Banda e Tritolit: Atentati ndaj Ardian Kollozit u pagua 7500 euro

[Albo]

Rrëfimi i Sinanit. Atentati ndaj Kollozit u pagua 7500 euro


[iArdian Kollozi, Pallati në Vlorë ku banon Ardian Kollozi[/i]

I arrestuari nga policia si vrasës me pagesë: “Më thanë që duhet ta trembja”. Bosi i naftës që do vritej, u paralajmërua me tritol.

Rrëfehet vrasësi: Te pallati i Ardian Kollozit piva kafe edhe pas eksplozivit, që të mos bija në sy.

Julian Sinani: Më thanë që duhej ta trembja, mora 7500 euro.

Eksplozivi i vendosur në derën e apartamentit të kreut të Partisë Demokratike të Vlorës, Ardian Kollozi, kishte si qëllim vetëm trembjen e tij, por jo vrasjen.
Edhe kjo ngjarje e ndodhur më 1 qershor të vitit të kaluar mban firmën e vrasësit me pagesë Julian Sinani, por kësaj here nuk ishte porositur për ta vrarë, por thjesht për ta trembur. “Më thanë që të zgjidhja një sasi të vogël tritoli për Kollozin, që të mos shkaktonte shumë dëme. Por më theksuan që ai nuk duhej vrarë”, ka treguar Sinani para hetuesve. Ashtu si edhe në rastet e tjera, as për këtë ngjarje 32-vjeçari nuk ka qenë në dijeni të motivit, por thjesht e kanë paguar dhe ai ka realizuar shpërthimin.

Më tej Julian Sinani ka treguar se pasi ka ndodhur shpërthimi me eksploziv në apartamentin në katin e dhjetë ku banonte Kollozi dhe pasi porositësi është siguruar se ai nuk kishte vdekur, ka marrë shumën e premtuar, 7500 euro. Gjithashtu i arrestuari ka shpjeguar edhe rrethanat se si e ka kryer krimin dhe si ka vepruar që të sigurohej për të mos e zbuluar njeri.

VEZHGIMI
Julian Sinani ka treguar para hetuesve se për vendosjen e eksplozivit në apartamentin e Ardian Kollozit ishte porositur në mesin e muajit maj të vitit të kaluar. Ndërsa si datë se kur do ta kryente shpërthimin, porositësit i kishin caktuar datën 1 qershor. Sinani ka treguar se që pas marrjes së kësaj porosie, të gjitha paraditet i kalonte në lokalin poshtë shtëpisë së Kollozit. Nga aty ai kontrollonte lëvizjet e objektivit, fiksonte oraret se kur vinte dhe kur dilte nga shtëpia për të gjetur momentin e përshtatshëm për të kryer krimin.

Gjatë këtyre ditëve, para se të kryente shpërthimin, 32- vjeçari ka kontrolluar nëse kishte apo jo kamera sigurie të vendosur përreth, në ndonjë banesë apo biznes privat, në mënyrë që të mos zbulohej pas ngjarjes. Pasi është siguruar që nuk kishte se si të identifikohej, ka arritur të realizojë “punën” e tij të radhës.

EKSPLOZIVI
Edhe për eksplozivin e vendosur në banesën e kreut të Partisë Demokratike të Vlorës, Julian Sinani ka rrëfyer së është porositur nga Andon Mëhillaj, i njohur edhe me emrin Erjon. Sipas deklarimeve të tij, vendosja e minës në derën e shtëpisë së Kollozit nuk është se kishte ndonjë motiv të qartë, por thjesht i ishte thënë se duhej një ngjarje e tillë për të shkaktuar panik në prag të zgjedhjeve.

Pasi ka siguruar sasinë e tritolit nga bashkëpunëtori i tij Neritan Gj. dhe e ka lidhur me celularin e detonatorin, Sinani është bërë gati për të kryer krimin. Mesnatën e datës 31 maj 2013 ai ka dalë nga shtëpia e tij dhe është drejtuar për te pallati ku banonte familja Kollozi. Ai është ngjitur në katin e dhjetë, ku ndodhej banesa e objektivit rreth orës dy pas mesnate.

Tritolin e ka vendosur pranë derës së apartamentit dhe ka nxituar të zbresë poshtë. Më pas, sapo ka bërë hapat e parë larg hyrjes së pallatit, ai ka aktivizuar me celular minën. Ka shkuar në shtëpi për të fjetur dhe të nesërmen paradite sërish e ka pirë kafen tek i njëjti lokal poshtë shtëpisë së Kollozit, për të mos rënë në sy si i dyshuar te personat që e kishin parë çdo ditë aty.
ETLEVA DELIA

Panorama

[goldian]

vend i frikshem
ky Person duhet eleminu sa me pare qe te marrin vesh dhe tjeret
nuk eshte i vetmi killer me pages jo