Qef o Qef Qe ben Dervishi.

[Brari]

o + ben+Q(ef +ef+e)=dervishi

Ja c'thot RD.
-------------------
Tirana, një monopol i Edit. Çdo pallat që ndërtohet, 25% i takon kryetarit

Rama firmos për 6 pallate 20 katëshe në qendër

Të gjitha sheshet për Edi Ramën. Me këtë moto kryetari i Bashkisë ka vendosur ta kthejë Tiranën në vendin ku ngrihen pallate shumëkatëshe me ngjyra verbuese. Demagogu Rama, i cili deri dje mbushte faqe të tëra gazetash kundër ndërtimeve shumëkatëshe, si ai i kullës Drini mu në mes të Tiranës, tani ka vendosur të bëjë ashtu siç ka sharë dhe kjo sepse ndërtuesit që e paguajnë mirë e bukur për çdo leje ndërtimi, e kanë zilepsur keq Edi Ramën.

"Ne do të ndërtojmë dhe nuk do të pyesim fare për vlerat patriotike, historike ose për gjepura të këtij lloji", është shprehur së fundi Edi Rama në takimin që pati me arkitektët dhe ndërtuesit.

Si në një dorë të hekurt, të gjithë lejet për ndërtim varen vetëm nga Edi R. , rrotull i vërtiten disa urbanistë dhe arkitektë, të cilët lëpijnë kockat që u hedh zotëria. Sipas të dhënave që jep vetëm kryetari, janë dhënë vetëm 6 leje ndërtimi për pallate shumëkatëshe, ndërsa të tjerat janë të zakonshme. Por pikërisht janë këto gjashtë grataçela, ato për të cilat një komunitet i tërë është kundër. Rama prezantoi si një projekt ambicioz ndërtimin e një pallati shumëkatësh, pikërisht aty ky sot ngrihet Teatri Kombëtar. Edi R. pretendoi se këtë e bënte që të ristrukturonte Teatrin Kombëtar, por pazaret me firmën e ndërtimit ishin të qarta, 25% i vlerës së objektit do të ishin pronësi e Ramës.

I denjë për një personazh të tipit alla Arturo Ui, Rama nuk lë t’i rrëshqasë asnjë pëllëmbë tokë, që është bosh në qendër të Tiranës. Pallate 20 katëshe do të ngrihen përpara kullës së Drinit, aty ku sot është një lulishte dhe deri dje ishin disa kioska. Demagogu Rama u lodh shumë duke rrahur gjoksin se po i kthente Tiranës gjelbërimin, por ai, si një Arturo Ui i vërtetë, po i jep qendrës së Tiranës pallatet 20 katëshe për hir të një ryshfeti përrallor.

"Trusti i Lulelakrës" tashmë është në duart e Ramës, pasi volli një thes me gjepura ndaj gjithë "bollshevikëve, talebanëve, ...", që po e pengonin në detyrën e tij "fisnike" për t’ia marrë ajrin Tiranës. Rama ka vendosur të bëhet ashtu si ata që ka sharë, të shkatërrojë kulturë dhe histori, ashtu siç bëjnë talebanët.

Mali i abuzimeve të kriminelit të urbanistikës, Edi R., është zbuluar vetëm në majën e tij. Një bashkëpunim i frytshëm për të shkatërruar Tiranën ka nisur midis Ramës dhe një ndërtuesi të njohur, Trebicka, i cili ndërton për hesapin e vet dhe atë të kryetarit.

Madje, me këtë ndërtues Rama do të shkatërronte godinën e Teatrit Kombëtar, për të përfituar sa më shumë nga hapësira prej 1600 metra katror ku ngrihet ai. Po me këtë ndërtues Rama kërkon që të shkatërrojë Milenium 1, ish–kinema "Republika", në të cilën u hodhën miliona para, për t’i bërë dava fushatës së kryetarit. Dhe aty Rama kërkon të ngrejë një pallat 20 katësh dhe lejet i ka dhënë sikur të ishte në mall të babait.



