Komisionet 'Mezini" e "Bezhani" ne vitin 1995:Tentuan pastrimin e politikës shqiptare

[Al..]

Nuk është hera e parë që është tentuar hapja e dosjeve dhe pengimi i figurave politike dhe zyrtare që të vijojnë jetën politike. Më 1995 u ngrit komisioni "Mezini", i cili pengoi kandidimin e figurave të opozitës, përfshirë Zogajn, Legisin e një serë kandidatësh për deputetë, vendime këto që u cilësuan politike e ranë vite më vonë. Më pas komisioni "Bezhani" tentoi pastrimin e politikës shqiptare e administratës nga ish-spiunët. Ligji i dosjeve, ose ligji i dosjeve, hyri në fuqi më 14 janar të 2009. Presidenti Topi nuk u shpreh për ligjin, duke zgjedhur rrugën e mesme, atë të mosrikthimit për rishqyrtim, por as duke dhënë miratimin e tij për hyrjen në fuqi të këtij ligji. Kundër këtij ligji ka qenë dhe Komuniteti Ndërkombëtar në Shqipëri, pasi ngre shqetësime serioze kushtetuese. Madje, njëri prej zyrtarëve të lartë të Shtëpisë së Bardhë, Fried pati një bisedë telefonike me Kryeministrin, për të mos e votuar këtë ligj. Ne shkurt të 2010, Komisioni i Venecias, organi i KE, e quajti ligjin për hapjen e dosjeve si një akt që dhunon Kushtetutën dhe ligjet shqiptare. Sipas juristëve, projektligji i paraqitur nga qeveria cenonte kushtetutshmërinë e institucioneve të pavarura. Pas kësaj Kushtetuesja vendosi rrëzimin e tij. - See more at: http://www.shqiptarja.com/skedat/272....yJgf2C9A.dpuf

[Al..]

Përpara zgjedhjeve të 26 majit 1996, në mars të këtij viti kandidatët për deputetë duhet të kontrollonin pastërtinë e figurës së tyre në një komision që u quajt Komisioni i Kontrollit të Figurave dhe që drejtohej nga Hajri Mezini. Ky ishte një komision që u ngrit me nismën e maxhorancës së atëhershme që është edhe maxhoranca e sotme, nëpërmjet një ligji të veçantë që u miratua që në vitin 1995. Përpara zgjedhjeve të 26 majit, ky komision la jashtë garës për zgjedhjet parlamentare të 26 majit një sërë kandidatësh për deputetë, për të cilët u verifikuan “njolla” në të kaluarën si “spiunë” apo “bashkëpunëtorë të komunizmit”. Kështu sipas fakteve të asaj kohe, pas gati një muaj pune, ky komision eliminoi nga lista e kandidatëve të PS-së për garën elektorale rreth 35 prej tyre. Servet Pëllumbi, Gramoz Ruçi, Kastriot Islami, Dritëro Agolli, Sabit Brokaj, Leontiev Çuçi, Shkëlqim Cani, Ndre Legisi, Fehmi Abdiu, Fatmir Kumbaro etj., janë disa nga figurat që u eliminuan nga komisioni i verifikimit të pastërtisë së figurës. Në atë periudhë, menjëherë pas vendimit të komisionit “Mezini”, kryesia e PS-së e cilësoi “vendim arbitrar”. Prej 268 emrave që ka pasur lista e kandidatëve të PS-së për deputetë që i janë dërguar komisionit të verifikimit të figurave, 35 prej tyre nuk u lejuan nga komisioni të vijojnë garën elektorale. Ndër ta konsiderohen se 12 kanë qenë ish-funksionarë të lartë të shtetit deri në 31 mars 1991, ose anëtarë të forumeve drejtuese të Partisë së Punës të Shqipërisë. Prandaj edhe nga ky komision janë cilësuar si bashkëpunëtorë të komunizmit. Zëdhënësi i PS-së në atë periudhë, Kastriot Islami ka sqaruar se ai ishte eliminuar nga gara e zgjedhjeve parlamentare të 1996-ës, vetëm për faktin se guxoi të kandidonte përballë Berishës për postin e Presidentit të Republikës. Nga ana tjetër, eliminimi nga gara e Servet Pëllumbit, nënkryetarit të parë të PS-së ishte paralajmëruar që në fund të shkurtit 1996, kur zyra e informacionit e Berishës e quajti “spiun”. Një prej të eliminuarve, Ndre Legisi, i cili atëherë militonte në radhët e PS-së ka sqaruar se vendimi i komisionit ndaj tij ishte një vendim ndaj papërkulshmërisë së tij përballë presioneve të pushtetit të Berishës”. Në listën e konsideruar si “lista e zezë” në atë kohë, ka qenë edhe ish-nënkryetari i Kuvendit Shaqir Vukaj. Sabit Brokaj në atë kohë i është drejtuar Gjykatës për këtë vendim të komisionit. Ish-guvernatori i Bankës së Shqipërisë, Shkëlqim Cani renditet mes emrave të kandidatëve të PS-së që u eliminuan, për faktin se ai kishte qenë vetëm 41 ditë ministër i Ekonomisë para 31 marsit 1991.

