Qeveria maqedonase miraton devijimin e lumit Radikë. Rama: Nuk ka projekt

[Albo]

Maqedonia e vendosur për ‘Fushën e Lukovës’. Ndryshim rrjedhës së Radikës, shterje liqenit të Dibrës

Qeveria e Maqedonisë e vendosur për të realizuar projektin e ndërtimit të hidrocentralit në “Fushën e Lukovës” pavaresisht reagimeve të banorëve të Dibrës dhe shoqatave ekologjike.

Zëdhënësi i Qeverisë, Aleksandar Gjorgjiev ka theksuar vendosmërinë e realizimit të projektit të Fushës së Lukovës, edhe ministrat shqiptarë të Ekologjisë, Ekonomisë dhe komuna e Dibrës është shprehur kundër projektit, pasi që parashikohet ndryshimi i rrjedhës së lumit Radika dhe rrezikimi i ambientit jetësor në zonën e Dibrës.

“Gjatë realizimit të projekteve do të mbahet llogari maksimale për respektimin e standardeve ekologjike dhe për respektimin e mjedisit jetësor për çka hartohen një numër më i madh i studimeve, në të cilat janë të kyçura edhe organizata relevante të huaja ndërkombëtare, të cilat do të kenë pjesëmarrje në realizimin e projekteve dhe të cilat japin edhe një garanci shtesë se nuk do të ndërmerret diçka që do të thotë prishje e balancit ekologjik dhe rrezikim i mjedisit jetësor”, theksoi zëdhënësi Gjorgjiev.

Ai shtoi se dy projektet “Fusha e Llukovës” dhe “Ura e Boshkos” janë strategjike dhe se me realizimin e tyre do të ketë efekte jo vetëm mbi energjetikën, por edhe mbi gjithë zhvillimin ekonomik të shtetit.

Por nga ana tjetër shoqata ekologjike këtyre muajve kanë shprehur kritika mbi projektin duke theksuar se rrezikohet ambienti jetësor në zonat ku parashikohen këto projekte. Banorët e Dibrës muajt e fundit kanë mbajtur protesta për të kundërshtuar realizimin e projektit të tillë.

Sipas tyre, projekti i “Fushës së Lukovës” që parasheh ndërtimin e një hidrocentrali do të bëhet përmes ndryshimit të rrjedhës së lumit Radika dhe shterrjes së tij dhe liqenit të Dibrës, qe do të rrezikoje ky rajon për mungesë të ujit dhe do të pësojë dëme të tjera ekologjike.

Një protestë kundër këtij projekti u mbajt edhe në Nju Jork nga Shoqata Atdhetare “Dibra”, e cila përmes një letre ka apeluar bashkësinë ndërkombëtare, administratën e OKB-së dhe SHBA-ve për dëmet që shkaktohen nga realizimi i projektit të “Fushës së Lukovës”. Në realizimin e këtij projekti janë përfshirë në mënyrë indirekte edhe Tirana dhe Prishtina.

(INA)

Panorama

[Albo]

Kundër devijimit të Radikës, protestë në Tiranë e Dibër: Referendum lokal, të vendosin banorët

UPDATE- Proteste kundër planeve të qeverive të Greqisë, Shqipërisë dhe Maqedonisë për devijimin e rrjedhës së lumit Radika.

Aleanca kundër devijimit të lumenjve e mbështetur nga organizata të tjera joqeveritare për mbrojtjen e mjedisit kanë mbajtur një protestë në Tiranë kundër projektit. Pjesemarresit ne kete proteste jane shprehur kunder devijimit, pasi sipas tyre asnjë cm3 ujë nuk duhet te devijohet nga shtrati natyror i lumenjve.

Ata kanë kërkuar nga Parlamenti shqiptar dhe qeveria të reagojnë ndaj veprimeve të qeverive greke e maqedonase, për devijimin e rrjedhës së lumit Radika.

“Shqiptarët të dëgjojnë njëri-tjetrin më shumë se sa të huajt. Kjo nuk është lëvizje kundër akujt, por lëvizje pro për tu bashkuar së bashku”- thane protestuesit, duke kerkuar të bëhet referendum lokal, të vendosin qytetarët e Dibrës.


Deputetja e PD-se, Mesila Doda ka thene gjate protestes se qeveria shqiptare duhet te beje transparence per gjithe vendimet e marra dhe marreveshjet e nenshkruara. “Deputetet e parlamentit duhet te bashkohen per te penguar nje vendim te tille i cili do sjelle pasoja te renda ne mjedis, ekonomi, bujqesi dhe hidroenergjetike. Kemi vetem nje atdhe per t’ja lene femijve tane, ndaj te gjithe duhet te zgjohemi dhe te reagojme per te mbrojtur interesat e te ardhmes”- tha ajo.

Proteste eshte zhvilluar sot edhe ne Peshkopi, me prani te qytetareve, nxenesve dhe banoreve te zones. Protestë kundër këtij projekti është mbajtur edhe në New York nga shoqata atdhetare “Dibra”, e cila i ka dërguar një letër selisë së OKB-së dhe qeverisë amerikane, duke argumentuar dhe dëmet që sjell zbatimi i këtij projekti, jo vetëm në devijimin e ujërave, por dhe në aspektin ekologjik. Një letër zyrtare i është dërguar dhe qeverisë shqiptare, që të mos e firmosë projektin e përbashkët me palën maqedonase.

Aleanca

Është krijuar “Aleanca Kunder Devijimit Te Lumenjve” e cila nëpërmjet rrjeteve sociale po përpiqet të organizojë një protestë jopartiake.

“Kjo është kauzë morale që kundërshton me mjete demokratike dhe ligjore arrogancën dhe shpërfilljen e Qeverive respektive për të informuar publikun dhe për të kërkuar gjykimin e tij për këtë çështje të rëndësisë së madhe.”- shkruhet në Facebook.

Ishte gazeta Panorama që në dhjetor të vitit 2013 zbardhi raportin sekret të Qeverisë për devijimin e lumenjve Vjosë dhe të Radikës, që derdhet në Drinin e Zi.

“Panorama” zbardhi raportimin sekret të zyrtarëve të lartë të Ministrisë së Jashtme, të cilët kanë informuar ligjvënësit se janë ngritur grupet e punës ndërqeveritare për të negociuar me shtetet fqinje, Greqinë dhe Maqedoninë, për problematikat që mund të lindin nga devijimi i burimeve të lumenjve të rëndësishëm të vendit, si Vjosa dhe Drini i Zi.