Kuçovë, shtohen familjet që po ushqehen me listë

Varfëria në familjet kuçovare ka arritur kulmin. Numri i lartë i familjeve që kanë pjesëtarët e tyre të papunë në këtë qytet, ka bërë që të jetë tejet e vështirë përballimi i jetesës. Janë mbi 10 mijë të papunë në këtë qytet, të cilët kanë pak mundësi financiare për të mbijetuar. Këtë e tregon numri i madh i familjeve që në këtë qytet jetojnë me përkrahje sociale. Kështu në qytetin naftëtar janë 1200 familje që prej vitesh jetojnë me ndihmë ekonomike. Pamundësia për të pasur një punë qoftë dhe e zezë bënë që shumë familje të ushqehen duke blerë me listë. Në çdo dyqan ushqimor në të gjitha lagjet e këtij qyteti ekzistojnë listat e gjata të borxhlinjve të varfër. Janë pronarët e dyqaneve ushqimore në qendër të qytetit që ankohen për listat e gjata të familjeve që blejnë gjithçka, duke mos paguar, por shënuar emrat në lista. Kjo ka bërë që në çdo dyqan shuma e parave e borxhlinjve ta kalojë shumën e 500 mijë lekëve pronarët e të cilëve presin t’i marrin nga borxhlinjtë e tyre. Marrin çdo gjë me listë, shprehet pronari i një dyqani në lagjen "1 Janari" të këtij qyteti, që nga buka, ushqimet e deri tek detergjentët, i cili nuk mund ta fsheh keqardhjen për këtë shtresë qytetarësh, të cilët nuk mund të mbulojnë dot shpenzimet e një muaji. Ndërsa familjeve buxhetore pagat u mjaftojnë vetëm për të mbajtur një familje të pakët në numër, familje me persona krejtësisht të papunë u duhet që në fund të muajit t’i drejtohen dyqaneve më të afërta për të blerë pa paguar. I paguajmë të gjitha borxhet kur marrim pensionet, shprehet një pensionist për gazetën "RD", pasi të ardhurat nuk janë të mjaftueshme për të mbajtur familjen. Por nuk janë vetëm dyqanet ushqimore që mbajnë listat e borxhlinjve me shpresën se do t’i marrin në fund të muajit, por dhe dyqanet e fruta-perimeve dhe atyre të veshjeve. Ky problem ka kohë që ka përfshirë qindra familje të cilët dhe pse i paguajnë borxhet në fund të muajit janë të bindur se muajin tjetër do të marrin sërisht borxhe. Ndërsa pronarët e dyqaneve dhe pse të pakënaqur nga borxhet e listave janë të gatshëm në çdo moment për të shitur veresie pasi kjo "epidemi" rëndon dhe mbi ta mbi biznesin e vogël që është thuasje në prag të falimentimit.

E. Azizolli



Kriza ekonomike në prag

Ekonomia ndodhet përpara një krize të rëndë, e cila do të reflektohet tek shqiptarët me rritjen e çmimeve dhe zhvlerësimin e të ardhurave të tyre. Specialistë të ekonomisë kanë lajmëruar mbi një rëndim të situatës ekonomike si pasojë e dështimit të privatizimeve në sektorin shtetëror që ka lënë të zbrazët arkën e shtetit, por dhe të krizës energjitike që ka shkatërruar prodhimin dhe ka rritur ndjeshëm importet. Treguesi i parë i degradimit ekonomik të vendit është rritja e çmimeve e produkteve ushqimore, por dhe atyre industrialë dhe nga ana tjetër zhvlerësimi i lekut. Monedha vendase sipas specialistëve do të vazhdojë të jetë nën presionin e valutave të huaja dhe duket se gjatë muajit të fundit dollari ka triumfuar mbi lekun. Por duket se në muajt në vazhdim inflacioni do të rëndojë edhe më shumë mbi ekonominë e varfër të shqiptarëve dhe do të kontribuojë në rritjen e papunësisë. Shumë qëndra prodhimi falë mungesës së energjisë dhe tarifave të larta doganore të lëndëve të para, janë detyruar të mbyllin aktivitetin e tyre. Sektori privat ka dhe numrin më të lartë të të punësuarve në vend dhe kjo shton rrezikun e rritjes së papunësisë.

Ndërkaq duket se titullarët e financave shqiptare nuk dinë të bëjnë gjë tjetër vetëm se premtojnë për shtime pagash edhe pse ajo është një shtesë modeste përpara firos që i ka shkaktuar lekut inflacioni. Islami, nxitoi të siguronte shqiptarët se falë riprogramimit të buxhetit, do të vendoseshin nën kontroll të gjithë treguesit ekonomikë. Por duket se as shpresat për një turizëm të mbarë dhe as treguesit optimistë të prodhimit bujqësor nuk e shpëtojnë vendin nga një tjetër krizë e rëndë ekonomike.

