Mariza Ikonomi

[Davius]

Mariza Ikonomi dhe albumi i fundit "Mysafiri i mallkuar".

01 - Eja
02 - Kur me zbrisje nga shkallet
03 - Mbi urë
04 - Mysafir i mallkuar
05 - Në bankat e shkollës
06 - Nuk dua të jem
07 - Për ty
08 - Piano e vjeter
09 - Potpuri popullore
10 - Rutinë e perditëshme
11 - S'do qajë
12 - Zjarrin do ta gjejë

.................................................. ....

Ze magjik si gjithmone, meriton levdata

[BvizioN]

Me pelqejne shumica e kengeve te Marizes.

Nuk kam patur mundesine ta degjoj "Live" ne koncert per me kane treguar qe nuk
ka shume aftesi per te kenduar live.Kam mendimin se zeri i saj u pershtatet me teper balladave sesa kengeve ritmike.

[Davius]

Mariza Ikonomi riprovon folkun në albumin e ri

Së shpejti me një album me këngë popullore, nga të gjitha krahinat
Këngëtarja, e ashtuquajtur melankolike, Mariza Ikonomi, po i largohet gjithnjë e më shumë këtij emërtimi të vënë nga fansat e saj. Do të thoni pse? Në këngën e fundit “Afër” u paraqit ndryshe, me rrymë dhe look, e suksesshme, vezulluese dhe plot sharm, por për të gjithë admiruesit e saj ajo do vazhdojë rrugëtimin e surprizave në muzikë. Kësaj radhe, me një album me këngë popullore.

Si nis dita e Marizës?

Normalisht, zgjohem herët dhe merrem me veten fillimisht, pastaj dal për angazhimet e profesionit, bëj përgatitjen e këngëve që do të këndoj në fundjavë, meqenëse jam e angazhuar në një klub, ku këndoj çdo fundjavë.

Me çfarë projektesh ka filluar viti 2007?

Mendoj se ky vit do të jetë shumë impenjativ për mua. Projekti më i ri është dalja e një albumi të ri, i cili do të jetë ndryshe nga albumet që unë kam bërë zakonisht.

Çfarë do të thotë ndryshe?

Kam vendosur të provoj lëvrimin e gurrës popullore. Po punoj dhe po realizoj disa këngë popullore. Kuptohet, jo popullore të mirëfillta, por të përpunuara. Them ndryshe, sepse këngët e këtij albumi nuk do të rezultojnë të jenë këngë, siç jeni mësuar të dëgjoni deri tani nga këngëtarë të ndryshëm, të cilët i bëjnë thjesht për komercialitet. Këto këngë, i garantojë fansat e mi, që do të dalin mirë dhe nuk do jenë komerciale, por profesionale.

Mariza, keni pasur vështirësi në përzgjedhjen e këngëve, dhe cili repertor do të jetë dominant?

Mendoj se kam bërë një zgjedhje të këndshme. Repertori dominues do të jetë nga Jugu, por kam menduar t’i shuaj kufijtë krahinorë, gjë që do të thotë se do të kem edhe këngë nga Veriu, si dhe Shqipëria e Mesme.

Na zbuloni disa nga surprizat e këngëve që keni mbaruar?

Kam përfunduar disa këngë. Një ndër këngët që më jep entuziazmin, se albumi do të dalë mirë, është kënga që unë e kam shumë përzemër, “Janinës ç’i panë sytë”. Folku është shumë i bukur, por duhet të jesh shumë e kujdesshme në përzgjedhje dhe në përpunim.

Aktualisht, merreni...

Tani merrem me koncerte të ndryshme, që zhvillohen në qytete të ndryshme të Shqipërisë, si dhe në vende të ndryshme të botës. Së fundmi, kam qenë edhe në Amerikë. Më 14 shkurt do të jem në Greqi, së bashku me këngëtarin Redon Makashi, për të kënduar për emigrantët në ditën e dashurisë.

Shën Valentini, si po e gjen Marizën?

Megjithëse jemi në prag të festës së Shën Valentinit, akoma nuk i dihet në do jem vetëm apo... çift; surprizë e, pse jo, edhe me një dashuri të re në këtë vit.

Kjo do të thotë se jeni lodhur nga vetmia?

Unë asnjëherë nuk ndihem vetëm; puna që kam më jep kënaqësi, përveçse të lodh, nuk të lë kurrë vetëm.

Jeta artistike në Tiranë, si ju duket...

