundit me Tiranën

Shefi i diplomacisë çeke nuk e mohon që vota për statusin e Shqipërisë u kushtëzua nga marrëveshja për CEZ. “Nuk duhet të ketë vend për keqkuptime kur bëhet fjalë për detyrimin tonë që të mbrojmë investimet e kompanive tona në vende të tjera, konkretisht në Shqipëri”
Publikimi i marrëveshjes me çekët e CEZ-it në të njëjtën ditë me votimin në Bruksel të statusit për Shqipërinë, u komentua gjerësisht si Lubomir_Zaoraleknjë pakt i minutës së fundit. Aq më tepër kur Çekia e kishte bërë të qartë se, pa gjetur një marrëveshje, do të vendoste veton për Shqipërinë. Kushtëzimi i votës pro në Bruksel me marrëveshjen për CEZ-in, që do t’i kushtojë Shqipërisë 95 milionë euro në katër vitet e ardhshme, nuk mohohet nga ministri i Jashtëm i Çekisë, Lubomir Zaoralek. Ai u tha gazetarëve çekë, të interesuar për këto zhvillime pas vendimit për statusin, se Çekia pati mirëkuptimin e vendeve anëtare të Unionit që vendimi fillestar për bllokimin të shihej si mbrojtje e investimeve çeke. Ai pohon më tej se kompromisi u gjet në frymë miqësore me shqiptarët, çka duket se ka shmangur një votë kundër të Çekisë për statusin e vendit kandidat.

Zoti ministër, përse Republika Çeke vendosi në momentet e fundit që të pranojë vendimin për dhënien e statusit kandidat për Shqipërinë?

Nuk duhet të ketë vend për keqkuptime kur bëhet fjalë për detyrimin tonë që të mbrojmë investimet e kompanive tona në vende të tjera, konkretisht në Shqipëri. Ne arritëm në frymë miqësore me shqiptarët të gjejmë një kompromis për çështjen e investimeve të CEZ.

Gjithsesi nuk e gjejmë me vend që Republika Çeke, një nga vendet më entuziaste pro zgjerimit, të bllokojë një vend si Shqipëria pikërisht në fazën e fundit të procesit…

Varet nga këndvështrimi juaj. Ne patëm mirëkuptimin e kolegëve tanë europiane që çështja të shihet thjesht si mbrojtje e investimeve të një kompanie të rëndësishme në një vend aspirant, që ka si detyrim krijimin e kushteve për një mirëfunksionim të marrëdhënieve ndërkombëtare. Përsa i përket vendeve të Ballkanit, afrimi i tyre është ende prioritet i politikës së jashtme të Republikës Çeke, por këto vende duhet të përmbushin standardet që rrjedhin nga anëtarësimi i tyre në Bashkimin Europian.

Nuk e shihni këtë si çështje tërësisht të lidhur me vendimmarrjen e Brukselit për statusin kandidat për Shqipërinë? Nëse nuk paguhet CEZ, Shqipëria do të bllokohet në rrugën e integrimit?

Nuk kishte ndonjë diskutim, që ta bazoje në fakte këtë kushtëzim që ju thoni, sepse ne u folëm partnerëve tanë shqiptarë këto muaj për parime dhe këtë mesazh e kishin të qartë edhe në Bruksel. Ne nuk kemi zhvilluar ndonjë diskutim dramatik rreth Shqipërisë. Ka çështje që duhen zgjidhur dhe kjo nuk është pengesë për bashkëpunimin me Shqipërinë, por edhe me vende të tjera që kishin rezerva. Po të shihni draftin përfundimtar, duket se Shqipëria ka ende rrugë për të bërë dhe rezultate për të arritur në luftën ndaj korrupsionit, shtetit ligjor dhe reformave të tjera. Ne kemi komunikuar edhe në momentet e fundit me palën shqiptare, nëse mund të arrihej një kompromis për çështjen e CEZ-it dhe është e rëndësishme që ne arritëm marrëveshjen dhe që procesi do të vijojë normalisht.



Gjiknuri zbardh planin e qeverisë për CEZ: Do të ndahet në rajone

Perspektiva e kompanisë CEZ do të jetë përkohësisht në pronësi publike. Ministri i Energjisë, Damian Gjiknuri tha dje për mediat se qëllimi final është privatizimi i kompanisë, por deri atëherë duhen shumë reforma që do të çojnë në përmirësimin e bilancit të kompanisë. Ministri ka zbardhur edhe një pjesë të planit për kompaninë që paralelisht me shëndoshjen financiare do të operohet me rajonalizimin apo fragmentimin në zona të caktuara të kësaj kompanie dhe më pas nisjen e një procesi që mund të shkojë drejt një privatizimi. Por më parë qeveria ka në plan të investojë në sistemin e shpërndarjes së energjisë një shumë prej 200 milionë dollarësh, e cila tashmë është e negociuar me donatorët. Këto investime do të forcojnë pozitat e kompanisë sidomos në komponentin e humbjeve. “Pa u bërë investime, pa u ngritur dhe shëndoshur performanca, pa rritur nivelin e pagesave dhe reduktimin e vjedhjeve, privatizimi do të ishte i parakohshëm dhe do të sillte një dështim të dytë”, – tha Gjiknuri. Ai pohoi se, për shkak të keqadministrimit të CEZ-it, zinxhiri i borxheve midis kompanive të tregut energjetik është mbi 1 miliard dollarë. Privatizimi i dështuar e ka çuar në këtë pikë.

