Veshkat, 10 simptomat e sëmundjes, si kurohen

[Xhuxhumaku]

Veshkat, 10 simptomat e sëmundjes, si kurohen

27 June, 2013 | Filed under: Lifestyle | Posted by: T.O

f.0404223747225_mSi dëmtohen veshkat, bimët mjekësore që kurojnë sëmundjen
Tumoret janë shumë të përhapura tek njerëzit që vuajnë nga sëmundjet e veshkave. Përveç gurëve edhe tumoret duhet të trajtohen, sipas specialistëve, me bimë mjekësore të cilat duhet të përdoren në formën e lëngjeve. Për të evituar problemet me veshkat është e rëndësishme që çdo njeri, pavarësisht faktit nëse është i sëmurë apo jo, duhet të konsumojë të pakën 2 litra ujë në ditë.
Karcinoma renale
Njihet edhe si “karcinomë me qeliza boshe” ose si hipernefromë. Ai është tumor malinj më i shpeshtë i veshkave dhe prek më shumë meshkujt, që pinë duhan, rreth moshës 50-70 vjeç. Shenjat kryesore janë hematuri, masë e prekshme, dhimbje në ije, temperaturë, policitemi. Biopsia mund të mos mjaftojë për të vendosur diagnozën e kancerit, sepse pamja e karcinomës renale mund të ngjajë me pamjen e tumorit beninj. Tipar i veçantë i karcinomës renale është përhapja përgjatë venave renale dhe venës kava. Trajtohet me kirurgji, imunoterapi me IL-2.
Tumori Wilms
Është më i shpeshti tumor malinj i veshkave në fëmijë. Mosha më e prekur është 2-4 vjeç. Shenjat janë një masë abdominale, shpesh shumë e madhe dhe trajtohet me nefrektomi dhe kemoterapi me ose pa rrezatim. Mund të jetë pjesë e kompleksit WAGR, ku bën pjesë tumori Wilm, Aniridia, ka keq-formime gjenitourinare, prapambetje mendore. Gjithashtu shoqërohet me hemihipertrofi të trupit. Pamjaftueshmëria prerenale e veshkave është pasojë e mosfurnizimit me gjak të veshkave; shkaktohet nga hipovolemia, sepsisi, pamjaftueshmëria e zemrës, cirroza, stenoza e dyanshme e arterieve renale, shoku. Ndërkohë që pamjaftueshmëria renale (brendarenale) e veshkave është pasojë e patologjisë së veshkave: Shkaktohet nga procese si nekroza tubulare akute, ishemia e zgjatur (d.m.th pamjaftueshmëria prerenale mund të kthehet në pamjaftueshmëri renale), glomerulonefritet, sëmundjet tubulare/intersticiale, precipitimi i kristaleve në tubula.
Pamjaftueshmëria postrenale e veshkave është pasojë e bllokimit të rrugëve urinare; shkaktohet nga prostata e zmadhuar, gurët, cikatricet/strikturat, gjaku i mpiksur, kirurgjia (sidomos histerektomia)
Simptomat
Shenjat dhe simptomat: Hiperkalemi, acidozë metabolike, oliguri. Diagnoza është eozinofiluria dhe tregon nefrit alergjik (tubulointersticial) ose embolizëm atherosklerotik. Prania e segmenteve eritrocitike tregon glomerulonefrit. Trajtimet që mund të parandalojnë formimin e gurëve në veshka janë të mundshme në çdo rast. Prova të qëndrueshme sugjerojnë se marrja e lëngjeve në sasi të madhe mund të ulë rrezikun e gurëve. Përveç kësaj, sapo të zbulohet shkaku i formimit të gurit, mund të përdoren mjekime të ndryshme apo ndryshime në dietë për të parandaluar gurët e rinj. Tipi i mjekimit varet nga gjaku dhe testet e urinës, përveç se zbrazni mbeturinat dhe lëngjet nga trupi juaj.

Bimët mjekësore:
1-Trëndafil i egër.
2-Kamomil.
3-Lëng kumbullash.

