Ushqimet që përmirësojnë humorin

[Xhuxhumaku]

Ushqimet që përmirësojnë humorin

30 Tetor 2013 | : Ndryshe | Autor: Gazeta Shqip

Nëse kohët e fundit nuk keni qenë mirë me humorin ju këshillohet të hani disa ushqime specifike, të cilat do t’ju japin energji pozitive

Jeta


Ndiheni poshtë me humorin, pak depresiv dhe nuk doni të bëni asgjë? Mund të ndodhë, por nëse kjo lloj situate zgjat shumë, ju vijnë në ndihmë edhe ushqimet. Në fakt ekzistojnë disa ushqime që mund të ndihmojnë në përmirësimin e humorit, duke ju “karikuar” me energji pozitive për ta përballuar jetën me më shumë lehtësi. Të shohim bashkë se për cilat ushqime bëhet fjalë:

Kivi

Sipas një studimi të fundit nga Universiteti Otago, ngrënia e dy frutave kivi në ditë do t’i bëjë mirë jo vetëm shëndetit, por edhe humorit tuaj; do t’ju japë energji më të madhe. Rreth 54 të rinj hëngrën kush dy dhe kush një kivi në ditë për 6 javë. Të parët manifestuan më pak simptoma depresive dhe më pak lodhje fizike e mendore në krahasim me këta të dytët.

Çokollata

Tashmë ka hyrë në përdorim edhe çokollata për t’ju përmirësuar humorin. Bëhet fjalë për një ushqim të pasur me magnez, i cili luan rol jetik në rritjen e mirëqenies psikologjike.

Perimet me ngjyrë jeshile

Përmbajnë substanca të tilla si polifenolin dhe vitaminën K, që do t’ju japin një rritje të konsiderueshme të energjisë fizike dhe psikologjike, ndërsa ju do të ndiheni më pak të lodhur dhe me një ndjesi më të mirë të brendshme dhe të jashtme.

Arrat

Ato janë shumë të pasura me Omega 3. Këto janë acide yndyrore të cilat janë thelbësore për shëndetin e trupit dhe për këtë arsye edhe për mirëqenien e psikikës tuaj.

Speci i kuq ose piperi

Është pikant, por nuk është e nevojshme ta ekzagjeroni. Ka një sërë të mirash, mes të cilave veti të forta antidepresive të cilat për rrjedhojë ju japin humor të mirë.

Banania

Kjo frutë, e pasur edhe me kalium, ka aftësinë të rrisë nivelin e serotoninës apo të hormonit të famshëm të humorit.

Bajamet

Edhe për bajamet vlen e njëjta gjë si për çokollatën. Ato janë shumë të pasura me magnez dhe janë një ushqim shumë i rëndësishëm për trurin.

Tërshëra

Është një ushqim me qasje të ndryshme për shëndetin. Tërshëra në vetvete është një substancë e cila përmban vlera të konsiderueshme qetësuese dhe antidepresive.

Veza

Kujt ia priste mendja! Mjafton të hani një vezë në ditë dhe ju do të përfitoni më shumë se 20% triptofan, një substancë e cila është në gjendje të rrisë nivelin e serotoninës në trurin tuaj.

Mishi i bardhë i pulës

Mishi i bardhë i pulës është i pasur me vitaminë B12, e cila ndihmon në qetësimin e trupit tuaj. (Në fakt, një nivel i ulët i vitaminës B12 në trup çon në një përkeqësim të humorit dhe në lodhje).

Domatet

Ato janë shumë të pasura me një substancë (likopen), që ka veti të forta antioksiduese. Domatet janë të dobishme për të gjithë trupin dhe për të gjithë sistemin nervor.

Avokado

Kjo frutë përmban serotoninën, një neurotransmetues i humorit të mirë. Bën gjithashtu shumë mirë për lëkurën tuaj, për flokët dhe për thonjtë.

Çaji jeshil

Çaji jeshil është i pasur nga proteina, një antioksidant që funksionon si një agjent qetësues. Ai është më tepër i shëndetshëm nga çajet e tjerë!

http://gazeta-shqip.com/lajme/2013/1...sojne-humorin/

[broken_smile]

po per cajin e malit eshte kryer ndonje studim nese dini gje? nese jo, ofrohem si kavie eksperimentale. ne venat e mia me duket se po fillon te qarkulloje vetem caj, jo me gjak

[Elian70]

caji i malit eshte vetem per ere dhe asgje tjeter, caji kinez (jeshil) thone se ka shume vlera, por une besoj se ka vlera vetem per kinezet se kur e piva uji me klor mu duk me i mire....

[broken_smile]

ashtu vertet? mua me pelqen edhe ai jeshil. te gjitha llojet e cajeve me pelqejne ne fakt...

[benseven11]

po per cajin e malit eshte kryer ndonje studim nese dini gje? nese jo, ofrohem si kavie eksperimentale. ne venat e mia me duket se po fillon te qarkulloje vetem caj, jo me gjak

Caji i malit i marre direkt ne natyre ka shume kafeine qe eshte i demshem per sistemin nervor dhe trurin.
Kafeina stimulon nervat,rrit vigjilencen dhe reflekse shume te shpejta ,por kur eshte ne sasi te madhe si ne rastin e cajit te malit,
ajo ka efekt negativ te nervat dhe con ne rritje te stresit dhe demton qelizat nervore dhe prish balancen e lendeve biokimike ne tru.
Prishja e balances kimike ne tru con si pasoje ne stres dhe depresion,ankth,atake paniku dhe ndikon per keq edhe per zemren.
Caji dhe kafja e procesuar nga industria ku i ekstraktohet largohet nje sasi kafeine,i ulet sasia e kafeines me nje fjale eshte me i mire
pasi ka me pak kafeine dhe eshte me me pak rrezik per shendetin.Caji dhe kafja e krijuar nga industria ku i eshte hequr(ekstraktuar)komplet kafeina
eshte caj/kafe dekafeinated,dmth caj kafe pa kafeine dhe eshte pa rrezik per shendetin,nuk ka kafeine fare.
Kafja,caji jeshil pa kafeine ka perberes te tjere kimike qetesues dhe me vlera per shendetin.
Efekti qetesues te kafja/caji nuk ka si shkak kafeinen,por elemente te tjere kimike.
Kafeina nuk ka efekt qetesues por stimulues per nervat dhe ndikon per keq edhe per gjumin,te len pa gjume,pasi acaron nervat kur e pin ne darke.

[broken_smile]

flm per infot benseven pse s'thua ti, qenkam droguar fare une

ne fakt substanca stimuluese e cajin quhet teina, dhe ka te njejtat veti te kafeines, vecse te caji ka permbajtje me te ulet ne krahasim me kafene. pervec teines caji permban shume substanca te tjera te dobishme per trupin, vitamina te grupin B, vit E, potas dhe shume pak sodium pra eshte i keshillueshem per ata qe kane tensionin e larte, magnez, zink, calcium, fluorur, polifenole....

deri tani nuk kam ndjere ndonje rrahje te shpejte te zemres apo extrasistol, keshtu qe mund te rri e qete :-)