Aktorët e shquar të kinematografisë Shqiptare

[Wordless]

Birçe Hasko





Birçe Hasko ka lindur në Dukat të Vlorës në 15 mars 1942 është aktor i njohur shqiptar. Mbas mbarimit të shkollës së mesme punon si mësues në Memaliaj, ku dhe angazhohet me trupën e Estradës amatore të qytetit. Në vitin 1965 fillon studimet për aktor në Institutin e Lartë të Arteve (sot Akademia e Arteve). Mbas diplomimit mbahet pedagog pranë këtij Instituti punë ti cilën e vazhdon edhe sot dhënë lëndën e Mjeshtërisë së Aktorit. Për punën e tij akademike i është dhënë titulli “Profesor” .

Në teatër ka interpretuar mbi 12 role. Roli i tij më i realizuar është ai i Milos në komedinë “Shi në plazh” shkruar nga Teodor Laço. Po ashtu një kontribut të çmuar ka edhe në kinematografinë shqiptare, ku ka interpretuar me dhjetëra role. Roli i tij i parë në kinematografi është në vitin 1971 në rolin e ballistit në filmin “Kur zbardhi një ditë”. Më tej do të vazhdonin rolet e tij në shumë filma si ai i Mete Jahos tek filmi “Radiostacioni” në vitin 1979, roli i Syrjait në filmin “Skëterrë 43” në vitin 1980, roli i profesorit në filmin “Gurët e shtëpisë sime” në vitin 1985 si dhe shumë role në filma të tjerë për të mbërritur në rolin e tij më të fundit në filmin "Kronikë Provinciale" në vitin 2009. Në vitin 1991, merr titullin Profesor.

Në vitin 1976, urdhri “Naim Frashëri”, klasi i dytë , në vitin 1988 “Artist i Merituar”. 18 Prill 1987, Medaljonin e Festivalit për interpretimin e rolit të Dajës në filmin “Dhe vjen një ditë” në Festivalin e VII-të të Filmit Shqiptar të zhvilluar në Tiranë nga data 13 deri në 18 prill të vitit 1987. 22 Prill 1989, Çmimi i III-të për interpretimin e rolit të Babait të Danës në filmin “Shkëlqim i përkohshëm” në Festivalin e VIII-të të Filmit Shqiptar të zhvilluar në Tiranë nga data 18 deri më 22 prill të vitit 1989. Në vitin 2002 merr titullin “Mjeshtër i Madh” dhe po këtë vit shpallet “Qytetar Nderi” i Orikumit. Birce Hasko është aktor popullor në Shqipëri, ai ka lozur në më shumë se 30 filma. ka mbaruar Institutin e lartë të Arteve dega Dramaturgji dhe sot është petagog në këtë institucion.

Filmografia

Kronikë provinciale (2009)
I dashur armik - (2004)
Tirana, viti zero - (2001)
Parullat - (2001)....Shoku Sabaf
Nata - (1998)
Fletë të bardha - (1990) (TV)
Kronikë e një nate 1990
Vetmi - 1990, Teki Maliqi
Vitet e pritjes (1989) - Xha Rufeti
Kthimi i ushtrisë së vdekur 1989 - Fshatari që sjell arkivolin e ushtarit të vdekur
Historiani dhe kameleonët 1989 - Nën Toger Muharremi
Bregu i ashpër (1988)
Shkëlqimi i përkohëshëm (1988) - Babai i Danës
Përrallë nga e kaluara - (1987) - Dasmori gaztor
Zëvendësi i grave - (1987), Shef Mesini
Tre ditë nga një jetë - (1986), Kalo Malushi
Dhe vjen një ditë - (1986). Daja
Të shoh në sy (Film TV) - (1985), Andrea
Gurët e shtëpisë sime - (1985)
Shi në plazh - (1984) Milo, teater-komedi
Koha nuk pret - (1984)
Kush vdes në këmbë - (1984).Kryetari i gjyqit
Dita e parë e emrimit - (1981), Shoferi i zv. Ministrit
Në kufi të dy legjendave - (1981) , Xhelua
Sketerre 43 - (1980), Syrjai
Njeriu me top - (1979),Tosun Baçi
Liri a vdekje (film) -(1979), Sotiri
Radiostacioni (film) -(1979)
Koncert në vitin 1936 - (1978). Tellalli
Shtigje lufte - (1974).Tafa Partizani
Kur zbardhi një ditë - (1971)Sulo Ballisti

[Wordless]

Bujar Kapexhiu





Bujar Kapexhiu (Lindur më 22 mars 1944 në Tiranë) është regjisor, skenarist dhe aktor i mirënjohur shqiptar. Kapexhiu studioi për aktor në shkollën e lartë pranë Teatrit Kombëtar, si edhe kursin e lartë pasuniversitar për regjisor po aty. Më 1968 filloi punë si regjisor në Teatrin e Estradës së Tiranës ku shkroi shumë skeçe, parodi, kuplete si edhe u mor me karikaturë për organet e shtypit.

Pas një periudhe 2 vjeçare largimi nga Tirana, për shkak të "shfaqjeve liberale dhe moderniste" në Festivalin e 11 të Këngës në RTSH ku ishte autor teksti dhe konferencier, u rikthye më 1975 si regjisor dhe piktor në sektorin e sapo ngritur të filmit vizatimor pranë Kinostudios "Shqipëria e re". Filmi "Zhgarravinat" (1977) ku Kapexhiu krijoi vizatimet, skenarin dhe regjinë u vlerësua me çmimin e Parë të Festivalit të III-të të filmit Ballkanik të organizuar në Stamboll,Turqi,1979; me Kupën e Festivalit të III të Filmit Shqiptar, 21-28 prill 1979 si dhe me çmim në Napoli të Italisë në 1984. Deri në vitin 1985 xhiroi rreth 20 filma vizatimorë në shumicën e të cilëve është skenarist ose bashkëskenarist, regjisor dhe piktor; mes tyre spikat edhe Pipiruku, personazhi i dashur për fëmijët i ndërtuar prej tij.

