Banorët e Priskës së Madhe protestë kundër rritjes së biletës së autobusit

[Albo]

Banorët e Priskës së Madhe protestë kundër rritjes së biletës së autobusit



TIRANË - Mëngjesin e sotëm banorët e fshatit Priskë e Madhe në kryeqytet kanë organizuar një protestë kundër rritjes së çmimit të biletës së autobusit.

Banorët në fillim kanë bllokuar qarkullimin e të gjitha automjeteve, ndërkohë që më pas kanë lejuar qarkullimin e automjeteve të vogla, por jo të autobusëve të linjës.
Prej orësh 06:00, protestuesit kanë bllokuar 5 mikrobusë si dhe kanë djegur plehrat në kazanë të mbeturinave në mes të rrugës.

Për News24 banorët janë shprehur se rritja e çmimit të biletës është abuzive dhe se në vetëm 10 kilometra rrugë është e padrejtë të paguhen 100 lekë të reja.

Gjithashtu banorët u shprehën se bileta ka qenë 80 lekë dhe me rritjen e saj ata kanë bërë një kërkesë në komunën e Dajtit, por bileta përsëri nuk është ulur, ndersa nuk kane marre asnje pergjgije nga autoriteti vendor.

Banorët shprehen se këtë radhë nuk do të bëjnë lëshime dhe se do të vijojnë protestat deri në zgjidhje të problemit.

(a.k/d.b/BalkanWeb)