Mazhoranca shkarkon Zana Xhuka, Presidenti: Mazhoranca me uzurpoi kompetencat e mia

[Albo]

Zana Xhuka paditet nga stafi i saj: Nuk firmosi raportet ndaj zyrtarëve për fshehje të pasurisë


Zana Xhuka, kryeinspektore e Inspektoriatit të Deklarimit të Pasurive është paditur penalisht nga stafi i saj i punës. Ata e akuzojnë se ka shpërdoruar detyrën dhe nuk ka pranuar të firmosë dosjet e hetimit që ky inspektoriat ka bërë ndaj zyrtarëve të lartë për fshehje të pasurisë.

Stafi punonjës i ILDKPKI dorëzoi sot kallëzimin penal kundër Inspektores së Përgjithshme të ILDKPKI, Zana Xhuka, për veprat penale të shpërdorimit të detyrës dhe vjedhjes nëpërmjet shpërdorimit të detyrës, parashikuar nga nenet 248 e 135 të Kodit Penal.

Stafi i saj thotë se ajo nuk ka arsimin e duhur për atë detyrë. Gjithashtu e akuzon për largime të pamotivuara nga detyra të punonjësve si dhe per faktin se nuk ka pranuar të rikthejë në punë të larguarit edhe pse KSHC dhe Zyra e Përmbarimit kanë urdhëruar rikthimin e tyre.

Stafi i ILDPK-së e akuzojnë se ka refuzuar të firmosë raportet e Inspektorëve të Lartë ku propozohen kallëzime penale dhe gjoba për zyrtarë me fshehje pasurie qindra mijë dollarë dhe konflikte flagrante interesi.

Se ka refuzuar të firmosë raportet e Inspektorëve të Lartë ku propozohen kallëzime penale dhe gjoba për zyrtarë me fshehje pasurie qindra mijë dollarë dhe konflikte flagrante interesi.

Gjithashtu thuhet se Xhuka ka bllokuar punën e nisur në date 19.11.2012, për kontrollin e plotë të rreth 200 zyrtarëve për shkak të funksionit dhe për dyshime për pasurinë e tyre, “me arsyetimin absurd e antiligjor se kjo nuk ishte puna e saj.”

Zana Xhuka akuzohet se ka refuzuar t’i kontrollojë dhe të bëjë një hetim administrativ për rreth 1200 deklarata të mbartura nga viti 2012, duke i arshivuar të papërfunduara e të pafirmosura prej saj.

Po ashtu, për të gjitha deklaratat e këtij viti, rreth 4800 copë, nuk është bërë skanimi elektronik siç kërkon ligji me qëllim shmangien e ndërhyrjeve në to, dhe nuk janë kontrolluar paraprakisht siç kërkon ligji.

“Nuk dihet fati i rreth 100 dosjeve të kontrollit të plotë të filluara në muajin qershor, afati i të cilave mbaronte më 23 shtator. Sipas ligjit, duhet të kishte filluar që prej muajit prill kontrolli i 4% të dosjeve që përzgjidhen në bazë të shortit të hapur që kryhet vit për vit. “Po mbyllet viti dhe nuk dihet akoma se cfarë bëhet me rreth 190 dosjet e përzgjedhurave me short.”- thuhet në kallzim penal.

Gjithashtu Xhuka akuzohet se ka vjedhur duke shpërdoruar detyrën muaj për muaj bonusi prej 35.000 lekë i dhënë për transportin e zyrtarëve pa makinë, pa naftë e pa shofer.

“Znj. Zana Xhuka ka në përdorim personal makinën me targa zyrtare të ILDKPKI, gjithë sasinë e naftës prej 7.000 litra, shoferin personal dhe nuk duhet ta përfitonte këtë bonus sipas ligjit. “E gjithë sasia e naftës e blerë për vitin 2013 është tërhequr nga Inspektorja e Përgjithshme nga magazina pa u justifikuar e shoqëruar me procedurat ligjore për tu përvetësuar, shitur dhe për tu futur si para te thata në xhepat e Inspektores së Përgjithshme.”

Kolektivi i cili ka depozituar kallzimin penal në Prokurori bashkangjitur me dosjen ka dhënë dhe emrat e personave të cilët kanë firmosur këtë kallzim.

Kallzimi penal i është dërguar për dijeni dhe Presidentit të Republikës së Shqipërisë, Z. Bujar Nishani, Kryetarit të Kuvendit të Shqipërisë, Z. Ilir Meta, Kryetarit të Komisionit të çështjeve ligjore, Z. Fatmir Xhafaj, Kryetarit të Kontrollit të Lartë të Shtetit, Z. Bujar Leskaj, Ambasadorit Amerikan Z. Aleksandër Arvizu, Ambasadorit të Bashkimit Europian Z. Ettore Sequi, Ambasadorit të prezencës së OSBE Z. Florian Raunig.

MAPO

[Albo]

PD: Rama- Meta, sulm të koordinuar ndaj ILDKP

TIRANE- Partia Demokratike denoncoi sot atë që e quajti sulm të koordinuar Rama- Meta, kundër institucionit të Inspektoriatit të Lartë për Deklarimin dhe Kontrollin e Pasurive, dhe në mënyrë të veçantë ndaj kreut të këtij institucioni të pavarur, Zana Xhuka.
PD i bën thirrje Prokurorisë që të të fillojë menjëherë hetimin ndaj personave që kanë kërcënuar për shkak të detyrës Inspektoren e Përgjithshme të ILDKP-së, si edhe ndaj nxitësve të këtyre sulmeve.
Nga Kryesia e Kuvendit, deputeti Oerd Bylikbashi tha se qëllimi i vetëm i dyshes Rama-Meta, është shkrirja e këtij institucioni kyç në luftën kundër korrupsionit, sipas tij, për të futur në dorë të lirë aferat korruptive që po planifikojnë.

“Pas sulmeve verbale të eksponentëve të mazhorancës, pas orkestrimit të kallëzimeve penale në formën e fletërrufeve, ky agresion i shëmtuar ka vazhduar sot me kërcënime për shkak të detyrës ndaj integritetit fizik të drejtueses së ILDKP-së. Ky përshkallzim i frymës së terrorit institucional, është një rrezik flagrant për pavarësinë e institucioneve të pavaruara të shtetit të së drejtës dhe luftën ndaj korrupsionit të qeveritarëve.”- tha Bylykbashi në fjalën e tij.

Panorama

[Albo]

Skandal në zyrat e ILDKP, Xhuka kërkon mbrojtje nga Policia: Më dhunuan fizikisht

Kryeinspektorja reagon pas kallëzimit penal të vartësve të saj.

“Familja ime, kontribuuese në shtetformimin e Shqipërisë”


Kryetarja e Inspektoratit të Lartë të Deklarimit të Pasurive, Zana Xhuka, ka reaguar dje pas kallëzimit penal në Prokurori nga stafi i këtij institucioni. Kryeinspektorja e ILDKP-së ka bërë me dije se është dhunuar në punë fizikisht dhe verbalisht nga inspektori i ILKDP-së, Shkëlqim Ganaj, ndaj të cilit është bërë dhe kallëzim penal në Prokurorinë e Tiranës. Zana Xhuka ka kërkuar mbrojtje nga Policia e Qarkut të Tiranës dhe nga Policia e Shtetit për të dhe familjen e saj, pasi është kërcënuar për shkak të ushtrimit të detyrës. “Njoftojmë se inspektori Shkëlqim Ganaj pezullohet nga detyra për dhunë fizike dhe verbale ndaj një titullari të lartë të shtetit shqiptar në detyrë dhe do të kallëzohet penalisht. Për këtë arsye i kam kërkuar Policisë së Qarkut Tiranë dhe Drejtorisë së Përgjithshme të Policisë së Shtetit mbrojtje të veçantë të personit tim dhe familjes sime”, deklaron Xhuka. Shkëlqim Ganaj ka qenë kandidati i dytë i propozuar nga Presidenti i Republikës, Bujar Nishani, për postin e kryeinspektorit të ILDKP-së.

Akuzat
Kryeinspektorja i ka quajtur si qëndrime politike sulmet në adresë të saj për shpërdorim detyre, madje dhe kallëzimin penal të dërguar dy ditë më parë në Prokurori. Këto sulme, sipas Xhukës, bëhen nga individë brenda dhe jashtë ILDKP-së, të cilët sipas saj synojnë të pengojnë punën e këtij institucioni. “Konsideroj çdo akt, fjalë dhe veprim, që tashmë me keqardhjen më të thellë rezultojnë të përsëritura, si një qëndrim të politizuar të paprecedentë politik, të organizuar nga individë brenda dhe jashtë një institucioni të pavarur, me synimin e vetëm frenimin e inspektorit të Përgjithshëm, znj. Zana Xhuka, në përmbushjen e detyrës së saj tërësisht ligjore dhe krejtësisht të pavarur.
Inspektori i Përgjithshëm i konsideron të gjitha insinuatat dhe shprehjet anonime të deritashme si shpifje dhe fyerje për shkak të detyrës, të cilat dënohen rëndë penalisht”, bën me dije zyrtarja e ILDKP-së. Në reagimin e ILKDP-së, titullarja e këtij institucioni bën me dije se ka arsimin përkatës për të ushtruar detyrën e saj në krye të këtij institucioni. Madje, Xhuka ka bërë me dije se rrjedh dhe nga familje që ka kontribuar në shtetformimin e Shqipërisë dhe Kosovës. “Si një individ që rrjedh nga familja Gjuka (Xhuka) dhe familja Shehu, kontribuuese në shekuj në shtetformimin e Shqipërisë dhe të Kosovës, me penë dhe me gjak, ju garantoj se do ta përmbush këtë detyrë me dinjitet, profesionalizëm dhe integritet të lartë, si çdo detyrë të mëparshme, në përputhje të ligjit dhe vetëm ligjit”, thuhet në reagimin e saj.

