A po ndizet Ballkan perseri - Trazira te renda ne Prishtine, Sarajeve...

[Antiproanti]

..ndoshta se shpejti edhe ne Tirane, Beograd dhe Shkup!?




Demonstratat masive që kanë filluar në Prishtinë po ndezin Ballkanin dhe kan pasuar paralelisht me protesta të tjera në shumë qytete të Bosnje-Hercegovinës. Në Tuzëll digjet ndërtesa e qeverisë lokale. Ndërsa, në Sarajevë digjet ndërtesa e qeverisë kandonale. Në qytete dëgjohen eksplodimet, janë djegur edhe shumë hapësira të Kantonit të Zenicës, ndërsa në Bihaq digjen veturat zyrtare.

Siç raporton Radio Sarajeva, gjatë trazirave në Sarajevë janë plagosur 38 persona, ndër të cilat ka më shumë policë. Janë djegur po ashtu disa makina tek ndërtesa e Presidencës, ndërsa sipas disa informatave flaka i ka hyrë edhe objektit. Brutaliteti policor ndaj demonstruesve në Tuzëll nisi valën e protestave në tërë vendin. Në ditën e dytë në këmbë u ngritën pesë qytete. Ndërsa, ditën e tretë 10 protesta.

Shqetësuese janë edhe porositë e pushtetit drejtuar popullit të shkallmuar nga varfëria dhe korrupsioni. Dhe, kjo, sipas protestuese vërehet me fjalën: “Policia do të mbrojë qytetarët dhe pronën”; se “agjencitë zbuluese do të dinë kush qëndron prapa organizatorëve”; se qytetarët “kanë të drejtë t’ju drejtohen pushtetit me problemet legjitime”. Madje, kreu i Kantonit të Sarajevës thotë se “në Sarajevë nuk ka askush arsye të jetë i pakënaqur” Protestat nisën të mërkurën në Tuzlla, ku punëtorët kishin dal në rrugë për të kërkuar pagat e papaguara për disa vjet, dhe mbylljen e disa fabrikave. Ata akuzojnë autoritetet se i kanë lënë anash, përmes privatizimeve të dyshimta të kompanive shtetërore, të cilat paraprakisht i kanë bankrotuar qëllimisht.
http://www.botasot.info/lajme/271540...rin-ne-tirane/


Pushteti dhe dhuna policore “ndezi” Bosnjën: Digjen ndërtesat qeveritare (Foto/Video)


...

Shqetësuese janë edhe porositë e pushtetit drejtuar popullit të shkallmuar nga varfëria dhe korrupsioni. Dhe, kjo, sipas protestuese vërehet me fjalën: “Policia do të mbrojë qytetarët dhe pronën”; se “agjencitë zbuluese do të dinë kush qëndron prapa organizatorëve”; se qytetarët “kanë të drejtë t’ju drejtohen pushtetit me problemet legjitime”. Madje, kreu i Kantonit të Sarajevës thotë se “në Sarajevë nuk ka askush arsye të jetë i pakënaqur”!

Protestat nisën të mërkurën në Tuzlla, ku punëtorët kishin dal në rrugë për të kërkuar pagat e papaguara për disa vjet, dhe mbylljen e disa fabrikave. Ata akuzojnë autoritetet se i kanë lënë anash, përmes privatizimeve të dyshimta të kompanive shtetërore, të cilat paraprakisht i kanë bankrotuar qëllimisht.

“Ndoshta autoritetet presin që me kërcënim të forcës të trembin njerëzit. Duket se kjo është vetëm një tjetër provë se si ata janë ndarë nga njerëzit që gjoja i përfaqësojnë. Kjo është dëshmi se nuk dëgjojnë rrahjen zemrës sociale. Për të injoruar shkaqet e vërteta të trazirave, përpiqen të mbajnë gjendjen e tashme: gjendjen ku ata janë shumë të pasur... Pushteti i shkatërroi populli. Populli është nervozuar. Gjithçka është e thjeshtë”, thotë Arnautovic. /Telegrafi/
http://www.zeri.info/artikulli/26480...tare-fotovideo

[Antiproanti]

Prishtine:

Protestat e sotme në fotografi (Foto)






...

http://www.zeri.info/artikulli/26492...fotografi-foto

Fakti qe edhe John Kerry, Sekretari Amerikan i Shetit, para pak ditesh ne Mynih qeverite e Ballkanit praktikisht i quajti hajna dhe te te korruptuar, te cilet se bashku me pasaniket po punojne kunder popujve te tyre mund te jete edhe nje indikacion tjeter per trazira dhe konflikte te ashpera ne Ballkan, te cilat nuk do te perfundonin vetem me renjen e disa pushteteve aktuale...!


"Deklarata e sekretarit Amerikan të Shtetit, John Kerry, se shtetet e Ballkanit janë në barrën e korrupsionit, është alarm tejet shqetësues, sidomos për vendin tonë, që prin në rajon për shkallë të lartë të korrupsionit.

Sipas sekretarit Kerry, aspiratat e qytetarëve të këtyre vendeve (Ballkanit) po shtypen nën barrën e korrupsionit, interesave oligarkike, interesave që përdorin paranë për të shtypur kundërshtarët politikë, për të blerë politikanët dhe grupet mediatike dhe për të dobësuar pavarësinë e gjyqësorit si dhe të drejtat e organizatave joqeveritare. ..."
Enis veliu
http://www.zeri.info/artikulli/26250...h-korrupsionit

[Antiproanti]

Vala e protestave në Bosnje, mund ta prek edhe Maqedoninë?!



Shkup, 9 shkurt - Shteti ballkanik i Bosnje dhe Hercegovinës është mbërthyer nga një valë protestash.

