Qeveria e Rilindjes alarmon BE, emeron ish-kreun e muslimaneve ambasador ne Arabi

[Albo]

Ditmir Bushati alarmon BE-në!


TIRANE - Deputeti socialist Ben Blushi ka debatuar ashpër para dy ditësh në Komisionin e Jashtëm me propozimin e emrit të Ermir Gjinishit, si ambasador në Arabinë Saudite, i cili deri para disa kohësh ka qenë numri dy i Komunitetit Mysliman. Duke bërë sërish veçim nga qëndrim i krahut të tij politik, Blushi ka nënvizuar në qëndrimin e Gjinushit deklaratën e tij pro mbajtjes së shamive në shkolla, që sipas tij, është refuzimi i shtetit laik. “Ai ka mbajtur disa qëndrime që për hir të vërtetës ka rëne ndesh me parimin e laicitetit të shtetit shqiptar.

Pyetja ime është se, a mendon Ministria e Jashtme se njërës që vijnë me këto pikëpamje në shërbimin diplomatik, si nëpunës të shtetit, e cënojnë misionin që kanë marrë përsipër apo jo? Refuzoj të them se çfarë mendoj vetë, tha Blushi.

Kjo ka qenë pyetja retorike dhe kërkesa e njërit prej figurave emblematike te socialistëve. Emërimet e fundit klienteliste tregojnë politizimin e këtij institucioni, i cili është kthyer në një çerdhe të pa aftësh, servilësh dhe vazhdues të politikanëve komunist.

Sipas ligjit dhe për emërimet në diplomaci, është parashikuar që një përqindje e caktuar e ambasadorëve të vijnë nga politika dhe pjesa tjetër nga karriera diplomatike. Futja ne diplomaci e politikanëve që deri dje kanë redaktuar veprat e institutit të studimeve marksiste- leniniste, apo atyre që e konsideronin natën si xhandarin e botës janë shembulli më i keq dhe mashtrimi më i madh që i bëhet demokracisë dhe vendeve europiane. Emërimet e Ministrit Bushati, jo vetëm që janë një turp për shtetin laik, por dhe një goditje për të gjithë ata që burgosën dhe torturuan njerëzit e fjalës së lirë.

Lidhjet e tij personale, tradicionale të paradhomave të Hoxhës dhe Alisë, nuk mund ta vazhdojnë edhe pas 25 vjetësh dhe e mbajnë peng integrimin e Shqipërisë në Europë. Dje ministri Bushati deklaroi se ka drejtuar në prokurori vajzën e Ali Spahisë dhe vëllain e Topallit. Nga njëra ane, mirë ka bërë dhe se është detyrim institucional që hajdutët dhe shkelësit e ligjit të përballen me drejtësinë. Por , çështja shtrohet se a janë të gjithë të barabartë përpara ligjit?

Si ka mundësi që një pjesë e familjareve të shumëpërfolur nga vet Bushati- kur ishte në opozitë- vazhdojnë të jenë sërish në Ambasada. Po emërimet e fundit nepotike të familjarëve të pushtetarëve të rinj si në ministri ashtu dhe ne ambasada mbi çfarë bazash janë bërë. Dështimi i integrimit të vendit dhe përplasja në surrat që Europa i beri vendit, tregojnë se, Bushati më shumë ngjajnë me shkelësit që lidhin ndonjë martës nga njëri fshat në tjetrin se sa me vlerat e një diplomati që do të lerë gjurmë.

Akuzat e turpshme të politikës tonë të jashtme se, ne na bllokuan se ne jemi vend mysliman… është një idiotësi dhe pa pjekuri, që vet Bushati e ka ushqyer deri sa nuk doli ta përgënjeshtronte me të madhe. Po t’i shtojmë edhe emërimin e një ambasadori që vjen nga krerët e një Komuniteti Mysliman, kemi shumë të drejtë të mendojmë se ky emërim është një karshillëk i hapur për vendin që dëshiron të integrohet në BE. Për këto dhe shumë dështime të tjera që kanë të bëjnë me ekstremizmin e theksuar dhe heshtin për grabitjen e lumenjve, ministri Bushati ka humbur e drejta e perfaqësimit të shqiptarëve nëpër botë.

(telegraf/BalkanWeb)

[Albo]

Blushi kundër ambasadorit të Ramës: Shkeli shtetin laik

Deputeti i PS konteston kandidatin, e mbështesin Dade e Dokle

Deputeti i PS: Ka qenë partizan i shamive nëpër shkolla

Deputeti i Partisë Socialiste, Ben Blushi, si dhe anëtarë të tjerë të maxhorancës në Komisionin e Jashtëm, dolën dje kundër propozimit të Kryeministrit Edi Rama dhe ministrit të Jashtëm, Ditmir Bushati, për emërimin e ambasadorit Ermir Gjinishi në Arabinë Saudite.
Socialisti Blushi tha se propozimi i Ministrisë së Jashtme vjen jo nga shërbimi diplomatik dhe se Gjinishi, i cili ka mbajtur postin e nënkryetarit të Komunitetit Mysliman, ka shkelur parimet kushtetuese të shtetit laik. Sipas socialistit, Ermir Gjinishi ka qenë një partizan i futjes së ferexheve në shkolla, në një kohë që Shqipëria në Kushtetutë sanksionohet si shtet laik. “Ne nuk kemi mundësi ta vlerësojmë zotin Gjinishi në performancën e vet në shërbimin diplomatik, sepse ai nuk e ka bërë ndonjëherë këtë punë. Çështja është që në disa raste unë e kam ndjekur aktivitetin e tij publik. Ai ka mbajtur disa qëndrime që, për hir të së vërtetës, kanë rënë ndesh me parimin e laicitetit të shtetit shqiptar. Shqipëria është shtet laik dhe kjo është e sanksionuar në Kushtetutë. Dhe pyetja ime është, sigurisht që mund të kemi mendime të ndryshme për laicitetin e Shqipërisë; Unë mendoj që Shqipëria duhet të vazhdojë të jetë shtet laik, zoti Gjinishi ka pretenduar të kundërtën. Pyetja ime është që: a mendon Ministria e Jashtme që njerëz që vijnë me këto pikëpamje në shërbimin diplomatik, si nëpunës të shtetit, e cenojnë misionin që ka marrë përsipër, apo jo?!”, u shpreh Blushi. Ndërkohë që gjatë replikës kandidati për ambasador në Arabinë Saudite ka thënë se: “Të gjithë debatet e mia për një periudhë deri para 2009-s kanë qenë të orientuara në hapësirat që krijon shteti laik, në ushtrimin dhe në të drejtat e njeriut. Në qoftë se mund dhe të ma kujtoni… S’kam refuzuar kurrë shtetin laik”. Ndërkohë që Blushi iu drejtua duke thënë: “Keni qenë partizan i futjes së shamive nëpër shkolla, apo jo? Bie ndesh me parimet e shtetit laik”. Ndërkohë që kritika janë adresuar dhe nga kryetarja e Komisionit, Arta Dade, e cila tha se kandidati për ambasador në vendet ku është emëruar, duhet të përfaqësojë politikat e Shqipërisë dhe jo bindje të caktuara fetare. Ndërsa, deputeti tjetër i PS-së, Namik Dokle, pasi vlerësoi dy emërimet, Ilir Boçkën në Serbi dhe Pëllumb Qazimin në Slloveni, tha për kandidatin Ermir Gjinishi se nuk ka asnjë njohuri për aktivitetin e tij. Ndërsa sekretari i Përgjithshëm i Ministrisë së Jashtme, Qirjako Qirko, theksoi se Ermir Gjinishi është përzgjedhur për shkak të arsimit dhe njohjes së kulturës së vendeve arabe. “Dhe, në qoftë se në të kaluarën mund të ketë pasur ndonjë shprehje, dhe unë nuk e kam parasysh atë shqetësim që ngritët ju, por patjetër pozicioni i ri të detyron të veshësh një kostum të detyruar për ta mbajtur”, tha Qirko.