"Pipiruku pret 2 miq" u vlerësua me çmim të dytë në Festivalin e VI të filmit dokumentar e vizatimor. Pas vitit '85 iu përkushtua zhanrit të kinokomedisë duke u shquar për individualitetin e spikatur. Në një kohë mjaft të shkurtër xhiroi katër filma artistikë: "Dy herë mat", 1986, "Tela për violinë", 1987, "Stolat në park", 1988, "Edhe ashtu, edhe kështu", 1989.

Filmografia

Dueli i heshtur
Dy herë mat
Regji
Skenarë
Interpretime

Regji

Edhe ashtu edhe kështu (1989)
Stolat në park (1988)
Tela për violinë (1987)
Dy herë mat (1986)

Kallza e grurit (1976) vizatimor
Lisharsi (1976) vizatimor
majlinda dhe zogu i vogël (1976) vizatimor
Pika e ujit (1976) vizatimor

Skenarë

Edhe ashtu edhe kështu (1989)
Dy herë mat (1986)

Interpretime

Dy herë mat (1986)
I teti në bronz (1970) Spiro
Gjurma (1970)
Duel i heshtur (1967)

[Wordless]

Bujar Lako





Bujar Lako lindi në Tiranë më vitin 1948. Është një aktor i mirënjohur shqiptar. Karierën si aktor e fillon në Teatrin Kombëtar pas mbarimit të studimeve në Institutin e Lartë të Arteve në Tiranë, më 1973. Shumë shpejt bëhet i njohur nëpërmjet filmave "Në fillim të verës" i G. Erebarës dhe "Perballimi" i V. Gjikës. Pas kësaj ai realizon një sere figurash në rreth tridhjetë filma midis të cilëve mund të përmendim: "Gjeneral gramafoni" V. Gjika, "Udha e shkronjave" V. Prifti, "Ballë per ballë” K. Çashku, P. Milkani, "Kthimi i ushtrisë se vdekur" dhe "Gurët e shtëpisë sime" Dh. Anagnosti, "Amiko" Cizia Zyke, produksion francez.

Në teatër ka interpretuar rreth shtatëdhjetë role, midis të cilëve veçomë: "Vizita e inspektorit" Xh. Pristli, (Dh. Pecani), `Monserati" E. Robles (P. Mani), "Vdekja e një komisioneri" A. Miler (F. Haxhiraj), "Vdekja e Dantonit" Byhner (V. Milçin), "Ditë vere" Mrozhek, (B. Lako), "Ariu" Çehov (S. Duni) etj. Në vitin 1992 interepreton në Teatrin e Kombësive ne Shkup në produksionin "Varrtarët" .

Në vitin 1975 nderohet me çmimin e veçantë per filmin "Përballimi". Në vitin 1979 çmimin e veçantë per filmin "Ballë per ballë". Në festivalin e filmit të vitit 1979 vlerësohet si aktori me i mirë i festivalit dhe nderohet me kupën e festivalit per rolin e Halit Beratit në filmin "Gjeneral gramafoni". Në vitin 1979 është lauruar me çmimin e Republikës së shkallës se pare, per filmat "Gjeneral grarnafoni" dhe "Ballë per ballë”. Në vitin 1982 është nderuar me urdhrin "Naim Frashëri" klasi i pare, per interpretim në teatër. Në festivalin e filmit të vitit 1991 është shpallur aktori me i mirë per interpretimin e rolit të gjeneralit në filmin "Kthimi i ushtrisë se vdekur". Në vitin 1985 fiton titullin "Artist i Merituar"

Filmografia

Syri magjik - (2005) .... Petro
Lule të kuqe, lule të zeza - (2003)......
Kthimi i ushtrisë së vdekur - (1989)....Gjenerali Italian
Binarët - (1987)......
Telefoni i një mëngjesi - (1987)......Drejtori i fermës
Vrasje ne gjueti - (1987)......
Gabimi - (1986)......
Gurët e shtëpisë sime - (1985)......Tenente Moruçi
Vendimi - (1984)......Këshilltari
Dora e ngrohtë - (1983)......Spahiu
Nëntori i dytë - (1982).....Luigj Gurakuqi
Ballë për ballë - (1979)......Komandanti shqiptar, Mujo Bermema
Gjeneral gramafoni - (1978)......Halit Berati
Udha e shkronjave - (1978) (TV)......Tunxhi
Përballimi - (1976)......Shoku Martin
Në fillim te verës - (1975)

[Wordless]

Bujar Asqeriu





Bujar Asqeriu lindi më 13 gusht 1956 në Vlorë, Shqipëri. Është një aktor i mirënjohur i skenës dhe ekranit shqiptar. U diplomua si aktor nga Akademia e Arteve në Tiranë dhe u rikthye në qytetin e lindjes, më 1979. Për 15 vjet ishte aktor i Teatrit “Petro Marko” të Vlorës. Gjatë kësaj periudhe pati një karrierë intensive në film, duke filluar me rolet e Fatosit dhe Muzakes, respektivisht ne filmat “Në shtëpinë tonë” (Dh. Anagnosti, 1979) dhe “Liri a vdekje” (I. Muça & K. Mitro, 1979). Por suksesin më të madh e ka pasur me rolet e Telos në filmin “Njeriu i mire” 1982 dhe Avni Rustemit në filmin “Një emër midis njerëzve” 1983, për të cilët ka fituar Medalionin e Festivaleve të Filmit të viteve 1983 e 1985.

