Lulzim Basha, kryetari i ri i PD

[Archon]

Kreu i ri i PD, burime brenda selisë blu: Basha fitore të thellë me 80 % të votave

TIRANË- Rreth orës 03:30 minuta të ditës së sotme nisi numërimi i votave për të zgjedhur pasuesin e Sali Berishës në krye të Partisë Demokratike. Shkak i vonesës së nisjes së numërimit u bë mbërritja me vonese e kutisë së Sarandës, e cila mbërriti rreth orës 03:20 minuta të ditës së martë.

Në procesin e numërimit morën pjesë 10 grupe me nga 4 persona secila, 2 u zgjodhën nga kryesia e partisë dhe nga një përfaqësues për secilin kandidat. Numërimi i fletëve të votimit u zhvillua në Pallatin e Kongreseve.

Rreth 105 mijë anëtarë të kësaj force politike u thirrën për të zgjedhur liderin e ri për herë të parë përmes parimit “një anëtar-një votë”, megjithëse pjesëmarrja ishte e ulët, votuan vetëm 41360 anëtarë. Anëtarët e partisë demokratike votuan në 39 qendra votimi të hapura në të gjithë vendin, ndërsa votat do të numërohen në kryeqytet.

Të dy kandidatët, kryetari aktual i Bashkisë së kryeqytetit Lulzim Basha dhe ministri i Transporteve Sokol Olldashi kanë nënvizuar nevojën e një përfshirjeje të drejtpërdrejtë të anëtarësisë në vendimmarrje dhe premtojnë fitore në garën më të afërt me kundërshtarin e tyre të majtë. Ata kanë evituar debatet e drejtpërdrejta me njeri tjetrin, ndërsa kanë zhvilluar takime thuajse në të gjithë vendin me anëtarët e partisë së tyre.

Procesi i votimit për kreun e ri të PD-së u përfshi nga problematika e mungesës së votimit të mijëra anëtarëve demokratë në mbarë vendin, të cilët nuk kanë gjetur emrat në listat e votimit. Por një tjetër problematikë është shfaqur edhe prania e kodit rendor në fletët e votimit, e cila e bën të identifikueshme votuesin dhe për cilin nga kandidatët ka votuar. Është vënë re një përqindje e dobët e pjesëmarrjes në votime, që sipas të dhënave paraprake llogaritet në rreth 40 për qind.

BURIME BRENDA PD: BASHA FITORE TË THELLË
Ora 10:20 Lulzim Basha duket se do jetë kryetari i ri i PD-së. Burime brenda PD-së flasin për jnë fitore të thellë të Bashkës kundrejt kandidatit të tij, Sokol Olldashi. Teksa pritet rezultati përfundimtar, burime brenda PD-së bëjnë me dije se Lulzim Basha ka marrë 80% të votave Sokol Olldashi 20% të votave

PËRFUNDON PROCESI I NUMËRIMIT TË VOTAVE
Ora 10:00 Përfundon procesi i numërimit të votave për kreun e ri të PD-së. Procesi i numërimit të votave nisi rreth orës 03:00 minuta të ditës së sotme, ndërkohë që pritet shpallja e rezultateve zyrtare. Procesi zgjati gjatë gjithë mesnatës për rreth 6-7 orë.

Në procesin e numërimit morën pjesë 10 grupe me nga 4 persona secila, 2 u zgjodhën nga kryesia e partisë dhe nga një përfaqësues për secilin kandidat. Numërimi i fletëve të votimit u zhvillua në Pallatin e Kongreseve.

Burime brenda PD flasin për fitore të thellë të kandidatit Lulzim Basha.

POLLO: URIME BASHËS, KREU I PORSAZGJEDHUR I PD
Ora 8:30 Ministri i Teknologjisë dhe Inovacionit Genc Pollo ka uruar kandidatin për kreun e PD-së Lulzim Basha.

Teksa ende nuk ka dalë rezultati zyrtar për kreun e ri të PD-së, në një postim në rrjetin social ‘Facebook”, Pollo shkruan: “ Urime Lul Bashës, kryetar i porsazgjedhur i Partisë Demokratike. Fat të mbarë e sukses të shpejtë.

Anëtarët e partisë demokratike votuan në 39 qendra votimi të hapura në të gjithë vendin, ndërsa votat do të numërohen në kryeqytet.

BALKANWEB

[C.Jack Sparrow]

braktisur
i braktiur qe nga mbreme
ishe i dashur me plote fame,
te tera qe i bere athua
dot nuk i kane pare
edhe deti po flet me vale
edhe me not ti ishe i pare
tere ky zhvillim mbeti i thare
edhe populli i hamendur valle
ku do vej me tjera fjale
buje dhe zhurme e pa pare
qe ti erdhe ne kye valle
mos urrejtja do te ndryshoje gje valle
ti mos pris nga ky i marre,
nuk behet asgje metem me fjale
derdhet loti i pandal
gjeme dhe shprese
per njerez te gjalle
ti kur ishe endrrat,
shpresat loznin pale- pale
gjer dje ishe i duhur
por tutje u duke i marre
mos harroni o ju te gjalle
ate qe e perbuzni
do ta kerkoni serish valle
se per ju ishte fat i bardhe
ju shpetoi nga permbytja ne vale
ju emruat tjetrin por mund
te fundoseni pa u pare
kush do mund te ju shpetoi
edhe kete radhe nje tsunam
po dalldise vale, veç ia mbrriu
por ende po duket i pa pare,
sa i terbuar qenka
do ta shihni me pas valle.

[xfiles]

Sapo e shkruajti S.B ne facebook ore, eshte zyrtare tashme.
Hajde urime kryetarit te ri.

[C.Jack Sparrow]

Sapo e shkruajti S.B ne facebook ore, eshte zyrtare tashme.
Hajde urime kryetarit te ri.

Urimet me te perzemerta kryetarit te ri te PD, z.Lulzim Basha!

