Gjirokastër, kapet 1 ton drogë e blerë në Lazarat, arrestohet 45-vjeçari
GJIROKASTËR – Policia e Gjirokastrës ka përmbyllur me sukses operacionin e koduar “Ujëvara” duke sekuestruar një sasi të konsiderueshme lëndë narkotike, në një kamion në aksin rrugor Gjirokastër- Memaliaj.
Burime nga policia lokale bëjnë të ditur se rreth 1 ton drogë është gjetur në kamionin me targë AA308FX, që drejtohej nga shtetasi Ardjan Serezi 45 vjeç, i cili është vënë në pranga. Sipas policisë, dyshohet se i arrestuari Ardjan Serezi është punonjës i policisë në kryeqytet.
Mësohet se lënda narkotike ishte blerë në Lazarat dhe kishte destinacion shtetin fqinj, Italinë. Ndërkohë policia po punon për të identifikuar persona të tjerë të përfshirë në këtë rrjet trafiku të lëndës narkotike.
Sekuestrohen 1 ton marijuanë, shpallen në kërkim 2 organizatorë
GJIROKASTER-Policia e Gjirokastrës ka identifikuar dhe shpallur në kërkim dy organizatorët e trafikut të rreth një ton marijuane e cila u kap mbrëmë në aksin rrugor Gjirokastër- Memaliaj.
Përkatësisht janë shpallur në kërkim shtetasit me iniciale S.I dhe I.E, ndërkohë që blutë kanë sekuestruar edhe dy automjete që kanë transportuar drogën nga Lazarati për në Tepelenë.
Lënda narkotike rreth 1 ton hashash e llojit marijuanë u sekuestrua në një kamion mbrëmjen e së shtunës në kuadër të operacionit të koduar “Ujëvara” të realizuar nga Drejtoria e Forcës Operacionale e policisë së Gjirokastrës.
Ndërkaq policia arrestoi drejtuesin e kamionit me targa AA308FX,Ardjan Serezi, 45 vjeç, efektiv i Policisë së Shtetit, dhe konkretisht shofer në parkun e automjeteve të këtij dikasteri, i cili drejtonte kamionin me targa AA308FX.
(d.b/BalkanWeb)
Krijoni Kontakt