Shenjat dhe simptomat:
1. Sistemi tretës: Anoreksi, pështjellim, të vjella.
2. Gjaku: hemorragji si pasojë e keqfunksionimit të trombociteve.
3. Çrregullime të volumit intravaskular që janë pasojë e humbjes së aftësisë të veshkave për të rregulluar përqendrimin e urinës.
4- Anemia është pasojë e mosprodhimit të eritropoetinës.
5-Djersitje e vazhdueshme.
6-Fryrje e trupit.
7-Ethe.
8-Dobësi.
9-Urinë e turbullt me erë të keqe.
10-Temperaturë.

Roli i veshkave për organizmin
Veshkat tuaja luajnë një sërë funksionesh të rëndësishme: Rregullojnë ujin në trup dhe përbërës të tjerë kimikë në gjak si: Sodiumin, potasin, fosforin dhe kalciumin; largojnë mjekimet dhe helmimet nga trupi juaj; çlirojnë hormonet në gjak për të ndihmuar trupin; rregullojnë presionin e gjakut; krijojnë qelizat e kuqe; nxisin kockat e forta. Pjesa më e madhe e gurëve në veshka mund të trajtohet duke rritur sasinë e marrë të lëngjeve, ndryshime në dietë dhe mjekime. Rreth 90% e gurëve, kalojnë vetë brenda 3 deri 6 javëve. Disa tipa gurësh mund të shpërbëhen me anë të mjekimeve; megjithatë, gurët me përbërje kalciumi (tipi më i zakonshëm), nuk mund të shpërbëhet. Gurët gjithmonë duhet të hiqen kur ka infeksione, bllokime dhe dëmtime në veshka. Kur heqja e tyre bëhet e domosdoshme, ekzistojnë disa metoda të ndryshme për ta bërë këtë.

Meshkujt, më të prekur nga gurët në veshka
Gurët në veshka janë më të zakonshme tek burrat dhe më saktësisht, katër në pesë raste kanë gurë në veshka. Normalisht, urina përmban substanca që parandalojnë formimin e kristaleve. Megjithatë, kjo nuk funksionon për të gjithë. Disa nga faktorët që kontribuojnë në formimin e gurëve tek njerëzit e prekshëm janë: Marrja e pakët e lëngjeve, infeksione kronike në rrugët urinare. Rreth 80% e kancereve të veshkës janë karcinoma qelizore renale, ky tip kanceri mendohet të ketë lidhje me moshën, pasi haset tepër rrallë nën 40-vjeçarët. Tumoret beninje të veshkave mund të rrinë në trup si të padëmshëm. Tumoret malinje shpesh janë në stad të avancuar kur ne i zbulojmë e në përgjithësi nuk i përgjigjen mirë trajtimit mjekësor. Për këtë arsye, veshka e sëmurë zakonisht hiqet në një nefroektomi.

4 shprehi që i dëmtojnë rëndë veshkat

Nefronet (qelizat) e veshkave për çdo 45 minuta filtrojnë pesë litra ujë, që i përmban gjaku. Për këtë arsye, organizmi i shëndetshëm mund që çdo 24 orë të largojë rreth dy litra mbetje të panevojshme në formë të urinës. Këtë detoksikim natyral mund ta çrregulloni në së paku katër mënyra.

1. Përdorimi afatgjatë i tabletave kundër dhimbjeve
Përdorimi afatgjatë i tabletave kundër dhimbjeve, veçanërisht në sasi të mëdha, ndikon dëmshëm në indin dhe strukturën e veshkave. Edhe ilaçet që merren me recetë, edhe ato pa recetë, mund të ndikojnë në reduktimin e rrjedhës së gjakut në veshka. Ilaçet josteroide kundër inflamacioneve që përdoren për shërim të dhimbjeve dhe temperaturës së lartë janë shkaktare kryesore të një gjëje të tillë. Ndërmjet 1 dhe 3 për qind të rasteve të reja të sëmundjes kronike të veshkave në vit mund të shkaktohen me keqpërdorim të ilaçeve kundër dhimbjeve. Efekt të ngjashëm mund të kenë edhe disa ilaçe kundër shtypjes së lartë.