Të lodhur me varfërinë, korrupsionin por edhe stagnimin politik që tri etnitë, myslimane, kroate e serbe ia shkaktojnë njëra-tjetrës, ka bërë që vendi i sakatosur nga lufta e viteve 90-ta, t’u rikthehet gurëve e flakëve.
Vetëm se kësaj here nuk po luftohet, por po protestohet dhe atë mjaft fort.
Një situatë të ngjashme nga aspekti i përbërjes etnike me atë të Bosnjës, e ka edhe Maqedonia.
Vendi përbëhet nga maqedonasit që janë shumicë, por edhe shqiptarët që janë pakica me përqindjen më të lartë.
Llogaritet se në këtë shtet jetojnë më shumë se 25 % shqiptarë.
Bllokimi ekonomik dhe ai politik në Maqedoni e në të njëjtën kohë protestat përreth vendit, siç po mbahen edhe në Kosovë nga studentët, lehtë mund të ndezin fitilin edhe në shtetin e brishtë që ka probleme të mëdha.
Tashmë është konfirmuar se Kryeministri i Kantonit të Sarajevës, Suad Zeljkovic ka dhënë dorëheqje nga posti i tij gjatë një takimi të Komitetit Kantonal të SDA Sarajevo të mbajtur të shtunën, për të diskutuar situatën aktuale në vend.

Dorëheqja e tij erdhi pas dy ditë demonstrata, ku mijëra protestues dolën në rrugë.

Të premten, qeveritë e Tuzllës dhe Zenitsa-Doboy dhanë dorëheqje krahas Ministrit të Brendshëm, Mariya Sulenta e kantonit të Herzegovina-Neretva.
Telashet e Bosnjës në disa pika janë të ngjashme edhe me ato Maqedonisë.
Derisa shteti boshnjak është kurthuruar në Kushtetutën e vet e cila u garanton vendosjen e vetos tre përfaqësuesve të tri etnive në Presidencë për secilën çështje, Maqedonia është bllokuar me emrin e vet tash e njëzet vjet me Greqinë.raporton zhurnal/
Ndërkohë që Bosnja është e ndarë me kantone të cilat janë më shumë gllabëruese fondesh dhe shumë jofunksionale, në Maqedoni vazhdohet me mos zbatimin si duhet të Marrëveshjes së Ohrit duke zvarritur dhënien e të drejtave shqiptarëve.
Pikate tjera si korrupsioni, varfëria, nepotizmi, keqpërdorimi i parasë publike, janë pika të ngjashme jo vetëm në këto dy vende por në të gjithë Ballkanin.
Përfundimisht, duke parë këto çështje dhe të tjera të ngjashme, rreziku për trazira mund t’i kanosen edhe Maqedonisë.

http://www.botasot.info/maqedonia/27...he-maqedonine/

[Antiproanti]

Tagesschau.de

Bosnje: Thirrje per "revolucion politik"




Pas trazirave te renda ne Bosnje-Hercegovine, protestuesit kane bere thirrje per "revolucion politik". Ne kete menyre, per shembull, pagat e politikaneve do te duhej ti pershtateshin nivelit te ulet te pagave mesatare ne vend.

"Hajdute jashte, hajdute jashte" brohorisnin njerezit ne 33 qytete -pertej te gjithe kufijve etnik: serbet, kroatet dhe muslimanet boshnjake- se bashku dolen ne rruge per te protestuar kunder stagnimit politik, nepotizmit dhe papunesise se larte.

Ne nje plan pese pikesh protestuesit tani po bejne thirrje per nje "revolucion politik". Ata duan qe pagat e politikaneve te barazohen me pagen mesatare, e cila eshte rreth 420 Euro. Pervec kesaj, privatizimet e deritanishme duhet te kthehen mbrapsht, te cilat ne katalogun e kerkesave quhen "kriminale".
...

[optimus.prime]

Kurre nuk i kuptoj njerezit qe çdo pushteti i vihen perballe...e kane ne gjak anarkine...dhe pastaj vetequhen "revolucioniste". Nuk e di pse kur eshte puna per revolucionin me kujtohet gjithmone ai filmi ne ferme kur kafshet shtepiake te fermes ngrihen kunder pronareve te fermes-njerezit. Revolucionit i prijne derrat te cilet pas marrjes se pushtetit, behen me te keqinj se njerezit...
Ose Revolucioni Borgjez Francez i cili pas marrjes se pushtetit te mbretit Lui XIV nga ana e Robespierit me shoke, keta te fundit instalojne Regjimin e Terrorit dhe ne fund bien vet ne gijotine...

[Ziti]

korrupsioni eshte frut i kultures ballkanike. ne ballkan nuk ka moral, te gjithe vjedhin. ai me hileqari pasurohet.
keshtu qe revolucionet te mbeshtetura nga jashte nuk do kete efekte pozitive.
ne rast se shperthejne rremujat ne ballkan kjo do ndihmoje shume biznesmenet greke, ruse por edhe evropiane te kene kontroll mbi ekonomine e ballkanit.
shqiptaret duhet ti bejne presion qeverise se tyre per premtimet (shendetesi falas, ulje cmimesh, legalizimet e shtepive te tyre), jo te ndjekin vendet e tjera ballkanike si dele.

[semiku]

Digjen ndërtesat shtetërore,i vën flakën arkivave,sulmojnë pronën private,vjedhin shitoret ... kjo në Bosnje është anarki ,nuk ka të bëjë asgjë me revulucionin që gjasme duhet të shtrihet edhe në hapsira tjera të Ballkanit.
Askujt nuk i duhet revulucioni,por ngritja e vetëdijes qytetare dhe shqelmim i kësaj klase politike të paaftë,të korruptuar,pa vizion.

.

[Antiproanti]

Skenari i Bosnjës mund të ndodhë edhe në Kosovë




Analisti Azem Vllasi, tha për Telegrafin se skenari i Bosnjës dhe Hercegovinës (shpërthimi i protestave masive) mund të ndodhë edhe në Kosovë, për shkak se qytetarët janë të pakënaqur me cilësinë e jetës të cilën e kanë.

Ai mendon se elitat politike e kanë fajin kryesor për jetën e vështirë të qytetarëve në disa shtete të rajonit, duke shtuar, se shfrytëzimi i pushtetit për interesa personale nga ana e klasës udhëheqëse ka prodhuar pakënaqësi të mëdha tek popullata.

“Nuk mund ta mohojmë që edhe Kosova rrezikohet të jetë arenë e skenave të tilla, sikundër dhe shtetet tjera që na rrethojnë. Mendoj se deri më tani tek qytetarët - në këtë rast: boshnjakët – kanë akumuluar vazhdimisht pakënaqësi me elitën e tyre politike. Keqpërdorimi i pushtetit, varfëria, burokracia, korrupsioni, privatizimet e dështuara dhe papërgjegjshmëria totale e politikës përballë qytetarëve” ka thënë Vllasi për Telegrafin.

