Huqi del perseri huq..

[Brari]

Arrestohet prodhuesi i kartave false
47


Kronikee Premte, 7 Qershor, 2013 | 11:35 am


Ylber Huqi, i arrestuar nga policia

I arrestuari Ylber Huqi i dënuar edhe më parë, klonoi vulat e komunave dhe të disa shkollave. Tiranë, policia zbulon bazën e falsifikimeve, pranga 61-vjeçarit. Policia e Tiranës arrestoi dje një 61-vjeçar, në banesën e të cilit u gjetën karta identiteti false, dhjetëra lloje dokumentesh zyrtare, si dhe vula institucionesh që dyshohen të jenë të falsifikuara. Burimet zyrtare thanë se i arrestuari është Ylber Huqi, i dënuar më parë për të njëjtën akuzë në vitin 2008. Edhe pse ka vuajtur 3 vjet burg dhe ka paguar 400 mijë lekë të rinj gjobë, i moshuari e ka përsëritur krimin e falsifikimit, pasi dje është kapur në flagrancë. Ylber Huqi e kishte provuar edhe më parë që të pajiste me dëftesë të shkollës së mesme persona që s’e kishin përfunduar gjimnazin, apo t’u jepte patentë shoferëve që nuk kishin bërë asnjë ditë kurs në autoshkollë. Së fundi kishte nisur të “prodhonte” edhe karta identiteti, të cilat nëse janë false apo me gjeneralitete të vjedhura, pritet që të provohet nga ekspertët e Policisë. Për Policinë, mbetet i dyshimtë edhe qëllimi i personave që janë pajisur me këtë dokument identifikimi, pikërisht në kohë fushate dhe në prag të zgjedhjeve parlamentare të 23 qershorit. Për shkak të kapjes në kushtet e flagrancës, pasi ishte hetuar për 4 muaj me radhë me metodat speciale të Policisë, Ylber Huqi nuk ka mohuar asnjë prej akuzave. Ai ka shpjeguar se këtë “punë” e kryente pasi kishte shumë persona të interesuar për dokumente të tilla. ARRESTIMI Paraditen e djeshme, Gjykata e Tiranës ka dhënë në mungesë masën e sigurisë “arrest me burg”, në ngarkim të 61-vjeçarit Ylber Huqi dhe një personi tjetër që është shpallur në kërkim, për akuzën e “falsifikimit të vulave, stampave e formularëve”. Vetëm pak orë pas vendimit të Gjykatës, rreth orës 14:00, Policia e kryeqytetit ka vënë në pranga brenda banesës së tij te “Xhamlliku”, që përdorej edhe si bazë për prodhimin e kartave, të dyshuarin Huqi. “Pas një hetimi 4-mujor u mundësua dokumentimi ligjor i përfshirjes së këtij shtetasi në aktivitetin e falsifikimit të dokumenteve zyrtare, si vula të Drejtorisë Rajonale të Transportit Rrugor, vula të komunave Paskuqan, Kryevidh etj., si dhe certifikata e karta identiteti”, tha dje zyrtarisht Policia e Tiranës. Veç dokumenteve false, në banesën e tij u gjet edhe një sasi prej 2 kilogramësh bimë narkotike. DENIMI Me një vendim të datës 10 korrik të vitit 2008 të Gjykatës së Tiranës, 61-vjeçari Ylber Huqi është dënuar me 3 vjet burg e 400 mijë lekë të rinj gjobë, pasi u shpall fajtor për akuzën “falsifikim i vulave, stampave e formularëve” dhe prodhim të mjeteve për falsifikim.

ETLEVA DELIA

panorama

[benseven11]

Cfare pune ka bere ky Ylber Kuqi?
Ka punuar ne shtet,ne fshat,ne ndonje biznes? Nuk thuhet..
A eshte verifikuar identitteti I tij,emri I vertete dhe ku ka punuar me pare?
Mundet qe ky te kete ndryshuar fallsifikuar identitetin e tij te vertete dhe
del per policine me kete emer Ylber dhe eshte denuar dy here
me kete emer.
Nje fallsifikator qe krijon identitete fallco per miletin ,ka te ngjare
qe edhe emrin e vet qe del ne publik e ka fallco.

[BOKE]

O Ben llogjika ta do qe do ishte ne favor te tij te dilte me emer tjeter se do thoshte qe e kam per here te pare e ndoshta do ja hidhte me me pak denim. Se kjo qe thua ti eshte qe ai t'ja fusi vetes me keq, nqs e ka te perseritur.