Te dashur miq, ju ftoj te urojme te gjithe se bashku sukseset me te medha kryetarit te ri te PD, z.Lulzim Basha, i cili u zgjodh dje me nje mbeshtetje plebishitare nga anetarsia e PD. Lulzim Basha eshte historia e suksesit te te riut shqiptar ne liri dhe qe i ka bere sherbime te çmuara PD, vendit dhe kombit te tij. Ju ftoj te punojme fort e me perkushtim nen udheheqjen e liderit tone per nje fillim te ri e te fuqishem te PD, vendimtar per fitoren e ardhshme te saj, integrimin dhe zhvillimin e Shqiperise! sb

[Darius]

Ja kush e urdhëroi agjentin serb Sali Berisha të “gradonte” në krye të qeverisë e PD, shërbëtorin serb Lulzim Basha - See more at: http://www.sot.com.al/aktualitet/ja-....GFGDCmKv.dpuf




Në muajin mars 2005, në kupolën e PD u shfaq befasisht një personazh, i cili kur u krijua PD në dhjetor të vitit 1990, ishte vetëm 17 vjeç. Në vitin 1991, ishte 18 vjeç dhe punonte kamarier në klubin “VIP” të shërbimeve sekrete shqiptare në Rinas, i caktuar në këtë punë prej sigurimit të shtetit, si familje e lidhur me sigurimin e shtetit dhe PPSH. Kur erdhi PD në pushtet, u bë pjesë e projektit të një “gjyshi” holandez, i cili e mori pas vetes dhe me shumë dashuri e “edukoi” me “parimet” e botës moderne. Më pas u njoh në këtë fondacion me vajzën e krye magazinieres së lekëve të firmës piramidale “VEFA”, që me lekët e shqiptarëve e nisi së bashku me vajzën e djalin për studime “speciale” në Holandë. Prej Holandës, u gjend me shërbime speciale në Kosovë, si mbikqyrës i problemeve “serbe” deri në mars të vitit 2005. Në vitin 2005, u gjend befasisht në krye të kupolës së PD, duke u futur nëpërmjet COP-it të krijuar të Argitës, vajzës së kryeministrit. Sikur të ishe “perëndia” e PD, Sali Berisha e “gradoi” menjëherë Lulzim Bashën në kryesinë e PD dhe tre herë ministër në tre ministri kryesore, ku u njoh për akte tradhtie me shitje trojesh kombëtare, për abuzime me 24 milionë euro në Rrugën e Kombit dhe për krime njerëzore, me vrasje të 4 protestuesve. Pas tre posteve ministrore, e gradoi kryetar të bashkisë Tiranë.

Për Lulëzim Bashën, “yllin” që u shfaq e u ngjit befasisht në kupolën PD e të pushtetit, deri tani kanë dalë në dritë vetëm pak fakte në lidhje me veprimtarinë e tij “bunker”, i cili tashmë po “celebrohet” prej Sali Berishës, si trashëgimtar në krye të PD. Që prej vitit 2005, kur ai i shfaq në politikën shqiptare në kupolën e PD dhe të qeverisë “Berisha”, vazhdojnë të bëhen disa pyetje: Cili është në të vërtetë Lulzim Basha? Nga vjen dhe çfarë ka bërë në Kosovë, Serbi, Maqedoni, Holandë e Greqi deri në mars 2005? Përse e solli Sali Berisha në krye të PD, përse u “desantua” pikërisht në krye të PD dhe kush e urdhëroi ta sillte? Përse duhej të ishte ministër i Jashtëm, Transporte-Telekomunikacionit dhe i Brendshëm dhe kujt i shërbente ai, nga këto poste? Çfarë misioni ka për të kryer në vijim në Shqipëri dhe krye të PD? Përse Sali Berisha, po ia dorëzon vetëm atij kreun e PD dhe cilët e kanë urdhëruar për këtë gjë? Këtë detyrë që nuk po e bëjnë Shërbimet Shtetërore të Sigurisë Kombëtare Shqiptare, po e nis gazeta “SOT”, duke i drejtuar 25 pyetje Sali Berishës, në lidhje me “sekretet” e “personazhit mister” Lulzim Basha.



Kush e urdhëroi Sali Berishën, që të bënte Lulzim Bashën pjesë të qeverisë e trashëgimtar të PD?