2. Cigaret
Efekti negativ i cigareve në mushkëri dhe zemër tashmë është i njohur, por studimet zbulojnë se duhanpirësit janë më të prirë për të pasur proteina në urinë, gjë që është shenjë e dëmtimit të veshkave. Sëmundjet që ndikojnë në punën e veshkave, siç janë diabeti dhe shtypja e lartë, gjithashtu e përkeqësojnë varësinë nga cigaret, ndërsa duhanpirësit më shpesh kanë nevojë për dializë ose transplantim të veshkave, kanë zbuluar studimet.
3. Ushqimi i pasur me sheqer
Sheqeri i tepërt sjell probleme shëndetësore, siç janë diabeti dhe mbipesha, ndërsa këto janë faktorë për sëmundjen e veshkave. Reduktojeni konsumimin e sheqerit në organizëm dhe do ta reduktoni rrezikun nga sëmundjet e përmendura. Më pak sheqer i përpunuar do të thotë edhe më pak kalori, substanca kimike dhe kripë, ndërsa mesi dhe veshkat do të jenë mirënjohëse!

4. Kripa e tepërt
Ushqimi me shumë kripë e rit shtypjen e gjakut. Shtypja e lartë e gjakut i dëmton veshkat, ndërsa me kalimin e kohës mund të sjellë edhe deri te dështimi i veshkave. Derisa ushqimi i zakonshëm amerikan përmban rreth 3 300 mg kripë në ditë, organizatat shëndetësore rekomandojnë konsumim ditor prej 2 300 mg në ditë, pra rreth një lugë të vogël me kripë. Personat me shtypje të lartë dhe me veshka të sëmura duhet që të konsumojnë edhe më pak kripë – rreth 1 500 mg në ditë. Për fillim, reduktojeni konsumimin e ushqimit të përpunuar.

http://www.tiranaobserver.al/2013/06...-si-kurohen-2/

[JuliusB]

Po postoj ketu se nuk doja te hapja nje teme te re. A ka rreziqe ne bombardimin me rreze te gureve te veshkave ? A eshte efikase ? Dhe sa mund te kushtoje ne nje spital privat dhe sa ne shteteror ? Ju lutem mjekeve te forumit per nje pergjigjje...

[sirena_adria]

Mëngjeset për shëndetin e veshkave, kujdesi që ju duhet

Ushqyerja e shëndetshme dhe e ekuilibruar është thelbësore për shëndetin e veshkave ndërkohë që ata që vuajnë prej tyre duhet të tregojnë kujdes të dyfishtë.

Duke qenë se mëngjesi është vakti më i rëndësishëm , përzgjedhja e ushqimeve të duhura për veshkat është e një rëndësie të madhe.

Hani Frutat Dhe Perimet e Duhura

Nëse vuani nga veshkat, atëherë duhet të tregoni kujdes me nivelet e kaliumit në trup. Pjeshkët, dardhat, frutat e pyllit, mollët, qershitë, ananasi, shalqini, specat, qepët, brokoli janë ushqime të mira për veshkat që mund t’i hani në mëngjes. Në mëngjes nuk duhet të hani domate, patate, banane dhe lëng portokalli.

Kujdes Me Proteinën

Nivelet e larta të proteinës shkaktojnë një barrë të rëndë për veshkat dhe mund të nxisin akumulimin e dëmshëm të tyre në gjak. Nëpërmjet mjekut ju mund të përcaktoni një menu të shëndetshme e të kujdesshme me përmbajtje të ulët proteine. Mëngjeset me nivele të ulëta të proteinës përfshijnë: fruta, perime, drithëra, tërshërë dhe petulla me drith të plotë.

