Premtimet e Edi Rames! Ne do t'ja kujtojme ketu perdite.

[DYDRINAS]

[linda l]

dydrinas ti mire ben qe do ja kujtosh per dite Rames premtimet qe ka marre per kete mandat qeverisje por jam e sigurt qe do te bien ne vesh te shurdhet

[Meriamun]

Ne politike rregulli numer nje per te pasur sukses eshte: Premto shume dhe mos permbush asnje premtim.

[Antiproanti]

Biznesi i vogël Vlorë, Rama: 4 angazhimet e PS

Postuar më: 26 Maj 2013

Kryetari i PS, Edi Rama: “Ajo që unë dua t’ju them, sot, të gjithë biznesit të vogël të Vlorës, të gjithë atyre që jetojnë me një dyqan është;

E para, të gjitha gjobat që janë vendosur dhe vazhdojnë të vendosen që nga 1 marsi i këtij viti ne nuk do t’i njohim. T’i mbajnë si certifikata të mosmirëkuptimit me këtë qeveri.

E dyta, ne do t’ua heqim taksën e biznesit të vogël.

E treta, ne do t’ua përgjysmojmë tatimin e fitimit.

E katërta, ne do t’u krijojmë të gjitha kushtet që të shtojnë vendet e punës për çdo vend pune që do të hapin ne do t’i japim mbështetje me një politikë të re që do të nxisë punësimin.

...

Vetem tre premtimet e para jane premtime (konkrete)...
I katerti eshte premtim jokonkret.

Nese i ka premtuar ato qe ke postuar ti, atehere permbushja e tre premtimeve do te ishte se paku permbushje 90% e planit.
"mbeshtetja me nje politik qe do te nxiste punesimin" nuk eshte premtim konkret dhe mund te matet vetem ne menyre indirekte.

Pavaresisht kesaj, une nuk e kam te qarte se kush saktesisht eshte "biznes i vogel" ne Shqiperi?
Pa u sqaruar kjo, eshte veshtire te thuhet nese eshte mbajtur premtimi apo jo.

[DYDRINAS]

Votë tek numri 29 për të hapur 300 mijë vende të reja pune

Postuar më: 08-06-2013 /

Përshëndetje të gjithëve! Kemi ardhur shumë herë edhe këtu, por sot si asnjëherë tjetër ju e keni transformuar këtë rrugë në një bulevard të madh për Rilindjen. Në një bulevard ku janë derdhur të gjitha dëshirat dhe shpresat, për t’i dhënë fund një periudhe të gjatë rrënimi; Për ta mbyllur këtë kapitull të një zvarritjeje të pafund, të njerëzve të zakonshëm nëpër ushqimore ku shkruajnë emrin për të marrë bukën borxh; Me tokën e bukës ku nuk kanë ujë për të vaditur dhe përmbyten në shiun e parë; Me shkollat ku fëmijët tuaj pas vitesh të tëra katandisen në analfabet funksionalë; Me spitalet, ku nuk të hap kush derën në rast se nuk të shikon lekët në dorë.

E pra, sot ne të gjithë kemi ardhur këtu së bashku për Rilindjen që fillon nga rilindja e fshatit, nga certifikata e pronësisë së tokës për çdo familje të zakonshme fermerësh. Nga uji në parcelë, për të cilin ne do të investojmë 160 milionë dollarë që asnjë metër tokë buke të mos mbetet pa vaditur. Për të mbrojtur çdo metër tokë ku është mbjellë prodhimi nga përmbytjet.

Ne jemi këtu sot së bashku që të shkojmë drejt 23 qershorit me një votë për të hequr taksën e biznesit të vogël, për të përgjysmuar taksën e tatim fitimit, për t’i dhënë mundësi 400 mijë shqiptarëve që jetojnë falë një biznesi të vogël, si të vetëpunësuar, apo si familjarë të të vetëpunësuarve, që të marrin frymë më lirisht dhe për t’u dhënë mundësi shumë të tjerëve që të mund të hapin një biznes dhe të mund të jetojnë me atë biznes. Ne kemi ardhur këtu sot për t’i dhënë fund barrës së madhe të taksave, që rrisin koston e prodhimit për çdo fermer dhe familje të zakonshme në fshat. Për ta bërë zero taksën e plehrave dhe të inputetve bujqësore, të farërave dhe fidanëve. Për ta hequr akcizën e naftës, për ta hequr taksën e qarkullimit të naftës dhe për ta ulur çmimin e naftës për të gjithë ata që jetojnë me tokën.

