BE përjashton nga diplomacia Ettore Sequin

[daniel00]

BE përjashton nga diplomacia Ettore Sequin pas aferave me donacionet, dorëhiqet një pjesë e stafit



BE përjashton nga diplomacia Ettore Sequin pas aferave me donacionet, dorëhiqet një pjesë e stafit
Ai do të mbahet mend për meritën e ngritjes së një sistemi të paprecedentë korrupsioni në Shqipëri, me metoda dhe skema shqiptare. Ai do të kujtohet gjatë si arkitekti i korrupsionit me donacionet e Bashkimit Evropian në Shqipëri. Ky njeri do të mbahet mend si ideatori i trekëndëshit nepotik dhe klientelist në Tiranë, trekëndësh i cili thithte dhe qarkullonte donacionet e Brukselit në Shqipëri, në bashkëpunim me një rreth të caktuar klientele. Ai do të përmendet për devijimin e parave për shqiptarët në duart e Igli Totozanit, bashkëshortes së tij Marta Onoratos, Lutfi Dervishit, Remzi Lanit, Artan Hoxhës (kandidati për president i Berishës) etj. Ky personazh fliste natë e ditë për luftën ndaj korrupsionit, transparencën dhe respektimin e të drejtave të njeriut në Shqipëri, por në të vërtetë ngriti një piramidë korrupsioni, klientelizmi, nepotizmi dhe evazioni fiskal, me anë të të cilës arriti të kishte monopolin mbi donacionet e BE. Ky është Ettore Sequi, karriera e të cilit u njollos dhe më pas u pre në mes, nga një histori e paprecedentë korrupsioni. Më në fund, Bashkimi Evropian, ka vepruar dhe reaguar ndaj kësaj historie me përfaqësuesin e saj në Tiranë.

28 vende të Bashkimit Evropian kanë larguar nga Shqipëria ambasadorin e Bashkimit Evropian në Tiranë, Ettore Sequi, pas serisë së skandaleve dhe aferave me donacionet e Bashkimit Evropian, të denoncuara sistematikisht nga gazeta “SOT”. 28 vende të Bashkimit Evropian, më në fund, i kanë thënë jo korrupsionit të Sequi me donacionet e BE, duket zhvendosur këtë të fundit në një post të rëndomtë. Sequi pritet të emërohet si shef i kabinetit të Ministres së Jashtme italiane, Federica Mogherini. Nga ambasador i 28 vendeve të BE në Tiranë, Sequi përfundoi shef kabineti në Ministrinë e Jashtme italiane, ku qeveritë ndryshohen një herë në gjashtë muaj. Edhe këtë ulje dhe degradim në detyrë, Sequi tentoi ta paraqiste si sukses në një gazetë të një bashkatdhetari të tij. Ndërkaq, bashkë me Sequi është larguar edhe një pjesë e stafit të tij, disa prej të cilëve Stefano Calabreta, Marzia Dala Vedova, Ivan Maranxano etj. Që të tre kanë lidhje me projektet dhe donacionet e BE.

Treshja nepotike

Treshja nepotike dhe klienteliste përbëhej nga ambasadori i Bashkimit Evropian në Tiranë, Ettore Sequi, Avokati i Popullit, Igli Totozani dhe bashkëshortja e këtij të fundit, Marta Onorato, e cila drejton një institut, duke dubluar plotësisht institucionin e Avokatit të Popullit. Ndërkaq, rol kyç në këtë skemë abuzimi ka luajtur ambasadori i BE në Tiranë, Ettore Sequi, i cili kanalizonte donacionet e Bashkimit Evropian në duart e çiftit Igli Totozani-Marta Onorato. Për shkak të lidhjeve nepotike me zonjën Onorato, Sequi ka diktuar destinacionin e dhjetërave donacioneve për projektet e Institutit Europian në Tiranë, i cili drejtohet nga Onorato. Në konflikt të pastër interesi, Ettore Sequi ka kaluar në duart e Marta Onoratos mbi 500 mijë euro gjatë një periudhe katër vjeçare, pra që nga themelimi i Institutit Europian të Tiranës. Me alibinë e disa projekteve fantazmë, Sequi ka ndërhyrë për të kaluar disa donacione për Institutin Europian të Tiranës, pra për Marta Onoraton, e cila është nga i njëjti vend i Italisë, ku ka prejardhjen Sequi. Edhe në faqen zyrtare të Institutit Europian të Tiranë, bëhet me dije se Bashkimi Evropian është donatori kryesor për projektet e Marta Onoratos.