Vartësit: Xhuka, presion që të tërheqin padinë
Stafi i ILDKP-së ka reaguar dje sërish, duke denoncuar presionin e ushtruar nga inspektorja e Përgjithshme e ILDKP-së, Zana Xhuka, një ditë pas kallëzimit penal në Prokurori. Në njoftimin e shpërndarë në media bëhet me dije se Xhuka ka kërkuar prej punonjësve të ILDKP-së që të tërheqin kallëzimin penal, që është firmosur nga 34 punonjës të këtij institucioni, por kjo kërkesë është refuzuar prej tyre. Punonjësit e ILDKP-së njoftojnë se në këtë institucion kanë hyrë persona të jashtëm dhe që po manipulojnë serverin qendror dhe të dhënat e protokollit. Po ashtu, ata kërkojnë nga Kuvendi i Shqipërisë që të ndërhyjë dhe të pezullojë nga detyra Zana Xhukën. “Në institucion kanë hyrë persona të jashtëm që kanë filluar ndërhyrjet dhe manipulimin e të dhënave në serverin qendror të të dhënave, gjithashtu po sot në zyrën e protokollit është emëruar shefja e re e zyrës, e cila ka filluar ndërhyrjet për manipulimin e të dhënave në sektorin e protokoll-arkivit. Në këto kushte: Kërkojmë ndërhyrjen e menjëhershme të organit të Prokurorisë dhe Kuvendit të Shqipërisë me qëllim marrjen në rruajtje dhe sigurimin e zyrave, dokumentacionit zyrtar dhe serverit qendror të të dhënave. Kërkojmë gjithashtu pezullimin nga detyra të inspektores së Përgjithshme, znj. Zana Xhuka, deri në përfundim të hetimeve”, thuhet në reagimin e stafit të ILDKP-së.

Tiranë, Prokuroria nis shqyrtimin e kallëzimit ndaj kreut të ILDKP
TIRANE – Kallëzimi penal ndaj kryeinspektores së Deklarimit dhe Kontrollit të Pasurive, Zana Xhuka, ka dy ditë që ka mbërritur në Prokurorinë e Tiranës. Gazeta ka mësuar dje se materiali që përmban kallëzimi penal është depozituar nga të paktën 20 punonjës, të cilët e akuzojnë drejtuesen e ILDKP-së për veprën penale “shpërdorim detyre”. Ditën e djeshme mësohet se sipas procedurës së zakonshme, materiali i kallëzimit penal është dërguar nga zyra e regjistrit të padive në atë të drejtuesve të Prokurorisë së kryeqytetit. Burimet e gazetës thanë se materiali i padisë po shqyrtohet dhe pas një vlerësimi paraprak do të vendoset si do të vazhdojë çështja më tej. Referuar veprës penale për të cilën akuzohet drejtuesja e ILDKP-së në padinë e bërë nga vartësit e saj, pritet që dosja penale të hetohet nga Njësia Task-Force në Prok-urorinë e Tiranës. Megjithatë, procedura parasheh se drejtuesi i organit të akuzës në kryeqytet do të caktojë prokurorin e çështjes që do të realizojë verifikimet paraprake nëse ka elemente të veprës penale në veprimet e personit të denoncuar. Pas një analize të provave të mbledhura nga verifikimi paraprak, Prokuroria vendos më pas nëse do të regjistrojë procedimin penal. Në rast se kjo ndodh, e denoncuara është person nën hetim, ndërsa burimet thonë se punonjësit që kanë bërë padinë janë të parët që do të merren në pyetje në lidhje me ngjarjen. Ata në padi theksojnë se i kanë konstatuar vetë gjatë punës shkeljet e pretenduara se janë kryer nga Zana Xhuka. t.s

Si shkarkohet
Kreu i ILDKP-së mund të shkarkohet nga Kuvendi, me kërkesë të 1/3 të deputetëve të Parlamentit. Në nenin 14 të ligjit organik të ILDK-së, thuhet se: “Inspektori i Përgjithshëm mund të shkarkohet nga Kuvendi me kërkesë të jo më pak se 1/3 të të gjithë anëtarëve: a) për shkelje të dispozitave të këtij ligji;
b) kur kryen veprimtari që krijon konflikt interesash;
c) kur zbulohen raste të papajtueshmërisë së funksionit të tij.
3. Në rast se vendi mbetet vakant, Presidenti, brenda 15 ditëve, i propozon Kuvendit dy kandidatura. Kuvendi zgjedh inspektorin e Përgjithshëm brenda 15 ditëve nga paraqitja e kandidaturave.

Si zgjidhet
Kryeinspektori i ILDKP-së zgjidhet nga Kuvendi me propozimin e Presidentit, ndërmjet dy kandidaturave, për një mandat 5-vjeçar, me të drejtë rizgjedhjeje. Kreu i ILDKP-së zgjidhet me shumicë të thjeshtë në Parlament. Kandidati për këtë post duhet të ketë arsimin e lartë, si ekonomist, financier ose jurist. Në nenin 12 të ligjit nr. 9049, thuhet se: “Të ketë vjetërsi pune në profesion jo më pak se 10 vjet dhe moshë mbi 35 vjeç; ç) të mos jetë i dënuar për vepra penale; d) të mos jetë larguar nga puna ose nga shërbimi civil me masë disiplinore”. Kreu i ILDKP-së është i papajtueshëm me funksionet publike, fitimprurëse apo politike.

PD reagon pas përplasjeve te Deklarimi i Pasurive
Bylykbashi: Rama-Meta, agresion i shëmtuar ndaj kreut të ILDKP-së
Partia Demokratike ka reaguar dje pas ngjarjeve të ditëve të fundit në Inspektoratin e Deklarimit të Pasurive. Deputeti i kësaj force politike, Oerd Bylykbashi, tha se sulmet ndaj këtij institucioni dhe drejtueses Zana Xhuka po orkestrohen nga dyshja Rama-Meta. “Pas sulmeve verbale të eksponentëve të maxhorancës, pas orkestrimit të kallëzimeve penale në formën e fletërrufeve, ky agresion i shëmtuar ka vazhduar sot me kërcënime për shkak të detyrës ndaj integritetit fizik të drejtueses së ILDKP-së. Ky përshkallëzim i frymës së terrorit institucional është një rrezik flagrant për pavarësinë e institucioneve të pavarura të shtetit të së drejtës dhe luftën ndaj korrupsionit të qeveritarëve”, tha deputeti demokrat. Sipas tij, qëllimi i vetëm i dyshes Rama-Meta është shkrirja e këtij institucioni kyç në luftën kundër korrupsionit. Bylykbashi tha se me shkatërrimin e këtij institucioni, kjo dyshe kërkon të ketë dorë të lirë në aferat korruptive që po planifikon. “Partia Demokratike i bën thirrje organit të akuzës të fillojë menjëherë hetimin ndaj personave që kanë kërcënuar për shkak të detyrës inspektoren e Përgjithshme të ILDKP-së, si dhe ndaj nxitësve të këtyre sulmeve. Sot është imperative të ndalet sulmi Rama-Meta ndaj institucioneve të pavarura”, deklaroi më tej nënkryetari i Komisionit të Ligjeve.

FATION BINJAKU

Panorama

[Albo]

“Debati në mbledhje me Zana Xhukën, nuk e kërcënova”


Flet inspektori i pezulluar, Shkëlqim Ganaj.

Ganaj: Kanë firmosur kallëzimin 34 nga 40 punonjës, Xhuka ka djegur 400 dosje.