Ne, motra dhe vëllezër, kemi ardhur këtu për ta bërë shërbimin shëndetësor falas për të gjithë. Të varfër dhe të pasur, në fshat dhe në qytet, në punë apo të papunë, pa dallim, për ta hapur derën e spitalit për çdo qytetar në nevojë për kujdes shëndetësor. Sepse për në kujdesi shëndetësor nuk është një mall që blihet, por është një e drejtë e çdo qytetari dhe pjesëtari të shoqërisë tonë.

Ne kemi ardhur këtu në këtë bulevard të Rilindjes për Roskovecin për të vendosur me votë tek numri 29 çlirimin e energjive të jashtëzakonshme të këtij populli dhe për të luftuar së bashku që të hapim 300 mijë vende të reja pune.

Miqtë e mi! Vota e 23 qershorit nuk është një votë për një parti kundër një tjetre, as një votë për disa njerëz kundra disa njerëzve të tjerëve, as një votë për të nderuar një kryeministër më një tjetër, por është një votë për të ndalur rrënimin e mëtejshëm dhe për t’i hapur rrugë një Rilindje Shqiptare. Është një votë për t’i dhënë fund rritjes së mëtejshme të papunësisë dhe për të krijuar kushtet për punësim real. Është një votë për t’i dhënë fund shkatërrimi të mëtejshëm të biznesit të vogël dhe të sipërmarrjes, që krijon vende pune dhe për të hapur kapitullin e mbështetjes me të gjitha fuqitë, për të hapur vende pune përmes sipërmarrjes dhe biznesit të vogël.

Vota e 23 qershorit është një votë për një vendim shumë të rëndësishëm. Këtë vendim çdokush duhet ta marrë në interes të familjes së tij jo duke u nisur nga tesera që ka në xhep. Çdo prind duhet të vendosë me votën e tij nëse fëmijët që çon në shkollën 9 vjeçare do t’i shpëtojë nga kthetrat e analfabetizmit apo do t’i lërë të kthehen në viktima të votës së tij të gabuar për Partinë Demokratike që nuk është më partia e ëndrrave dhe e shpresave, por partia e një familjeje dhe e një grushti klientësh të asaj familjeje që bashkë me oborrtarët e pushtetit kanë grabitur dhe rrënuar në këto 8 vjet Shqipërinë.

E pra, zgjedhja e 23 qershorit është shumë e qartë; Kush e do pushtetin në qafë dhe familjen në gjunjë le të votojë Saliun, kush e do qeverinë në krah dhe rrugën të hapur për familjen e tij që të jetojë më punë të ndershme ka vetëm një adresë Partia Socialiste e Shqipërisë, numër 29.

29 është data e bekuar e çlirimit të Shqipërisë. Në 23 qershor me numrin 29 Shqipëria do të çlirojë energji të jashtëzakonshme për të shkuar përpara dhe për të lënë pas në të shkuarën, katragjyshin ne antiplumb dhe politikën e tij të verbër të rrënimit, për të përfituar çdo ditë në kurriz të një populli të tërë. 23 qershori do të jetë ditë e madhe e shqiptarit të zakonshëm, dita e madhe e familjeve të zakonshme të këtij vendi, që me votë do t’i japin fund regjimit të një familjeje. Do të ndërtojnë një qeveri që do të jetë me ju dhe pranë jush. Unë nuk kam ardhur këtu bashkë me shokët dhe kolegët për t’ju treguar përralla. Ju e dini kush ju tregon përralla. Unë kam ardhur këtu për t’ju thënë duke u zotuar solemnisht në këtë qytet të mikut tonë të paharruar Fatmir Xhindit se hallet tuaja do jenë edhe hallet e mia. Problemet tuaja do të jenë edhe problemet e mia, dhe përpjekjet tuaja për të dalë nga varfëria dhe për të shkuar drejt rrugës së mirëqenies për të gjithë familjen do të jenë edhe përpjekjet e mia 24 orë në 24 bashkë me Skuadrën e Rilindjes, bashkë me të gjithë deputetët e Fierit dhe të gjithë Shqipërisë.

