Durres: Vriten e me pas digjen ne makinen e tyre dy te rinj

[Albo]

Dy të rinjtë u vranë me armë, më pas u dogjën në makinë, policia: Janë identifikuar autorët e krimit



DURRES- Policia e Durresit jep detaje nga ngjarja e rende regjistruar naten e mbremshme, kur dy te rinj u ekzekutuan me pare me arme ne nje banese dhe me pas iu vu flaka ne makinen me te cilen u transportuan, për të humbur gjurmët.

Policia ben me dije se ne krim dyshohet te kene marre pjese 4 persona, nderkohe qe eshte zbardhur edhe skenari i krimit.

Sipas te dhenave te fundit te policise viktimat jane dy te rinj, identifikuar njeri me mbiemer Babasi, tjetri me mbiemrin Kasalli. Sipas hetimeve te para dy viktimat kane qene persona me precedente penale. Babasi rezulton ish-i dënuar për trafik droge në Itali ku dhe ka kryer dënim me 3 vjet burg. Kurse Kasalli rezulton i skeduar për transport narkotikësh.

Policia sqaron se ka shoqeruar disa persona, nderkohe qe ka shpallur ne kerkim te tjere te dyshuar si autore te ngjarjes.


Shtepia ku dyshohet se ndodhi krimi

Sipas policise dy te rinjte jane vrare ne nje banese me arme zjarri, e me pas jane transportuar ne zonen e Kenetes me automjetin, qe iu vu edhe flaka.

Ne banesen e dyshuar jane gjetur gjurme te krimit, njolla gjaku dhe gezhoja armesh.

Policia bëri të ditur se rreth orës 22:15 mori njoftimin për makinën tip “Mercedes-Benz” me targë AA 930BJ që po digjej. Fillimisht u dyshua për një ngjarje aksidentale, por vetëm pas shuarjes së flakëve u zbulua dhe krimi makabër.

Fakti që njëri prej viktimave ndodhej në bagazh ka ngritur menjëherë dyshimin se bëhet fjalë për vrasje të qëllimshme dhe të mirorganizuar. Ekspertë të shumtë të Policisë së Durrësit shkuan në vendin e ngjarjes për të kryer verifikimet për krimin.

Një viktimë në sediljen e parë, ndërsa një tjetër në bagazhin e një “Benzi” u zbuluan mbrëmë të pajetë, pasi zjarrfikësja shoi flakët që i ishin vënë mjetit. Dy kufomat u gjetën në zonën pranë ish-Vaskave të Peshkut, në një zonë të banuar mes dy lagjeve informale në Durrës, asaj të Spitallës dhe ish-Kënetës.

Panorama

[par]

ju mpreht shpirti ne paqe 2 te rinjeve te masakruar ne durres, problemi eshte aq shume i mprehte ne vendin tone, sa shpesh njerezit jane te detyruar kur nuk ke ku te punesohesh, ti futesh krimit, vjedhje, shperndares droge ( sipermarresit jane me kollare ne parlament), xhepist, etj, etj,etj

Ju ka shkuar thika ne fyt nje pjese te popullsise, kur i shikon qe marrin vendime kaq te egra per te mbijetuar ne ket treg sahanlepiresish ordiner ( mediatike-politike-juridike)

[Albo]

Vrasësi dëshmon pas arrestimit: I qëllova me plumb kokës se u prishëm për drogën


ODISE VERBOFSHI, AUTORI I MASAKRES PAS ARRESTIMIT NE DEVOLL (MAJTAS) E EMA E AUTORIT, VIOLETA VERBOFSHI

“Më rrahën keq dhe i vrava. Më iku mendja, nuk dija çfarë të bëja dhe vendosa t’i digjja”. Odise Verbofshi, autori i masakrës së dyfishtë në zonën e ish-Kënetës në Durrës, duke çaluar ndërsa futej në Komisariatin e Policisë, ka treguar se çfarë ngjau mbrëmjen e së enjtes, kur ekzekutoi dhe u vuri flakën dy të rinjve nga Fushë-Kruja. Ai ka akuzuar Shaban Babasin dhe Albert Kasallën se e kanë dhunuar kur i priti në shtëpi për të bërë pazarin për drogën. 32-vjeçari i arrestuar në Devoll rreth 48 orë pas ekzekutimit të dyfishtë ka rrëfyer motivin e ngjarjes së rëndë, duke u shprehur i penduar.

“I VRAVA PËR DROGËN”
Sipas tij, gjithçka ndodhi pasi dy të rinjtë nga Fushë- Kruja nuk kishin rënë dakord për të blerë 74 kg drogë që kishte në shtëpi, në Shkozet. Pasditen e së enjtes dy djemtë kishin shkuar në banesën e Verbofshit për të diskutuar mbi çmimin e blerjes së drogës. Autori ka deklaruar mbrëmë se mes tyre ka nisur debati për paratë, derisa dy djemtë kanë nisur ta rrahin. Vetë autori ka treguar dëmtimet në këmbë, që sipas tij, ia bënë dy viktimat. “Aty kam marrë pistoletën time dhe i kam qëlluar me nga një plumb. Ata ishin vetë të armatosur dhe unë u gjuajta i pari nga frika”, është shprehur 32-vjeçari. I pyetur pse vendosi të vazhdonte më tej me makabritetin, Verbofshi ka thënë se nuk ka ditur se çfarë të bënte me kufomat. “Më iku mendja dhe vendosa që t’i zhdukja duke i djegur me gjithë makinë”. Duke tentuar të mbrohej me tej, Odise Verbofshi ka deklaruar se kishte frikë që të shkonte në polici, por gjëja e parë që ka menduar ishte të siguronte familjen. Ky moment në fakt bie në kontradiktë me të dhënat e mbledhura nga policia se ai e kishte dërguar të shoqen dhe djalin e vogël te të afërmit e gruas që në orët e paradites. Pas vrasjes së dy djemve, 27 dhe 32 vjeç, Verbofshi është nisur menjëherë drejt Devollit, te familja e vjehrrit të të vëllait, ku dhe u arrestua.