Pas akuzave për dhunë fizike dhe verbale të kryeinspektores Zana Xhuka, ka reaguar dje edhe inspektori i lartë në ILDKP, Shkëlqim Ganaj. Në një intervistë për gazetën “Panorama” ai tregon se përse 34 punonjës nga 40 që ka gjithsej ky institucion, kanë bërë kallëzim penal ndaj titullares së ILDKP-së dhe përmbajtjes së mbledhjes së djeshme. Ganaj thotë se shumica e stafit e kallëzuan penalisht Xhukën për shkak se ajo ka shpërdoruar detyrën. “Të gjitha dosjet e vitit 2012 dhe 2013 janë jashtë afateve, nuk janë bërë kontrollet siç përcakton ligji. ILDKP ngarkohet të bëjë disa kontrolle, si kontrolli paraprak, kontrolli i plotë, hetimi administrativ dhe konflikti i interesit. Të gjitha dosjet që kemi propozuar ne për gjoba dhe konflikt interesi ajo i ka djegur jashtë afatit. Ne kemi një afat tremujor dhe ai është djegur. Janë 400 dosje të hetimeve administrative që janë djegur për shkak se janë jashtë afateve”, thotë inspektori i lartë. Sipas tij, edhe shorti i përzgjedhjes së 4% të zyrtarëve, të cilëve do t’u kontrollohen deklaratat, që u hodh pak javë më parë, duhej të ishte hedhur që në muajin prill. Ganaj tregon gjithashtu edhe përmbajtjen e mbledhjes së djeshme, ku sipas tij, kryeinspektorja Xhuka ka thirrur 22 inspektorët dhe nëninspektorët dhe u ka kërkuar që të tërheqin kallëzimin penal. “Ajo nxori një letër dhe na tha: ‘Firmosni në këtë letër që të hiqni dorë nga kallëzimi, ndryshe do t’ju pushoj nga puna’. Unë i thashë: ‘Zonjë, ti nuk ke pse bën presion. Ne kemi ngritur pretendimet tona në kallëzimin penal. Do të ballafaqohemi në prokurori dhe këtu nuk ka nevojë për presione dhe acarime’. I thashë: ‘Edhe një gjë. Të këshilloj mos i prek dosjet, mos ngacmo asgjë. Të presim hetimin, i cili do të vendosë nëse e kemi ne gabimin apo ti. Janë të tjerët që e vendosin tani këtë punë’. Më pas kemi dalë nga mbledhja të gjithë, jemi futur të gjithë nëpër zyra”, tha më tej Ganaj. Sipas tij, të gjitha pretendimet e Xhukës për dhunë fizike dhe verbale bien pasi ambientet e ILDKP-së janë të survejuara nga kamerat dhe aty tregohet fare qartë që pas mbledhjes të gjithë zyrtarët janë drejtuar nëpër zyrat e tyre.
Ju jeni akuzuar sot nga kryeinspektorja Zana Xhuka se e keni dhunuar fizikisht dhe verbalisht, dhe për këtë arsye jeni pezulluar nga detyra. Çfarë ka ndodhur gjatë ditës së sotme (dje) në ILDKP?
Në fakt ka qenë një gazetar që më ka njoftuar për atë që është shpërndarë në media, por nga protokolli mua nuk më është thënë asgjë. Ne jemi sot 40 punonjës në ILKDP. Ditën e premte 34 prej nesh kanë dorëzuar kallëzim penal ndaj Zana Xhukës në Prokurorinë e Përgjithshme.
Për çfarë arsye?
Për shpërdorim dhe vjedhje me anë të shpërdorimit të detyrës.
Çfarë është vjedhur dhe shpërdoruar konkretisht?
Të gjitha dosjet e vitit 2012 dhe 2013 janë jashtë afateve, nuk janë bërë kontrollet siç përcakton ligji. ILDKP ngarkohet të bëjë disa kontrolle, si kontrolli paraprak, kontrolli i plotë, hetimi administrativ dhe konflikti i interesit. Të gjitha dosjet që kemi propozuar ne për gjoba dhe konflikt interesi ajo i ka djegur jashtë afatit. Ne kemi një afat tremujor, dhe ai është djegur. Janë 400 dosje që janë djegur për shkak se janë jashtë afateve. Shorti për 4% të zyrtarëve që kontrollohen duhej të hidhej që në prill dhe është hedhur shumë vonë. Nga shorti janë 196 dosje që duhet të hetohen dhe aty jemi me vonesë. Aq e rëndë është puna, saqë unë nuk di si t’ua shpjegoj njerëzve. Aty gjithçka, në çdo fushë është zero.
Po gjatë ditës së sotme (dje) çfarë ka ndodhur në ILDKP?
Ne e dorëzuam kallëzimin të premten dhe sot (dje) në orën 09:00 na thirri në mbledhje. Ishim të pranishëm 22 veta në mbledhje, të gjithë janë dëshmitarë. Mbledhjen e thirri zonja Xhuka dhe aty ishin inspektorë të lartë dhe ndihmësinspektorë të lartë, i gjithë stafi i lartë drejtues. Të gjithë kanë firmosur për kallëzimin. Ajo nxori një letër dhe na tha: “Firmosni në këtë letër që të hiqni dorë nga kallëzimi, ndryshe do t’ju pushoj nga puna”. Unë i thashë: “Zonjë, ti nuk ke pse bën presion. Ne kemi ngritur pretendimet tona në kallëzimin penal. Do të ballafaqohemi në Prokurori dhe këtu nuk ka nevojë për presione dhe acarime”. I thashë: “Edhe një gjë. Të këshilloj mos i prek dosjet, mos ngacmo asgjë. Të presim hetimin, i cili do të vendosë nëse e kemi ne gabimin apo ti. Janë të tjerët që e vendosin tani këtë punë”. Më pas kemi dalë nga mbledhja të gjithë, jemi futur të gjithë nëpër zyra. Shyqyr ne kemi kamera në çdo kat dhe mjafton të verifikohen kamerat ku duket qartë që 22 veta që ishim të pranishëm jemi futur në zyrat tona. Më pas ka bërë edhe njoftimin për shtyp. Ndoshta ngaqë iu drejtova edhe pak me ton, pretendon se e kam kërcënuar. Aty ishin 22 veta të pranishëm dhe janë të gjithë dëshmitarë. Mund të ishim vetëm për vetëm dhe të thoshte ç’të donte, por aty janë edhe 22 kolegë të tjerë.
Sipas jush sot nuk ka pasur asnjë debat vetëm për vetëm në Inspektoratin e Lartë të Deklarimit dhe Kontrollit të Pasurive?
Absolutisht jo. Ne ishim qëkur hymë dhe qëkur dolëm nga mbledhja, të filmuar nga kamerat. Ne kemi kamera në derën kryesore të katit të parë dhe në çdo kat. Ne kemi shkuar në sallën e mbledhjeve ku jemi takuar të gjithë me të dhe më pas jemi shpërndarë në zyrat tona. Duken lëvizjet tona në kamera, kjo është gjëja më e thjeshtë që mund të verifikohet.
Kryeinspektorja shprehet në njoftimin e saj se të gjitha veprimet tuaja të këtyre ditëve janë politike. A kanë prapavijë politike gjithë këto zhvillime në ILDKP?
Unë nuk kam asnjë lidhje me maxhorancën e re. Kam qenë i propozuar nga maxhoranca e kaluar, nga Presidenti Bujar Nishani, si një ndër dy kandidaturat për postin e kryeinspektorit. Këtë ajo e ka ndier që në fillim si konkurrencë. Në fakt nuk ka pasur kurrë konkurrencë me mua. Nga opozita e sotme nuk është thënë një fjalë për mua. Por nuk është çështja që e kam kallëzuar unë, e kanë kallëzuar 34 inspektorë të lartë, ndihmësinspektorë të lartë, sektori i financës, sekretari i Përgjithshëm. Nuk ka pasur sektor në ILDKP që nuk ka vendosur firmën në kallëzim. Në kallëzim nuk kanë firmosur vetëm zonja Xhuka, sekretarja e vet dhe shoferi, domethënë vetëm stafi i saj i ngushtë.

ADI SHKEMBI

Panorama

[Albo]

Përplasjet në ILDKP, Kuvendi nis hetim për Zana Xhukën

Fejzi Braushi

Kryetarja e Inspektoratit të Lartë të Deklarimit dhe Kontrollit të Pasurive, Zana Xhuka është “në hetim” nga Parlamenti. zana-xhuka-03-2 (1)Verifikimi rreth pozicionit të saj ka nisur pas një sërë ankesash e letrash publike të stafit të ILDKP-së, të cilat i janë drejtuar edhe Kuvendit të Shqipërisë. Burime nga mazhoranca bëjnë me dije se është komisioni i Ligjeve si komisioni përgjegjës para të cilit ILDKP raporton, ai që ka marrë përsipër që të bëjë hetimin e veprimtarisë 10-mujore të Xhukës në krye të këtij institucioni. Të njëjtat burime kanë bërë të ditur se tashmë ka nisur hetimi i të gjithë veprimtarisë së Xhukës në krye të ILDKP-së, madje duke filluar që nga procedura e zgjedhjes së saj në këtë institucion për të parë ligjshmërinë e procesit. Por jo vetëm kaq! Në analizë është marrë dhe aktiviteti ligjor i këtij institucioni dhe përmbushja prej tij e detyrimeve që rrjedhin prej legjislacionit sa i përket verifikimit dhe kontrollit të deklaratave të pasurive të zyrtarëve të lartë. Kujtojmë këtu se për herë të parë këtë vit, ILDKP megjithëse kanë kaluar muaj nga bërja e deklarimit të pasurive nga subjektet përkatëse, nuk ka bërë ende publike asnjë deklaratë. Vetë kryetarja Xhuka ka pohuar se shkak për këtë vonesë është bërë ndryshimi i ligjit, si pasojë ILDKP nuk ka më afat të përcaktuar brenda të cilit duhet të kryejë verifikimin e deklaratave të pasurisë apo publikimin e tyre. Ligji i ndryshuar përcakton vetëm se “Publikimi i të dhënave që deklarohen pranë Inspektoratit të Lartë bëhet nga ky i fundit vetëm pasi të ketë kryer kontrollin paraprak dhe aritmetik e logjik të këtyre të dhënave, duke i shoqëruar njëkohësisht me vërtetimin përkatës mbi rezultatin e këtij kontrolli”. Por siç bëjnë të ditur burime nga mazhoranca, ky përcaktim nuk e shpëton ILDKP-në nga detyrimi që mund të kishte bërë ndërkohë kontrollin aritmetik e logjik për të gjitha deklaratat e depozituara. Kjo sipas tyre hyn te performanca që do të vlerësohet, ku natyrisht do të merren parasysh edhe rastet e referuara në prokurori, të cilat siç kanë pretenduar punonjës të këtij institucioni në letrat e tyre publike, kanë qenë zero. Gjithashtu, pjesë e këtij hetimi parlamentar do të jenë dhe akuzat e tjera të punonjësve kundrejt Xhukës, për bllokim të dosjeve, abuzim me karburantin e institucionit, apo edhe çuarja e të gjitha deklaratave të pasurisë të ish-kryetares së Kuvendit, Jozefina Topalli. Kujtojmë gjithashtu se një nga çështjet që mund të bëhet pjesë e këtij hetimi parlamentar për Xhukën është dhe mospublikimi i raportit të vitit shkuar. Por nga ana e saj, vetë Xhuka duket se e ka ndjerë “kurthin” që po i ngre mazhoranca e re dhe në datë 25 tetor i ka kërkuar publikisht KLSH-së dhe Ministrisë së Financave që të bëjë auditimin e përdorimit të fondeve të buxhetit të shtetit nga ky institucion për periudhën nga krijimi i tij deri në fillim të 2013, por edhe gjatë kohës që ajo drejton ILDKP-në. Kjo edhe si një lëvizje për t’u paraprirë akuzave për abuzime me paratë e buxhetit të shtetit. Në fund të këtij hetimi, Kuvendi pritet të hartojë një material me konkluzione, për t’i dhënë mundësi sipas ligjit 1/3-ës së deputetëve që të kërkojnë shkarkimin e Xhukës. Ligji përcakton se Inspektori i Përgjithshëm mund të shkarkohet nga Kuvendi me kërkesë të jo më pak se 1/3-ës së të gjithë anëtarëve: a) për shkelje të dispozitave të këtij ligji, b) kur kryen veprimtari që krijon konflikt interesash dhe c) kur zbulohen raste të papajtueshmërisë së funksionit të tij.