Hiqni Dorë Nga Kripa

Ushqimet e pasura me kripë kontribuojnë në sëmundjet e veshkave dhe këto të fundit e kanë të vështirë të përpunojnë dhe filtrojnë sasitë e mëdha të kripës. Ekspertët këshillojnë që mëngjesin ta nisni me një vakt pa kripë ku mund të hani fruta, perime, vezë të ziera fort dhe drithëra. Në mëngjes nuk duhet të hani salçice ose sallamëra sepse përmbajnë shumë kripë.


Disa Rekomandime

Ekspertët këshillojnë që njerëzit që vuajnë nga veshkat të konsumojnë në mëngjes një nga alternativat e mëposhtme:

- Një tas me tërshërë të pasur me hekur,

- Fruta të freskëta si mollë, dardha dhe pjeshkë,

- Një panine me bukë gruri dhe një vezë të zier fort, të shoqëruar me një filxhan me fruta pylli. Nëse bëni krepa në shtëpi, bëjini me miellin e drithit të plotë dhe shoqërojini ato me fruta të freskëta e jo shurup.


/ AgroWeb / Metro

https://gazetametro.net/mengjeset-pe...i-qe-ju-duhet/

[sirena_adria]

Si të Mbroni Veshkat – Mënyrat Natyrale

Në mjekësi, veshkat njihen të kenë çelësat e pushtetit në organizëm, sepse në këto organe ruhet dhe shpërndahet energjia e dobishme për trupin.

Veshkat filtrojnë gjakun, ekuilibrojnë lëngjet dhe rregullojnë nivelin e aciditetit dhe alkalinës në organizëm. Ato kontrollojnë funksionet riprodhuese dhe janë burim kryesor i gjallërisë.

Eekspertët mjekësorë besojnë se çdo organ apo sistem është përgjegjës për disa aspekte psiko-emocionale të sjelljes sonë.

Një njeri, veshkat e të cilit janë të shëndetshme, ka më shumë zgjuarsi, ndërgjegjësim për veten, dhe një mënyrë racionale të të menduarit.

Veshkat problematike i shkaktojnë njeriut pasiguri, vetmi, humbje kujtese, sjellje impulsive të tepruara. Shëndeti i veshkave nuk duhet anashkaluar dhe kjo nis duke u ushqyer siç duhet.

Këshillat për veshka të forta

Ushqimet me kripë janë të mira për veshkat, por kripa e tepërt shkakton dëm.
Shmangni ose minimizoni sasitë e kafesë, çokollatës, sheqerit dhe stimuluesve.
Shmangni ushqimet shumë të ftohta dhe pijet me akull.
Pakësoni ose hiqni dorë nga lëngjet e pasterizuara të frutave përveç lëngut të boronicës së kuqe pa sheqer shtesë, e cila i bën mirë veshkave dhe fshikëzës.
Veshkat bëhen më të forta me lëngun e kockave të bagëtisë së ushqyer me bar.
Pini 8-10 gota ujë në ditë, ose lëngje në formën e supës, çajit ose perimeve të ziera.
Gjatë dimrit mund të rrisni pak dozën e kripës së detit dhe yndyrës.
Burimet detare ushqimore janë të rëndësishme. Mund të veçojmë kripën e detit apo peshkun e detit dhe jo atë të rezervatit.
Sigurohuni të pushoni dhe flini mjaftueshëm.
Mos e teproni me të ngrënit dhe mos hani në mbrëmje vonë.
Ruani ekuilibrat e proteinave, karbohidrateve dhe yndyrnave cilësore.
Konsumoni më shumë minerale me ushqimet nga deti dhe algat e ngrënshme.
Frika është emocioni që dëmton veshkat, ndaj përpiquni ta kapërcejeni këtë problem.


Ushqimet që u bëjnë mirë veshkave

Drithërat: Hikrra, orizi i zi dhe elbi.

Bishtajoret: Soja e zezë.

Perimet: Panxhari, gjethet e panxharit, lakra e kuqe, majdanozi, rradhiqja e kuqe.

Frutat: Boronicat, manaferrat, boronica e kuqe, luleshtrydhet, manat, rrushi dhe shalqini.

Algat: Spirulina, klorella.