Panorama

[Albo]

Devijimi i lumit Radika, LSI: Interpelancë me ministrin Bushati. Gjiknuri: Asnjë projekt konkret

TIRANE- Kreu i grupit parlamentar te LSI-se, Petrit Vasili ka njoftuar se deputetet e kesaj partie kane kerkuar interpelance urgjente me ministrin e Jashtem, Ditmir Bushati per ceshtjen e devijimit te lumit Radika.

“Projekti i fushes se Lukoves eshte ne kundershtim me projektet e rrjedhave ujore dhe me marreveshjen e ‘Drinit, nje vizion i Perbashket’ firmosur mes disa qeverive ne 2011. Ne kete marreveshje percaktohet qarte edhe projekti i kaskades se Drinit. Ne kete percaktohet se cdo nderhyrje ne menaxhimin e kaskades duhet te jete e koordinuar dhe e aprovuar nga palet”- tha Vasili.

Ai thekson se interpelanca synon qarte e prere zbatimin e marreveshjes per Drinit. “Ne bejme detyren tone ndaj vendit dhe bashkohemi me ato shqetesime shume te medha te opinionit publik, qe kerkon transparence per kete ceshtje”- tha ai.

Interpelanca eshte kerkuar te zhvillohet ne seancen me te afert te Kuvendit dhe eshte depozituar tashme ne zyren e Kuvendit.


Panorama

[Albo]

PD: Qeveria të reagojë menjëherë për projektin në Lumin Radika

Deputeti i PD-së në qarkun e Dibrës Roland Keta i kërkon Kryeministrit të dëgjojë shqetësimin mbarëkombëtar për devijimin e lumit Radika. Ne nje deklarate per media, ai ne emer te PD kerkoi nga qeveria të bëjë transparencë në lidhje me një projekt të qeverisë maqedonase që parashikon devijimin e Lumit Radika.

“Nëse ndodh, ky devijim sjell dëme të pallogaritshme për territorin dhe jetën e më shumë se 20 mijë banorëve të Dibrës së Madhe, të cilët janë në mazhorancë shqiptarë. Por gjithashtu, sjell dëme të mëdha jo vetëm ekologjike por dhe ekonomike, edhe në rrethin e Bulqizës dhe Dibër”- tha ai.

Sipas tij, eshtë e dënueshme heshtja e qeverisë shqiptare për këtë shqetësim që është bërë tashmë shqetësim kombëtar.

“Ne i kërkojmë Ministrit të Jashtëm dhe Kryeministrit të dëgjojnë zërin e banorëve të Dibrës, të Bulqizës, por dhe zërin e shqiptarëve që banojnë në Dibrën e Madhe, të dëgjojnë zërin e intelektualëve dhe shoqërisë civile në vend, dhe të reagojnë menjëherë e të bëjnë publike, se çfarë po ndodh, cfarë është ky projekt i palës maqedonase, dhe cila është zgjidhja që nuk sjell dëme për qytetarët tanë. Këto janë problemet reale të shqiptarëve, dhe nuk mund të trajtohen me politikën e zero problemeve me fqinjët”- tha ai.

Sipas tij shurdhëria e qeverisë tonë para këtij shqetësimi në rritje të banorëve që preken drejtpërdrejt, por dhe gjithë qytetarëve dhe opinionit publik, e nxjerr qeverinë shqiptare në rastin më të mirë të paaftë për të kuptuar rëndësinë dhe përmasat e asaj që po projektohet nga pala maqedonase.

“Po bëhen 3 muaj që diskutohet kudo për devijimin e Lumit Radika, por vetëm qeveria e Edi Ramës nuk shprehet për këtë shqetësim mbarëkombëtar. Partia Demokratike i kërkon qeverisë të reagojë, sot, menjëherë, përpara se një çështje e tillë të përfshijë më shumë zemëratë popullore, çka nuk do të ndikonte në zgjidhjen e çështjes”-perfundon deklarata.

Panorama

[Albo]

Gjiknuri: S’kemi kërkesë nga Maqedonia. Respekt interesave të vendit

TIRANE- Ministri Gjiknuri, pyetur per ceshtjen e devijimit te lumit Radika ka thene se qeveria nuk ka asnje kerkese nga ana e Maqedonise, por sido te jete ai ka deklaruar prere se ne fund do te vendoset ne perputhje me interesat e vendit.

“E kam bërë edhe më parë publik qëndrimin. Nuk ka një projekt konkret që të na jetë dorëzuar si qeveri apo si Ministri e Energjitikës. Për një gjë dua ta siguroj publikun shqiptar; është një projekt-ide e hedhur prej shumë kohësh nga qeveria maqedonase. Në takimin që kam pasur me Ministrin e Ekonomisë së Maqedonisë Z.Valon Saraçini në 27 nëntor, e kam thënë të qartë dhe po e përsëris të vetmen rrugë sipas të cilës kjo çështje mund të diskutohet. Nëse projekti ka impakt në ujërat e Shqipërisë, zgjidhja e tyre parashikohet në marrëveshjet ndërkombëtare, dhe ndërkufitare përsa i përket regjimit të ujërave. Kjo është përgjigja!”- tha ai.

Gjiknuri shtoi me tej se qeveria pret që të shikojë projektin nga ana teknike. “Nëse ka impakt mbi pasuritë e këtij vendi, padiskutim që qeveria shqiptare do të mbajë qëndrimin në përputhje me marrëveshjet dhe me interesat e këtij vendi e asnjë nuk duhet ta paragjykojë apo të luajë politikisht me këtë gjë”- tha ai.

Panorama

[Albo]

Lumi Radika, Rama: Shumë zhurmë për asgjë. S’ka projekt. Nuk lejojmë prekjen e interesit tonë

TIRANE- Kryeministri, Edi Rama ka folur për herë të parë lidhur me mundësinë e devijimit të lumit Radika, projekt i cili nxiti edhe protesta qytetare këtë fundjavë në Tiranë dhe në Dibër.

Në një reagim në Twitter, kryeministri shprehet se nuk ka projekt, dhe s’ka gjasë që të ketë një fillim të këtij procesi në mënyrë të njëanshme. Rama thekson se nuk do të lejohet që të preket interesi i Shqipërisë.

“”Lumi Radika” shume zhurme per asgje! 1.Ska projekt 2.Ska gjase te kete fillim te njeanshem 3. Ska shans te lejojme prekjen e interesit tone!”- shkruan Rama në Twitter.
“Lumi Radika” shume zhurme per asgje! 1.Ska projekt 2.Ska gjase te kete fillim te njeanshem 3.Ska shans te lejojme prekjen e interesit tone!