Analisti Fadil Lepaja, theksoi se në një shoqëri e cila është e bllokuar dhe jofunksionale, konfliktet janë gjendje e përhershme.

Sipas tij, qeverisja mbahet përmes konfliktit.

“Fatkeqësisht, ka shumë ngjashmëri mes shtetit boshnjak dhe shtetit të Kosovës, për shkak se të dyja vendet përballen me tendencën e Beogradit që të konsolidohet si entitet i cili do të ketë fjalën vendimtare në proceset e rëndësishme për të dyja vendet. Shumë telashe vijnë si rezultat i ndikimit të serbëve nga Beogradi dhe koketimit të perëndimorëve me ata të cilët e lejojnë zhvillimin e krimit. Krejt kjo bëhet gjoja në emër të qëllimeve me të mëdha siç janë: paqja dhe dialogu formal. Oligarkia udhëheqëse përmes shpërndarjes selektive të parave nga buxheti, ka krijuar kasta të privilegjuarve në institucione, kompani publike dhe në tregun e brendshëm. Këto privilegje mund të jenë një ‘bombë e kurdisur’ sociale e cila mund të shpërthej në duart e atyre që po kalkulojnë me krimin e organizuar dhe korrupsionin galopant. Fatkeqësisht në skenën politike ende nuk nuk ka një alternativë e cila e fut shoqërinë në garë, e jo në armiqësi”, ka thënë ai për Telegrafin.

Lepaja theksoi se shpresa më e madhe është konsolidimi i një lëvizjeje e cila angazhohet për rend dhe ligj për të gjithë, dhe jo vetëm për grupe të caktuara.

“Nuk besoj në grupet militante te cilat synojnë që shoqërisë t’ia imponojnë një ideologji përjashtuese, pavarësisht cila është ajo, sepse kështu do të thellohen edhe me tej dallimet dhe konfliktet”, ka shtuar ai./Telegrafin/

http://www.koha.net/?page=1,13,174642

[mesia4ever]

korrupsioni eshte frut i kultures ballkanike. ne ballkan nuk ka moral, te gjithe vjedhin. ai me hileqari pasurohet.
keshtu qe revolucionet te mbeshtetura nga jashte nuk do kete efekte pozitive.
ne rast se shperthejne rremujat ne ballkan kjo do ndihmoje shume biznesmenet greke, ruse por edhe evropiane te kene kontroll mbi ekonomine e ballkanit.
shqiptaret duhet ti bejne presion qeverise se tyre per premtimet (shendetesi falas, ulje cmimesh, legalizimet e shtepive te tyre), jo te ndjekin vendet e tjera ballkanike si dele.

Mos u frikeso sepse perendimoret nuk investojne ne nje shtet ku ka korrupsion. Per greket: Greqia eshte e falimentuar sepse keshtu e kishin qeverine e korruptuar me shpenzime enorme dhe lluks nga i cili perfitonin vetem nje grup i vogel njerezish. Korrupsioni ta qet cfaredo shteti ne bankrot.
1 dokument me nxjerr te shkon 3 jave perderisa ketu ne perendim ne telefon i thirr dhe ta dergojne ne shtepi. 5 minuta per nje certifikate te lindjes i humbe.

Sa i perket temes
Revolucion duhet te kete, por revolucion i bazuar ne amanetin e deshmoreve te cilet dhane jeten per liri dhe per shtet, por jo anarki dhe demtim te prones publike e private pasi eshte prone e secilit qytetar me taksat dhe me mundin e te cileve eshte ngritur ajo. Jo me ja ngul thiken vetes sikur ne Irak, Egjipt apo Libi. Me Bosnjen e Serbine sna lidhe asgje, ne duhet te punojme per te miren tone te pergjithshme.

[Antiproanti]

Një pranverë ballkanike?

Tim Judah


Është ende herët të thuhet nëse 2014-ta do të mbahet në mend si vit që e ndryshoi Bosnjën. Por shpresat sot janë shumë të mëdha

Londër, 9 shkurt – Për vite të tëra përshkrimi më i mirë për gjendjen politike në Bosnjë ka qenë “e stagnuar, por stabile”.Tani, me një shpejtësi marramendëse, analistët kanë filluar të flasin për një “Pranverë boshnjake”.

Në Tuzëll, Mostar, Zenicë dhe Sarajevë, ndërtesave të Qeverisë u është vënë zjarri, derisa ka pasur demonstrata në pjesën më të madhe të shtetit. Qindra persona janë lënduar, përfshirë këtu policët.

Politikanët kanë dënuar “huliganët” për dhunën, por shumica prej tyre janë të frikësuar. Ka pasur shumë fotografi të veturave, që thuhet se u takonin politikanëve, që janë rrëzuar në një kanal në Zenicë.

Telashet filluan në qytezën veriore të Tuzllës, të mërkurën. Punëtorët nga disa fabrika, të cilat ishin privatizuar dhe më pas kishin falimentuar, u bashkuan që të kërkojnë punë, pagat e papaguara dhe pensionet. Këtyre punëtorëve iu bashkuan studentët dhe aktivistët politikë. Pasi që ata filluan të gjuajnë me gurë Gjykatën lokale, dhuna shpërtheu.

Lufta katërvjeçare e Bosnjës mori fund më 1995 dhe që nga ajo kohë ka pasur shumë protesta rreth çështjeve sociale.

Deri në vitin 2006 ka pasur progres drejt bërjes së Bosnjës si shtet pak a shumë funksional. Por, që nga ajo kohë politika e Bosnjës ka mbetur e stagnuar, dhe ashtu si edhe pjesa tjetër e Ballkanit Perëndimor, shteti është prekur rëndë nga shumë vjet të krizës ekonomike.

Papunësia ka arritur në 27.5 për qind dhe asnjë nga indikatorët ekonomikë nuk flasin për një rimëkëmbje serioze.

Industritë e moçme të periudhës socialiste, që kanë dominuar në qytetet si Tuzlla, kanë mbetur gërmadha pas luftës. Privatizimet shpesh kanë qenë pre e korrupsionit, me njerëz që kanë pasur lidhje dhe kanë blerë kompanitë vetëm në mënyrë që t’ua marrin asetet dhe të përfitojnë shpejt prej tyre – duke i shpallur më pas të falimentuara.

