Pornogjenerata ose gjenerata e pedofilëve...

[AsgjëSikurDielli]

NË ZONËN REALE…


Dikush pështyu mbi këta fëmijë, I pagëzoi porno gjeneratë…është thyerje për mua vajzën e qytetit të madh por prap të vogël. Kjo I ngjante një thirrjeje tjetër të një mikut tim që çdo ditë diskutimin e parë pas përshëndetjes së zakonshme “ Si je?” e fillon me revulucionin seksual të këtyre të rinjëve që shkelin mbi tradicionalizëm vrullshëm pa dhënë shenja përgjithësie ose përmirësimi…Paj fundi I fundit është normale, do të shtoja unë, po të mos vinin pas kësaj edhe ca fyerje të gjeneratës tjetër, asaj, që iritohet me tërë këtë rebelim që siduket qenka I tepruar.

Me të dalë nga dera e shtëpisë sime pamja e këtij qyteti mbushet me vogëlushe 12-13 vjeçare të cilat janë të maskuara në „vajza të rritura“ . Grimi, bluzat e vogla të tejdukshme që zbulojnë gjinjtë e vegjel dhe këmbët e tyre të futura në këpucë me take hiper të mëdha...dhe diçka pas këtij ilustrimit tim të detajizuar më del nga dhëmbët-„ Ky vend sigurisht është parajsë për pedofile“.

Njëherë në një bisedë joformale e pyeta njërën nga këto vogëlushe se si ndjehet veshur-zhveshur, ajo pa hezituar më tha se i pëlqen të duket elegante...Elegante???!!!Do të humbja kohë po të koncentrohesha të ia sqaroja se ky është totalisht interpretim I gabuar i elegancës.
Duket ky te jete nje prezantim i gabueshëm i femrës së re, ose ndoshta presioni i kohërave të kaluara i shtyen pa vetëdije këta fëmijë të sillen si të rritur.
Mendoj se, është diçka në mes p.sh. te ketij trendi te ri aktual politik te planetës sonë, trend i quajtur Globalizim qe hyn në të gjitha poret e civilizimit, duke u nisur nga gjërat më të thjeshta rrobat, shtëpitë, deri tek ato të komplikuara si shtetet edhe së fundi vet njerëzit. Gati se vërehët edhe shuarja e individit dhe shëndrrimi i tij në masë.Është ky kapitalizëm apo komunizëm? Njerëzit së shpejti do të janë të uniformuar porsi një ushtri sepse Christian Dior p.sh ka futur këtë ide sezonën e verës...Ironike!. Njerëzimi e absorbon këtë jetë sepse përditshmëria e shpejtuar nuk e lejon të mendojë më thellë. I vetmi element i këtij sistemi që më duket atraktiv por që nuk aplikohet për çdo vend ( fatëkeqësisht) janë kufinjtë e lirë.
Gruaja natyrisht që në këtë proces është pjesëmarrëse dhe patjetër që i ka përfitimet e saja sepse është e involvuar në çdo hap por, ajo njëkohësisht edhe eksploatohet në forma të ndryshme dhe si rrjedhoje e kësaj në disa raste gjatë këtij transformimi ajo duket si dekor “elegant”.


Çfarë shihet nga “dritarja” e këyre të rinjëve?!

Asgjë!
Nëse ata duan të kalojnë kohë p.sh në roshulla apo duke luajtur futboll patjetër do të konsideroheshin si të papjekur dhe të paaftë për tu bashkangjitur në lojërat e të rrituve andaj kjo mënyrë e çuditshme e vlerësimit I bën të izolohen bashkë me dëshirat e tyre.
E këtu duhet të ndalemi, të mos harrojmë se shumica prej kësaj gjenerate e kanë barrën e ekzistencës në qafë…
“Para ca kohe shkova në bankë për të tërhequr pagën time dhe njeriu në sportel më pyeti nëse unë isha kryefamiljari. Më befasoj kjo shprehje…KRYEFAMILJARI Deri atëherë asnjëherë nuk kisha menduar për këtë, por... e vërtetë është. E dini, unë jam vetëm 20 vjeçar!”-kështu thotë Lumi(student).

Para ca kohe dëgjova një koment interesant në radio nga një gazetar I ri I cili ndër të tjera tha kështu ” Qytetit tim I mungon hareja, a e keni vërejtur që mungojnë edhe parqet për argëtim, por edhe sikur të ekzistonin a do të kishte fëmijë në to...Që nga fëmijëria unë personalisht shikoj lajmet bashkë me prindërit e mi dhe jetoj nën presionin e anktheve të tyre...“

Po, porno gjenerata për të cilën komentohet shumë, janë këta fëmijët e plakur të cilët na befasojnë me revolucionin seksual?...Etiketë pak e vrazhdë për fëmijë.
Këtu vjen edhe një pyetje ...A kemi prezantuar ndonjëherë fotografi tjetër më të hareshme...më normale?
Ndonjë tip konzervativ do të thoshte se të gjithë mendojmë individualisht…
por atëherë të ndalemi edhe këtu pak, mos të harrojmë se këtë valë në të cilën momentalisht notojmë ose mbytemi e kanë krijuar individët.


