Prishtinë, 14 shkurt - AAK-ja është e bindur se iniciativa e saj për ta rrëzuar qeverinë e kryeministrit Thaçi do të ketë sukses dhe do të realizohet qysh në javën e ardhshme. Deputeti i kësaj partie, Burim Ramadani ka thënë se votat do të mblidhen nga tri partitë e mëdha opozitare, disa deputetë të PDK-së që pritet të dalin nga kjo parti dhe nga disa deputetë minoritarë. “Kjo çështje është e përfunduar, kanë mbetur vetëm çështjet procedurale. Jemi në fazën e fundit të koordinimit për këtë nismë dhe jemi të interesuar që kjo nismë të jetë veprim i opozitës së bashkuar. Java e ardhshme është përcaktuese për rrëzimin e kësaj qeverie”, ka thënë Ramadani në Interaktiv. Ai e ka përjashtuar PDK-së si partner të koalicionit në një qeveri të ardhshme, duke thënë se vendi ka nevojë për ndryshime rrënjësore. Ramadani insiston se vetëm Ramush Haradinaj është njeriu i duhur për të udhëhequr me qeverinë e Kosovës, duke e quajtur atë “të pankonkurrueshëm”.
http://www.koha.net/?page=1,13,175025
Krijoni Kontakt