Ndër filmat e tjerë mund të përmendim “Në shtëpinë tonë” 1979, “Radiostacioni” 1979, “Vëllezër dhe shokë” 1979, “Në Prag të lirisë” 1981, “Në emër të lirisë” 1987, “Misioni përtej detit” 1988, “Jeta në duart e tjetrit” 1990, “Deshperimisht” 2000.

Filmografia

Filumena Marturano (2009) .............Domenico
Pamje nga ura (2007) teater
Trapi i vjetër - (2005) .......deputeti (telekomedi)
Lettere al vento - (2003) .........Gon Doji
Prindër të vegjël - (1991) (TV)
Jeta në duart e tjetrit - (1990)
Misioni përtej detit - (1988)
Në emër të lirisë - (1987)
Telefoni i një mëngjesi - (1987)
Tri ditë nga një jetë - (1986), shoku i Sandrit, kineasti tjeter
Një emër midis njerëzve - (1983)
Njeriu i mirë - (1982) ..........Telo
Ditë të qytetit tim - (1982)(TV)
Në prag të lirisë - (1981)
Në shtëpinë tonë - (1979)
Liri a vdekje - (1979) ............Muzaka
Radiostacioni (1979)

[Wordless]

Demir Hyskja





Demir Hyskja është një aktor i mirënjohur shqiptar. U lind më 1 janar 1937 në Elbasan. Arsimin fillor dhe të mesëm e kreu në qytetin e lindjes. Në vitet 1951-1955 përfundoi shkollën e mesme të ndërtimit. Teknik ndërtimi në vitet 1955-1962 dhe më tej aktor në teatrin “Skampa”. Gjatë punës 30-vjeçare në teatër ka realizuar mbi 50 role kryesore. Në Kinostudion “Shqipëria e Re” ka realizuar 24 filma artistike dhe dokumentarë.

Është dekoruar disa herë me dekorata të shkallëve të ndryshme deri tek “Naim Frashëri i Klasit të Parë”. Në vitin 1969 nderohet me titullin “Artist i Merituar” dhe në vitin 1979 nderohet me titullin e lartë “Artist i Popullit”. Është zgjedhur katër herë radhazi deputet në Kuvendin Popullor.

Filmografia

Dhe vjen një ditë - (1986)... Baki Branica
Kronikë e atyre netëve - (1986) (TV)
Hije që mbeten pas - (1985)... Babai i Agronit
Fushë e blertë fushë e kuqe - (1984)
Kohë e largët - (1983)... Kolin Stringari
Një emër midis njerëzve - (1983)
nëntori i dytë - (1982)
Shokët - (1982)... Drejtori i uzinës
Dëshmorët e monumenteve - (1980)... mesues Andrea
Një ndodhi në port - (1980) ... babai i Artanit
Me hapin e shokëve - (1979) (TV)
Një natë nëntori - (1979) (TV)
Përtej mureve të gurta - (1979)... Kasemi
Gjyshi partizan - (1978)... Gjyshi
Dollia e dasmës sime - (1978)
Një udhëtim i vështirë - (1977)
Fije që priten - (1976)... I shoqi i Besës
Pylli i lirisë - (1976)... Beu
Në fillim të verës - (1975)... Shoku Mali
Rrugicat që kërkonin diell - (1975)... Halimi
Shpërthimi - (1974)
Kur zbardhi një ditë - (1971)... Shoferi Thoma Shpuza
Mëngjeze lufte - (1971) Ilegali
Gadhnjim mbi vdekjen - (1967)

[Wordless]

Drita Pelingu





Drita Pelingu lindur në qytetin e Vlorës në vitin 1926, filloi punën si aktore profesioniste në Teatrin Kombëtar në vitin 1946. Disa nga komeditë dhe dramat e para ku ajo ka interpretuar në teatrin shqiptar. "Rëshqitja", "Arturo Ui", "I çuditëshmi", "Zonja e Bujtinës", "Gratë gazmore të Uindsorit", "Artani", etj.

Në kinematografi ajo u shfaq fillimisht me një rol të vogël tek "Tana" (1958), e më pas tek "Njeriu me top", "Kur hidheshin themelet", ku interpreton rolin e Budës, "Vajzat me kordele të kuqe", "Radiostacioni", "Përtej mureve të gurta", "Fjalë pa fund", "Shpresa", etj.

Ajo ka luajtur mbi 120 roleve në teatër dhe kinematografi. Mban titullin "Artiste e Merituar" që nga vitit '86, ndërsa në vitin '96 ështe fituese e çmimit kombetar "Ismail Qemali (çmimi)". Me titullin e lartë "Mjeshtre e Madhe e Punës", akorduar nga Presidenti i Republikës ajo u nderua pesë vjet të shkuara.

Aktrime

Rouz - (2009) (Theater)
Efimeri poli - (2000)
Shpresa - (1988)
Fjalë pa fund - (1986).......nena e Bardhylit
Era e ngrohtë e thellësive (1982)
Nusja - (1980)
Përtej mureve të gurta - (1979)....bashkëshortja e Kasemit
Radiostacioni (film) - (1979)
Kur hidheshin themelet - (1978) (TV) ... Budja
Vajzat me kordele të kuqe - (1978)
Njeriu me top - (1977) ... Halla
Tana - (1958)

[Wordless]

Dhimitër Orgocka





Dhimitër Orgocka është një aktor i mirënjohur shqiptar, ka lindur në 24 Tetor të vitit 1936 në qytetin e Korçës. Ai është gjithashtu regjisor me karrierë të pasur në teatrin "A.Z. Çajupi" në Korçë, ka vënë në skenë 104 premiera në teatrin e Korçës, Fierit, Elbasanit, Prishtinës, Shkupit etj. Si aktor ai numëron 82 role të interpretuara në skenat e teatrove shqiptare, ku ka marrë edhe çmime.