Skema e korrupsionit me donacionet e BE

Para se donacionet të bien në duart e klientelës së padukshme në Shqipëri, një rrjet tjetër organizatash thith grandet e Bashkimit Evropian, në emër të përmirësimit dhe të forcimit të demokracisë në Shqipëri. Në vend që miliona euro të adresohen tek probleme akute në Shqipëri, paratë devijohen fillimisht tek organizatat ndërkombëtare dhe më pas rrjedhin në duart e organizatave lokale dhe kombëtare në Shqipëri. Zakonisht, organizatat ndërkombëtare marrin llokmën më të madhe të grandeve për projektet fantazmë, ndërsa llokmat e vogla kalojnë nëpërmjet kanaleve klienteliste tek shoqatat në Shqipëri. Organizatat ndërkombëtare që operojnë në Shqipëri janë Fondi i Emergjencës i Kombeve të Bashkuara për Fëmijët, UNICEF, Programi i Kombeve të Bashkuara për Zhvillim, PNUD, UN Resident Coordination Unit, Fondi i Kombeve të Bashkuara për Gratë, Komisioni i lartë i Kombeve të Bashkuara për Refugjatët, Komiteti Ndërkombëtar i Kryqit të Kuq etj. Miliona euro, të akorduara për Shqipërinë, shkojnë për stafin e këtyre organizatave, për udhëtime, dieta, shpërblime dhe fatura nga më të ndryshmet. Ndërkaq shumë dyshime dhe pikëpyetje për fondet e BE për Shqipërinë nuk kanë marrë përgjigje.

Hallka e dytë

Hallka e dytë e zinxhirit të korrupsionit lidhet me menaxhimin e donacioneve të BE nga organizatat në Shqipëri, shumica e të cilave fantazmë dhe inekzistente. Paratë e taksapaguesve të qytetarëve të Bashkimit Evropian, kanë gjeneruar një skemë të thjeshtë korrupsioni në Shqipëri. Ndërkaq, dy janë rrugët që organizatat në Shqipëri thithin fondet e BE. Aplikimi tek Delegacioni i Bashkimit Evropian në Shqipëri, i cili dikton kryesisht përfundimin e donacioneve. Rruga tjetër është aplikimi drejtpërdrejtë tek institucionet e Brukselit. Po ashtu, ka disa kritere të qarta për të përfituar një financim të një projekti. Që kërkesa të miratohet nga Delegacioni i Bashkimit Evropian në Shqipëri, duhet që organizata të ketë jo më pak se tre vjet eksperiencë pune në realizim projektesh. Ndërkaq, që kërkesa të miratohet në BE, duhet që organizata të ketë jo më pak se pesë vite eksperiencë pune në realizimin projekteve të ndryshme.