Emrat
Kaluan dje

1. Ilir Boçka- emërohet ambasador në Serbi, rezident

2. Pëllumb Qazimi- emërohet ambasador në Slloveni, rezident

3. Ermir Gjinishi- emërohet ambasador në Arabinë Saudite, rezident, si dhe ambasador jo rezident në Mbretërinë e Bahrejnit dhe në Sulltanatin e Omanit dhe Republikën e Jemenit.

Janë propozuar nga Ministria e Jashtme

Petrit Bushati- propozohet ambasador në Maqedoninë

Qemal Minxhozi- propozohet ambasador në Kosovën

Ardian Ndreca – propozohet ambasador në Vatikan

Debati në Komision
Arta Dade: Zoti Gjinishi është një kandidaturë jashtë sferës së diplomacisë. Dua t’ju them që duhet të bëni përpjekje maksimale, sepse sigurisht nuk do të jeni më përfaqësues i Komunitetit Mysliman, duke qenë që detyra juaj kryesore ka qenë e lidhur ngushtësisht me këtë detyrë që keni kryer deri tani. Sepse, marrëdhëniet mes shteteve, përtej faktit që mund të jenë të një besimi të caktuar, pa dyshim janë marrëdhënie ndërshtetërore dhe të shkëputura nga lidhjet apo marrëdhëniet në një fe të caktuar.
Ben Blushi: Dua të përgëzoj Ministrinë e Jashtme për zgjedhjen e dy kandidatëve, të cilët kam pasur rastin t’i njoh personalisht, zotin Qazimi dhe Boçka. Ne nuk kemi mundësi ta vlerësojmë zotin Gjinishi në performancën e vet në shërbimin diplomatik, sepse ai nuk e ka bërë ndonjëherë këtë punë. Çështja është që në disa raste unë e kam ndjekur aktivitetin e tij publik. Ai ka mbajtur disa qëndrime që, për hir të së vërtetës, kanë rënë ndesh me parimin e laicitetit të shtetit shqiptar. Shqipëria është shtet laik dhe kjo është e sanksionuar në Kushtetutë. Dhe pyetja ime është, sigurisht që mund të kemi mendime të ndryshme për laicitetin e Shqipërisë; Unë mendoj që Shqipëria duhet të vazhdojë të jetë shtet laik, zoti Gjinishi ka pretenduar të kundërtën. Pyetja ime është që: a mendon Ministria e Jashtme që njerëz që vijnë me këto pikëpamje në shërbimin diplomatik, si nëpunës të shtetit e cenojnë misionin që ka marrë përsipër apo jo?! Pavarësisht se në çfarë shteti ata do ta ushtrojnë funksionin e tyre. Pra, pyetja do të ishte, a mund të ishte zoti Gjinishi ambasador në Zvicër, Londër, në Kinë? Dhe refuzoj të them se çfarë mendoj vetë, e kam vetëm si pyetje dhe shpresoj që zoti Gjinishi i ka korrektuar pikëpamjet e veta për shtetin shqiptar.
Qirjako Qirko: Unë besoj që gjithkush që merr këto përgjegjësi, di mirë politikën e shtetit shqiptar, di mirë pozicionin e ambasadorit në këto vende. Dhe, në qoftë se në të kaluarën mund të ketë pasur ndonjë shprehje, dhe unë nuk e kam parasysh atë shqetësim që ngritët ju, por patjetër pozicioni i ri të detyron të veshësh një kostum të detyruar për ta mbajtur.
Ermir Gjinishi: Përveç angazhimeve të mia, gjithmonë kam qenë i predispozuar të ushtroj të gjitha liritë dhe të drejtat e individit të garantuara në Kushtetutën e vendit tim dhe në konventat ndërkombëtare. Nuk e di se cilit rast i referoheni, unë nuk mbaj mend ndonjëherë të kem refuzuar shtetin laik. Të gjitha debatet e mia kanë qenë për një periudhë deri para 2009-s, kanë qenë të orientuara në hapësirat që krijon shteti laik, në ushtrimin dhe në të drejtat e njeriut. Në qoftë se mund dhe të ma kujtoni… S’kam refuzuar kurrë shtetin laik.
Ben Blushi: Keni qenë partizan i futjes së shamive nëpër shkolla, apo jo? Bie ndesh me parimet e shtetit laik.
Ermir Gjinishi: Është ndryshe të thuash ke refuzuar shtetin laik dhe është ndryshe të tentosh të krijosh hapësira…
Ben Blushi: Shteti laik ndërtohet mbi bazën e disa principeve, apo jo?!… Të mos bëjmë debat se…
Arta Dade: Ishte një shqetësim që dhe unë e shpreha që në fillim. Unë besoj që me detyrën e re ju do ta shkëpusni veten nga detyrat që keni pasur më parë, sepse pa dyshim që diplomacia duhet të qëndrojë mbi të gjitha çështjet që i ndajnë njerëzit në bindje fetare apo dhe në kategori të tjera. Ju do të jeni përfaqësuesi i shtetit shqiptar dhe sigurisht në marrëdhënie dypalëshe, nuk ka të bëjë nëse ju, në periudha të veçanta të jetës, keni pasur një aksent më të fuqishëm në shërbimin që keni kryer për një komunitet të caktuar.
Namik Dokle: Duke shprehur të njëjtin mendim për paraqitjen e zotit Boçka, unë e kam njohur në punë e sipër në disa momente. Dhe, po ashtu dhe zotin Qazimi, që disa detyra na kanë bashkuar dhe i njoh si njerëz korrektë e të denjë për të kryer detyra shtetërore dhe njerëz të ndershëm mbi të gjitha. Për këta të dy unë kam vlerësimet maksimale, ndërsa për kandidaturën e tretë nuk kam asnjë njohje, përveç asaj që lexova në CV, kështu që nuk mund të flas më gjatë.

Deputeti i LSI: Të mos shkarkohet Çejku, ose do kërkoj largimin e Bushatit

Deputeti i LSI-së në Komisionin e Jashtëm, Përparim Spahiu, doli dje kundër propozimit të qeverisë dhe propozimit të saj për të emëruar si ambasador në Maqedoni Petrit Bushatin. Përparim Spahiu u shpreh se qeveria “Rama” nuk duhet të shkarkojë ambasadorin aktual në Maqedoni, Arben Çejku. Spahiu theksoi se ai ka bërë një punë shumë të mirë, ndaj, për këtë arsye, nuk duhet të shkarkohet nga detyra. “Unë propozoj që ambasadori i Maqedonisë të mos shkarkohet nga detyra. Sepse ka bërë një punë mjaft të mirë”. Gjatë diskutimit, kryetari i PR-së Fatmir Mediu tha se deputeti i LSI-së mund të kërkojë dhe shkarkimin e ministrit Bushati. “Unë kam hall se do kërkosh dorëheqjen e ministrit të Jashtëm nesër”, theksoi Mediu. Ndërsa deputeti Spahiu tha se do ta kërkonte dhe dorëheqjen nëse nuk do pranohej kërkesa e LSI. “Në qoftë se bën, do e kërkoj”, theksoi Spahiu. Ndërsa për kryetaren e Komisionit të Jashtëm, Arta Dade: “Po pse mos ta shkarkojmë? Ato s’janë punët tona. Por i ka kaluar mandati, unë them që ka mbi 4 apo 5 vjet. Do ta ngarkojmë me një punë tjetër, meqë ju mendoni se ka bërë një punë të mirë”. Në Komisionin e Jashtëm, veç Petrit Bushatit si ambasador në Maqedoni, është propozuar dhe Qemal Minxhozi si ambasador në Kosovë dhe Ardian Ndreca, ambasador në Vatikan. Për këto propozime, ish-ministri Aldo Bumçi tha se ministri Bushati ka nxjerrë në listë pritjeje 52 diplomatë karriere me 20 vjet eksperiencë, ndërkohë që propozon kandidatura jashtë shërbimit diplomatik.

