Shtypi i huaj për shqiptarët.

[DYDRINAS]

16-02-1971

Voetbalploeg in Albanië ontsmet

TIRANA (AP) — De Westduitse voetbalploeg is gedesinfecteerd. Toen de ploeg met aanhang, in totaal 120 man, gisteren aankwam in Tirana, de hoofdstad van Albanië, moest iedereen in het vliegtuig zijn handen, in een desinfecterende vloeistof dompelen. Pas. daarna mocht mén de stad in. 'We willen voorkomen dat bacteriën het land worden binnengebracht,' verklaarde een hoge Albanees.

http://kranten.kb.nl/view/article/id/ddd%3A010957447%3Ampeg21%3Ap001%3Aa0004

Në Shqipëri dezinfektohet ekipi i futbollit.

Tiranë (AP) - Dezinfektohet ekipi i futbollit të Gjermanisë Perëndimore. Sapo mbërriti në Tiranë, kryeqyteti i Shqipërisë, ekipi bashkë me delegacionin që e shoqëronte, gjithsej 120 persona, duhej që gjithësecili që gjendej në avion ti zhyste duart në një lëng dezinfektues. Vetëm pas kësaj delegacioni mund të hynte në Tiranë. "Ne duam që të parandalojmë depërtimin e baktereve në vendin tonë" - deklaroi një zyrtar i lartë shqiptar.

[DYDRINAS]

Leeuwarder courant : hoofdblad van Friesland

11-12-1991

Shqiptarët në rradhë për bukë.

http://kranten.kb.nl/view/article/id/ddd%3A010567748%3Ampeg21%3Ap001%3Aa0102

[DYDRINAS]

Gazeta hollandeze Friese koerier

18-08-1969

Komunistët akordojnë azil

Familja e doktorit grek detyron DC-3 të ulet në Shqipëri.

ATHINË (PDSH) – Avioni i rrëmbyer DC-3 i shoqërisë ajrore greke "Olympic Airways", që kishte zbritur në Shqipëri, u kthye të dielën bashkë me pasagjerët dhe ekuipazhin në Athinë. Në mesin e udhëtarëve nuk gjëndëshin doktori 40-vjeçar grek Vasilios Tsironis, gruaja dhe dy djemtë e tij dhjetë dhe dymbëdhjetë vjeç, të cilët një ditë më parë nën kërcënimin e thikave dhe revolverëve e detyruan pilotin që të ndryshojë kursin e DC-3, që duhej të fluturonte nga Athina për Janinë, në Greqinë veriore dhe ul në një fushë me bar, në qytetin jugor shqiptar të Vlorës. Doktori grek kërkoi këtu azil për vete dhe për familjen e tij, sepse ai nuk mundi të jetojë më në Greqi. Doktori dhe familja e tij qëndruan në Shqipëri.

http://kranten.kb.nl/view/article/id/ddd%3A010690882%3Ampeg21%3Ap015%3Aa0230

[DYDRINAS]

Gazeta hollandeze Limburgsch dagblad

10-08-1971

Shqiptarët arratisen me anije në Korfuz

Korfuz (GREQI), 10 gusht

33 shqiptarë, që dje mbërritën me një anije në Korfuz, kanë kërkuar azil politik. Ky lajm është komunikuar nga autoritetet greke. Ata janë shtetas shqiptarë me prejardhje greke. Këto familje ishin nisur nga porti i Himarës, për të bërë një shëtitje të shkurtër në det. Për arsye sigurie ata kishin marrë me vete dhe katër kufitarë shqiptarë, por kapiteni i anijes dhe dy anëtarë të ekuipazhit kishin mbërritur që ti çarmatosnin kufitarët shqiptarë dhe ti mbanin të mbyllur në një kabinë, bashkë me anëtarët e tjerë të ekupiazhit që nuk bënin pjesë në komplot. Anëtarët e bllokuar, pas mbërritjes në Korfuz ishin lejuar, që të kthehen në Himarë.

http://kranten.kb.nl/view/article/id/ddd%3A010555964%3Ampeg21%3Ap003%3Aa0060

[DYDRINAS]

08-07-1958

Shqipëria i dërgon notë Italisë.