“Lista e zezë” e PS

Servet Pëllumbi
Gramoz Ruçi
Dritëro Agolli
Kastriot Islami
Ylli Bufi
Ndre Legisi
Fehmi Abdiu
Shkëlqim Cani
Moikom Zeqo
Leontiev Çuçi
Sabit Brokaj
Mehmet Loci
Vladimir Metani
Fatos Muço
Zyhdi Pepa
Fatmir Kumbaro
Bashkim Koçi
Spartak Poçi
Kristaq Tumani
Xhevdet Alibali
Murat Kaçi
Gjeto Çutaj
Marko Dhamo
Rexhep Kërçiku
Fehmi Xhema
Shahin Çela
Mefail Belia
Zamira Caka
Leonidha Gjermeni
Spartak Braho
Mexhit Hajdari
Muhamet Bela
Lato Lato
Bardhyl Kondo
Baftjar Malo


Burimi lajmit: Gazeta Shqiptare

[Al..]

Pasurite e ketyre deputeteve qe u eliminuan nga komisionet Mezini dhe Bezhani por qe u riaktivizuan perseri ne politike

Kastriot Islami 6.375.157 lekë
Gramoz Ruçi, ka blerë një suv, - një Tuareg, simbol i luksit e i shtrenjtë për ta mbajtur - nga Kuvendi, si deputet, me të drejtën e blerjes i pari, vetëm për 900.000 lekë. Të ardhura nga paga si deputet dhe pjesëmarrja në Komisione Ruçi ka deklaruar 2.093.337 lekë. Djali i deputetit socialist: një BMW, fuoristradë X6, që duke konsultuar listat e çmimeve në internet, është një makinë që kushton nga 65 mijë euro deri në 119 mijë euro në varësi të aksesorëve që ka. - See more at: http://www.shqiptarja.com/blog_artic....6rXYO2FO.dpuf

vazhdon.....

[Al..]

Vazhdon....

Ylli Bufi 10.521.000 lekë
Ndre Legisi 2.609.200 lekë
Sabit Brokaj 5.437.659 lek

......vetem disa prej tyre

[Al..]

Për një ndryshim në ligjin nr. 8043, datë 30.11.1995 "Për kontrollin e figurës së zyrtarëve dhe personave të tjerë që lidhen me mbrojtjen e shtetit demokratik"

L I G J

Nr.8220, datë 13.5.1997

PER NJE NDRYSHIM NE LIGJIN NR.8043, DATE 30.11.1995
"PER KONTROLLIN E FIGURES SE ZYRTAREVE DHE PERSONAVE
TE TJERE QE LIDHEN ME MBROJTJEN E SHTETIT DEMOKRATIK"

Në mbështetje të nenit 16 të ligjit nr.7491, datë 29.4.1991
"Për dispozitat kryesore kushtetuese" me propozimin e Presidentit
të Republikës

KUVENDI POPULLOR
I REPUBLIKES SE SHQIPERISE

V E N D O S I:

Neni 1

Neni 2 i ligjit nr.8043, datë 30.11.1995 "Për kontrollin e
figurës së zyrtarëve dhe personave të tjerë që lidhen me mbrojtjen
e shtetit demokratik", ndryshohet si vijon:
"Për të shërbyer në organet dhe funksionet e përmendura në
nenin 1 të këtij ligji, duhet që personi:
a) të mos ketë qenë anëtar ose kandidat i Byrosë Politike, me
përjashtim të rasteve kur ka epruar kundër vijës zyrtare ose është
larguar vetë në mënyrë publike;
b) të mos ketë punuar si oficer në Sigurimin e Shtetit (legal
a ilegal) në repartet e ndjekjes dhe ato të ruajtjes së
personaliteteve;
c) të mos ketë qenë i regjistruar në materialet e Sigurimit të
Shtetit si bashkëpunëtorë (informator, agjent, rezident a strehues)
ose të mos ketë bashkëpunuar në mënyrë të ndërgjegjshme me
Sigurimin e Shtetit (të mos ketë qenë zotërues i një apartamenti të
vënë në dispozicion të Sigurimit të Shtetit),
ç) të mos ketë qenë denoncues, dëshmitar i rremë ose rëndues
në proceset politike në dëm të të pandehurve;
d) të mos ketë mbaruar shkollën e lartë të Ministrisë së
Punëve të Brendshme dhe të analogëve të saj të mëparshëm në
profilin e sigurimit ose kurse tremujore e lart po në këtë profil,
si dhe analogët e tyre jashtë shtetit;
dh) të mos ketë qenë ose të mos jetë bashkëpunëtor i ndonjë
shërbimi të huaj zbulimi ose analog i tyre;
e) të mos jetë dënuar me vendim gjykate për krime kundër
njerëzimit.
Personat e përmendur në shkronjat "c" dhe "¿" të këtij neni
përjashtohen nga ky rregull në rast se nuk e kanë ushtruar më
veprimtarinë në 20 vjetët e fundit përpara kontrollit të figurës."

Neni 2

Ky ligj hyn në fuqi më datën 13.5.1997.

Shpallur me dekretin nr.1794, datë 16.5.1997 të Presidentit të
Republikës së Shqipërisë, Sali Berisha

http://mobile.ikub.al/LIGJE/Per-nje-...705130005.aspx

[Al..]

Gusht 1997, kur luftohej për dosjet e spiunëve

Seanca e pasdites, e hënë 18 gusht 1997

Ferdinand Xhaferri- Më vjen keq se e marr për herë të parë fjalën në këtë legjislaturë dhe e filloj me vërejtje. Mua nuk më duket fare serioze që të gjitha materialet, që i kam parë me vëmendje të dokumentuara këtu, kanë një ndryshim të rendit të ditës. Edhe sot 30 minuta përpara u nda materiali që përcakton rendin e ditëstë seancës dhe pikat kryesore për disa ndryshime qoftë për ligjin “për gjenocidin”, edhe “Për kontrollin e figurës zyrtare” eliminohen dhe kalohet në emërimin e Kryetarit të Komisionit të Verifikimit të Figurave. Unë mendoj se do të ishte më e drejtë që çështja të trajtohej në bllok, pra të merrej njëherë me infrastrukturën, pra më përmbajtjen e këtij ligji, sepse Kryetari punon në zbatim të këtij ligji dhe pastaj të diskutohej vendosja e njerëzve. Dhe kjo logjikë pasurohet edhe me faktin se lë disa nënkuptime që nuk kemi dëshirë t’i paragjykojmë. Kur në rendin e ditës nuk thuhet asnjë fjalë dhe sot shmangen nga rendi i ditës për t’u marrë me një çështje që nuk është shprehur këtu. Kur mendoj që radha i takon të bëhen ndryshimet në ligj, siç propozohet, dhe çdo njeri do të shprehë komentin e tij dhe pastaj të vendoset për kreun e këtij komisioni që do të ndërtojë veprimtarinë e tij, në bazë të këtij projektligji që do të miratohet…

Pandeli Majko- …Unë mendoj se nuk përbën ndonjë shqetësim ideja se duhet miratuar ligji nje herë apo ndryshimi në ligj dhe pastaj duhet miratuar komisioni i përshtatshëm dhe drejtuesi i tij. Në fund të fundit, kjo, PD-së nuk i bën ndonjë gjë, sepse ne po miratojmë komisionin me ligjin, ashtu siç e ka miratuar Partia Demokratike. Ndryshimet i ka miratuar tani më opozita e djeshme, ose më saktë pozita e sotme, kështu që politikisht mendoj që PD-ja nuk duhet të ndihet e shqetësuar apo e anashkaluar në këtë çështje. I propozoj kryesisë që debatit tanimë t’i arrijmë më në fund dhe të kalojmë në miratimin e Kryetarit të ri të Komisionit të Figurës Zyrtare dhe të Personave të tjerë.