FATION BINJAKU

Panorama

[Mike Oldfield]

Pas Gjinishit, Blushi konteston Ndrecën si ambasador në Vatikan

5 Shkurt 2014 | : Kryesoret,Politikë | Autor: Herion Mesi

DIPLOMACIA

Pro Minxhozit dhe Bushatit, Islami: Fyeu Nishanin si President
HERION MESI

Kandidatura e Ardian Ndrecës në Vatikan has kundërshtime nga të dyja kampet e politikës. Kundër këtij emri janë shfaqur dy deputetët Ben Blushi i PS-së dhe Kastriot Islami i PD-së. Komisioni i Politikës së Jashtme shqyrtoi kandidatët e paraqitur nga Ministria e Punëve të Jashtme për ambasadorë; Qemal Minxhozi në Kosovë, Ardian Ndreca në Vatikan dhe Petrit Bushati në Maqedoni. Të tre kandidatët thanë se do ta përmbushin me devotshmëri detyrën dhe se përparësi për ta mbetet bashkëpunimi dhe eurointegrimi i Shqipërisë. Ndërkohë, anëtarët e opozitës akuzuan qeverinë “Rama” se është duke cenuar Shërbimin e Jashtëm, nëpërmjet emërimit të ambasadorëve politikë. Ish-ministri i Jashtëm, Aldo Bumçi, tha se nga 11 kandidatura të sjella nga Ministria e Jashtme gjatë këtyre 4 muajve, 6 prej tyre janë kandidatura politike.

Ndreca

Gjatë mbledhjes së djeshme, vëmendja e ligjvënësve të Komisionit të Jashtëm u përqendrua te prezantimi i kandidatit për ambasador pranë Selisë së Shenjtë në Vatikan, Ardian Ndreca, ku vërejtjet kryesore u bënë nga deputetët Ben Blushi i PS-së dhe Kastriot Islami i PD-së. Nga ana e tij, Blushi kërkoi sqarime nga Ndreca për përdorimin e dialektit geg të gjuhës shqipe në shkrimet e tij, të cilat ishin përfshirë në dosjen e vet, duke i kujtuar se shteti në simbolet e tij ka flamurin dhe gjuhën standarde. “Zoti Ndreca foli për republikën që është sanksionuar edhe në Kushtetutë. Por Kushtetuta ka edhe sanksione të tjera, siç është edhe gjuha letrare. Ju edhe në CV tuaj keni shkruar në gegnisht. Pa shqipen, Shqipëria s’do të kishte qenë. Ka 40 vjet që është caktuar një normë. Unë e pëlqej gegnishten për ta fol, por jo për ta përdorur si normë. Besoj se me akademik të sërës suaj ia vlen që të bëhet ky debat”, tha Blushi, i cili në vërejtjen e tij iu referua seancës dëgjimore të javës së kaluar me kandidatin Ermir Gjinishi për ambasador në Arabinë Saudite, ku theksoi se ishte paragjykuar si njeri kundër islamit. “Shkrimet janë jo zyrtare dhe se në punën zyrtare do të përdorë gjuhën zyrtare, madje pa gabime, jo siç mund të ketë ndodhur me ndonjë dokument zyrtar që kam marrë në të shkuarën”, tha Ndreca në përgjigje të interesimit të deputetit socialist. Kurse deputeti demokrat, Kastriot Islami, i lexoi ndryshe shkrimet e Ndrecës, që kishin të bënin me kritikat e tij ndaj Presidentit të Republikës, Bujar Nishani, teksa e akuzoi atë për shkelje të etikës dhe se ai është në konflikt moral me Presidentin. “Zoti Ndreca e ka quajtur Presidentin ulok moral. Ka shkelur etikën. Mua më duket se zoti Ndreca la konflikt interesi moral me Presidentin e Republikës”, tha Islami. Por kandidati Ndreca, tha se përdorimi i gjuhës së ashpër ndaj kreut të shtetit ka ardhur nga mospërputhja që vërente kur një President merrte këshilltar një monark, duke iu referuar këshilltarit që dje dha dorëheqjen, Naltmadhnisë së Tij, Leka Zogu i Dytë. “Mua më është dukur kakofoni, që Presidenti të merrte për këshilltar një pjesëtar të monarkisë. Roli i intelektualit duhet të jetë kritik. Nuk është në rolin tonë të lëvdojmë palët politike, por me të njëjtin vrull dhe me koherencë totale kam kritikuar edhe qeverinë socialiste të Nanos”, tha Ndreca.

[Mike Oldfield]

Ndreces i them si provincial qe je beji me dije "tutoreve" te tu atje ku jeton prej vitesh se, SHQIPERIA DO TE RIBEHET MBRETERI dhe ajo do te mbylle perjete endrren e madhe te atyre qe po te katapultojne ne ambasador, pasi te kane ushqyer me helm dhe ti e ke pranuar ta besh ate "paktin me djallin"por dije se heret a vone do te tradhetoje......

[Albo]

Ambasadorët, Dade: Jo më emra nga Qeveria në Kuvend pa ardhur struktura

Kryetarja e komisionit te politikes se jashtme, Arta Dade dhe ministri Ditmir Bushati

Flet kryetarja e Komisionit për Politikën e Jashtme.

“S’mund të vazhdohet me ambasadorë që vijnë jashtë shërbimit, duhen konsulta me Presidentin”

Kryetarja e Komisionit për Politikën e Jashtme Arta Dade, në një intervistë për “Panorama” shprehet se nuk do të pranojë më kandidatura për ambasadorë në këtë komision pa pasur më parë strukturën e re të shërbimit diplomatik. Nisur nga kandidaturat e debatuara në këtë komision, Dade shprehet se nuk mund të paraqiten kandidatura që vijnë jashtë shërbimit, ndërsa tha se është thirrur në një takim nga presidenti i Republikës për këtë problematikë.

Zonja Dade, në Komisionin e Jashtëm pati një debat për disa nga kandidaturat për ambasadorët e rinj. Cili është qëndrimi juaj për këtë debat?
Dua të përshëndes pikësëpari të gjithë anëtarët e komisionit, si të maxhorancës edhe ata të opozitës, të cilët kanë manifestuar përgjegjshmëri në të gjitha seancat dëgjimore për të gjithë kandidatët për ambasadorë në Komisionin e Politikës së Jashtme. Komisioni nuk ka një rol vendimmarrës, por konsultativ dhe i përcjell vlerësimet për kandidaturat te Presidenti, i cili firmos për ta si përfaqësuesi më i lartë i politikës së jashtme të shtetit. Për këtë arsye, vlerësimet për dëgjesat hartohen me përgjegjësi dhe vërtetësi dhe, unë, si kryetare e Komisionit të Jashtëm, edhe në këtë aspekt udhëhiqem nga ligji për shërbimin e jashtëm. Sigurisht në këtë Komision ka personalitete të spikatura të politikës dhe diplomacisë, përveç faktit që është një komision shumë i rëndësishëm për politikën e jashtme të shtetit shqiptar, por është një komision që tenton të funksionojë jashtë dhe larg politikave partiake dhe funksionojnë si një ekip për të ofruar një shërbim diplomatik, që udhëhiqet nga interesat madhorë të vendit.