— Edi Rama (@ediramaal) January 20, 2014
Më herët kreu i grupit parlamentar të Lëvizjes Socialiste për Integrim, Petrit Vasili njoftoi se deputetët e kësaj partie kanë kërkuar interpelancë urgjente me ministrin e Jashtëm Ditmir Bushati për çështjen e devijimit të lumit Radika.

Në dhjetor të vitit 2013 gazeta Panorama zbardhi raportin sekret të qeverisë për devijimin e lumenjve Vjosë dhe Drini i Zi. Qeveria maqedonase i ka propozuar qeverisë shqiptare një projekt për të devijuar në tri kanale të nëndheshme burimin e lumit Radika, për të ndërtuar një hidrocentral në Fushën e Likovës. Ndërkaq, qeveria shqiptare do të përballet dhe më një kërkesë problematike të palës helene, atë të devijimit të burimit të lumit Vjosa.

Panorama

[Albo]

Lumi Radika, Basha: Shumë zhurmë për asgjë tha Rama dhe për armët kimike

TIRANE- Menjëherë pas deklaratës së kryeministrit, Edi Rama në Twitter, lidhur me çështjen e devijimit të lumit Radika, ka reaguar kreu i opozitës, Lulzim Basha.

Në mesazhin e tij në Facebook, Basha kërkon edhe njëherë nga qeveria që të bëjë transparencë para popullit dhe parlamentit për këtë çështje. Sipas Bashës, janë qytetarët që e detyruan Ramën të reagojë për lumin e Radikës.

“Shumë zhurmë për asgjë tha Rama dhe për armët kimike.”- thekson Basha, në mesazhin e tij, duke shtuar se, “Urojmë që nesër Rama të mos thotë se nuk e kishte shkruar vetë këtë status siç bën rëndom”


Panorama

[Albo]

Bushati e Ali Ahmeti diskutojnë projektin e lumit Radika

POGRADEC - Ministri i Punëve të Jashtme të Shqipërisë, Ditmir Bushati ka drekuar në Pogradec me liderin e BDI-së në Maqedoni, Ali Ahmeti.

“Në Pogradec qëndrova për një drekë vëllazërore me Ali Ahmetin, me të cilin ndava mendime të vyera”, shkruan ministri Bushati në faqen e tij në rrjetin social "Twitter", ku ka postuar edhe një foto nga dreka.

Ndërsa “Gazeta Lajm” në Maqedoni, referuar këtij takimi raporton se, “burime kanë bërë të ditur se me këtë rast janë diskutuar një sërë çështjesh, me theks të veçantë projekti për Radikën.
Ky problem ka qenë pjesë e bisedës mes dy bashkebiseduesve, me ç’rast është theksuar se kjo çështje duhet të zgjidhet konform normave ndërkombëtare dhe marrëveshjeve ndërshtetërore ndërmjet dy vendeve”.

(d.b/BalkanWeb)

[Albo]

“Panorama” zbardh raportin sekret të Qeverisë për Radikën: Qeveria maqedonase e ka miratuar projektin

TIRANE- Gazeta Panorama vijon sot me trajtimin e çështjes së devijimit të lumit Radika, për të cilin një ditë më parë reagoi edhe kreu i qeverisë, Edi Rama, duke mohuar pasjen e një plani. Gazeta zbulon sot negociatat mes dy qeverive.

Panorama shkruan se, Ministria e Jashtme ka informuar më datën 10 dhjetor të vitit 2013 Kuvendin mbi kërkesën e Maqedonisë për devijimin e burimeve të lumit Radika. Në një seancë me dyer të mbyllura në Komisionin e Jashtëm, zyrtarët e MPJ-së kanë informuar deputetët për projektin e Maqedonisë për të ndërtuar një HEC në fushën e Lukovës, duke përdorur burimet ujore të lumit Radika. “Panorama” ka zbardhur të plotë raportimin e drejtoreshës së Traktateve dhe të Drejtës Ndërkombëtarë në MPJ, Suela Janina, e cila ka dhënë detajet dhe për kërkesën e Greqisë për të devijuar burimin e lumit Vjosë. Drejtoresha e Drejtorisë së Traktateve dhe të Drejtës Ndërkombëtare, MPJ, Suela Janina: Ministria e Punëve të Jashtme është në ndjekje të problematikës së krijuar qoftë me komunitetin e Dibrës së Madhe, për çështjen e një projekti, të cilin qeveria maqedonase e ka miratuar nga ana teknike për ndërtimin e një hidrocentrali në fushën e Lukovës. Ideja është se, duke qenë se burimet natyrore nuk janë të mjaftueshme në këtë zonë, është menduar që të merren pesë degë të lumit Radika dhe të çohen në 3 kanale të nëndheshme, të çohen drejt fushës së Lukovës.

Panorama

[Albo]

Saraçini: S’ekziston ende projekt fizibiliteti për “Lukovën”. Grup ekspertësh për negociata

Ministri i Ekonomisë në Qeverinë e Maqedonisë Valon Saraçini, gjatë një interviste me Zërin e Amerikës, lidhur me devijimin e ujërave të lumit Radika, tha se nuk ekziston një projekt fizibiliteti për hidrocentralin në Fushën e Lukovës dhe se qeveria e Maqedonisë nuk ka në duar një projekt të tillë, por se bëhet fjalë për një projekt parazgjedhor të qeverisë, që do studiuar mirë.

Kompania energjetike ELEM ka bërë një projekt të saj, por ai nuk do të miratohet pa kaluar të gjitha fazat e studimit, thotë ministri duke shtuar se do të respektohen të gjitha konventat ndërkombëtare për ujërat, lidhur me këtë projekt.

Ministri Valon Saraçini thotë se askush nuk duhet të ketë shqetësime lidhur me projektin e hidrocentralit në Fushën e Lukovës; Se projekti është në fazë fillestare dhe po zhvillohen të gjitha procedurat mbi bazë të standardeve ndërkombëtare për çështjen e ujërave dhe të ambientit jetësor.

“Projekt final për Fushën e Lukovës ende nuk ka dhe nuk ka as studim mbi ndikimin ndaj ambientit jetësor, që janë dy elemente kyçe për një projekt për të pasur bazën që të fillojë. Çështje tjetër, ky projekt ende nuk ka siguruar burime finansiare; Banka Botërore nuk e ka kredituar këtë projekt, duke pasur parasysh, sipas rregullave të këtij institucioni, po qe se ka efekte negative sidomos ndaj ambientit jetësor, atëherë nuk besoj, se do të kreditonte një projekt të tillë. Pasataj, duke unisur nga konventat dhe marrëveshjet ndërkombëtare për ujërat, të gjitha rrugët çojnë kah ajo që ky projekt do të ketë një fund negativ, pas çka, qeveria, në bazë të argumenteve do të marrë vendim që projekti të mos realizohet”, thotë ministri.