Skënder Gjinushi- …Komisioni, i cili funksionon prej 5 vjetësh, nuk ka të bëjë me ndryshimet ligjore, sepse ai funksionon, pavarësisht nëse ndryshohet ose jo ligji. Kështu që, procedojmë me çështjen e parë, që është zgjedhja e Kryetarit të ri të Komisionit të Kontrollit dhe Verifikimit të Figurave.

Pandeli Majko- …Sikur e dini, kontrolli i figurës së zyrtarëve dhe personave të tjerë që lindi me mbrojtjen e shtetit demokratik, në bazë të ligjit nr.8043, datë 30.11.1995, në ndryshimet e bëra me ligjin 8220, datë 13.5.97, bëhet nga një Komision Shtetëror. Kryetari i këtij komisioni shtetëror është aktualisht zoti Hajri Mezini. Praktika e punës së derisotme e këtij komisioni, ka treguar se jo në pak raste janë mbajtur qëndrime që nuk kanë qenë në përputhje me dokumentacionin dhe të dhënat që ka mbledhur ky komision. Në këto konkluzione mbërrijmë duke pasur parasysh faktin se Gjykata e Kasacionit, si në prag të zgjedhjeve të 26 majit 1996, ashtu dhe në zgjedhjet për Kuvendin Popullor të 29 qershorit 1997, shumë vendime të këtij komisioni i ka gjetur jo të drejta, të pabazuara, pra jo objektive dhe i ka anuluar ato. Në rrethana të tilla, duke pasur parasysh dhe nenin 4 të ligjit nr. 8043, datë 30.11.95, i cili nëpërmjet të tjerash përcakton se Kryetari i këtij komisioni caktohet dhe hiqet nga Kuvendi Popullor, propozojmë heqjen e zotit Hajri Mezini. Bazuar në nenin 4 të ligjit nr. 8043, datë 30.11.95 “Për kontrollin e figurës së zyrtarëve dhe personave të tjerë që lidhen me mbrojtjen e shtetit demokratik, ju propozojmë si Kryetar i Komisionit Shtetëror për Verifikimin, përshkueshmërinë e fakteve për personat që i nënshtrohen zbatimit të këtij ligji, të caktohet zoti Nafiz Bezhani në vend të zotit Hajri Mezini, për të cilin me kërkesën që ju keni dërguar të parashtrojmë arsyet e heqjes së tij…(Më poshtë lexohet jetëshkrimi i tij)…

Jemin Gjana- Zoti Kryetar, këtu u shprehën shumë kolegë që çështja është pak e nxituar, por ajo që e bën akoma më të pajustifikueshme, është ajo, që e gjithë sa u lexua nga zoti Majko, unë e disponoj normalisht, sepse e ka disponuar Kryetari i Grupit Parlamentar të Partisë Demokratike që ka marrë pjesë në mbledhjen e kryesisë javën që shkoi, por asnjë nga kolegët deputetë nuk disponon asnjë nga këto materiale. Kështu që mua më duket se është një mungesë serioziteti në diskutim. E fusim në rendin e ditës pa qenë e futur në materiale, dakord është një harresë e sekretarisë, por të diskutojmë pa pasur përpara asnjë nga këto materiale, as kurrikulumin e atij që propozohet, as motivet e atij pse shkarkohet, as argumentimet e tjera shtesë. Kjo mua më duket se nuk është serioze. Kjo tregon, në qoftë se mazhoranca ka një megalomania të tillë, mund t’i bëjë gjërat sepse ka kartonin, kjo është çështje tjetër, por kështu nuk mund të bëhet.