Ka pasur disa kandidatura si ajo e zotit Gjinishi, i cili është cilësuar me profil të spikatur islamik, i propozuar si ambasador në Arabinë Saudite dhe zoti Ndreca në Selinë e Shenjtë të Vatikanit, një qytetar shqiptar me pasaportë italiane. A kemi një nonsens për përmbushjen e misionit të tyre?
Për zotin Gjinishi pati rezerva që u pasqyruan edhe në media. Në fakt, rezervat nuk u shprehën vetëm nga zoti Blushi, por edhe nga përfaqësues të tjerë të maxhorancës. Ju e keni dëgjuar interpretimin e dhënë nga përfaqësuesi i Ministrisë së Jashtme, mbi arsyet pse është avancuar zoti Gjinishi si kandidaturë, dhe sigurisht i takon Presidentit të Republikës që të marrë vendimin përfundimtar, edhe si një institucion që ka informacione më të plota sesa një deputet i Komisionit të Jashtëm. Unë respektoj vendimet që merr Presidenti i Republikës, ashtu siç ka ndodhur dhe në të shkuarën me presidentin Moisiu apo Topi. Këtu nuk dua të flas për përvojën që kam pasur me presidentin Meidani kur isha ministre. Por dua të them se në momentin që nisin procedurat për ambasador, ato duhet të nisin me konsulta jo publike me Presidentin e Republikës, me Komisionin e Jashtëm dhe pastaj niset procedura formale me Kryeministrin.

A ka pasur konsulta të tilla dhe jopublike?
Për fat të keq, kjo procedurë në këtë rast nuk është bërë dhe unë shpresoj që të funksionojë mirëkuptimi institucional. Madje, përvoja e disa shteteve të tjera të BE, procedura e emërimit të ambasadorit të ri, nis me garantimin e agrementit të ambasadorit në shtetin ku mendohet se do të shkojë ambasadori i ri shqiptar. Ne nuk e kemi këtë procedurë dhe do të ishte mirë që kjo procedurë të përfshihet, pasi kemi pasur raste kur, edhe pse ambasadori i ri është dekretuar nga Presidenti, ai nuk ka marrë agrementin nga shteti ku do të marrë detyrën. Kjo nuk është gjë e mirë për seriozitetin e shtetit.

Do të kërkoni ju të futet një procedurë paraprake konsultash?
Edhe me kërkesë të anëtarëve të tjerë të Komisionit, ne duhet të kemi urgjentisht strukturën e re të Ministrisë për shërbimin tonë diplomatik dhe madje, duhet një studim i mirëfilltë se cilat nga përfaqësitë tona diplomatike do të mbyllen dhe sa do të kemi në mënyrë që ne të shikojmë raportin që parasheh ligji lidhur me ambasadorët që vijnë nga karriera diplomatike dhe ata që vijnë jashtë kësaj fushe. Unë shpresoj se para se të na vijnë kandidatura të tjera për ambasadorë, dua që të vijë më parë struktura e re e shërbimit diplomatik, struktura nëse do të mbahen të gjitha ambasadat e hapura pa asnjë lloj studimi. Nuk duhet të bëjmë më dëgjesa për ambasadorë pa ardhur kjo strukturë, me qëllim që Komisioni i Jashtëm të jetë i qartë nëse kjo strukturë do të jetë në parametrat e zbatimit të ligjit. S’mund të vazhdohet me ambasadorë që vijnë jashtë shërbimit. Por edhe brenda shërbimit duhet të shohim a janë figurat më të spikatura, të mos krijohen probleme të tjera në këtë shërbim, kur nuk ndiqet kriteri i karrierës.

Ju keni pasur sot (dje) një takim me Presidentin e Republikës, a kishte lidhje kjo me kandidaturat e debatuara në Komisionin që ju drejtoni?
Unë e vlerësoj takimin me Presidentin e Republikës, me kërkesë të zotit Nishani, sepse duke qenë kryetare e Komisionit të Politikës së Jashtme në Parlament, dhe duke qenë se Presidenti i Republikës është figura qendrore e përfaqësimit të vendit në politikën e jashtme, do ta quaja një takim të frytshëm. Presidenti sugjeroi konsolidim të përfaqësimit tonë diplomatik në vendet që i kemi konsideruar si partnerë strategjikë dhe do të ishte e papranueshme që ne të kishim prezencë diplomatike të pakualifikuar në ato vende që përbëjnë përparësi në politikën tonë të jashtme. Gjithashtu, me Presidentin e Republikës patjetër që diskutuam se si mund ta vëmë shërbimin diplomatik në parametrat e detyrave që kërkojnë sfidat e integrimit të vendit.

Ka pasur konsultim të Ministrisë së Jashtme me kreun e shtetit, ai konsultim që ju thatë se ka munguar me Komisionin e Jashtëm?
Nuk besoj se konsultimi ka nisur me Presidentin e Republikës, sepse kjo gjë nuk është bërë as me Komisionin e Politikës së Jashtme. Janë kandidatura që janë sjellë në Komision dhe ky Komision ose bën vlerësime pozitive, ose negative, ose me rezerva dhe ne me vërtetësi i kemi përcjellë për te Presidenti këto propozime, pas dëgjesave publike.

Ju keni pasur një takim sot (dje) edhe me Komisionin për Politikën e Jashtme të Asamblesë Kombëtare të PS. Kishte një shqetësim nga ky Komision?
Praktikisht, Komisioni i Politikës së Jashtme në Asamblenë Kombëtare të PS nuk është më i plotë, sepse një pjesë e tyre kanë marrë detyra që u diktojnë ish-anëtarëve që të mos bëjnë pjesë në strukturat partiake, një pjesë janë larguar. Pjesa që unë vlerësoj dhe i respektoj dhe për kontributet që kanë dhënë në diplomaci, janë të mirëpritur që të diskutojmë së bashku se si duhet të veprojë Ministria e Jashtme në funksion të objektivave që qeveria “Rama” ka vendosur për t’u arritur në politikën e jashtme të shtetit shqiptar. E vlerësova këtë takim dhe sigurisht të gjithë kolegët e mi nisen nga fakti se ky shërbim duhet të sillet në parametrat e ligjit dhe duhet të ketë vëmendje më të madhe ndaj atyre kontributeve që kanë dhënë në vite në diplomaci dhe në shërbimin e jashtëm s’mund të ketë një vijë ndarëse mes brezave. Është njëlloj si në politikë që askush nuk mund të përjashtosh njerëz me kontribute dhe me përvojë të pasur, aq më tepër kur qeveriset vendi, sepse një qeverisje e mirë dhe serioze bazohet edhe në përvojën e saj më të mirë në të shkuarën. Unë jam e bindur se Kryeministri Rama duhet ta ketë parasysh se njerëz që vijnë nga brenda strukturave të PS, që është një parti që e mori vendin nga kriza e ’97-s dhe e çoi në dyert e BE, këta njerëz nuk mund të anashkalohen dhe të krijohet artificialisht një ndarje mes brezit me përvojë dhe të rinjve. PS është një parti që 32-vjeçarët i ka pasur kryeministra dhe nuk ka pasur asnjë problem me brezat.

