500 femije shqiptare te zhdukur ne Greqi.Heshtje nga Prokuroria dhe Min e Brendshme.

[benseven11]

Lajmi për zhdukjen e mbi 500 fëmijëve shqiptar në Greqi ka rënë si bombë për Tiranën zyrtare megjithëse askush nuk ka ndërrmarrë asnjëherë një hetim për rastet e denoncuara. Hetimi i Athinës zyrtare për këtë çëshjte nxjerrë në pah edhe elementë të frikshëm se këta fëmijë kanë përfunduar në klinikat helene për trafik organesh. Ndërsa elemeni i dytë më skandaloz është fakti se pas këtij trafiku në shumicën e rasteve fshihen shoqata bamirësie fantazmë. Këshilltari ligjore i Avokatit të Popullit, Andi Bala, tha se ky institucion ka një trashëgimi letërkëmbimesh, materiale dhe dosje që reflektojnë që para 10 vitesh këtë dyshim trafiku.

Në vitin 2004, po nga të vetmet letërkëmbime, thuhet se Komiteti i Helsinkit i ka kërkuar Avokatit të Popullit të Greqisë, që 3 fëmijë, të vetmit që kishin kontakt, të dëshmonin për të ndihmuar organet kopetente për zbardhjen e këtij skandali, por as për këtë hap nuk pati më asnjë informacion.

Në rikthim të së njëjtës dosje e cila ka pushuar një dekadë më parë, Avokati i Popullit në Shqipëri, Igli Totozani, në rolin e denoncuesit, sipas kompetencave të këtij insitucioni, i ka kërkuar Ministrisë së Brendshme dhe Prokurorisë së Përgjthshme në korrik të 2013-ës, të hetojnë këtë skandal, por edhe pse ka kaluar një muaj, ende asnjë përgjigje, raporton “Ora News”. Sipas ligjit, Avokati i Popullit ripërsërit kërkesën dhe më pas i drejtohet institucioneve më të larta, si Ekzektutivit.

Pak ditë më parë, Ministria greke e Drejtësisë ka kërkuar nisjen e hetimeve për të mbledhur të dhëna për zhdukjen e mbi 500 fëmijëve shqiptarë, kryesisht fëmijë të komuniteti romë. Shqetësim ky i ngritur në parlamentin grek nga deputetja e së Majtës Demokratike, Maria Gianakou, pas një raporti të publikuar nga Komisioni Kundër Torturave i OKB-së.
Gazeta Tema Online

[Qyfyre]

Skandaloze. 500 femijet jane qe nga viti 2004?

[Prudence]

Sikur skemi degjuar per rrembime, mos Jane keta romet qe lindin mbase Enkas per ti shit

[benseven11]

Zhdukja e fëmijëve shqiptarë në Greqi, organizatat: U shitën për 500 euro
Greqi- Shumë e rëndë është ajo që ka ndodhur me 502 fëmijët romë nga Shqipëria, të cilët janë zhdukur nga institucioni shtetëror bamirës, “Agia Varvara” në Greqi , në vitin 1998 dhe për fatin e të cilëve askush nuk thotë gjë. Deputetja e SYRIZA-s Maria Janakaki , e cila e ngriti çështjen në Parlamentin grek, tregon se interesimi i saj për këtë çështje bie në vesh të shurdhër. “Sa herë që jam përpjekur për të marrë përgjigje nga institucioni kam ndeshur në një mur të lartë. . Më kanë thënë se fëmijët kapërcyen gardhin dhe ikën", thotë ajo.

Teksa Ministri i Drejtësisë , Transparencës dhe të Drejtat e Njeriut, Haralambos Athanasiu urdhëroi një hetim të ri nga e para për skandalin, është vendosur prokurori i ri për çështjen. Ai duhet të hetojë sesi për 15 vjet , jo një e dy, por plot 502 fëmijë janë zhdukur nga institucioni " Agia Varvara".

Gjithçka e ka fillesën në vitin 1998, kur ministri i atëhershëm i Rendit Publik urdhëroi të ndalohet biznesi i shfrytëzimit të fëmijëve, pas një aksidenti me makinë në Selanik me dy fëmijë shqiptarë të rrugës, transmeton BW.

Gjatë aksionit, policia mblodhi nga rruga 615 fëmijë shqiptarë, të cilët u dërguan në qendrën për mbrojtjen e të miturve "Agia Varvara", qendër që varet nga Ministria e Punës , Çështjeve Sociale dhe Mirëqenies.

Disa prej këtyre fëmijëve u riatdhesuan në Shqipëri, ku dhe kanë gjetur familjet e tyre. Rreth 60 prej tyre u morrën nga familje kujdestare apo shkuan në jetimore në Greqi.

Veçse për 502 fëmijë të tjerë, fati vazhdoi të jetë ndoshta edhe më i vështirë , pasi në rrethana misterioze u zhdukën nga institucioni dhe askush nuk i kërkoi.

Në vitin 2002 organizata "Terres des Hommes" filloi hetime për fëmijët e rrugës nga Shqipëria dhe tha se fëmijët iu ishin shitur trafikantëve nga disa punonjës të institucionit, me çmimin 500 euro secili.

Sipas organizatës, shumë prej fëmijëve të zhdukur nga Fondacioni , u blenë nga kontrabandistët për 500 euro, për shfrytëzim ekonomik, për të lypur, për prostitucion apo për shitje të organeve. Mediat greke flasin për një bashkëpunim të mafias shqiptare dhe asaj greke, që përfitojnë nga shitja dhe shfrytëzimi i fëmijëve.

Një hetim i Avokatit të Popullit në Greqi në mars 2004, doli në përfundimin se nuk ka pasur tregti me fëmijët.

Në vitin 2007 papritur kërkimi ndaloi, megjithatë prokurorët gjetën probleme serioze në funksionimin e institucionit, pritjen e fëmijëve në të, ku bashkangjitën edhe përgjegjësitë e Ministrive të Rendit Publik dhe asaj të Punës, për trajtimin e çështjes.

Në qershor 2012 çështja u ripublikua nga Komiteti për të Drejtat dhe Mbrojtjen e Fëmijëve të OKB-së. Para disa ditësh u ngrit në Parlament nga deputetja e SYRIZA-s dhe për pasojë ministri i Drejtësisë kërkoi rihapje të dosjes. /Telegrafi/