Tiranë - Qeveria shqiptare përmes një note i ka bërë të ditur Italisë, se nëse në territorin italian do të vendosen sisteme raketore, atëherë Shqipëria do të jetë e detyruar që të marrë masa të ngjashme.
http://kranten.kb.nl/view/article/id/ddd%3A010405079%3Ampeg21%3Ap001%3Aa0018

[DYDRINAS]

Leeuwarder courant : hoofdblad van Friesland

07-05-1958


Bazë raketore ruse në Shqipëri?

Sipas gazetës greke “Apoyematini”, rusët kanë ndërtuar në fushën Korçës (Shqipëri) një sistem të lëshimit të raketave. Në këtë gazetë thuhet se se anijet ruse sjellin vazhdimisht pajisje luftarake. Në Korçë do të ndërtohet edhe një fabrikë e municioneve.

http://kranten.kb.nl/view/article/id/ddd%3A010615010%3Ampeg21%3Ap005%3Aa0137

[DYDRINAS]

Het vrije volk : democratisch-socialistisch dagblad

28-05-1959

Aspektet misterioze

Në rast të një sulmi mbi Rusinë, atëherë ata do të përpiqen që të shkatërrojnë bazat e raketave. Bazat nuk janë vendosur në zona të braktisura, por në zonat ku jetojnë shumë njerëz, - tha udhëheqësi rus. Për më tepër Krushov tha se Hoxha, sekretari i Partisë Komuniste Shqiptare, i kishte thënë atij se marrëdhëniet me Greqinë janë "as paqe, as luftë".
The New York Times shkruan këtë mëngjes se Krushov ka kërcënuar se do të ndërtojë baza të raketave në Shqipëri, nëse Italia dhe Greqia do të pranojnë vendosjen e bazave raketore të SHBA. "Megjithatë ky kërcënim ka disa aspekte misterioze," shkruan gazeta. "Kryeministri rus pohoi botërisht dhe me zë të lartë se ata zotërojnë raketa që nga trualli rus mund të godasin çdo objektiv në tokë. Nëse kjo është e vërtetë, pavarësisht asaj që do të bëjë Italia apo Greqia, atëherë për çfarë i nevojiten bazat raketore në Shqipëri”?

http://kranten.kb.nl/view/article/id/ddd%3A010953406%3Ampeg21%3Ap001%3Aa0163

[DYDRINAS]

Friese koerier : onafhankelijk dagblad voor Friesland en aangrenzende gebieden

22-09-1966

Gazetat suedeze njoftojnë

Baza raketore kineze në Shqipëri

Stockholm (UPI) - Kina komuniste po ndërton aktualisht një bazë për projektilë të drejtuar në Shqipëri, nga e cila ata mund të lëshojnë raketa me mbushje bërthamore, kundër çdo objektivi në të gjithë Europën, njoftojnë disa gazeta provinciale suedeze. Mesazhi vjen nga Björn Hallström, korrespondenti i agjencisë suedeze të lajmeve Foerenade Landsortstidningar. Ai ka telefonuar të martën nga Dubrovniku, në Jugosllavi.

"Sapo jam kthyer nga Shqipëria, ku kam parë një instalim të madh roboti në ndërtim, në jug të portit të Durrësit në bregdetin e Adriatikut", tha Hallström.

Ai tha se objektet do të ndërtohen nga inxhinierët kinezë, që janë të vendosur në një hotel në breg të detit.


http://kranten.kb.nl/view/article/id/ddd%3A010690295%3Ampeg21%3Ap001%3Aa0006

[DYDRINAS]