Ka pasur shkelje të ligjit me riemërime të ambasadorëve, kam parasysh zotin Kuko, që pas shumë vitesh me mandate të rifreskuara është emëruar ambasador në Gjermani, pa u kthyer në Shqipëri, siç e kërkon ligji.
Ka pasur ndonjë rezervë të vogël për zotin Kuko, i cili ka marrë disa mandate, njëri pas tjetrit, pa u kthyer në Ministri. Ligji parashikon mandatin e ambasadorit 2-4 vjet, por nuk shprehet në mënyrë eksplicite se duhet të qëndrojë në Ministri për disa vjet, siç e ka ligji gjerman. Unë e vlerësoj ambasadorin Kuko si diplomat, Komisioni ka dhënë miratimin e tij që të përfaqësojë Shqipërinë denjësisht në Gjermani, si një partner shumë i rëndësishëm dhe unë kam besim për këtë. Por nuk është i vetmi që ka pasur riemërime të vazhdueshme. Kemi rastin e ish-ambasadorit në Kroaci, që mori menjëherë emërim në Slloveni. Po ashtu dhe rasti i ambasadorit Bushati, i cili vjen nga një përvojë diplomatike në një strukturë të caktuar në Stamboll dhe mori menjëherë emërimin në Maqedoni. Po të vihet re në të gjitha emërimet e fundit, kjo nuk është marrë parasysh nga Ministria e Jashtme për zbatimin e ligjit. Do të ishte normale që ambasadorët të kenë më shumë kohë për konsulenca edhe në Ministrinë e Jashtme.

ARISTIR LUMEZI

Panorama

[Albo]

Moj shoqja Arta!

C'jane keto fjale qe nxjerr nga goja? Po na akuzon qeverine e Rilindjes se nuk respekton ligjet e institucionet e pavarura te vendit?

Na ka gjetur hall i madh. Nga nje ane na sulmojne ata demokratet e keqij me Bashat e Berishen ne krye, nga ana tjeter na e sulmojne qeverine e Rilindjes edhe deputetet tona socialiste!

E po kjo pike e zeze!

[angmokio]

Blushi kundër ambasadorit të Ramës: Shkeli shtetin laik

Deputeti i PS konteston kandidatin, e mbështesin Dade e Dokle

Deputeti i PS: Ka qenë partizan i shamive nëpër shkolla

Deputeti i Partisë Socialiste, Ben Blushi, si dhe anëtarë të tjerë të maxhorancës në Komisionin e Jashtëm, dolën dje kundër propozimit të Kryeministrit Edi Rama dhe ministrit të Jashtëm, Ditmir Bushati, për emërimin e ambasadorit Ermir Gjinishi në Arabinë Saudite.
Socialisti Blushi tha se propozimi i Ministrisë së Jashtme vjen jo nga shërbimi diplomatik dhe se Gjinishi, i cili ka mbajtur postin e nënkryetarit të Komunitetit Mysliman, ka shkelur parimet kushtetuese të shtetit laik. Sipas socialistit, Ermir Gjinishi ka qenë një partizan i futjes së ferexheve në shkolla, në një kohë që Shqipëria në Kushtetutë sanksionohet si shtet laik. “Ne nuk kemi mundësi ta vlerësojmë zotin Gjinishi në performancën e vet në shërbimin diplomatik, sepse ai nuk e ka bërë ndonjëherë këtë punë. Çështja është që në disa raste unë e kam ndjekur aktivitetin e tij publik. Ai ka mbajtur disa qëndrime që, për hir të së vërtetës, kanë rënë ndesh me parimin e laicitetit të shtetit shqiptar. Shqipëria është shtet laik dhe kjo është e sanksionuar në Kushtetutë. Dhe pyetja ime është, sigurisht që mund të kemi mendime të ndryshme për laicitetin e Shqipërisë; Unë mendoj që Shqipëria duhet të vazhdojë të jetë shtet laik, zoti Gjinishi ka pretenduar të kundërtën. Pyetja ime është që: a mendon Ministria e Jashtme që njerëz që vijnë me këto pikëpamje në shërbimin diplomatik, si nëpunës të shtetit, e cenojnë misionin që ka marrë përsipër, apo jo?!”, u shpreh Blushi. Ndërkohë që gjatë replikës kandidati për ambasador në Arabinë Saudite ka thënë se: “Të gjithë debatet e mia për një periudhë deri para 2009-s kanë qenë të orientuara në hapësirat që krijon shteti laik, në ushtrimin dhe në të drejtat e njeriut. Në qoftë se mund dhe të ma kujtoni… S’kam refuzuar kurrë shtetin laik”. Ndërkohë që Blushi iu drejtua duke thënë: “Keni qenë partizan i futjes së shamive nëpër shkolla, apo jo? Bie ndesh me parimet e shtetit laik”. Ndërkohë që kritika janë adresuar dhe nga kryetarja e Komisionit, Arta Dade, e cila tha se kandidati për ambasador në vendet ku është emëruar, duhet të përfaqësojë politikat e Shqipërisë dhe jo bindje të caktuara fetare. Ndërsa, deputeti tjetër i PS-së, Namik Dokle, pasi vlerësoi dy emërimet, Ilir Boçkën në Serbi dhe Pëllumb Qazimin në Slloveni, tha për kandidatin Ermir Gjinishi se nuk ka asnjë njohuri për aktivitetin e tij. Ndërsa sekretari i Përgjithshëm i Ministrisë së Jashtme, Qirjako Qirko, theksoi se Ermir Gjinishi është përzgjedhur për shkak të arsimit dhe njohjes së kulturës së vendeve arabe. “Dhe, në qoftë se në të kaluarën mund të ketë pasur ndonjë shprehje, dhe unë nuk e kam parasysh atë shqetësim që ngritët ju, por patjetër pozicioni i ri të detyron të veshësh një kostum të detyruar për ta mbajtur”, tha Qirko.

Mendoj se ky eshte emerimi me i llogjikshem qe ka bere Qeveria e Rilindjes. Te mbash qendrim kunder mbajtjes se shamise eshte fashizem pasi i cenon te drejten elementareje nje femreje per te praktikuar besimin e saj. Gjinishi nuk eshte thjeshte ish- drejtues i komunitetit musliman por dhe njohes i mire i politikave te lindjes se mesme.

P.s Blushi le te vazhdoje te shkruaje libra me historite e nastradinit. Vetem ne ate askpekt vlen dy leke.

[angmokio]

Blushi, Gjinishi dhe Shteti Laik

Ilirjan Shehu

Gjatë mbledhjes së Komisionit të Politikës së Jashtme të Kuvendit, mes kandidaturave të paraqitura për diskutim përpara deputetëve ishte edhe ajo e Ermir Gjinishit. Ndërsa kandidaturat e tjera kaluan pa ndonjë incident, kandidatura e Gjinishit për ambasador në Arabinë Saudite u bë objekt diskutimi. Vërejtja erdhi nga një figurë famëkeqe si ajo e Ben Blushit, deputetit grindavec të Partisë Socialiste i cili u shpreh se Gjinishi “gjatë veprimtarisë së të tij ka shkelur parimet kushtetuese të shtetit laik”. Më parë Gjinishi ka mbajtur postin e Sekretarit të Përgjithshëm të Komunitetit Musliman të Shqipërisë ndërsa prej kohësh është edhe këshilltar i jashtëm i kryeministrit Edi Rama. Këtu nuk do të ndalemi në shqyrtimin e figurës së Gjinishit i cili është akuzuar shpeshherë për korrupsion me pronat e KMSH, por do të flasim vetëm rreth akuzave që deputeti Blushi hodhi ndaj tij.