Prandaj, shkoni drejt 23 qershorit, drejt kutisë së votimit jo vetëm, por duke marrë edhe një tjetër që nuk ka votuar herën e shkuar. Duke gjetur rreth jush një shok, një mik, një kushëri, një fqinj, që nuk ka votuar herën e shkuar dhe që akoma është i lëkundur dhe thuajini që së bashku me votë do të merrni një vendim historik vendimin për të shkruar një histori të re, një histori të përbashkët, historinë e kthimit të Shqipërisë në punë, punë, punë dhe e dhënies së mundësisë për çdo shqiptar që përmes punës të ndershme të bëjë para dhe të mbajë familjet me kryet lartë, pa shkuar më kokë ulur nëpër dyqane për të shkruar emrin për një kile bukë dhe një kile sheqer.

Rroftë populli i Roskovecit dhe i gjithë kësaj zone. Rrofshin socialistët, progresistët dhe gjithë opozitarët e këtij qarku. Ku fitorja do të buçasë. E, të gjithë demokratët e zakonshëm të na bashkohen që me votë tek numri 29 t’u japin një shans familjeve të tyre. Ata janë të papunë njësoj si ju. E pra, edhe ata me votë duhet të pushojnë Saliun nga puna që punë të gjejnë përmes punës rrugën e mirëqenies.

Rroftë Shqipëria!

Rroftë Partia Socialiste e Shqipërisë.

Rilindje! Rilindje! Rilindje!

Fjala e Kryetarit të PS, Edi Rama në mitingun elektoral në Roskovec

[DYDRINAS]

PS: Tapi origjinale për pronat
28/05/2013

Lideri i opozitës Edi Rama, për herë të parë dha detaje të sipërmarrjes së opozitës për zgjidhjen përfundimtare të çështjes së pronave.

Kjo do të behet përmes një operacioni publik për kthimin dhe kompensimin e pronave, për të cilën ai shtoi se është kontaktuar edhe një agjensi e huaj e specializuar.

"Te kjo do të bazohemi edhe në shtënien në dorë të dokumentave origjinale të pronësisë simotra të dokumentave të falsifikuara, që mbetën në Shqipëri pas ardhjes së komunistëve në pushtet dhe do t'i marrim nga një vend mik. Do të bëjmë rishikimin e të gjitha koncesioneve dhe e
të gjitha privatizimeve që janë të dyshuara si në dëm të publikut. Jemi duke punuar aktualisht me një agjenci shumë të specializuar ndërkombëtare dhe kemi marrë miratimin në parim për të bashkëpunuar. Këto do të na japin mundësi shumë të mëdha për të zgjidhur problemin e pronës dhe për të gjeneruar dhe të ardhura në funksion të kompensimeve të nevojshme, aty ku prona fizikisht është e pakthyeshme", tha Rama.

Kryetari i opozites detajoi si do te hapen 300 mije te reja te pune, qe Partia Socialiste premton. Gjysma e tyre ne hapesiren rurale, tha Rama, ndersa Qeveria, shtoi ai, do te jete aktive ne kete proces.

"Plani ynë që në katër vitet e ardhshme është që të financojmë 120 milionë dollarë për të krijuar mundësi për punësim të drejtpërdrejtë për 40 mijë njerëz dhe rreth 12 mijë vende punë shoqëruese", tha Rama.

Kreu i opozites ka bere nje panorame te plote te programit ekonomik te PS i ftuar ne Forumin Ekonomik te Organizuar nga Dhoma Amerikane e Tregtise,ku Kryeministri Berisha u perfaqesua nga ministri i Ekonomisë, Florian Mima.


/ Top Channel

[DYDRINAS]

Llogaria e fushatës, premtimi për 300 mijë vende të reja pune kushton 4 miliardë euro