MAPO

[Albo]

Zbardhet Raporti i Kuvendit: Të shkarkohet Zana Xhuka

Nga hetimi del se, Zana Xhuka u propozua nga Presidenti Nishani dhe u miratua nga Kuvendi në shkelje të hapur me ligjin.

Luis Tanushi

-Zyrtarisht Kuvendi pritet që të nisë procedura e shkarkimit të Inspektores së Përgjithshme të Inspektoriatit të Lartë të Deklarimit dhe Kontrollit të Pasurive. Pas një hetimi që filloi që në nëntor, nga një komision i posaçëm me përbërjen e tre deputetëve, Armando Subashi, Piro Lutaj dhe Ulsi Manja, i është kërkuar Kuvendit që të shpallë të pavlefshëm emërimin e znj.Xhuka në krye të këtij inspektorati nga mazhoranca e djathtë një vit më parë. Komisioni i posaçëm i ngritur nga Komisioni i Ligjeve është mbështetur te kriteret e emërimit të drejtuesit të ILDKP-së, çka është theksuar edhe nga punonjësit e këtij institucioni të cilët kanë deklaruar se emërimi i znj. Xhuka ka qenë në shkelje të hapur me ligjin. “Miratimin e këtij raporti nga Komisioni i ligjeve, administratës publike dhe të drejtave të njeriut, dhe nisjen e procedurës parlamentare të shpalljes së pavlefshmërisë absolute të vendimit nr.l dt. 21.01.2013 (aktit administrativ) për zgjedhjen e Znj. Zana Xhuka në detyrën e Inspektores së Përgjithshme të ILDKPKI, dhe shkarkimit të saj nga detyra e Inspektores së Përgjithshme të ILDKPKI bazuar në nenet 115 e vijues të Kodit të Procedurave Administrative, nenin 115 të Rregullores së Kuvendit dhe nenit 14/2/a të ligjit 9049/2003 i ndryshuar, "Për deklarimin dhe kontrollin e pasurive, të detyrimeve financiare të të zgjedhurve dhe të disa nëpunësve publikë"”, thuhet në propozimin e komisionit të posaçëm drejtuar Komisionit të Ligjeve dhe më pas miratimit edhe nga Kuvendi.

Shkaqet e shkarkimit.

Në raportin prej 17 faqesh të përgatitur vetëm për inspektoratin, deputetët kanë renditur një sërë shkaqesh duke filluar që nga procedurat e paligjshme të emërimit të saj në krye të këtij institucioni e gjer tek shkeljet e pretenduara në ushtrimin e detyrës gjatë një viti. Sa i përket procedurave të emërimit, komisioni hetimor arrin në përfundimin se nuk janë zbatuar kriteret e arsimit ekonomi financë dhe të vjetërsisë prej dhjetë vitesh në këtë profesion. Sipas mazhorancës , Znj. Xhuka nuk i ka përmbushur kriteret në momentin e propozimit nga Presidenti, e më pas, në momentin e zgjedhjes nga Kuvendi. “Si përfundim, grupi i deputetëve për kontrollin në ILDKPKI është i mendimit se Kuvendi i Shqipërisë, me përgjegjshmërinë e autoritetit të lartë kushtetues, për të mos lejuar delegjitimitetin e organeve të emërtesës së tij (ILDKPKI), por edhe me synimin për të rivendosur në vend ligjin e cenuar rëndë, ka detyrimin për të konstatuar pavlefshmërinë absolute të aktit të emërimit të Znj. Zana Xhuka në detyrën e Inspektores së Përgjithshme të ILDKPKI në dt. 21.01.2013”, thuhet në raport. Në vijim të sqarimit të vendimit të saj, tre deputetët të cilët u morën për 3 muaj me veprimtarinë e ILDKP-së dhe të mënyrës së ushtrimit të detyrës nga kryeinspektorja Xhuka, arrijnë në përfundimin se edhe gjatë ushtrimit të detyrës janë vërejtur një sërë pasaktësish. Sipas tyre, në veprimtarinë ligjore dhe institucionale të Inspektorit të Përgjithshëm konstatohen shkelje të rënda. Një prej tyre renditet mosushtrimi i kompetencave dhe paaftësi profesionale në drejtimin dhe funksionimin e institucionit, e lidhur drejtpërdrejtë me faktin e mospërmbushjes në asnjë aspekt të kritereve të diplomimit, përvojës në profesion dhe të meritës në zgjedhjen e Inspektores së Përgjithshme në datën 21.01.2013 nga Kuvendi i Shqipërisë. Një tjetër arsye është edhe moskryerja e detyrave ligjore dhe institucionale duke sjellë si pasojë mungesën e rezultateve në drejtimet kryesore të funksionimit të këtij institucioni si : -Administrimin dhe kontrollin e deklaratave të interesave private;-Trajtimi i ankimeve të konfliktit të interesit dhe masat për parandalimin dhe zgjidhjen e tyre -Forcimin e kapaciteteve investiguese dhe rolin e ILDKPKI në ndërgjegjësimin e zyrtarëve dhe autoriteteve përgjegjëse; Forcimin e transparencës së institucionit dhe krijimin e aksesit të nevojshëm për informimin e publikut, medias dhe institucioneve shtetërore në frymën edhe të vendimeve të Gjykatës Kushtetuese; Nxjerrjen e akteve nënligjore dhe ndërmarrjen e veprimeve të domosdoshme si pasojë e ndryshimeve të fundit të ligjore, në ligjin 9049/2023 dhe ligjin 9367/2005. Shkaku i tretë i evidentuar nga komisioni i posaçëm është mungesa mungesa e rakordimit të regjistrave themeltarë me të gjitha institucionet shtetërore në fillim të vitit 2013, për personat që mbartin detyrimin për deklarim, duke krijuar potencialisht një situatë të rëndë të mosdeklarimit të shumë subjekteve që me ligj e kanë këtë detyrim. Pas hetimeve është arritur në konkluzion se Inspektorja e Përgjithshme, Zana Zhuka, nuk ka zbatuar me dashje detyrimin ligjor për të informuar dhe raportuar para komisionit të Kuvendit, ndaj të cilit ka detyrimin kushtetues dhe ligjor,( neni 80 i Kushtetutës, neni 102/3 i Rregullores së Kuvendit, neni 39 i ligjit 9049/2003 , i ndryshuar), sa herë që kërkohet nga Kuvendi.

Ftohja e marrëdhënieve me qeverinë

Me rastin e fillimit të sesionit të ri parlamentar, Kryetari i Kuvendit, Ilir Meta zhvilloi një pritje me krerë të institucioneve të pavarura kushtetuese. Të pranishëm në këtë takim ishin Kryeministri Edi Rama, Ambasadori i Shteteve të Bashkuara, Aleksandër Arvizu, Ambasadori i BE-së, Etore Sequi dhe Ambasadori i OSBE-së, Florian Raunig. Ajo që ra në sy në takim ishte largimi i drejtueses Xhuka nga festa pa takuar kryeministrin Edi Rama, ndërsa trokiti gotën vetëm me kryeparlamentarin Meta.

Shkarkimi i Xhukës, PD shkon në Kushtetuese

Ankesë edhe për rrëzimin e kërkesës së demokratëve për komision hetimor lidhur me tatimet

Suela Topi

Opozita i kundërpërgjigjet menjëherë kërkesës së mazhorancës për shkarkimin e kryetares së Inspektoratit të Lartë të Deklarimit dhe Kontrollit të Pasurive, Zana Xhuka. Ajo i është drejtuar Gjykatës Kushtetuese duke kërkuar që të shpallet si antikushtetues sulmi, siç e quan demokrati Oert Bylykbashi, që mazhoranca po i bën kryeinspektores së ILDKP-së. PD i është drejtuar Kushtetueses edhe për çështjen e Komisionit Hetimor për severin e tatimeve, i cili u rrëzua nga mazhoranca. “Partia Demokratike ka dorëzuar dje dy kërkesa në Gjykatën Kushtetuese kundër përshkallëzimit të veprimtarisë antikushtetuese dhe arrogante të qeverisë Rama-Meta. Së pari, Partia Demokratike ka kërkuar shpalljen si antikushtetuese të sulmit të hapur ndaj institucionit të pavarur të Inspektoratit të Lartë për Deklarimin dhe Kontrollin e Pasurive të qeveritarëve si dhe të përpjekjeve të paligjshme për shkarkimin e kreut të këtij institucioni”, - deklaroi dje Bylykbashi. Sipas tij, me shkarkimin e kreut të ILDKP-së, Rama dhe Meta po kërkojnë me çdo kusht të marrin nën kontroll këtë institucion të pavarur në mënyrë që të fshehin pasuritë e paligjshme dhe aferat korruptive të tyre dhe bashkëpunëtorëve. Ligjvënësi demokrat shtoi se mazhoranca po shkel në mënyrë flagrante Kushtetutën dhe Rregulloren e parlamentit për t'ia arritur këtij qëllimi. Madje, sipas tij, akuzat e punonjësve të ILDKP-së ndaj kryeinspektores ishin të orkestruara nga mazhoranca. “Gjithashtu, Partia Demokratike ka kërkuar të shpallë si antikushtetues vendimin e mazhorancës për të rrëzuar kërkesën e opozitës për ngritjen e një komisioni hetimor parlamentar në lidhje me ndërhyrjen e paligjshme të njerëzve të Kryeministrit në sistemin kompjuterik të Drejtorisë së Përgjithshme të Tatimeve dhe zhdukjen e miliona të dhënave dhe deklaratave të subjekteve tatimore”, - sqaroi Bylykbashi. Sipas deputetit të PD-së, mazhoranca ia mohoi opozitës këtë të drejtë kushtetuese, të cilën Gjykata Kushtetuese e quan si një instrument të fuqishëm kontrolli të opozitës mbi qeverinë dhe mazhorancën. Bylykbashi shtoi se kjo gjykatë ka përcaktuar qartë se kërkesa e opozitës për të hetuar nuk mund të rrëzohet e as të kufizohet. “Këto dy raste tregojnë dy standarde të mazhorancës Rama-Meta. Ata kërkojnë që t'i mohojnë opozitës të drejtën për hetim parlamentar, kur vetë çirreshin se po u cenohej kjo e drejtë, edhe pse u është pranuar çdo kërkesë për hetim parlamentar sipas Kushtetutës. Ata rrëzojnë kërkesën e opozitës me justifikimin se po heton prokuroria, ndërkohë kontrollin e paligjshëm mbi ILDKP-në e kryejnë paralel me një hetim të prokurorisë”, - tha ai. Bylykbashi theksoi se Partia Demokratike përsërit qëndrimin e saj të palëkundur dhe opozitën ballore me të gjitha instrumentet demokratike ndaj revanshit antikushtetues të kësaj mazhorance.