Filmografia

Njerëz në rrymë - (1989), Bani Bashari
Përsëri pranverë - (1987), Damo Bregu
Dasëm e çuditëshme - (1986), Riza Ostrovica
Asgjë nuk harrohet - (1985), Xha Fanja
Gjeneral gramafoni - (1978), Zoti Misir
Pas gjurmëve - (1978), babai i Skenderit dhe Luanit
Flamur në dallgë - (1977) (TV)
Rrugicat që kërkonin diell - (1975), Toger Antonio
Yjet e netëve të gjata - (1972), Bato Kolaneci
Horizonte të hapura - (1968)... Urani

[Wordless]

Dhorkë Orgocka





Dhorkë Orgocka ka lindur 25 Tetor të vitit 1937 në qytetin e Korçës. Ka punuar si aktore në teatrin “Andon Zako Çajupi” të Korçës duke interpretuar me dhjetëra role e personazhe.

Në kinematografi do të interpretojë në shumë filma. Debutimi i saj kinematografik do të jetë në filmin "Horizonte të hapura" ku ajo do të interpretojë rolin e bashkëshortes së Uranit. Më tej do të vazhdonin edhe shumë role të tjera që do ta bëjnë atë të dashur për publikun artdashës. Bashkëshorte e regjisorit të njohur Dhimitër Orgocka (Artist i Popullit) do të ndahej nga jeta dhe familja e saj e dashur në vitin 2003 në qytetin e Korçës. Për meritat e saj artistike Dhorkë Orgocka është nderuar me titullin e lartë "Artiste e Merituar".

Kinematografi

1987 -- Një vit i gjatë......................................Nëna e Likurgut
1987 -- Përsëri pranverë...................................Bashkës hortja e Dano Bregut
1986 -- Dasëm e çuditshme...............................Nëna e Sherkës
1985 -- Asgjë nuk harrohet.........................Nënë Xhikua
1978 -- Pas gjurmëve......................................Nëna e Skënderit dhe Luanit
1977 -- Flamur në dallgë (Film TV).......................Mjekja
1976 -- Përballimi........................................ ..Nënë Mara
1975 -- Beni ecën vetë...............................Teto Ollga, Gjyshja e Benit
1972 -- Yjet e netëve të gjata...........................
1968 -- Horizonte të hapura..............................Bashkëshortja e Uranit


Teatër

“Stuhi në prill” e Skënder Luarasit

[Wordless]

Eva Alikaj





Eva Alikaj lindi në Tiranë më 25 prill 1961. Kur ishte vetëm 21 vjeç, fitoi Kupën si Aktorja më e mirë e Festivalit V të Filmit Artistik Shqiptar, me filmin “Njeriu i mirë” (1982). Një vit më pas, u diplomua për aktore në Akademinë e Arteve të Tiranës dhe iu bashkua trupës së Teatrit Kombëtar.

Edhe në teatër ka një fillim shumë të mirë, me rolin e Xhulietës në tragjedinë “Romeo e Xhulieta” të Shekspirit. Vazhdon të luajë me sukses në film, duke u vlerësuar me çmime. Linda tek “Shirat e vjeshtës” (1984) i dhuron Medalionin e Festivalit VI, Etleva tek “Treni niset në shtatë pa pesë” (1988) - Çmimin e Dytë. Role të tjerë janë Ilona në “Botë e padukshme” (1987), Ana në “Jeta në duart e tjetrit” (1990), Evgjenia në “I paharruari” (1984), Drita në “Vendimi” (1984), Irena në “Hije që mbeten pas” (1985), Edlira në “Stolat në park” (1988).

Kritika

Sinqeritet dhe natyrshmëri të interpretimit, duke krijuar edhe një portret të veçantë të saj. Qysh prej vitit 1991 jeton në Austri, ku edhe u martua me një nështetas të huaj, duke marrë mbiemrin e tij, Eva Lossl. Më 1995 u rikthye përkohësisht në Shqipëri dhe interpretoi rolin e fundit në filmin "Përdhunuesit". Në 1993 lind djalin e saj, Xhino, i cili studjon për violinë. Në 2006 shfaqet në një rol të vogël të një filmi austriak. Dhë në 2007 kthehet përkohësisht Tiranë për një muzikal. Hera e fundit e shfaqur në publikun shqiptar ishte në qershor 2009, për cmimet Kult.

Filmografia

Muzikal Austrian - Lola Blau (2007) muzikal shfaqur ne Tiranë
Vier Frauen und ein Todesfall .... Dalina (2 episode, 2007), - Mundtot , - Schlachtfest
Mord auf Rezept - (2006) (TV) ....Pastruesja (Film Austriak)
Përdhunuesit- (1995)
Valsi i Titanikut (1990), teater-komedi
Jeta në duart e tjetrit - (1990) ..Ana
Stolat në park - (1988 ........Edlira
Treni niset më shtatë pa pesë - (1988) .... Etleva
Botë e padukshme - (1987) ......Ilona
Hije që mbeten pas - (1985) ......Irena
Pallati 176 - (1985) ....Elsa
Shirat e vjeshtës - (1984) ....... Linda
I paharruari - (1984) .... Evgjenia
Vendimi - (1984) .... Drita
Njeriu i mirë - (1982) .... Vera

[Wordless]

Elvira Diamanti





Elvira Diamanti është një aktore e mirënjohur shqiptare. U lind në Tirane më 30 nëntor 1962. Aktore e njohur e teatrit dhe kinemasë. Roli i saj më i spikatur mbetet ai i Marigosë në filmin “Përrallë nga e kaluara”.

