Rama mban fjalimin e parë në Kuvend, Berisha nxjerr opozitën jashtë sallës
Kreu i mazhorancës së majtë, Edi Rama ka mbajtur fjalimin e parë të tij në parlament. Kryeministri i zgjedhur e ka nisur fjalën me tragjedinë e 11 shtatorit në SHBA.
Më pas Rama foli për rrugën që ka përshkuar Shqipëria nga rrëzimi i sistemit totalitar. Kreu i PS-së theksoi se, ende nuk janë përmbushur aspiratat e 1990-s. Kjo tha ai, ishte arsye që çuan votuesit drejtë kutisë së votimit në zgjedhjet e 23 qershorit.
“Këto aspirata bashkuan veriun me jugun, socialistët me demokratët. Si në marsin e vitit 1992 shqiptarët nuk u ndanë në dy blloqe por u bë një bllok masiv për të vendosur me votë të lirë me votë të pakontestueshme. Këtë pasqyrë të historisë së re nuk dua ta vendosur para humbësve. Nuk është qëllimi im or as synimi që të marrim kohën”, tha Rama.
Opozita nuk qëndrojë e heshtur. Jozefina Topalli, Sali Berisha dhe kreu i grupit, Edi Paloka replikuan nga vendi me kreun e mazhorancës. Deputetët e opozitës u inatosën me Ramën në momentin që ai po krahasonte zgjedhjet e marsit të vitit 1992 me ato të 23 qershorit 2013-të.
“Mos të harrojmë thellësinë e rezultatit të 23 qershorit, njëlloj si e marsit 1992, nuk e bëri dëshira për të ndryshuar qeverinë, përmasën historikë të fitores sonë e përcaktoi domosdoshmëria për të ndryshuar rrënjësisht Shqipërinë duke nisur nga ndryshimi i modelit të qeverisë.”, u shpreh Rama.
Ai garantoi opozitën se, asaj nuk do t’i mungojë ojë që PD i ka refuzua PS-së kur ishte në opozitës. Rama u shpreh se duhet të marrë fund historia kur Kryetari i Kuvendit merrte nëpërkëmbë. “Me një kryetar që nuk e ka deputet por kryetar të Bashkisë Tiranë, a nuk ngjan se tërë mallkimet i janë kthyer, që e kanë lënë pa kokë këtë opozitë.
Megjithëse, Rama theksoi se nuk do t’i bëjnë karshillëk opozitës, deputetët e saj braktisën punimet e Kuvendit.
Në deklaratën e mbajtur nga Berisha jashtë sallës së Kuvendit, ai tha se vendimi për të braktisur punimet e Kuvendit erdhi pas sulmit që Rama i bëri opozitës.
Por pavarësisht këtij vendimi të Berishës për të nxjerr opozitën jashtë sallës, disa deputetë opozitarë nuk e zbatuar këtë urdhër. Në sallë mbeti Dashamir Shehi dhe Tahir Muhedini, të dy deputetë të zgjedhur nga lista e PD-së.
Krijoni Kontakt