Blerina Hoxha

Të jetosh për të punuar apo të punosh për të jetuar në kohët që po jetojmë është bërë sfidë madhore për njerëzimin. Më së shumti ka fituar e para.images Gjithnjë e më shumë pëlqehet të jetohet aty ku është vendi i punës, i cili kthehet në thembrën e Akilit, kur bëhet fjalë për mirëqenien sociale. Dhe politikanët e dinë mirë këtë, kur tani në prag të fushatës elektorale po lëshojnë inflacion premtimesh për hapjen e qindra mijëra mundësive të reja punësimi. Por sa kushton hapja e një vendi të ri pune në Shqipëri?! Në fakt nuk ka studime zyrtare që japin një shifër ekzakte, por vetë organizatat e biznesit pohojnë se 10 -15 mijë euro kushton investimi fillestar për çdo një të punësuar. Nikolin Jaka, kryetari Dhomës së Tregtisë dhe Industrisë së, Tiranës tha se, sipas disa analizave që kanë bërë biznese të veçanta, rezulton se kostoja e një vendi të ri pune nga një biznes në tjetrin luhatet në vlerat e 8 deri në 15 mijë eurove. Pak e shumë të njëjtat shifra pohojnë edhe linja të tjera të biznesit. Bardhi Sejdarasi, drejtori ekzekutiv i Biznes Albania, thotë se kostoja e një vendi të ri pune shënon vlerën e 10 mijë eurove. Por ekspertë të tjerë jashtë biznesit mendojnë se shifra është edhe më e lartë, duke pasur parasysh kostot e korrupsionit që shoqërojnë investimin fillestar të një biznesi në vende si Shqipëria. Një studim i Bankës Qendrore Europiane vlerëson se në vendet në zhvillim kjo vlerë është 15 mijë euro. Duke marrë në konsideratë këto shifra, Partisë Socialiste i duhet të gjenerojë rreth 4 miliardë euro për të realizuar synimin e saj për hapjen e 300 mijë vendeve të reja të punës. Nëse pjesë e qeverisjes do të jetë edhe Lëvizja Socialiste për Integrim, për 160 mijë vendet e reja të punës që ajo ka premtuar, duhet të injektohen 2 miliardë euro në ekonomi. Qeveria ose mazhoranca e ka koston më të ulët në këtë drejtim, për shkak se treguesi zyrtar i papunësisë është 140 mijë persona. Pasi vetëm kaq janë të regjistruar si të papunë në zyrat e punësimit. Vlera prej 4 miliardë eurosh që i duhet Partisë Socialiste për 300 mijë persona është 1,5 herë më e madhe se buxheti i shtetit gjatë një viti. Qeveritë e majta dhe të djathta në këto 20 vite tranzicion kanë akorduar 0-0.2 për qind fonde nga buxheti i shtetit për nxitjen e punësimit. Punësimi në masën më të madhe të tij është gjeneruar nga sektori privat. Partitë politike dhe qeveritë që prodhojnë programe për punësimin pikë së pari nuk kanë statistika të qarta se sa është numri i të papunëve në Shqipëri. Si të tillë njihen vetëm ata që regjistrohen në zyrat e punës dhe nga ana tjetër numërohet e punësuar edhe forca e aftë për punë që jeton në fshat. Llogaritja në këtë formë e bën Shqipërinë me numrin e të papunëve më të ulët në Rajon, me vetëm 13.3 për qind, ndërsa në vendet e tjera ky tregues është mbi 20 -40 për qind. Ekspertët e ekonomisë këshillojnë se serioziteti i politikës në lidhje me punësimin duhet të nisë që nga shifrat e sakta, pa të cilat nuk mund të hartohen strategji të shëndosha punësimi. Partia Socialiste në programin e saj numëron si të papunë 1 milion persona, por sipas INSTAT-it, kaq është forca e punës. Realizimi i programeve politike për punësimin në këto kohë krize globale vështirësohet, pasi kriza në këtë periudhë është në disfavor. Kjo mbështetet edhe nga studimi i Bankës Qendrore, ku thuhet që Shqipëria edhe kur pati një rritje ekonomike mbi 6 për qind nuk gjeneroi vende të reja pune, sikur ndodh në teoritë ekonomike dhe në praktikat e vendeve në zhvillim.

mapo

[DYDRINAS]

Premtimet e Ramës

-Riafirmohet angazhimi ynë për 300 mijë vende të reja pune brenda mandatit të parë qeverisës.

-Do anulojmë të gjitha koncesionet e paligjshme, duke rikthyer transparencën në të gjitha procedurat e konkurrimit.

-Ulje e kostos së jetesës për 95 përqind të shqiptarëve duke hequr barrën e taksës së sheshtë dhe vendosjen e taksimit progresist.

-Do pesëfishojmë financimin publik për fshatin.