(Pershtypjet e nje personi mbi prostitucionin)

[Dita]

ASD,

e lexova kete shkrim dhe kisha dy pyetje ne lidhje me te.

- Per cilin qytet behet fjale?

- Pse ne fund te tij thuhet: (Reportazh per prostitucionin)?

[AsgjëSikurDielli]

Behet fjale per Prishtinen, dhe thuhet "Reportazh per prostitucionin" sepse eshte nje reportazh per prostitucionin qe behet ne Kosove.

[Dita]

Prita per pegjigjen tende qe te vazhdoja me tej me nje "koment" nga une.

Nuk e di ASD, ndoshta kam perfytyrim te gabuar mbi reportazhet, por kam pershtypjen se qe te marre nje titull te tille duhet te perfshije brenda tij fakte nga prostitucioni, statistika te mundshme, ngjarje te ndonje vajze te vecante, nje ngjarje qe ka bere buje, etj.
Cfare marr une si lexuese prej ketij artikulli eshte pershtypja e kesaj zonje/zonjushe mbi dukurine qe ve re ne rruget e Prishtines, pra vajza te vogla te veshura e te shnderruara ne te medha. ajo nuk ka perdorur per to fjalen prostituta, ndaj cuditem. edhe kur i afrohet njeres prej tyre dhe e pyet si ndihet e veshur ne ato rroba nuk e ben nje insinuate te tille.

Ndaj per mbylljen "Reportazh per prostitucionin" mbetem me pikepyetje.



Por ajo qe trajtohet, eshte nje dukuri e rende, qe e ve re jo vetem ne rruget e Prishtines. Pa shko njehere ne Tirane dhe te ikin trute e kokes. Me shume se gjithe femrat e tjera mbahen adoleshentet. Dhe t'i shohesh se ne dore te kujt bien. Tmerr!

Pikat qe ngre me konstatim shkruesja ne kete artikull i mbeshtes plotesisht. Ka raste kur konservatizmi ne nje shoqeri eshte i nevojshem per te mbrojtur bazat e saj. (Personalisht per mua eshte menyra me e sigurte me te cilen mund te mbahet nje shoqeri ne kembe, ose nje hapje graduale per te mos qene krejt jashte kohe). Por meqe njerezit duan te gezojne lirine personale nuk arrijne te mendojne ne nivel shoqerie dhe kjo do te coje ne degradim te metejshem. dhe kjo ka rendese edhe me te madhe, sepse njerezit nuk duan te ndergjegjesohen. Dhe per kete duhet ne radhe te pare puna e prinderve.


Tek pjesa me konstatimin "Ky vend eshte parajse per pedofilet" m'u kujtua nje emision ne televizion ku flitej per Tailanden si vendi ku lulezon ai qe quhet turizmi i mishit te gjalle, te pasur nga vende kryesisht te Evropes shkonin te kalonin dite qejfi me vjaza femije, 11-13 vjece. Ishte e tmerrshme.

[AsgjëSikurDielli]

E nderrova nga "Reportazh" ne "Pershtypje".

Te falemnderit Dite.

[topolina]

ASD e lexova me vemendje "reportazhin" ose me mire pershtypjen qe eshte dhene ne shkrimin qe ke paraqitur ne forum. Eshte me vertete per te ardhur keq , aq me teper kur e di qe kjo eshte nje gjendje reale per shume vajza te reja . Dhe ajo gjendje si tha me siper edhe Dita nuk eshte vetem ne Prishtine , por edhe ne shume qyetete te tjera te "zhvilluara" te Shqiperise.
-------------------
Ndonjë tip konzervativ do të thoshte se të gjithë mendojmë individualisht…
por atëherë të ndalemi edhe këtu pak, mos të harrojmë se këtë valë në të cilën momentalisht notojmë ose mbytemi e kanë krijuar individët.
------------
Desha te shtoja edhe pak mbi kete koment. Reportazhi e theksonte shume mire qe behej fjale per adoloshente 13-14 vjecare. Per mendimin tim ato nuk arrijne dot te " mendojne individualisht" edhe te analizojne gjerat si duhet. Ato jane vetem femije. Keshtu do te ishte shume me mire qe vet familja e ketyre vajzave te ishte pak konservatore dhe te mos u jepte ketyre adoleshenteve shume liri. Mbase fjala "konservator" nuk tingellon edhe aq mire tek ne ne keto dite , por per mendimin tim eshte me mire sesa te degjosh fjalen " pornogjenerate'' e cila nenkupton gjeneraten e adoleshenteve ose me mire " vogelusheve".

[Ryder]

Liria dhe ekseset e jetes perendimore po na mbesin ne fyt ne shqiptareve, qe tashme nuk quajme te shenjte asgje tjeter pervec Perendimit!