Për vite të tëra boshnjakët kanë qenë të mllefosur me politikanët e tyre – për të cilët besojnë se janë të korruptuar.

Por lufta i ka lënë pa iluzione, të frikësuar dhe cinikë.

Në të vërtetë, lufta ka lënë trauma aq të thella, saqë mllefi rreth mënyrës se si politikanët janë pasuruar, derisa standardet e jetesës kanë rënë është shtypur nga frika për një kthim në konflikt.

Problemi themelor politik i Bosnjës është se lufta ka lënë qytetarët me një shtet jofunksional.

Shteti është i ndarë në dy pjesë kryesore. Njëra pjesë është Republika Serbe, e dominuar nga serbët, lideri i të cilës, Milorad Dodik, do që atë ta bëjë shtet të pavarur.

Pjesa tjetër quhet Federata dhe përbëhet nga dhjetë kantone, që dominohen ose nga boshnjakët, ose nga kroatët e Bosnjës. Secili kanton e ka qeverinë e vet, ashtu si edhe këshillat lokalë të qyteteve dhe qytezave.

Në fund, një nga qytezat, Bërçko, është entitet autonom.

Me vetëm 3.8 milionë banorë, nganjëherë thuhet se ajo për të cilën ka nevojë Bosnja është në të vërtetë vetëm një prefekt, por ndasitë etnike e kanë pamundësuar ndryshimin e gjendjes.

Në të vërtetë, që nga viti 2009, liderët e Bosnjës kanë qenë të preokupuar me të ashtuquajturën “çështje Sejdiq-Finci”, e cila ndonëse e rëndësishme, nuk u intereson dhe aq shumë njerëzve, që shqetësohen më shumë për shkollat, punët dhe kujdesin shëndetësor.

Në bazë të kushteve të Marrëveshjes paqësore të Daytonit, që i dha fund luftës më 1995, postet kryesore, si të qenit anëtar në presidencën trepalëshe të shtetit, janë të rezervuara vetëm për serbët, kroatët dhe boshnjakët.

Kjo gjë u sfidua me sukses në Gjykatën Evropiane të të Drejtave të Njeriut nga Jakob Finci dhe Dervo Sejdiq, një hebre dhe një rom.

Që nga ajo kohë, liderët evropianë dhe amerikanë janë munduar që të bindin liderët e Bosnjës që ta modifikojnë Kushtetutën – por nuk kanë pasur sukses.

Megjithatë, çështjet si këto e kanë ngufatur debatin, duke bërë që ekonomia të shpërfillet vazhdimisht.

Që të gjitha shtetet e Ballkanit, përfshirë këtu edhe Kroacinë, e cila u bë anëtare e Bashkimit Evropian gjatë vitit të kaluar, janë goditur nga kriza ekonomike dhe kanë probleme të ngjashme.

Por, në Bosnjë trashëgimitë e luftës bëjnë që shumë pak njerëz të shpresojnë në ndryshime. Për këtë arsye zemërimi është grumbulluar me vite të tëra dhe tani ka eksploduar.



Por, a pritet që protestat ndryshojnë ndonjë gjë?

Këtu kemi dy elemente të rëndësishme. Së pari, protestat sociale gjatë verës në Sarajevë u heshtën shumë shpejt, me gjithë entuziazmin fillestar.

Së dyti, deri më tani protestat kanë të bëjnë vetëm me boshnjakët.

Ndonëse protestuesit nuk kanë shprehur nacionalizma, protestat deri më tani nuk janë përhapur në Republikën Serbe apo në rajonet me shumica kroate, ndonëse pothuajse secili në Bosnjë përballet me telashet e njëjta ekonomike.

Këtë vit tri ngjarje të mëdha janë në kalendarin boshnjak. Bosnja pritet të mbajë zgjedhje; ekipi i saj futbollistik do të luajë në Kampionatin Botëror dhe Sarajeva do ta përkujtojë njëqindvjetorin e ngjarjes që e ndryshoi botën – vrasjen e Franz Ferdinandit në qershor të 1914-s, gjë që e ndezi Luftën e Parë Botërore.

Është ende herët të thuhet nëse 2014-ta do të mbahet në mend si vit që e ndryshoi Bosnjën. Por shpresat sot janë shumë të mëdha.

“Përshtypja ime është se nuk ka kthim prapa tani”, thotë Dushica Ikiq-Cook, administratore biznesi në Tuzëll.

“Besoj se do të kemi rezultate, të paktën në Federatë, duke vrarë këtë administratë të madhe, që po na i merr të gjitha paratë”.

http://www.koha.net/?page=1,9,174685

[Ziti]

Mos u frikeso sepse perendimoret nuk investojne ne nje shtet ku ka korrupsion. Per greket: Greqia eshte e falimentuar sepse keshtu e kishin qeverine e korruptuar me shpenzime enorme dhe lluks nga i cili perfitonin vetem nje grup i vogel njerezish. Korrupsioni ta qet cfaredo shteti ne bankrot.
1 dokument me nxjerr te shkon 3 jave perderisa ketu ne perendim ne telefon i thirr dhe ta dergojne ne shtepi. 5 minuta per nje certifikate te lindjes i humbe.

ti mendon se te huajit nuk investojne ne raste krizash. eshte e kunderta. ujku mjegull do.
me kujtohet nje shoku I'm italian ne vitin 97 kur me keshillonte te kthehesha ne shqiperti te blija prona te patundshme sepse cmimet rane pertoke.
investitoret nuk degjojne kurre lajmet ata kalkulojne parane.
eshte e vertete qe njerzit jane lodhur nga pa-aftesia e qeveritareve per qeverisur por me revolucion nuk zgjidhet asgje. zgjidhja eshte e thjeshte: rama premtoi spitale falas. atehere le te mblidhen 30 vete, te djegin 1 spital. rama premtoi legalizim falas. le te mblidhen 30 vete te djegin 1 komune. vetem keshtu qeveria do zgjidhe problemet e shqiptareve jo duke sjelle ne pushtet ata qe ishin se te gjithe njesoj jane, te gjithe hajdute.

[Antiproanti]

"Keta jane femijet e priderve te cilet nuk kane para per buke"




Qe disa dite boshnjaket protestojne ne rruge. Zhgenjimi shumevjecar mbi pagat e uleta, papunesine dhe korrupcionin ka shperthyer. Megjithate, shume protestues jane te pakenaqur edhe me bllokimin permanent politik ne Bosnjen mult-etnike.