Zgjidhja e çështjes jep mundësi që të nisin reformat e kërkuara me ngulm nga FMN-ja dhe Banka Botërore. Tani qeveria shqiptare mund të aprovojë ligjin e ri të energjisë, që parashikon një sërë detyrimesh dhe të drejtash të reja, që ndryshojnë dhe sistemin sesi funksionon sektori energjetik shqiptar. Rregullat e reja adresojnë edhe një sërë problemesh afatgjata që kanë qenë në themel të gërryerjes së këtij sektori. Shumë shpejt do të kryhet liberalizimi i një pjese të tregut, çka ishte e pamundur nëse sektori i Shpërndarjes do të ishte akoma në konflikt. Ministri Gjiknuri tha se do të tentohet të gjendet një marrëdhënie më e mirë midis KESH-it dhe prodhuesve të pavarur. “Do të kryejmë edhe rishikimin e mënyrës sesi i kanë raportet shoqëritë energjetike me njëra-tjetrën, që ato të mos varen vetëm në një kompani siç ishte CEZ, që rënkonte dhe krijonte atë borxh të madh financiar në kurriz të kompanive të tjera, dhe në fund të fundit, në kurriz të qytetarëve shqiptarë. Pra, zgjidhja e kësaj çështjeje hap mundësinë, krijon mundësitë për të kaluar tri-katër ligje shumë të rëndësishme”, – shtoi ministri.

MAPO

[Cerebro]

Vjedhja e Shekullit, 600 herë më e madhe se sa vjedhja në thesarin e Bankës

Vjedhja e Shekullit, 600 herë më e madhe se sa vjedhja në thesarin e Bankës
Lulzim BASHA

E kam kërkuar këtë konferencë të jashtëzakonshme, në një orar jo të zakonshëm, për t’iu drejtuar shqiptarëve për një çështje, e cila për nga përmasat, mund të konsiderohet, pa frikë, më tronditësja e këtyre 23 viteve në demokraci. Bëhet fjalë për atë që, në qoftë se shkon drejt konkretizimit, mund të quhet pa frikë vjedhja e shekullit ndaj shqiptarëve. Marrëveshjen e qeverisë shqiptare me kompaninë CEZ, rrethanat e së cilës, përbëjnë një megaskandal financiar dhe një vepër kriminale me autorësi të plotë të qeverisë Rama. Në datë 23 qershor 2014, ministri i Energjisë dhe Industrisë, zoti Gjiknuri, i shoqëruar nga ministri i Financave dhe ministri i Zhvillimit Ekonomik dhe Sipërmarrjes, njoftuan shqiptarët në lidhje me negociatën më të suksesshme të arritur, duke i paguar kompanisë CEZ vlerën prej 95,5 milionë euro në këmbim të kthimit të 76% të aksioneve në pronësi të shtetit shqiptar. Por në fakt, këta ministra nuk i njohën shqiptarët me termat e asaj marrëveshjeje dhe të vërtetën e asaj marrëveshjeje. Përkundrazi, përmes gënjeshtrave u përpoqën, që në një kohë të shkurtër prej një muaji, të bindnin shqiptarët se si rezultat i përgjegjësive të qeverisjes së kaluar çështja e hapur në arbitrazh, të investimeve nga pala çeke, ishte e destinuar të humbej dhe në këto kushte qeveria ishte e detyruar të pranonte më mirë të paguante 95,5 milionë euro, ndërkohë që pala çeke kërkonte 200 milionë euro. Sot, është dita e fundit kur duhet të përmbushet kushti i dytë, ratifikimi në Parlament, pas nënshkrimit të asaj marrëveshjeje të mbajtur sekret, me anë të së cilës arrihet marrëveshja me mirëkuptim mes Republikës së Shqipërisë dhe shoqërisë CEZ. Për këtë, qeveria ka paraqitur një draft-ligj me pesë nene, të shoqëruar me një relacion të mbushur me gënjeshtra dhe qëllime të kundërta me interesat e Republikës së Shqipërisë për të justifikuar paligjshmërinë dhe këtë marrëveshje të paligjshme e jo transparente ndaj shqiptarëve.