1. A kishte lidhje krijimi i COP-it me justifikimin për të “desantuar” Lulëzim Bashën në PD e në qeveri dhe a ka lidhje me Beogradin ky “desantim”?
2. Ku dhe nëpërmjet kujt jeni prezantuar për herë të parë me Lulëzim Bashën dhe a është e vërtetë, që ju keni krijuar alibinë e “familjaritetit” të tij me vajzën dhe dhëndrin tuaj, për të maskuar rekomanduesit e vërtetë serbo-grekë, të futjes në PD dhe qeveri të Lulëzim Bashës?
3. A ka ndikuar Lulëzim Basha, në autoritetet zyrtare e ato të shërbimeve sekrete serbe, për të zhdukur dosjen tuaj si agjent i UDB-së dhe për pastruar dosjen tuaj të shkeljes prej jush, të embargos me kontrabandën e naftës gjatë gjenocidit serb kundër Kosovës, në favor të Milosheviçit?
4. A ka lidhje ndonjë “kontribut” i Lulëzim Bashës, bërë nëpërmjet zyrtarëve serbë në favorin tuaj, lidhur me “konservimin” e disa incizimeve dhe filmimeve, gjatë bisedës që ju keni bërë në vitin 1993 me Milosheviçin dhe me kryekriminelin serbin Arkan, që ka pirë gjak kosovarësh?
5. Ju keni në dorë një dosje “top sekret” të veprimtarisë së plotë të Lulëzim Bashës për vitet 1995-2005 , si bashkëveprues i shërbimeve sekrete e të drejtësisë serbe në lidhje me luftëtarët e UÇK, a mund të thoni se nga cilat shërbime të huaja ju është dhënë “Dosja Basha” dhe cilat janë porositë për rastet se kur duhen përdorur të dhënat e saj?
6. A ka lidhje emërimi i Lulëzim Bashës në postin e Ministrit të Jashtëm të Shqipërisë, me të dhënat që ka dosja e tij “top sekret”?
7. Përveç Paktit Detar për copëtimin e Shqipërisë në favor të Greqisë për faljen e territorit Shqiptar, a keni nënshkruar duke përdorur Lulëzim Bashën edhe 3 pakte të tjera të fshehta me Greqinë dhe 4 pakte me Serbinë, që kanë lidhje me cënimin e sigurisë kombëtare shqiptare dhe koncesionet ekonomikë të sektorëve strategjikë shqiptarë, në favor të Serbisë?
8. A ekziston i nënshkruar prej Lulëzim Bashës edhe me Malin e Zi, një pakt ujor sekret si me Greqinë dhe a ju është kërkuar “urgjent” ky nënshkrim pakti dhe prej kujt dhe përse duhej miratuar urgjent ky pakt, me ligj në parlamentin shqiptar brenda vitit 2010, siç u miratua?
9. Ku e keni bërë takimin e parë me palën greke për paktin detar dhe ku e ka marrë model-draftin e paktit Lulëzim Basha, a ka lidhje Serbia me “trajtën përfundimtare” të projekt-paktit me Greqinë, sipas modelit të pazar-paktit copëtues që ka bërë Esat Pashë Toptani me serbët për Veriun e Shqipërisë dhe Ahmet Zogolli me serbët, për faljen e “Shën Naumit”?
10. A ka lidhje Lulëzim Basha në njohjen dhe lidhjen tuaj “miqësore” me Damir Fazlliç dhe si ua prezantoi atë: si “koleg shërbimi në UNMIK”, si “misionar i BE”, apo si “lobist anglez deklaratash vlerësuese për qeverinë tuaj”? Ju, çfarë pakti ndërshtetëror, keni firmosur me Damir Fazlliç, për kolonizimin ekonomik të Shqipërisë prej Serbisë?
11. Në mbledhjen e Këshillit të Sigurisë Kombëtare të Shqipërisë, ka marrë pjesë Damir Fazlliç, me çfarë statusi dhe dokumentesh e ka prezantuar Lulëzim Basha në këtë mbledhje: Si përfaqësues i Shtetit Anglez, Holandez, Francez, Gjerman, Greke apo Serb?
12. A keni bërë ju dhe Lulëzim Basha, marrëveshje për të prezantuar Damir Fazlliç, si “biznesmen”, me synim maskimin e misionit real që ai kryente dhe kryen në Shqipëri nën përkujdesjen dhe vendim-marrjen e ligjvënien tuaj, me urdhër të Lulzim Bashës dhe dy fëmijëve tuaj?
13. A ju ka ardhur në maj të vitit 2005, një “material special” prej ish-UÇK, në lidhje me “shërbimet speciale” që ka kryer Lulëzim Basha në Kosovë e Serbi me dosje kundër figurave të UÇK dhe si e keni “mbyllur” këtë “problem”?
14. A ka lidhje gjysma e 240 milionë eurove të “humbura” të tenderit të rrugës Rrëshen-Kalimash, me ndonjë “krijim dhe pagesë lobimi” nëpërmjet Lulëzim Bashës, Damir Fazllic e IDB, për të “pastruar” ndërkombëtarisht një “plagë” të pushtetit tuaj të viteve 1992-1997?
15. A kanë lidhje kontratat koncensionare në energji, me “klientët diplomatikë” të Lulëzim Bashës, po shitja e divizionit të shitjes në CEZ, a ka si lobistë Fëmijët e tu dhe Damir Fazllic dhe firmat serbe të energjisë në rajon?
16. A keni një raport të SHISH me 325 faqe të muajit mars 2012, në lidhje me “figurën dhe veprimtarinë” e Lulëzim Bashës, si dhe me udhëtimet e tij me 6 pasaporta gjatë shërbimeve qeveritare si Ministër i Jashtëm, Ministër i Brendshëm dhe Ministër Transporti dhe a ka lidhje me këtë raport, sulmi juaj ndaj kreut të SHISH Bahri Shaqiri, për ta shkarkuar e për të marrë SHISH në kontroll?
17. Çfarë porosie keni dhënë tek ish-ministri i Brendshëm Sokol Olldashi, kur jeni informuar nga “agjentët e tu”, se Lulëzim Basha ka udhëtuar shpesh nga Rinasi, me pasaporta të trefishta në hyrje-dalje udhëtimi privat?
18. A jeni informuar nga Ambasada e SHBA, që Lulëzim Basha ekspozohej në qarqet diplomatike ballkanike edhe si përfaqësues lobues i interesave të shtetit amerikan, shqiptar, kosovar e serb dhe si keni reaguar, kur Serbia ju ka konfirmuar faktin dhe ka kërkuar të lejohet si lobit i saj?
19. A ka lidhje sulmi juaj ndaj ish-kryeprokurorit Theodhori Sollaku, me këmbënguljen e tij për të trajtuar ligjërisht e publikisht disa “informacione delikate” në lidhje me “veprimtarinë ndërkombëtare” të Lulëzim Bashës?
20. Çfarë biznesesh e llogarish të përbashkëta familjare keni krijuar me Lulëzim Bashën dhe në cilat shtete, a i komandon këto biznese e llogari bankare familja juaj, apo është “administratore” Xhane Isufi, vjehrra e Lulzim Bashës, ish-financierja e firmës piramidale “VEFA”, ndërsa avokate përfaqësuese është Aurela Isufi, gruaja e Lulzim Bashës?
21. në 8 vitet e pushtetit tuaj, a i keni hartuar e miratuar vendimet qeveritare, a i keni kaluar projekt-ligjet dhe ai keni miratuar ato në parlament, pa konsulencën dhe aprovimin e Lulëzim Bashës, veçanërisht ato që kanë lidhje me interesat ekonomike kombëtare dhe integritetin e vendit?
22. A po e përgatisni ju, “skenarin” për akt-trashëgiminë e drejtimit të PD në duart e Lulëzim Bashës dhe nga shërbimet e cilit shtet antishqiptar, ua kanë urdhëruar këtë akt kalimi të kryesimit të PD, në duart e Lulzim Bashës?
23. A po e monitorojnë dhe po e financojnë Serbia e Greqia vendosjen e Lulzim Bashës në krye të PD dhe a janë monitorues të këtij procesi greku antishqiptar Nikolas Geixh dhe antishqiptari serb Damir Fazlliç?
24. A ka qenë këmbëngulja e Lulëzim Bashës dhe a e ka sjellë ai të gatshëm, projekt-ligjin për legalizmin e homoskesualitetit dhe martesave “gay”?
25. A ju ka futur në “thes” misionari juaj serbo-grek Lulëzim Basha, dhe nga “tutor”, jeni kthyer ju, në misionar i tij, aq sa jeni të detyruar t’i dorëzoni edhe PD, të cilën e keni sunduar dhe përdorur me klane-familje për 23 vite?