Nje djale i ri ne qytetin e Tuzlles ka veshur nje triko me fjalet "Ne nuk jemi huligane". Ne kete menyre ai don te distancohet nga protestuesit e dhunshem te cilet diteve te kaluara i vune zjarrin makinave dhe nderteses se administrates. "Une jam kunder huliganeve, por eshte e rendesishme qe njerezit jane ne rruge. E quajne Tuzlen qytet te punetoreve, por ju lutem kush ka vend pune ketu?"

...

Ministri i Brendshem tregon mirekuptim

Ministri i Brendshem, Fahrudin Radoncic reagon cuditerisht me mirekuptim. "Keta jane femijet e priderve te cilet nuk kane para per buke", tha ai pas trazirave.
Bosnja eshte nje nder vendet me te varfera ne Evrope. Sipas te dhenave zyrtare, paga mesatare eshte 420 Euro ne muaj. "Por shumica e njerezve ne te vertete marrin 250, ndoshta 300 Euro ne muaj", thote Vuk Bacanovic nga Sarajeva. Gazetari 31-vjecar del ne kryeqytetin Sarajeve cdo dite ne rruge.

Pothuajse cdo i dyti boshnjak eshte papune, shume punojne muaj dhe vite pa marre fare rroge. "Njerezit dalin ne rruge, sepse eshte bere e pamundur per te jetuar me dinjitet", thote Bacanovic.

...
Tageswoche.ch

[par]

e njejta gjendje eshte dhe ne shqiperi por ne ndryshim nga bosnja, ketu dalin dhe protestojne per partine qe te ju sjell mireqenien, dhe partia qe i perpunon keta individ dhe i kthen jo eficent ndaj sherbimit te individit ( po eficent ne sherbim te korrupsionit, ne momentin qe marrin pushtetin )

[Antiproanti]

Tagesspiegel

Bosnja
Nje nacion i paperfunduar

Boshnjaket nuk duan ti durojne me gjate sabotuesit e te tashmes dhe te ardhmes se tyre. Rezistenca e tyre tregon: modeli i Federates se ndare ka deshtuar.

...
Shume frikshem kujtojne shume nga fotot ne zjarret dhe shkaterrimet e lufterave te Jugosllavise se viteve 1990, kur shteti multietnik i Titos u shkaterrua nga pretendimet e per supermaci te serbeve. Edhe akte te vandalizmit, si kunder Arkivave te Shqtetit ne Serajeve, zgjojne kujtimet me te kqija.

Por jane tjera zjarre tani, tjera emocione, tjera parulla. "Hajdutet jashte!" eshte nje prej tyre. "Mjaft me plackitjen nacionaliste kunder popullit" nje tjeter. Edhe: "Bosnje dhe Hercegovine e bashkuar!". Kerkohet "nje revolucion politik". Britma eshte aq e zeshme sa edhe e nevojshme.

Zemerimi i te papuneve dhe te paguarve pak, te burrave dhe grave te vendit te pasluftes nuk eshte asgje me shume dhe asgje me pak se reaksion kunder gjendjes aktuale te paqendrueshme te vendit te tyre. Kjo gjendje ka prodhuar nje kaste te korruptuar politikanesh, nen mbikqyrjen nderkombetare mbi dy dekada, hap pas hapi, Euro per Euro. Fonde miliardesh per rindertim u derdhen ne vend pas luftes, per te rindertuar infrastrukturen, administratat, shkollat, legjislativin dhe ekzekutivin. Nation Building quhej procesi, lindje e veshtire e nje kombi qe ende nuk ishte gati te jete nje. Defekti i lindjes se tij gjendet ne Marreveshjen e Paqes se Dejtonit, ku diplomati Richard Holbrooke pretendimeve etnikisht te sterngarkuara te elitave te pangopura ju leshoje pe, ne menyre naive ju leshoj pe, si do ta pranonte me vone edhe vete.

...
Te menduarit politikisht u zevendesua nga nje koktej i pallavrave nacionaliste dhe nje kleptokracie te shfrenuar. Mbi te gjitha sundon edhe me tej burokracia e shtrenjte nderkombetare me perfaqesuesin e saj te larte, aktualisht ky eshte diplomati austriak Valentin Inzko, i cili ka shprehur mirekuptim per "zemerimin e ndrydhur". Ne rast nevoje Inzko mund te dergoje forcat e sigurise EUFOR ne rruge kunder kryengritesve.Por as kjo nuk do te ndryshonte asgje.

Per sa kohe qe shkon mire zingjiri i mirevajosur i ryshfetitit, pervetesimit dhe pazarllekut me poste, zemerimi do te mbetet eksploziv.
...

Model shume i ngjashem tani po zbatohet edhe ne Kosove...
Ne "bisedimet" e Thacit dhe Dacicit ne Bruksel.
Pavaresisht se perdoren emra dhe terma tjere per te kamufluar realitetin dhe pazaret e demshme per te tashmen dhe te ardhmen e Kosoves dhe popullit te saj.

[semiku]

Parullat e Bosnjës në trazirat e tyre "hajdutët jashtë","Poshtë hajdutët","politikan plaçkitës" - janë të njëjtat fjalë që i ndëgjon gjithkund edhe te NE.Çdo kund në ndeja,kafiteri,biseda të zakonshme,në rrugë.
Partitë politike te shqiptarët (edhe ne të gjithë rajonin) kanë humbur me kuptimin,janë si një simbol i huaj....në një rebelim të mundshëm qytetar,shqiptari nuk ka me kë të negocioj.Partitë politike në pushtet dhe e ashtëquajtura opozitë e kanë humbur çdo besim dhe legjitimitet....Kjo qe po ndodh ne Bosnje në formë trazirash,ndërsa te ne shprehet vetëm përmes fjalëve - në të vërtet paraqet rrënim,debakël i një modeli të qeverisjes e cila është duke e shkatërruar ardhmërinë e të gjithëve ,në rradhë të parë të rinjve.
Ballkani në tërësi nuk ka perspektiv,por së paku dihet armiku - elitat e shfrenuara politike.

