Krimea iu bashkua Rusise

[The_Capital]

Krimea vendosi t’i bashkohet Rusisë pas referendumit që u zhvillua dje. Mijëra banorë të krahinës autonome, me flamuj rusë në duar u derdhën nëpër rrugët e Simferopolit dhe të Sevastopolit për të festuar bashkimin me Rusinë.
Sipas të dhënave zyrtare, mbi 95% e 1.5 milionë votuesve u shprehën pro këtij bashkimi, ndërsa pjesëmarrja arriti në 80%. “Parlamenti i Krimesë do të mblidhet nesër (sot) në një seancë të jashtëzakonshme për të kërkuar zyrtarisht t’i bashkëngjitet Federatës Ruse”, deklaroi dje në faqen e tij në Twitter kryeministri Sergei Aksionof.

Ndërsa më pas, përpara mijëra qytetarëve që festonin në sheshin Lenin, ai tha se “po kthehemi tek nëna Rusi”.


BE-ja dhe SHBA-ja e cilësuan sërish të paligjshëm referendumin dhe deklaruan se nuk do ta njohin rezultatin e tij. Gjatë një bisede telefonike mes presidentit Barak Obama dhe atij rus Vladimir Putin, ky i fundit tha se referendumi ishte në përputhje me ligjin ndërkombëtar.

Të dy presidentët ranë dakord se pavarësisht dallimeve mes tyre, del nevoja për të kërkuar së bashku mënyrat për të stabilizuar situatën në Ukrainë.

Ndërsa më herët, presidenti Putin shprehu shqetësimin për ngjarjet e fundit në Donjetsk, duke akuzuar Kievin se po përdor grupe radikale për të tensionuar situatën.

[JuliusB]

Nuk esht se e kam ndjekur situaten midis ukrahines dhe rusise dhe se si arriti deri ne referendum por a nuk duket ky si momenti me i mire per shqiptaret ? Mua m duket si nje shanc qe nuk duhet lene...Mbase mund te behet dicka .
Ps. Nuk marr vesh nga ligjet nderkombetare etj etj

[xfiles]

E ke menduar shume mire Julius, ky mund te ishte nje justifikim i paprecedente qe kosova te bente te njejten gje dhe ku rusia te mos e kundershtonte e per rrjedhoje as serbia e askush tjeter nuk do kishte guximin ta ndalonte.

P.S. Ligjet nderkombetare jane per te dobetit, i forti ben ate qe do. Keshtu e ben dhe rusia dhe amerika.

[Meriamun]

Po pse mo, do na lene neve te krijojme turqine e vogel ne mes Europes. Po sa te marre qe jeni mer aman. A nuk e shikon se si jemi degdisur ne? Ne te trija kryeqytetet shqiptare shkollat turke dhe njerezit qe u sherbejne interesave tyre jane me thase ndersa ju kujtoni se sherbimet e huaja nuk jane ne dijeni te kesaj ceshtje. A do te jemi ne ndonjehere te zot te krijojme vendin tone dhe te ecim perpara pa pasur nevoje as per turqit as per italjanet dhe as per greket?

Krimea u kthye tek I zoti fundja ruset jan autoktone aty ndersa tataret dhe tjeret jane te ardhur me pas. Pershendetje e gjithe te mirat.

[hot_prinz]

E ke menduar shume mire Julius, ky mund te ishte nje justifikim i paprecedente qe kosova te bente te njejten gje dhe ku rusia te mos e kundershtonte e per rrjedhoje as serbia e askush tjeter nuk do kishte guximin ta ndalonte.

P.S. Ligjet nderkombetare jane per te dobetit, i forti ben ate qe do. Keshtu e ben dhe rusia dhe amerika.

Xfile do t'ishte mundesi e mire per Kosoven, por problemin e shof tek pushtetasit ne Kosove.
Si do jetonin ata, nese behet bashkimi i Kosoves me Shqiperine?
- Ku tenderi,
- Ku haraqi.

[Lexuesi_]

Xfile do t'ishte mundesi e mire per Kosoven, por problemin e shof tek pushtetasit ne Kosove.
Si do jetonin ata, nese behet bashkimi i Kosoves me Shqiperine?
- Ku tenderi,
- Ku haraqi.