Arratisja në Devoll
Pikërisht në fshatin Poloskë të Devollit, ku ishte strehuar te disa të njohur, Verbofshi është diktuar nga policia, e cila ka bërë të mundur arrestimin e tij. Policia e Durrësit ka mbajtur nën përgjim telefonatat dhe lëvizjet e të akuzuarit, të cilat përfundonin në fshatin kufitar me Greqinë. Ai ka deklaruar fillimisht se i trembej hakmarrjes dhe ka synuar që të kalonte kufirin ilegalisht për të hyrë në shtetin grek, ndërsa ka shprehur pendesë për krimin e kryer. Rreth orës 11:30 Verbofshi u arrestua teksa ishte strehuar te vjehrri i vëllait të tij së bashku me familjen. Sipas të dhënave të grupit hetimor, ai nuk ka bërë rezistencë në momentin e arrestimit, por ka deklaruar se do të vetëdorëzohej. “Doja që nga Poloska të ikja në Greqi, por kisha frikë se do më kapte policia. Jam nisur menjëherë me makinën e vëllait për te prindërit e gruas së tij. Arrita dje, (të premten) dhe qëndrova atje pa iu rënë në sy. Isha i tronditur dhe nuk dija çfarë po bëja, s’dija si të dilja nga kjo situatë që nuk ka zgjidhje. Jam penduar dhe nuk di ç’të bëj më tepër. Nuk dua të flas për arsyet dhe ngjarjen pa prezencën e avokatit mbrojtës”, tha në Korçë 32- vjeçari.

Autori kërkoi benzinën 3 orë para se të digjej makina
Ditën që policia e Durrësit arrestoi Gazep Pilin me akuzën e bashkëpunëtorit në fshehjen dhe më pas djegien e dy trupave, familjarët e tij kanë braktisur shtëpinë. Asnjë prej familjarëve të 20-vjeçarit nuk gjenden në shtëpinë e cila ndodhet në zonën e ish-Kënetës, në Lagjen Nr. 15. Fqinjët tregojnë se pasi është bërë publik lajmi që Gazep Pili është arrestuar, prindërit e tij janë larguar nga banesa dhe se nuk e dinë vendndodhjen e tyre. Pak metra larg banesës jeton dhe një i afërm i bashkëpunëtorit në asgjësimin e kufomave, i cili është tronditur nga lajmi. I pyetur nga gazeta, ai tregon se si Gazep Pili u përfshi në ngjarje. I afërmi i tij, i cili nuk pranon të identifikohet, tregon se Gazepin e ka marrë në telefon Odiseja rreth orës 19:30, ku i ka kërkuar t’i dërgonte një bidon benzinë pasi e kishte lënë makina në një rrugicë në zonën e Shkozetit. Menjëherë pas telefonatës Gazepi ka dalë dhe në karburantin që ndodhet vetëm pak metra larg shtëpisë së tij ka marrë bidonin me benzinë dhe është nisur drejt vendit ku Odiseja i ka kërkuar të takohej. Ky moment pritet të verifikohet nga policia për të saktësuar kohën kur ndodhi vrasja. Banorët e zonës lajmëruan policinë se një makinë po digjej rreth orës 22:15, çka bën të dyshosh se krimi ka qenë i planifikuar ose ka ndodhur shumë më herët.

E zonja e shtëpisë ku u strehua Verbofshi: Tha se erdhi për urim
T. Gjoza, vjehrra e vëllait të autorit Odise Verbofshi, thotë se 32- vjeçari kishte shkuar në shtëpinë e saj për ta uruar për fejesën e së bijës. “Njëra nga vajzat e mia është nusja e vëllait të tij. Kam lidhje familjare dhe ai erdhi tek unë si mik. I hapa derën për ta nderuar dhe respektuar, e prita me sa pata mundësi dhe nuk di çfarë të them. Jam tronditur tepër nga ajo që po dëgjoj, pasi unë e njihja si djalë të mirë dhe person pa probleme”, thotë gruaja që kur policia ka shkuar në shtëpinë e saj është tronditur. Ajo tregon se për herë të fundit e kishte takuar Verbofshin para 2-3 vitesh dhe kur i ka shkuar të premten në shtëpi nuk i shkonte kurrë mendja se ai udhëtoi deri në Devoll për t’u fshehur nga krimi i dyfishtë. “Kur erdhi policia që e arrestoi brenda në shtëpi ne shtangëm sepse nuk po kuptonim asgjë. Më vonë në televizor mësuam që ai akuzohet për ato vrasje dhe jemi tmerruar”. Familja Gjoza i trembet ndonjë hakmarrjeje të mundshme, edhe pse siç thotë e zonja e shtëpisë, autorin e pritën si mik, pa e ditur se çfarë kishte ngjarë. “Nuk kemi gisht në këtë ngjarje dhe as lidhje me atë që ka ndodhur. Unë dhe familja ime kemi punuar gjithë kohën me bujqësi dhe blegtori, nuk i kemi rënë në qafë askujt”, thotë Gjoza.

LEONIDHA MUSAJ / DHORJELA ÇULE

Balkanweb