Shekulli

[Albo]

'Beteja' për Zana Xhuka në Parlament, PS mbledh 51 firma për shkarkim


TIRANË-Plot 51 deputetë të mazhorancës kanë firmosur kërkesën për shkarkimin e kryetares së ILDKP-së, Zana Xhuka. Kërkesa është depozituar në Komisionin e Ligjeve, dhe ka qenë ky komision që ka vënë në dijeni kryetaren e ILDKP-së për masën e marrë ndaj saj.

Gjithashtu ditën e martë në orën 11:00, Komisioni i Ligjeve do të zhvillojë një seancë dëgjimore me kryetaren e ILDKP-së Zana Xhuka.

Mazhoranca pretendon se zonja Xhuka nuk përmbush kriteret ligjore, për zgjedhjen në atë detyrë. Prej gati tre muajsh ka nisur beteja për shkarkimin e saj dhe pas dështimit me anë të prokurorisë ku u depozitua një kallëzim penal. Tashmë mazhoranca ka ndërmarrë një tjetër nismë ligjore për shkarkimin e saj, nëpërmjet parlamentit.

(d.b/BalkanWeb)

[Albo]

Kuvendi shkarkon Zana Xhukën, Shkelqim Ganaj kreu i ri i ILDKP-së

Pas debateve të forta mes opozitës dhe mazhorancës, kjo e fundit ka hedhur në votim shkarkimin e kryetares së Inspektoratit të Lartë të Deklarimit të Pasurive, Zana Xhuka. Me 77 vota pro Kuvendi votoi sot shkarkimin e Zana Xhukës, ndërsa votoi emrin e Shkelqim Ganajt si kreu i ri i ILDKP me 75 vota pro, 1 abstenim.

Pas akuzave të opozitës se Xhuka po shkarkohet pasi kërkoi të hetonte pasurinë e Ramës dhe bashkëshortes së tij Linda Basha, kryeministri tha se është gati për çdo hetim. “Jam gati ti nënshtrohem çdo lloj hetimi sepse kam besuar gjithmonë dhe vijoj të besoj se pavarësisht se instrumenti që mbajti peng Shqipërinë 20 vjet nuk ka asnjë gjasë që të cënojë integritetin tim. Sic nuk e ka cenuar më parë, nuk e cenon dot as sot as kurrë. Kjo është edukata parlamentare sot”

“Kjo zonja që paska qenë e kërcënuar në atë kohë kur unë isha kryetar i opozitës sepse nuk e kërkoi hetimin sipas ligjit. Sepse në atë letër ia kam thënë shumë qartë, duhet të prisni që unë të jem subjekt i deklarimit pastaj me hetoni. Nuk e bëri. Dhe për zonjën nuk kam asgjë personalisht dhe deri ditën e fundit kam qenë në bashkëpunim institucional. Ka një problem se ajo korrespondencë është e juaja dhe jo e institucionit. Si ka mundësi që ajo korrespondencë paraqitet nga ju këtu”, tha më tej Rama.

MAPO

[Albo]

Debat për Zana Xhukën, PD: E shkarkoni sepse hetoi pasurinë e Linda Bashës

hkarkimi i kreut të ILKPD-së,Zana Xhuka, ka ndezur sot debatet në Kuvend gjatë seancës plenare të së enjtes. Kërkesa e Komisionit të Ligjeve që kërkon shkarkimin e saj është future në rend dite, por opozita e ka kundërshtuar fort duke e cilësuar si një hap të gabuar që do të rrezikojë statusin kandidat. Deputetët Sali Berisha dhe Jozefina Topalli argumentuan se shkarkimi i saj po vjen pasi ajo kërkoi të hetonte pasurinë e Linda Bashës, bashkëshortes së kryeministrit Rama.

Në replika është përfshirë ish kryeministri Sali Berisha dhe Kryetari i Kuvendit Ilir Meta ndërsa debate ka marrë nota tensioni gjatë marrjes së fjalës nga deputetët e opozitës.

Berisha tha se “Ky është puç ndaj institucioneve të vendit. Turp, me këtë akt po sakrifikoni statusin. Ky është një akt i shëmtuar nga ana juaj, ju jeni përgjegjës për këtë akt. Një kryetar parlamenti nuk vepron sic vepron ti me vullnet patologjik për të prishur këtë parlament, por dhe të jeni të bindur se do të përgjigjemi në mënyrë adekuate. Ti fut në rend dite cështje kaq kapitale pa ia paraqitur kryesisë së Parlamentit, por këtë s’mund ta bësh kurrë, s’mund të sillesh sikur parlamenti të jetë kopshti yt dhe i Edi Ramës”.

Ai iu drejtua Metës: “Dëgjo ti zoti ç’integrim. Ju vërtet sakrifikoni Zana Xhuken për pallatin e kryetarit tuj, por ta dish që sakrifikon statusin e vendit kandidat, ju skeni interes atë, por keni interes paratë tuaja”.

Ndërsa Meta i ka thënë se do të mbledhë Konferencën e Kryetarëve pas kritikave të Berishës dhe do të marrë një vendim për këtë çështje, Berisha ka akuzuar sërish se heqja e Xhukës bëhet për të mbyllur hetimin e saj ndaj pasurisë së gruas së kryeministrit.

“Të vijë këtu letra, ku ajo i ka kërkuar Ramës për pasuritë. Ka thirrur Linda Bashën ta marrë në pyetje “, tha Berisha.

Meta ka replikuar me Berishën duke sqaruar pozicionin e tij në këtë çështje “Ju ngrini pretendimin se vendosja nga ana ime si kryetar i kuvendit për cështjen në fjalë është në kundërshtim me rregulloren se nuk është ngritur Konferenca e Kryetarëve. Dakort unë do reflektoj dhe do e mbledh që tani. Pse të mos e mbledh, njëherë thoni mblidheni, tani thoni jo. Ju flisni se është bërë një skandal i madh, por skandali është bërë që në momentin kur parlamenti nuk e ka konsumuar dekretin e presidentit të republikës”, tha Meta.

Mazhoranca e mbrojti kërkesën e saj për shkarkimin e Xhukës nëpërmjet kreut të Komisionit të Ligjeve, Fatmir Xhafa.

“Ne atë zonjë e kemi thirrur 3 herë në grupin e kontrollit, në komision të ligjeve dhe nuk ka denjuar të vijë. Po mirë mo, juve me ke jeni me rregulloren me kuvendin apo me tekat e Zana Xhukës? Ajo zonjë e ka sfiduar Kuvendin. Po i dilni në krah”, tha Xhafa ndër të tjera.

MAPO

[Albo]

Shkarkohet Xhuka, vjen Ganaj, Berisha: Hakmarrje e Ramës për pallatin e Lindës

UPADTE- Kuvendi ka votuar me 77 vota pro shkarkimin e kryeinspektores Zana Xhuka dhe miratimin e Shkelqim Ganaj ne vend te saj.

Me heret, me votat e shumices (79 vota) Kuvendi futi ne rendin e dites ceshtjen per shkarkimin e kryeinspektores Zana Xhuka, me gjithe kundershtimin e opozites per nxjerrjen nga rendi i dites.

Ne emer te grupit te PD-se, Paloka ka perseritur kerkesen per heqjen nga rendi i dites i shkarkimit te Xhukes.

Berisha
Akuza te renda ne drejtim te kryeministrit Rama dhe kryeparlamentarit Meta ka bere ish kryeministri Berisha gjate fjales se tij ne Kuvend.

Shkarkimin e kryeinspektores Xhuka, Berisha e ka quajtur hakmarrje primitive te Rames, pasi kryeinspektorja i kerkoi sqarime per pallatin e bashkeshortes se tij, Linda Basha.
“Ju bashkekryetar keni vullnet patologjik për të prishur këtë parlament, ne do të përgjigjemi në mënyrën më adekuate, ti fut në rend dite cështje kaq kapitale pa ia paraqitur kryesisë së kuvendit po këtë s’mund ta bësh kurrë, akt i paimagjinueshëm, ju fusni hajdutërisht jashtë cdo lloj rregulli një cështje kapitale në rendin e ditës si shkarkimi i paligjshëm i zyrtarit të lartë, bëhet se kryekreu i socialistëve që udhëhiqet nga urrejtja e psikikës është tërbuar me zonjën se ajo guxoi ti dërgojë një letër ti kërkojë zonjës Basha dhe Ramës ti jepnin shpjegime për pallatin 5 katësh. Letra që i ktheu ai ishte turp, shantazh dhe si i sëmurë psiqik që ka vetëm urrejtje njerëzore sapo erdhi në pushtet iu vërsul me tërbim për ta asgjësuar me cdo kusht. Ne na lind e drejta të marrim cdo vendim me këtë që bëni ju”- tha Berisha.

Ai ka akuzuar Meten se me menyren se si po vepron vetem integrimin nuk ka interes. “Keni interes paratë që vidhni cdo ditë, një maxhorancë nuk vepron në mënyrë kaq flagrante kundër interesave të qytetarëve të vet”- tha Berisha.