Filma

Ne dhe Lenini - (2008)
Dasma e Sakos - (1998)
Kush e solli Doruntinën (1989) teater
Muri i gjallë - (1989)
Përrallë nga e kaluara - (1987) .... Marigo
Të shoh në sy - (1986) .... Diana
Dasma e shtyrë - (1984)
Shi në plazh (1982) teater, komedi
Shokët - (1982)
Në prag të lirisë - (1981)
Shoqja nga fshati - (1980)
Radiostacioni - (1979)
Liri a vdekje - (1979) ......bashkeshortja e Cerciz Topullit
Teatër:
Mësuesi i Letërsisë
Shtëpia e Bernarda Albës
Vdekja e Dantonit

[Wordless]

Esma Agolli





Esma Agolli lindi më 1 korrik 1928 në Tiranë. Është një aktore e mirënjohur shqiptare. Ajo ka luajtur shumë role në teatër dhe kinematografi, por rolet që spikasin janë "Mysafiri" në vitin 1979, Zonja Neriman te filmi "Përtej mureve të gurta" në 1979, "Fëmijët e saj" në vitin 1957, etj. Esma Agolli mban titullin "Artiste e Merituar". Vdiq në Tiranë më 4 qershor 2010.

Filmografia

Mysafiri - (1979)
Përtej mureve të gurta - (1979) .... Zonja Neriman
Fëmijët e saj - (1957) .... Nusja

[Wordless]

Fadil Hasa





Fadil Hasa është një aktor i shquar shqiptar. Ka lindur në Durrës me 8 prill 1940. Është i shquar më shumë në role komike ne estraden e Durresit.

Ka luajtur në filma si :

Kronikë provinciale (2009)
Mao Ce Dun (2007) .... Hekuran Romalini
Zëvendësi i grave (1987) ... Shabani

etj

[Wordless]

Ferdinand Radi





Ferdinand Radi u lind në Durrës, në 29 gusht 1942, në një familje intelektuale. Nandi ishte nipi i Vinçens Prenushit nga nëna, e i Lazër Radit nga babai. Në vitin 1945, me çlirimin e vendit, familja vendoset në Tiranë. Në vitet e shkollës shquhej për humorin e tij të hollë. Ishte i shkathët, i fuqishëm dhe merrej edhe me sport. Fillimet e veta Radi i ka në sportin e futbollit, ku nga viti 1958 deri në vitin 1962 luajti me ekipin e parë të Dinamos, derisa mbaroi shkollën e mesme, por që në një moment iu desh të zgjidhte midis sportit dhe artit. Vendosi për këtë të fundit. Dhe për këtë ndikoi njohja me Kujtim Spahivoglin, njohje nga e cila do të kushtëzohej më pas vetë jeta e Ferdinand Radit. Spahivogli u bë shoku dhe miku i tij më i ngushtë, i cili ndikoi drejtpërdrejt në formimin e tij artistik.

Në vitin 1965, krahas punës në uzinën "Partizani", Radi fillon edhe aktivitetin e tij artistik me amatorët e kësaj uzine. Në vitin 1968 mbaron kursin e regjisurës nën drejtimin e pedagogëve të nderuar, Pandi Stillu e Pirro Mani. E megjithatë, formimi i tij nuk ishte i kompletuar, ndaj në vitin 1970 ndjek një kurs pasuniversitar për regjisurë, nën drejtimin e Spahivoglit. Krahas aktivitetit të tij me amatorët, Radi punoi me kontratë edhe pranë Teatrit Kombëtar dhe Teatrit të ILA (Akademia e Arteve). Këtu interpreton në një sërë pjesësh, të cilat evidentuan aftësitë aktoriale të tij. Kjo pjesëmarrje me trupën profesioniste ndikoi edhe në aktivizimin e tij në film. Me dënimin e Kujtim Spahivoglit në 1974-ën, kur Ferdinand Radit iu hap një plagë e madhe në shpirt, mori fund edhe ëndrra e tij për t'u bërë aktor profesionist. Shto këtu edhe vështirësi të tjera politike të familjes, Radi nuk arriti të bëhej i tillë, vetëm atëherë kur u shemb diktatura.
Në Teatrin Kombëtar

Në teatër

Vjeshtë me stuhi (Kurti)
I pesti u zu i gjallë (Gjeloshi)
Pranvera që sëvonoi (Burri i heshtur)
Prefekti (Xhandari)
Pas dy vjetësh (Zeneli)
Kur po lindte qyteti (Njaziu)
Një shok i klasës sonë (Tak Faku)
Banja (Vjellosupekti)
Shumë zhurmë për asgjë (Bogrer)
8 persona plus (Bojaxhiu)
Bregu i pikëllimit (Varrmihësi)
Vizita e damës plakë (Gangsteri)
Kush vjedh një këmbë ka fat në dashuri (shoferi)
Ishulli i çmendur (Kokëqethuri)
Ezopi (Etjopasi), etj.