Të emëruarit nga Saliu, Liria, Argita e Shkëlzeni



Atë që ka bërë familja “Berisha”, konkretisht guaja Liri, vajza Argita, djali Shkëlzen, dhëndri, mbesa etj, në 8 vite qeverisje të Sali Berishës, nuk i ka bërë në vitet 1939-1943 as Eda Musolini, vajza e ish-kryefashistit italian Benito Musolini, kur babai i saj, qytetin e Sarandës ia bëri dhuratë për martesë, qytet të cilin në nderim të saj e quajti “Porto Eda”. Madje vajza e “Duçes” dhe dhëndri i tij Konti Çiano nuk hipotekuan as toka, nuk bën as emërime prefektësh, kuestorësh, kryedoganierësh e kryebashkiakësh. Ndërsa vajza e “Duçes” shqiptar Sali Berisha, Argita Berisha, në vitet 2005-2013 ka bërë gjithçka. Nëse doje të bëheshe ministër, ambasador, kryedoganier, drejtor, kryepolic, president republike e madje edhe roje në azile pleqsh, këtë mund ta realizoje vetëm duke marrë “vulën” tek Liria, Argita e Shkëlzeni. Nëse prekje interesat e Lirisë, Argitës, Zenit e dhëndrit, “fluturoje” nga ministër, ambasador, kryedoganier, polic, profesor, drejtor shkolle e President Republike. Ja skeda e emërimeve prej pushtet-familjes kryeministrore:

1. Anëtarë kryesie të PD: copë 17
2. Kryetari i Bashkisë Tiranë: copë 1
3. N/kryetare Bashkie Tiranë: copë 1
4. Drejtori i Rrugëve: copë 1
5. Prefekti i Tiranës: copë 1
6. Ambasadorë: copë 42
7. Ministra: copë 11
8. Zv/ministra: copë 25
9. Kryetar të ILDKP: copë 1
10. Kryetarja të KQZ: copë 1
11. Shef komisariati Rinas: copë 1
12. Drejtor doganash: copë 9
13. Deputetë të PD: copë 44
14. Gjeneralë ushtrie: copë 30
15. Kryetar komunash: copë 75
16. Kryetar bashkie: copë 17
17. Drejtor arsimi qarqesh: copë 8
18. Drejtor arsimi rrethesh: copë 20
19. Drejtorë policie: copë 9
20. Shefa komisaritesh: copë 21
21. Kryetar KLSH: copë 1
22. Anëtar të KLD: copë 7
23. Kryetar i Kishës Autoqefale: copë 1
24. Anëtarë të Gjykatës së Lartë: copë 5
25. Akademia e Shkencave: copë 6
26. Guvernator Banke: copë 1
27. President Republike: copë 1
28. Prefekt Qarqesh: copë 12
29. Kryetar Këshilli-Qarqe copë 6
30. Drejtorë Qarkullimi: copë 15


“Profili” i Lulzim Bashës


Ministër i 4 të vrarëve në 21 janar 2011

Në 21 janar 2011, në drejtimin e policisë prej tij u vranë 4 protestues në sheshin përballë kryeministrisë, të qëlluar nga Grada e Republikës, me urdhër të Sali Berishës, Lulzim Basha nuk u përfshi në hetime, dosja nuk ka autorë krimi.

Ministër i Paktit Detar, me falje të detit Greqisë

Janë 355 km katrorë sipërfaqe detare, që iu dhanë Greqisë në 28 prill 2009, dy maj përpara zgjedhjeve parlamentare, pas paktit detar të nënshkruar mes qeverive të dy vendeve. Në 26 janar 2010, Gjykata Kushtetuese e deklaroi të papajtueshme me Kushtetutën këtë projekt- marrëveshje

Ministër i tenderit mafioz të rrugës “Durrës-Kukës”

Janë 240 milion euro, vjedhja korruptive e bërë prej Lulzim Bashës, me tenderin fiktiv të rrugës Rrëshen-Kalimash. Bashës. Prokuroria kërkoi imunitetin e Bashës, por Gjykata nuk e gjykoi akuzën dhe e mbylli dosjen “me procedurë”, pra me tejkalim afatesh hetimi, të cilat u mbyllën me procedurë, me urdhër të Berishës.



Nga: Perparim Halili

[Lexuesi_]

Falimentoj Basha

[optimus.prime]

Urime Lulzim Bashes! (mos t han rroqja me shkrimet si ai me lart, nga aleanca kuq e zi dhe te tjere debila si ata)!

[Archon]

[Noellag]

Urime Lulzim Basha Kryetar I Ri i Partise Demokratike


Darius na shpjego pse e ke sjelle ate shkrim ?

[Archon]

Një sinjal i egër për ata që ëndërrojnë PD-në

Nga Mero Baze



Lulëzim Basha do të fitonte edhe pa futur duart në zgjedhjet brenda partisë. Sali Berisha u la të kuptojë të gjithëve se ai është trashëgimtari i tij dhe kaq mjafton në një parti ku zgjedhjet bëhen nën udhëheqjen e humbësit.

Lulëzim Basha do të fitonte pos të tjerash se siç ndodh rëndom sa herë atë duhet ta votojë dikush, Sali Berisha ndryshon rregullat e lojës. Dhe këtë radhe meqë ai nuk fitonte dot sipas statutit të PD-së, Berisha ia ndryshoi rregullat e lojës me një vendim kryesie, duke bërë farsën e votimit të çdo anëtari.

Lulëzim Basha do të fitonte dhe sikur të votonin gjithë anëtarët. Ata në shumicë besojnë Sali Berishën dhe nuk duan t’ia prishin atij vullnetin për të lënë një kollovar në vend të tij për një periudhë të shkurtër.

Lulëzim Basha do të fitonte dhe nëse fleta e votimit nuk do të bëhej me numër rendor për t’u identifikuar çdo votë. Në shumicë njerëzit e asaj partie ishin bindur t’ia jepnin votën kollovarit që kish zgjedhur Berisha.