Ja kush i merr paratë e Brukselit

Universitetit Marin Barleti, 90.148 euro
Remzi Lanin, drejtor i Institutit Shqiptar të Medias, 136,942.46 euro
Shkodra, 2 milionë euro grande
Bashkëshortja e Avokatit të Popullit, Marta Onorato, 500 mijë euro
Avokati i Popullit, 1.2 milionë euro
“Transparency International Albania”, Lutfi Dervishin 99.963 euro
“Komiteti Shqiptar i Helsinkit”, Vjollca Meçe, 168.476 euro
“Amoro-Drom” Skënder Veliun, 191.132 euro
“Unë, gruaja”, Afroviti Gusho, 26.562 euro edhe 53.344
Shoqata kombëtare Edukimi për Jetën 190,457.28 euro
Psikologët shqiptarë 167,534.00 euro
Albania Blind Association 216,726.81 euro
ARSIS Albania 169,563.58 euro Tjetër Vizion 249,952.00 euro
Institute for Democracy and Meditation, 259,869.00 euro
Roma Active Albania, 250,003.00 euro
Centre for Rural Studies and International Agriculture 15.07.2012 euro
Albanian Centre for Human Rights 150,000.00 euro
Institute of Nature Conservation in Albania 112,221.60 euro Adriatik Doçi


25 mars

http://www.sot.com.al/politike/be-p%...B-pjes%C3%AB-e

[NIKOLA TESLA]

Paske hak, bjeri qenit.
E rri I uruar se edhe ti e une ashtu do benim ne kete vend rrumpalle. Gjeti shesh e beri pershesh. Mos u anko çte ben I huaji, fillo nga çte ben I joti dhe pastaj I vjen rradha vete te huajve.

[shigjeta]

Shkrimi me lart kishte permendur vetem ca emra dhe numra, por asgje konkrete per nje hetim per korrupsionin e Sequi. Ambasadoret nuk jane te perjetshem...
Mbase SOT do bej nje artikull mbi donatoret per rinovimin e kryeministrise...


Sequi, gati emërimi shef kabineti i Ministrisë së Jashtme italiane

TIRANE- Ambasadori i Bashkimit Europian në Shqipëri, Ettore Sequi, pritet të emërohet si shef i ri i kabinetit të ministres së Jashtme italiane Federica Mogherini.

Burime të besueshme nga Ministria e Jashtme Italiane konfirmuan këtë lajm për gazetën “Shqiptarja.com”, duke sqaruar se pritet që zoti Sequi të emërohet në këtë detyrë të rëndësishme në fund të muajit prill, pas një periudhe, gjatë së cilës do t’i duhet të bëjë dorëzimet e të largohet edhe nga detyra si përfaqësuesi më i lartë i Bashkimit Europian në Tiranë.

Me ardhjen e kryeministrit të ri italian Matteo Renzi, pati një riformatim të gjithë kabinetit qeverisës, si pasojë e të cilit 42-vjeçarja Federica Mogherini është zgjedhur të drejtojë një nga dikasteret më të rëndësishme qeveritare.

Burimet saktësojnë se ftesa në drejtim të Ettore Sequi ka ardhur prej disa kohësh, por, në respekt edhe të shërbimit të jashtëm të Bashkimit Evropian, ambasadori vendosi të qëndrojë dhe pak kohë në Tiranë.

Ky është një lajm pozitiv dhe vlerësim jo vetëm për ambasadorin Sequi, por edhe një garanci për vendin, pasi do të thotë se Shqipëria dhe integrimi i saj në Bashkimin Europian do të jenë shumë përpara në axhendën e diplomacisë italiane, vend që ka mbështetur fuqishëm procesin e anëtarësimit në BE.

Kush është Ettore Sequi?
Ettore Sequi ka lindur në 13 shkurt 1956 në Oristano të Sardenjës në Itali. Ka kryer studimet e larta në universitetin e Cagliarit në degën “Shkenca Politike”, i specializuar në Islamologji dhe negociata shumëpalëshe. Bashkohet me Shërbimin e Jashtëm italian në 1 shkurt 1985, pas përfundimit të një trajnimi intensiv në Institutin Italian të Diplomacisë. Ka punuar në Departamentin e Çështjeve Ekonomike në Ministrinë e Jashtme deri në vitin 1989. Nga ky vit, emërohet konsull italian në kryeqytetin e Iranit, Teheran. Më pas, nga shkurti i vitit 1994 deri në 1998 ka mbajtur postin e këshilltarit në misionin e përhershëm të Italisë në Kombet e Bashkuara në Nju Jork. Ka qenë asistent i kryetarit të Këshillit të Sigurimit të OKB-së, njëkohësisht dhe asistent i presidentit të ECOSOC (Këshilli Ekonomik dhe Social i OKB).