[mesia4ever]

ti mendon se te huajit nuk investojne ne raste krizash. eshte e kunderta. ujku mjegull do.
me kujtohet nje shoku I'm italian ne vitin 97 kur me keshillonte te kthehesha ne shqiperti te blija prona te patundshme sepse cmimet rane pertoke.
investitoret nuk degjojne kurre lajmet ata kalkulojne parane.
eshte e vertete qe njerzit jane lodhur nga pa-aftesia e qeveritareve per qeverisur por me revolucion nuk zgjidhet asgje. zgjidhja eshte e thjeshte: rama premtoi spitale falas. atehere le te mblidhen 30 vete, te djegin 1 spital. rama premtoi legalizim falas. le te mblidhen 30 vete te djegin 1 komune. vetem keshtu qeveria do zgjidhe problemet e shqiptareve jo duke sjelle ne pushtet ata qe ishin se te gjithe njesoj jane, te gjithe hajdute.

Ti e blen nje shtepi apo prone ne Shqiperi sepse ke familjen dhe eshte vendi yt, por nuk e blen nje shtepi apo prone ne Nigeri sado lire me ta dhene. Nuk e blene nje fabrike ne nje vend ku gjithcka shkon me mashtrim e korrupsion, por e blen nje fabrike ne nje vend ku eshte i pershtatshem per biznes.

Ku e blen nje prone me te ardhe mundesia. Nuk eshte njejte sikur te blesh 3 apartamente ne Berlin, Bagdad, Dubai, Tirane apo Mogadishu (Somali). 1 apartamend ne qender te Zurich ndoshta kane vleren e 5 apartamenteve me te njejten madhesi ne qender te Mogadishu. Per te hypur vlera e pronave duhet stabilitet ekonomik e politik, keshtu investitori investon aty ku nxjerr fitimin, nuk te vjen investitori amerikan me te hape fabrike ne Kosove ku si te shkon ta regjistroje biznesin i dalin 100 probleme, por te shkon ne nje vend ku gjithcka eshte me thjeshte, ku ka mbisundim te ligjit etj.

Per keto e kisha fjalen.

[Ziti]

Ti e blen nje shtepi apo prone ne Shqiperi sepse ke familjen dhe eshte vendi yt, por nuk e blen nje shtepi apo prone ne Nigeri sado lire me ta dhene. Nuk e blene nje fabrike ne nje vend ku gjithcka shkon me mashtrim e korrupsion, por e blen nje fabrike ne nje vend ku eshte i pershtatshem per biznes.

Ku e blen nje prone me te ardhe mundesia. Nuk eshte njejte sikur te blesh 3 apartamente ne Berlin, Bagdad, Dubai, Tirane apo Mogadishu (Somali). 1 apartamend ne qender te Zurich ndoshta kane vleren e 5 apartamenteve me te njejten madhesi ne qender te Mogadishu. Per te hypur vlera e pronave duhet stabilitet ekonomik e politik, keshtu investitori investon aty ku nxjerr fitimin, nuk te vjen investitori amerikan me te hape fabrike ne Kosove ku si te shkon ta regjistroje biznesin i dalin 100 probleme, por te shkon ne nje vend ku gjithcka eshte me thjeshte, ku ka mbisundim te ligjit etj.

Per keto e kisha fjalen.

un te kuptoj shume mire por ai qe i stimulon rremujat e ben pikerisht per te blere pronat e patundshme. sepse rremujat nuk behen nga populli fukara, ato jane te pergatitura diku tjeter pikerisht per te kontrolluar ekonomine e ketij vendi. ka lloj lloj menyrash per te skllaveruar nje popull.
shqiptaret nuk kane pse ngrihen sepse vet e zgjodhen ilir meten dhe edi ramen. duhet ti durojme. kjo eshte demokracia.

[Antiproanti]

Bosnja si vërejtje edhe për Kosovën

Augustin Palokaj



Protestat e ditëve të fundit në qytetet e Bosnjë-Hercegovinës shërbyen si një rikujtim se ky shtet nuk funksionon, populli është dëshpëruar dhe zhgënjyer tej mase, ndërsa bashkësia ndërkombëtare nuk e ka bërë punën deri në fund. Për më shumë se 20 vjet kemi dëgjuar thënien se „Në Kosovë nuk duhet të lejohet të përsëritet Bosnja“ por shumëçka që bëhet në Kosovë, e sidomos angazhimi ndërkombëtar, duket pikërisht sikur përsëritje e gabimeve nga Bosnjë-Hercegovina. Edhe bashkësia ndërkombëtare duhet ta pyesë veten se pse dy vendet që ngecin më së shumti në Ballkan janë pikërisht ato ku ka qenë angazhimi më i madh i bashkësisë ndërkombëtare, pra Bosnjë-Hercegovina dhe Kosova.