Farat: Chia, suzami i zi, orizi i egër.

Arrorët: Arrat, lajthitë, gështenjat.

Erëzat: Suzami, turshitë, kripa e detit, salca e sojës, uthulla, çaji jeshil.

Gatimet miqësore për shëndetin e veshkave: Gatimet me avull dhe fermentimi.


/AgroWeb.org

https://agroweb.org/shendet/si-mbron...yrat-natyrale/


* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

[sirena_adria]

Pesë ushqime që janë shumë të dëmshme për veshkat

Ajo që hani mund të luajë një rol të madh në shëndetin e veshkave tuaja. Mishi i kuq, spinaqi, patatet, ushqimi i kripur dhe pijet e gazuara duhet të shmangen nëse keni probleme me veshkat.

Rreziku i zhvillimit të problemeve shëndetësore të veshkave ndikohet nga disa faktorë, një prej të cilëve është gjenetika. Por janë disa ushqime që dëmtojnë shëndetin e veshkave.

Mish i kuq

Sipas mjekëve nuk dihet të hani më shumë se tre porcionet të rekomanduara të mishit të kuq në javë. Sipas një studimi të vitit 2017 të botuar në Journal of the American Society of Nefrology, konsumi i lartë i mishit të kuq ishte i lidhur ndjeshëm me problemet e veshkave, por zëvendësimi i një porcioni mishi të kuq me një burim tjetër proteinash mund të zvogëlojë rrezikun deri në 62.4 për qind.

Spinaqi

Nëse nuk keni probleme me shëndetin e veshkave, nuk keni shumë arsye të shqetësoheni për konsumimin e spinaqit. Spinaqi është një shtesë në sallatat ose smoothiet tuaja të preferuara, është i pasur me lëndë ushqyese dhe luan një rol të rëndësishëm në shumicën e dietave. Megjithatë, spinaqi mund të jetë problem për ata që kanë probleme me veshkat.

Spinaqi mund të përmbajë deri në 1260 miligramë oksalate për porcion, gjë që mund të përbëjë probleme për ata që tashmë kanë probleme me shëndetin e veshkave. Në fakt, një studim i botuar në “Journal of the American Society of Nefrology” zbuloi se konsumi i konsiderueshëm i oksalatit në dietë lidhej me një rrezik më shumë se 20 për qind të rritjes së gurëve në veshka tek burrat dhe gratë e moshuara dhe se spinaqi ishte zakonisht burimi kryesor i oksalatit.

Patate

Patatet janë një burim i pasur kaliumi, që përmbajnë deri në 1640 miligramë lëndë ushqyese, ose gati gjysmën e AZHR-së për një mashkull të rritur. Fatkeqësisht, nëse keni probleme me veshkat, patatet mund të shkaktojnë probleme.

Ushqim i kripur

Ushqimet e kripura si patatinat nuk janë të dëmshme vetëm për barkun, por mund të dëmtojnë edhe veshkat tuaja. Një artikull i vitit 2018 i botuar në revistën “Kërkimi i veshkave dhe presionit të gjakut” zbuloi se, në mesin e një grupi prej 12,126 njerëzish me konsumin më të lartë të kripës, 29 përqind kishin më shumë gjasa të kishin dëmtim të veshkave sesa ata me një konsum më të moderuar të kripës.

Pijet e gazuara

Nëse pini rregullisht pije të gazuara me sheqer, mund të keni probleme me shëndetin e veshkave para se ta kuptoni. Një studim i vitit 2016 i botuar në revistën Nefrologji zbuloi se midis 2,382 pacientëve të rritur të vëzhguar si pjesë e Studimit të Lipideve dhe Glukozës, ata që konsumonin më shumë se katër pije të gazuara me sheqer çdo javë kishin dukshëm më shumë gjasa të zhvillonin sëmundjen kronike të veshkave.


Gazeta Telegraf

https://telegraf.al/shendetesi/pese-...e-per-veshkat/

[sirena_adria]

Ushqimet që duhet të hani, për të pasur veshka të shëndetshme!