Nuk është shumë e pasur, por, me aq mundësi sa kam, mundohem ta shfrytëzoj, që të ndihem mirë, pasi pa këngë nuk mund të kem jetë. Kënga për mua është gjithçka. Ndaj, së fundmi, po këndoj te “Churchill”, sepse më pëlqen shumë si ambient dhe mundohem t’i dhuroj publikut emocionet e të kënduarit live e në mënyrë profesional. Kam një repertor të gjerë, me këngë të ndryshme shqiptare e të huaja.

Së fundmi, ju pamë të rënë në “kurth”, si u ndjetë?

Të them të drejtën, nuk u ndjeva mirë, pasi ishte një koncert drejtpërsëdrejti; merrja parasysh reagimin e gjithë atij publiku dhe isha shumë në siklet. Por, kur e mora vesh që ishte një kamera e fshehtë, më pëlqeu reagimi im. Sigurisht, që situata që u krijua nuk ishte aspak e këndshme, si ikja e dritave, ai djali që hiqej si fansi im e më thoshte Pandora.

Po roli i mësueses, ju pëlqeu?

Ndërsa improvizimi i kamerës në dhomën e sekreteve nuk është se më pëlqeu shumë, edhe pse unë kam dëshirë profesionin e mësueses. Mendoj se organizatorët duhet të kishin gjetur diçka më të lezetshme e të përshtatshme për tipin tim.

E lodhur nga festivalet..., por e dashuruar pas muzikës

Prisja të vlerësohesha më tepër nga juria. Vazhdoj të dëgjoj mendimet e njerëzve të ndryshëm, që më thonë se meritoja më shumë. E rëndësishme është që publiku e pëlqeu dhe unë bëra më të mirën e mundshme. Këngë “Ku është dashuria” e kisha shumë përzemër, dhe së shpejti mendoj që do ta shoqëroj me një klip, pjesë e të cilit do të jetë edhe Kristi, padyshim. Edhe kësaj radhe do të zgjedh Kosovën për klipin, sepse më pëlqejnë idetë dhe skenarët që bëjnë.

[Bl3ri]

Rrëfimi i Mariza Ikonomit

Rrëfimi i Mariza Ikonomit pas shpërthimit vokal dhe filozofik të saj me këngën e festivalit të dhjetorit, e cila nuk e mohon se ishte ideuar për në “Eurovision”. Një këngë me ngjyrime religjoze në një festival ku kenget fetare...

[erindi_al]

Perseri me nje kenge/klip te bukur...

[pellumbi]

Kur nuk e njifni, folni cfare te doni!

[erindi_al]

Kur nuk e njifni, folni cfare te doni!

Nuk e njof pesonalisht, por ja njof vokalin dhe talentin qe ka kjo. Eshte profesionaliste. I shkojne te gjitha zhangret e muzikes por veçohet ne muziken pop dhe zeri i saj frazhil dhe i embel i shkon me se miri per baladat. Eshte nje kengetare me stil e cila dallohet nga kengetaret tjera. Eshte pasuri e çmuar e muzikse shqiptare.

[Bl3ri]

Kur nuk e njifni, folni cfare te doni!

Nuk u perfol per dicka te keqe, te pakten eshte lavderuar sepse ia vlen, eshte kengetare me stil dhe e mire.

[pellumbi]

Nuk u perfol per dicka te keqe, te pakten eshte lavderuar sepse ia vlen, eshte kengetare me stil dhe e mire.

Permenda gje te keqe?

[Bl3ri]

Permenda gje te keqe?

Nuk di cfare mendimi pate por une u bazova ne kete shkrim !


Kur nuk e njifni, folni cfare te doni!

[pellumbi]

Nuk di cfare mendimi pate por une u bazova ne kete shkrim !


Kur nuk e njifni, folni cfare te doni!

Thjeshte qe e njof pak dhe prandaj e shkruajta, jo vetem ate por disa nga kengetaret.

[Bl3ri]

Thjeshte qe e njof pak dhe prandaj e shkruajta, jo vetem ate por disa nga kengetaret.

Ok m'vjen mire qe je aq i njohur sepse edhe ata jan njerez si neve skan asgje me teper, pervec pak fame qe i njohin njerzit.
S'pata edhe une qellim te keq ne diskutim vetem se me erdh cudi nga komenti...

shnet..

[km92]

Nje prej kengeve me te bukura te Mariza Ikonomit.

[[Perla]]

Rrëfimi i Marizës për këngën e Festivalit të Dhjetorit: Mos i vrisni ëndrrat, edhe nëse jeta nuk është siç e dëshiruat!