Në filmofgrafi

1969: Njësiti guerril (Karabinieri që ndihmon agronin të shtyjë motorrin)
1971: Kur zbardhi një ditë (tipograf)
1974: Shtigje lufte
1975: Rrugicat që kërkonin diell (Kola)
1977: Shembja e idhujve (kryeplaku)
1978: I treti (Zaho)
1980: Skëterrë 43 (Kapiten Sodu)
1980: Dëshmorët e monumenteve
1984: Fushë e blertë fushë e kuqe (Trupmadhi)
1984: Asgjë nuk harrohet (Taksisti)
1986: Kur ndahesh nga shokët (Bateristi)
1987: Përsëri pranverë (Matrapazi)
1990: Kush është vrasësi (agjenti)
1990: Balada e Kurbinit (Sejmeni i pashait)
1991: Vdekja e kalit (Arixhiu)
1994: Pak freskët sonte (arabi)
1997: Nata (film) (mishariu)

[arbereshi_niko]

Fadil Hasa





Fadil Hasa është një aktor i shquar shqiptar. Ka lindur në Durrës me 8 prill 1940. Është i shquar më shumë në role komike ne estraden e Durresit.

Ka luajtur në filma si :

Kronikë provinciale (2009)
Mao Ce Dun (2007) .... Hekuran Romalini
Zëvendësi i grave (1987) ... Shabani

etj

Aty nga fundi i 70' me ate skeçin: kur thote: " dy kamiona e kena me i da per shtate bataliona :-)"
Besoj se ishte 78-ta, dje!:-)
"kryp, kryp, ku ka kryp"!:-)

[Wordless]

Guljelm Radoja





Guljelm Radoja ka lindur në 2 Korrik të vitit 1945 në qytetin e Shkodrës. Pas përfundimeve studimeve të larta në Institutin e Lartë të Arteve (sot Akademia e Arteve) për Dramaturgji në vitin 1972,fillon punën si aktor profesionist në Teatrin e Librazhdit. Më pas largohet nga ky teatër për të punuar si aktor dhe regjisor pranë Teatrit "Bylis" të qytetit të Fierit dhe më pas si aktor në Teatrin "Aleksandër Mojsiu" në Durrës. Ndër interpretimet e tij në teatër mund të përmendim rolet e tij në dramat “Bourgeois Wedding” e Bertold Brehtit, “Me syrin e një klouni” e Heinrich Bëllit, “Trojanët” e Vasilis Theodoropulosit etj.

Në kinematografi të shumtë do të jenë rolet e tij, më se 30 role, që do ta bëjnë të dashur për publikun artdashës. Roli i i tij i parë do të jetë në filmin "Gjurma" në vitin 1970 ku ai interpreton rolin e Inxhinierit të pyjeve. Më tej do të vazhdonin një sërë rolesh të tjera si roli i Tenente Gruabardhit në filmin "Në fillim te verës" në vitin 1975, roli i Stefan Bardhit në filmin "Mësonjëtorja" në vitin 1979, roli i Petro Nini Luarasit në filmin "Kush vdes në këmbë" në vitin 1984, roli i Priftit në filmin "Kthimi i ushtrisë së vdekur" në vitin 1989, roli i prokurorit në filmin "Kolonel Bunker" në vitin 1998, etj.

Për meritat e tij artistike Guljelm Radoja është nderuar me titullin "Artist i Merituar".


Kinematografi

2009 -- Kronikë provinciale..............................
2004 -- Syri Magjik.......................................
2001 -- Njerëz dhe Fate (Film TV)......................
1999 -- Unë ti dhe Kasandra (Film TV).................
1998 -- Dasma e Sakos..................................Djali i Sakos
1998 -- Kolonel Bunker...................................Prokurori
1994 -- Dashuria e fundit................................I huaji me dy nënshtetësi
1994 -- Nekrologji........................................ .Artisti virtuoz
1992 -- Vdekja e burrit...................................
1989 -- Kthimi i ushtrisë së vdekur.....................Prifti
1988 -- Flutura në kabinën time.........................Marku
1987 -- Eja!.............................................. ..Lirim
1987 -- Vrasje ne gjueti..................................Pertefi
1985 -- Asgjë nuk harrohet........................Peshkatari
1985 -- Mondi dhe Diana.................................Babai
1985 -- Të paftuarit.......................................Mj eku
1984 -- Vendimi........................................... .Kolonel Luçiano
1984 -- Kush vdes në këmbë.............................Petro Nini Luarasi
1983 -- Gracka............................................ .Refik Milaga
1982 -- Era e ngrohtë e thellësive (Film TV)...........Rexhepi,përgjegjësi i Sektorit
1982 -- Nëntori i dytë.....................................Lym Kepi
1982 -- Rruga e Lirisë....................................Aleksi
1980 -- Gëzhoja e vjetër.................................Serveti
1980 -- Goditja (Film TV)................................Agimi
1980 -- Një gjeneral kapet rob..........................
1979 -- Dorina (Film TV)..................................Viktori
1979 -- Mësonjëtorja...................................... Stefan Bardhi
1978 -- Gjeneral gramafoni...............................zoti Alberto
1978 -- Në pyjet me borë ka jetë........................inxhinier Ylli
1977 -- Guna mbi tela ....................................Përfaqësuesi i Komitetit Kombëtar
1977 -- Shembja e Idhujve...............................Arkeologu
1976 -- Dimri i fundit.....................................zv/Komandanti gjerman
1976 -- Zani partizani (Film TV).........................Komisari
1975 -- Në fillim te verës................................Tenente Gruabardhi
1974 -- Shtigje lufte......................................Fotogra fi
1970 -- Gjurma............................................ Inxhinieri



Teatër

“Bourgeois Wedding” e Bertold Brehtit
"Cilindri" i Eduardo de Filipos
“Me syrin e një klouni” e Heinrich Bëllit
"Streha e të harruarve" e Ruzhdi Pulahës
“Trojanët” e Vasilis Theodoropulosit

[Wordless]

Hajrie Rondo





Hajrie Rondo është një aktore e mirënjohur shqiptare. Ka lindur më 1 Mars 1951 në Delvinë. Hajrie Rondo është tashmë një aktore me diapazon të gjerë. Ajo ka interpretuar në të gjitha gjinitë. Jeton në Fier.