Përgjigja e Gjinishit ishte ajo e një politikani për të cilin caktimi në postin e ambasadorit në Arabinë Saudite vlen më shumë se cdo e vërtetë. Ai u shpreh se “asnjëherë nuk kam cënuar shtetin laik” dhe se “gjithmonë kam respektuar të drejtat e njeriut.” Por përbuzja nga Komisioni i Politikës së Jashtme nuk mbaroi me kaq. Arta Dade u shpreh me ironi duke thënë se “besoj tani që do të jeni ambasador do ta shkëpusni veten nga feja.” Edhe në këtë rast, Gjinishi i cili prezantohet si besimtar musliman praktikant nuk ktheu përgjigje duke treguar edhe njëherë se sa i rëndësishëm është për të posti i ambasadorit në mbretërinë saudite. Si ish-funksionar i lartë i Komunitetit Musliman Shqiptar, duke u prezantuar edhe si besimtar, e në të njëjtën kohë edhe në rolin e ambasadorit, Gjinishi do të mund të përfitojë fonde nga milionerët sauditë për vete dhe parinë e tij e ndoshta të arrijë të devijojë disa nga fondet të cilat sot i thithin hoxhallarë të pavarur shqiptarë, fonde të cilat nuk dihet qartë se ku përfundojnë.

Akuza që Ben Blushi i bëri Gjinishit ishte ajo e shprehjes pro të drejtave të femrave muslimane shqiptare që mbulohen, nënshtetase të rregullta dhe taksapaguese të këtij shteti, për t’u arsimuar dhe për t’u punësuar në institucionet shqiptare. Blushi, me tonin e tij fyes dhe arrogant, u shpreh për Gjinishin se “Ka qenë partizan i futjes së ferexheve në arsim” duke përdorur me qëllim fjalën “ferexhe” dhe jo “mbulesë” apo “shami”. Një përgjigje e denjë nga ai që tashmë është ambasadori shqiptar në Arabinë Saudite do kish qenë pak a shumë e tillë: “Të qënit pro arsimimit të femrave muslimane shqiptare të cilat në lirinë e besimit që u garanton kushtetuta kanë vendosur të përdorin shami është jo vetëm detyrë e imja si besimtar musliman por edhe e cdo personi që beson dhe i merr seriozisht parimet e demokracisë dhe lirisë së besimit sipas të cilave shteti shqiptar pretendon se funksionin.” Më tej ai mund t’i kish dhënë edhe një kontekst arrogantit Blushi dhe ironikes Dade se kush në të vërtetë janë ata që e shkelin përditë laicizmin e shtetit duke i thënë se askujt nuk do t’i shkonte në mendje të vendoste figurën e një kleriku musliman, sado bamirës, në cdo zyrë të shteti shqiptar sic bëhët me Tereza Bojaxhiun e cila mban titullin kishtar “Nënë” dhe kjo është shkelja e vërtetë e laicizmit dhe jo veshja e qytetareve të lira të shtetit shqiptar. Gjinishi mund t’i kish thënë Ben Blushit drejtpërdrejt se në fakt Blushi vetë është shkelës i rëndë i laicizmit të shtetit kur në librat e tij fyen dhe ofendon fenë e shumicës së shqiptarëve, sic censusi i fundit tregoi qartazi, porse kjo nuk e ka penguar të bëhet deputet. Ai mund t’i kish kujtuar aty, si i majtë që është, se jane pikërisht figura të tilla si Blushi që e largojnë votën muslimane nga PS në mënyrë të vazhdueshme.

Por Gjinishi vendosi të mos bëjë asnjë nga këto. Ai tregoi se ishte gati të gëlltisë një kafshatë që nuk kapërdihet. Sic thotë një humorist diku, i fut një got ujë mbrapa dhe kalon. Uji që me sa duket e bëri Gjinishin të kapërdijë këtë kafshatë ishte caktimi në postin e ambasadorit në mbretërinë Saudite. Në nivel personal, Gjinishi mund edhe t’a kish pranuar ofendimin e rëndë në varësi të rëndësisë që ai i jep vlerave dhe karakterit të tij. Por fyerja dhe poshtërimi publik nuk ishin vetëm për të por për të gjithë ata të cilët ai ka pretenduar se ka mbrojtur më parë në qëndrimet dhe detyrat e tij. Ndërkohë Ben Blushi nuk e humbi rastin të konfirmojë edhe një herë urrejtjen e thellë për këtë pjesë autoktone të popullit shqiptar të cilën ai si deputet pretendon se e përfaqëson.

/Asabija/

[Meriamun]

Ne fene Islame, shamia per femren nuk eshte simbol por detyre fetare. Nese ia ndalon dmth e privon prej se drejtes per praktikimin e fese qe e ka te mbrojtur me kushtetute.

Neni 24 I kushtetutes se Shqiperise.
Liria e ndërgjegjes dhe e fesë eshtë e garantuar.
2.** Secili është i lirë të zgjedhë ose të ndryshojë fenë ose bindjet, si dhe t’i shfaqë ato individualisht ose kolektivisht, në publik ose në jetën private, nëpërmjet kultit, arsimimit, praktikave ose kryerjes së riteve.
3.** Askush nuk mund të detyrohet ose të ndalohet të marrë pjesë në një bashkësi fetare ose në praktikat* e saj, si dhe të bëjë publike bindjet ose besimin e tij.

Ben Blushi dhe ishulli I zagareve nuk do e kene shume te gjate. Korbat nuk e kane te gjate ne token e shqiponjave.

[Albo]

Mendoj se ky eshte emerimi me i llogjikshem qe ka bere Qeveria e Rilindjes. Te mbash qendrim kunder mbajtjes se shamise eshte fashizem pasi i cenon te drejten elementareje nje femreje per te praktikuar besimin e saj. Gjinishi nuk eshte thjeshte ish- drejtues i komunitetit musliman por dhe njohes i mire i politikave te lindjes se mesme.

P.s Blushi le te vazhdoje te shkruaje libra me historite e nastradinit. Vetem ne ate askpekt vlen dy leke.

Sipas mentalitetit tuaj, duhet te emerojme nje klerik musliman ne Arabi, nje klerik katolik ne Vatikan, e nje orthodhoks ne Rusi, e jemi ne rregull. Blushi dhe te gjithe deputetet qe i thane stop ketyre emerimeve, bene shume mire dhe vete presidenti i Republikes, i cili firmos e dekreton emerimin e tyre, tha sot se nuk do te emeroje njerez te pakualifikuar ne poste kyce te diplomacise shqiptare. Diplomati nuk eshte thjeshte nje njeri i rendomte, diplomati eshte perfaqesuesi i shtetit shqiptar ne vendet ku vepron. Dhe shteti shqiptar nuk ka nevoje per njerez te klerit te asnje komunitetit fetar, per poste te tilla, pasi ka plot diplomate te vjeter karriere apo diplomate te rinj te diplomuar brenda dhe jashte vendit, qe mund te emerohen ne keto poste.

Por skandali nuk eshte vetem emerimi i klerikeve si diplomate, skandali eshte se keta njerez qe po emerohen sot, po shperblehen per "sherbimet" e tyre politike e publike ndaj opozites se djeshme dhe pozites se sotme. Hidhu nje sy shkrimeve dhe aktivitetit te Gjinishit dhe atij tjetrit qe shkruan ne dialektin e At Gjergj Fishtes ne faqet e shtypit shqiptar, qe te kuptosh qe keta njerez jo vetem nuk jane duke shkelur vetem ndarjen e interesave te shtetit laik nga ato te komuniteteve fetare, por keta kane shkelur edhe paanesine politike te nje diplomati: e perbashketa e ketyre te dyve eshte qe deri dje, ishin perfaqesuesit socialiste te Edi Rames ne kampin musliman dhe katolik qe perdite benin politike kunder qeverise se atehershme te Berishes. Mendimet e propaganden e tyre e gjen jo vetem ne faqet e shtypit shqiptar, i gjen edhe ne faqet e ketij forumi.