Veshka kërkon një ushqim që ta mbajë shëndetshme atë. Çdo organ i trupit lidhet me organet e tjera, për ta bërë trupin që të funksionojë. Edhe veshka me stomakun kanë një lidhje të ngushtë me njëri-tjetrin.

Veshkat kryejnë funksionet e tyre përkatëse në baza ditore për të mbajtur një bilanc kimik në trup. Trupi i njeriut duhet të mbajë një bilanc kimik për parandalimin e sëmundjes kronike dhe anomalive të tjera, që mund të ndikojnë edhe te organet e tjera.

Funksionet e veshkave konsistojnë në:

-Rregullimin e presionit të gjakut

-Ekskretimin

-Mban në kontroll nivelin e ujit

-Rregullon acidet

-Stimulon qarkullimin e qelizave të kuqe të gjakut etj,


Ja ushqimet që e mbajnë të shëndetshme veshkën, dhe ato janë:

Boronicat

Vitaminat dhe mineralet që përmbajnë boronicat janë të rëndësishme për trupin e njeriut. Antioksidantët që përmban boronica, ndihmojnë edhe në funksionimin e veshkave.

Lulelakrat

Janë të ulëta në natrium dhe veshkave nuk ju duhet shumë kripë që të funksionojnë mirë.

Levreku

Nëse e doni ushqimin e detit, shëndeti i veshkave mund të jetë një sfidë për t’u ruajtur. Në vend që të zgjidhni varietetet e tjera, mund të shtoni levrekun në dietën tuaj. Është relativisht i ulët në kalium dhe fosfor. Ajo gjithashtu përmban omega 3 që eliminon shanset e anomalive metabolike në trup, duke lehtësuar funksionin e veshkave.

Rrushi i kuq

Rrushi i kuq është i pasur me antioksidantë edhe vitamina. Këto veti të mrekullueshme të rrushit, e bëjnë atë të ulët në natrium, kalium dhe fosfor.

Vezët e bardha

Mund të jenë të mbushura me proteina, janë të pasura me fosfor. Por nëse do ta shohim mirë, nëse hani vetëm vezët e bardha veshka juaj do të jetë më shëndetshme, pasi ka pak fosfor.

Hudhra

Hudhra është një ushqim antiinflamator, është jashtëzakonisht e ulët në kalium, natrium dhe fosfor. Hudhra gjithashtu mund të ndihmojë në promovimin e funksionit të veshkave duke eliminuar toksinat e pranishme në gjak.

Lakra

Lakrat janë një burim i mirë i fibrave, të cila janë të nevojshme për lëvizjen e rregullt të zorrëve. Lakrat gjithashtu heq toksinat e ndryshme nga qarkullimi i gjakut përmes procesit të ekskretimit.

Pule pa lëkurë ose fileto

Njerëzit me probleme të veshkave duhet të kufizojnë marrjen e këtyre proteinave. Por edhe proteina është thelbësore, pule pa lëkurë mund të konsiderohet një opsion i mirë.

Spec i kuq

Specat e kuq janë të pasur me vitamina dhe antioksidantë. Ata janë të përsosur për një dietë të shëndetshme për veshkat, pasi ato janë të ulëta në natrium, kalium dhe fosfor.

Qepa

Qepët, hudhrat dhe vaj ulliri janë ushqime pa kripë. Qepët kanë veti antiinflamatore, janë të larta në antioksidantë dhe pa sodium, fosfor, kalium.

Rukola

Përveç përfitimeve të shumta të këtyre gjetheve të gjelbra, rukola është e shkëlqyer për shëndetin e veshkave

Rrepa e kuqe

Rrepat janë të larta në ujë dhe lëndë ushqyese thelbësore. Ato përmbajnë sasi të vogla të kaliumit dhe fosforit, dhe janë zgjedhja ideale për shëndetin e veshkave.

Rrepa lejla

Janë të pasura në lëndë ushqyese, nuk kanë shumë kalium etj.