Skënder Gjinushi- Zoti Gjana, unë jam i detyruar të jap sqarimet e mëposhtme. Kjo është futur në rend të ditës që javën që shkoi dhe ju nuk kishit ardhur akoma në Parlament si Grup Parlamentar kur ishte propozuar një gjë e tillë. Me ardhjen e grupit të Partisë Demokratike, zoti Pollo ngriti pikërisht këto pretendime, madje desh të dinte CV-në e Nafiz Bezhanit. Atëherë i kemi thënë që gjithkush ka të drejtë të propozojë, propozimet le të depozitohen, madje të jenë edhe të argumentuara. Për këtë gjë u la edhe një takim midis krerëve të grupeve. Edhe unë e kam marrë vesh nga zoti Pollo të nesërmen që disponohej më në fund CV-ja e Nafiz Bezhanit dhe që grupi Socialist dhe Socialdemokrat kishte depozituar këtë propozim së bashku me të dhënat përkatëse. Dhe kjo ka ndodhur të enjten e kaluar, zoti Pollo që nuk është në sallë si Kryetar i grupit tuaj, është në dijeni të plotë të këtij propozimi, së bashku me dokumentet që paraqiten sot në seancë plenare. Rrjedhimisht, ne si kryesi nuk kishim pse ta zvarrisim më tej futjen e saj në program, gjë që u rishqyrtua prapë sot dhe kur përfaqësuesi juaj, zoti Vejsiu është në dijeni të kësaj dhe, në qoftë se ju ende nuk e keni përpara grupit materialin përkatës, zoti Pollo duhet të përgjigjet për këtë. Me grupin ai shqyrton propozimet që kanë ardhur, ai është që të vërë në dijeni grupin për propozimet e bëra.

Ferdinand Xhaferri- Zoti Kryetar, këtu nuk është çështja për të paragjykuar, sikurse e kemi plotësisht të qartë që brenda kuadrit ligjor ekzistues, Parlamenti, me shumicë votash e ka të hapur, ekzistojnë hapësirat që të zëvendësohet Kryetari i Komisionit, kjo është njëra çështje dhe e kuptojmë. Problemi shtrohet që përgatitja e procedurave të punës për të konkluduar realisht atë që thuhet shpesh nga drejtuesit e pozitës së sotme për një frymë integrimi dhe bashkëjetese, pra përgatitja e procedurave të punës që të jemi të informuar. Kryetari i Grupit Parlamentar të Partisë Demokratike nuk përgatit procedurat e punës. Unë kam kontrolluar me vëmendje të gjitha materialet dhe sot unë kam marrë mesazhin që të vij në seancë parlamentare i përgatitur për të diskutuar për dy projektligje që ju m’i keni dhënë në rend të ditës dhe i kam të shkruara, kurse Kryetari i Grupit Parlamentar të pozitës thotë që ne duam të zëvendësojmë filanin për këto arsye. Nuk mendoj se kjo është fryma që duhet të ekzistojë, për sa i takon bashkëpunimit në Parlament. Ju lutem, duhet të na kuptoni, nuk ka asgjë për të na paragjykuar. Thashë edhe njëherë, hapësirat ligjore janë hapësira ligjore, vendimi që do të marrë shumica parlamentare është vendim që do të marrë shumica parlamentare, kurse procedurat e punës ngelen procedura pune.

Skënder Gjinushi- …Ligji nuk obligon asnjë lloj procedure dhe në tërësi ne e kemi debatuar këtë edhe në raste të tjera. Në përgjithësi, në tërë nomenklaturën që zgjidhet nga Kuvendi Popullor, nuk ka procedurë ligjore të obligueshme, pra nuk tregohet ku bëhet propozimi, ku depozitohet, megjithatë ne e vumë një obligim, thamë: Kushdo që do të propozojë, të sjellë me shkrim dhe ua servir edhe grupeve të tjera. Këtë e arritëm, e realizuam më tej, pastaj vëmë kushte të tjera, sepse kështu do të shkelja ligjin si kryesi, bashkë me zotin Namik.

