OKB: 5 shtatori, Dite Nderkombetare per Nene Terezen

[Albo]

OKB: Nje Dite Nderkombetare per Nene Terezen

Organizata e Kombeve te Bashkuara, ka vendosur qe 5 shtatori, data e ndarjes nga jeta e Nene Terezes, te jete Dita Nderkombetare e Bamiresise. Rezoluta e miratuar nga OKB-ja dhe ka marre mbeshtetje maksimale, nga gjithe vendet anetare. Per kalimin e saj ne votim, kane lobuar 20 vende, duke perfshire dhe Shqiperine. Ne rezoluten e miratuar thuhet se me 5 shtator, te gjitha shtetet anetare te OKB-se, organizatat e Kombeve te Bashkuara, organizatat e tjera nderkombetare dhe rajonale, shoqeria civile, si dhe individet, te perkujtojne Diten Nderkombetare te Bamiresise. Vendimi i OKB-se, eshte vleresuar dje nga kryeministri Sali Berisha dhe Ministria jone e Jashtme.

Kryeministri Sali Berisha, e cilesoi vendimin e OKB-se, si nje vleresim i jashtezakonshem. Ai shprehet, se Nene Tereza eshte nje shqiptare e madhe, qe eshte shnderruar ne ikonen boterore te dashurise dhe perkushtimit njerezor. Gjate komentit te bere per kete vleresim ne "Facebook", Kryeministri ndan dhe emocione personale nga takimet, qe ka pasur me Nene Terezen. "Une dhe cdo shqiptar, jemi krenare per vajzen, gruan, nenen, qe kombi yne ia dha si dhuraten me te mire, njerezimit. Pata fatin ta pres e ta takoj shume here. Ne keto takime, nuk flitej kurre per politike, por vetem per te varfrit, te semuret dhe njerezit ne nevoje", shprehet Berisha. Kryeministri shton, se i vetmi rast kur eshte folur per politike gjate takimeve me Nene Terezen, ka qene ai i anetaresimit te Shqiperise, ne Keshillin e Evropes. "Ky rregull, "u thye" vetem nje here dhe jo nga une, por nga Nene Tereza. Nje dite korriku te vitit 1995, motrat e saj ne Tirane, me kerkojne qe te prisja ate dite, nga ora 15:00, Nene Terezen, e cila do te vinte direkt nga aeroporti ne zyren time. Natyrisht qe e prita me kenaqesi. Erdhi me perqafoi shume e gezuar dhe me habiti kur me tha, se vinte direkt nga Kalkuta, per te me uruar mua dhe te gjithe shqiptaret, per anetaresimin e Shqiperise ne KE. E pyeta nese mund ta beja publik kete urim dhe nese do te pranonte t'i jepja titullin "Nderi i Kombit". U gezova pa mase, kur ajo ra dakord per te dyja", shprehet kreu i qeverise ne adresen e tij, ne rrjetin social "Facebook". Ministria e Jashtme, e ka cilesuar shpalljen e dates 5 shtator, si Diten Nderkombetare te Bamiresise, per nder te shqiptares Nene Tereza, si nje vleresim te kontribut, qe ajo dha per luften ndaj varferise ne bote. "Me kete vendim, vendet anetare te OKB-se, duke njohur e vleresuar rolin e pazevendesueshem te akteve te bamiresise, ne zbutjen e krizave humanitare dhe vuajtjeve njerezore, i bejne nje homazh te merituar aktivitetit e trashegimise se Nene Terezes", thuhet ne deklaraten pershendetese te Ministrise se Jashtme, per kete vendim te OKB-se.

Burimi: Koha Jone

[MaDaBeR]

Ky eshte nje nder i madh qe i behet bamireses Nene Tereza! Dhe une jam krenar qe Nene Tereza ka qene nje Shqiptare me nje zemer kaq te madhe!

[Albo]

ORGANIZATA E KOMBEVE TË BASHKUARA NDERON NËNË TEREZEN

Nga Frank Shkreli

Më 1985 Nënë Tereza ishte ftuar të fliste para Asamblesë së Përgjithëshme të Kombeve të Bashkuara me rastin e 40-vjetorit të themelimit të kësaj organizate botërore. Sekretari i Përgjithëshëm i Kombeve të Bashkuara në atë kohë Perez de Cuellar, e paraqiti murgeshën shqiptare Nënë Terezën me këto fjalë: ''Këtu është një sallë fjalësh. Disa ditë më parë në këtë tribunë folën burrat më të fuqishëm të botës. Mirëpo, tani kemi privilegjin të kemi mes nesh gruan më të fuqishme në botë. Nuk besoj se është e nevojshme tua paraqesë atë. Ajo nuk ka nevojë për fjalë. Por Ajo ka nevojë për veprat tona. Mendoj se gjëja më e mirë që mund të bëjë unë është ta nderoj atë dhe tu them se ajo është më e madhe se unë, ajo është më e madhe se të gjithë ne së bashku. Ajo është Kombet e Bashkuara. Ajo është paqëja në botë.''