Ananas

Ananaset janë të pakët në kalium, në dallim nga shumica e frutave tropikale. Frutat tropikale janë përgjithësisht të larta në kalium, të cilat mund të jenë të dëmshme për shëndetin e veshkave.

Boronica të kuqe

Boronicat e kuqe, janë të pasura me antioksidantë. Ato gjithashtu reduktojnë inflamacionin urinar dhe ulin infeksionin në veshka.


Gazeta Infokus

https://gazetainfokus.com/ushqimet-q...e-shendetshme/

[sirena_adria]

Shëndeti i Veshkave Nis në Tryezë – Cilat Janë Ushqimet më të Mira!

Shëndeti i veshkave është thelbësor për mirëqenien tonë.

Problemet me veshkat shkaktojnë sëmundje të tjera kardiovaskulare.

Për fat të mirë ka disa ushqime që i mbajnë veshkat të shëndetshme, falë antioksidantëve që janë armiq të sëmundjeve kronike.

Ndaj është shumë e rëndësishme që të ushqeheni me ushqime të pasura me antioksidantë, të cilat do t’i gjeni në listën e mëposhtme të përpiluar nga AgroWeb.org


Ushqimet më të mira për veshkat

Specat e kuq

Specat e kuq përmbajnë pak kalium por shumë vitamina si C, B6, A, acid folik dhe fibër. Janë shumë të mira për shëndetin e veshkave.

Specat e kuq përmbajnë likopen, një antioksidant që e mbron organizmin nga radikalet e lira.

Specin e kuq mund ta konsumoni bashkë me peshkun ton, mishin e pulës ose në sallata.

Lakra

Kjo perime është e pasur me fitoushqyes që largojnë radikalet e lira nga organizmi dhe pakësojnë rrezikun e sëmundjeve kardiovaskulare.

Sipas ekspertëve të AgroWeb.org, kjo perime përmban vitaminat K dhe C, fibër, vitaminat B6, dhe acid folik që i mban veshkat të shëndetshme.

Lulelakra

Kjo perime miqësore me veshkat është një burim i pasur me vitaminë C, folat dhe fibër.

Ajo ka edhe disa përbërës të rëndësishëm për mëlçinë dhe neutralizon substancat toksike.

Lulelakra konsumohet e gatuar me avull, e zier si edhe përfshihet në sallata.

Hudhra

Lufton inflamacionin dhe kolesterolin. Ajo përmban antioksidantë dhe parandalon mpiksjen e gjakut, duke i ardhur në ndihmë veshkave.

Hudhra përdoret në shumë gatime si me me mish, perime, peshk dhe salcë domate.

Qepët

Qepët përmbajnë flavonoidë dhe kuercetinë që parandalojnë depozitimin e yndyrnave në enët e gjakut.

Kuercetina është një antioksidant që mban larg sëmundjet e zemrës.

Ekspertët e AgroWeb.org shpjegojnë se qepët janë shumë të mira për veshkat dhe kanë pak kalium.

Ato përmbajnë krom që ndihmon në metabolizimin e yndyrnave, proteinave dhe karbohidrateve.

Mollët

Një mollë e vetme është burim i pasur fibre dhe substancash që luftojnë inflamacionin.

Ajo largon kolesterolin e keq, shmang konstipacionin dhe sëmundjet e zemrës.

Ky frut i bukur mund të konsumohet edhe si pije e shijshme.

Frutat e pyllit

Boronicat përmbajnë anthocianidinë, një antioksidant që largon toksinat dhe inflamacionin.

Ato përmbajnë vitaminë C, fibër dhe mangan. Boronicat bëjnë mrekullira edhe për kockat.

Mjedra përmban një acid që neutralizon radikalet e lira në organizëm.

Luleshtrydhet janë të pasura me antioksidantë, vitaminë C, mangan, fibër por edhe shumë subtanca kundër inflamacionit, që garantojnë shëndetin e zemrës dhe veshkave.

E bardha e vezës

Përbën proteinën më të pastër dhe më cilësore që mund të gjendet në tokë.