Por Lulëzim Basha nuk zhgënjeu askënd në mungesën e thellë të respektit që ka për veten, për zgjedhjet e lira, për garën e ndershme me rregulla dhe për fatin e tij politik. Në një garë ku nuk ish nevoja të vetë-investohej për ta shkatërruar në qelizë, ai u angazhua të shkatërrojë trupën zgjedhore, të mos bëjë transparente listat, të heqë mbështetësit e kundërshtarët dhe të shtojë të panjohur, dhe më në fund të bëjë dhe farsën më të shëmtuar që nuk ndodh as në Korenë e Veriut, të identifikojë çdo votë për kë është.

Në zgjedhjet e para të komunizmit në vitin 1946, komunistët, për të identifikuar ata që votonin për opozitën, i bënë kutitë e votimit metalike dhe në vend të fletës së votimit u jepnin njerëzve një zar që duhet ta lëshonin ose në kutinë e opozitës, ose në atë të frontit duke e futur dorën formalisht në të dyja. Aty ku binte zari, dëgjohej zhurmë dhe merrej vesh për kë votoje. Lulëzim Basha e bëri dhe më keq. Ai është i vetmi njeri në botë që pranon të zgjidhet me deklarata votuesish me shkrim dhe jo me votë të fshehtë. Kjo i ngjan pak a shumë zgjedhjes së një kryetari me duartrokitje ose mosaprovim në një sallë të hapur. Një turp që mund ta pranojë vetëm një njeri pa dinjitet, pa shtyllë kurrizore, pa aftësinë për t’u zgjedhur nga shqiptarët, pa guximin për të dalë në garë, pa minimumin e besimit tek vetvetja.

Siç e thashë dhe më lart, zgjedhja e Lulëzim Bashës nuk ishte në diskutim, jo vetëm se ishte i përzgjedhur i Berishës, por dhe se ai ia përgatiti terrenin të bëhej një farsë zgjedhore dhe një garë formale. Por kjo që ndodhi nuk vë në diskutim faktin a duhet të udhëheqë Lulëzim Basha Partinë Demokratike, por të ardhmen e lidershipit në atë parti. Nuk do kalojë shumë kohë dhe ky njeri do të duhet të udhëheqë atë parti realisht. Sado t’ia lërë këtë punë në dorë Berishës, Argitës apo Shkëlzenit, një ditë ai do të duhet të marrë përgjegjësi për humbjet që do të pësojë ajo parti. Një ditë atij do t’i kërkohet të ikë nga ajo parti, nga pjesa tjetër e partisë dhe pas kësaj ata duhet t’i drejtohen realisht zgjedhjeve në parti.

Trashëgimia e krijuar më 22 korrik në atë parti, me lista fallco, me njerëz të përjashtuar, me votim të hapur në formë deklarate dashurie, dhe me një tutor politik sipër kokës, si Sali Berisha, do ta bëjnë të pamundur të krijohet një traditë zgjedhjesh në parti. 22 vite pas formimit të saj, Partia Demokratike provoi për herë të parë të prishë virgjërinë duke menduar se u poq si parti dhe mund të bëjë vetë zgjedhjet, por përfundoi në një përdhunim nga babai i saj, nga një instinkt incestor që duket se nuk ka për t’iu hequr sa të jetë gjallë. Ajo u përdhunua sot publikisht, para syve të gjithë shqiptarëve, për t’i hequr gjithkujt shpresën se ajo parti mund të merret me garë, apo me ide që nuk janë pjesë e vullnetit të Sali Berishës.

Nuk ndjej keqardhje për ata që pranojnë këtë vetëvrasje, por po i paralajmëroj ata që heshtin ngaqë janë ende në një zyrë qeverie me Sali Berishën, apo vetë Olldashin që pranoi të bëhej pjesë fallco e kësaj gare, duke i dhënë legjitimitet një farse kriminale. Do ta qajnë gjatë iluzionin që deshën t’i krijojnë vetes dhe të tjerëve se po demokratizonin një bunker ku është përdhunuar për 22 vite demokracia. Ajo që ndodhi më 22 korrik tregon se aty nuk ka qenë qëllimi të zgjidhet Lulëzim Basha, pasi ajo ishte e qartë, por të paralajmërohej gjithkush që ëndërron për të ardhmen e asaj partie, të presë shpresat që berishët kanë ndërmend t’ua lëshojnë. Gjesti i 22 korrikut ishte një sinjal që askush të mos guxojë të shpresojë për të ardhmen, as ata që e quajnë “gjimnastikë” masakrën e votës, as ata që e quajnë garë reale, farsën, dhe as ata, që duke shpresuar se Luli një ditë do të tradhtojë Familjen, do rikthejë zgjedhjet në atë parti. Ajo parti është si një qenie e balsamosur në bunkerin e berishëve. Po u hapën dyert dhe hyri oksigjeni, ajo thjesht shperbehet.

Lulëzim Basha është sot njeriu që ka dy karrige të vjedhura, atë të Bashkisë dhe atë të partisë. Është e vetmja mënyrë që ai të ketë një post. Ai nuk votohet, vetëm emërohet. Dëmi që bëri sot, ishte se edhe pse ishte emëruar në atë post, ai prishi shanset që ajo parti të fillonte të mësohej të votonte dhe të zgjidhte. Ngeli prapë një parti që berishët e kanë zgjedhur ta përdhunojnë. Si çdo gjë të tyre!

[Darius]

Urime Lulzim Basha Kryetar I Ri i Partise Demokratike


Darius na shpjego pse e ke sjelle ate shkrim ?

Sepse ne dallim nga ty apo brohoritesit e tjere nuk jam tifoz i njeshit. Tema nuk hapet per duartrokitje por per diskutime dhe krahasim mendimesh e faktesh. AJo qe solla une (jo se kam ndonje detyrim te te jap ty llogari) eshte nje mendim ndryshe.

[xfiles]

Rrofsh o mero baze qe shqetesohesh e nuk te ze gjumi i nates per "vetvrasjen" e demokrateve.
E bukura eshte se ne nje ane mohon se ishin zgjedhje te lira e te ndershme, dhe ne anen tjeter thote qe edhe sikur te ishin te lira do kishte fituar basha sepse demokratet ate duan.
Po u befte vullneti i demokrateve, ku eshte problemi ketu, nuk eshte aspak sekret apo çudi qe demokratet e duan bashen pikerisht sepse vete berisha e caktoi ne menyre indirekte si pasardhesin e tij. Nuk eshte as sekret dhe as çudi qe per demokratet PD=berisha.
A eshte e drejte apo e gabuar kjo? Kush mendon se nuk eshte e drejte eshte i lire te themeloje ose aderoje ne parti te tjera. Kjo eshte demokracia.