Berisha ka akuzuar Ramen si te lidhur fund e krye me krimin dhe bandat e rrezikshme. “Ti me parate e krimit bere kinemane dhe vure menaxher te saj kreun e bandes dhe e di vete si shkuan punet pastaj. Ty te ka dale emri ne hetimet per banden e Lushnjes. Ti ke vene police per te ndaluar gjimnazistet te mos vijne ne proteste. Dije mire Edvin Rama se eshte vetem fillimi. Jemi me te vendosur se kurre per nje beteje nga me te fuqishmet ne emer te ligjit, Kushtetues dhe Integrimit”- tha Berisha.

Meta: Dekreti i Presidentit, i pakonsumuar

Kreu i Kuvendit ne pergjigje te kerkeses se opozites ka deklaruar se mund te mbledhe Konferencen e Kryetareve per kete ceshtje, por ka theksuar se skandali eshte bere qe ne kohen kur dekreti i Presidentit nuk eshte konsumuar nga Kuvendi.

“Është bërë skandali, e vertete, por është bërë që në momentin kur parlamenti nuk e ka konsumuar dekretin e presidentit të Republikës. Sepse dekreti i datës 16 janar 2013 nuk eshte konsumuar. S’kam votuar për këtë kandidaturë, ju ngrini shqetësimin për përfshirjen në rend dite, ky nuk është dekret i ri ka më shumë se një vit”- tha Meta .



Paloka: Jashte rendit shkarkimi i Xhukes

Shkelje te Kushtetues dhe Rregullores e ka quajtur kreu i grupit parlamentar te PD-se, Edi Paloka futjen ne rendin e dites te shkarkimit te kryeinspektores Zana Xhuka, miratuar me votat e shumices ne komisionin e Ligjeve vetem pak dite me pare.

Ne emer te opozites ai ka kerkuar nxjerrjen jashte rendit te dites te kesaj pike dhe futjen ne procedura normale.

“Më këtë rend dite i hapni rrugë skandalit ligjor, në kundërshtim me cdo procedurë, ne kundërshtim me rregulloren e Kushtetutën është futur shkarkimi i kryetares së ILDKP-së. Është një procedurë që ka nisur me shkelje ligjore e kushtetuese nga ju dhe komisioni i ligjeve, që është kthyer në komisionin e shkeljes së kushtetutës, ju jeni përgjegjës edhe për futjen në rend dite të kësaj cështje”- tha Paloka.

Seanca shoqerohet me tensione të forta mes maxhorancës dhe opozitës për shkak të futjes në seancë plenare për kërkesën e miratuar dy ditë më parë në Komisionin e Ligjeve, që synon të shkarkojë kryetaren e Inspektoratit të Lartë të Deklarimit të Pasurive, Zana Xhuka.

Demokratët do të jenë të pranishëm në mbledhjen e sotshme të Parlamentit deri në orën 13:30, dhe më pas Grupi i PD do të largohet për të marrë pjesë në protestën-marshim, e organizuar për t’u mbajtur më 20 shkurt, ditën e rrëzimit të bustit të diktatorit Enver Hoxha.

Në axhendën e punimeve të Kuvendit janë tri marrëveshje financiare, të cilat sipas vendimit të parë të demokratëve nuk do të shoqëroheshin me debate të forta. Por futja në rendin e ditës e vendimit për të shkarkuar kryeinspektorin e kontrollit të pasurive do ta detyrojë pakicën që ta ketë si argument kryesor debati deri në mesditë.

Po ashtu, një pikë tjetër që pritet të ngjallë debate të forca, është dhe projektligji “Për financimin e partive politike”, i cili u miratua dy ditë më parë vetëm me votat e maxhorancës në Komisionin e Ligjeve. Edhe kjo nismë konsiderohet nga demokratët si një tentativë e radhës e maxhorancës PS-LSI për të prishur konsensusin. Ndërsa, grupi i Partisë Socialiste në mbledhjen e radhës vendosi të vazhdojë punimet normale të Kuvendit, pavarësisht protestës së 20 shkurtit.

Në mbledhjen e së mërkurës, që ka zgjatur rreth 30 minuta, kryetari i Grupit Parlamentar socialist, Gramoz Ruçi, ka kërkuar nga deputetët e tij mbështetjen e ligjit të ri për financimin e partive, të propozuar nga partitë e vogla parlamentare, PR, PDIU dhe PDK, sipas të cilit një parti që merr mbi 10 mijë vota në shkallë vendi, mund të marrë financim nga buxheti i shtetit. Gjithashtu, kreu i Grupit Parlamentar, pasi ka njohur deputetët me rendin e ditës dhe ka bërë organizimin e diskutimeve sipas çështjeve, u ka kërkuar deputetëve që të jenë në gatishmëri për t’iu përgjigjur debatit politik në Parlament, nëse opozita vijon me akuza ndaj qeverisë si dhe në seancat e kaluara.

PANORAMA

[Albo]

PD çon në Kushtetuese “Zana Xhukën”

TIRANE- Partia Demokratike do ta dërgojë në Gjykatën Kushtetuese vendimin e Parlamentit, që shkarkoi Zana Xhukën nga posti i kryeinspektores së Deklarimit të Pasurive dhe emërimin në vend saj të Shkëlqim Ganajt.

Burime nga Grupi Parlamentar demokrat bëjnë të ditur se juristët e selisë blu kanë nisur punën për hartimin e kërkesës që do të depozitohet javën e ardhshme në Gjykatën Kushtetuese. Maxhoranca e argumentoi shkarkimin e Xhukës, me pretendimet se ajo nuk plotësonte kriteret për t’u emëruar në atë pozicion, ka bërë një punë të dobët dhe ka injoruar Kuvendin. Këto tri momente do të “goditen” në kërkesën e demokratëve në Kushtetuese.

QËNDRIM BERISHËS
Ish-kryeministri Sali Berisha reagoi dje për shkarkimin e Zana Xhukës, duke thënë se me këtë akt antikushtetues, dyshja Rama-Meta u hapën rrugën anulimeve të vendimeve të legjislaturës së kaluar. “Me këtë akt, dyshja Rama- Meta hapi derën e anulimit të të gjitha emërimeve nga Parlamenti ne legjislaturat e mëparshme duke filluar nga kreu i shtetit, gjykatësit dhe çdo zyrtar tjetër i lartë”, theksoi Berisha. Sipas ish-kreut të qeverisë, procedura e ndjekur nga maxhoranca për shkarkimin e Xhukës është antiligjore, pasi i heq të drejtën Presidentit të propozojë një kandidaturë tjetër për këtë post. “Po më 20 shkurt, në një akt antikushtetues të mirëfilltë, duke marrë haptas pushtetin e Presidentit dhe në kundërshtim flagrant me ligjin e ILDKP, i cili autorizon Presidentin e Republikës të propozojë dy kandidatura për vendin vakant të kryeinspektorit të vendit, dyshja Rama- Meta emëruan në krye të institucionit njeriun e tyre”, theksoi Berisha, i cili shtoi se shkak për këtë shkarkim ishte kërkesa e ish-kryetares së ILDKP-së për të hetuar pasuritë e bashkëshortes së Edi Ramës. “Kërkesën e saj me shkrim drejtuar z.Rama për t’u paraqitur pranë ILDKP për të sqaruar origjinën e pasurive të padeklaruara, znj.Xhuka, mori si përgjigje një letër prej tre faqesh jo nga zonja Rama, por nga vetë zoti Rama, në të cilën ai me tone të forta kërcënuese njoftonte se refuzonte kërkesën e ligjshme të saj”, tha ai.

FATION BINJAKU

Panorama

[Albo]

Nishani: Mazhoranca më uzurpoi kompetencat, opozita të mos bojkotojë

Presidenti Bujar Nishani ka reaguar pas shkarkimit të kreut të ILKPD-së Zana Xhuka dhe zëvendësimit të saj me një tjetër dekret të tij.

Në një intervistë ekskluzive për gazetën “Panorama”, presidenti Bujar Nishani e cilëson në kundërshtim flagrant me kushtetutën këtë emërim dhe e akuzon mazhorancën e re se ka uzurpuar kompetencat e kreut të shtetit.

Kreu i shtetit thotë se mosmarrja e mundshme e statusit të vendit kandidat në muajin qershor do të jetë përgjegjësi e drejtpërdrejtë e faktorit politik. Kreu i shtetit ka edhe një mesazh për opozitën, e cila ka paralajmëruar rishikimin e marrëdhënieve me Kuvendin.

“E mira është dhe unë uroj që opozita ta bëjë punën e vet brenda Parlamentit. Shumica dhe opozita e kanë vendin brenda institucionit. Është koha që praktika e daljes nga Parlamenti si mjet i luftës politike të marrë fund”, vijon Nishani.

I pyetur për mosdekretimin ende të dy ambasadorëve në Arabinë Saudite dhe Vatikan, kreu i shtetit paralajmëron rrëzimin e tyre. “Sa u përket kandidaturave në fjalë, le të mos bëhet merak askush. I siguroj të interesuarit se si autoritet kushtetues që emëron ambasadorët, do dekretoj, jo kandidatura të kulisave, tekave, ambicieve, interesave, apo thjesht dëshirave, por vetëm kandidatë që plotësojnë kushtet e përfaqësimit dinjitoz të vendit tim, individë seriozë dhe të përmbajtur, që zotërojnë kapacitetet e duhura profesionale, intelektuale, kulturore, shoqërore, njerëzore, komunikative, etike”.

Kreu i shtetit ka një koment edhe për deklaratën e Kryeministrit Edi Rama mbi hetimin nga prokurorë të huaj të ngjarjeve të 21 janarit. “…Të tjerat janë hamendje, insinuata, manovra, fantazira, dëshira, politikë, ose edhe më keq, propagandë, pra gjëra jo të mira që nuk nderojnë bartësit e tyre”.

