Sipas Putin: Krimea -njëlloj si Kosova

[pirro10]

Pas një leaking (dalje e një informacioni të fshehtë telefonik) në mediat rusëe dhe ato botërore doli një informacion i ri i cili hedh hije të forta dyshimi për ngjarjet në Ukrainë, në se ato ishin një Revolucion apo Coup deta`t.
Kjo bisedë telefonike e përgjuar midis Ministres së Jashtme të Estonisë dhe Katerinë Ashton për ngjarjet në sheshin Maidan gjatë shkurtit (pikërisht bëhet fjalë për datën 25 shkurt dita e të vrarëve midis tyre demonstrues dhe policë demonstrues rreth 70 dhe policë rreth 20 të vrarë), tregon se jo cdo gjë është ashtu si duket.
..`Ka një kuptim gjithnjë e më të fortë se mbrapa snaiperave nuk ka qënë Janukovic, por dikush nga koalicioni i ri opozitar i Ukrainës``…. flet në telefon Urmas Paet gjatë një bisede më Katerinë Ashton.
Ashton përgjigjet:..` Unë mendoj se ne duhet të hetojmë. Kam parasysh që unë nuk e kuptoj, kjo është E tmerrshme.
Biseda telefonike ndodhi pasi Ministres së Punëve të Jashtme të Estonisë vizitoi Kievin në 25 shkurt pikërisht në kulmin e protestave pro-BE me forcat e policisë në Kiev.
Ministrja e Punëve të Jashtme të Estonisë vazhdon bisedën telefonike me znj.Ashton: së dyti, cfarë është shqetësuese kjo Olga (bëhet fjalë për Ollga Bogomolet një mjeke që dha ndihmën e parë në disa nga rastet në sheshin Maidan-Kiev), na tha neve që të gjitha faktet tregojnë që njerëzit të cilët u vranë nga snaiperat nga të dy anët midis të cilëve edhe policë janë po ata që vranë edhe demonstruesit…`.
Ministrja e Estonisë e përshkroi ngjarjen e snaiperave si `shqetësuese`.. duke shtuar…`kjo tashmë diskrediton që nga fillimi pushtetin e ri në Ukrainë`.
Interesant është fakti që po kjo doktoreshë refuzoi postin e zv/kryeministrit të Ukrainës për çështjet humanitare të ofruar nga Opozita ukrainase. (http://rt.com/news/ashton-maidan-snipers-estonia-946/).
Problemit që ka mbushur mediat botërore dhe ato shqiptare- Ukraina dhe Krimea, i shtohet edhe deklarata e Presidentit Putin, i cili sipas gazetës gjermanë “Frankfurter Allgemeine Zeitung, me shkrimin e saj me titull "Putin shkelmoi Serbët" (marrë nga agjensia e lajmeve Presheva Jonë), pasi i referohet deklaratës së pak ditëve më parë të presidentit -krahason Krimenë me Kosovën. Deklaratat e Putinin jo vetëm pranojnë realitetin në Kosovë, por ne fakt edhe u hap derën shqiptarëve etnikë të Luginës së Preshevës, që të vetëvendosin vetë për fatin e tyre meqë edhe ata janë popull autokton si krimeasit. Kështu komenton agjencia e lajmeve "Presheva jonë" ( http://www.albeu.com/kosove/putin-sh...serbet/143457/).
Justifikimi i Putin për të aneksuar Krimenë me problemin e Kosovës që u shkëput nga Serbia, ka të ngajrë që të ketë edhe një justifikim tjetër -me atë të Presidentit Ëoudroë Ëilson në Konferencën e Versajës i cili mbështeti idenë themelore ``në lidhje me të drejtën e popujve për vetëvendosje kombëtare``. Prandaj, shumë kufijtë u vendosën në bazë të referendumeve popullore, që ka të bajë me pakica kombëtare, për shembull në Evropë. Kështu që Presidenti Rus po kundërgodet po me të njëjtat armë Perëndimin përsa përket justifikimeve.
Megjithë frymën e vendosur pro-perëndimorë dhe pro-amerikanë të popullit shqiptar dhe të aspiratës së pa përfunduar akoma`E duam Shqipërinë si Europa,` problemi i Ukrainës ngre disa çështje në arenën politikës botërore përsa i përket fitores së demokracisë në vënde gjysmë diktatoriale:
-Në se revoltat për liri më të madhe demokratike (bëhet fjalë edhe për pranverën arabe) mund të nxiten artificialisht para kohe (por me kosto të lartë) nga klane të caktuara për të arritur qëllime politico-ekonomike të caktuara?
- Nëse vlerat e Sheshit Mayham të Kievit janë një frymëzim për radaikalistët dhe nacionalizmin e sëmurë?
-Nëse Ukraina realisht mund të jetë arenë përplasjesh gjeo-politike midis Rusisë, SHBA dhe BE?
Përplasja Lindje Perëndim sot, pavarësisht ndikimit në zgjerimin e hapësirës se BE dhe të demokracisë në Europë drejt lindjes, hedh hije dyshimi nëse metodat për të arritur këto qëllime dhe aspirate të larta janë të pastra, për më tepër krijojnë gjithashtu edhe kundër goditje alla-Putin me të njëjtën monedhë kur vjen punat për shtete të vogla, kombësi të pakta në numur (kujto Abkazinë, Osetinë e Jugut, ÇeçeninëKrimenë, Kurdët), të cilat do të krijojnë mundësi konfliktesh të rënda me pasoja të paparashikueshme.