B. K.

-------------------
AGASI...jo ai Tenisti i famshem por Agas-krokodili.Ja c'thot Ai.

Ministri i Shtetit për Integrimin injoron Rezolutën e Parlamentit Europian

Bello: Nuk pyesim për BE

"Bashkimi Europian dhe Parlamenti Europian nuk na imponojnë mënyrën e zgjedhjes së Presidentit"

Ministri i Shtetit për Integrimin, Marko Bello, pranon se zgjedhja e Presidentit konsensual është kushti kryesor për hapjen e negociatave për Marrëveshjen e Stabilizim-Asociimit të Shqipërisë me Bashkimin Europian, ndërsa ka theksuar se kjo nuk i imponon siocialistëve mënyrën e zgjedhjes s ë presidentit. Gjithësesi, Bello konkludon se deklarata e Këshillit të Ministrave të Bashkimit Europian nuk duhet parë me pesimizëm.

Ndonëse qëndrimi i ndërkombëtërëve është fare i qartë për kushtëzimin e hapjes së negociatave për Marrëveshjen e Stabilizim-Asociimit me përmbushjen e rekomandimeve të ODIHR për reformën elektorale dhe me domosdoshmërinë e një Presidenti konsensual për Shqipërinë dhe shqiptarët, ministri shqiptar i Integrimit përpiqet t’i anashkalojë problemet, duke e konsideruar Këshillin e Ministrave të BE strukturë jo vendimmarrëse.

"Këshilli i Ministrave i BE nuk është strukturë vendimmarrëse, por jep vetëm konstatime",-tha dje zoti Bello për mediat. Kësisoj, ministri i Shtetit për Integrim nuk sheh tone të ashpra as në deklaratën e Këshillit të Ministrave të BE të dy ditëve më parë dhe as në Rezolutën që miratoi dje Parlamenti Europian, nëpërmjet së cilës Shqipërisë i vihen kushte të prera në shkëmbim të hapjes së negociatave për Marrëveshjen e Stabilizim-Asociimit.

Por me gjithë tonet pozitive që përpiqet t’u japë këtyre dokumentave të ndërkombëtarëve, "Padyshim zgjidhja e Presidentit ndikon, jo se BE interferon në punët e brendshme të Shqipërisë, duke i imponuar asaj zgjedhjen e Presidentit, por ndjek me dashamirësi dhe njëkohësisht me vëmendje zgjedhjen e Presidentit në atë kuptim që Presidenti duhet zgjedhur pa krijuar tension politik",-tha Bello. Sipas tij, gjithçka që i intereson Bashkimit Europian është ruajtja e një qetësie, të një stabiliteti politik që parlamenti të mos shkrihet për shkak të krizës presidenciale.

H.RAMA



PS deklarohet kundër kushtit kryesor të rezolutës së PE

Agasi: Presidenti do të jetë socialist



"Presidenti i ardhshëm nuk diskutohet që do të jetë nga PS, pasi, ajo ka elektoratin dhe mbështetjen më të gjerë në parlament"



Poçi: Nano është një nga kandidaturat e mundshme të PS për president



Sekretari për Marrëdhëniet Publike në PS, Bardhyl Agasi deklaroi dje se presidenti i vendit do të dalë nga rradhët e socialistëve duke injoruar kështu një nga rekomandimet kryesore të Parlamentit Europian për një presidenti konsensual. "Presidenti i ardhshëm nuk diskutohet që do të jetë nga PS, pasi, ajo ka elektoratin dhe mbështetjen më të gjerë në parlament", tha Agasi.

Duke mos besuar se deputetët e PS-së janë aq "zemërgjerë", sa t’ua japin votat e tyre kandidaturave të partive më të vogla për postin e presidentit, sekretari për Marrëdhëniet me Publikun në PS shpreh keqardhjen e tij lidhur me idenë e hedhur nga katharsistët, të cilët insistojnë në qëndrimin që Presidenti i Shqipërisë të mos jetë kryetari i Partisë Socialiste, Fatos Nano, por një grua.