MAPO

[Albo]

ILDKP si shembulli i pushtimit të institucioneve

SUPERMAXHORANCA PUSHTON ILDKP
Siç ishte paralajmëruar me kohë, supermaxhoranca, të enjten e kaluar mori nën kontroll Inspektoratin e Lartë të Deklarimit dhe Kontrollit të Pasurive (ILDKP) të zyrtarëve të mesëm e të lartë.
Kryeinspektorja Zana Xhuka u përzgjodh nga Kuvendi në janar 2013 mes dy kandidaturave të propozuara nga Presidenti Bujar Nishani.
Bazuar në të dhënat mediatike, sulmet kundër Zana Xhukës filluan që para zgjedhjeve, kohë në të cilën ajo ka marrë një letër me ton të ngritur nga Edi Rama, në cilësinë e kryetarit të PS dhe si përgjigje ndaj kërkesës së kryeinspektores drejtuar Linda Ramës për sqarime mbi deklarimet e saj.
Me ardhjen e supermaxhorancës PS&LSI në pushtet, kundër Zana Xhukës u hartua dhe u zbatua një plan agresiv eliminimi që u kurorëzua me sukses përmes tri vendimeve të Kuvendit të marra në të njëjtën seancë, njëherazi duke anashkaluar Presidentin e Republikës.

SUPERMAXHORANCA HEDH NE KOSH AKUZAT QE VETE I SAJOI
Sulmi mbi Zana Xhukën filloi me letra anonime e më pas me letra me nënshkrime ku pretendoheshin një sërë shkeljesh ligjore të kryera nga kryeinspektorja, pretendime të cilat iu drejtuan Kuvendit dhe Prokurorisë.
Prokuroria nuk gjeti asnjë shkelje të natyrës penale. Por, edhe Komisioni i Ligjeve dhe seanca plenare e Kuvendit as që e morën mundimin të vlerësonin nëse kishte të paktën shkelje administrative, ndonëse 51 deputetët firmëtarë PS&LSI i radhisnin të gjitha pretendimet për shkelje në kërkesën e tyre për shkarkimin e Zana Xhukës.
Qëllimi ishte largimi i Zana Xhukës, dhe ky largim duhej bërë edhe duke shmangur rifutjen në proces të Presidentit, pasi, nëse Kuvendi do ta shkarkonte Zana Xhukën për shkelje administrative, atëherë vendi i kryeinspektorit mbetej bosh dhe, sipas ligjit të ILDKP, Presidenti, brenda 15 ditëve, duhej t’i propozonte Kuvendit dy kandidatura.

PRETENDIMET ABSURDE MBI CILESITE E KANDIDATURES XHUKA
Supermaxhoranca nuk mund të ngrinte pretendime për pavlefshmërinë relative, pasi ishte tejkaluar çdo afat ligjor për revokimin e aktit të emërimit. Por, njësoj si në rastin e shkeljeve, del se edhe nëse do të ishin brenda afateve, nuk do ta përdornin këtë lloj pavlefshmërie, pasi kjo do t’i çonte, për të njëjtat arsye, në dyert e Presidencës.
Në këto rrethana, menduan se punë iu bënte vetëm pavlefshmëria absolute edhe si kamuflim i qëllimeve. Në fakt, me këtë metodë jo vetëm që nuk fshihet arroganca në marrjen e institucionit duke anashkaluar Presidentin, por procesi bëhet sa qesharak, aq edhe i rrezikshëm si precedent, njësoj si rrezikshmëria e aktit normativ për ligjin për nëpunësin civil.
Pavlefshmëria absolute është e këtillë që konstatohet me shikimin e parë nga kushdo, qoftë edhe me njohuri modeste dhe pretendimi, nëse është i vërtetë, ngrihet aty për aty e me shumë, shumë forcë, pasi kushdo s’do të pranonte të votonte, as pro e as kundër, një akti të këtillë skandaloz që në gjuhën popullore i thonë letër bakalli.
Kjo nuk ndodhi një vit më parë, kur kandidatura kaloi filtrat e Presidencës dhe të Kuvendit, as edhe nga opozita e atëhershme që vetëm sa belbëzoi për pavlefshmëri relative. Kjo nuk ndodhi as më 16 shtator me ardhjen në pushtet të supermaxhorancës, as në disa muaj paskëtaj, por pas më shumë se një viti nga emërimi pasi u provua si e padobishme rruga e sajimit të shkeljeve.
Gjithashtu, ndonëse supermaxhoranca përdori pavlefshmërinë absolute – le ta pranojmë të këtillë për një moment – ajo rivotoi Zana Xhukën si kandidate të vlefshme dhe dekretin presidencial të para një viti si të vlefshëm e me dy kandidatura, ndërkohë që dekreti duhej konsideruar të paktën pjesërisht e, më saktë, i tëri si absolutisht i pavlefshëm, pasi, në kundërshtim me ligjin e ILDKP, dekreti mbetej vetëm me një kandidaturë. Absurd për të mbaruar punë fët e fët duke anashkaluar Presidentin.

ABSURDI I NDIKIMIT NE REZULTAT TE MENYRES SE VOTIMIT
Një tjetër absurd që u diskutua në seancën plenare të Kuvendit ishte ai që, një vit më parë Kuvendi kishte votuar për Zana Xhukën, por meqë nuk ishte votuar edhe kandidati tjetër, ai votim ishte i parregullt.
Supozojmë se në votim marrin pjesë 100 deputetë për të zgjedhur një nga dy kandidatet X dhe Y me votim të hapur dhe se çdo deputet mund të votojë vetëm njërin nga dy kandidatët ose asnjë. Nëse 52 deputetë preferojnë kandidatin X, për atë Y preferencat nuk janë më shumë se 48. Bëjeni si të doni votimin: Y të parin dhe X të dytin; X të parin dhe Y të dytin; çdo deputeti me radhë në votim nominal apo njëherazi me votim elektronik t’i kërkohet vota për X ose Y; do t’ju dalë se, në të gjitha rastet, X do marrë 52 vota – saç janë preferencat për të – Y jo më shumë se 48 vota. Pra, nëse X votohet i pari dhe merr 52 vota, s’ka asnjë kuptim që të votohet Y. Po doli ndonjë të vërtetojë të kundërtën, meriton titull ndërkombëtar.
Një vit më parë Zana Xhuka u votua e para, mori votat e më shumë se gjysmës së deputeteve që morën pjesë në votim, ndaj s’kishte kuptim të votohej kandidati tjetër.

RRUGA KALON VETEM NGA PRESIDENCA
Natyrisht që këtij akti s’mund t’i hapet rrugë e, me të drejtë, Presidenti deklaroi se do t’i drejtohet Gjykatës Kushtetuese, demokratët deklaruan se do të rishikonin marrëdhëniet me Kuvendin dhe do të plotësojnë padinë e ngritur prej kohesh në Gjykatën Kushtetuese për rastin Xhuka, ndërsa vetë Zana Xhuka i është drejtuar Gjykatës Administrative. Kjo është sjellje e përgjegjshme opozitare.

LIGJSHMERIA SI KUFIRI I FUNDIT I BASHKEJETESES
Që supermaxhoranca ka qëllimet e saj për superpushtet e këtë do ta arrijë me shembullin e forcës arrogante, kjo është ligjësi universale. Arrogancë ka edhe brenda kufijve ligjorë e kushtetues. Kjo është e dëmshme, por e ligjshme. Gjysma e së keqes.
Por, nëse shembulli i forcës arrogante do të thotë tejkalim sistematik i kufijve të ligjit e Kushtetutës – si vijë sjelljeje – kjo është zhvendosje e marrëdhënieve politike e shoqërore, me përdhunë, matanë kufijve më ekstremë të bashkëjetesës në demokraci. Se ç’do të thotë të jetosh andej matanë shqiptarët kanë pasur rastin ta përjetojnë.

Artan Hoxha

Panorama

[Xinxerfilli]

Hapeni pak tek News 24 shikoni idiotet e Berishes si ju bien tavolinave kur Armando Subashi flet se perse eshte shkarkuar Zana Xhuka.

Kur thote se 35 nga 40 punonjesit e ILDKP jane ankuar per kreun e institucionit. Kur thote se eshte bere ankese nga Vodafone dhe Zana se ka shqyrtuar fare. Kur thote se sipas ligjit kuvendi perballe kesaj situate duhet te verifikonte dhe hetonte ankesat e punonjesve. Se ishte emeruar ne kundershtim te hapur me ligjin. Kur permend pikat dhe nenet e ligjit dhe te kushtetutes.

Idiotet e Berishes fishkellejne, dhe ju bien tavolinave pas fjalimeve idiote qe mbajten, sepse nuk cfare te thone dhe se ku te mbeshteten ligjerisht. E dine se jane te humbur dhe e vetmja taktike eshte rremuja dhe diversioni. Pale kane nxjerre dhe ca pleq jashte parlamentit qe "protestojne"

[Albo]

"ILDKP", Nishani ankimim në Kushtetuese: U shkelën kompetencat e Presidentit

TIRANË-Presidenti Bujar Nishani ka ankimuar në Gjykatën Kushtetuese shkarkimin e kreut të ILDKP. Numri një i shtetit shqiptar i drejtohet gjykatës Kushtetuese për zgjidhjen e konfliktit te krijuar sa i përket kompetencave të Presidencës dhe Kuvendit të Shqipërisë.

Sipas Nishanit, Parlamenti ndërhyri në kompetencat e Presidentit me shkarkimin dhe emërimin që kreu në këtë institucion, ndaj i kërkon kësaj gjykate, të shpallë antikushtetues votimin e Shkëlqim Ganaj në vend të Zana Xhukës.