[skender76]

Urime Bashes!!

Ky esht moment historik jo vetem per demokratet, por per te gjith shqiptaret.

Perpara!!

[Noellag]

Sepse ne dallim nga ty apo brohoritesit e tjere nuk jam tifoz i njeshit. Tema nuk hapet per duartrokitje por per diskutime dhe krahasim mendimesh e faktesh. AJo qe solla une (jo se kam ndonje detyrim te te jap ty llogari) eshte nje mendim ndryshe.

E para punes njehere une nuk jam tifoz sic mendon ti dhe nuk te etiketova me fjale por me pelqen kur nje shkrim bazohen ne fakte dhe jo ne hipoteza apo teoria konspiracionesh Serbe ku cdo gje bazohet ne shkrime urrejtje te tipit Mero.
Nese ti beson se Basha eshte serb atehere eshte e drejta jote. . Por te marresh ate shkrim nga gazeta sot eshte njesoj si te marresh nga gazeta tema ku sajojne lloj lloj brockulla me teori e hipoteza qe as vete partia socialiste nuk e ka menduar. Ajo qe sjell ti nuk do te thote qe eshte e vertete.

[BLEDI_SH]

E ndjej...

Muri eshjt i kalbur....

spaske ndjenja...
muri nuk kalbet,ku ke pa mure te kalbura ti?
apo mos doje te thoje perPARA??ne rrugen e berishovicit..

[Darius]

E para punes njehere une nuk jam tifoz sic mendon ti dhe nuk te etiketova me fjale por me pelqen kur nje shkrim bazohen ne fakte dhe jo ne hipoteza apo teoria konspiracionesh Serbe ku cdo gje bazohet ne shkrime urrejtje te tipit Mero.
Nese ti beson se Basha eshte serb atehere eshte e drejta jote. . Por te marresh ate shkrim nga gazeta sot eshte njesoj si te marresh nga gazeta tema ku sajojne lloj lloj brockulla me teori e hipoteza qe as vete partia socialiste nuk e ka menduar. Ajo qe sjell ti nuk do te thote qe eshte e vertete.

Pse qe kur keshtu ne forum jane hartuar rregulla se nga kush gazeta do postohen lajmet? Mos valle duhet te postohen vetem lajme nga RD apo 55? Ato qe shkruan Perparimi nuk jane gjera te reja dhe jane thene dhe me pare. Dihet nga te gjithe shqiptaret qe Berisha eshte akuzuar vazhdimisht si dore e serbit ne Shqiperi. Ca ka te re ketu? Tjetra, kush te tha ty se une besoj kete qe ka shkruar autori? Pse e solla ne forum sdo te thote se ndaj te njejtin mendim por ne ndryshim nga shume te tjere, nuk me pengon ta sjell ne teme dhe te diskutohet per te.

[Wordless]

Lulzim Basha lindi më 12 qershor 1974 në Tiranë, është politikan shqiptar, ish-Ministër i Jashtëm i Shqipërisë, ish-deputet i Legjislaturës XVIII të Kuvendit të Shqipërisë dhe kryetari i Bashkisë së Tiranës.



Arsimimi dhe veprimtaria para politike

Lulzim Basha mbaroi me rezultate të shkëlqyera shkollën 8-vjeçare “Skënder Çaçi”, si dhe shkollën e mesme “Sami Frashëri” në Tiranë. Në vitin 1993, Basha nisi studimet në Universitetin e Utrechtit në Holandë, ku mori titullin Jurist (Meester in de Rechten ekuivalenti i LLM) i specializuar në të drejtën europiane dhe ndërkombëtare publike. Gjatë periudhës Maj 1998 – Korrik 1999, Lulzim Basha u bë pjesë e skuadrës që përgatiti aktakuzën për krime lufte ndaj Sllobodan Millosheviçit në Gjykatën Ndërkombëtare për Krimet e Luftës në ish-Jugosllavi. Gjatë periudhës Korrik 2000 – Tetor 2001 ai ushtroi detyrën Këshilltar Ligjor në Departamentin e Drejtësisë së Administratës së Kombeve të Bashkuara UNMIK në Kosovë. Nga tetori i vitit 2001 deri në nëntor 2002 punoi si Zëvendës Shef i Kabinetit të Drejtorit të Departamentit të Drejtësisë së UNMIK-ut. Nga nëntori i vitit 2002 deri në Janar 2005 punoi si Këshilltar Special për Tranzicionin në Departamentin e Drejtësisë së UNMIK-ut, Prishtinë, Kosovë. Përgjegjës për përgatitjen e tranzicionit të Departamentit të Drejtësisë të UNMIK-ut drejt një Ministrie të Drejtësisë të Kosovës. Familja e Lulzim Bashës është me prejardhje nga Drenica e Kosovës kur në vitet 40-të të shekullit të kaluar gjyshi i tij detyrohet të ikë nga Kosova pas torturave serbe.

Vemprimtaria politike

Basha iu bashkua Partisë Demokratike të Shqipërisë në janar të vitit 2005 si Koordinator i Komitetit të Orientimit të Politikave (KOP) në Partinë Demokratike në Tiranë duke qënë përgjegjës për koordinimin e punës së ekspertëve dhe komisioneve të KOP-it në përgatitjen, diskutimin dhe shpalljenm e 17 projekt-platformave qeverisëse për Partinë Demokratike të Shqipërisë. Ai u bë anëtar i kryesisë së partisë në maj të atij viti. Ai shërbeu si zëdhënës partisë gjatë zgjedhjeve parlamentare vitit 2005 në të cilat ai u zgjodh në Kuvendin e Shqipërisë si deputet i zonës zgjedhore nr. 33 në Tiranë, një prej zonave të vështira elektorale për Partinë Demokratike.