Por kjo që e thotë ministri Saraçini ende është jozyrtare, me që ministrat ose qeveria e Maqedonise ende nuk ka ka mbi tavolinë një projekt përfundmitar as një studim mbi ndikimet ndaj ambinetit jetësor.
Ministri Saracini parafrazon fjalët e kryeministrit maqedonas Nikolla Gruevski gjatë një seance të dhjetorit, se në çastet kur studimi do të tregojë se ky projekt do të kishte efekte negative për ambientin, atëherë nuk do të miratohet një projekt i tillë. Lidhur me prononcimin e para pak ditëve më parë të zëdhënësit qeveritar për projektin, ministri i Ekonomisë thotë se komentet e zëdhënsit janë bërë në aspekt të ekzistimit të projektit në programin e qeverisë në bazë të premtimeve parazgjedhore, por kjo nuk do të thotë se ai do të realizohet.

“Ne jemi ende në një fazë të realizimit të studimeve; projekti nuk është mirartuar nga qeveria dhe nuk do të miratohet deri sa të përfundojnë të gjitha studimet”, thotë me këmbëngulje ministri i Ekonomisë.

Ministri i Saraçini thotë se ka komunikim të vazhdueshëm me palën shqiptare, respektivisht me ministrin e Eneregjitikës Damian Gjiknuri dhe se do të respektohen normat ndërkombëtare në lidhje me projektin Fusha e Lukovës.

“Në një seancë të qeverisë kemi rënë dakord për formimin e një grupi ekspertësh që do të negociojë me palën shqiptare në lidhje me këtë projekt. Grupi punes do të fillojë debatin atëherë kur projekti të jetë i gatshëm apo final. Atëherë do të kemi një arsye të ulemi dhe bisedojmë për të parë se çfarë përfundimesh do të dalin nga ky debat”, thotë ministri Saraçini.

Panorama

[Xinxerfilli]

Erjon Brace:

Sazani del ne rruge dhe uleret: mos ma prekni Lumin!!;

Mesila e mbeshtet dhe kerkon edhe ajo: mos ma prekni Lumin!!;

Luli zgjohet dhe nxjerr nje deputet te tij te thote: Qeveria po shet Lumin!!

Ministri i Energjise del publikisht e thote: Ska as projekt e as interes; nese do kete do ndalim cenimin e interesave tona!!;

Kryeministri i Shqiperise konfirmon zyrtarisht se: Eshte zhurme e kote ose shume zhurme per asgje!!;

Luli nuk del serish vete por nxjerr Panoramen:
Qeveria e Maqedonise ka miratuar dy projekte!!;

Atehere Luli serish nxjerr zedhenesen e tij deputete dhe ajo lexon Panoramen: Rama genjeu, Qeveria e Maqedonise ka miratuar dy projekte!!

Qeveria e Maqedonise nxjerr Ministrin e Ekonomise i cili thote qarte:

NUK KA PROJEKT, NUK KA FINANCIM, NUK KA STUDIM AMBJENTAL; NUK MUND TE BEHET PA SHQIPERINE DHE PA PARE INTERESAT E BANOREVE TE ZONES DHE SHQIPERISE SI PALE NE MARREVESHJE!!!!

Luli ska nxjerre ende njeri per sot por Panorama nuk ka kerkuar ndjese ende!!

LULEZIM, THUAJI ATIJ KESHILLTARIT TE VJETER SE STRATEGJIA E TENSIONIT ME TE PAVERTETA NUK MBLEDH NJEREZ!!

Skeme e vjeter dhe e deshtuar strategjia e tij; nejse, nuk di te bej me shume se kaq, thjesht replikon veten!!

[DYDRINAS]

KA PROJEKT!

Ketu eshte studimi qe eshte kryer ne bashkepunim me Banken Boterore.

http://www-wds.worldbank.org/external/default/WDSContentServer/WDSP/IB/2011/08/18/000333038_20110818235747/Rendered/PDF/AC64520ISDS0Box0361510B00PUBLIC0.pdf

[DYDRINAS]

Bota e civilizuar ka reaguar me kohe kunder ketij projekti. Siç duket as qeveria Berisha nuk e ka vene ujin ne zjarr.

Hydro power plants endanger the Balkan lynx in Macedonia

http://bankwatch.org/node/9672

[Xinxerfilli]

O shoku shpellar, ky dokument eshte konceptimi i masave te mbrojtjes per projektin mbi energjine e riperterishtme. Ideja, dhe jo projekti. E ke me te medhaja qe ne fillim te dokumentit.

Sic e shikon vete eshte i vitit 2011 dhe per me teper lumi Radike spermendet ASNJEHRE! Flitet per liqenin e Mavrovit.

Idiotesiret dhe idiotet PeDe-iste skane fund!

[Albo]

Radika, Banka Botërore po shqyrton kërkesën për HEC Lukovë

Kostoja - Projekti i paraqitur pritet të kushtojë rreth 80 milionë euro dhe të prodhojë 160 milionë kilovat/orë energji elektrike në vit
Mavrov - Rezervuari parashikohet të ndërtohet në Parkun Natyror të Mavrovos dhe do të ketë madhësi që do të variojë nga 0.1 në 1.5 kilometra katrore
Ndikimi - Radika është kontribuues i Drinit dhe heqja e 2 metrave kub ujë për sekondë, ose 63 milionë metër kub në vit, ndikon në HEC-et tona


Shqipëria, Kosova dhe Greqia do të duhet të pyeten në lidhje me devijimin e ujërave

Gjergj Erebara

Banka Botërore është aktualisht duke shqyrtuar kërkesën e Maqedonisë për financimin e projektit të devijimit të ujërave të lumit Radika për një hidrocentral të ri dhe për të shtuar furnizimin me ujë në tre hidrocentrale ekzistuese në kaskadën Mavrovo. Lajmi bëhet i ditur nga dokumentet e publikuara në faqen zyrtare të Bankës Botërore në internet. Projekti i detajuar synon të marrë në lartësinë 1500 metra mbi nivelin e detit mesatarisht 2 metra kub ujë në sekondë nga baseni kullues i Adriatikut dhe ta transferojë këtë sasi në basenin kullues të Egjeut. Projekti parashikon ndërtimin e një hidrocentrali të vogël me fuqi 5 MW me digë dhe një rezervuar të aftë për të magazinuar 39 milionë metra kub ujë. Rezervuari parashikohet të ndërtohet në Parkun Natyror të Mavrovos dhe do të ketë madhësi që do të variojë nga 0.1 në 1.5 kilometra katrore. Energjia totale e prodhuar nga hidrocentrali i ri 5 MW dhe nga rritja e prodhimit në tre hidrocentralet ekzistues poshtë rrjedhës pritet të arrijë në 160 milionë kWh në vit. Diga e projektuar është 320 kilometra e gjatë dhe 70 metra e lartë.

