Cili ishte roli i Olsi Ramës në delegacionin qeveritar që vizitoi Izraelin?

**DYDRINAS** · 28-10-2013, 17:47

Cili ishte roli i Olsi Ramës në delegacionin qeveritar që vizitoi Izraelin?

28-10-2013 / Gazeta 55

PD i kërkon Edi Ramës të shpjegojë arsyet për përfshirjen e vëllait të tij në delegacionin shqiptar në Izrael

Partia Demokratike kërkon shpjegime nga kryeministri Edi Rama, mbi përfshirjen e vëllait të tij në delegacionin shqiptar në vizitën zhvilluar në Izrael. Në një deklaratë për mediat, zëdhënësja e PD, i kërkoi Ramës të jetë transparent mbi rolin e vëllait të tij në këtë vizitë. “Një delegacion me përfaqësues të biznesit shqiptar, ku bënin pjesë dhe zv-kryeministri dhe Ministri i Bujqësisë, si dhe vëllai i Kryeministrit Rama, ka vizituar së fundmi Izraelin. Duke i vlerësuar nismat që rrisin marrëdhëniet dhe shkëmbimin mes Izraelit dhe Shqipërisë, ne kemi disa pyetje për z.Rama. A është z.Olsi Rama, përfaqësues i ekzekutivit? A është vëllai juaj përfaqësues i biznesit, dhe nëse po, a ka lidhje aktiviteti i tij me qeverinë dhe zyrtarët e lartë të delegacionit? A është Olsi Rama i ftuar, turist, kureshtar i zakonshëm, apo cili është roli i tij në këtë vizitë? Mbetemi me shpresën se Kryeministri do të bëjë transparencë, ashtu siç ai ka premtuar”, u shpreh në deklaratën e saj, zëdhënësja e PD, Laura Vorpsi. Olsi Rama, vëllai i kryeministrit Edi Rama, u pa në çarterin qeveritar që u nis drejt Izraelit një javë më parë, në kuadër të vizitës zyrtare që delegacioni shqiptar, i kryesuar nga zv/kryeministri Niko Peleshi, zhvilloi atje. Se cili ka qenë roli i Olsi Ramës në delegacionin qeveritar shqiptar ende nuk dihet, por ajo që s’do mend për tu kuptuar është se, Rama (Kryeministri) kërkon t’i zgjidhë ca punë tenderash dhe koncesionesh me mirëbesim dhe me garancinë e familjarëve të tij, të cilët do vëzhgojnë çdo vendim të ministrave të kabinetit si dhe do t’i ndjekin ata në çdo takim pune që do zhvillojnë jashtë shtetit. Pra, po shkohet gjithnjë e më tepër drejt qeverisë që kontrollohet nga familja e kryeministrit. Dhe të mendosh që ky është vetëm fillimi, ndërsa janë konsumuar të gjitha format e shëmtuara të antiqeverisjes.

**DYDRINAS** · 28-10-2013, 17:57

Kryeministria: Vizita e Olsi Ramës në Izrael, për arsye private

Pas deklaratës së Partisë Demokratieke ku theksuan se Olsi Rama vëllai i kryeministrit Edi Rama ka qenë pjesë e delegacionit shtetëror shqiptar që vizitoi Izraelin ditët e fundit, ka ardhur edhe një reagim nga Kryeministria, e cila i ka quajtur të pavërteta këto deklarata dhe ka sqaruar se vizita e tij ka qenë tërësisht private dhe jo si përfaqësues i shtetit.

“Është totalisht e pavërtetë ajo që thonë. Olsi Rama ka marrë pjesë në një konferencë të organizuar nga ambasada izraelite, ku kanë qene 70 përfaqësues dhe punonjës të sipërmarrjeve shqiptare që janë takuar me kompanitë ngjashme izraelite. Po sipas burimeve nga kryeministria vëllai i kryeministrit Edi Rama, ka qenë në Izrael për tu njohur me telemedicinën, dhe jo si përfaqësues i shtetit, siç edhe pretendon Partia Demokratike, por i një projekti me të cilin ai po merret. Olsi Rama ka shkuar në Izrael me shpenzimet e tij, duke paguar të gjitha detyrimet e biletës dhe nuk ka marrë pjesë në asnjë nga aktivitetet ku ishte i pranishëm zëvendëskryeministri Niko Peleshi dhe Ministri i Bujqësisë Edmond Panariti, shprehen burimet nga kryeministria.

Ndërkohë që paraditen e sotme përmes një deklarate për shtyp të lexuar nga Laura Vorpsi, , PD i kërkoi kryeministrit të bëjë transparencë për arsyen e vizitës së Olsi Ramës duke i ngritur edhe disa pyetje.

Sunday, October 27, 2013 - 18:42
- See more at: http://www.sot.com.al/politike/kryem....HXjRoRPf.dpuf

**DYDRINAS** · 28-10-2013, 17:59

Vorpsi: Sqarimi i Ramës për të vëllanë ishte zhgënjyes

Partia Demokratike vazhdon ti kushtoje vemendje statusit te vellait te Kryeministrit Edi Rama ne viziten e pak diteve me pare me delegacionin shqiptar ne Israel.

Deklarata për media e zëdhënëses së Partisë Demokratike Laura Vorpsi:

Dy ditë më parë, Partia Demokratike ngriti shqetësimin për praninë e vëllait të Kryeministrit, Olsi Rama në një delegacion zyrtar në Izrael.

Pyetjet që bëri Partia Demokratike janë pyetjet e cdo shqiptari.

A është Olsi Rama përfaqësues i biznesit?

A është ai përfaqësues i qeverisë, në këto takime?

Pse gjendej në një delegacion me zv-Kryeministrin dhe Ministrin e Bujqësisë?