Në fillim të vitit 2008 Sllovenia kishte marrë kryesimin e radhës të Bashkimit Evropian. Një grup gazetarësh nga Brukseli ishte pritur nga kryeministri i atëhershëm Janez Jansha. Tashmë dihej propozimi i Martti Ahtisaarit për pavarësinë e mbikëqyrur të Kosovës dhe dështimi i „Trojkës“ që të sjellë një pajtim të Serbisë dhe Rusisë për pavarësinë e Kosovës. Ishte një koincidencë e çuditshme se si pikërisht në kohën kur Sllovenia, e cila bashkë me Kroacinë të parat shpallen pavarësinë duke u shkëputur nga ish-Jugosllavia, tash e kryeson BE-në pikërisht kur Kosova, si e fundit nga ish-Federata Jugosllave, po e shpall pavarësinë. Dhe natyrisht koordinimi i punëve të BE-së dhe i veprimeve pas Shpalljes së Pavarësisë së Kosovës ishin prioritet kryesor i Presidencës sllovene të BE-së. Dhe për këtë gazetarëve u foli gjerë e gjatë Janez Jansha. Ai u sqaroi se pse Kosova duhet të jetë e pavarur dhe madje duke përmendur edhe shembuj të tij personal nga jeta se pse shqiptarët më nuk mund të jetojnë nën sundimin serb. Por gazetarët u befasuan kur Jansha tha: „Kosova nuk është ndonjë problem afatgjatë në Ballkan. Problemi më i madh në Ballkan është dhe do të mbetet Bosnjë-Hercegovina“. Gazetarët u shtangën. Nuk kishin dëgjuar të ketë ndodhur ndonjë gjë në Bosnjë-Hercegovinë në 10 vitet e fundit saqë të fitonte kureshtjen e medieve. Bosnjë-Hercegovina tashmë ishte shtet i pavarur, anëtare e OKB-së, e Këshillit të Evropës, OSBE-së, FIFA-s e UEFA-s. Të gjithë fqinjët e saj e njihnin pavarësinë e këtij shteti dhe kishin vendosur marrëdhënie diplomatike. Në Bruksel kishin dëgjuar me qindra herë për sukseset e jashtëzakonshme që kishte arritur NATO-ja së pari e pastaj edhe BE-ja në stabilizimin e këtij vendi dhe në rimëkëmbjen e tij nga pasojat e luftës. Edhe dënimet që i shqiptonte Tribunali i Hagës për krime lufte, nga diplomatët evropian përmendeshin si gjëra që janë duke ndihmuar në ripajtimin mes kombeve dhe në largimin nga e kaluara e errët dhe ecja nga e ardhmja evropiane. Prandaj në këto rrethana iu duk befasuese thënia e kryeministrit, i cili në atë kohë ishte formalisht edhe numri 1 i BE-së si kryetar i Këshillit, sepse ende nuk kishte filluar funksioni që tash ka Herman van Rompoy, kështu që rolin e kryetarit formal të BE-së e kishte kryeministri i shtetit që kishte kryesimin e radhës. Jansha nuk deshi të sqaronte shumë pse mendon që Bosnjë-Hercegovina është në një afat të gjatë problem shumë më i madh sesa Kosova. “Në Kosovë e dimë se çfarë duam, ndërsa në Bosnjë- Hercegovinë ende nuk jemi të sigurt“, tha ai. Natyrisht, shumë politikanë sllovenë dhe politikanë të tjerë që kishin përvojë nga Ballkani pajtoheshin se Kosova me një kompaktësi etnike, me një shumicë të madhe shqiptarësh, si shtet i pavarur do të duhet të sigurojë të drejtat e pakicës serbe. E dinin se kjo mund të zgjasë por në afat të gjatë nuk do të jetë ndonjë problem serioz. Në Bosnjë-Hercegovinë, edhe pse deri në vitin 2008 kishin kaluar plot 13 vjet nga Marrëveshja e Daytonit, edhe pse ishte krijuar paqja, shteti nuk funksiononte, segregacioni etnik kishte mbetur, ndërsa partitë politike dhe udhëheqësit shtetërorë nga tri „kombet konstitutive“ të përbashkëta kishin vetëm korrupsionin dhe keqpërdorimin e pushtetit për qëllime personale.

Në Evropë nuk e kuptuan seriozisht vërejtjen e atëhershme të ish-kryeministrit të Sllovenisë. Bosnjë-Hercegovina, pa dyshim viktima më e madhe e luftërave në territorin e ish-Jugosllavisë, u injorua. Nuk lëvizi drejt BE-së. Për këtë Brukseli fajëson tash e sa vite politikanët në Bosnjë- Hercegovinë. Por e njëjta BE pikërisht me këta politikanë tash e sa vite punon dhe bën pazare. Qytetarëve gjithmonë u thotë se „faj kanë liderët tuaj“. E tash kur qytetarët në Bosnjë- Hercegovinë, për herë të parë prej përfundimit të luftës, pra në gati 20 vjet, u çuan të protestojnë kundër politikanëve të tyre, BE-ja hesht dhe nuk di se si të veprojë.

Kryeministri i Kroacisë, Zoran Milanoviq, gjatë qëndrimit të tij në Bosnjë-Hercegovinë fajësoi edhe BE-në për këtë që po ndodh. „Kjo nuk do të kishte ndodhur sikur BE-ja të kishte një politikë koherente ndaj Bosnjë-Hercegovinës. Me këtë shtet po luajnë të gjithë. Këtë shtet po e godasin si top disa për shkak të mosdijes e disa për shkaqe të tjera. Gjërat nuk do të ndryshojnë nëse Bosnjë-Hercegovina nuk merr një perspektivë të qartë të integrimit në BE“, tha Milanoviq.

Por edhe ai tash është kryeministër i një vendi të BE-së. Nëse asgjë tjetër, ai dhe shteti i tij kanë mundësi që në Bruksel të kërkojnë nga BE-ja të ndërtojë ndonjë politikë koherente për Bosnjë- Hercegovinën. Por BE-ja nuk do ta ketë të lehtë, sepse Bosnjë-Hercegovinën qëmoti e kishte shpallur sukses, sikur po e shpall tash sukses të madh Kosovën. E Bosnjë-Hercegovina dhe Kosova mbeten të vetmet shtete të rajonit (duhet nënvizuar se Kosova për BE-në as që është fare shtet) të cilat nuk e kanë filluar fare formalisht procesin e integrimeve në BE.

Prandaj, njerëzit në Kosovë dhe në Bosnjë-Hercegovinë kanë të drejtë të jenë të dëshpëruar edhe me politikanët e tyre por edhe me BE-në dhe bashkësinë ndërkombëtare.

Protestat e ditëve të fundit në qytetet e Bosnjë-Hercegovinës, që eskaluan edhe në dhunë, shërbyen si një rikujtim se ky shtet nuk funksionon, populli është i dëshpëruar dhe i zhgënjyer tej mase ndërsa Bashkësia ndërkombëtare nuk e ka bërë punën deri në fund. Për më shumë se 20 vite kemi dëgjuar thënien se „Në Kosovë nuk duhet të lejohet të përsëritet Bosnja“ por shumëçka që bëhet në Kosovë, e sidomos angazhimi ndërkombëtar, duket pikërisht sikur përsëritje e gabimeve nga Bosnjë-Hercegovina. Edhe bashkësia ndërkombëtare duhet ta pyesë veten se pse dy vendet që ngecin më së shumti në Ballkan janë pikërisht ato ku ka qenë angazhimi më i madh i bashkësisë ndërkombëtare, pra Bosnjë-Hercegovina dhe Kosova.