Çfarë këshilloi avokati ndërkombëtar për CEZ
Ju kujtojmë të nderuar qytetarë se konflikti me CEZ ka filluar në tetor të vitit 2012. Në atë kohë qeveria kontraktoi një nga studiot ligjore më të njohura ndërkombëtare në fushën e arbitrazhit, “Gharavi & Lazareff”, për ta konsultuar në negociimet e mundshme me kompaninë CEZ dhe hapat e tjerë që duhet të ndërmerreshin për shkak të situatës të krijuar dhe gjendjes në të cilën ishte CEZ Shpërndarje, efektet e së cilës shqiptarët i mbajnë mend fare mirë. Në nëntor 2012, pas dështimit të negociatave, avokati ndërkombëtar i qeverisë shqiptare e këshilloi qeverinë shqiptare t’i hiqte të dyja licencat CEZ-it dhe në vijim të angazhohej fuqishëm për ngritjen e padive në arbitrazh ndërkombëtar referuar marrëveshjes së privatizimit, të cilat konsistonin në:
· Dëme të rrjedhura nga mosrealizimi i masës së investimeve të nevojshme për përmbushjen e detyrimeve të CEZ a.s. sipas kontratës për shitblerjen e kuotave dhe abuzimi me pasuritë e CEZ Shpërndarje të vlerësuara në masën 1 miliard dollarë.
· Dëme të rrjedhura nga shkëputja e pajustifikuar e energjisë elektrike; likuidimi i faturave ndaj KESH dhe OST në masën e rreth 350 milionë euro.
Përveç padive civile, avokati ndërkombëtar këshillonte qeverinë të ngrinte kallëzim penal ndaj stafit ekzekutiv të CEZ-it, si dhe përgatiti një plan masash të cilat duhet të ekzekutoheshin nga ana e institucioneve të shtetit shqiptar.
Paralelisht, Enti Rregullator i Energjisë, kontraktoi një tjetër avokat ndërkombëtar për të bërë vlerësimet dhe ndjekur procedurat në fazën e heqjes së licencës deri në momentin e vënies së shoqërisë në administrim të përkohshëm.
Pra, u bë çdo përpjekje për të ndjekur këshillat e avokatit ndërkombëtar dhe kjo vazhdoi edhe pas prishjes së koalicionit së qeverisë së kaluar me partnerin qeveritar LSI dhe më pas, gjatë periudhës zgjedhore dhe postzgjedhore.

Sipas, këshillimit të avokatëve ndërkombëtarë, nga ana e qeverisë së mëparshme u ndërmorën këto hapa: kompanisë CEZ Shpërndarje iu hoqën licencat; u ndoqën me përparësi procedimet e brendshme të iniciuara nga CEZ ndaj autoriteteve të Tatim-Taksave, detyrime pra që CEZ-i u kishte Tatim-Taksave, pra arkës të publikut, arkës së shtetit shqiptar; u përgatitën procedurat tenderuese për auditorët ndërkombëtarë, firmat e vlerësimit teknik dhe financiar, të cilat më pas u kontraktuan sipas ligjit; u mblodhën me mijëra dokumente dhe u përgatitën dëshmi nga institucionet e shtetit shqiptar mbi këtë rast; u paraqit kallëzimi penal ndaj stafit ekzekutiv të CEZ; u paraqit përgjigjja e parë ndaj ankimit të paraqitur nga CEZ në arbitrazhin e investimeve. Më 30 shtator 2013, siç mund t’i kujtohet publikut, avokati i qeverisë shqiptare, i Republikës së Shqipërisë, dërgoi një letër, e cila në shkelje të çdo etike komunikimi dhe ruajtjes së konfidencialitetit të ndjekjes së procedurave në arbitrazh ndërkombëtar, u publikua, por vetëm pjesërisht në media. U publikua pjesërisht sepse pjesa që kishte rëndësi ishte ajo që i binte alarmit për qeverinë e sapoardhur, për të mos humbur asnjë minutë kohë dhe për të vazhduar për të ndjekur pa vonesë çështjen, në mënyrë që të mos dëmtoheshin interesat e Shqipërisë. Në asnjë rresht të asaj letre, në asnjë komunikim, avokati ndërkombëtar nuk e konsultoi, nuk e këshilloi Republikën e Shqipërisë të negociojë me CEZ-in, përkundrazi theksoi se çështja është plotësisht e fitueshme nga pala shqiptare.

