Maqedonia mund të hyjë në Bashkimin Evropian pas dhjetë vitesh, por a do të jetë shtet i maqedonasve apo i shqiptarëve në Maqedoni, deklaroi për agjencinë bullgare “Fokus”, historiani kontrovers bullgar Bozhidar Dimitrov, drejtor i Muzeut nacional historik në Bullgari.
“Këtë vit në Sozopol u takova me një shkupjane të njohur e cila punon si gjykatëse në Shkup. Ajo m’u ankua se këtë vit do të shkojë në pushim më herët, për shkak se duhet të shkojë në kurs të gjuhës shqipe për shkak se ashtu ka qenë marrëveshja. Kur i gjykohet një shqiptari në Maqedoni, gjykatësi duhet të dijë gjuhën shqipe edhe gjatë procesit gjyqësor të flas në atë gjuhë.
Ajo më tha ‘Më herët nuk donim të mësonim në gjuhën bullgare, ndërsa tani do të mësojmë shqip”. Në tërë rastin ka një tragjedi të tejdukshme për Maqedoninë. Për armik kryesor deri më tani Shkupi e konsideronte Bullgarinë e jo Greqinë e cila e pengon në rrugën e saj drejt BE-së. Dhe, përderisa luftojnë me Bullgarinë, shqiptarët ngadalë e ‘okupuan’ gjysmën e Maqedonisë”, ka deklaruar Dimitrov.
Sipas tij, kjo u dëshmua në manifestimin me rastin e 100 vjetorit të krijimit të shtetit shqiptar.
“Ky tubim duheshe të mbahej në Tiranë në të cilin do të mblidheshin shqiptarët nga të gjitha vendet në të cilat jetojnë shqiptarët. Por, megjithatë u tubuan në Shkup. Shqiptarë nga Shqipëria, Kosova dhe Maqedonia Veriperëndimore. Në territorin e Maqedonisë së pavarur u valëvitën mijëra flamuj shqiptarë”, ka thënë Dimitrov.\Shekulli
Përgjigju Duke Cituar
Postuar më parë nga Edvin83
Krijoni Kontakt