Nese duam te ndertojme shtet ligjor, duhet te respektojme ligjin dhe duhet te perzgjedhim njerez te kualifikuar qe nuk jane as klerike apo perfaqesues te larte te nje komuniteti fetar, dhe as njerez politike. Diplomacia nuk ka nevoje per zelote te tille, ka nevoje per njerez profesioniste.

Dhe bravo u qofte deputeteve te mazhorances ne komisionin parlamentar qe i thane JO ketyre shkeljeve flagrante nga ana e qeverise.

Albo

[Le dévoué]

Gjinishi nuk eshte "klerik" musliman, por teolog, njohës i besimit Islam.

Kurse Blushi eshte rracist, i cili as nuk mundohet te fshihet pas obsesionit anti-Islamik !

Nese dikush nuk meriton te jete pjese e qeveris, eshte pikerisht Blushi per qendrimet e tia anti-islame !

[Albo]

Gjinishi nuk eshte "klerik" musliman, por teolog, njohës i besimit Islam.

Kurse Blushi eshte rracist, i cili as nuk mundohet te fshihet pas obsesionit anti-Islamik !

Nese dikush nuk meriton te jete pjese e qeveris, eshte pikerisht Blushi per qendrimet e tia anti-islame !

1. Teologu eshte pjese e klerit te nje komuniteti fetar, bile qendron me lart se kleriket e thjeshte ne shume aspekte.

2. Blushi nuk eshte i vetmi qe po kundershton keto emerime, eshte gati gjithe komisioni i jashtem i Kuvendit, perfshi presidentin e Republikes qe thote fjalen e fundit.

3. Shkundeni injorancen, e behuni njerez. Jo cdo njeri qe kundershton emerime te tilla arbitrare te nje muslimani, eshte "anti-islamik". Arsyet e dhena jane mese bindese.

Gjinishi eshte njeriu i Edi Rames brenda komunitetit musliman, te cilin Rama e perdori para zgjedhjeve, gjate zgjedhjeve, dhe pas zgjedhjeve, per te bere propaganden e partise se tij brenda ketij komuniteti. Pra eshte nje "teolog politik" qe di te perzieje fene me politiken. Dhe kjo eshte arsyeja qe Edi Rama po e "shperblen" me post ambasadori ne Arabine Saudite.

Shko e pyet vellezerit e tu muslimane ne Shqiperi nese keto qe Albo te shkruan jane te verteta apo jo.

Albo

[angmokio]

Sipas mentalitetit tuaj, duhet te emerojme nje klerik musliman ne Arabi, nje klerik katolik ne Vatikan, e nje orthodhoks ne Rusi, e jemi ne rregull. Blushi dhe te gjithe deputetet qe i thane stop ketyre emerimeve, bene shume mire dhe vete presidenti i Republikes, i cili firmos e dekreton emerimin e tyre, tha sot se nuk do te emeroje njerez te pakualifikuar ne poste kyce te diplomacise shqiptare. Diplomati nuk eshte thjeshte nje njeri i rendomte, diplomati eshte perfaqesuesi i shtetit shqiptar ne vendet ku vepron. Dhe shteti shqiptar nuk ka nevoje per njerez te klerit te asnje komunitetit fetar, per poste te tilla, pasi ka plot diplomate te vjeter karriere apo diplomate te rinj te diplomuar brenda dhe jashte vendit, qe mund te emerohen ne keto poste.

Por skandali nuk eshte vetem emerimi i klerikeve si diplomate, skandali eshte se keta njerez qe po emerohen sot, po shperblehen per "sherbimet" e tyre politike e publike ndaj opozites se djeshme dhe pozites se sotme. Hidhu nje sy shkrimeve dhe aktivitetit te Gjinishit dhe atij tjetrit qe shkruan ne dialektin e At Gjergj Fishtes ne faqet e shtypit shqiptar, qe te kuptosh qe keta njerez jo vetem nuk jane duke shkelur vetem ndarjen e interesave te shtetit laik nga ato te komuniteteve fetare, por keta kane shkelur edhe paanesine politike te nje diplomati: e perbashketa e ketyre te dyve eshte qe deri dje, ishin perfaqesuesit socialiste te Edi Rames ne kampin musliman dhe katolik qe perdite benin politike kunder qeverise se atehershme te Berishes. Mendimet e propaganden e tyre e gjen jo vetem ne faqet e shtypit shqiptar, i gjen edhe ne faqet e ketij forumi.

Nese duam te ndertojme shtet ligjor, duhet te respektojme ligjin dhe duhet te perzgjedhim njerez te kualifikuar qe nuk jane as klerike apo perfaqesues te larte te nje komuniteti fetar, dhe as njerez politike. Diplomacia nuk ka nevoje per zelote te tille, ka nevoje per njerez profesioniste.

Dhe bravo u qofte deputeteve te mazhorances ne komisionin parlamentar qe i thane JO ketyre shkeljeve flagrante nga ana e qeverise.

Albo

Prej kujtdo pritet nje pergjigje e tille por prej teje qe i thua vetes besimtar kurrsesi jo. Sic te tha dhe la devou me siper Gjinushi nuk eshte klerik por thjeshte nje besimtar musliman sikur qindra mijera te tjere. Te jesh besimtar i besimit ortodoks mos te privon qe te behesh pjese e diplomacise se vendit tend?

[Albo]

Fluturon fluturon gomari...

Socialisti Blushi tha se propozimi i Ministrisë së Jashtme vjen jo nga shërbimi diplomatik dhe se Gjinishi, i cili ka mbajtur postin e nënkryetarit të Komunitetit Mysliman, ka shkelur parimet kushtetuese të shtetit laik. Sipas socialistit, Ermir Gjinishi ka qenë një partizan i futjes së ferexheve në shkolla, në një kohë që Shqipëria në Kushtetutë sanksionohet si shtet laik.

Dhe beni mire qe pyesni, se duke pyetur mesoni:

Prej kujtdo pritet nje pergjigje e tille por prej teje qe i thua vetes besimtar kurrsesi jo. Sic te tha dhe la devou me siper Gjinushi nuk eshte klerik por thjeshte nje besimtar musliman qindra mijera te tjere. Te jesh besimtar i besimit ortodoks mos te privon qe te behesh pjese e diplomacise se vendit tend?

- Nese une do te isha nenkryetar i Keshillit Kombetar te Kishes Orthodhokse te Shqiperise, une nuk do te isha ne gjendje te punoja si diplomat.
- Nese une do te isha teolog orthodhoks, une as nuk do te kandidoja si diplomat apo te merresha me politike.

Besimtari i thjeshte qe nuk mban nje post ne admintraten fetare apo nuk eshte lider shpirteror i atij komuniteti, ka cdo te drejte te kandidoje e emerohet ne kete detyre. Dhe perkatesia e tij fetare, nuk duhet te jete as parakusht e as nuk duhet te jete pjese e listes se kualifikimeve per tu emeruar. Feja dhe diplomacia nuk kane asnje gje te perbashket.

Albo

[angmokio]

Fluturon fluturon gomari...



Dhe beni mire qe pyesni, se duke pyetur mesoni:



[ Nese une do te isha nenkryetar i Keshillit Kombetar te Kishes Orthodhokse te Shqiperise, une nuk do te isha ne gjendje te punoja si diplomat.
- Nese une do te isha teolog orthodhoks, une as nuk do te kandidoja si diplomat apo te merresha me politike.