Qeveria fshehu rekomandimet për mbrojtjen e interesave pasurore
Qeveria fshehu rekomandimet e dhëna në datë 1 tetor 2013 nga autoritetet kompetente shqiptare për mbrojtjen e interesave pasurore të shtetit. Kjo sepse në fakt, qeveria Rama-Meta erdhi e përgatitur për ta lënë mënjanë arbitrazhin dhe për të negociuar, megjithëse deri në atë kohë ishin bërë të gjitha përgatitjet, ishin paguar edhe para për të kontraktuar studio ligjore dhe ekspertë të huaj me qëllim auditimin e kompanisë dhe vlerësimin e padive të CEZ-it dhe Republikës së Shqipërisë. Një nga provat e këtij qëndrimi të paragjykuar është dhe fakti se duke dëmtuar rëndë pozitën e Republikës së Shqipërisë në këtë proces, zoti Kryeministër fliste për paligjshmëri të heqjes së licencës që në dhjetor, pra pranonte fajin e palës shqiptare, ndërkohë që po në dhjetor kishte marrë dijeni për vlerësimet nga ana e ekspertëve të kontraktuar nga Republika e Shqipërisë. Dy raportet e vlerësimit teknik dhe financiar, ishin vënë në dispozicion të qeverisë që në dhjetor dhe draftet finale u dhanë më 10 shkurt 2014.
Në këto raporte që tashmë disponohen nga opozita dhe që do t’i bëhen sot publike qytetarëve shqiptarë përmes mediave dhe internetit, thuhet me fakte dhe me shifra, nga e 5-ta kompani në botë eksperte për auditim në raste të tilla, se Shqipërisë, CEZ i detyrohet një shumë deri në 3 miliardë dollarë. Në këto raporte thuhet se:
· CEZ as nuk investoi në kompaninë e shpërndarjes referuar marrëveshjes;
· Se kompania u shkatërrua me qëllim nga CEZ mëmë, e cila kishte një vit që përgatitej të largohej;
· Se paratë e marra me kredi nuk ishin përdorur për të bërë investimet e kërkuara;
· Se pjesa takuese e shtetit shqiptar prej 24% ishte zeruar si vlerë;
· Se e gjithë vlera e kompanisë kishte shkuar në zero;
· Se paratë e mbledhura nuk ishin investuar, por në kundërshtim me ligjin ishin transferuar në parajsat fiskale nga kompanitë fantazmë të kontraktuara nga CEZ;
· Se CEZ-i kishte dështuar të investonte, të ulte humbjen në rrjet dhe të ulte borxhin e keq, i cili rezultonte i rritur nga 8 milionë në vitin 2007 në 53 milionë euro në janar të vitit 2013;
· Se CEZ Shpërndarje në kundërshtim me ligjin kishte transferuar para tek CEZ as në mënyrë preferenciale kundrejt kreditorëve të tjerë;
· Se heqja e licencës nga Enti Regullator i Energjisë ishte mëse e drejtë;
· Se paditë e paraqitura nga CEZ ishin të pajustifikuara, të mbivendosura dhe jo të llogaritura drejt.
Për më tepër, kompanitë audituese dhe vlerësuese këshillojnë qeverinë të bëjë kallëzim ndaj stafit ekzekutiv të lartë të CEZ, që me dashje shkatërroi kompaninë dhe të hetohet në lidhje me transferimin e parave jashtë RSH-së nga firmat e kontraktuara nga CEZ.

Qeveria fsheh raportet
Qeveria i mban të fshehura këto raporte dhe për më tepër keqpërdor emrin e avokatit ndërkombëtar, duke sajuar fakte dhe trillime të paqena për të manipuluar opinionin publik. Por, dielli nuk mbulohet me shoshë. Bërja publike e raporteve audituese dhe të vlerësimit ishte detyrë e parë e qeverisë; bërja publike e opinionit ligjor të avokatit ndërkombëtar dhe e minutave të takimit gjatë negociatave ishte detyrim madhor. Në dijeninë tonë, këto i janë fshehur jo vetëm publikut, por dhe Parlamentit dhe deputetëve. Ajo që pritet të ndodhë sot është një krim financiar i përmasave të papara dhe të padëgjuara në Europë. Ështe e para herë në historinë e një vendi, e çfarëdo vendi, që një konflikt i këtyre përmasave financiare të zgjidhet pa një analizë të hollësishme ligjore, me negociata në fshehtësi të plotë, pa pjesëmarrjen e avokatit ndërkombëtar të palës tonë, pa pjesëmarrjen e vlerësuesit financiar; pa minuta takimi dhe nga persona në konflikt të hapur interesi siç është një nga firmëtaret e marrëveshjes, njëkohësisht bashkëshorte e avokatit me prokurë të CEZ-it në çështjet me tatimet.

Rama i fal CEZ-it 3 miliardë dollarë
Qeveria ka marrë përsipër t’i japë CEZ-it jo thjesht 95,5 milionë euro, siç po thuhet në media. E vërteta është se me faturë ajo që i falet CEZ janë: 350 milionë euro fatura të papaguara ndaj KESH dhe OST; 4,6 milionë të paguara më parë CEZ as; 100 milionë euro padia e ngritur nga DIA (firmë mbledhëse e parave) kundër CEZ Shpërndarje; 1,7 miliard lekë detyrime tatimore (gjyqe të fituara nga autoritetet e Tatim-Taksave), afro 17 milionë dollarë. Këto janë të vërtetuara dhe të pranuara me faturë. Por në total, duke përfshirë përllogaritjen e dëmit të shkaktuar ndaj kompanisë si rezultat i mosinvestimit, mosreduktimit të borxhit të keq dhe mosreduktimit të humbjes në rrjet dhe dëmit ekonomik shkaktuar Republikës së Shqipërisë, vlera që i falet CEZ-it në këtë marrëveshje, kap shifrën e 3 miliardë dollarëve. Në këtë marrëveshje sekrete, qeveria Rama ka hequr dorë nga të gjitha procedimet civile, të cilat rezultojnë të fituara nga shteti; ka fshehur kallëzime penale ndaj stafit ekzekutiv të lartë të CEZ, pavarësisht kallëzimit të regjistruar penal dhe orientimit nga audituesit ndërkombëtar. Pra, qeveria i fal CEZ-it mbi 500 milionë euro me fatura. Me fatura të pranuara dhe nga palët, dhe në total 3 miliardë dollarë.