Marrëveshja e kufirit me Kosovën

Banka Botërore vëren në raportin e saj se marrëveshja për delimitimin e kufirit mes Maqedonisë dhe Kosovës e arritur në vitin 2009, ia dha të gjithë zonën ujëmbledhëse të Lukovës, Republikës së Maqedonisë. Pavarësisht kësaj, BB thotë se Maqedonia, Shqipëria dhe Greqia do të duhet të japin leje për vijimin e këtij projekti. BB thotë gjithashtu se projekti ka potencial për të shkaktuar ndikime të rëndësishme negative në mjedis nëse nuk menaxhohet mirë. “Gjatë periudhës së operimit [projekti] do të shkaktojë devijimin e ujit nga rrymat dhe përrenjtë në sipërfaqe nëpër kanale dhe tunele, do të ndryshojë hidrologjinë vendëse dhe do të shkaktojë ca devijim uji (mesatarisht më pak se 2 metra kub në sekondë), nga baseni i Adriatikut në atë të Egjeut”, thotë dokumenti i BB.

Politika OP 7.50

Banka Botërore ka një set politikash paraprake, mes të cilave është politika operacionale 7.50. Kjo politikë e vendosur në vitin 2001, sanksionon që çdo projekt i Bankës Botërore që prek ujëra që i përkasin më shumë se një vendi, nuk mund të financohet për sa kohë një vend nuk ka rënë dakord mbi të. Kjo politikë sanksionon që para se të financohet projekti, palët e interesuara të marrin njoftim dhe të japin opinionin e tyre për pasojat që mund të kenë nga zbatimi i projektit. “Për shkak të devijimit të sasive të vogla të ujit (më pak se 2m³/s) përgjatë ujëndarëses nga baseni i Adriatikut në Basenin e Egjeut, politika operacionale 7.50 e Bankës Botërore mund të aktivizohet. Një njoftim formal do t’i dërgohet palëve të prekura (Kosovës dhe Shqipërisë, si dhe, për shkak të rritjes së prurjeve përmes Greqisë te baseni i Egjeut, një njoftim duhet t’i dërgohet edhe Greqisë gjithashtu”, thuhet në projektin e BB, i firmosur më 1 dhjetor 2012. Sipas politikës operacionale të BB, nëse një vend refuzon, BB mund të ofrojë mundësi për ndërmjetësim mes palëve për të zgjidhur mosmarrëveshjet me mirëkuptim. Qëndrimi i qeverisë shqiptare mbi këtë çështje është i paqartë. Kryeministri Edi Rama deklaroi në “Twitter”: “Lumi Radika, shumë zhurmë për asgjë! 1. S’ka projekt 2. S’ka gjasë të ketë fillim të njëanshëm 3. S’ka shans të lejojmë prekjen e interesit tonë!”. Ndërkohë, dokumenti i Bankës Botërore i aksesueshëm në faqen e internetit, e ka titullin: Lukovo Pole Water Regulation and Renewable Energy Project (LPREP). Ky projekt është në fazën e konceptimit, por ndërkohë qeveria e Maqedonisë gjatë vitit 2012 ka kaluar procedurat e konsultimit publik dhe hartimit të vlerësimeve të ndikimit në mjedis. Për këtë projekt, kanë hyrë në veprim një seri parakushtesh që Banka Botërore ka para se të financojë një projekt dhe parakushti i mirëkuptimit me vendet e prekura, në këtë rast, Shqipëria, Kosova dhe Greqia është një prej tyre. Dokumentet mbi projektin janë hartuar deri në nëntor të vitit 2012. Ndërkohë, media në Tiranë ka publikuar një dokument që sugjeron se qeverisë shqiptare i ka ardhur njoftimi nga qeveria e Maqedonisë për të kërkuar leje për devijimin e prurjeve. Ministria e Ekonomisë në Shqipëri thotë se çështja është diskutuar me autoritetet maqedonase në kuadër të shqetësimeve të popullsisë, por nuk ka kërkesë zyrtare për leje nga Shkupi për devijimin e kësaj sasie uji.

Regjimi i ujërave

Lumi i Radikës është kontribuues i Drinit dhe heqja e dy metrave kub ujë për sekondë ose 63 milionë metër kub në vit, do të prekë sasinë e ujërave që mbërrin në hidrocentralet shqiptare mbi Drin, Fierzë, Koman, Vau i Dejës dhe Ashtë. Në kaskadën e Drinit shpenzohet zakonisht 1 deri në 1.4 metra kub ujë për çdo kilovat/orë energji të prodhuar. Heqja e 63 milionë metra kub në kushte teorike sjell pakësimin e potencialit prodhues energjetik të Shqipërisë me 50-60 milionë kWh në vit, të cilat kanë vlerë tregtare aktuale prej 2.5 deri në 3 milionë eurosh, nëse marrim çmimin minimal prej 5 cent për kWh. Por efekti real i heqjes së kësaj sasie uji nga rrjedha natyrore e Drinit varet edhe nga shumë faktorë të tjerë. Shqipëria mund të përballet edhe me mosmarrëveshje me kompaninë që ka ndërtuar me koncesion hidrocentralet e Ashtës, pasi në kontratën e firmosur mes palëve, qeveria del garant se sasia e ujit që mbërrin në këto hidrocentrale nuk do të preket gjatë kohës së vijimit të koncesionit. Gjithsesi, projekti i Lukovës vështirë se mund të zbatohet pa lejen paraprake të Shqipërisë, Kosovës dhe Greqisë.

Shqip

[Albo]

Erjon Brace:

Sazani del ne rruge dhe uleret: mos ma prekni Lumin!!;

Mesila e mbeshtet dhe kerkon edhe ajo: mos ma prekni Lumin!!;

Luli zgjohet dhe nxjerr nje deputet te tij te thote: Qeveria po shet Lumin!!