-Do zerojmë TVSH për bukën, vezën, qumështin dhe ilaçet.

-Çmontim të monopolit apo kartelit për miellin, sheqerin, naftën, ilaçet, pasuritë natyrore, telekomunikacionet, bonet etj.

-Brenda mandatit të parë qeverisës do kemi një Shqipëri të pastër pa plehra.

-Do kemi një masterplan për zhvillimin e turizmit.

-Institucioni i Statistikave do vendoset nën kontrollin e parlamentit.

-Ne do ta zhbëjmë sistemin e referencës dhe sipërmarrësit nuk do jenë të detyruar tu nënshtrohen atyre.

-Ne jemi të vetëdijshëm se pasuria më e madhe që ka Shqipëria është bukuria.

-Do modernizojmë rrënjësisht shërbimet publike në arsim dhe shëndetësi.

-Domosdoshmëria për një rend që çliron sipërmarrësit nga kanosja e ekonomisë kriminale

-Do dhjetëfishojmë financimin publik për punësimin.

-Do ngremë një inspektoriat kombëtar për pastrimin e plehrave.

-Çrrënjosje të korrupsionit nga spitalet.

-Fond strehimi për familjet e pastreha.

-Buxheti për arsimin do jetë 5 përqind e PBB.

-Sistem të pavarur për renditjen e shkollave, të larta në radhë të parë.

-Një kolegj i arsimit profesional.

-Status special për veteranët dhe ish- të përndjekurit.

-Përmbushja e standardeve të zgjedhjeve të lira dhe të ndershme.

-Drejtësi e shpejtë dhe profesionale.

-Çmontimi i kulturës së pandëshkueshmërisë.

-Administratë publike profesionale.

-Fundin e dhunës qeveritare ndaj medieve të pavarur.

-Transformim rrënjësor i Televizionit Publik.

-Rishikimin e pranisë diplomatike të Shqipërisë në botë.

-Votimin e emigrantëve.

-Programe të veçanta për edukimin e fëmijëve të emigrantëve në botë.

-Adresimi i çështjes çame në mënyrë koherente me standardet ndërkombëtare.

http://mcntest.com/web/2011/11/01/rama-prezanton-programin-lufte-monopoleve-300-mije-vende-pune-ne-mandatin-e-pare/

[DYDRINAS]

Mimi Kodheli: PS do krijojë 300 mije vende të reja pune

“Heqja e tavanit të borxhit vitin e kaluar përbën precedentin më të rrezikshëm për financat shqiptare. Nga 4.7 mld dollar në vitin 2005 këtë vit do të arrij në 9 mld dollarë dhe pas tre vitesh do të jetë 10 mld dollarë. Rreth 2/3 e asaj që do prodhojmë do ta kemi vetëm borxh. Sot niveli i kredive të këqija ka arritur 1 mld euro. Kjo qeveri premtoi rritje të punësimit me 160 mijë vende pune të reja, s’ka mundur të marrë qoftë edhe një vend të ri pune. Ndaj Partia Socialiste ka vlerësuar se do të krijojë deri në 300 mijë vende të reja pune për uljen e varfërisë dhe të borxheve. Është objektivi më madhor i Partisë Socialiste.”- deklaroi Mimi Kodheli.

http://www.lajmi.info/aleanca-me-lsi-ne-rama-vota-e-fitores-sone-e-mbrojtur-nga-vjedhja/

[DYDRINAS]

Partia Socialiste akuzon qeverinë se e ka zhytur vendin ne varfëri të thellë për shkak të politikave të dështuara sociale.
Kryetarja e komisionit te punës dhe çështjeve sociale Eglanitna Gjermeni iu referua shifrave ne rritje te personave me ndihme ekonomike, kur sipas saj, me 41mije leke te vjetra familjet te tera shtyjnë muajin. Ajo theksoi se ne krahasim me 2008 numri i familjeve që jetojnë me ndihme ekonomike është rritur me 6000 familje ne muaj. Për Partinë Socialiste, përllogaritja sa më e shpejtë e minimumit jetik, është hapi i parë i rëndësishëm për të luftuar varfërinë. Nën qeverisjen socialiste tha Gjermeni, do të krijohen 300 000 vende pune.

http://www.tumtiki.com/videos/2872152/dailymotion-ndihma-ekonomike-deshtim-vizion-plus-news-lajme