Filmografia

Dhimbja e dashurise (2008) TV
Tifozët (2004) - (TV)
Borxhliu (1999) - (TV)
Dashuri në krisma - (1997) (TV)
Gjithë fajet i ka paraja - (1996) (TV)
Pesha e kohës - (1988)
Një vitë i gjatë - (1987)
Përrallë nga e kaluara - (1987)
Kush vdes në këmbë - (1984)
Nje emer midis njerezve-(1983)
Nëntori i dytë - (1982)

[Wordless]

Ilia Shyti





Ilia Shyti lindi më 19 korrik 1929 në Lushnjë, vdiq më 26 nëntor 2003, ishte aktor dhe regjisor shqiptar. Veprimtarinë e tij e filloi si aktor dhe regjisor në qytetin e tij të lindjes, ndërsa në vitin 1954 ai u vendos pranë Kinostudios “Shqipëria e re”, sot Qendra Kinematografike Shqiptare. Katër vite më vonë, në vitin 1958, ai do të interpretonte në filmin e parë me metrazh të shkurtër “Tana”.

Edhe pse gjatė karrierës së tij ka interpretuar vetėm role episodike dhe të vogla, Ilia Shyti, arriti të ripërtrijë personazhe që kanë mbetur tashmė në kujtesën e spektatorit. Në kinema aktorë me një profil të tillë janë të paktë, duke e kthyer në mjeshtëri më vete lojën episodike. Nga rreth 45 rolet që ka interpretuar ai, ndër më të suksesshmit mund të përmendim, inxhinier Mborja, tek filmi "Vitet e para", përgjegjësi i ofiçinës, tek "Brazdat", gjyshi, në filmin për fėmijë "Qyteti më i ri në botė", mësuesi në "Koncert në vitin 1936", babai i Etlevës në "Treni niset në 7 pa pesë", ish-gjenerali në filmin "Kthimi i ushtrisë së vdekur" etj.

Filmografia

Dashuria e fundit (1995)
E diela e fundit (1993)
Unë e dua Erën (1993)....... Doktori
Vitet e pritjes (1989).... gjyshi i Gjonit
Djali elastik (1989) ........ Gjyshi i Arjanit
Treni niset më shtatë pa pesë (1988)..Babai i Etleves
Tre vetë kapërcejnë malin (1988)
Këmishët me dyllë (1987)
Një vitë i gjatë (1987)
Rrethi i kujtesës (1987)
Tela për violinë (1987) ...... Babai i Mucos
Gabimi (1986) ................ Gjyshi i Martinit
Kronikë e atyre netëve (1986)
Asgjë nuk harrohet (1985).......Shoku Ziver, veteran i luftes
Shirat e vjeshtës (1984)
Zambakët e Bardhë (1984)
Era e ngrohtë e thellësive (1982)
Vëllezër dhe shokë (1982) ..... Kryetari i Komunes
Intendanti (1980) .............xha Zeneli
Liri a vdekje (1979)
Ne shtepine tone (1979)
Pranverë në Gjirokastër (1978). Xha Petro
Rrugë të bardha (1974)......... Xha Rizai
Qyteti me i ri ne bote (1973)
Brazdat (1973 )................ pergjegjesi i oficines
Yjet e netëve të gjata (1972).. Zekoja
Mëngjeze lufte (1971)
Vitet e para (1965)
Toka jonë (1964)
Detyrë e posaçme (1963)
Debatik (1961)
Fortuna (1959)
Tana (1958)

[Wordless]

Jani Riza





Jani Riza është aktor shqiptar. Ai ka lindur në Korçe, në 17 Janar të vitit 1941 dhe ka përfunduar Akademinë e Arteve në degën Drame. Menjëherë pas përfundimit të studimeve ka filluar punë si aktor pranë Teatrit "Andon Zako Cajupi", në Korçe, ku ka punuar deri në ditën e fundit të jetës së tij, 24 Tetor 1988.

Jani Riza ka qenë një ndër aktoret më të talentuar të brezit të tij dhe ka luajtuar një sere rolesh dramatike në teatrin "A. Z. Cajupi", në Korçe. Shumë i njohur është si aktor filmash, dike filluar që me pjesëmarrjen në një prej filmave të parë shqiptare "Vitet e para", e filmat në vijim të kësaj faqeje. Veç këtyre, një mbrese të pashlyeshme tek spektatoret ka lënë roli i Bunac Salit tek filmi televiziv "Agimet e stinës se madhe". Se fundmi Lidhje e Shkrimtareve dhe Artisteve të Korcës ka akorduar një çmim me emrin Jani Riza.

Filmografia

Rrethimi i vogël, (1986)
Tri ditë nga një jetë, (1986)
Asgjë nuk harrohet, (1985)
Thesari, (1981)
Streha e re (1977)
Ata ishin katër, (1977)
Përballimi, (1976) Xhezo
Mëngjeze lufte (1971) Oficer Gjerman
I teti ne bronz Guri Cobani
Vitet e para, (1965) Dalipi
Agimet e stines se madhe
I Treti

[Wordless]

Kastriot Çaushi





Kastriot Çaushi lindi në Tepelenë më 1954. Aktor i mirënjohur i kinemasë dhe pedagog i aktrimit. Duke filluar nga viti 1997 është rektor i Akademisë së Arteve të Tiranës. U diplomua për aktor dhe disa vjet punoi në Teatrin “Skampa” të Elbasanit, më pas u rikthye në Tiranë, këtë herë si pedagog. Ka luajtur 18 role në filma artistikë, duke filluar me rolin e Fatmirit tek “Nusja dhe shtetrrethimi” (1976).