"Personalisht shpreh keqardhjen time, që ne dalim akoma me grupe të veçanta brenda partisë sonë", - tha Agasi. Sipas tij, forumet e partisë, Kryesia e partisë, do të paraqesë alternativën dhe KPD-ja do të përcaktojë pastaj me votim të fshehtë kandidaturën për president. Për sekretarin socialist të Marrëdhënieve me Publikun, nuk është mirë që të deklarohen emra nga grupe të veçanta apo individë të veçantë.

Kundër grupit që përfaqëson të ashtuquajturën lëvizje për katarsis në PS është deklaruar dje edhe anëtari i Kryesisë së kësaj partie, Spartak Poçi. Kontradiktor me qëndrimet e disa ditëve më parë, kur kishte deklaruar se Nano nuk është figurë konsensuale as brenda PS, Poçi ka shprehur dje mbështetjen për kandidaturën e kryetarit të PS-së për president të Republikës. Poçi e ka konsideruar dje Nanon një nga kandidaturat e mundshme të PS për postin e presidentit të Republikës.

H.RAMA

------------
Pak Histori...

Ja c'me ka treguar nje mik per AGASIN.

Ishte fushata zgjedhjeve per deputet.
AGASI ishe kandidat i PS ne zonen x ne qytetin Y .
Nji Parti e vogel gjithashtu kishte shpallur si kandidat te vetin ne nji zon te qytetit nji Mjek i cili nuk ishte aktivizuar kurre me pare me ndonji parti politike. Mjeku, nji njeri humanist teperi njohur nuk bente fare fushate ne popull per arsye sepse Ate e njihnin te gjithe e nuk donte te konfrontohej me politikanet e tjere te Qytetit te cilet dhe i njihte personalisht. Mjeku i kalonte ditet ne sherbim te pacienteve te tije te shumte dhe gjente pak kohe te pinte nga njihere nji kafe me miqte e tije te shumte ne nji kafene te thjeshte te Qytetit.
Nji dite ndodhi nji dicka e papritur. Mjeku vjen ne kafenen e zakonshme jo si here te tjera i qeshur e me humor por i zverdhur ne fytyre..
-Cke keshtu ...e pyesin miqt e tij te dashur. Cte ka ndodhur Doktor???

-Me bini nji kafe shpejt ketu.. thot ai.. sa te mar veten se nuk jam mire..
Me vrap miqt ja bien kafen e nji teke fernet dhe po presin cdo thote Doktorri.
Doktorri thote ..A e njifni ju Bardhyl Agasin..???
-POOOOOO ... thon miqte si nuk e njohim ..Drejtori i pallatit te Kultures eshte dhe kandidat i Socialisteve per deputet..
-E dime gjithashtu ..tha njeri nga miqte.. qe Ju Doktorr keni vizituar dhjetra here e ja keni shpetuar jeten prinderve te tije ..etj etj ..
-Po tha Doktorri kam qene mjeku i familjes se Agasve dhe i kam sherbyer vite me radhe..por...njerzit qenkan te cuditshem..
-Si eshte ceshtja Doktorr..i than miqte e shqetsuar..mos i ka ndodhur gje atyre..
-Jo tha Doktorri por jam i shokuar sepse vet Bardhyl Agasi me ka dal sot perpara dhe me ka uleritur..si bishe duke me thene..
- Degjoooo Doktorr hiq dore nga kandidimi per deputet se perndryshe do te te ve dinamitin ne shtepi e do te te hedh ne ere me gjithe lecka..more vesh apo jo..
Uaaaaaaaaaauuuu ... thirren miqte e Doktorrit ...e pamundur te arrij njeriu ketu... dhe ...heshten te tmerruar.



Ky eshte Sekretari i PS-se Bardhyl AGASI..nji perbindesh i tmershem..i vecante ne llojin e tije..
Ja ne dore te kujt ka rene Shqiperia..

shenimi im..
..Mjeku ne fjale eshte ndoshta i vetmi Mjek ne Shqiperi qe kurre nuk ka pranuar LEKE nga pacientet e tije.. Ai vazhdon te jete nji humanist i madh.
Ai kurre ska cfaqur urrejtje me gjith 10 vitet burg ne kohen e PPSH-se. Burgun e beri per nji llaf goje dhe arrestimin dhe fabrikimin e akuzes ja beri i vellai i Servet Pellumbit..Sigurimsi famekeq Lirim Pellumbi.)

Tung.