Një krijim për mirësinë, dashurinë, ëndrrat, gjithçka që njerëzit sot harrojnë t'i shohin, prekin, ndjejnë dhe përjetojnë.

Me këto ide në kokë këngëtarja Mariza Ikonomi është ulur për të shkruar vargje dhe për të krijuar një melodi për këngën "Vazhdoj këndoj", me të cilën prezantohet këtë vit në Festivalin e RTSH-së.

Nga ajo skenë, Mariza nuk arrin të ndahet, një dashuri që u ngjiz që kur ajo ishte 11-vjeçe dhe interpretoi "Telefonatë zemrash" me Françesk Radin. "Nuk e di kur do më ikë nga mendja ai imazhi i Marizës së vogël, me syze", tregon ajo duke e cilësuar një emocion që do ta ndjekë gjithë jetën.
Më tej biseda me Ikonomin, në nga kafenetë e Rrugës së Ambasadave, vijon e lirshme tek përshkrimet e një dite, momentet kur krijon, muzat frymëzuese, ëndrrat e realizuara dhe ato që kërkojnë më tepër kohë, ku e gjen forcën në momente të vështira dhe kë ka për krah që të ndajë ato të bukurat. "Mëngjesi im fillon në orën 11.00", fillon të tregojë...

Si fillon një ditë e Marizës?

Më pëlqen mëngjesi, por asnjëherë nuk mundem të çohem në orën 7.00 sepse edhe puna që bëjmë zgjat deri vonë. Mëngjesi im fillon nga ora 11.00.
Pastaj, një kafe me miket e mia dhe fillojnë impenjimet në studio, ose punoj indvidualisht. Në shtëpinë time kam një piano, një kitarë.

Mundohem të dëgjoj sa më shumë muzikë dhe të krijoj sa më tepër. Kjo nuk më ndodh ditë për ditë. Ka raste që nuk kam dëshirë për të bërë asgjë. Në shumicën e herëve e stimuloj veten. Kur kam kohë, dhe jam e përqendruar, më pëlqen të lexoj.

Tani po punoj për festivalin dhe kam një angazhim më tepër. E mira e kësaj pune është që nuk ka limite tetëorarëshe, oraret i caktoj unë.

Për një artist është e rëndësishme liria me kohën?

Po. Ka raste që mund të punoj vetëm 2 orë, ose të tjera që rri zgjuar tërë natën, varet nga përkushtimi i momentit.
Njeriu nuk mund të jetë çdo ditë njëlloj. Puna jonë nuk është matematikë, nuk ka rregulla ekzakte.

Duke punuar ditë për ditë dalin ide të reja. Duhet t'i grumbullosh të gjitha, të nxjerrësh më të mirën. Kjo është puna ime.

Kur vjen muza e krijimit?

Më pëlqejnë ditët me shi, më frymëzojnë më shumë. Ditët e vrenjtura më stimulojnë akoma më tepër, por varet edhe nga gjendja shpirtërore.
Janë momentet kur jam vetëm, izolohem dhe vendos për të krijuar. Nuk dal shumë dhe përqendrohem tek ajo që dua unë të bëj.

Në ç'gjendje është krijuar kënga e festivalit?

"Vazhdoj këndoj" është një nga titujt, por mund të jetë edhe thjesht "La La La". Titulli i dytë tingëllon paksa fëminor, por mendoj se edhe të rriturit e kanë "fëmijën" brenda tyre. E kam krijuar në dhomën time, në shumë pak kohë. Janë ato momente kur njeriu i bën shumë "pse" vetes.

I kushtohet më tepër aspekteve që njerëzit i kanë harruar, mirësisë, dashurisë, përkushtimit. Njeriu e ka një qëllim përse bëhet i tillë. Mesazhi i këngës sime është që edhe pse njerëzit mund të kenë ndryshuar, ose jetët e tyre nuk janë ashtu si ata i kanë dëshiruar, të vazhdojnë të ëndërrojnë.

Të gjithë njerëzit kanë ëndrra, por duke u rritur i vrasin ato. Mua nuk më pëlqen kjo. Mundohem që ëndrrat t'i mbaj sërish gjallë. Edhe pse jeta ime nuk është një ëndërr, unë vazhdoj ëndërroj. Në këtë këngë gjejnë veten shumë njerëz, jo vetëm unë si krijuese.

Çfarë janë realizuar nga ato që ke ëndërruar?