Besimtari i thjeshte qe nuk mban nje post ne admintraten fetare apo nuk eshte lider shpirteror i atij komuniteti, ka cdo te drejte te kandidoje e emerohet ne kete detyre. Dhe perkatesia e tij fetare, nuk duhet te jete as parakusht e as nuk duhet te jete pjese e listes se kualifikimeve per tu emeruar. Feja dhe diplomacia nuk kane asnje gje te perbashket.
Albo

Nuk do ishe ne gjendje te punoje si diplomat? Nuk e kuptoj. Mund te ma shpjegosh arsyen perse?

Mos valle diplomacia eshte fushe ku vetem ateistet kane te drejte ta ushtrojne?

[Albo]

Nuk do ishe ne gjendje te punoje si diplomat? Nuk e kuptoj. Mund te ma shpjegosh arsyen perse?

Mos valle diplomacia eshte fushe ku vetem ateistet kane te drejte ta ushtrojne?

Lexoje edhe njehere ate qe shpreha. Cdo perfaqesues i nje komuniteti fetar, qofte klerik, qofte drejtues civil ne administrate, eshte automatikisht i skualifikuar per emerime te tilla. Nje besimtar i thjeshte qe nuk eshte klerik, nuk eshte pjese e administrates se komunitetit fetar, ka cdo te drejte te kandidoje nese profesioni i tij eshte diplomat.

Feja dhe shteti jane te ndara me ligj dhe Kushtetute. Shteti nuk fut hundet ne punet e komunitetit fetar. Komuniteti fetar nuk fut hundet ne punet e shtetit. Kjo eshte ne te miren e gjithe shoqerise, kjo eshte ne te miren e vete komunitetit fetar, kjo eshte ne te miren e vete shtetit. Problemi eshte qe qeveria qe kemi ne Tirane dhe disa "teologe politike" nuk dijne ta kuptojne apo vleresojne kete gje.

Albo

[angmokio]

Lexoje edhe njehere ate qe shpreha. Cdo perfaqesues i nje komuniteti fetar, qofte klerik, qofte drejtues civil ne administrate, eshte automatikisht i skualifikuar per emerime te tilla. Nje besimtar i thjeshte qe nuk eshte klerik, nuk eshte pjese e administrates se komunitetit fetar, ka cdo te drejte te kandidoje nese profesioni i tij eshte diplomat.

Feja dhe shteti jane te ndara me ligj dhe Kushtetute. Shteti nuk fut hundet ne punet e komunitetit fetar. Komuniteti fetar nuk fut hundet ne punet e shtetit. Kjo eshte ne te miren e gjithe shoqerise, kjo eshte ne te miren e vete komunitetit fetar, kjo eshte ne te miren e vete shtetit. Problemi eshte qe qeveria qe kemi ne Tirane dhe disa "teologe politike" nuk dijne ta kuptojne apo vleresojne kete gje.

Albo

Te kam kuptuar fare mire por nuk ka sens deklerata jote. Nuk egziston asnje ligj i tille ne nje shoqeri demokratike ku ti mohoj nje besimtari i c'faredolloj feje qofte ai mundesine per tu inkuadruar ne ceshtjet politike apo diplomatike te nje vendi.

P.s Ne fene islame ''imam'' mund te behet kushdo.Mjafton te kete mbushur moshen e pubertetit dhe te dije te lexoj Kuranin. Pra fjala 'klerik'' nuk egziston ne fene islame. Te jesh drejtues i komunitetit musliman nuk te ben klerik. Cdo besimtar musliman mund te jete pjese e tij.

[Albo]

Ndreca e Gjinishi. Takimi me Ramën, Nishani: S’i dekretoj ambasadorët

Presidenti Nishani e Kryeministri Rama

Zbardhet debati në Presidencë mes kreut të shtetit e Kryeministrit, Nishani: “Emrat, pa konsultime”. Rama: “Firma jote, formale”

Zbardhet debati mes kreut të shtetit dhe Kryeministrit në Presidencë për dekretimin e ambasadorëve.

Presidenti Bujar Nishani rrëzon dy kandidatët për ambasadorë të propozuar nga Kryeministri Edi Rama në Vatikan dhe Emiratet e Bashkuara Arabe.
Burime nga Presidenca bëjnë të ditur për gazetën se kreu i shtetit ia ka bërë të ditur qëndrimin e tij liderit të maxhorancës në takimin e fundit që kanë pasur të mërkurën pasdite. Megjithëse mungon ende firma zyrtare e Presidentit, i sigurt është fakti se Ermir Gjinishi, i propozuar për në Emiratet e Bashkuara Arabe dhe Ardian Ndreca, i propozuar për në Vatikan, nuk do të marrin konfirmimin përfundimtar, duke bërë që maxhoranca të propozojë emra të tjerë në dy selitë diplomatike.

DEBATI
Një prej çështjeve të diskutuara mes Presidentit Bujar Nishani dhe Kryeministrit Edi Rama në takimin e së mërkurës ka qenë dekretimi i ambasadorëve. Megjithëse ka firmosur disa nga propozimet e kreut të qeverisë, mësohet se Nishani ka shprehur pakënaqësitë e tij lidhur me procesin e ndjekur nga maxhoranca. Kreu i shtetit e ka vlerësuar si të gabuar rrugën e ndjekur gjer tani nga shumica në pushtet, pasi sipas tij, institucioni i Presidentit duhet të jetë pjesë e konsultimeve përpara se t’i mbërrijnë në tryezë emrat e ambasadorëve për tu dekretuar. Të njëjtat burime thonë se qëndrimi i Kryeministrit Rama ka qenë ai, sipas të cilit firma e Presidentit për ambasadorët është formale. Në këtë pikë, kreu i shtetit mësohet të ketë ndërhyrë duke thënë se dekretet e tij nuk mund të jenë formale për aq kohë sa ambasadorët përfaqësojnë vendin tonë në selitë diplomatike. Gjatë kësaj bisede Nishani e ka njoftuar Kryeministrin se nuk do ta firmosë dekretimin e dy ambasadorëve, Gjinishi e Ndreca. Ndonëse nuk bëhen të ditura argumentet e kreut të shtetit, në një intervistë të dhënë një javë më parë në gazetën “Panorama”, ai deklaroi se nuk do të dekretojë ambasadorë të kulisave e tekave. “Sa u përket kandidaturave në fjalë, le të mos bëhet merak askush. I siguroj të interesuarit se si autoritet kushtetues që emëron ambasadorët, do dekretoj jo kandidatura të kulisave, tekave, ambicieve, interesave apo thjesht dëshirave, por vetëm kandidatë që plotësojnë kushtet e përfaqësimit dinjitoz të vendit tim, individë seriozë dhe të përmbajtur, që zotërojnë kapacitetet e duhura profesionale, intelektuale, kulturore, shoqërore, njerëzore, komunikative, etike”, u shpreh Presidenti gjatë intervistës për gazetën. Në mesin e muajit shkurt, Presidenti firmosi dekretimin e katër ambasadorëve të propozuar nga qeveria. Konkretisht, Qemal Minxhozi, Ilir Boçka, Petrit Bushati dhe Pëllumb Qazimi do të përfaqësojnë Shqipërinë për një mandat katërvjeçar në Kosovë, Serbi, Maqedoni dhe Slloveni. Emrat e propozuar nga qeveria janë kundërshtuar në parim edhe nga opozita, e cila ka kujtuar faktin se shumica e dekreteve nuk janë nga diplomacia, por kanë ardhur si propozime politike.

ADI SHKEMBI

Panorama