Pas zgjedhjeve parlamentare të vitit 2005, Lulzim Basha u bë Ministër i Punëve Publike, Transportit dhe Telekomunikacionit, ku ai shërbeu për një periudhë prej dy vjetësh, derisa ai u emërua Ministër i Punëve të Jashtme në vitin 2007. Si Ministër i Punëve Publike, Transportit dhe Telekomunikacionit Basha filloi veprën më të madhe infrastrukturore në historinë e Shqipërisë, Rrugën Durrës-Kukës, që përfshin ndërtimin e një tuneli 5.6km. Kjo rrugë bashkon Shqipërinë me Kosovën dhe njihet ndryshe edhe si Rruga e Kombit. Në vitin 2007 Prokurori i Përgjithshëm i Shqipërisë, Theodhori Sollaku i kërkoi parlamentit të heqë imunitetin e Bashës nga ndjekja penale në mënyrë që ai mund të fillonte një hetim me akuzën për korrupsion dhe abuzim të pushtetit në lidhje me dhënien e kontratës së ndërtimit të autostradës Durrës-Kukës një kompanie të përbashkët amerikano-turke. Basha i kërkoi parlamentit të heqë imunitetin e tij dhe në të njëjtën kohë i konsideroi akuzat si të motivuara politikisht. Gjykata e Lartë e Shqipërisë i rrëzoi të gjitha akuzat. Dy vjet më vonë Prokurori i Përgjithshëm Thedhori Sollaku u shkarkua nga Presidenti i Republikës Bamir Topi për shkelje të Kushtetutës. Tani ai bën pjesë në strukturat drejtuese të Partisë Socialiste.

Basha shërbeu si Ministër i Punëve të Jashtme nga maji 2007 deri në shtator 2009. Gjatë mandatit të tij, Shqipëria u pranua në NATO, ka aplikuar për anëtarësim në BE dhe filloi dialogun për të siguruar udhëtimin pa viza për qytetarët e saj në vendet e Shengenit. Pas zgjedhjeve të vitit 2009 në të cilat Lulzim Basha u zgjodh deputet i Elbasanit dhe u emërua si Ministër i Brendshëm në qeverinë e re Berisha. Si Ministër i Brendshëm, ai punoi për zbatimin e të gjitha kritereve të kërkuara për udhëtim pa viza të shqiptarëve në vendet Shengen, përfshirë modernizimin e vendkalimeve kufitare të Shqipërisë dhe sistemit të policisë së emigracionit, lëshimin i pasaportave biometrike të sigurisë së lartë dhe një luftë më të ashpër kundër veprimtarisë kriminale dhe pasurive kriminale. Këto hapa u përshëndetën nga organizmat ndërkombëtarë sidomos nga EUROPOL dhe organet e tjera të zbatimit të ligjit dhe çuan në vendimin e

Bashkimit Europian më 8 nëntor, 2010 për heqjen e vizave të udhëtimit për qytetarët shqiptarë duke filluar nga 15 dhjetori i vitit 2010.Në vitin 2011, Basha kandidoi për postin e kryetarit të Bashkisë së Tiranës si kandidat i Partisë Demokratike dhe Koalicionit Aleanca për Qytetarin, duke sfiduar Edi Ramën, kryetarin e atëhershëm të Bashkisë dhe Kryetar i Partisë Socialiste të Shqipërisë. Pas një procesi të gjatë numërimit të votave, Basha u zgjodh kryetar i ri i Bashkisë së Tiranës. Ndryshe nga paraardhësi i tij Basha komunikon drejtpërsëdrejti me qytetarët e Tiranës duke i pritur ata në zyrën e tij ose duke organizuar takime me ta. Nga maji i vitit 2005 dhe në vazhdim është anëtar i Kryesisë së Partisë Demokratike të Shqipërisë. Nga prilli i vitit 2005 dhe ne vazhdim është anëtar i Këshillit Kombëtarë të Partisë Demokratike të Shqipërisë. Mbas dorëheqjes së Kryetarit të Partisë Demokratike Sali Berisha, Lulzim Basha shpalli kandidaturën për kryetar të Partisë Demokratike.


http://sq.wikipedia.org/wiki/Lulzim_Basha

[BLEDI_SH]

darius jo se jam kundra atyre qe shkruan,por dje per nje shkrim qe solla une te tema tjeter,pothuajse me te njejten permbajtje,te tjera me the..

[Noellag]

darius jo se jam kundra atyre qe shkruan,por dje per nje shkrim qe solla une te tema tjeter,pothuajse me te njejten permbajtje,te tjera me the..

Une ndaj i bera pyetjen ne fillim por Dariusi se kapi. O Darius te sjellesh nje shkrim qe nuk e beson eshte kontradiktore. Gjithsesi eshte e drejta jote dhe nuk kam asnje kundershtim per kete

[Llapi]

Ushtarët e UÇK-së, akuza ndaj Lulzim Bashës dhe Argita Berishës
3 Qershor, 2013 || Shkruar nga: TemA

Argita-Berisha-LSA21Pas arrestimit të 5 luftëtarëve të UÇK-së në Kosovë katër ditë më parë, disa ish-drejtues dhe luftëtarë të UÇK-së kanë nisur një grevë urie, për të kundërshtuar keto arrestime që sipas tyre janë flagrante. Por ajo ç’ka bie në sy është fakti se grevistët kanë drejtuar një kërkesë ndaj EULEX-it , ku dosjet e hartuara për shokët e tyre i quajnë shpifje dhe sajesa, ndërsa si autorë të këtyre dosjeve kanë përmendur ndër të tjerë dhe emrat e Lulzim Bashës dhe Argita Berishës. I kanë përmendur duke I quajtur kioslingë madje. Arrestimet në Kosovë të ish luftëtarëve të UÇK-së, kanë shkaktuar shumë polemika dhe reagime. Të arrestuar janë shtetasit Sami Lushtaku, Sahit Jashari, Jahir Demaku, Zeqir Demaku, Hysni Thaçi. Mediet kosovare bëjnë me dije se Prokuroria Speciale ka ngritur aktakuzë dhe ndaj Sylejman Selimit, ambasador i Kosovës në Shqipëri, Fadil Demakut, deputet në Kuvendin e Kosovës nga radhët e PDK-së, Sami Lushtaku, kryetar i Komunës së Skenderajt, Shtilli -truproja i kryeministrit Hashim Thaçi, Sabit Gecit, Sahit Jasharit, Ismet Haxhës e disa të tjerëve. Arrestimet dhe akuzat e ngritura ndaj disa prej luftëtarëve më të spikatur të UÇK-së, kanë bërë që të nisë dhe greva e urisë e kolegëve të tyre, kjo grevë udhëhiqet nga Ibrahim kelmendi, i cili ka qenë dhe një ndër themeluesit e LPK-së, e cila është Lëvizja që më pas themeloi UÇK-në.