De tijd : dagblad voor Nederland

23-08-1969

Burimet diplomatike: Kinezët ndërtojnë baza raketore në Shqipëri

TIRANË, 23 gusht

Specialistë dhe inxhinierë kineze të mbrojtjes janë duke i dhënë dorën e fundit një bazë raketash në qytetin shqiptar të Shkodrës, shprehen burime të mirëinformuara nga TiranA. Kjo bazë gjendet në skajin më verior të një serie prej gjashtë bazash të ngjashme, të cilat janë projektuar për të kontrolluar hyrjen në Adriatik. Bazat janë të mbështetura nga instalime disi të vjetëruara radari dhe të radios. Së bashku ata formojnë pjesë të një sistemi të ri të përgjithshëm kinezo-shqiptarë të mbrojtjes, që është duke u ndërtuar me shpejtësi. Raketat janë të destinuara kundër çdo përpjekje të forcave sovjetike për të pushtuar portet shqiptare. Padyshim që udhëheqësit shqiptarë besojnë se rusët do të donin që të rimerrnin ishullin e Sazanit. Ky ishull strategjik gjëndet jashtë portit të Vlorës dhe ishte shfrytëzuar më parë nga italianët gjatë pushtimit të Shqipërisë në prill 1939. Autoritetet shqiptare paralajmërojnë popullatën vazhdimisht se flota ruse mund të sulmojë portin tjetër më të madh në vend, atë të Durrësit dhe ata nuk e perjashtojnë mundësinë që bullgarët mund të kryejnë një manovër mashtruese në territorin jugosllav.
Vëzhguesit diplomatike në Shqipëri besojnë se bazat e raketave në Durrës dhe Vlorë janë të pajisura me raketat ruse SA-2. Këto kanë një rreze veprimi prej pesëdhjetë kilometrash, por ato janë të padobishme si një mbrojtje kundër ajrore ndaj avionëve që fluturojnë ulët. Në tri bazat e tjera janë vendosur vetëm raketa imituese, në pritje të raketave kineze. Megjithëse Shqipëria kishte kërkuar urgjentisht mbështetjen ushtarake të Pekinit, ata arritën të nënshkruajnë një marrëveshje të re dhe të fshehtë, vetëm pas pushtimit të Çekosllovakisë.
... Materialet u transportuan në pjesën më të madhe nga transportues skandinavë. Ndërkohë ka mbërritur me avion në Shqipëri, një mision i madh ushtarak kinez i përbërë nga më shumë se një mijë persona.
Ata menjëherë nisën nga puna për të përmirësuar infrastrukturën pothuajse mesjetare të vendit.

http://kranten.kb.nl/view/article/id/ddd%3A110611972%3Ampeg21%3Ap001%3Aa0001

[DYDRINAS]

Het dagblad : uitgave van de Nederlandsche Dagbladpers te Batavia


23-08-1949

Kërkohet koka e Titos

Organi zyrtar i Partisë Komuniste Sovjetike, "Pravda", në një editorial të saj, i këshillon popujt e Jugosllavisë që të “ekzekutojnë” mareshalin Tito. Artikulli është nënshkruar nga Bedri Spahiu, sekretar i Partisë Komuniste Shqiptare. Artikulli i referohet përndjekjes dhe ekzekutimit të "tradhtarëve të udhëhequr nga Koçi Xoxe”, të cilët ishin agjentët e Titos në Shqipëri. Tito me bandën e tij duhet të paguajnë me kokë, për krimet e kryera kundër kampit socialist.

Në artikull janë shënuar emrat e Titos, të ministrit të Punëve të Jashtme Kardel, të ministrit të Brëndshëm Rankoviç dhe të ministrit pa portofol Gjilas. Të gjithë këta janë përjashtuar vitin e kaluar nga Byroja Informative.

http://kranten.kb.nl/view/article/id/ddd%3A010898509%3Ampeg21%3Ap001%3Aa0025

[DYDRINAS]

Het nieuwsblad voor Sumatra

04-01-1954


Jugosllavia dhe Shqipëria

Jugosllavia ka pranuar propozimin shqiptar për të rivëndosur marrëdhëniet diplomatike. Ministria e Punëve të Jashtme në Beograd njoftoi zyrtarisht se përfaqësitë diplomatike në kryeqytetin jugosllav dhe në Tiranë do të rihapen. Të dyja përfaqësitë u mbyllën për shkak të konfliktit ndërmjet Jugosllavisë dhe Informbyrosë. Zyrtarisht, Jugosllavia dhe Shqipëria nuk i kanë prishur marrëdhëniet diplomatike.

Që prej vdekjes së Stalinit, janë rivendosur gjithashtu marrëdhëniet diplomatike ndërmjet Jugosllavisë dhe Bashkimit Sovjetik, Hungarisë dhe Bullgarisë.


http://kranten.kb.nl/view/article/id/ddd%3A010477109%3Ampeg21%3Ap003%3Aa0053

[DYDRINAS]