Ministri i Energjise del publikisht e thote: Ska as projekt e as interes; nese do kete do ndalim cenimin e interesave tona!!;

Kryeministri i Shqiperise konfirmon zyrtarisht se: Eshte zhurme e kote ose shume zhurme per asgje!!;

Luli nuk del serish vete por nxjerr Panoramen:
Qeveria e Maqedonise ka miratuar dy projekte!!;

Atehere Luli serish nxjerr zedhenesen e tij deputete dhe ajo lexon Panoramen: Rama genjeu, Qeveria e Maqedonise ka miratuar dy projekte!!

Qeveria e Maqedonise nxjerr Ministrin e Ekonomise i cili thote qarte:

NUK KA PROJEKT, NUK KA FINANCIM, NUK KA STUDIM AMBJENTAL; NUK MUND TE BEHET PA SHQIPERINE DHE PA PARE INTERESAT E BANOREVE TE ZONES DHE SHQIPERISE SI PALE NE MARREVESHJE!!!!

Luli ska nxjerre ende njeri per sot por Panorama nuk ka kerkuar ndjese ende!!

LULEZIM, THUAJI ATIJ KESHILLTARIT TE VJETER SE STRATEGJIA E TENSIONIT ME TE PAVERTETA NUK MBLEDH NJEREZ!!

Skeme e vjeter dhe e deshtuar strategjia e tij; nejse, nuk di te bej me shume se kaq, thjesht replikon veten!!

Keta rilindasit socialiste si Erion Bracja, mistreci i Beratit, te lene me goje hapur me zgjuarsine e tyre!

Pale ai Kryerilindasi qe thote: "Nuk ka projekt" kur kryeministri maqedonas dhe ministrat e tij jane shprehur hapur publikisht dhe po mbeshtesin kete projekt te tyre. Koketulet nuk e kuptojne qe ky eshte nje projekt i qeverise maqedonase brenda territorit te saj, dhe nuk eshte nje projekt i qeverise shqiptare. Dhe pala maqedonase, nese arrin te siguroje financimin e projektit, nuk ka perse i merr leje fare qeverise shqiptare per te ngritur kete HEC brenda territorit te saj.

Qytetaret e zones dhe gjithe shqiptaret duhet te jene te shqetesuar mbi projektin, pasi do kete me pak prurje ujrash ne hidrocentralet shqiptare mbi lumin Drin qe do te thote, me pak energji elektrike e prodhuar ne vend. Pa perllogaritur problemet e tjera lokale te zones e banoreve qe perdorin ujin per vaditje e uje te pijshem.

Maqedonia nuk ka nje orangotang per kryeminister por ka nje nga kryeministrat me te zgjuar e te suksesshem ne rajon, me profesion ekonomist e bankier, e jo piktor e rilindas sic e kemi ne ne Tirane. Kur pala maqedonase te siguroje fondet dhe te filloje punen per projektin, Bracja e Rama do te dalin ne televizor te bejne ate qe dijne te bejne me mire: te shajne e kercenojne me fjale qeverine maqedonase! Por pala maqedonase as nuk e pyet Ramen e Bracen se e di se me cfare speciesh ka te beje.

Albo

[Xinxerfilli]

Kur behet fjale per ujerat nderkombetare nuk ka se si vepron as Maqedonia as Banka Boterore pa marreveshje me Shqiperine o tuaf

Dolen si Maqedonia si BB ta permendnin fare qarte kete.

Hajde se skeni pune tjeter juve. Beni llafe si gjithmone ne ajer dhe thoni e ndaluam ne projektin e Radikes

Lere pastaj edhe titullin e temes si gjithmone dezinformues. Jeni bere boze fare

[Xinxerfilli]

Qeveria maqedonase: Nuk ka projekt konkret për Radikën

Dy ministra të Qeverisë maqedonase ndodhen në Tiranë, ku kanë zhvilluar një takim me Kryeministrin Edi Rama dhe disa ministra të kabintetit qeveritar, me të cilët kanë diskutuar për cështjen e shumëpërfolur të devijimit të lumit Radika.

Pas këtij takimi, ministri i Ekonomisë të Maqedonisë, Valon Saraçini, ministri maqedonas i Ambientit Jetësor, Abdilaqim Ademi, ministri i Jashtëm shqiptar Dimtir Bushati, ai i Energjisë dhe Industrisë Damian Gjiknuri, si dhe ministri i Mjedisit Lefter Koka, dolën në një prononcim për mediat.

"Eshtë për të ardhur keq që edhe në ato raste kur ka një dialog të mirëfilltë mes dy qeverive për të adresuar çështje që kanë një impakt ndërkufitar, sërish ka spekullime për gjoja humbje të interesave kombëtare të një shteti. Nuk ka asnjë projekt për devijimin e lumit Radika. Ne besojmë se perdorimi i ujerave jane çeshtje te rendesishme dhe ato diskutohen në përputhje me konventat ndërkombëtare", tha ministri i Jashtëm Bushati.

Ministri siguroi se Qeveria shqiptare do të mbrojë dinjitetin kombëtar, integritetin territorial dhe të gjitha interesat e qytetarëve shqiptarë.

Nga ana e tij, ministri i Ambientit Jetësor Abdilaqim Ademi, theksoi se bashkë me kolegun e tij ndodhet në Tiranë jo vetëm për të informuar, por edhe për të sqaruar se për idenë e vjetër që është vetëm në letër për devijimin e lumit Radika, nuk ka asnjë projekt apo studim për impaktin në mjedis.

"Për sa kohë nuk ka një projekt dhe një studim të mirëfilltë, atëherë nuk ka nevojë për shqetësim. Në bazë të konventave ndërkombëtare, kur fillohet një projekt i tillë, në një fazë të caktuar duhet pyetur opinioni publik, si dhe duhen bëre bisedime me vendet fqinje", sqaroi Ademi.

Në të njëjtën linjë ishin edhe ministrat e tjera në prononcimet e tyre.

---------------------------------------------------------------------------------

Shpresoj qe titulli i temes te nderrohet per te informuar qarte publikun pavaresisht se kjo nuk eshte linje qe ndjek Forumi PeDe-ist...

[Albo]

Drejtoresha e BB-së në Maqedoni: Ja detajet teknike të projektit në lumin Radika

SHKUP - Drejtoresha e Zyrës së Bankës Botërore në Maqedoni, Tatiana Proskuryakova bën të ditur detaje teknike të projektit energjetik në Fushën e Lukovës, i cili parashikon devijimin e lumit Radika.

Në një intervistë për Koha.mk, zonja Proskuryakova thekson se Banka Botërore do të vazhdojë takimet me të gjithë aktorët e interesuar gjatë shqyrtimit të projektit dhe do të sigurojë që projekti është në përputhje me politikën operacionale për projekte ndërkombëtare të rrugëve ujore.