Pandeli Majko- Unë nuk dua të keqkuptohem me kolegët e mi të opozitës. Këtu problemi mua më duket i qartë. Nuk bëhet fjalë për asnjë mungesë partneriteti apo integrimi. Zyrtarisht, Kryetarit të Grupit Parlamentar të Partisë Demokratike i janë paraqitur të gjitha ato çfarë kam lexuar unë deri tani. Në qoftë se deputetët e Partisë Demokratike ndihen të fyer që nuk i kanë marrë të fotokopjuara të tria këto dokumente, të cilat sapo unë i lexova…Unë mendova që për hir të një konsensusi e respekti, t’i lexoja vetë si Kryetar i Grupit Parlamentar dhe nuk ju thashë merrini lexojini se do t’ua fotokopjojmë. Prandaj, zoti Kryetar, mendoj se nuk ka nevojë për asnjë ndjenjë keqkuptimi apo fyerjeje, mendoj që ta kalojmë në miratim.
(Në pjesën e dytë të debateve për zëvendësimin e Kryetarit të Komisionit të Verifikimit të Figurave, do të jenë diskutimet për shpërdorimin e mandatit të Komisionit, nga verifikimi i figurave të zyrtarëve të lartë, te shërbimi i partisë në pushtet, për të eliminuar kundërshtarët politikë. Kundërshtimet për figurën e avokatit Bezhani, i cili kishte qenë avokat i familjes së Arben Brocit në gjyqin për masakrën e 2 prillit 1991)

http://infoarkiva.com/lajme/artikull...jet-e-spiuneve

[Al..]

Fatos Klosi, ish-shefi i Shërbimeve Sekrete Shqiptare, deklaroi dje....

se pjesa më e madhe e spiunllëqeve që kanë ndodhur gjatë periudhës së diktaturës janë bërë nga vetë popullsia. Ish-shefi i SHISH tha se për këtë deklaratë mban përgjegjësi, pasi sipas tij, në bazë të një studimi që është bërë me dosjet e Sigurimit të Shtetit, 86 për qind e iniciativave për ndjekje nga Sigurimi kishin si pikënisje denoncimet që vinin nga popullsia. “Vetëm 14 për qind e dosjeve që kanë qenë për ndjekje për agjitacion-propagandë apo tentativë për arratisje janë ndërmarrë si iniciativa nga Sigurimi i Shtetit. Pjesa tjetër ka qenë iniciativë e vetë popullsisë”

[Al..]

Gazeta shqiptarja.com date 27-03-2012

Spiunet qe nuk duhet te jene...

Si u hoq neni qe rrezikonte Berishen

http://issuu.com/shqiptarja/docs/27-03-2012

[Wordless]

Popull debil !!

[Al..]

“Pazaret që bëmë me dosjet e spiunëve”
Rrëfimi i Nafiz Bezhanit, ish-Kryetar i Komisionit Shtetëror për Kontrollin e Figurës së Zyrtarëve


Prej 18 gushtit 1997, avokati i njohur Nafiz Bezhani, kishte mundësinë për të hetuar pjesën më të errët të së shkuarës së Shqipërisë së para viteve '90. Parlamenti e kishte mandatuar si Kryetar të Komisionit Shtetëror për Kontrollin e Figurës së Zyrtarëve, duke zëvendësuar paraardhësin Hajri Mezini.
Votimi për të kishte qenë jo pa probleme, sepse PD-ja në opozitë nuk donte të ndërronte Kryetarin, edhe pse z. Bezhani kishte qenë zgjedhur nga PD-ja si avokat e familjeve të dëshmorëve të masakrës së 2 prillit 1991, në gjyqin që u zhvillua më vonë. Posti i avokatit do të kishte përpara shumë probleme dhe pengesa.