Limburgsch dagblad

08-01-1964

"Der Stern" shkruan: Shefi i Gestapo-s Müller, kapiten në Shqipëri

Hamburg, 8 janar (AP) – Revista gjermane "Der Stern", shkruante dje, se shefi i fundit i Gestapo-s naziste, SS gjeneral-leitnant Heinrich Müller, është ende gjallë dhe pasi i shërbeu Hitlerit dhe Stalinit, mban tashmë një post të rëndësishëm në shërbimin sekret komunist të Shqipërisë. Müller ishte eprori i drejtpërdrejtë i Adolf Eichmann, i cili në vitin 1962 u dënua me varje në Izrael, për krimet kundër popullit izraelit.
Nga Zyra Qendrore e Gjermanisë Perëndimore për hetimin e krimeve të luftës është deklaruar zyrtarisht se ai u vra gjatë betejës në Berlin. Mirëpo pas gërmimeve të kryera në varrin e tij, që gjendet në një varrezë të Berlinit perëndimor, sipas raportit patologjik rezultohet se tri skeletet e gjetura dhe kafka, nuk janë të tij.

“Der Stern” shkruan se Müller tash mban emrin Abedin Beqir Nakoshiri dhe se drejton seksionin e vendeve perëndimore, në shërbimin sekret shqiptar. Sipas njoftimit ish-shefi i Gestapo-s tash mban gradën kapiten i Sigurimit (shërbimi sekret shqiptar), por me kompetencat e një gjenerali.

Müller qe tash duhët të jetë 63 vjeç, dezertoi me 3 Maj 1945 dhe u dorëzua tek rusët, shkruhet ne artikullin e gazetarit Peter Stänle, në “Der Stern”.
...

http://kranten.kb.nl/view/article/id/ddd%3A010525955%3Ampeg21%3Ap003%3Aa0091

[DYDRINAS]

De Telegraaf

14-04-1978

Njëzet vjet në burg për antititizëm

Nga korrespondenti ynë në Vjenë,

Një gjykatë në Beograd, ka dënuar dje me 20 vjet burgim, liderin e levizjes antititiste Peroviç, për propagandë anti-jugosllave. Peroviç mundi të arratiset në Shqipëri, pas prishjes së marrëdhënieve të Titos me Stalinin dhe më pas u vendos në Bashkimin Sovjetik. Nga Kievi ai drejtoi për vite me rradhë një fushatë propagandistike të mbështetur nga Moska, kundër regjimit të Titos. Në korrik 1977 ai u rrëmbye në një hotel në Zvicër, nga shërbimi sekret jugosllav dhe u kthye në Jugosllavi.

http://kranten.kb.nl/view/article/id/ddd%3A011199222%3Ampeg21%3Ap009%3Aa0369

[DYDRINAS]

Telex

07-12-1944

Jugosllavi.

Nga një komunikatë e Titos, merret vesh se forcat shqiptare kanë pushtuar Shkodrën. Gjermanët janë dëbuar nga Shqipëria, në drejtim të Ostrovicës.

http://kranten.kb.nl/view/article/id/ddd%3A010441245%3Ampeg21%3Ap001%3Aa0003

[DYDRINAS]

'De Fluistervink'

29-11-1944

Jugosllavi

Jugosllavët kanë depërtuar me shpejtësi nëpërmjet Malit të Zi në Shqipëri. Gjenerali Tito dëshiron që trupat e tij të bashkohen me ato të shqiptarëve dhe pastaj ti sulmojnë gjermanët, të cilët gjënden ende në jug të vendit (nënkuptohet jugu i Jugosllavisë – shënimi im).


http://kranten.kb.nl/view/article/id/ddd%3A010423962%3Ampeg21%3Ap001%3Aa0005

[DYDRINAS]

Nederlands dagblad

22-02-1979

“Greqia duhet të jetë republikë ortodokse greke"

Follorinë (Reuters) - Mitropoliti i Follorinës (Greqi veriore) Augoustinos Kantiotis dëshiron që Greqia të jetë një “republikë ortodokse greke", që bazohet kryekëput në parimet fetare. Metropoliti që e quan veten “Khomeini i Greqisë” dëshëron që në këtë kuadër të merren masa të forta kundër
të krishterëve joortodoksë, kryesisht kundër grupeve protestante dhe komunitetit katolik grek në Greqi.

http://kranten.kb.nl/view/article/id/ddd%3A010572720%3Ampeg21%3Ap002%3Aa0038

[DYDRINAS]

Rotterdamsch nieuwsblad

10-06-1913

Ushtarët turq largohen nga Shqipëria.

