Kamëz, Rama: Legalizimet falas, brenda 4 vitesh. Ju, pjesë e Tiranës evropiane
18 qershor 2013
KAMEZ- Kreu i Partisë Socialiste firmosi në mënyrë demonstrative gjatë një mitingu në Kamëz një kontratë prej 3 pikash, të cilat premtoi se do t’i plotësojë brenda mandatit të parë të Partisë Socialiste.
1- Legalizimi i shtëpive në zonat informat do të bëhet falas
2- Procesi i legalizimeve të shtëpive do të mbyllet brenda mandatit të parë të qeverisë
3- Edi Rama si kryeministër do të jetë përgjegjës për ecurinë e procesit të legalizimeve
Rama ftoi kamzalinjtë që këtë zotim të firmosur prej tij, ta vendosin diku në një zonë publike, në sy të gjithëve, dhe vlerësimin ta japin pas 4 vitesh mbi bazën e këtij zotimi.
Rama akuzoi kreu e qeverisë Sali Berisha, se ka mbajtur peng këtë zonë, duke nxitur përçarje.
“Po bëhet çerekshekulli që Berisha iu mban peng, vazhdon t’ju trajtojë si një turmë që mund ta çojë ku të dojë , duke ardhur dhe duke mbjellë sa herë që vjen farën e përçarjes. Ai ka ushqyer edhe ideologjinë barbare të luftës së klasave. Ka çerekshekulli që ky burrë është bërë kalorësi i kësaj ndasie. Ka çerekshekulli që përpiqet t’ju mbajë të ndarë nga kryeqyteti, nga rruga e zhvillimit, sepse i duheni të varfër, të papunë, të inatosur dhe të revoltuar që t’ju përdorë sa herë që ka fushate elektorale.”- tha Rama.
Kreusocialisti u zotua edhe njëherë se tërhiqet nga politika dhe largohet përfundimisht nga Shqipëria, nëse gjendet një film apo zë, ku tregohet se ai i ka quajtur të ardhurit nga veriu “shpellarë”
Ai tha se në Shqipëri ka vetëm një shpellar, ai është Sali Berisha. Rama u ndal edhe tek akuzat drejtuar atij se do t’i kthejë në vendet e tyre të gjithë të ardhurit.
“Kjo do të thotë se ai iu merr komplet për budallenj. Sepse ai mendon se ju besoni se ka forcë në këtë tokë që ju kthen andej nga keni ardhur. Jo politika por Enver Hoxha të ngjallej nuk iu kthen dot nga rruga juaj për tu bërë pjesë
Panorama
Krijoni Kontakt