Vjedhja 600 herë më e madhe se vjedhja e raportuar në thesarin e Bankës
Krimi i dytë i kësaj marrëveshjeje ka të bëjë me përgatitjen për rritje të çmimit të energjisë elektrike, duke ia faturuar këtë vjedhje të shekullit, shqiptarëve. [...]

Ky, megaskandali më i madh financiar në historinë e vendit
Ratifikimi i një marrëveshjeje, të kryer në kushtet e mungesës së transparencës, të kryer në kushtet e fshehjes së fakteve përbën një vepër të rëndë penale. Opozita është e vendosur ta nxjerrë në pah të vërtetën e kësaj afere të turpshme, e cila do t’u kushtojë shtrenjtë shqiptarëve, sot dhe në të ardhmen. Jemi të vendosur të marrim çdo masë të nevojshme për të parandaluar çdo tentativë antiligjore dhe antikushtetuese për ta bërë efektive, më 17 tetor 2014, një marrëveshje që i faturohet shtetasve shqiptarë dhe mbush xhepat e qeveritarëve të sotshëm.[...]

Ekspres.al

[Telegrafisti]

Bode: Skandali CEZ, çdo shqiptar do të paguajë nga xhepi 1.1 milion lekë
nga Gazeta Telegraf

TIRANË- Deputeti i Partisë Demokratike, ish-ministër i Financave, Ridvan Bode gjatë një deklarate për mediat u shpreh se, marrëveshja e re mes CEZ Shpërndarja dhe qeverisë është skandali më i madh financiar, pasi kompania duhet t’i kishte kthyer Arkës së Shtetit shqiptar 3 miliardë dollarë. Sipas Bodes, qeveria shqiptare bëri të kundërtën e asaj që thuhej në raportin e kompanisë ndërkombëtare, e cila bëri dhe vlerësimin e dëmit. Bode shtoi se qeveria duke bërë pazare të fshehta me CEZ i dha asaj 9 milionë euro, kostot, e cila do ta paguajnë vetë qytetarët shqiptar. “Në vijim të angazhimit të Partisë Demokratike për të bërë transparente për opinionin e gjërë qytetar, mbi skandalin më të madh financiar në vend që lidhet me aferën CEZ, skandal, i cili dy ditë më parë u legjitimua nga votimi me urdhër i deputetëve të maxhorancës, sot po paraqesim publikisht raportin e pretendimeve që duhet të paraqiste qeveria shqiptare për kompaninë CEZ. Ky raport, i hartuar nga një prej kompanive më të njohura botërore në fushën e konsulencës teknike për rastet e arbitrazhit ndërkombëtar, i është paraqitur konfidencialisht qeverisë shqiptare më datë 10 shkurt të këtij viti, në plotësim të detyrimit kontrator që ka pasur për të vlerësuar pretendimet e mundshme financiare që qeveria shqiptare duhet të paraqiste para arbitrazhit ndërkombëtar. Ky raport është pranuar në mars të këtij viti nga qeveria, por për çudi u neglizhua tërësisht, në atë çka u quajt marrëveshje me CEZ’. Sipas tij, për shkak të shkandalit, çdo shqiptar ka borxhin 1.1 milion lekë

[Telegrafisti]

vidh o Rama vidh...

[Telegrafisti]

tani qe po e mendoj mire , po vrisja mendjen se ku i ka cuar Rama parat ?
i ka futur pa dyshim tek kontot korrente te Xhorxh Sorros.qe ti perdori ne fushaten e ardhshme per te blere votat e varfanjakve shqiptar .

[Albo]

PD, Mima: Avokati i Shqipërisë u përjashtua nga negociatat me CEZ

Partia Demokratike ka shprehur një tjetër shqetësim në lidhje me marrëveshjen mes CEZ dhe qeveisë shqiptare, sipas saj nga kjo marrëveshje është përjashtuar Avokati i Shtetit.

Në një dalje për mediat nga selia blu, deputeti Florion Mima shprehet se përveç dëmit të shkaktuar, kjo marrëveshje është bërë papraninë e Avokatit të Shtetit.

“Opinoni publik po vihet në dijeni se Avokati i Shqiperise i kontraktuar nga shteti shqiptar në tetor 2012 është përjashtuar nga procesi i negoaciatave të mbajtura ndërmjet qeverisë Rama dh kompanisë. Rezultati i të ashtuquajturave e negoaicata tashmë është i njohur për të gjithë shqiptarët”, u shpreh Mima.

Po ashtu sipas Mimës ky avokat detyrohet të deklaroje se ai nuk është përgjegjës për marrëveshjen e negociatave sepse janë berë pa praninë e tij.