Sipas gj asës, duke përfillur fjalët e ish-Sekretarit të Përgjithëshëm Cuellar, se Nënë Tereza kishte nevojë për veprat dhe jo fjalët e OKB-së, të hënën pasdite më 17 Dhjetor, Asambleja e Kombeve të Bashkuara shpalli 5 shtatorin, dita kur ka ndërruar jetë e lumnuara Nënë Tereza, si Dita Ndërkombëtare e Bamirësisë. Shqipëria, nepërmjet ambasadorit të saj Z. Ferit Hoxha ishte një nga vendet kryesore sponsorizuese të kësaj rezolute dhe Misioni Shqiptar në Kombet e Bashkuara luajti një rol kyç në miratimin me konsensus të saj. ''Nëpërmjet një lobimi të fuqishëm, rezoluta arriti të marrë bashkë-sponsorizimin e më se 20 vendeve anëtare të Kombeve të Bashkuara”, thuhet në një deklaratë të Ministrisë së Punëve të Jashtëme të Republikës së Shqipërisë në lidhje me vendimin e organizatës botërore.

Në fjalën e tij me këtë rast, Ambasadori i Përheshëm i Republikës së Shqipërisë pranë Kombeve të Bashkuara, Z. Ferit Hoxha, pasi falenderoi Hungarinë për për punën që bëri gjatë konsultimeve për miratimin e kësaj rezolute, ndërkohë që theksoi rolin që luan dhe duhet të luaj Bamirësia në çdo shoqëri dhe në botë në përgjithësi, me krenari foli edhe për Nënë Terezën si simbolin e Bamirësisë në botë duke thënë:

''Duke zgjedhur datën 5 shtator, dita kur bota humbi Nënë Terezën, si Dita Ndërkombëtare e Bamirësisë, Asambleja e Përgjithëshme me këtë vendim ndihmon që ta bejë këtë ditë më domethënse për njerëzit anë e mbanë botës dhe në të njëjtën kohë i shërben më mirë objektivit të rëndësishëm për të njohur më mire dhe për të mbështetur veprat e Bamirësisë anë e mbanë botës.....Shqiptarët do të jenë përherë krenarë me Nënë Terezen, për veprën dhe trashëgiminë e saj, gjë që ne e konsiderojmë si dhuratën më të mirë që mund t'i kemi dhënë njerëzimit.''

Ambasadori shqiptar pranë Kombeve të Bashkuara, Z. Ferit Hoxha u tha delegatëve se ''Ne do të kujtojmë gjithmonë njërën prej thënjeve të saj, pasi këjo deklaratë nënvijon esencën ose thelbin e veprës së Nënë Terezës: ''Me gjak jam Shqiptare. Me shtetësi jam Indiane. Me besim jam murgeshë katolike. Si e tillë, i përkas të gjithë botës''.

Është ekzaktërisht këjo thirrje e Nënë Terezës, përfundoi ambasadori shqiptar pranë OKB-së, që do të festohet çdo vit me 5 shtator për të kujtuar rolin e pazëvendsueshëm të Bamirësisë në çdo shoqëri dhe në çdo vend të botës, ashtuqë të njihet edhe puna dhe kontributet, në këtë fushë, të të gjithë personave të ndryshëm dhe nga rajone të ndryshme anë e mbanë botës.

Ministria e Punëve të Jashtëme e Shqipërisë, nepërmjet një deklarate për mediat e ka përshëndetur këtë vendim, me të cilin, sipas saj, ''vendet anëtare të OKB-së, duke njohur e vlerësuar rolin e pazëvendësueshëm të akteve të bamirësisë në zbutjen e krizave humanitare dhe vuajtjeve njerëzore, i bëjnë një homazh të merituar aktivitetit e trashëgimisë së Nënë Terezës, e njohur ndërkombëtarisht dhe e vlerësuar botërisht për përkushtimin dhe punën e saj gjatë gjithë jetës në ndihmë të të sëmurëve, të varfërve e njerëzve në nevojë'', përfundon deklarata e Ministrisë Shqiptare të Punëve të Jashtëme.

Nuk ka emër më të madh as më të mirë se Nënë Tereza, siç tha edhe ambasadori shqiptar pranë OKB-së, Z. Ferit Hoxha – rreth të cilit të mobilizohen burimet botërore njerëzore dhe materiale, përfshirë edhe ato të OKB-së në përkrahje të rolit që luan Bamirësia, pasi sipas rezolutës, varfëria vazhdon të ekzistojë në të gjitha vendet e botës, pa marrë parasyshë situatat ekonomike, shoqërore dhe kulturore.

[Ziti]

Nene Tereza nuk u nda nga jeta ne 5 shtator por 27 gusht.
si pa kuptim ky lajm.
5 shtatori ndoshta mund te jete dita kur ajo u nis per ne Indi.