Disa ekspertë dhe shtetas thanë se një lëvizje radikale islamike, partia e re politike e Kosovës, Bashkohu, nuk duhet të lejohet të regjistrohet si një njësi politike, por të tjerë thanë se ligji nuk mund të ndalojë një parti për ideologjinë e saj.
Lëvizja ka organizuar protesta në Prishtinë në përkrahje të ngritjes së një xhamie të re dhe kundër shkollave që ndalojnë vajzat me shami koke të ndjekin mësimet. Një nga themeluesit e Bashkohu, Fuad Ramiqi, qe arrestuar në maj 2010 nga forcat e sigurisë të Izraelit gjatë bastisjes së flotiljes së Gazës në anijen Mavi Marmara.
“Më qoftë se kjo lëvizje është e regjistruar si një parti politike kjo do të ishte jo-kushtetuese dhe e paligjshme,” i tha gazetës Jeta në Kosovë avokati i popullit i Kosovës Sami Kurteshi.
Aktualisht ligji i Kosovës ndalon vetëm anëtarët e partisë që janë paditur apo dënuar nga Gjykata Penale Ndërkombëtare për ish Jugosllavinë apo anëtarët që shkelin ligjin.
“Në një demokraci, një parti nuk mund të ndalohet për shkak të ideologjisë,” i tha SETimesSeb Bytyçi, drejtor ekzekutiv i Institutit të Politikës së Ballkanit.
“Unë nuk mendoj se është mirë t’i ndalosh ata,” i tha SETimesPetrit Krasniqi nga Prishtina. “Sepse ndalimi i njerëzve apo partive për arsye politike nuk na jep ne një imazh të mirë dhe at mund të ktheheshin lehtë në veprimtari mafioze.”
Kreu i Bashkphu, Afrim Krasniqi i tha SETimes se lëvizja do të arrijë objektivat e veta dhe do ta bëjë zërin e shoqërisë civile të dëgjohet.
“Krerët e Bashkohu, në konsultime të gjera me aktivistët, erdhën në përfundimin se lëvizja duhej të regjistrohej si një njësi politike me emrin Lëvizja Islamike Bashkohu,” tha Krasniqi.
Krasniqi tha se ata kanë përfshirë emrin “Islamike” nga që partia do t’u shërbejë shtetasve bazuar në parimet islamike të lirisë, drejtësisë dhe barazisë dhe për të qenë kundër çdo dukurie negative në Kosovë.
“[Ne] nuk përbëjmë rrezik ndaj tolerancës fetare, përkundrazi, ne jemi më shumë për këtë tolerancë me të cilët ne, myslimanët jemi krenarë,” tha ai.
Megjithatë, disa ekspertë thanë se ndikimi politik i Bashkohu do të jetë minimal.
“Për votuesit, ajo nuk do të jetë një parti serioze,” i thaSETimesstudiuesi Fatlum Sadiku në Institutin për Studime Ndërkombëtare të Prishtinës. “Sepse përvoja thotë se një parti, për të gjetur mbështetje të madhe duhet të ketë drejtues karizmatikë dhe agjendë të mirë politike.”
Anesa Dauti, një studente e ligjit nga Prishtina i thaSETimes se Bashkohu kishte një imazh të keq në shoqëri dhe ata duhet të qëndronin jashtë politikës.
“Janë disa incidente që për mua, personalisht, nuk e bëjnë këtë grup të besueshëm dhe është më mirë në qoftë se ai nuk do të ishte regjistruar. Unë nuk besoj në sinqeritetin e tyre dhe feja me politikën nuk mund të zgjidhë problemet tona,” tha Dauti.
Gazeta Tema
Krijoni Kontakt