Vjenë, 8 qershor. Greqia ka deklaruar se anijet e transportit të cilat do të mbartin trupat turke nga Shqipëria për në Turqi, mund të kalojnë nëpër ujërat e ishujve të Jonit.

http://kranten.kb.nl/view/article/id/ddd%3A010222479%3Ampeg21%3Ap015%3Aa0197

[DYDRINAS]

De locomotief : Samarangsch handels- en advertentie-blad

10-11-1877

...

Në pjesën perëndimore të Turqisë, përgjatë brigjeve të detit Jon, shtrihet toka e shqiptarëve. Kjo shtrirjen nis prej kufirit malazez në veri dhe mbërrin në jug, deri në Greqi, por tashmë në atë pjesë (jug – shënimi im) ata janë greqizuar dhe kjo ka bërë që të jetë thuajse e pamundur, që ti veçosh ata nga grekët, ndërsa ata që gjenden në verilindje janë shumë të perzier me serbët.
Ata e quajnë veten shqiptarë, por nga turqit ata quhen arnautë. Në bazë të besimit ata ndahen në: katolikë, grekë (ortodoksë – shënimi im) dhe muhamedanë, prej nga rrjedh dhe vështirësia shumë e madhe e percaktimit të etnografinë e tyre.
...

Para ardhjes së pushtimit turk, ardhacakët sllavë patën mundur që ti zhvendosnin shqiptarët dhe ata u gjenden në kushte shumë të evshtira për mbijetesë, mirëpo kur pushtuesi turk e theu rezistencën sllave, atëherë ndryshuan raportet dhe shqiptarët u bënë aleatë me ta kundër fiseve të forta sllave.
Këtë aleancë e forcoi edhe më tepër fakti se shqiptarët përqafuan besimin e pushtuesit dhe sipas rregullit të njohur cujus regio, ejus religio, çoi në përputhjen në interesat e tyre antisllave, të cilët mbetën në shumicë të krishterë. Gjithashtu dhe kundër grekëve, turqit krijuan aleancë me shqiptarët, duke i tërhequr ata në ushtrinë turke si aleatë të shquar.
...

Shqiptarët e treguan trimërinë e tyre edhe kundër turqve, duke fituar famë dhe lavdi, si gjatë betejave të tyre për liri gjatë shekullit të 15-të, me Skënderbeun (Gjergj Kastrioti), po ashtu dhe në shekullin tonë me Marko Boçarin dhe fiset shqiptar të suliotëve dhe hidriotëve. Më parë ishte menduar se këto fise ishin greke, nga gjuha që ata flisnin, mirëpo Fallmerayer ka provuar se banorët e ishullit Hidra janë shqiptarë.
Në tërësi, vendi dhe populli i Shqipërisë është pak i njohur, pasi vetë këto vitet e fundit është vizituar nga njerëzit e artit dhe të shkencës. Historiani Gibbon shkroi se rajon i Shqipërisë, ndonëse gjëndet përballë Italisë, është më pak i njohur në Evropë se sa zonat e brëndshme të Amerikës.
http://kranten.kb.nl/view/article/id/ddd%3A011023144%3Ampeg21%3Ap002%3Aa0003

[DYDRINAS]

De Tijd : godsdienstig-staatkundig dagblad

27-11-1953

Shqiptarët kêrkojnë azil në Greqi

Kapiteni i paralizuar nga marinarët

Dy marinarë shqiptarë, vëllezërit Nikolla, të cilët fundjavën e shkuar, pasi paralizuan kapitenin dhe rojet, kanë arritur që të zbarkojnë në Korfuz të Greqisë dhe të paraqesin kërkesë për azil. “Jeta në Shqipëri ishte e padurueshme” - u shprehen ata.
Ndërsa kapiteni, pas kthimit në gjendje normale, kërkoi të rikthehet në Shqipëri.


http://kranten.kb.nl/view/article/id/ddd%3A011202849%3Ampeg21%3Ap005%3Aa0140

[DYDRINAS]

Arnhemsche courant

18-08-1847

Athinë 1 Gusht

Kryengritja në Shqipëri ka shënuar përparime. Gjoleka ka thyer trupat turke të komanduara nga Ismail pasha, në Gjirokastër, ndersa pashai ka përzënë nga rradhët e ushtrisë një komandant shqiptar, si të dyshuar për bashkëpunim me kryengritësit. Ismail pasha është tërhequar në Shqipërinë e Epërme.
...


http://kranten.kb.nl/view/article/id/ddd%3A010209885%3Ampeg21%3Ap001%3Aa0002