Komisioni i ngritur në vitin 1995 kishte shërbyer si armë në duart e partisë në pushtet, PD-së, për të eliminuar kundërshtarët politikë nga pjesëmarrja në zgjedhjet e vitit 1996. Shumë kandidatë u bënë me njollë, shumë të tjerëve iu hoq "njolla", ndërsa siç shkruan vetë avokati, u zhdukën shumë dosje të rëndësishme të spiunëve të Sigurimit të Shtetit.
Rrëfimi i mëposhtëm i avokatit Nafiz Bezhani, daton vitin 2002 dhe lidhet me daljen e librit të parë të triptikut "Mëkatarët" dhe rrok punën e bërë, atë që nuk e lanë të bënte, pengesat që i nxorën përpara dhe kompromiset që iu desh të bënte në kurriz të misionit.
"Nga dosjet që kam kontrolluar unë, kemi agjentë që janë rekrutuar edhe më 1990-n. Ata kanë qenë të rinj fare, bile unë kam një rast nga një fraksion i PD-së. Është njëri me pseudonimin "Trëndafili" dhe këtu bëhet fjalë për të gjithë ata agjentë të Sigurimit të Shtetit që kërkonin të denigronin njerëzit e ndershëm dhe demokratë.
Unë ka kohë jo vetëm tani që kam mbetur formal në komision, sepse qeveritarëve nuk u ka pëlqyer puna ime dhe në ligjin e bërë për Komisionin e Pastërtisë së Figurave nuk përcaktohet asgjë për kompetencat.
P.sh., nëse shkel ligjin, Kryeministria, komisioni duhet të bëjë këtë apo atë. Mua si kryetar komisioni nuk më njihet e drejta as të kërkoj verifikim. Unë i kam bërë me iniciativën time të gjitha, sepse askush nuk çante kokë për verifikim të figurave.
Gjatë punës sime më dolën 16 diplomatë në kompjuter. Gjykata e Kasacionit, me në krye një njeri të PD-së, nuk i mori provat dhe as nuk i pranoi të dhënat e kompjuterit si prova. Meqë më dilnin në kompjuter dhe nuk kishin dosje i mora nën hetim të gjithë.
Kjo në fakt nuk është e rregullt, por ndërgjegjja nuk më linte pa dalë në këtë rrugë. Po të pranonin nga biseda që u bëja unë, do të thoshte se ata e pranonin se kanë qenë spiunë. Ia arrita vetëm në dy raste, u bënë urdhrat dhe kur u ktheva në Shqipëri, ata u larguan nga detyra e diplomatit dhe u kthyen në atdhe.
Por, në rastet e tjera unë nuk arrita të bëja gjë, sepse dokumentet e tyre janë hequr, janë zhdukur dhe unë nuk kisha prova për t'i penalizuar.
Një pjesë e dosjeve janë djegur dhe për këtë është dënuar penalisht edhe ish-drejtori i SHIK-ut, ndërsa një pjesë tjetër e dosjeve janë vjedhur. Janë vjedhur edhe një pjesë e mirë e kasetave. Unë kam bërë edhe denoncimin penal për 56 kasetat e zhdukura bashkë me emrat e mijëra agjentëve të Sigurimit të Shtetit.
Gjatë punës sime, ishte njëri në PD që kërkonte deri në vdekje fajtorin dhe unë ia tregova, ndërsa në raste të tjera u mundova të ruaja anonimatin. Në librin e parë që kam botuar nxora edhe disa materiale origjinale dhe njerëzit e kuptojnë shumë mirë se për këtë bëhet fjalë.
Por, ndonjëherë edhe nuk i kam vënë emrat. Siç ndodhi me një socialist, që ishte në funksione të larta. Këtij në fakt i kanë ngatërruar emrin dhe me emrin e tij kishte pesë dosje, por ai nuk figuronte të kishte qenë spiun i Sigurimit.
Në një rast tjetër kisha një emër të dyshimtë në Gjykatën e Kasacionit, një Zef Nika. Kur bëra verifikimin në Gjykatë, doli që ishte nënkryetari i saj, por unë kisha 4 Zef Nika në kompjuter dhe arrita në përfundimin që ai nuk ka patur dosje dhe nuk u penalizua.
Si ky rast është ai i një ministri që kishte pesë dosje, por nuk më linin të bëja verifikimin, sepse duhej bërë me kërkesë të institucionit. Shumë spiunë m'i kanë kaluar nën rrogoz se nuk kam patur kompetenca.
Por ata që kam ndjekur unë kanë ikur. Por, partitë nuk kanë kërkuar të bëjnë verifikime brenda radhëve të tyre. Ishin nja dy që bënë kërkesë dhe dolën që nuk ishin dhe aq të pastra. Ndërsa nga krerët e partive të mëdha ishte vetëm njëri që doli me njollë dhe e la pastaj detyrën që kishte.