Vota ime shkon Kunder menjehere. Ashtu kshtu edhe tani neve na quajn malok dela laLbania e do veq lekun e Kosovarit asgje me shume. Kete e kam vrejt qe sa e sa here isha ne vizite ne Skyperi e qe mendoj ma mos te vizitoj pa patur ndonje pune.

[ATMAN]

Janë hapur kapakët tashmë. Është krejt e kotë të jetohet me iluzione se gjërat janë të pandryshueshme në Europën e dy luftërave botërore aq më tepër të propagandës false për bashkëjetesë të lumtur në shtete shumëkombëshe në këtë Europën tonë plot trauma lufte e padrejtësish në kurriz të popujve të vegjël. Mesa duket që pas Luftës së Dytë Botërore Europa ka jetuar me frikën e një procesi zinxhir nëse shtrohet çështja e shteteve etnike. Akti i Rusisë tregon se ajo e ka psikologjisur mjaft mirë frikën e Europës, ndaj ka avancuar dhe do të avancojë më tej nëse Europa nuk lëviz më parë që të tregojë se është një forcë që nuk mund të mospërfillet.
Me Krimenë, Rusia sfidoi Europën e cila bën një politikë të vjetër, pa rezultate, aspak bashkohore që t’i paraprij zhvillimeve në hapësirën e saj e përqark saj. Se çfarë ishte Europa u pa në Bosnjë, në Srebenicë, ku u tolerua masakrimi i mijëra njerëzve mbi baza fetare e raciste dhe për këtë u dënuan vetëm dy a tre vetë në Gjyqin e Hagës, një ironi kjo sepse shteti serb as që u dënua qoftë edhe moralisht. E njëjta gjë edhe në Kosovë, e cila u ndryshua në rrjedhën e historisë në saj të këmbënguljes amerikane. Edhe sot Europa ndjek një politikë qorre me shtetin e sajuar të Bosnje-Hercegovinës. Ahtisari ishte tipik europian dinak, vuri klauzolën që Kosova të mos bashkohet me shtete të tjera(në fakt ndalohej bashkimi me Shqipërisë se më kë do bashkohej Kosova, me Zanzibarin?), pra vazhdoi kësisoj me politikën europiane të frikës nga efektet që do të krijonte ideja e shteteve me etni të përbashkët, duke i privuar shqiptarët nga e drejta ndërkombëtare e referendumit, e vetëvendosjes. Pra shqiptarët gjithnjë në kufizim si të ishin qytetarë të dorës së dytë të kësaj hapësire ku jetojnë, që quhet Ballkan e më gjerë Europë. E gjithë kjo politikë frike tregon se Europa është më e dobët se kurrë. E gërryer ekonomikisht, e drejtuar keq prej qeverish të prekshme nga korrupsioni, të paafta të dalin në funksion drejtues si një bashkim i fuqishëm jo vetëm ekonomik e politik por edhe ushtarak, ajo tashmë është veç një hije e vetvetes. Presidenti Putin, sepse gjithçka eshtë sajesë e tij nga pozita e të fortit, gllabëroi pjesë të shtetit të Ukrainës, sepse e dinte mirë se Europa nuk ka asnjë fuqi të ndalojë Rusinë, së pari se nuk ka vullnetin e duhur e së dyti se Europa jeton me frikë dhe gjithçka e ka mbështetur tek Amerika. Por kjo nuk mund të shkojë deri në pafundësi. Nuk mund të shkojë në pafundësi me shkakun se Amerika ka plot halle të tjera dhe nuk mund ta mbajë mbi supe tërë problematiken europiane.