Deri ku janë bisedimet me Qeverinë e Maqedonisë lidhur me projektin “Fusha e Llukovës”. Sipas disa informacioneve Banka Botërore në një rast ka refuzuar këtë projekt për shkak të mundësisë së ndikimit negativ në ambientin jetësor dhe të biodiversitetit në rajonin e Dibrës?
Me kërkesë të qeverisë së Maqedonisë, ne kemi rënë dakord për të vlerësuar mbështetjen e mundshme për projektin “Fusha e Lukovës”, projekt ky i cili synon të rrisë varësinë e vendit ndaj energjisë së rinovueshme dhe të përmirësimit të kapacitetit të magazinimit të ujit, për të reduktuar vulnerabilitetin e saj ndaj luhatjeve gjatë reshjeve. Kjo do të përfshinte ndërtimin e një dige të ruajtjes me një rezervuar relativisht të vogël të ujit dhe të shoqëruar me një kapacitet të hidrocentralit. Një objektiv kryesor i projektit është që të rrisë efikasitetin me të cilin kapacitetet ekzistuese të hidrocentraleve funksionojnë në mënyrë që centralet e reja për prodhimin e energjisë nuk do të ishin të nevojshme. Sistemi energjetik i Maqedonisë aktualisht mbështetet në lëndët djegëse të fosileve edhe atë për 75 % të konsumit të energjisë elektrike. Qeveria është e përkushtuar për të përdorur më shumë energjinë e rinovueshme duke e reduktuar varësinë e saj nga importet jo të besueshme dhe shpesh të shtrenjta të energjisë. Ne mbështesim përpjekjet e Maqedonisë për të lëvizur sa më larg nga varësia energjetike nga karburantet fosile drejt burimeve të ripërtëritshme të energjisë siç janë hidrocentralet gjithnjë në përputhje me strategjinë e vendit.
A jeni njohur me reagimet e popullatës dhe OJQ-ve lokale në Dibër dhe Peshkopi të cilët fuqimisht e kundërshtojnë këtë projekt me pohime për ndikim negative ne biodiversitetin e rajonit me spostimin e rrjedhës së ujit nga Lumi Radika drejt Vardarit?
Banka Botërore është takuar me organizatat lokale dhe ndërkombëtare të shoqërisë civile gjatë disa viteve të fundit për të diskutuar shqyrtimin tonë rreth projektit “Fusha e Lukovës”. Ne do të vazhdojmë të takohemi me të gjithë aktorët e interesuar gjatë shqyrtimit tonë të projektit. Konsultimi i ardhshëm publik do të mbahet në muajt në vijim për të diskutuar propozim vlerësimin për ndikimin mjedisor si dhe të ndikimit social. Banka Botërore nuk e mbështet zhvillimin hidroenergjetik në zonat ekologjikisht të mbrojtura. Edhe pse projekti i propozuar për Fushën e Llukovës është e vendosur brenda Parkut Kombëtar të Mavrovës, ajo do të ndërtohet në një zonë të klasifikuar si zona e përdorimit të qëndrueshëm dhe jo në zonën e mbrojtjes strikte. Asetet hidroenergjetike kanë funksionuar në këtë fushë që nga viti 1957. Mbështetja e ardhshme e Bankës Botërore është në varësi të projektit i cili duhej projektuar ashtu që të përjashton zonat e mbrojtura. Për shembull, punimet në Luginën e Projfelit ishin të përjashtuara nga projekti i propozuar edhe atë në mënyrë specifike, për të akomoduar një zonë të mbrojtur.
Tirana zyrtare, përfshirë edhe kryeministri Rama kanë reaguar kundër këtij projekti duke deklaruar se nuk do të ketë projekt pa pëlqimin e institucioneve shqiptare?
Si pjesë e aktiviteteve përgatitore, Banka Botërore do të sigurojë që projekti është në përputhje me politikën operacionale për projekte ndërkombëtare të rrugëve ujore. Si e tillë, pikëpamjet e të gjitha palëve të interesuara do të merren në konsideratë, si të progresit të përgatitjeve të projektit dhe në përputhje të plotë me politikën përkatëse të Bankës Botërore.

Projekti i Qeverisë së Maqedonisë për ndërtimin e një kapaciteti hidroenergjetik në lokalitetin fusha e Lukovës në Dibër, ku Banka Botërore paraqitet si kreditues kryesor, këto ditë ka shkaktuar shumë polemika në opinionin e vendit por edhe në Shqipëri.

Kjo për arsye se si pjesë kryesore të projektit parashihet që një pjesë e ujit të Radikës në vend që të përfundojë në Lumin Drini i Zi, përmes sistemit të kanaleve do të përfundojë në Lumin Vardar, përkatësisht në Detin Egje. Ky spostim i ujërave sipas ambientalistëve dibran dhe pushtetit lokal, do të ketë ndikim katastrofal për florën dhe faunën e rajonit më të gjerë, ndërsa në Shqipëri do t`i ulë edhe më shumë prurjet e ujit në kaskadat hidroenergjetike në lumin Drin.

(er.nu/BalkanWeb)

[Albo]

Ministrat maqedonas: S’ka 'Radika' pa fqinjët dhe pa u bindur dibrani i fundit. Bushati: Mbrojmë interesat e vendit

TIRANË- Do të devijohet lumi Radika apo jo? Përgjigjen e dhanë sot në Tiranë ministrat maqedonas dhe ata shqiptarë, konkretisht ai i Ekonomisë, Valon Saraçini dhe i Mjedisit e Planifikimit Hapësinor Abdilaqin Ademi së bashku me Ministrat e qeverisë shqiptare ai i Energjitikës dhe Industrisë, Damian Gjiknuri, ministri i Jashtëm Ditmir Bushati dhe ai i Mjedisit, Lefter Koka. Njëzëri u tha se projekti nuk ia vlen të diskutohet tani sepse është thjesht një ide në letër. Pala shqiptare theksoi se janë spekulime të opozitës, kurse pala maqedonase tha se dhe projekti finalizohet në Qershor, por merr jetë vetëm nëse e pranon qeveria shqiptare. “Nëse qeveria shqiptare e kundërshton, nëse dibrani i fundit është kundër projekti, atëhere nuk ka asnjë projekt të realizuar”.

Ministri i Jashtëm i Shqiperisë, Ditmir Bushati, ministri i Ekonomisë dhe Energjitikës Damian Gjiknuri, ministri i Mjedisit Lefter Koka së bashku me ministrin e Mjedisit e Planifikimit Hapësinor i Maqedonise Abdilaqim Ademi dhe ministrin e Ekonomisë Valon Saraçini zhvilluan këtë konferencë për shtyp për të sqaruar çështjen e lumit Radika.