Në vitet ’80 ka pasur karrierë në ngjitje, duke fituar fillimisht Medalionin e Festivalit të Filmit me rolin e Vasil Laçit në filmin “Plumba Perandorit” (1980) dhe pastaj Kupën për aktorin më të mirë me rolin e Kujtimit në filmin “Qortimet e vjeshtës” dhe në fund përsëri Medalionin për rolin e Ilirit në filmin “Shirat e vjeshtës” (1984). Ndër filmat e tjerë të suksesshëm mund të përmendim “Apasionata” (1983), “Vendimi” (1984), “Ngjyrat e moshës” (1990) dhe (1994). Pas dhjetë vjet pauze u rikthye në kinema me filmin “Lule të kuqe, lule të zeza” (2004) të regjisorit Mevlan Shanaj.

Filmografia

Në kërkim të kujt 2009 serial - Almir Bali
Dhimbja e dashurise 2008 serial
Lule të kuqe, lule të zeza, 2003
Dashuria e fundit, 1995
Ngjyrat e moshës, 1990
Flutura në kabinën time, 1988 - i fejuari i Flutures
Tri ditë nga një jetë, 1986 - Sandri
Vendimi, 1984 si Kujtimi
Shirat e vjeshtës, 1984 si Iliri
Apasionata, 1983
Qortimet e vjeshtës, 1982 Kujtim Stefi
Besa e kuqe, 1982 Kelmendi
Agimet e stinës së madhe 1981 - Gori Muzaka
Plumba perandorit ,(1980)
Mëngjeze të reja, 1980
Liri a vdekje, 1979
Radiostacioni, 1979 Partizani
Nusja dhe shtetrrethimi, 1976

[Wordless]

Koço Devole





Koço Devole ka lindur në Kuçovë më 28 nëntor 1945, rrjedh nga një familje me origjinë nga fshati Sinje i Beratit. Koço Devole është një nga personalitet më të njohura të humorit shqiptar. Përveçse aktor i shkëlqyer humori, Devole është karikaturist, skenarist, regjisor dhe prezantues spektaklesh. Rolet e tij në skene dhe ekran janë nga më të njohurit për publikun shqiptar.

Në vitin 1946 familja e Koço Devoles është zhvendosur në Tiranë. Koço Devole ka studiuar dy vjet për inxhinieri mekanike në Universitetin e Tiranës, por në vitin e dytë të shkollës së lartë konkurroi për dramë në Akademinë e Arteve, ku nuk fitoi, pasi e cilësuan si të patalentuar. Ne nëntor te vitit 1966 u thirr për shërbimin e detyrueshem ushtarak, ku punoi si aktor dhe regjisor i Estradës së Shtëpise qendrore të ushtrisë për krah aktorëve të njohur si Aleko Prodani, Roland Trebicka, Zef Deda, Sejfulla Myftari. Më pas ka punuar edhe në revistën “Hosteni” si karikaturist, përkrah karikaturistëve Zef Bumçi, Bardhyl Fico, Enriko Veizi, Bujar Kapexhiu, Shtjefën Palushi etj, si edhe me shkrimet humoristike me emrat më të spikatur të humorit shqiptar si Spiro Çomora, Dionis Bubani, Niko Nikolla, Filip Çakuli, etj. Gjatë viteve 1970-1977

Devole është dërguar disa herë në punë të detyruar për "gabime" ideologjike në artin e skenës. Ne vitin 1978 Devole nis punën në Telivizionin Shqiptar si redaktor, skenarist dhe regjisor i programeve artistike. Në vitin 1997 me marrjen e pushtetit nga Socialistet Drejtori i atëhershëm i RTSH-se e shkarkon si të pa aftë. Devole detyrohet të emigrojë me familjen në ShBA. Në 26 nëntor të vitit 2002 sëbahku me një mikun e tij kapet nga policia Italiane. Akuza transport i 3 kg. heroinë. Pas tetë muajsh me 24 Korrik 2003 lirohet nga Burgu Italian dhe pas gjyqit ne Gjykaten e Riminit merr pafajësinë e më pas dëmshperblimin për muajt e burgut. Në vitin 2004 - 2005 punon si regjisor dhe skenarist ne emisionin "Fiks Fare" si dhe në spektaklin humoristik "Portokalli" Ka qenë skenarist dhe aktor në koncertet e vitit të Ri te RTSH-se ne vitet 1980 - 1997 si edhe autor dhe Regjisor ne telekomedite :

Gjuetia e fundit 1992
Canta e zeze 1986
Të gjallë apo të vdekur - komedi skenike dhe televizive.
Canta me nje milion 1993
Oreksi i madh 1995
Revolja e heroit 1996
Per pushime ne Rome 1996 Tre shoke pa sherbyesen 2000 Milioneri 2005 Na ishte njehere Shqiperia 2009 Në vitin 1997 se bashku me Agron Llaken ne "Telebingo Shqiptare" humori i tij pati nje shkëlqim të vërtetë.
Koço Devole eshte autor dhe Regjisor i shume spektakleve skenike me trupen e estrades se Tiranes, Fierit, Beratit etj.