Reagimi i Kryeministrit ishte zhgënjyes. Asnjë transparencë dhe asnjë përgjigje për pyetjet tona. Nga verifikimi, rezulton se Olsi Rama nuk ka pasur dhe nuk ka asnjë biznes të regjistruar në Shqipëri. Atëherë, edhe një herë po pyesim sot, cili është roli i vëllait të Kryeministrit në të tilla vizita dhe në të tilla delegacione zyrtare jashtë vendit?

**DYDRINAS** · 28-10-2013, 18:01

Berisha: Olsin e mori Peleshi ne Izrael per te bere zap anetaret e delegacionit

Ish-Kryeministri Sali Berisha reagoi sot ne rrjetin social Facebook mbi pranine e Olsi Rama ne delegacionin qeveritar qe zhvilloi nje vizite ne Izrael. Nen titullin ‘Vëllaçko Olsi nuk shkoi vetë por e deshi Peleshi për nënkryetar në Izrael!’, Berisha postoi ne rrjetin social nje koment ku thekson se “kryetari i delegacionit Niko Peleshi i kërkoi shefit të tij Edi Ramës që në këtë vizitë të parë qeveritare jashtë vendit të kishte si nënkryetar të delegacionit z. Olsi Rama mbasi vetëm ai mund ti bënte zap deputetët anëtarë të delegacionit”. Me poshte po japim te plote reagimin e ish-Kryeministrit Berisha ne Facebook.

Vëllaçko Olsi nuk shkoi vetë por e deshi Peleshi për nënkryetar në Izrael!

Të dashur miq, vëlla Olsi, që jetoi në ekzil në SHBA për shumë vite, muajt e fundit është kthyer vrullshëm në Shqipëri. Ai po çmonton dhe zëvëndëson me shpejtësi një nga një sekserët e Vëllait të madh (në pushtet) dhe po ngjitet me sukses drejt postit të nënkryetarit të PS dhe të zëvëndës kryeministrit në hije në qeveri.

Pas përfundimit me sukses të operacionit të lojrave të fatit, në të cilat Olsi me “Hakmarrjen për Drejtësi “ pritet së shpejti të vendosë monopolin vllazëror, ai po studjon fusha të tjera ndërmjetësimi.

Kështu në delegacionin qeveritar që vizitoi Izraelin, kryetari i delegacionit Niko Peleshi i kërkoi shefit të tij Edi Ramës që në këtë vizitë të parë qeveritare jashtë vendit të kishte si nënkryetar të delegacionit z. Olsi Rama mbasi vetëm ai mund ti bënte zap deputetët anëtarë të delegacionit. Shefi i Nikos e pranoi kërkesën por vetëm me kushtin që biletën e udhëtimit nënkryetari Rama ta priste me paratë e tij. Mirëpo Olsi në Jeruzalem e trajtonte Nikon si vartësin e tij për të mos thënë më keq. Keshtu tani, perveç Edit, kushurirës dhe Bledit në qeveri, në hije dhe vetëm për bizneset do të kemi Vëllaçko Olsin!

Prisni ky është vetëm fillimi!! sb

**derjansi** · 28-10-2013, 18:02

Postuar më parë nga DYDRINAS

Kryeministria: Vizita e Olsi Ramës në Izrael, për arsye private

Pas deklaratës së Partisë Demokratieke ku theksuan se Olsi Rama vëllai i kryeministrit Edi Rama ka qenë pjesë e delegacionit shtetëror shqiptar që vizitoi Izraelin ditët e fundit, ka ardhur edhe një reagim nga Kryeministria, e cila i ka quajtur të pavërteta këto deklarata dhe ka sqaruar se vizita e tij ka qenë tërësisht private dhe jo si përfaqësues i shtetit.

“Është totalisht e pavërtetë ajo që thonë. Olsi Rama ka marrë pjesë në një konferencë të organizuar nga ambasada izraelite, ku kanë qene 70 përfaqësues dhe punonjës të sipërmarrjeve shqiptare që janë takuar me kompanitë ngjashme izraelite. Po sipas burimeve nga kryeministria vëllai i kryeministrit Edi Rama, ka qenë në Izrael për tu njohur me telemedicinën, dhe jo si përfaqësues i shtetit, siç edhe pretendon Partia Demokratike, por i një projekti me të cilin ai po merret. Olsi Rama ka shkuar në Izrael me shpenzimet e tij, duke paguar të gjitha detyrimet e biletës dhe nuk ka marrë pjesë në asnjë nga aktivitetet ku ishte i pranishëm zëvendëskryeministri Niko Peleshi dhe Ministri i Bujqësisë Edmond Panariti, shprehen burimet nga kryeministria.

Ndërkohë që paraditen e sotme përmes një deklarate për shtyp të lexuar nga Laura Vorpsi, , PD i kërkoi kryeministrit të bëjë transparencë për arsyen e vizitës së Olsi Ramës duke i ngritur edhe disa pyetje.

Sunday, October 27, 2013 - 18:42
- See more at: http://www.sot.com.al/politike/kryem....HXjRoRPf.dpuf

nuk po kuptoj ku asht paqartesia?

**DYDRINAS** · 28-10-2013, 18:03

Olsi ka qene qe ne fillim nje anetar besnik i Cosa Nostres...Soros-it.

**Ziti** · 28-10-2013, 20:07

Postuar më parë nga DYDRINAS

Olsi ka qene qe ne fillim nje anetar besnik i Cosa Nostres...Soros-it.

antar leshi.
ky ka punuar si legen ne nje fabrike llamarinash me pronar xhuish ne micigan.
kur u be edvin palla kryeminister pse mos te behet edhe ky politikan.