“Në dokumentin e datës 31 dhjetor 2012 që në fakt është udhërrëfyesi kryesore për hapat që duhen ndërmarrë, hartuar nga ky avokat, thuhet se CEZ është përgjegjësja e vetme e dështimit të privatizimit, po ky avokat i sugjeron qeverise mbledhjen e provave për veprimet e paligjshme te CEZ. Avokati ynë detyrohet të deklaroi në regjistrin GAR se ai nuk është përgjegjës për marrëveshjen, se negociatat janë bërë papraninë e tij. Ai deklaron se nuk ka të bëjë me këtë dakortësi të turpshme”, deklaroi Mima.

Po ashtu Mimi denoncon edhe faktin që qeveria socialiste ka falur 500 milion Euro fatura të papaguara të CEZ, si dhe një dëm prej 3 miliarde dollare.

“Rezultati i të ashtuquajturave negociata tashmë është i njohur për të gjithë shqiptarët. Janë falur nga qeveria socialiste rreth 500 milion Euro fatura të papaguara të CEZ ndaj kompanive shtetërore shqiptare, si dhe njëdëm deri në 3 miliardë USD shkaktuar Shqipërisë dhe qytetarëve të saj. Për më tepër, qeveria Rama do t’i paguajë CEZ a.s. edhe 95 milionë Euro të tjera, të cilat mund dhe duhej të ishin përdorur për fuqizimin e sektorit të energjisë elektrike.Çdo shqiptari do t’i duhet të paguajë nga xhepi 1,1 milionë lekë, për të mbushur xhepat e kompanisë çeke CEZ .”

Koha Jone

[Albo]

Basha: Qeveri pa vlera e parime, vodhi ditën me diell 3 miliardë USD me CEZ



Tiranë – Kryetari i PD-së Lulzim Basha e ridenoncuar marrëveshjen e Qeverisë shqiptare me CEZ-in duke e vlerësuar si një vjedhje “ditën për diell” të 3 miliardë dollarëve pasuri të shqiptarëve dhe duke theksuar se “dyshja Rama –Meta, nuk kanë tjetër parim apo vlerë përveç promovimit të krimit.”
Ndërsa ka votuar në Kuvendin zgjedhor të degëve të PD-së nr. 4, 8 dhe 9 në kryeqytet. Ndërsa ka vendosur votën e lirë në themel të organizimit dhe karrierës në PD, z.
Basha tha se “në këtë parti, liria e fjalës, liria e mendimit, liria e vendosjes me votë u sanksionua që në ditët e saj të para. Unë jam i vendosur dhe po e faktoj dita – ditës bashkë me ju, se këtë parti do ta bëjmë më të madhe, më të fuqishme, më të dashur dhe më të besueshme, duke e konsoliduar edhe më shumë lirinë e vendimmarrjes nga sovrani në PD.”

ar.sh/Oranews.tv

[Albo]

Auditi i KLSH: CEZ i ka 500 milionë USD borxh KESH-it. Energji e blerë, po e papaguar

CEZ i ka një borxh prej 500 milionë dollarësh Korporatës Energjetike Shqiptare. Nuk bëhet fjalë për akuzat dhe dokumentet e opozitës. Këta të fundit flasin për një detyrim prej 3 miliardë dollarësh. Këtë radhë shuma marramendëse është gjetur nga Kontrolli i Shtetit.

Zyrtarisht KLSH thekson se nga auditi për periudhën 2012- 2013 është zbuluar se KESH i ka shitur 53.7 miliardë lekë energji CEZ, dhe kompania ceke nuk i ka paguar asnjë qindarkë. Në raport nuk flitet për kontratën e firmosur nga qeveria dhe vulosur nga Kuvendi për pagimin e 95 milionë eurove për kompaninë çeke. Por i kërkohet KESH-it të arkëtojë urgjentisht 500 milionë dollarët nga CEZ. KLSH e ka kryer kontrollin pa u mbyllur pakti qeveritar me çekët. Qeveria shqiptare, jo vetëm që nuk i kërkoi 500 milionë USD e KESH kompanisë çeke, por i dha asaj, sipas marrëveshjes, 95 milionë euro për 4 vjet, në mënyrë që ajo të largohej nga Shqipëria, në “mënyrë miqësore”, pra pa gjyq.

Por duket, të paktën sipas KLSH, se të fituar në këtë rast kanë dalë çekët e CEZ. Çekët jo vetëm kanë shmangur pagimin e energjisë nga KESH, por kanë marrë edhe 95 milionë euro. “Për mendimin tonë, struktura financiare e zgjedhur është jashtëzakonisht e favorshme për shtetin shqiptar, për buxhetin e shtetit, që nuk cenohet drejtpërsëdrejti, për kompaninë që do të paguajë më pak sesa ka qenë vlera e privatizimit të 76%.” Ky ishte konkluzioni i ministrit të Ekonomisë, Arben Ahmetaj, ditën që u publikua marrëveshja me CEZ. Pra, ministri përcakton se do të jetë CEZ, tashmë 100% shqiptare, që do të paguajë paratë (CEZ e ka ndërruar emrin pas marrëveshjes në OEE).