U lodh diplomacia europiane duke thënë se Kosova ishte një rast i veçantë, por Rusia nuk e mori në konsideratë dhe krijoj një precedent të ri që e tejkaloj problematikën e Kosovës. Me një referendum aneksoi Krimenë e brenda dy ditëve i pajisi tërë qytetarët e Krimesë me pasaportë Ruse. Tashme Krimea Ruse është një fakt i pakthyeshëm në histori, nuk mbetet veç llomotitje diplomatike e oratori boshe të atyre që drejtojnë shtetet por nuk kanë asnjë fuqi për të vepruar. Deklarata e Julia Timoshenkos se Krimea do të jetë gjithmonë e Ukrainës janë thjeshtë oratori sofiste politike për të kapur kolltukun. Edhe marrja e disa masave, jo llogari bankare apo ndalim pasaportash për rusët janë qesharake. Ka një shprehje të urtë populli ynë, që mençuria mbas kuvendit e trimëria pas lufte nuk kanë asnjë kuptim. Europa është tkurrur e në vend të bëjë veprime që e fuqizojnë dhe e sfidojnë Rusinë, përkundrazi zhytet thellë e më thellë në konservatorizmin e saj shtërp. Bashkimi Europian sot është më i brishtë se kurrë, është kthyer në një monopol i disa drejtuesve pa vizion që formojnë Klubin e Brukselit e që varavingen sa në një vend në një tjetër pa kurrfarë rezultati. Mediokriteti europian ka arritur deri aty sa, ndërkohë që ushqejnë zvarraniken ekonomike, Greqinë, me miliarda euro, bllokojnë hyrjen e Turqisë në Bashkimin Europian. Thjeshtë se është vend mysliman. Kjo tregon se Europa jeton me mentalitete të vjetra mesjetare. Turqia në Europë do të ishte një fuqi ekonomike më tepër, një mundësi më tepër për të shtrirë Bashkimin Europian në jug të Rusisë. Europa ka frikë nga sfidat dhe kjo frikë po e gërryen nga brenda duke e treguar të pafuqishme për misionin për të cilën është themeluar. A mos do të çojë kjo në një shpërbërje të Bashkimit Europian? Veprimi i Moskës zyrtare tregoi se Europa nuk ka potencialin për të përballuar Rusinë, Europa shfaqet si një mendësi e vjetër dhe e pafuqishme për të përballuar sfidat e reja, ndryshe prej amerikanëve që mbeten përherë të fuqishëm e të kudondodhur për interesat e tyre vitale. Mirë u tha Bushi i ri europianeve kur nisi sulmi mbi Irakun e Sadamit, me duhet vetëm emri juaj në listë, se luftën e bëjnë ushtarët amerikanë. E vërteta është se europianet edhe në këtë rast hodhën vickla sepse kishin interesa me Sadamin. Amerika bëri atë që bëri pavarësisht se gjërat në Irak kanë shkuar keq e më keq e gjasat kështu do të shkojnë edhe në Afganistan, sepse janë popuj të prapambetur, të pazhvilluar dhe as që e kuptojnë demokracinë. Duhen shekuj të arrihen në ato nivele për të cilat u pretendua se do të ndryshonte jeta e popujve arabë.