Prej shkurtit të vitit 1998 deri në qershor 2000 ka kryer detyrën e këshilltarit në kabinetit e ministrit të Jashtëm Lamberto Dini, periudhë, gjatë së cilës ka përfunduar kursin prestigjoz në Institutin Italian të Diplomacisë. Nga viti 2000 deri në 2004 ka mbajtur postin e zëvendësshefit të misionit diplomatik italian në Tiranë. Më 2004 emërohet ambasador i Italisë në Afganistan. Më 2008 merr detyrën e përfaqësuesit të lartë të Bashkimit Europian në Afganistan, ndërsa më 2009 është përfaqësues i lartë i BE-së për të dy vendet, Afganistanin dhe Pakistanin.

Prej janarit 2011 e në vazhdim mban postin e ambasadorit të Bashkimit Europian në Shqipëri. Gjatë ushtrimit të funksioneve të tij në diplomaci, është nderuar me tituj të rëndësishëm, si medalja e Ghazi Mir Bacha Khan, për kontributin e lartë për paqen dhe sigurinë në Afganistan, apo tituj të dhënë nga presidenti i Italisë dhe nga mbreti i Spanjës Huan Karlos.

Sequi dhe Shqipëria, 3 vite kompromise
Që nga ardhja e tij më 2011 për herë të dytë si përfaqësues diplomatik, u dallua qartë se Ettore Sequi ishte një ambasador krejt ndryshe nga ajo që media dhe opinioni publik ishin mësuar të shikonin. Një ambasador tejet aktiv dhe i kudondodhur, veçanërisht në negociata mes partive politike, për zgjidhjen e ngërçeve të shumta që politika shqiptare ka prodhuar gjatë tre viteve të fundit. Falë edhe eksperiencës në Afganistan, Sequi ka meritën për zgjidhjen e disa situatave që dukeshin “pa shpresë”. Të tilla, Shqipëria ka përjetuar shumë, por më domethënëset janë kompromiset që lidhen me reformat e integrimit të vendit tonë në Bashkimin Evropian. Kodi i ri Zgjedhor ishte një sukseset e arritura në minutën e fundit më 19 korrik të 2012, kur palët gjetën pikën e përbashkët falë negocimit personal të zotit Sequi.

Arritje e madhe në axhendën integruese ishte dhe miratimi i tre ligjeve, kusht edhe nga progress-raporti i vitit 2012: ligji për Nëpunësin Civil, për Gjykatën e Lartë dhe Reforma Parlamentare. Ashtu si dhe në reformën elektorale, gjithshka u zgjidh pas negociatave intensive dhe emëruesi i përbashkët, kudo ku ishte fjala integrim ishte ambasadori i BE-së.
Një tjetër sukses që lidhet me emrin e zotit Sequi ishte rekomandimi më i fundit i Komisionit Europian në progres-raportin e 2013-ës, ku për Shqipërinë rekomandohej dhënia e statusit kandidat pa asnjë kusht.

Veçanti, për të cilën ka një meritë personale ambasadori i Bashkimit Evropian në Tiranë, zoti Sequi, është edhe krijimi i treshes së ambasadorëve më të rëndësishëm (trojka e ambasadorëve - BE, SHBA dhe OSBE), duke bërë më efikase takimet dhe arritjen e kompromiseve. Në tre vite, Shqipëria ka ndryshuar shumë, por axhenda europiane mbetet objektivi madhor, objektiv, për të cilin Ettore Sequi ka dhënë shumë…!

Shkrimi u publikua sot (23.03.2014) në gazetën Shqiptarja.com (print)

Redaksia Online (d.d/shqiptarja.com)