Ajo përmban amino acide të rëndësishme dhe pak fosfor që e bën fantastike për shëndetin e veshkave.

Peshku

Peshku është një burim i pasur proteinash. Rekomandohet që të konsumoni dy ose tre herë peshk në javë.

Peshku përmban acidet yndyrore omega-3 që parandalon radikalet e lira dhe sëmundjet e zemrës.

Peshku është i dobishëm kundër kolesterolit të keq dhe rritjes së nivelit të kolesterolit të mirë.

Vaji i ullirit

Vaji i ullirit përmban acid oleik që mbron organizmin kundër oksidimit.

Për më tepër, polifenolët dhe antioksidantët luftojnë inflamacionin dhe mbajnë veshkat të shëndetshme.

Nëse i kushtojmë trupit më shumë vëmendje se bukurisë së jashtme, do të ndihemi dhe do të dukemi më mirë se kurrë.

Shëndeti i veshkave është thelbësor për një organizëm të shëndetshëm dhe jetë të qetë.


/ AgroWeb.org

https://agroweb.org/shendet/shendeti...ushqimet-mira/

[sirena_adria]

Si të Përkujdeseni për Veshkat në Stinën e Verës

Në stinën e nxehtë të verës, trupi i njeriut është shumë i brishtë dhe goditet në disa fronte.

Këputja fizike nga vapa dhe dehidratimi janë dy probleme që shkaktojnë shumë stërmundim për shumë organe në trupin e njeriut.

Në përkujdesjen ndaj shëndetit në stinën e verës, njeriu duhet të jetë veçanërisht i vëmendshëm ndaj veshkave.

Roli I Veshkave Në Organizëm

Veshkat ruajnë ekuilibrat e lëngjeve në trup.

Ato filtrojnë mineralet dhe mbetjet ushqimore apo ato të medikamenteve nga gjaku.

Për këto funksione bazë, veshkat kanë nevojë për shumë lëngje që të pastrojnë organizmin nga toksinat dhe infeksionet e mundshme.


Si Të Përkujdeseni Për Veshkat Në Stinën e Verës

Nga rrjedha e përditshme e jetës, mund të harrojmë shumë hapa bazë për mbrojtjen e shëndetit, sidomos në ditët përvëluese të verës.

AgroWeb.org ju këshillon që në verë të tregoheni të vëmendshëm ndaj shëndetit të veshkave i cili përkeqësohet si pasojë e temperaturave të larta.

Këto të fundit mund të nxisin formimin e gurëve në veshka ndërkohë që dehidratimi mund të shkaktojë një dështim akut të tyre.

Konsumoni Më Shumë Lëngje

Konsumi i pakët i lëngjeve dhe ujit mund të nxisë infeksionet e veshkave dhe ato urinare sepse veshkat nuk e pastrojnë organizmin dhe toksinat mbeten brenda nesh.

AgroWeb.org ju sugjeron konsumin e 1.5 deri në 2 litra ujë në ditë për të mbajtur infeksionet larg.

Uji me limon dhe dhalla janë dy mënyra të mira jo vetëm për tu hidratuar por edhe për më shumë shëndet.

Kujdes Me Medikamentet

Tregoni durim me dhimbjen dhe përpiquni të frenoni dëshirën për të konsumuar një ilaç kundër dhimbjes.

Konsumi i tepruar i këtyre ilaçeve mund të shkaktojë probleme në funksionin e veshkave.

Një prej këtyre ilaçeve që i bën dëm veshkave është ibuprofeni i cili nuk duhet konsumuar rregullisht dhe pa u konsultuar me mjekun.

Shmangni Kafeinën

Kafeina ju dehidraton dhe ky i fundit i stërmundon veshkat.

Përpiquni të hani sa më shumë perime dhe fruta të cilat e mbajnë trupin të freskët.

E fundit por jo nga rëndësia, ekspertët këshillojnë shmangien e qëndrimit afatgjatë në diell që të mos dehidratoheni.


/ AgroWeb.org