Po është njëri, një shkrimtar, një njeri shumë i urryer që del edhe nëpër mitingje dhe si ai ka sa të duash, aq sa mund të bësh vëllime me historitë e spiunëve të Sigurimit. Njëherë më kërkuan të bëja një kontroll të deputetëve në Parlamentin e ardhshëm. Kur i kontrollova gjeta disa, mirëpo nuk kisha ç'të bëja. U thashë: "Dy ke ti, dy ke ti", në vend që t'u thosha për dymbëdhjetë.
Gjatë punës sime kam patur probleme me të tre kryeministrat, Nano, Majko dhe Meta. Nano më la rrugëve, pa zyrë, duke më bojkotuar dhe vetëm kur unë dhashë dorëheqjen në një konferencë të hapur për shtyp, ai i urdhëroi dikasteret që të më linin të punoja.
Vitin tim më të suksesshëm kam patur 1998-n. Kam patur rreth 5700 dosje dhe kam penalizuar 85 zyrtarë nga 104 që kam penalizuar gjithsej. Ishin funksionarë të lartë, zëvendësministra apo gjeneralë. Në vitet më vonë bëra më pak punë, sepse nuk pata përkrahjen e shtetit. Por, kënaqësinë më të madhe e kam ndjerë në vitin 1998, sepse ishte situata më e vështirë.
Bëmë edhe kompromise me udhëheqësit, të tipit "hiqe këtë dhe vëre atë në një vend ku nuk penalizohet", por kemi bërë kompromise edhe me vetë spiunët. U thosha: "Që mos të të dalë emri, ik vetë, thuaj se po iki për halle familjare dhe unë nuk dua të të denigroj, por që ti të zbatosh ligjin. Ndaj të kërkoj të lësh funksionin që ke". Kam hequr me dhjetëra në këtë mënyrë.
Por, për mua, penalizimi i tyre dhe kontrolli në tërësi nuk duhet të kufizohej vetëm te "ke qenë apo jo spiun e Sigurimit të Shtetit". Duhej edhe pastërtia pasurore, por këtu nuk munda të kaloj dot, sepse m'u krijuan pengesa të shumta nga udhëheqja, e cila e la draftin që të kalojë në heshtje për shumë kohë.
Veprimet kanë qenë antikushtetuese dhe komisioni për verifikimin e pasurisë së funksionarëve të lartë, i krijuar që më 1995-n, nuk funksionoi asnjëherë, sepse u ndërtua mbrapsht me qëllim.
Komisioni u rikrijua, por po mbi ato baza, pra me katër deputetë, dy nga Kryeministria, një nga Kontrolli i Lartë i Shtetit një nga Gjykata, etj. Dhe ky është një komision që bie ndesh me Kushtetutën, e cila në nenin 70 thotë:
"Deputetët nuk mund të ushtrojnë asnjë detyrë tjetër shtetërore, përveç asaj të anëtarit të Këshillit të Ministrave", ndërsa me këtë komision deputetët futen në administratë dhe gjykojnë mbi veprimtarinë e funksionarëve të lartë shtetërorë. Kemi nenin 77, pika 1: Kuvendi zgjedh nga gjiri i tij komisione të përhershme" Pra, Kuvendi nuk mund të krijojë komisione nga administrata, siç ka bërë, sepse ata janë si jorganë për të mbuluar korrupsionin dhe, që kur u krijua komisioni i parë nga PD-ja më 1995-n, dhe pastaj kur e morën pushtetin socialistët, nuk u nxor asnjë hajdut dhe nuk u penalizua asnjëri.
Socialistët, për pesë vite vetëm sa kanë mbledhur ca deklarata dhe paguajnë kot komisionin. Tani duan të bëjnë një komision tjetër verifikimi. Por, Kushtetuta, në nenin 77, pika 2, thotë: "Kuvendi ka të drejtë dhe me kërkesë të një të katërtës të të gjithë anëtarëve të tij, të caktojë komision hetimi për të shqyrtuar një çështje të veçantë".
Pra, jo një komision të përhershëm verifikimi dhe kontrolli, por për një çështje të veçantë. Por këtu janë interesat e përbashkëta të demokratëve dhe të socialistëve dhe ata qëllimisht e shkelin Kushtetutën, duke mos dashur të luftojnë korrupsionin.
Duhen komisione të vërteta, si Kontrolli i Lartë i Shtetit, apo Komisioni që drejtoja unë, por me një kusht, që ai duhet të ketë të drejtën për të penalizuar institucionet që nuk zbatojnë ligjet e shtetit. Kontrolli institucional i kuadrit drejtues do të evitojë gabimet e bëra deri tani në politikën nepotike të kuadrit".

http://agjencia.info/2009/01/20/paza...et-e-spiuneve/