Deklarata

“Për shkak të burgosjes së mbrëmshme të ish-komandantëve të Ushtrisë Çlirimtare të Kosovës, ambasadorit të Republikës së Kosovës në Shqipëri, z. Sylejman Selimi, kryetarit të komunës së Skënderajt, z. Sami Lushtaku dhe të tjerëve vendosëm të hymë në grevë të urisë për të shpreh protestën tonë kundër kësaj padrejtësie flagrante.

Burgosja e ish-komandantëve është edhe një tentim për të kompromentuar Ushtrinë Çlirimtare të Kosovës dhe luftën e saj çlirimtare. Kot përpiqen demagogët për të mashtruar qytetarët me shpjegime se këto raste janë individuale…”, kanë deklaruar grevistët. Më pas, ata janë shprehur se akuzat janë jo vetëm të montuara por kanë ofruar dhe emrat e hartuesve të tyre, mes të cilëve spikat emri i Lulzim Bashës dhe i Argita Berishës.

“Duke mos u zgjatur me arsyetime të përcaktimeve shoviniste e hakmarrëse të prokurorit Salustro, kërkojmë që EULEX-i të ta largoi atë nga EULEX, sepse ai tashmë e ka komprometuar rëndë misionin e EULEX-it. Ka kohë që përflitet se serbofili Salustro sikur përzgjedh vetëm lëndët kundër ish-komandantëve të UÇK-së, që i kanë përgatitur organet neofashiste të Serbisë, me sajesa edhe të kuislingëve të tyre shqiptarë, gjoja si ekspertë, siç ishin Fadil Syleviqi, Lulzim Basha, Argita Berisha- Malltezi etj. Por kjo nuk arsyeton që vetëm atyre lëndëve t’u jepet prioritet”, shkruhet në deklaratën e grevistëve.



Deklarata e plotë e grevistëve

(Prishtinë, 01.06.2013) Për shkak të burgosjes së mbrëmshme të ish-komandantëve të Ushtrisë Çlirimtare të Kosovës, Ambasadorit të Republikës së Kosovës në Shqipëri, z. Sylejman Selimi, Kryetarit të Komunës së Skenderajt, z. Sami Lushtaku dhe të tjerëve, vendosëm të hymë në grevë të urisë për të shpreh protestën tonë kundër kësaj padrejtësie flagrante. Burgosja e ish-komandantëve është edhe një tentim për të kompromentuar Ushtrinë Çlirimtare të Kosovës dhe Luftën e saj çlirimtare.

Kot përpiqen demagogët për të mashtruar qytetarët me shpjegime se këto raste janë individuale… Për këdo që kupton funksionimin e sistemit të drejtësisë, e dinë se rastet që hetohen e shqyrtohen kanë një si prioritet. Prokurori i EULEX-it, Z. Salustro, po dëshmohet se po sundohet nga paragjykimet shoviniste ndaj shqiptarëve, respektivisht ai është i përcaktuar për hakmarrje kundër Luftës sonë çlirimtare; deri tani nuk kemi dëgjuar që ai të ketë bërë qoftë edhe një padi kundër kriminelëve serbë, që kanë vrarë mbi 10 mijë shqiptarë, që kanë përdhunuar mbi 20 mijë femra shqiptare, që kanë djegur mbi 100 mijë shtëpi në Kosovë… Duke mos u zgjatur me arsyetime të përcaktimeve shoviniste e hakmarrëse të prokurorit Salustro, kërkojmë që EULEX të ta largoi ate nga EULEX, sepse ai tashmë e ka komprometuar rëndë misionin e EULEX-it.

Ka kohë që përflitet se serbofili Salustro sikur përzgjedh vetëm lëndët kundër ish-komandantëve të UÇK-së, që i kanë përgatitur organet neofashiste të Serbisë, mesajesa edhe të kuislingëve të tyre shqiptarë, gjoja si ekspertë, siç ishin Fadil Syleviqi, Lulzim Basha, Argita Berisha- Malltezi etj. Por kjo nuk arsyeton që vetëm atyre lëndëve t’u jepet prioritet.

Nga Qeveria e Kosovës kërkojmë që urgjentisht të kërkojë nga Brukseli që të shqyrtojë profesionalizmin e prokurorit Salustro dhe ta suspendoi nga EULEX-i. Tashmë janë bërë bajat prononcimet se gjyqësia është e pavarur dhe politika nuk duhet të përzihet. Fatkeqësisht ka shumë raste, jo vetëm në Kosovë, kur në institucionet e drejtësisë depërtojnë edhe hetues, prokurorë e gjyqtarë jo profesionalist, shovinistë, racistë, të korruptuar, prandaj ndaj të tilla rasteve kudo reagohet. Urojmë që EULEX të angazhohet menjëherë për rikthim të reputacionit, që të mos i zhgënjejë dhe të mos i provokoj edhe më shumë qytetarët e Kosovës. Nga EULEX-i mirëpresim që të angazhohet drejtësisht, ndershmërisht dhe energjikisht, për të luftuar krimin e organizuar dhe korrupsionin në Kosovë, gjithsesi edhe krimet e Luftës, por jo vetëm krimet e dyshuara e të montuara (edhe me dëshmitarë të përgatitur) të shqiptarëve. Si ish-pjesëtarë të UÇK-së, shpresojmë të mirëkuptohemi për formën që kemi zgjedh për të demonstruar hidhërimin tonë kundër angazhimeve tendencioze e hakmarrëse të prokurorit Salustro për të kompromentuar Luftën tonë të drejtë çlirimtare. Urojmë që edhe ish kuislingët shqipfolës të neofashizmit serbomadh të mos bëhen tifozë të kësaj gjuetie të orkestruar kundër ish-UÇK-së…

*DITA