Ngjarjet e fundit në Bosnjë-Hercegovinë, e në një masë edhe protestat e studentëve në Prishtinë, kanë filluar të kuptohen seriozisht edhe nga disa politikanë në BE se durimi i popullit ka kufij. Deri tash në Bosnjë-Hercegovinë dhe në Kosovë nuk ka pasur shumë protesta. Sidomos jo protesta të cilat nuk kanë asnjë prapavijë etnike, por më shumë janë shprehje e pakënaqësisë me elitën politike. Kjo nuk ka ndodhur sepse së pari qytetarët i janë gëzuar lirisë. Së dyti nuk kanë dashur të rrezikojnë të ardhmen e shtetit të tyre. Së treti kanë qenë optimistë, sepse pas luftës gjithsesi njerëzit janë optimistë. Tash kanë kaluar shumë vjet. Optimizmi po i lë, ndërsa varfëria dhe mungesa e perspektivës u është bërë realitet.

Ndoshta në një afat të gjatë Bosnjë-Hercegovina mund të jetë një problem më i ndërlikuar sesa Kosova për ta zgjidhur. Por aktualisht të dy këto shtete janë në probleme serioze. Ende ka forca në të dyja këto shtete të cilat nuk e duan ekzistimin e tyre. Lideri i Republika Srpskas, Milorad Dodik, thotë haptas se „Bosnjë-Hercegovina nuk mundet të ekzistojë si shtet“, ndërsa në veri të Kosovës qytetarët me kombësi serbe nuk e njohin ekzistimin e shtetit të Kosovës. Bashkësia ndërkombëtare në Kosovë bën të njëjtën lojë sikur në Bosnjë-Hercegovinë. Qytetarëve u thonë se „krejt fajin për gjendjen tuaj e kanë politikanët“, ndërsa sa herë që ka ndonjë lëvizje qytetare, të shoqërisë civile apo dikujt tjetër, kundër atyre politikanëve, bashkësia ndërkombëtare bëhet krah i politikanëve vendorë. „nuk është se ne kemi ndonjë mendim të mirë për udhëheqësit tuaj në Kosovë. Por ne me ta mund të kryejmë punë“, pati thënë një diplomat i lartë i një shteti të BE-së.

Një mësim që duhet nxjerrë nga Bosnjë-Hercegovina është se bashkësia ndërkombëtare në Kosovë nuk bën ta lër punën në gjysmë. Kjo duhet të merret parasysh tash kur vendoset për pasardhësin e EULEX-it dhe kur NATO-ja mezi po pret të zvogëlojë numrin e ushtarëve në misionin e KFOR-it, ndërsa Shtetet e Bashkuara të Amerikës tashmë kanë reduktuar në minimum praninë e tyre në Kosovë, me përjashtim të misionit diplomatik. Duhet pasur parasysh edhe amerikanët që në Kosovë do të kenë një rol vendimtar edhe për shumë vjet dhe se BE-ja në Kosovë nuk do të jetë në gjendje të kryejë vetëm ndonjë punë pa amerikanët. Besimi se „perspektiva evropiane“ do t’i zgjidhë të gjitha problemet në Kosovë në këtë moment është një iluzion. Së pari, Kosova këtë perspektivë mund ta realizojë vetëm në një të ardhme të largët dhe së dyti BE-ja nuk është e vendosur në atë se çfarë do me Kosovën, por thënies se „Kosova e ka vendin në Evropë!“. Ja për shembull „suksesi më i madh i BE-së“, siç quhet, dialogu mes Kosovës dhe Serbisë në Bruksel, është më shumë rezultat i angazhimit Amerikan sesa i Baroneshës Ashton. Po të mos ishte mbështetja amerikane, zyrtarë të Qeverisë së Kosovës, sa për Baroneshën Ashton, as që do të niseshin nga Prishtina me avion për Bruksel. Dhe as secilit „kompromis“ me Serbinë para se të ktheheshin në Prishtinë prisnin deklaratat përshëndetëse të zyrtarëve amerikan, të cilat u shërbenin si një lloj arsyetimi para qytetarëve të cilët asnjëherë nuk e kanë parë me simpati këtë dialog.

Zhvillimet e fundit në Bosnjë-Hercegovinë dhe ngërçi politik në këtë shtet janë në një mënyrë edhe pasojë e mosangazhimit amerikan dhe lënia në dorë e tërë punës për BE-në. Këtë nuk duhet përsëritur në rastin e Kosovës ku puna e bashkësisë ndërkombëtare, si bashkëpjesëmarrëse në procesin e çlirimit të Kosovës dhe pavarësimit të saj, nuk është kryer ende.

http://www.koha.net/?page=1,9,174917

[Antiproanti]

Tagesspiegel

Edhe ne Sarajeve formohet forumi qytetar

Boshnjaket protestojne edhe me tutje kunder keqmenaxhimit ekonomik dhe vraferise- dhe zbulojne hapesira te reja per rilindje demokratike



Protestat ne Bosnje duket te cojne ne nje lloj pranvere ballkanike: spas shembullit te Tuzlles edhe Sarajeva tani ka vendosur formimin e Plenumit Qytetar.
Perfaqesuesit e Levizjes Demokratike dhe Protestuese kane ftuar per kete ne Universitetin e Sarajeves naten e merkure. Platforma Qytetare ne Tuzlla tashme disa dite se bashku me Parlamentin Kantonal kane perpunuar propozime per reforma politike. Edhe Plenumi ne Sarajeve do te organizohet permes mediave sociale si Facebook dhe te ofroje diskutime te hapura per te ardhmen e vendit, pak e ngjashme me Forumin e Ri ne RDGJ.

Do te kete moderim dhe vendim te shumices. ...

[Antiproanti]

Protesta antiqeveritare edhe në Podgoricë



Podgoricë, 15 shkurt - Policia malazeze është përleshur sot me një grup protestuesish që kanë bërë përpjekje të çajnë kordonin e policisë pranë ndërtesës së qeverisë në Podgoricë.

Demonstruesit kanë hedhur gurë në drejtim të policisë, e cila është përgjigjur me gaz lotsjellës.

Protesta është organizuar nga grupi në Facebook “Revolucion në Mal të Zi – të gjithë në rrugë”.

Ky grup ka bërë thirrje për protesta kundër qeverisë, të modeluara sipas zhvillimeve në Bosnjë, transmeton Rel .

Në Sarajevë dhe disa qytete të tjera vazhdojnë edhe sot protestat antiqeveritare.

http://www.koha.net/?page=1,15,175173