Ankimimi i Presidentit
"Duke qenë se, midis Kuvendit dhe Presidentit të Republikës është krijuar një konflikt kompetencash, kërkoj nga Gjykata Kushtetuese:

1.
Zgjidhjen e mosmarrëveshjes së kompetencës midis Presidentit të Republikës dhe Kuvendit;
2.
Deklarimin si të papajtueshëm me Kushtetutën të vendimit nr. 14/2014, datë20.02.2014 të Kuvendit të Republikës së Shqipërise për zgjedhjen e zotit Shkëlqim Ganaj në detyrën e Inspektorit të Përgjithshëm të Inspektoriatit të Lartë të Deklarimit dhe Kontrollit të Pasurive."

Seancën plenare të 21 shkurtit, pas debatesh dhe ndërprerjesh të shumta të seances, Kuvendi shkarkoi me votat e mazhorancës kreun e ILDKP, Zana Zhukën, duke zgjedhur në vend të saj me 75 vota pro dhe 2 abstenime dekretin e dytë që propozoi presidenti Nishani vitin e kaluar përballë Xhukës, pikërisht Shkëlqim Ganajn.
Emri i kreut të ri të ILDKP u propozua vitin e kaluar si kandidatura e dytë përkrah Xhukës për kreun e instutucionit të deklarimit të pasurisë, ndonëse nuk u hodh në votim.

(d.b/BalkanWeb)

[Albo]

Shkarkimi i Zana Xhukës, PD e ankimon në Kushtetuese: U shkel ligjshmëria

TIRANË- Partia Demokratike ka ankimuar sot në Gjykatën Kushtetuese shkarkimin nga posti i i kryetares së Inspektoratit të Lartë të Deklarimit Kombëtar të Pasurive të Zana Xhukës, e cila u shkarkua nga Kuvendi.

Mësohet se Partia Demokratike kërkon të shpallë të pavlefshme procedurat e Parlamentit, me pretendimin se në shkarkimin e zonjës Xhuka është shkelur parimi i ligjshmërisë dhe procedurat parlamentare.

Ndërkohë që edhe ish-kryetarja e ILDKP-së, Zana Xhuka pas shkarkimit ka deklaruar se do t’i drejtohet Gjykatës Kushtetuese për të vënë drejtësi. Sipas Xhukës, ajo është kryeinspektorja e ligjshme, ndaj dhe ka besim tek drejtësia.

Xhuka pretendon se është zgjedhur në mënyrë të ligjshme po nga Kuvendi në krye të Inspektoratit të Lartë të Deklarimit e Kontrollit të Pasurive.

Zana Xhuka u shkarkua nga Kuvendi me 77 vota pro dhe në vend të saj u zgjodh në krye të ILDKP-së Shkëlqim Ganaj.

(m.a/BalkanWeb)

[Albo]

Kushtetuese, nis “beteja” Presidencë-Parlament për kreun e ILDKP-së

Gjykata Kushtetuese ka nisur dje shqyrtimin e ankimimit të Presidentit të Republikës, Bujar Nishani për shkarkimin e kryetares së Inspektoriatit të Lartë për Deklarimin e Pasurive, Zana Xhuka. Bazuar pikërisht në kërkesën e tij të paraqitur në muajin mars pranë këtij institucioni për zgjidhjen e konfliktit të krijuar mes tij dhe Kuvendit, duke pretenduar se ky i fundit ka ndërhyrë në kompetencat e tij me shkarkimin dhe emërimin e kreut të ri të ILDKP-së. Prandaj, i ka kërkuar kësaj gjykate që ta shpallë si antikushtetues votimin e Shkëlqim Ganajt në vend të Zana Xhukës. Kështu, trupa kushtetuese është mbledhur dje me dyer të mbyllura dhe e ka marrë në gjykim këtë çështje, kërkesa për të cilën ka qenë pikërisht ajo e kreut të shtetit për “zgjidhjen e mosmarrëveshjes së kompetencës midis Presidentit të Republikës e Kuvendit dhe deklarimin si të papajtueshëm me Kushtetutën të vendimit nr. 14/2014, datë 20.02.2014, të Kuvendit për zgjedhjen e Shkëlqim Ganaj rnë detyrën e Inspektorit të Përgjithshëm të Inspektoratit të Lartë të Deklarimit dhe Kontrollit të Pasurive”. Teksa kujtojmë se vetëm para disa ditësh, Kuvendi i dërgoi një kërkesë Gjykatës Kushtetuese për përjashtimin nga pjesëmarrja në gjykim të dy gjyqtarëve në ankimimin e dorëzuar nga Presidenti në këtë gjykatë për shkarkimin e kreut të ILDKP-së. Në këtë kërkesë, e cila mban firmën e Sekretares së Përgjithshme të Kuvendit, Albana Shtylla kërkohej pikërisht përjashtimi i gjyqtares Altina Xhoxhaj dhe kolegut të saj Vladimir Kristo. Kuvendi e argumentonte këtë kërkesë me faktin se “Nëpërmjet të dhënave të publikuara në faqen zyrtare të internetit të institucioneve shtetërore rezulton se Arben Idrizi, bashkëshort i gjyqtares Altina Xhoxhaj dhe Olti Kristo, i biri gjyqtarit Vladimir Kristo, janë punësuar në institucionin e Presidentit të Republikës, respektivisht në pozicionin e Sekretarit të Përgjithshëm dhe të Këshilltarit Ligjor”. Ende nuk dihet nëse këta dy gjyqtarë do ta kenë firmën e tyre nga vendimi përkatës mbi këtë ankimim të kreut të shtetit, teksa vetë ky vendim pritet të shkaktojë shumë debate në politikën shqiptare, për vetë peshën e lartë të përgjegjësisë që ka, të thotë fjaën e fundit mbi një konflikt aq delikat siç është ai i hapuri midis dy institucioneve të larta të vendit, Presidenca dhe Kuvendi.

Objekti i kërkesës së Presidentit të Republikës

“1. Zgjidhja e mosmarrëveshjes së kompetencës midis Presidentit të Republikës dhe Kuvendit të Republikës së Shqipërisë. 2. Deklarimi si i papajtueshëm me Kushtetutën i Vendimit nr.14/2014, datë 20.02.2014 i Kuvendit të Republikës së Shqipërisë “Për zgjedhjen e Inspektorit të Përgjithshëm të Inspektoriatit të Lartë të Deklarimit dhe Kontrollit të Pasurive”.

PROCESI

“Lejet e ndërtimeve” në Kushtetuese

Bashkia e Tiranës, ajo e Krujës si dhe komuna Katund i Ri kanë ankimuar në Gjykatën Kushtetuese vendimin e Këshillit Kombëtar të Territorit, i cili ka bllokuar përkohësisht lejet e ndërtimit, në zonat urbane që konsiderohen si kurora e gjelbër me argumentin se zonat janë në kaos urbanistik. Por përfaqësuesi i pushtetit lokal për të tre këto institucione, Ivi Kaso, përfaqësuesi ligjor i bashkive, argumentoi para trupit gjykues se kjo është një ndërhyrje në autonominë vendore. Ndërsa përfaqësuesi i Këshillit të Ministrave tha se ka një plan emergjence për të siguruar zonat e mbrojtura nga ndërtimet pa kriter.

Koha Jone

[Albo]

Tërhiqet anëtarja, Kushtetuesja rrëzon Nishanin

Gjykata Kushtetuese rrëzoi dje kërkesën e Presidentit të Republikës për interpretimin e shkarkimit të Zana Xhukës nga Kuvendi. Vendimi erdhi pas një votimi me vota të barabarta të tetë anëtarëve të kësaj gjykate, pa arritur të krijojnë një shumicë.

Përmes një njoftimi për shtyp të publikuar në uebsajtin e Gjykatës Kushtetuese, bëhet publik vendimi i saj. “Gjykata Kushtetuese e Republikës së Shqipërisë, pasi shqyrtoi çështjen në seancë plenare mbi bazë dokumentesh, duke qenë se gjatë votimit votat u ndanë në mënyrë të barabartë pa krijuar mundësinë e arritjes së një përfundimi për çështjen, në mbështetje të nenit 74 të ligjit nr.8577, datë 10.02.2000 ‘Për organizimin dhe funksionimin e Gjykatës Kushtetuese të Republikës së Shqipërisë’, me vendimin e datës 17.06.2014, vendosi refuzimin e kërkesës”, thuhet në njoftimin e gjykatës. Një anëtar i kësaj gjykate, Altina Xhoxhaj, kishte kërkuar dorëheqjen nga gjykimi i kësaj çështjeje, pasi Kuvendi i Shqipërisë kishte evidentuar një konflikt interesi të saj me të. Bashkëshorti i saj, Arben Idrizi, punon si sekretar i Përgjithshëm i Presidencës, personi që ka firmosur dhe kërkesën e kreut të shtetit dërguar kësaj gjykate.

Në këto kushte, Xhoxhaj kërkoi vetëpërjashtimin e saj nga ky gjykim. Por, një tjetër gjyqtar, Vladimir Kristo, për të cilin Kuvendi kishte gjetur konflikt interesi në këtë çështje, pasi djali i tij punon në Presidencë si këshilltar i kreut të shtetit, mori pjesë në gjykim. Kolegji i Gjykatës Kushtetuese nuk e pranoi kërkesën e Kristos që të tërhiqej nga ky gjykim, duke mos vërejtur konflikt interesi. Në këtë mënyrë, në gjykimin e kësaj çështjeje morën pjesë tetë gjyqtarë, votat e të cilëve u ndanë në mënyrë të barabartë, pa mundur të bëjnë shumicë.

Në këtë mënyrë, gjykata vendosi rrëzimin e kërkesës së Presidentit të Republikës, pa u shprehur për të me vendim të qartë, duke lënë në fuqi vendimin e Kuvendit që zgjodhi në krye të ILDKP-së Shkëlqim Ganajn, në garë me Zana Xhukën. Presidenti pretendonte se Kuvendi nuk respektoi procedurën, pasi sipas tij, duhej më parë që të mbërrinte propozimi nga ana e Presidentit të Republikës e më pas të votohej në Kuvend.

ARISTIR LUMEZI

Panorama