Pra, CEZ, tani OEE, do të paguajë 85 milionë euro për çekët, dhe 500 milionë euro për KESH. Dhe kjo, sipas ministrit shqiptar, është një marrëveshje “jashtëzakonisht e favorshme”. GROPA E KESH Sipas raportit, KESH është financiarisht në prag të greminës. Përveç borxheve që i ka CEZ prej 500 milionë USD, janë edhe 400 milionë USD të tjera energji e paarkëtuar. KLSH rekomandon “arkëtimin e detyrimit prej 40.6 miliardë lekësh (ose rreth 400 milionë dollarë) të klientëve, shumë e paarkëtuar nga shitja e energjisë para vitit 2006”. Por vështirë se kjo energji do të arrijë të konvertohet në para, pasi borxhi po afrohet një dekadë pa u mbledhur. Por nuk mbaron. KLSH kërkon nga KESH edhe “sigurimin e burimeve të financimit për shlyerjen e overdrafteve në vlerën 30,132,731 mijë lekë”. Janë rreth 300 milionë dollarë, kredi që KESH ka marrë për të blerë energji viteve që kishte thatësirë. Këtë energji ia ka shitur CEZ. Por, ndryshe nga energjia e blerë, që vjen nga jashtë dhe paratë janë paguar, energjia e shitur ndaj CEZ nuk është arkëtuar.

Nga ana tjetër, KLSH kërkon “zhvillimin e një analize të hollësishme për penalizimet financiare të KESH që arrijnë në shifrën e 4,112,482 mijë lekëve, ose mbi 40 milionë dollarë”. Bëhet fjalë për detyrimet që KESH u ka kompanive private, nga të cilat ka blerë energji dhe nuk ka pasur para të paguajë. Me pak fjalë, KESH ka rreth 340 milionë USD borxhe, kredi dhe energji të blerë dhe rreth 900 milionë USD para për të arkëtuar. Në letër është kompani me fitim. Por në realitet, nuk ka asnjë shpresë, të paktën afatshkurtër për të dalë nga gjendja e keqe. Kjo pasi 400 milionë USD, energji e faturuar para vitit 2006, vështirë të arkëtohet. Për sa i përket pjesës së luanit, borxhit të CEZ, atë ka shumë mundësi ta paguajnë konsumatorët.

BORXHI I CEZ
KLSH rekomandon KESH-in për “Arkëtimin e detyrimit të CEZ Shpërndarje sh.a. prej 53,7 miliardë lekësh ose mbi 500 milionë dollarë, për energjinë e blerë nga CEZ te KESH për mbulimin e humbjeve në rrjet dhe furnizimin e konsumatorëve. Është shumë e rëndësishme për të ardhmen e gjendjes financiare të KESH sh.a., që ky detyrim të niset menjëherë të shlyhet nga ana e CEZ Shpërndarje”. Por KLSH auditon vetëm KESH. Qeveria ka vendosur që CEZ të paguajë edhe 95 milionë euro për çekët. Nga ana tjetër, CEZ, sipas ministrave, do të duhet të marrë kredi të tjera për investime në rrjet që të ulë humbjet e energjisë.

Me pak fjalë, e gjithë barra fiskale shkon mbi CEZ, tashmë 100% shtetëror. Por ku i gjen paratë CEZ? Operatori i Energjisë Elektrike bën vetëm shpërndarjen, pra e blen energjinë nga KESH dhe ua shet qytetarëve. Aktualisht kompania është me humbje. Tashmë duhet të shlyejë edhe 500 milionë USD ndaj KESH, edhe 95 milionë euro ndaj CEZ. Qartësisht fatura do të përballohet nga qytetarët. Këta të fundit ose do paguajnë më shtrenjtë energjinë, ose taksat dhe tatimet do të shkojnë për shlyerjen e këtyre borxheve. Kjo sepse kreditë që ka marrë KESH për blerjen e energjisë, borxhi 300 milionë USD është i garantuar nga qeveria.

Në rast se CEZ nuk i jep paratë, atëherë do jetë buxheti i shtetit që do i paguajë bankat. Qeveria nuk e pa kur lidhi marrëveshjen me çekët se këta të fundit i kishin 500 milionë USD borxh, dhe i shtoi kësaj shifre edhe 95 milionë USD të tjera. Tashmë, në zyrat e saj po bëhen llogaritë se si do shlyhen paratë. Direkt apo indirekt, duhet të përgatitemi të harxhojmë më shumë për energjinë elektrike. Qeveria thjesht do të përpiqet të gjejë mënyrën që i bën më pak dëm politikisht. Ashtu sikundër gjeti marrëveshjen miqësore me çekët një ditë para marrjes së vendimit të BE për statusin kandidat.

Nertila Maho/PANORAMA

[Qyfyre]

Kjo eshte per vitin 2012 dhe 2013?

[Pinxhuku]

Qeveria e Rrulindjes eshte qeveria me e deshtuar ne historine e kombit Shqiptar!!!

