Policia greke ka sekuestruar rreth 264 kg marijuanë në kufirin shqiptaro-grek. Operacioni u ndërmor gjatë orëve të vona të ditës së enjte në kufi, pranë Qafë-Botës. Droga është sekuestruar në anën greke të kufirit.
Policia e greke, pas kontrolleve në një furgon në Filat, pranë Igumenicës, ka gjetur një sasi të konsiderueshme marijuanë, rreth 264 kilogram, të ndarë në 249 pako dhe ka arrestuar drejtuesin e mjetit, një 48-vjeçar.
Forgoni ku u gjend droga ishte vjedhur dhjetorin e kaluar, aktualisht ishte me targa false. Policia po vazhdon hetimet e mëtejshme për zbulimin e personave të tjerë të përfshirë në këtë trafik.
/Shekulli Online/ E.L./
Krijoni Kontakt