Në këto kushte, kur në shqiptarët ndodhemi në një vatër zjarri ballkanik, çfarë duhet të bëjmë? Të rrimë duarkryq? T’i mbulojmë thëngjijtë me hi për të krijuar iluzionin se nuk ka më rreziqe për ne? Të bëjmë servilin e kuintave diplomatike europiane, të squllurin, mediokrin, injorantin që pret t’ia zgjidhin punët të tjerët apo të ndërtojmë strategjinë tonë kombëtare dhe të kemi guximin të veprojmë?
Nuk kishte e as nuk ka asnjë arsye të shëndoshë (veç mediokritetit) që diplomacia jonë në segmentin Tiranë–Prishtinë të ngulmonte e të ngulmojnë edhe më tej se gjoja populli i Krimesë nuk ka të drejtën e referendumit. Po pse nuk paska të drejtë? Edhe sikur të mos ketë të drejtë, të paktën ne shqiptarët të heshtim.
Amerika vërtetë i dha lirinë Kosovës, mirënjohje të përjetshme kemi për të, por ama nëse do të vazhdohet kështu me këtë shtet të Kosovës pa simbole e identitet kombëtar shqiptar, as në qiell e as në tokë, asgjë nuk është e garantuar për shqiptarët të cilëve u është mohuar vetëvendosja nga pakoja Ahtisari sajuar ligsht e jo pa qëllim nga diplomatët europianë.
Por ndodhi Krimea tashmë. Mirë keq nuk na takon ne shqiptarëve të ngutemi e të dalim si gjeli majë plehut për të kënduar e për të thënë se nuk e njohim referendumin e popullit të Krimesë. Përkundrazi të mos ndjehemi, të mendojmë e t’i themi vetes se ndodhi një precedent, Krimeja na dha rastin fatlum të bëjmë edhe ne të njëjtën gjë, të bëjmë një referendum në Kosovë për bashkimin me Shqipërinë. Kësisoj të vëmë diplomacinë e përgjumur europiane para faktit të kryer. Me europianët vetëm kështu punohet, vetëm kështu binden. E kjo mund të bëhet sa kohë që janë te pranishëm amerikanët në Kosovë, sepse me ikjen e amerikanëve është krejt e qartë se nuk ka më shtet të Kosovës. Rusia nuk besohet se do të ndalojë me Krimenë. Krimeja është vetëm fillimi. Shqiptarët dalin zbuluar sepse Europa e shet Kosovën veç për një afrim të Serbisë drejt perëndimit.
Ata që sot janë në pushtet e qeverisje në të dy anët e kufirit artificial Kosovë-Shqipëri duhet të zgjohen nga gjumi e deliret, nuk mjaftojnë ca takime folklorike në Prizren e në Vlorë, është koha për veprim kombëtar e nëse nuk janë të zotët të përballojnë sfidat le t’i lëshojnë kolltuket. Nuk të zgjedh populli të bësh koncerte apo ekspozita, apo të dërdëllitësh fjalime pa bukë gjimnazistesh, por të marrësh vendime e të veprosh me guxim në interes të kombit. Ka ngjarje në histori që të krijojnë shanse që nuk t’i japin shekujt. Ato duhen shfrytëzuar. Kosova këtë pranverë a e shumta në verë, me hir apo pahir të Europës dhe mikes sonë Amerikës duhet të bëjë Referendumin e Bashkimit. Ndoshta miqtë tanë përtej Atlantikut nuk do ta miratojnë në aparencë, por ama do ta miratojnë në heshtje sepse është në interesin e tyre gjeostrategjik një Shqipëri e fuqishme në Ballkan, një aleat i sigurtë e i përjetshëm, e për më tepër fakti i kryer nuk mund të zhbëhet më. Prandaj jo të anatemojmë Krimenë e të merremi pafundësisht me ligjërata shterpë, por të veprojmë sepse falë precedentit të krijuar, Krimeja na zgjoi nga gjumi. Jo të qajmë për ukrainasit, por të mendojmë e punojmë për shqiptarët e shqiptarinë. Nëse presim të na zgjojnë, presim të na thonë, të na japin leje, presim të na e sjellin bashkimin të tjerët, jemi të humburit e historisë e nuk e di a meritojmë edhe më tej emrin e madh që kemi krijuar në histori me Gjergj Kastriotin. Nëse squllemi e zhagitemi, i tregojmë popujve, miqve dhe armiqve tanë historikë se ne nuk jemi tjetër veç një amalgamë pa indentitet, pa ndërgjegje e pa forcën e duhur për të marrë në dorë kauzën e Bashkimit Kombëtar. Në Kosovë shqiptarët duhet të binden përfundimisht se është sajuar një shtet artificial e si çdo gjë artificiale e pret zhbërja, prandaj kërkohet në mënyrë imediate bashkimi natyral i Kosovës me Shqipërinë.
Çdo rrugë tjetër ka vetëm një emër: – humbje, bjerrje por edhe diç më të rëndë e diç më të hidhur: tradhti kombëtare. Gjithsesi mendoj, shpresoj e ngulmoj se është koha e shqiptarëve.

tiranaobserver

[linda l]

po Kosova kur do te bashkohet me Shqiperine?! kjo me intereson me shume me duket momenti ideal per Kosoven, boll kemi pritur

[Lexuesi_]

po Kosova kur do te bashkohet me Shqiperine?! kjo me intereson me shume me duket momenti ideal per Kosoven, boll kemi pritur

E per qka me ju bashku kur edhe me bjeshk jemi te ndam

[NIKOLA TESLA]

Krimea ka qene ruse, dhe tashme u bashkua ne trungun e saj, vetem tartaret mund te kene synime kundrejt krimese por kurrsesi ukraina.
Gjithsesi me vjen shume keq qe dy popuj vellezer te pansllavizmit perfundojne ne perplasje te tilla. Russia dikur ja dhuroi dhe sot ja mori serish sepse qeveria e re vuri ne dyshim daljen ne mesdhe te flotes ruse, kjo nuk tolerohet ne planin gjeopolitik, dhe ata qe njohin mire historine e Kane idene per cfare une flas.