[Albo]

Financimi

Projektet - Që kur Shqipëria u anëtarësua në Bankën Botërore në vitin 1992, ka përfituar 1.8 miliardë USD grante dhe kredi.
shefja-e-bb-se, Ellen GoldsteinBanka Botërore (BB) mbështet qeverinë për marrëveshjen e arritur me CEZ-in dhe me këtë rast i jep një hua 150 milionë dollarë për energjetikën. Në një deklaratë për shtyp, BB njoftoi dje se, “përfunduan me sukses negociatat për një program prej 150 milionë dollarësh për Rimëkëmbjen e Sektorit Energjetik”. “Zgjidhja e shpejtë dhe e drejtë e mosmarrëveshjes tregtare në lidhje me kompaninë e shpërndarjes, bën të mundur që Shqipëria të shpjerë përpara këto reforma vendimtare si dhe kryerjen e investimeve shumë të nevojshme në sistem”, tha Ellen Goldstein, drejtore e Bankës Botërore për Europën Juglindore.

Projekti

Projekti i propozuar që do të financohet nga Banka Botërore, do të mbështesë përmirësimin në vijimësi të furnizimit me energji elektrike dhe qëndrueshmërinë financiare të sektorit. Financime të konsiderueshme në kuadër të projektit do të mbështesin investime të rëndësishme në infrastrukturë që lidhen me shpërndarjen e energjisë elektrike dhe përmirësimin e sistemit të transmetimit. “Ndër reformat më të rëndësishme e të nevojshme për të nxitur rritjen ekonomike dhe për të rivendosur ekuilibrin fiskalë në Shqipëri janë besueshmëria dhe qëndrueshmëria financiare më e madhe e sektorit të energjisë”, shprehet Ellen Goldstein, drejtore e BB për Europën Juglindore

Ulja e humbjeve

Programi i saponegociuar, sipas opinionit të BB-së, do të sjellë përmirësime të rëndësishme në shërbimet e energjisë elektrike për konsumatorët shqiptarë, shumë prej të cilëve i paguajnë faturat e tyre, ndërkohë që të tjerë nuk i paguajnë duke e konsumuar energjinë në mënyrë të paligjshme.“Projekti që do të financohet nga Banka është hapi i parë i nevojshëm për të ndihmuar përpjekjet e qeverisë në përmirësimin e cilësisë së shërbimit për konsumatorët, uljen e humbjeve në shpërndarjen e energjisë nga niveli aktual prej 42% në rreth 20% në vitin 2018 dhe zbatimin e reformave prioritare në këtë sektor në përputhje me legjislacionin e BE-së”, tha Salvador Rivera, drejtor i programit.

Zamir Alushi

Reagimi

Rama dhe Basha përplasen në Facebook për CEZ-in

Kryeministri Rama dhe kryetari i PD-së, Basha replikojnë në Facebook për marrëveshjen me CEZ-in. Rama duke komentuar dje deklaratën e BB-së, e quan të drejtë marrëveshjen me CEZ. “Banka Botërore bën publike mbështetjen e plotë dhe vlerësimin për marrëveshjen me CEZ! Apo edhe BB dëshmitare e rreme si FMN? Vaj medet PD”. Edhe Basha ka zgjedhur Facebook për të reaguar. Sipas Bashës, marrëveshja me CEZ është vjedhja e shekullit që i bëhet shqiptarëve. “Nuk ka patericë që e shpëton dyshen Rama-Meta nga transparenca për vjedhjen e shekullit! Çdo shqiptar paguan 1,1 milionë lekë nga marrëveshja e paligjshme dhe antikushtetuese me CEZ! Orën e së vërtetës nuk ka forcë mbi tokë ta ndalë”, shkruan Basha.



Ndihma

Rivera: Në planin afatshkurtër, mbështetje importit

Një pjesë e huas së akorduar nga Banka Botërore do të mbulojë importin e energjisë që është i nevojshëm për shkak të humbjeve dhe kërkesës së brendshme. Programi, sipas shpjegimit të Salvador Riverës, drejtor në BB, gjithashtu do të ofrojë mbështetje në planin afatshkurtër për financimin e importeve të energjisë gjatë periudhave të thatësirës.Projekti i saponegociuar do të mbështesë edhe reformat në menaxhimin e sektorit, ristrukturimin institucional dhe zbatimin e një plani afatmesëm dhe afatgjatë për qëndrueshmërinë financiare të sektorit.

Shqip

[Qyfyre]

Hallall kokat e shtetit. Debate ne facebook

[Albo]

Bravo Qeveria Rama. Qeveria Berisha refuzoi qe ti beje pagesa CEZ dhe ishte pergatitur ta conte ceshtjen ne gjyq. Qeveria Rama vjen ne pushtet dhe i thote:

CEZ: Ti fala te gjitha borxhet qe i ke KESH per energjine e pa paguar qe kapin vleren disa qindra milione dollare. Po te jap edhe 100 milion euro demshperblim!

Lum si CEZ dhe mjere shqiptaret qe do t'iu duhet te paguajne me taksat e tyre shtetit, pazaret e Rames. E po Rama nuk po punon me parate e babait te tij, me parate tuaja po punon.

Albo