Zëdhënësja e Arben Ahmetaj, nga puna në parfumeri te zyrat e Ministrisë
14 tweet
Panorama Plus e Shtunë, 21 Shtator, 2013 | 14:34 pm
Deri tani e ka prezantuar veten në rrethet e ngushta të Tiranës si “vajza e parfumeve”, ndërsa servir fragrancat më të reja për femra e meshkuj në dyqanin “Jardin de Paris” apo e “La vie en rose”. Ajo quhet Oriola Kuçi dhe sapo ka nisur punën si këshilltare për Median pranë Ministrisë së Zhvillimit Ekonomik, Tregtisë dhe Sipërmarrjes, që drejtohet nga Arben Ahmetaj. Ori ka dhënë deklaratat e para në media si këshilltare pranë ministrit Ahmetaj, ndërkohë që ngjall kuriozitet për të mësuar më shumë rreth eksperiencave të saj reale në këtë treg dhe kontributin që ka dhënë ajo në këtë fushë duke prekur çdo gjë nga afër. Në fakt, nuk dihet nëse emërimi i saj në këtë pozicion pune në Ministri ka qenë një zgjedhje personale e ministrit Ahmetaj apo ajo është përzgjedhur gjatë aplikimit me CV-në e saj personale, një mënyrë konkurrimi që u shpall nga Kryeministri Edi Rama si strategji e re punësimi në bazë të meritave dhe jo miqësive. E, për sa i përket znj.Kuçi, eksperienca e saj në media lidhet vetëm me një program argëtues në radion “NRG”, ku ka moderuar një emision të mërkurave dhe të enjteve të titulluar 2OR=1 Or. Në vetë prezantimet e saj, në intervistat që ka dhënë në ndonjë gazetë, ajo ka deklaruar se origjina e saj është nga Durrësi dhe se u kthye nga Italia pas shtatë vitesh studime në Fakultetin e Shkencave Politike dhe Medias në Firenze (Itali). Përveç studimeve në Itali, ajo ka pohuar vetë se ka punuar si kryeredaktore e një reviste studentësh atje, si dhe në Bashkinë e Firences, ndërkohë që e vetmja eksperiencë që e lidh me median dhe realitetin shqiptar është emisioni argëtues i sipërpërmendur në radion “NRG”, kur për shkak të miqësive të hershme brenda kësaj radioje, dyert i kishte pasur gjithmonë të hapura. Por sërish puna në radio ishte veç një impenjim për hobi, pasi puna me kohë të plotë e Kuçit ka qenë ajo në dyqanin e parfumeve. Të gjithë të pasionuarit e aromave e kanë fiksuar portretin e saj në ekran duke folur me pasion për to. Ajo shquhet për natyrën ekzibicioniste, pasi ka pasion fotografitë, ku bëjnë përshtypje pozat duke tymosur cigare, me fustanet sensuale dhe grimin e theksuar, si aktoret italiane të viteve ’70-’80-të. E në një portretizim të saj, ajo shfaqet si një femër që preferon të tregojë anën e saj të egër dhe maskiliste, pasi në disa foto ka pozuar me këmishë meshkujsh, ndërsa në këshillat e saj në ekran ka deklaruar se preferon të përdorë parfumet e forta për meshkuj, të cilat ua sugjeron dhe femrave të tjera që dëshirojnë të ndihen të pushtetshme. Gjithsesi, për të shfaqur aftësinë e saj si këshilltare për median, ajo deri tani e ka treguar veten vetëm në ndonjë deklaratë, ku ka cituar për gazetarët miratimin e Kodit të Etikës dhe një modeli të ri të komunikimit me median, që sipas saj do të aplikohet këtej e tutje. “Ministrat do të flasin atëherë kur kanë diçka për të thënë”, ka qenë deklarata e parë dhënë për mediat nga Kuçi. E, për të zbuluar më shumë për jetën e saj private, deri tani mund të themi se ajo është 30 vjeç dhe nëna e dy fëmijëve binjakë.
14 tweet
Te nderuar komentues! Duke mos dashur te cenojme opinionet tuaja, lutemi qe ato te mos permbajne fyerje dhe ofendime personale dhe te kene lidhje me shkrimin, apo temen per te cilen komentohet. Ne te kundert, nuk do te publikohen. Ju falenderojme qe na ndiqni dhe ju ftojme te vazhdoni te jeni pjese e Panorama Online. Moderatori
Lexoni Gazeta Panorama ne formatin PDF »»KLIKO KETU
3 Komente per “Zëdhënësja e Arben Ahmetaj, nga puna në parfumeri te zyrat e Ministrisë”
reformer
21 Shtator, 2013 - 21:30
Eshte nje shprehje e vjeter ” Pellumbeshe moj pellumbeshe nga punetore na u bere Drejtoreshe” Keshtu e nisen pune ministrat e Rames??? Ku jane ato premtimet qe na tha per te derguar CV, qe do ti marim ne pune ne baze te aftesive nuk po shoh asgje nga keto premtime . Megjithate po pres akoma
Përgjigjjuni
Arbri
22 Shtator, 2013 - 22:57
E c’do na keshilloka zonja ne fjale? Ku mesoi. Kot nuk thone rrasa kasa, vorbja trajsja. Njelloj si rama si sala. Vec se njerezit ishin lodhur shume me salen dhe besuan cdo fjale te rames. Pas 8 vjeteve do jemi ne te njejten situate e do besojme salen qe do na sjelle ndonje te re qe natyrisht ka aplikuar si gjithe te tjeret me CV
Përgjigjjuni
Marsi
23 Shtator, 2013 - 08:20
Edhe une kam cuar CV. Sme mori njeri ne pune. Me duket se nuk plotesoj kriteret, kam mbaruar nje shkolle ( ne shqiperi e skam lene pergjysem ndonje ne Itali), kam mbaruar nje master (ne amerike). Ta dija qe funksiononte keshtu nuk isha lodh kaq shume
http://www.panorama.com.al/2013/09/2...-e-ministrise/
Përgjigju Duke Cituar
Postuar më parë nga loneeagle
Krijoni Kontakt