Kam një familje të mrekullueshme që tani gjej më tepër kohë për t'iu përkushtuar.
Ëndrrat e tjera i takojnë karrierës që deri-diku është e realizuar, por unë jam tip që kërkoj shumë nga vetja dhe asnjëherë nuk jam e kënaqur. Dua akoma më tepër.

Si mbrohesh ti vetë nga shqetësimet e një jete të vrullshme?

Kam një forcë shumë të madhe që më mbron. Unë besoj shumë tek Zoti. Është forca e vetme që më jep shpresën, dashurinë, qoftë edhe për të dashur më tepër, apo për të përballuar problemet.

Vetëm diku kaq larg nesh mund të gjendet shpresa?

Sigurisht që është edhe familja, motra ime, që më qëndrojnë shumë afër. Ka momente kritike edhe në karrierë sepse nuk mund të jesh gjatë gjithë kohës në majë, ose kënga nuk del ashtu siç do.

Janë momente që vërtet mund t'i përjetosh keq dhe këto i përballoj vetëm duke besuar. Atë falënderoj për dhuntinë që më ka dhënë, për jetën që më ka dhënë dhe për gjërat që janë rreth meje.

Të kthehemi sërish tek kënga. Ke përgjegjësinë e krijimit të muzikës, të tekstit, por edhe të interpretimit. Ishte i vështirë realizimi?

Deri sa të vijë festivali jam lëmsh në kokën time. Nuk është e thjeshtë, por kur njeriu e do diçka me zemër, e realizon.
Për mua nuk është e rëndësishme nëse fitoj apo jo, por është një këngë që e kam ndjerë për momentin, e kam realizuar dhe dua t'ia përcjell publikut mesazhin e saj. Nuk është nga ato këngët që pihet kollaj, nuk është limonatë, dhe shpresoj të dali mirë.

Do të ishte shumë e thjeshtë për mua të isha vetëm në rolin e këngëtares. Përderisa krijoj, pse mos t'i jap publikut një copëz të zemrës sime, të ndjesive të mia.

Vitin e kaluar i ke munguar Festivalit të Dhjetorit...
Vitin e kaluar zgjodha Këngën Magjike. Kisha kohë që nuk merrja pjesë, që nga viti 2000. Kur merr pjesë në këtë konkurs, ndihesh mirë, e ndjen veten artiste të vërtetë, rrethohesh nga profesionistët. Arditi është një nga artistët që vërtet e vlerësoj shumë për këngët, por edhe në fushën e prezantimit.

Para dy vitesh, kam marrë pjesë në Festivalin e Dhjetorit me një kompozim të Genti Lakos, me titull "Malli i tretur". Kemi bërë disa bashkëpunime që kanë rezultuar shumë të suksesshme. Është një këngë që e dëgjoj shpesh, më pëlqen, është ndryshe nga të tjerat, kam dalë ndryshe edhe si imazh.

Përse është e rëndësishme pjesëmarrja në të?

Jam rritur me skenën e festivalit. Edhe nëse merrem me videoklipe, apo aktivitete të tjera, më mungon ajo. Kam nevojë të përjetoj ato emocione që nganjëherë të bëjnë të biesh përtokë (qesh). Që në moshën 11-vjeçare kam kënduar në festival me Françesk Radin.

Gjithmonë do t'i jep mirënjohëse profesorit që më zgjodhi për këngën e tij. Tani kam filluar të mos ta shoh këngën sepse nuk i mbaj dot lotët. Është një emocion që do më përshkojë gjithë jetën. Nuk e di kur do më ikë nga mendja imazhi i Marizës së vogël, me syze.

Çfarë planesh ka Mariza këtë fundvit?

Sapo të mbaroj festivalin, menjëherë do të nisem për në Nju Jork. Më pret një koncert bashkë me tre kolegët e mi Zef Dedën, Bashkim Alibalin dhe Alfred Trebickën. Do këndoj repertorin tim, pak këngë anglisht, pak këngë popullore qytetare. Aty do të kaloj edhe Vitin e Ri.

Shekulli online

[Hard_Style]

Kam mendimin se zeri i saj u pershtatet me teper balladave sesa kengeve ritmike.

...edhe un mendoj k'shtu......

[sirena_adria]

Mariza Ikonomi & Vedat Ademi - La la la (Vazhdoj këndoj)

[sirena_adria]

Mariza Ikonomi - Kur me zbrisje shkallet (Official Audio)

[sirena_adria]

Mariza Ikonomi - Le Reve (Acoustic Version) SHINE Live Sessions