Bushati
Ministri i Jashtëm i Shqipërisë Ditmir Bushati deklaroi se opozita po spekulon me çështjen Radika dhe se kjo çështje rregullohet nga marrëveshjet ndërkombëtare.“ Opozita po spekulon me çështjen e lumit Radika. Është për të ardhur keq se edhe në ato raste kur mund të bëhet marrëveshje sërisht ka spekulime për gjoja humbje të interesave kombëtarë. Ujërat ndërkufitare duhet të shfrytëzohen në mënyrë të arsyeshme dhe të barabartë, duke marrë në konsideratë aktivitetinndërkufitar. Pala shqiptare i diskuton këto në frymën e së drejtës ndërkombëtare dhe frymën e marrëveshjeve dypalëshe. Qeveria jonë ka bazë të plotë të të drejtave që rregullojne këto çështje. Garantoj opinionin publik se kjo qeveri do të mbrojë deri në ditën e fundit dinjitetin, sovranitetin territorial dhe gjithë interesat e kombit shqiptar.”- deklaroi Bushati.

Ademi
Ministri i Mjedisit e Planifikimit Hapësinor në Maqedoni , Abdilaqim Ademi u shpreh se nuk ka një projekt për lumin Radika. Sipas tij vazhdimësinë e projekt-idesë që nuk është hedhur në letër do e përcaktojë një studim paraprak që do të bëhet për ndikimin që mund të ketë një projekt i tillë në mjedis.

“Kjo ide e vjetër në letër nuk ka një projekt të caktuar dhe një studim të përcaktuar për ndikimin në ambientit mjedisor dhe si e tillë nuk mund të ketë shqetësim për publikun. Në bazë të konventave ndërkombëtare se në rast të projekteve të tilla në një fazë të caktuar qeveria ka për detyrë të informojë publikun. Nuk do marrim asnjë vendim pa u konsultuar me vendet fqinje dhe pa ndjekur procedurat që parasheh realizimi i një projekti. Studimi që duhet të përfundojë për impaktin në mjedisin jetësor do jetë bazë për realizimin apo jo të projektit dhe ky studim është duke u përgatitur. Nuk ka nevojë për shqetësime. Jemi në bashkëpunim me institucionet e vendit në Maqedoni dhe me vendet fqinje . Nuk ka nevojë për shqetësim dhe vendimmarrja do jetë transparente.

Gjiknuri
“Kemi kërkuar shpjegime nga pala maqedonase, por duhet theksuar se jemi në fazën e një projekt ideje që nuk është maturuar në projekt, por siguroj se qeveria do punojë që të mos cënohet siguria hidrike, hidroenergjetike dhe të mos bihet pre e spekulimeve. Unë këtë cështje e kam ngritur në nëntor me homologun maqedonas, por asnjë media nuk i dha interes kësaj cështje në atë kohë. Tani nuk duhet të bëhemi pre e spekulimeve.

Saracini
“Jemi këtu në Tiranë me ftesë të Edi Ramës, për të diskutuar për një projekt ide dhe për të diskutuar për atë send që në të ardhmen planifikohet të bëhet. Bëhet fjalë për një ide të hedhur në letër, për një projekt ideor që ka qenë bazë që pritet të punohet në një projekt por projekt final dhe që pritet të përfundojë deri në muajin qershor. Pasi të përfundojë projekti final, por dhe studimi do të ketë debate publike ku do jenë të kycur gjithë institucionet relevante dhe përfaqësues të Dibrës së Madhe, pala shqiptare. Në momentin kur projekti të jetë final dhe ne si qeveri do e kemi të gatshëm atëhere do thirret qeveria shqiptare nëse do japë pëlqi. Nëse qeveria shqiptare nuk jep pëlqim deri në fund të muajit qershor, atëherë nuk do të miratohet. Rastet e cështjeve ujore diskutohen dhe nuk bëhen në formë arbitrare por diskutohen mes shtetesh. Pra kemi nje projekt në letër por poqese dibrani i fundit është kundër këtij projekti, ky projekt nuk do të realizohet”

Koka
“Jemi këtu për të sqaruar një asgjë më saktë, është një gjë shumë e diskutuar, por ku cdo shtet duhet të respektojë disa Konventa, por ajo që po ndodh me ne, ne jemi shumë sensibël që kur bëhet fjalë për projekti me ujin, të shpjegojmë ata zëra që nuk do të bëhet asnjë projekt që kundërston këto Konventa dhe direktiva të BE. Jemi këtu kur nuk ka projekt, nuk do jetë projekt, nuk kemi luksin të tolerojmë të pranojmë projekte në kundërshtim me konventat, besoj se kjo është e gjitha që donit të dinit”.

Takimi me Ramën
Kryeministri Edi Rama ka pritur në Tiranë dy ministrat e Qeverisë së Shkupit lidhur me çështjen e projektit “Fusha e Lukovës”. Rama i shoqëruar nga ministrat e kabinetit të tij Damian Gjiknuri dhe Lefter Koka e Ditmir Bushati ka bisedua me ministrinë e Ekonomisë të Maqedonisë, Valon Saraçini si dhe ministrin e Ambinetit Jetësor, Abdilaqim Ademi.

Projekti energjetik i “Fushë Lukovës”, i cili ka ndezur debate të shumta në vend deri tani qoftë nga pala maqedonase, qoftë nga ajo shqiptare nuk është pranuar se ka nje plan konkret.

Ndërkohë zyrtarët e Bankës Botërore në Shkup kanë deklaruar se po bëjnë vlerësime për projektin e paraqitur që prej vitit 2011, e sipas të cilit, sasia e ujërave që parashikohet të devijohen në kaskadën e Mavrovës do të jetë më e vogël se 2 metra kub për sekondë, që sipas burimeve të Bankës Botërore është më e ulët se sa parashikon marrëveshja për administrimin e ujërave midis Shqipërisë dhe Maqedonisë.

Por meqë ky devijim ujërash prek edhe vendet fqinje, si Shqipërinë, Kosovën dhe Greqinë, sipas rregullave të Bankës Botërore, këto vende duhet të vihen në dijeni.

Projekti, që ende nuk është miratuar nga Bordi i Drejtorëve, ka ndeshur në vështirësi për shkak të konsideratave mjedisore dhe kundërshtimeve nga banorët në Maqedoni, meqë ai pritet të ndërtohet në një park kombëtar.

(d.b/a.n/BalkanWeb)